Shri Rama Charita Manasa - Lankakanda

ॐ

श्री राम चरित मानस - लङ्काकाण्ड

Rama Tulsidas Devanagari

श्री गणेशाय नमः

श्री जानकीवल्लभो विजयते

श्री रामचरितमानस

षष्ठ सोपान (लङ्काकाण्ड)

रामं कामारिसेव्यं भवभयहरणं कालमत्तेभसिंहं

योगीन्द्रं ज्ञानगम्यं गुणनिधिमजितं निर्गुणं निर्विकारम्।

मायातीतं सुरेशं खलवधनिरतं ब्रह्मवृन्दैकदेवं

वन्दे कन्दावदातं सरसिजनयनं देवमुर्वीशरूपम् ॥ 1 ॥

शङ्खेन्द्वाभमतीवसुन्दरतनुं शार्दूलचर्माम्बरं

कालव्यालकरालभूषणधरं गङ्गाशशाङ्कप्रियम्।

काशीशं कलिकल्मषौघशमनं कल्याणकल्पद्रुमं

नौमीड्यं गिरिजापतिं गुणनिधिं कन्दर्पहं शङ्करम् ॥ 2 ॥

यो ददाति सतां शम्भुः कैवल्यमपि दुर्लभम्।

खलानां दण्डकृद्योऽसौ शङ्करः शं तनोतु मे ॥ 3 ॥

दो. लव निमेष परमानु जुग बरष कलप सर चण्ड।

भजसि न मन तेहि राम को कालु जासु कोदण्ड ॥

सो. सिन्धु बचन सुनि राम सचिव बोलि प्रभु अस कहेउ।

अब बिलम्बु केहि काम करहु सेतु उतरै कटकु ॥

सुनहु भानुकुल केतु जामवन्त कर जोरि कह।

नाथ नाम तव सेतु नर चढ़इ भव सागर तरिहिम् ॥

यह लघु जलधि तरत कति बारा। अस सुनि पुनि कह पवनकुमारा ॥

प्रभु प्रताप बड़वानल भारी। सोषेउ प्रथम पयोनिधि बारी ॥

तब रिपु नारी रुदन जल धारा। भरेउ बहोरि भयु तेहिं खारा ॥

सुनि अति उकुति पवनसुत केरी। हरषे कपि रघुपति तन हेरी ॥

जामवन्त बोले दौ भाई। नल नीलहि सब कथा सुनाई ॥

राम प्रताप सुमिरि मन माहीं। करहु सेतु प्रयास कछु नाहीम् ॥

बोलि लिए कपि निकर बहोरी। सकल सुनहु बिनती कछु मोरी ॥

राम चरन पङ्कज उर धरहू। कौतुक एक भालु कपि करहू ॥

धावहु मर्कट बिकट बरूथा। आनहु बिटप गिरिन्ह के जूथा ॥

सुनि कपि भालु चले करि हूहा। जय रघुबीर प्रताप समूहा ॥

दो. अति उतङ्ग गिरि पादप लीलहिं लेहिं उठाइ।

आनि देहिं नल नीलहि रचहिं ते सेतु बनाइ ॥ 1 ॥

सैल बिसाल आनि कपि देहीं। कन्दुक इव नल नील ते लेहीम् ॥

देखि सेतु अति सुन्दर रचना। बिहसि कृपानिधि बोले बचना ॥

परम रम्य उत्तम यह धरनी। महिमा अमित जाइ नहिं बरनी ॥

करिहुँ इहाँ सम्भु थापना। मोरे हृदयँ परम कलपना ॥

सुनि कपीस बहु दूत पठाए। मुनिबर सकल बोलि लै आए ॥

लिङ्ग थापि बिधिवत करि पूजा। सिव समान प्रिय मोहि न दूजा ॥

सिव द्रोही मम भगत कहावा। सो नर सपनेहुँ मोहि न पावा ॥

सङ्कर बिमुख भगति चह मोरी। सो नारकी मूढ़ मति थोरी ॥

दो. सङ्कर प्रिय मम द्रोही सिव द्रोही मम दास।

ते नर करहि कलप भरि धोर नरक महुँ बास ॥ 2 ॥

जे रामेस्वर दरसनु करिहहिं। ते तनु तजि मम लोक सिधरिहहिम् ॥

जो गङ्गाजलु आनि चढ़आइहि। सो साजुज्य मुक्ति नर पाइहि ॥

होइ अकाम जो छल तजि सेइहि। भगति मोरि तेहि सङ्कर देइहि ॥

मम कृत सेतु जो दरसनु करिही। सो बिनु श्रम भवसागर तरिही ॥

राम बचन सब के जिय भाए। मुनिबर निज निज आश्रम आए ॥

गिरिजा रघुपति कै यह रीती। सन्तत करहिं प्रनत पर प्रीती ॥

बाँधा सेतु नील नल नागर। राम कृपाँ जसु भयु उजागर ॥

बूड़हिं आनहि बोरहिं जेई। भे उपल बोहित सम तेई ॥

महिमा यह न जलधि कि बरनी। पाहन गुन न कपिन्ह कि करनी ॥

दो0=श्री रघुबीर प्रताप ते सिन्धु तरे पाषान।

ते मतिमन्द जे राम तजि भजहिं जाइ प्रभु आन ॥ 3 ॥

बाँधि सेतु अति सुदृढ़ बनावा। देखि कृपानिधि के मन भावा ॥

चली सेन कछु बरनि न जाई। गर्जहिं मर्कट भट समुदाई ॥

सेतुबन्ध ढिग चढ़इ रघुराई। चितव कृपाल सिन्धु बहुताई ॥

देखन कहुँ प्रभु करुना कन्दा। प्रगट भे सब जलचर बृन्दा ॥

मकर नक्र नाना झष ब्याला। सत जोजन तन परम बिसाला ॥

ऐसेउ एक तिन्हहि जे खाहीं। एकन्ह कें डर तेपि डेराहीम् ॥

प्रभुहि बिलोकहिं टरहिं न टारे। मन हरषित सब भे सुखारे ॥

तिन्ह की ओट न देखिअ बारी। मगन भे हरि रूप निहारी ॥

चला कटकु प्रभु आयसु पाई। को कहि सक कपि दल बिपुलाई ॥

दो. सेतुबन्ध भि भीर अति कपि नभ पन्थ उड़आहिं।

अपर जलचरन्हि ऊपर चढ़इ चढ़इ पारहि जाहिम् ॥ 4 ॥

अस कौतुक बिलोकि द्वौ भाई। बिहँसि चले कृपाल रघुराई ॥

सेन सहित उतरे रघुबीरा। कहि न जाइ कपि जूथप भीरा ॥

सिन्धु पार प्रभु डेरा कीन्हा। सकल कपिन्ह कहुँ आयसु दीन्हा ॥

खाहु जाइ फल मूल सुहाए। सुनत भालु कपि जहँ तहँ धाए ॥

सब तरु फरे राम हित लागी। रितु अरु कुरितु काल गति त्यागी ॥

खाहिं मधुर फल बटप हलावहिं। लङ्का सन्मुख सिखर चलावहिम् ॥

जहँ कहुँ फिरत निसाचर पावहिं। घेरि सकल बहु नाच नचावहिम् ॥

दसनन्हि काटि नासिका काना। कहि प्रभु सुजसु देहिं तब जाना ॥

जिन्ह कर नासा कान निपाता। तिन्ह रावनहि कही सब बाता ॥

सुनत श्रवन बारिधि बन्धाना। दस मुख बोलि उठा अकुलाना ॥

दो. बान्ध्यो बननिधि नीरनिधि जलधि सिन्धु बारीस।

सत्य तोयनिधि कम्पति उदधि पयोधि नदीस ॥ 5 ॥

निज बिकलता बिचारि बहोरी। बिहँसि गयु ग्रह करि भय भोरी ॥

मन्दोदरीं सुन्यो प्रभु आयो। कौतुकहीं पाथोधि बँधायो ॥

कर गहि पतिहि भवन निज आनी। बोली परम मनोहर बानी ॥

चरन नाइ सिरु अञ्चलु रोपा। सुनहु बचन पिय परिहरि कोपा ॥

नाथ बयरु कीजे ताही सों। बुधि बल सकिअ जीति जाही सोम् ॥

तुम्हहि रघुपतिहि अन्तर कैसा। खलु खद्योत दिनकरहि जैसा ॥

अतिबल मधु कैटभ जेहिं मारे। महाबीर दितिसुत सङ्घारे ॥

जेहिं बलि बाँधि सहजभुज मारा। सोइ अवतरेउ हरन महि भारा ॥

तासु बिरोध न कीजिअ नाथा। काल करम जिव जाकें हाथा ॥

दो. रामहि सौपि जानकी नाइ कमल पद माथ।

सुत कहुँ राज समर्पि बन जाइ भजिअ रघुनाथ ॥ 6 ॥

नाथ दीनदयाल रघुराई। बाघु सनमुख गेँ न खाई ॥

चाहिअ करन सो सब करि बीते। तुम्ह सुर असुर चराचर जीते ॥

सन्त कहहिं असि नीति दसानन। चौथेम्पन जाइहि नृप कानन ॥

तासु भजन कीजिअ तहँ भर्ता। जो कर्ता पालक संहर्ता ॥

सोइ रघुवीर प्रनत अनुरागी। भजहु नाथ ममता सब त्यागी ॥

मुनिबर जतनु करहिं जेहि लागी। भूप राजु तजि होहिं बिरागी ॥

सोइ कोसलधीस रघुराया। आयु करन तोहि पर दाया ॥

जौं पिय मानहु मोर सिखावन। सुजसु होइ तिहुँ पुर अति पावन ॥

दो. अस कहि नयन नीर भरि गहि पद कम्पित गात।

नाथ भजहु रघुनाथहि अचल होइ अहिवात ॥ 7 ॥

तब रावन मयसुता उठाई। कहै लाग खल निज प्रभुताई ॥

सुनु तै प्रिया बृथा भय माना। जग जोधा को मोहि समाना ॥

बरुन कुबेर पवन जम काला। भुज बल जितेउँ सकल दिगपाला ॥

देव दनुज नर सब बस मोरें। कवन हेतु उपजा भय तोरेम् ॥

नाना बिधि तेहि कहेसि बुझाई। सभाँ बहोरि बैठ सो जाई ॥

मन्दोदरीं हृदयँ अस जाना। काल बस्य उपजा अभिमाना ॥

सभाँ आइ मन्त्रिन्ह तेंहि बूझा। करब कवन बिधि रिपु सैं जूझा ॥

कहहिं सचिव सुनु निसिचर नाहा। बार बार प्रभु पूछहु काहा ॥

कहहु कवन भय करिअ बिचारा। नर कपि भालु अहार हमारा ॥

दो. सब के बचन श्रवन सुनि कह प्रहस्त कर जोरि।

निति बिरोध न करिअ प्रभु मत्रिन्न्ह मति अति थोरि ॥ 8 ॥

कहहिं सचिव सठ ठकुरसोहाती। नाथ न पूर आव एहि भाँती ॥

बारिधि नाघि एक कपि आवा। तासु चरित मन महुँ सबु गावा ॥

छुधा न रही तुम्हहि तब काहू। जारत नगरु कस न धरि खाहू ॥

सुनत नीक आगें दुख पावा। सचिवन अस मत प्रभुहि सुनावा ॥

जेहिं बारीस बँधायु हेला। उतरेउ सेन समेत सुबेला ॥

सो भनु मनुज खाब हम भाई। बचन कहहिं सब गाल फुलाई ॥

तात बचन मम सुनु अति आदर। जनि मन गुनहु मोहि करि कादर ॥

प्रिय बानी जे सुनहिं जे कहहीं। ऐसे नर निकाय जग अहहीम् ॥

बचन परम हित सुनत कठोरे। सुनहिं जे कहहिं ते नर प्रभु थोरे ॥

प्रथम बसीठ पठु सुनु नीती। सीता देइ करहु पुनि प्रीती ॥

दो. नारि पाइ फिरि जाहिं जौं तौ न बढ़आइअ रारि।

नाहिं त सन्मुख समर महि तात करिअ हठि मारि ॥ 9 ॥

यह मत जौं मानहु प्रभु मोरा। उभय प्रकार सुजसु जग तोरा ॥

सुत सन कह दसकण्ठ रिसाई। असि मति सठ केहिं तोहि सिखाई ॥

अबहीं ते उर संसय होई। बेनुमूल सुत भयहु घमोई ॥

सुनि पितु गिरा परुष अति घोरा। चला भवन कहि बचन कठोरा ॥

हित मत तोहि न लागत कैसें। काल बिबस कहुँ भेषज जैसेम् ॥

सन्ध्या समय जानि दससीसा। भवन चलेउ निरखत भुज बीसा ॥

लङ्का सिखर उपर आगारा। अति बिचित्र तहँ होइ अखारा ॥

बैठ जाइ तेही मन्दिर रावन। लागे किन्नर गुन गन गावन ॥

बाजहिं ताल पखाउज बीना। नृत्य करहिं अपछरा प्रबीना ॥

दो. सुनासीर सत सरिस सो सन्तत करि बिलास।

परम प्रबल रिपु सीस पर तद्यपि सोच न त्रास ॥ 10 ॥

इहाँ सुबेल सैल रघुबीरा। उतरे सेन सहित अति भीरा ॥

सिखर एक उतङ्ग अति देखी। परम रम्य सम सुभ्र बिसेषी ॥

तहँ तरु किसलय सुमन सुहाए। लछिमन रचि निज हाथ डसाए ॥

ता पर रूचिर मृदुल मृगछाला। तेहीं आसान आसीन कृपाला ॥

प्रभु कृत सीस कपीस उछङ्गा। बाम दहिन दिसि चाप निषङ्गा ॥

दुहुँ कर कमल सुधारत बाना। कह लङ्केस मन्त्र लगि काना ॥

बड़भागी अङ्गद हनुमाना। चरन कमल चापत बिधि नाना ॥

प्रभु पाछें लछिमन बीरासन। कटि निषङ्ग कर बान सरासन ॥

दो. एहि बिधि कृपा रूप गुन धाम रामु आसीन।

धन्य ते नर एहिं ध्यान जे रहत सदा लयलीन ॥ 11(क) ॥

पूरब दिसा बिलोकि प्रभु देखा उदित मंयक।

कहत सबहि देखहु ससिहि मृगपति सरिस असङ्क ॥ 11(ख) ॥

पूरब दिसि गिरिगुहा निवासी। परम प्रताप तेज बल रासी ॥

मत्त नाग तम कुम्भ बिदारी। ससि केसरी गगन बन चारी ॥

बिथुरे नभ मुकुताहल तारा। निसि सुन्दरी केर सिङ्गारा ॥

कह प्रभु ससि महुँ मेचकताई। कहहु काह निज निज मति भाई ॥

कह सुग़ईव सुनहु रघुराई। ससि महुँ प्रगट भूमि कै झाँई ॥

मारेउ राहु ससिहि कह कोई। उर महँ परी स्यामता सोई ॥

कौ कह जब बिधि रति मुख कीन्हा। सार भाग ससि कर हरि लीन्हा ॥

छिद्र सो प्रगट इन्दु उर माहीं। तेहि मग देखिअ नभ परिछाहीम् ॥

प्रभु कह गरल बन्धु ससि केरा। अति प्रिय निज उर दीन्ह बसेरा ॥

बिष सञ्जुत कर निकर पसारी। जारत बिरहवन्त नर नारी ॥

दो. कह हनुमन्त सुनहु प्रभु ससि तुम्हारा प्रिय दास।

तव मूरति बिधु उर बसति सोइ स्यामता अभास ॥ 12(क) ॥

नवान्हपारायण ॥ सातवाँ विश्राम

पवन तनय के बचन सुनि बिहँसे रामु सुजान।

दच्छिन दिसि अवलोकि प्रभु बोले कृपा निधान ॥ 12(ख) ॥

देखु बिभीषन दच्छिन आसा। घन घम्मड दामिनि बिलासा ॥

मधुर मधुर गरजि घन घोरा। होइ बृष्टि जनि उपल कठोरा ॥

कहत बिभीषन सुनहु कृपाला। होइ न तड़इत न बारिद माला ॥

लङ्का सिखर उपर आगारा। तहँ दसकङ्घर देख अखारा ॥

छत्र मेघडम्बर सिर धारी। सोइ जनु जलद घटा अति कारी ॥

मन्दोदरी श्रवन ताटङ्का। सोइ प्रभु जनु दामिनी दमङ्का ॥

बाजहिं ताल मृदङ्ग अनूपा। सोइ रव मधुर सुनहु सुरभूपा ॥

प्रभु मुसुकान समुझि अभिमाना। चाप चढ़आइ बान सन्धाना ॥

दो. छत्र मुकुट ताटङ्क तब हते एकहीं बान।

सबकें देखत महि परे मरमु न कोऊ जान ॥ 13(क) ॥

अस कौतुक करि राम सर प्रबिसेउ आइ निषङ्ग।

रावन सभा ससङ्क सब देखि महा रसभङ्ग ॥ 13(ख) ॥

कम्प न भूमि न मरुत बिसेषा। अस्त्र सस्त्र कछु नयन न देखा ॥

सोचहिं सब निज हृदय मझारी। असगुन भयु भयङ्कर भारी ॥

दसमुख देखि सभा भय पाई। बिहसि बचन कह जुगुति बनाई ॥

सिरु गिरे सन्तत सुभ जाही। मुकुट परे कस असगुन ताही ॥

सयन करहु निज निज गृह जाई। गवने भवन सकल सिर नाई ॥

मन्दोदरी सोच उर बसेऊ। जब ते श्रवनपूर महि खसेऊ ॥

सजल नयन कह जुग कर जोरी। सुनहु प्रानपति बिनती मोरी ॥

कन्त राम बिरोध परिहरहू। जानि मनुज जनि हठ मन धरहू ॥

दो. बिस्वरुप रघुबंस मनि करहु बचन बिस्वासु।

लोक कल्पना बेद कर अङ्ग अङ्ग प्रति जासु ॥ 14 ॥

पद पाताल सीस अज धामा। अपर लोक अँग अँग बिश्रामा ॥

भृकुटि बिलास भयङ्कर काला। नयन दिवाकर कच घन माला ॥

जासु घ्रान अस्विनीकुमारा। निसि अरु दिवस निमेष अपारा ॥

श्रवन दिसा दस बेद बखानी। मारुत स्वास निगम निज बानी ॥

अधर लोभ जम दसन कराला। माया हास बाहु दिगपाला ॥

आनन अनल अम्बुपति जीहा। उतपति पालन प्रलय समीहा ॥

रोम राजि अष्टादस भारा। अस्थि सैल सरिता नस जारा ॥

उदर उदधि अधगो जातना। जगमय प्रभु का बहु कलपना ॥

दो. अहङ्कार सिव बुद्धि अज मन ससि चित्त महान।

मनुज बास सचराचर रुप राम भगवान ॥ 15 क ॥

अस बिचारि सुनु प्रानपति प्रभु सन बयरु बिहाइ।

प्रीति करहु रघुबीर पद मम अहिवात न जाइ ॥ 15 ख ॥

बिहँसा नारि बचन सुनि काना। अहो मोह महिमा बलवाना ॥

नारि सुभाउ सत्य सब कहहीं। अवगुन आठ सदा उर रहहीम् ॥

साहस अनृत चपलता माया। भय अबिबेक असौच अदाया ॥

रिपु कर रुप सकल तैं गावा। अति बिसाल भय मोहि सुनावा ॥

सो सब प्रिया सहज बस मोरें। समुझि परा प्रसाद अब तोरेम् ॥

जानिउँ प्रिया तोरि चतुराई। एहि बिधि कहहु मोरि प्रभुताई ॥

तव बतकही गूढ़ मृगलोचनि। समुझत सुखद सुनत भय मोचनि ॥

मन्दोदरि मन महुँ अस ठयू। पियहि काल बस मतिभ्रम भयू ॥

दो. एहि बिधि करत बिनोद बहु प्रात प्रगट दसकन्ध।

सहज असङ्क लङ्कपति सभाँ गयु मद अन्ध ॥ 16(क) ॥

सो. फूलह फरि न बेत जदपि सुधा बरषहिं जलद।

मूरुख हृदयँ न चेत जौं गुर मिलहिं बिरञ्चि सम ॥ 16(ख) ॥

इहाँ प्रात जागे रघुराई। पूछा मत सब सचिव बोलाई ॥

कहहु बेगि का करिअ उपाई। जामवन्त कह पद सिरु नाई ॥

सुनु सर्बग्य सकल उर बासी। बुधि बल तेज धर्म गुन रासी ॥

मन्त्र कहुँ निज मति अनुसारा। दूत पठाइअ बालिकुमारा ॥

नीक मन्त्र सब के मन माना। अङ्गद सन कह कृपानिधाना ॥

बालितनय बुधि बल गुन धामा। लङ्का जाहु तात मम कामा ॥

बहुत बुझाइ तुम्हहि का कहूँ। परम चतुर मैं जानत अहूँ ॥

काजु हमार तासु हित होई। रिपु सन करेहु बतकही सोई ॥

सो. प्रभु अग्या धरि सीस चरन बन्दि अङ्गद उठेउ।

सोइ गुन सागर ईस राम कृपा जा पर करहु ॥ 17(क) ॥

स्वयं सिद्ध सब काज नाथ मोहि आदरु दियु।

अस बिचारि जुबराज तन पुलकित हरषित हियु ॥ 17(ख) ॥

बन्दि चरन उर धरि प्रभुताई। अङ्गद चलेउ सबहि सिरु नाई ॥

प्रभु प्रताप उर सहज असङ्का। रन बाँकुरा बालिसुत बङ्का ॥

पुर पैठत रावन कर बेटा। खेलत रहा सो होइ गै भैण्टा ॥

बातहिं बात करष बढ़इ आई। जुगल अतुल बल पुनि तरुनाई ॥

तेहि अङ्गद कहुँ लात उठाई। गहि पद पटकेउ भूमि भवाँई ॥

निसिचर निकर देखि भट भारी। जहँ तहँ चले न सकहिं पुकारी ॥

एक एक सन मरमु न कहहीं। समुझि तासु बध चुप करि रहहीम् ॥

भयु कोलाहल नगर मझारी। आवा कपि लङ्का जेहीं जारी ॥

अब धौं कहा करिहि करतारा। अति सभीत सब करहिं बिचारा ॥

बिनु पूछें मगु देहिं दिखाई। जेहि बिलोक सोइ जाइ सुखाई ॥

दो. गयु सभा दरबार तब सुमिरि राम पद कञ्ज।

सिंह ठवनि इत उत चितव धीर बीर बल पुञ्ज ॥ 18 ॥

तुरत निसाचर एक पठावा। समाचार रावनहि जनावा ॥

सुनत बिहँसि बोला दससीसा। आनहु बोलि कहाँ कर कीसा ॥

आयसु पाइ दूत बहु धाए। कपिकुञ्जरहि बोलि लै आए ॥

अङ्गद दीख दसानन बैंसें। सहित प्रान कज्जलगिरि जैसेम् ॥

भुजा बिटप सिर सृङ्ग समाना। रोमावली लता जनु नाना ॥

मुख नासिका नयन अरु काना। गिरि कन्दरा खोह अनुमाना ॥

गयु सभाँ मन नेकु न मुरा। बालितनय अतिबल बाँकुरा ॥

उठे सभासद कपि कहुँ देखी। रावन उर भा क्रौध बिसेषी ॥

दो. जथा मत्त गज जूथ महुँ पञ्चानन चलि जाइ।

राम प्रताप सुमिरि मन बैठ सभाँ सिरु नाइ ॥ 19 ॥

कह दसकण्ठ कवन तैं बन्दर। मैं रघुबीर दूत दसकन्धर ॥

मम जनकहि तोहि रही मिताई। तव हित कारन आयुँ भाई ॥

उत्तम कुल पुलस्ति कर नाती। सिव बिरञ्चि पूजेहु बहु भाँती ॥

बर पायहु कीन्हेहु सब काजा। जीतेहु लोकपाल सब राजा ॥

नृप अभिमान मोह बस किम्बा। हरि आनिहु सीता जगदम्बा ॥

अब सुभ कहा सुनहु तुम्ह मोरा। सब अपराध छमिहि प्रभु तोरा ॥

दसन गहहु तृन कण्ठ कुठारी। परिजन सहित सङ्ग निज नारी ॥

सादर जनकसुता करि आगें। एहि बिधि चलहु सकल भय त्यागेम् ॥

दो. प्रनतपाल रघुबंसमनि त्राहि त्राहि अब मोहि।

आरत गिरा सुनत प्रभु अभय करैगो तोहि ॥ 20 ॥

रे कपिपोत बोलु सम्भारी। मूढ़ न जानेहि मोहि सुरारी ॥

कहु निज नाम जनक कर भाई। केहि नातें मानिऐ मिताई ॥

अङ्गद नाम बालि कर बेटा। तासों कबहुँ भी ही भेटा ॥

अङ्गद बचन सुनत सकुचाना। रहा बालि बानर मैं जाना ॥

अङ्गद तहीं बालि कर बालक। उपजेहु बंस अनल कुल घालक ॥

गर्भ न गयहु ब्यर्थ तुम्ह जायहु। निज मुख तापस दूत कहायहु ॥

अब कहु कुसल बालि कहँ अही। बिहँसि बचन तब अङ्गद कही ॥

दिन दस गेँ बालि पहिं जाई। बूझेहु कुसल सखा उर लाई ॥

राम बिरोध कुसल जसि होई। सो सब तोहि सुनाइहि सोई ॥

सुनु सठ भेद होइ मन ताकें। श्रीरघुबीर हृदय नहिं जाकेम् ॥

दो. हम कुल घालक सत्य तुम्ह कुल पालक दससीस।

अन्धु बधिर न अस कहहिं नयन कान तव बीस ॥ 21।

सिव बिरञ्चि सुर मुनि समुदाई। चाहत जासु चरन सेवकाई ॥

तासु दूत होइ हम कुल बोरा। ऐसिहुँ मति उर बिहर न तोरा ॥

सुनि कठोर बानी कपि केरी। कहत दसानन नयन तरेरी ॥

खल तव कठिन बचन सब सहूँ। नीति धर्म मैं जानत अहूँ ॥

कह कपि धर्मसीलता तोरी। हमहुँ सुनी कृत पर त्रिय चोरी ॥

देखी नयन दूत रखवारी। बूड़इ न मरहु धर्म ब्रतधारी ॥

कान नाक बिनु भगिनि निहारी। छमा कीन्हि तुम्ह धर्म बिचारी ॥

धर्मसीलता तव जग जागी। पावा दरसु हमहुँ बड़भागी ॥

दो. जनि जल्पसि जड़ जन्तु कपि सठ बिलोकु मम बाहु।

लोकपाल बल बिपुल ससि ग्रसन हेतु सब राहु ॥ 22(क) ॥

पुनि नभ सर मम कर निकर कमलन्हि पर करि बास।

सोभत भयु मराल इव सम्भु सहित कैलास ॥ 22(ख) ॥

तुम्हरे कटक माझ सुनु अङ्गद। मो सन भिरिहि कवन जोधा बद ॥

तव प्रभु नारि बिरहँ बलहीना। अनुज तासु दुख दुखी मलीना ॥

तुम्ह सुग्रीव कूलद्रुम दोऊ। अनुज हमार भीरु अति सोऊ ॥

जामवन्त मन्त्री अति बूढ़आ। सो कि होइ अब समरारूढ़आ ॥

सिल्पि कर्म जानहिं नल नीला। है कपि एक महा बलसीला ॥

आवा प्रथम नगरु जेंहिं जारा। सुनत बचन कह बालिकुमारा ॥

सत्य बचन कहु निसिचर नाहा। साँचेहुँ कीस कीन्ह पुर दाहा ॥

रावन नगर अल्प कपि दही। सुनि अस बचन सत्य को कही ॥

जो अति सुभट सराहेहु रावन। सो सुग्रीव केर लघु धावन ॥

चलि बहुत सो बीर न होई। पठवा खबरि लेन हम सोई ॥

दो. सत्य नगरु कपि जारेउ बिनु प्रभु आयसु पाइ।

फिरि न गयु सुग्रीव पहिं तेहिं भय रहा लुकाइ ॥ 23(क) ॥

सत्य कहहि दसकण्ठ सब मोहि न सुनि कछु कोह।

कौ न हमारें कटक अस तो सन लरत जो सोह ॥ 23(ख) ॥

प्रीति बिरोध समान सन करिअ नीति असि आहि।

जौं मृगपति बध मेड़उकन्हि भल कि कहि कौ ताहि ॥ 23(ग) ॥

जद्यपि लघुता राम कहुँ तोहि बधें बड़ दोष।

तदपि कठिन दसकण्ठ सुनु छत्र जाति कर रोष ॥ 23(घ) ॥

बक्र उक्ति धनु बचन सर हृदय दहेउ रिपु कीस।

प्रतिउत्तर सड़सिन्ह मनहुँ काढ़त भट दससीस ॥ 23(ङ) ॥

हँसि बोलेउ दसमौलि तब कपि कर बड़ गुन एक।

जो प्रतिपालि तासु हित करि उपाय अनेक ॥ 23(छ) ॥

धन्य कीस जो निज प्रभु काजा। जहँ तहँ नाचि परिहरि लाजा ॥

नाचि कूदि करि लोग रिझाई। पति हित करि धर्म निपुनाई ॥

अङ्गद स्वामिभक्त तव जाती। प्रभु गुन कस न कहसि एहि भाँती ॥

मैं गुन गाहक परम सुजाना। तव कटु रटनि करुँ नहिं काना ॥

कह कपि तव गुन गाहकताई। सत्य पवनसुत मोहि सुनाई ॥

बन बिधंसि सुत बधि पुर जारा। तदपि न तेहिं कछु कृत अपकारा ॥

सोइ बिचारि तव प्रकृति सुहाई। दसकन्धर मैं कीन्हि ढिठाई ॥

देखेउँ आइ जो कछु कपि भाषा। तुम्हरें लाज न रोष न माखा ॥

जौं असि मति पितु खाए कीसा। कहि अस बचन हँसा दससीसा ॥

पितहि खाइ खातेउँ पुनि तोही। अबहीं समुझि परा कछु मोही ॥

बालि बिमल जस भाजन जानी। हतुँ न तोहि अधम अभिमानी ॥

कहु रावन रावन जग केते। मैं निज श्रवन सुने सुनु जेते ॥

बलिहि जितन एक गयु पताला। राखेउ बाँधि सिसुन्ह हयसाला ॥

खेलहिं बालक मारहिं जाई। दया लागि बलि दीन्ह छोड़आई ॥

एक बहोरि सहसभुज देखा। धाइ धरा जिमि जन्तु बिसेषा ॥

कौतुक लागि भवन लै आवा। सो पुलस्ति मुनि जाइ छोड़आवा ॥

दो. एक कहत मोहि सकुच अति रहा बालि की काँख।

इन्ह महुँ रावन तैं कवन सत्य बदहि तजि माख ॥ 24 ॥

सुनु सठ सोइ रावन बलसीला। हरगिरि जान जासु भुज लीला ॥

जान उमापति जासु सुराई। पूजेउँ जेहि सिर सुमन चढ़आई ॥

सिर सरोज निज करन्हि उतारी। पूजेउँ अमित बार त्रिपुरारी ॥

भुज बिक्रम जानहिं दिगपाला। सठ अजहूँ जिन्ह कें उर साला ॥

जानहिं दिग्गज उर कठिनाई। जब जब भिरुँ जाइ बरिआई ॥

जिन्ह के दसन कराल न फूटे। उर लागत मूलक इव टूटे ॥

जासु चलत डोलति इमि धरनी। चढ़त मत्त गज जिमि लघु तरनी ॥

सोइ रावन जग बिदित प्रतापी। सुनेहि न श्रवन अलीक प्रलापी ॥

दो. तेहि रावन कहँ लघु कहसि नर कर करसि बखान।

रे कपि बर्बर खर्ब खल अब जाना तव ग्यान ॥ 25 ॥

सुनि अङ्गद सकोप कह बानी। बोलु सँभारि अधम अभिमानी ॥

सहसबाहु भुज गहन अपारा। दहन अनल सम जासु कुठारा ॥

जासु परसु सागर खर धारा। बूड़ए नृप अगनित बहु बारा ॥

तासु गर्ब जेहि देखत भागा। सो नर क्यों दससीस अभागा ॥

राम मनुज कस रे सठ बङ्गा। धन्वी कामु नदी पुनि गङ्गा ॥

पसु सुरधेनु कल्पतरु रूखा। अन्न दान अरु रस पीयूषा ॥

बैनतेय खग अहि सहसानन। चिन्तामनि पुनि उपल दसानन ॥

सुनु मतिमन्द लोक बैकुण्ठा। लाभ कि रघुपति भगति अकुण्ठा ॥

दो. सेन सहित तब मान मथि बन उजारि पुर जारि ॥

कस रे सठ हनुमान कपि गयु जो तव सुत मारि ॥ 26 ॥

सुनु रावन परिहरि चतुराई। भजसि न कृपासिन्धु रघुराई ॥

जौ खल भेसि राम कर द्रोही। ब्रह्म रुद्र सक राखि न तोही ॥

मूढ़ बृथा जनि मारसि गाला। राम बयर अस होइहि हाला ॥

तव सिर निकर कपिन्ह के आगें। परिहहिं धरनि राम सर लागेम् ॥

ते तव सिर कन्दुक सम नाना। खेलहहिं भालु कीस चौगाना ॥

जबहिं समर कोपहि रघुनायक। छुटिहहिं अति कराल बहु सायक ॥

तब कि चलिहि अस गाल तुम्हारा। अस बिचारि भजु राम उदारा ॥

सुनत बचन रावन परजरा। जरत महानल जनु घृत परा ॥

दो. कुम्भकरन अस बन्धु मम सुत प्रसिद्ध सक्रारि।

मोर पराक्रम नहिं सुनेहि जितेउँ चराचर झारि ॥ 27 ॥

सठ साखामृग जोरि सहाई। बाँधा सिन्धु इहि प्रभुताई ॥

नाघहिं खग अनेक बारीसा। सूर न होहिं ते सुनु सब कीसा ॥

मम भुज सागर बल जल पूरा। जहँ बूड़ए बहु सुर नर सूरा ॥

बीस पयोधि अगाध अपारा। को अस बीर जो पाइहि पारा ॥

दिगपालन्ह मैं नीर भरावा। भूप सुजस खल मोहि सुनावा ॥

जौं पै समर सुभट तव नाथा। पुनि पुनि कहसि जासु गुन गाथा ॥

तौ बसीठ पठवत केहि काजा। रिपु सन प्रीति करत नहिं लाजा ॥

हरगिरि मथन निरखु मम बाहू। पुनि सठ कपि निज प्रभुहि सराहू ॥

दो. सूर कवन रावन सरिस स्वकर काटि जेहिं सीस।

हुने अनल अति हरष बहु बार साखि गौरीस ॥ 28 ॥

जरत बिलोकेउँ जबहिं कपाला। बिधि के लिखे अङ्क निज भाला ॥

नर कें कर आपन बध बाँची। हसेउँ जानि बिधि गिरा असाँची ॥

सौ मन समुझि त्रास नहिं मोरें। लिखा बिरञ्चि जरठ मति भोरेम् ॥

आन बीर बल सठ मम आगें। पुनि पुनि कहसि लाज पति त्यागे ॥

कह अङ्गद सलज्ज जग माहीं। रावन तोहि समान कौ नाहीम् ॥

लाजवन्त तव सहज सुभ्AU। निज मुख निज गुन कहसि न क्AU ॥

सिर अरु सैल कथा चित रही। ताते बार बीस तैं कही ॥

सो भुजबल राखेउ उर घाली। जीतेहु सहसबाहु बलि बाली ॥

सुनु मतिमन्द देहि अब पूरा। काटें सीस कि होइअ सूरा ॥

इन्द्रजालि कहु कहिअ न बीरा। काटि निज कर सकल सरीरा ॥

दो. जरहिं पतङ्ग मोह बस भार बहहिं खर बृन्द।

ते नहिं सूर कहावहिं समुझि देखु मतिमन्द ॥ 29 ॥

अब जनि बतबढ़आव खल करही। सुनु मम बचन मान परिहरही ॥

दसमुख मैं न बसीठीं आयुँ। अस बिचारि रघुबीष पठायुँ ॥

बार बार अस कहि कृपाला। नहिं गजारि जसु बधें सृकाला ॥

मन महुँ समुझि बचन प्रभु केरे। सहेउँ कठोर बचन सठ तेरे ॥

नाहिं त करि मुख भञ्जन तोरा। लै जातेउँ सीतहि बरजोरा ॥

जानेउँ तव बल अधम सुरारी। सूनें हरि आनिहि परनारी ॥

तैं निसिचर पति गर्ब बहूता। मैं रघुपति सेवक कर दूता ॥

जौं न राम अपमानहि डरुँ। तोहि देखत अस कौतुक करूँ ॥

दो. तोहि पटकि महि सेन हति चौपट करि तव गाउँ।

तव जुबतिन्ह समेत सठ जनकसुतहि लै जाउँ ॥ 30 ॥

जौ अस करौं तदपि न बड़आई। मुएहि बधें नहिं कछु मनुसाई ॥

कौल कामबस कृपिन बिमूढ़आ। अति दरिद्र अजसी अति बूढ़आ ॥

सदा रोगबस सन्तत क्रोधी। बिष्नु बिमूख श्रुति सन्त बिरोधी ॥

तनु पोषक निन्दक अघ खानी। जीवन सव सम चौदह प्रानी ॥

अस बिचारि खल बधुँ न तोही। अब जनि रिस उपजावसि मोही ॥

सुनि सकोप कह निसिचर नाथा। अधर दसन दसि मीजत हाथा ॥

रे कपि अधम मरन अब चहसी। छोटे बदन बात बड़इ कहसी ॥

कटु जल्पसि जड़ कपि बल जाकें। बल प्रताप बुधि तेज न ताकेम् ॥

दो. अगुन अमान जानि तेहि दीन्ह पिता बनबास।

सो दुख अरु जुबती बिरह पुनि निसि दिन मम त्रास ॥ 31(क) ॥

जिन्ह के बल कर गर्ब तोहि ऐसे मनुज अनेक।

खाहीं निसाचर दिवस निसि मूढ़ समुझु तजि टेक ॥ 31(ख) ॥

जब तेहिं कीन्ह राम कै निन्दा। क्रोधवन्त अति भयु कपिन्दा ॥

हरि हर निन्दा सुनि जो काना। होइ पाप गोघात समाना ॥

कटकटान कपिकुञ्जर भारी। दुहु भुजदण्ड तमकि महि मारी ॥

डोलत धरनि सभासद खसे। चले भाजि भय मारुत ग्रसे ॥

गिरत सँभारि उठा दसकन्धर। भूतल परे मुकुट अति सुन्दर ॥

कछु तेहिं लै निज सिरन्हि सँवारे। कछु अङ्गद प्रभु पास पबारे ॥

आवत मुकुट देखि कपि भागे। दिनहीं लूक परन बिधि लागे ॥

की रावन करि कोप चलाए। कुलिस चारि आवत अति धाए ॥

कह प्रभु हँसि जनि हृदयँ डेराहू। लूक न असनि केतु नहिं राहू ॥

ए किरीट दसकन्धर केरे। आवत बालितनय के प्रेरे ॥

दो. तरकि पवनसुत कर गहे आनि धरे प्रभु पास।

कौतुक देखहिं भालु कपि दिनकर सरिस प्रकास ॥ 32(क) ॥

उहाँ सकोऽपि दसानन सब सन कहत रिसाइ।

धरहु कपिहि धरि मारहु सुनि अङ्गद मुसुकाइ ॥ 32(ख) ॥

एहि बिधि बेगि सूभट सब धावहु। खाहु भालु कपि जहँ जहँ पावहु ॥

मर्कटहीन करहु महि जाई। जिअत धरहु तापस द्वौ भाई ॥

पुनि सकोप बोलेउ जुबराजा। गाल बजावत तोहि न लाजा ॥

मरु गर काटि निलज कुलघाती। बल बिलोकि बिहरति नहिं छाती ॥

रे त्रिय चोर कुमारग गामी। खल मल रासि मन्दमति कामी ॥

सन्यपात जल्पसि दुर्बादा। भेसि कालबस खल मनुजादा ॥

याको फलु पावहिगो आगें। बानर भालु चपेटन्हि लागेम् ॥

रामु मनुज बोलत असि बानी। गिरहिं न तव रसना अभिमानी ॥

गिरिहहिं रसना संसय नाहीं। सिरन्हि समेत समर महि माहीम् ॥

सो. सो नर क्यों दसकन्ध बालि बध्यो जेहिं एक सर।

बीसहुँ लोचन अन्ध धिग तव जन्म कुजाति जड़ ॥ 33(क) ॥

तब सोनित की प्यास तृषित राम सायक निकर।

तजुँ तोहि तेहि त्रास कटु जल्पक निसिचर अधम ॥ 33(ख) ॥

मै तव दसन तोरिबे लायक। आयसु मोहि न दीन्ह रघुनायक ॥

असि रिस होति दसु मुख तोरौं। लङ्का गहि समुद्र महँ बोरौम् ॥

गूलरि फल समान तव लङ्का। बसहु मध्य तुम्ह जन्तु असङ्का ॥

मैं बानर फल खात न बारा। आयसु दीन्ह न राम उदारा ॥

जुगति सुनत रावन मुसुकाई। मूढ़ सिखिहि कहँ बहुत झुठाई ॥

बालि न कबहुँ गाल अस मारा। मिलि तपसिन्ह तैं भेसि लबारा ॥

साँचेहुँ मैं लबार भुज बीहा। जौं न उपारिउँ तव दस जीहा ॥

समुझि राम प्रताप कपि कोपा। सभा माझ पन करि पद रोपा ॥

जौं मम चरन सकसि सठ टारी। फिरहिं रामु सीता मैं हारी ॥

सुनहु सुभट सब कह दससीसा। पद गहि धरनि पछारहु कीसा ॥

इन्द्रजीत आदिक बलवाना। हरषि उठे जहँ तहँ भट नाना ॥

झपटहिं करि बल बिपुल उपाई। पद न टरि बैठहिं सिरु नाई ॥

पुनि उठि झपटहीं सुर आराती। टरि न कीस चरन एहि भाँती ॥

पुरुष कुजोगी जिमि उरगारी। मोह बिटप नहिं सकहिं उपारी ॥

दो. कोटिन्ह मेघनाद सम सुभट उठे हरषाइ।

झपटहिं टरै न कपि चरन पुनि बैठहिं सिर नाइ ॥ 34(क) ॥

भूमि न छाँडत कपि चरन देखत रिपु मद भाग ॥

कोटि बिघ्न ते सन्त कर मन जिमि नीति न त्याग ॥ 34(ख) ॥

कपि बल देखि सकल हियँ हारे। उठा आपु कपि कें परचारे ॥

गहत चरन कह बालिकुमारा। मम पद गहें न तोर उबारा ॥

गहसि न राम चरन सठ जाई। सुनत फिरा मन अति सकुचाई ॥

भयु तेजहत श्री सब गी। मध्य दिवस जिमि ससि सोही ॥

सिङ्घासन बैठेउ सिर नाई। मानहुँ सम्पति सकल गँवाई ॥

जगदातमा प्रानपति रामा। तासु बिमुख किमि लह बिश्रामा ॥

उमा राम की भृकुटि बिलासा। होइ बिस्व पुनि पावि नासा ॥

तृन ते कुलिस कुलिस तृन करी। तासु दूत पन कहु किमि टरी ॥

पुनि कपि कही नीति बिधि नाना। मान न ताहि कालु निअराना ॥

रिपु मद मथि प्रभु सुजसु सुनायो। यह कहि चल्यो बालि नृप जायो ॥

हतौं न खेत खेलाइ खेलाई। तोहि अबहिं का करौं बड़आई ॥

प्रथमहिं तासु तनय कपि मारा। सो सुनि रावन भयु दुखारा ॥

जातुधान अङ्गद पन देखी। भय ब्याकुल सब भे बिसेषी ॥

दो. रिपु बल धरषि हरषि कपि बालितनय बल पुञ्ज।

पुलक सरीर नयन जल गहे राम पद कञ्ज ॥ 35(क) ॥

साँझ जानि दसकन्धर भवन गयु बिलखाइ।

मन्दोदरी रावनहि बहुरि कहा समुझाइ ॥ (ख) ॥

कन्त समुझि मन तजहु कुमतिही। सोह न समर तुम्हहि रघुपतिही ॥

रामानुज लघु रेख खचाई। सौ नहिं नाघेहु असि मनुसाई ॥

पिय तुम्ह ताहि जितब सङ्ग्रामा। जाके दूत केर यह कामा ॥

कौतुक सिन्धु नाघी तव लङ्का। आयु कपि केहरी असङ्का ॥

रखवारे हति बिपिन उजारा। देखत तोहि अच्छ तेहिं मारा ॥

जारि सकल पुर कीन्हेसि छारा। कहाँ रहा बल गर्ब तुम्हारा ॥

अब पति मृषा गाल जनि मारहु। मोर कहा कछु हृदयँ बिचारहु ॥

पति रघुपतिहि नृपति जनि मानहु। अग जग नाथ अतुल बल जानहु ॥

बान प्रताप जान मारीचा। तासु कहा नहिं मानेहि नीचा ॥

जनक सभाँ अगनित भूपाला। रहे तुम्हु बल अतुल बिसाला ॥

भञ्जि धनुष जानकी बिआही। तब सङ्ग्राम जितेहु किन ताही ॥

सुरपति सुत जानि बल थोरा। राखा जिअत आँखि गहि फोरा ॥

सूपनखा कै गति तुम्ह देखी। तदपि हृदयँ नहिं लाज बिषेषी ॥

दो. बधि बिराध खर दूषनहि लीँलाँ हत्यो कबन्ध।

बालि एक सर मारयो तेहि जानहु दसकन्ध ॥ 36 ॥

जेहिं जलनाथ बँधायु हेला। उतरे प्रभु दल सहित सुबेला ॥

कारुनीक दिनकर कुल केतू। दूत पठायु तव हित हेतू ॥

सभा माझ जेहिं तव बल मथा। करि बरूथ महुँ मृगपति जथा ॥

अङ्गद हनुमत अनुचर जाके। रन बाँकुरे बीर अति बाँके ॥

तेहि कहँ पिय पुनि पुनि नर कहहू। मुधा मान ममता मद बहहू ॥

अहह कन्त कृत राम बिरोधा। काल बिबस मन उपज न बोधा ॥

काल दण्ड गहि काहु न मारा। हरि धर्म बल बुद्धि बिचारा ॥

निकट काल जेहि आवत साईं। तेहि भ्रम होइ तुम्हारिहि नाईम् ॥

दो. दुइ सुत मरे दहेउ पुर अजहुँ पूर पिय देहु।

कृपासिन्धु रघुनाथ भजि नाथ बिमल जसु लेहु ॥ 37 ॥

नारि बचन सुनि बिसिख समाना। सभाँ गयु उठि होत बिहाना ॥

बैठ जाइ सिङ्घासन फूली। अति अभिमान त्रास सब भूली ॥

इहाँ राम अङ्गदहि बोलावा। आइ चरन पङ्कज सिरु नावा ॥

अति आदर सपीप बैठारी। बोले बिहँसि कृपाल खरारी ॥

बालितनय कौतुक अति मोही। तात सत्य कहु पूछुँ तोही ॥ ।

रावनु जातुधान कुल टीका। भुज बल अतुल जासु जग लीका ॥

तासु मुकुट तुम्ह चारि चलाए। कहहु तात कवनी बिधि पाए ॥

सुनु सर्बग्य प्रनत सुखकारी। मुकुट न होहिं भूप गुन चारी ॥

साम दान अरु दण्ड बिभेदा। नृप उर बसहिं नाथ कह बेदा ॥

नीति धर्म के चरन सुहाए। अस जियँ जानि नाथ पहिं आए ॥

दो. धर्महीन प्रभु पद बिमुख काल बिबस दससीस।

तेहि परिहरि गुन आए सुनहु कोसलाधीस ॥ 38(((क) ॥

परम चतुरता श्रवन सुनि बिहँसे रामु उदार।

समाचार पुनि सब कहे गढ़ के बालिकुमार ॥ 38(ख) ॥

रिपु के समाचार जब पाए। राम सचिव सब निकट बोलाए ॥

लङ्का बाँके चारि दुआरा। केहि बिधि लागिअ करहु बिचारा ॥

तब कपीस रिच्छेस बिभीषन। सुमिरि हृदयँ दिनकर कुल भूषन ॥

करि बिचार तिन्ह मन्त्र दृढ़आवा। चारि अनी कपि कटकु बनावा ॥

जथाजोग सेनापति कीन्हे। जूथप सकल बोलि तब लीन्हे ॥

प्रभु प्रताप कहि सब समुझाए। सुनि कपि सिङ्घनाद करि धाए ॥

हरषित राम चरन सिर नावहिं। गहि गिरि सिखर बीर सब धावहिम् ॥

गर्जहिं तर्जहिं भालु कपीसा। जय रघुबीर कोसलाधीसा ॥

जानत परम दुर्ग अति लङ्का। प्रभु प्रताप कपि चले असङ्का ॥

घटाटोप करि चहुँ दिसि घेरी। मुखहिं निसान बजावहीं भेरी ॥

दो. जयति राम जय लछिमन जय कपीस सुग्रीव।

गर्जहिं सिङ्घनाद कपि भालु महा बल सींव ॥ 39 ॥

लङ्काँ भयु कोलाहल भारी। सुना दसानन अति अहँकारी ॥

देखहु बनरन्ह केरि ढिठाई। बिहँसि निसाचर सेन बोलाई ॥

आए कीस काल के प्रेरे। छुधावन्त सब निसिचर मेरे ॥

अस कहि अट्टहास सठ कीन्हा। गृह बैठे अहार बिधि दीन्हा ॥

सुभट सकल चारिहुँ दिसि जाहू। धरि धरि भालु कीस सब खाहू ॥

उमा रावनहि अस अभिमाना। जिमि टिट्टिभ खग सूत उताना ॥

चले निसाचर आयसु मागी। गहि कर भिण्डिपाल बर साँगी ॥

तोमर मुग्दर परसु प्रचण्डा। सुल कृपान परिघ गिरिखण्डा ॥

जिमि अरुनोपल निकर निहारी। धावहिं सठ खग मांस अहारी ॥

चोञ्च भङ्ग दुख तिन्हहि न सूझा। तिमि धाए मनुजाद अबूझा ॥

दो. नानायुध सर चाप धर जातुधान बल बीर।

कोट कँगूरन्हि चढ़इ गे कोटि कोटि रनधीर ॥ 40 ॥

कोट कँगूरन्हि सोहहिं कैसे। मेरु के सृङ्गनि जनु घन बैसे ॥

बाजहिं ढोल निसान जुझ्AU। सुनि धुनि होइ भटन्हि मन च्AU ॥

बाजहिं भेरि नफीरि अपारा। सुनि कादर उर जाहिं दरारा ॥

देखिन्ह जाइ कपिन्ह के ठट्टा। अति बिसाल तनु भालु सुभट्टा ॥

धावहिं गनहिं न अवघट घाटा। पर्बत फोरि करहिं गहि बाटा ॥

कटकटाहिं कोटिन्ह भट गर्जहिं। दसन ओठ काटहिं अति तर्जहिम् ॥

उत रावन इत राम दोहाई। जयति जयति जय परी लराई ॥

निसिचर सिखर समूह ढहावहिं। कूदि धरहिं कपि फेरि चलावहिम् ॥

दो. धरि कुधर खण्ड प्रचण्ड कर्कट भालु गढ़ पर डारहीं।

झपटहिं चरन गहि पटकि महि भजि चलत बहुरि पचारहीम् ॥

अति तरल तरुन प्रताप तरपहिं तमकि गढ़ चढ़इ चढ़इ गे।

कपि भालु चढ़इ मन्दिरन्ह जहँ तहँ राम जसु गावत भे ॥

दो. एकु एकु निसिचर गहि पुनि कपि चले पराइ।

ऊपर आपु हेठ भट गिरहिं धरनि पर आइ ॥ 41 ॥

राम प्रताप प्रबल कपिजूथा। मर्दहिं निसिचर सुभट बरूथा ॥

चढ़ए दुर्ग पुनि जहँ तहँ बानर। जय रघुबीर प्रताप दिवाकर ॥

चले निसाचर निकर पराई। प्रबल पवन जिमि घन समुदाई ॥

हाहाकार भयु पुर भारी। रोवहिं बालक आतुर नारी ॥

सब मिलि देहिं रावनहि गारी। राज करत एहिं मृत्यु हँकारी ॥

निज दल बिचल सुनी तेहिं काना। फेरि सुभट लङ्केस रिसाना ॥

जो रन बिमुख सुना मैं काना। सो मैं हतब कराल कृपाना ॥

सर्बसु खाइ भोग करि नाना। समर भूमि भे बल्लभ प्राना ॥

उग्र बचन सुनि सकल डेराने। चले क्रोध करि सुभट लजाने ॥

सन्मुख मरन बीर कै सोभा। तब तिन्ह तजा प्रान कर लोभा ॥

दो. बहु आयुध धर सुभट सब भिरहिं पचारि पचारि।

ब्याकुल किए भालु कपि परिघ त्रिसूलन्हि मारी ॥ 42 ॥

भय आतुर कपि भागन लागे। जद्यपि उमा जीतिहहिं आगे ॥

कौ कह कहँ अङ्गद हनुमन्ता। कहँ नल नील दुबिद बलवन्ता ॥

निज दल बिकल सुना हनुमाना। पच्छिम द्वार रहा बलवाना ॥

मेघनाद तहँ करि लराई। टूट न द्वार परम कठिनाई ॥

पवनतनय मन भा अति क्रोधा। गर्जेउ प्रबल काल सम जोधा ॥

कूदि लङ्क गढ़ ऊपर आवा। गहि गिरि मेघनाद कहुँ धावा ॥

भञ्जेउ रथ सारथी निपाता। ताहि हृदय महुँ मारेसि लाता ॥

दुसरें सूत बिकल तेहि जाना। स्यन्दन घालि तुरत गृह आना ॥

दो. अङ्गद सुना पवनसुत गढ़ पर गयु अकेल।

रन बाँकुरा बालिसुत तरकि चढ़एउ कपि खेल ॥ 43 ॥

जुद्ध बिरुद्ध क्रुद्ध द्वौ बन्दर। राम प्रताप सुमिरि उर अन्तर ॥

रावन भवन चढ़ए द्वौ धाई। करहि कोसलाधीस दोहाई ॥

कलस सहित गहि भवनु ढहावा। देखि निसाचरपति भय पावा ॥

नारि बृन्द कर पीटहिं छाती। अब दुइ कपि आए उतपाती ॥

कपिलीला करि तिन्हहि डेरावहिं। रामचन्द्र कर सुजसु सुनावहिम् ॥

पुनि कर गहि कञ्चन के खम्भा। कहेन्हि करिअ उतपात अरम्भा ॥

गर्जि परे रिपु कटक मझारी। लागे मर्दै भुज बल भारी ॥

काहुहि लात चपेटन्हि केहू। भजहु न रामहि सो फल लेहू ॥

दो. एक एक सों मर्दहिं तोरि चलावहिं मुण्ड।

रावन आगें परहिं ते जनु फूटहिं दधि कुण्ड ॥ 44 ॥

महा महा मुखिआ जे पावहिं। ते पद गहि प्रभु पास चलावहिम् ॥

कहि बिभीषनु तिन्ह के नामा। देहिं राम तिन्हहू निज धामा ॥

खल मनुजाद द्विजामिष भोगी। पावहिं गति जो जाचत जोगी ॥

उमा राम मृदुचित करुनाकर। बयर भाव सुमिरत मोहि निसिचर ॥

देहिं परम गति सो जियँ जानी। अस कृपाल को कहहु भवानी ॥

अस प्रभु सुनि न भजहिं भ्रम त्यागी। नर मतिमन्द ते परम अभागी ॥

अङ्गद अरु हनुमन्त प्रबेसा। कीन्ह दुर्ग अस कह अवधेसा ॥

लङ्काँ द्वौ कपि सोहहिं कैसें। मथहि सिन्धु दुइ मन्दर जैसेम् ॥

दो. भुज बल रिपु दल दलमलि देखि दिवस कर अन्त।

कूदे जुगल बिगत श्रम आए जहँ भगवन्त ॥ 45 ॥

प्रभु पद कमल सीस तिन्ह नाए। देखि सुभट रघुपति मन भाए ॥

राम कृपा करि जुगल निहारे। भे बिगतश्रम परम सुखारे ॥

गे जानि अङ्गद हनुमाना। फिरे भालु मर्कट भट नाना ॥

जातुधान प्रदोष बल पाई। धाए करि दससीस दोहाई ॥

निसिचर अनी देखि कपि फिरे। जहँ तहँ कटकटाइ भट भिरे ॥

द्वौ दल प्रबल पचारि पचारी। लरत सुभट नहिं मानहिं हारी ॥

महाबीर निसिचर सब कारे। नाना बरन बलीमुख भारे ॥

सबल जुगल दल समबल जोधा। कौतुक करत लरत करि क्रोधा ॥

प्राबिट सरद पयोद घनेरे। लरत मनहुँ मारुत के प्रेरे ॥

अनिप अकम्पन अरु अतिकाया। बिचलत सेन कीन्हि इन्ह माया ॥

भयु निमिष महँ अति अँधियारा। बृष्टि होइ रुधिरोपल छारा ॥

दो. देखि निबिड़ तम दसहुँ दिसि कपिदल भयु खभार।

एकहि एक न देखी जहँ तहँ करहिं पुकार ॥ 46 ॥

सकल मरमु रघुनायक जाना। लिए बोलि अङ्गद हनुमाना ॥

समाचार सब कहि समुझाए। सुनत कोऽपि कपिकुञ्जर धाए ॥

पुनि कृपाल हँसि चाप चढ़आवा। पावक सायक सपदि चलावा ॥

भयु प्रकास कतहुँ तम नाहीं। ग्यान उदयँ जिमि संसय जाहीम् ॥

भालु बलीमुख पाइ प्रकासा। धाए हरष बिगत श्रम त्रासा ॥

हनूमान अङ्गद रन गाजे। हाँक सुनत रजनीचर भाजे ॥

भागत पट पटकहिं धरि धरनी। करहिं भालु कपि अद्भुत करनी ॥

गहि पद डारहिं सागर माहीं। मकर उरग झष धरि धरि खाहीम् ॥

दो. कछु मारे कछु घायल कछु गढ़ चढ़ए पराइ।

गर्जहिं भालु बलीमुख रिपु दल बल बिचलाइ ॥ 47 ॥

निसा जानि कपि चारिउ अनी। आए जहाँ कोसला धनी ॥

राम कृपा करि चितवा सबही। भे बिगतश्रम बानर तबही ॥

उहाँ दसानन सचिव हँकारे। सब सन कहेसि सुभट जे मारे ॥

आधा कटकु कपिन्ह सङ्घारा। कहहु बेगि का करिअ बिचारा ॥

माल्यवन्त अति जरठ निसाचर। रावन मातु पिता मन्त्री बर ॥

बोला बचन नीति अति पावन। सुनहु तात कछु मोर सिखावन ॥

जब ते तुम्ह सीता हरि आनी। असगुन होहिं न जाहिं बखानी ॥

बेद पुरान जासु जसु गायो। राम बिमुख काहुँ न सुख पायो ॥

दो. हिरन्याच्छ भ्राता सहित मधु कैटभ बलवान।

जेहि मारे सोइ अवतरेउ कृपासिन्धु भगवान ॥ 48(क) ॥

मासपारायण, पचीसवाँ विश्राम

कालरूप खल बन दहन गुनागार घनबोध।

सिव बिरञ्चि जेहि सेवहिं तासों कवन बिरोध ॥ 48(ख) ॥

परिहरि बयरु देहु बैदेही। भजहु कृपानिधि परम सनेही ॥

ताके बचन बान सम लागे। करिआ मुह करि जाहि अभागे ॥

बूढ़ भेसि न त मरतेउँ तोही। अब जनि नयन देखावसि मोही ॥

तेहि अपने मन अस अनुमाना। बध्यो चहत एहि कृपानिधाना ॥

सो उठि गयु कहत दुर्बादा। तब सकोप बोलेउ घननादा ॥

कौतुक प्रात देखिअहु मोरा। करिहुँ बहुत कहौं का थोरा ॥

सुनि सुत बचन भरोसा आवा। प्रीति समेत अङ्क बैठावा ॥

करत बिचार भयु भिनुसारा। लागे कपि पुनि चहूँ दुआरा ॥

कोऽपि कपिन्ह दुर्घट गढ़उ घेरा। नगर कोलाहलु भयु घनेरा ॥

बिबिधायुध धर निसिचर धाए। गढ़ ते पर्बत सिखर ढहाए ॥

छं. ढाहे महीधर सिखर कोटिन्ह बिबिध बिधि गोला चले।

घहरात जिमि पबिपात गर्जत जनु प्रलय के बादले ॥

मर्कट बिकट भट जुटत कटत न लटत तन जर्जर भे।

गहि सैल तेहि गढ़ पर चलावहिं जहँ सो तहँ निसिचर हे ॥

दो. मेघनाद सुनि श्रवन अस गढ़उ पुनि छेङ्का आइ।

उतर्यो बीर दुर्ग तें सन्मुख चल्यो बजाइ ॥ 49 ॥

कहँ कोसलाधीस द्वौ भ्राता। धन्वी सकल लोक बिख्याता ॥

कहँ नल नील दुबिद सुग्रीवा। अङ्गद हनूमन्त बल सींवा ॥

कहाँ बिभीषनु भ्राताद्रोही। आजु सबहि हठि मारुँ ओही ॥

अस कहि कठिन बान सन्धाने। अतिसय क्रोध श्रवन लगि ताने ॥

सर समुह सो छाड़ऐ लागा। जनु सपच्छ धावहिं बहु नागा ॥

जहँ तहँ परत देखिअहिं बानर। सन्मुख होइ न सके तेहि अवसर ॥

जहँ तहँ भागि चले कपि रीछा। बिसरी सबहि जुद्ध कै ईछा ॥

सो कपि भालु न रन महँ देखा। कीन्हेसि जेहि न प्रान अवसेषा ॥

दो. दस दस सर सब मारेसि परे भूमि कपि बीर।

सिंहनाद करि गर्जा मेघनाद बल धीर ॥ 50 ॥

देखि पवनसुत कटक बिहाला। क्रोधवन्त जनु धायु काला ॥

महासैल एक तुरत उपारा। अति रिस मेघनाद पर डारा ॥

आवत देखि गयु नभ सोई। रथ सारथी तुरग सब खोई ॥

बार बार पचार हनुमाना। निकट न आव मरमु सो जाना ॥

रघुपति निकट गयु घननादा। नाना भाँति करेसि दुर्बादा ॥

अस्त्र सस्त्र आयुध सब डारे। कौतुकहीं प्रभु काटि निवारे ॥

देखि प्रताप मूढ़ खिसिआना। करै लाग माया बिधि नाना ॥

जिमि कौ करै गरुड़ सैं खेला। डरपावै गहि स्वल्प सपेला ॥

दो. जासु प्रबल माया बल सिव बिरञ्चि बड़ छोट।

ताहि दिखावि निसिचर निज माया मति खोट ॥ 51 ॥

नभ चढ़इ बरष बिपुल अङ्गारा। महि ते प्रगट होहिं जलधारा ॥

नाना भाँति पिसाच पिसाची। मारु काटु धुनि बोलहिं नाची ॥

बिष्टा पूय रुधिर कच हाड़आ। बरषि कबहुँ उपल बहु छाड़आ ॥

बरषि धूरि कीन्हेसि अँधिआरा। सूझ न आपन हाथ पसारा ॥

कपि अकुलाने माया देखें। सब कर मरन बना एहि लेखेम् ॥

कौतुक देखि राम मुसुकाने। भे सभीत सकल कपि जाने ॥

एक बान काटी सब माया। जिमि दिनकर हर तिमिर निकाया ॥

कृपादृष्टि कपि भालु बिलोके। भे प्रबल रन रहहिं न रोके ॥

दो. आयसु मागि राम पहिं अङ्गदादि कपि साथ।

लछिमन चले क्रुद्ध होइ बान सरासन हाथ ॥ 52 ॥

छतज नयन उर बाहु बिसाला। हिमगिरि निभ तनु कछु एक लाला ॥

इहाँ दसानन सुभट पठाए। नाना अस्त्र सस्त्र गहि धाए ॥

भूधर नख बिटपायुध धारी। धाए कपि जय राम पुकारी ॥

भिरे सकल जोरिहि सन जोरी। इत उत जय इच्छा नहिं थोरी ॥

मुठिकन्ह लातन्ह दातन्ह काटहिं। कपि जयसील मारि पुनि डाटहिम् ॥

मारु मारु धरु धरु धरु मारू। सीस तोरि गहि भुजा उपारू ॥

असि रव पूरि रही नव खण्डा। धावहिं जहँ तहँ रुण्ड प्रचण्डा ॥

देखहिं कौतुक नभ सुर बृन्दा। कबहुँक बिसमय कबहुँ अनन्दा ॥

दो. रुधिर गाड़ भरि भरि जम्यो ऊपर धूरि उड़आइ।

जनु अँगार रासिन्ह पर मृतक धूम रह्यो छाइ ॥ 53 ॥

घायल बीर बिराजहिं कैसे। कुसुमित किंसुक के तरु जैसे ॥

लछिमन मेघनाद द्वौ जोधा। भिरहिं परसपर करि अति क्रोधा ॥

एकहि एक सकि नहिं जीती। निसिचर छल बल करि अनीती ॥

क्रोधवन्त तब भयु अनन्ता। भञ्जेउ रथ सारथी तुरन्ता ॥

नाना बिधि प्रहार कर सेषा। राच्छस भयु प्रान अवसेषा ॥

रावन सुत निज मन अनुमाना। सङ्कठ भयु हरिहि मम प्राना ॥

बीरघातिनी छाड़इसि साँगी। तेज पुञ्ज लछिमन उर लागी ॥

मुरुछा भी सक्ति के लागें। तब चलि गयु निकट भय त्यागेम् ॥

दो. मेघनाद सम कोटि सत जोधा रहे उठाइ।

जगदाधार सेष किमि उठै चले खिसिआइ ॥ 54 ॥

सुनु गिरिजा क्रोधानल जासू। जारि भुवन चारिदस आसू ॥

सक सङ्ग्राम जीति को ताही। सेवहिं सुर नर अग जग जाही ॥

यह कौतूहल जानि सोई। जा पर कृपा राम कै होई ॥

सन्ध्या भि फिरि द्वौ बाहनी। लगे सँभारन निज निज अनी ॥

ब्यापक ब्रह्म अजित भुवनेस्वर। लछिमन कहाँ बूझ करुनाकर ॥

तब लगि लै आयु हनुमाना। अनुज देखि प्रभु अति दुख माना ॥

जामवन्त कह बैद सुषेना। लङ्काँ रहि को पठी लेना ॥

धरि लघु रूप गयु हनुमन्ता। आनेउ भवन समेत तुरन्ता ॥

दो. राम पदारबिन्द सिर नायु आइ सुषेन।

कहा नाम गिरि औषधी जाहु पवनसुत लेन ॥ 55 ॥

राम चरन सरसिज उर राखी। चला प्रभञ्जन सुत बल भाषी ॥

उहाँ दूत एक मरमु जनावा। रावन कालनेमि गृह आवा ॥

दसमुख कहा मरमु तेहिं सुना। पुनि पुनि कालनेमि सिरु धुना ॥

देखत तुम्हहि नगरु जेहिं जारा। तासु पन्थ को रोकन पारा ॥

भजि रघुपति करु हित आपना। छाँड़हु नाथ मृषा जल्पना ॥

नील कञ्ज तनु सुन्दर स्यामा। हृदयँ राखु लोचनाभिरामा ॥

मैं तैं मोर मूढ़ता त्यागू। महा मोह निसि सूतत जागू ॥

काल ब्याल कर भच्छक जोई। सपनेहुँ समर कि जीतिअ सोई ॥

दो. सुनि दसकण्ठ रिसान अति तेहिं मन कीन्ह बिचार।

राम दूत कर मरौं बरु यह खल रत मल भार ॥ 56 ॥

अस कहि चला रचिसि मग माया। सर मन्दिर बर बाग बनाया ॥

मारुतसुत देखा सुभ आश्रम। मुनिहि बूझि जल पियौं जाइ श्रम ॥

राच्छस कपट बेष तहँ सोहा। मायापति दूतहि चह मोहा ॥

जाइ पवनसुत नायु माथा। लाग सो कहै राम गुन गाथा ॥

होत महा रन रावन रामहिं। जितहहिं राम न संसय या महिम् ॥

इहाँ भेँ मैं देखेउँ भाई। ग्यान दृष्टि बल मोहि अधिकाई ॥

मागा जल तेहिं दीन्ह कमण्डल। कह कपि नहिं अघाउँ थोरें जल ॥

सर मज्जन करि आतुर आवहु। दिच्छा देउँ ग्यान जेहिं पावहु ॥

दो. सर पैठत कपि पद गहा मकरीं तब अकुलान।

मारी सो धरि दिव्य तनु चली गगन चढ़इ जान ॥ 57 ॥

कपि तव दरस भिउँ निष्पापा। मिटा तात मुनिबर कर सापा ॥

मुनि न होइ यह निसिचर घोरा। मानहु सत्य बचन कपि मोरा ॥

अस कहि गी अपछरा जबहीं। निसिचर निकट गयु कपि तबहीम् ॥

कह कपि मुनि गुरदछिना लेहू। पाछें हमहि मन्त्र तुम्ह देहू ॥

सिर लङ्गूर लपेटि पछारा। निज तनु प्रगटेसि मरती बारा ॥

राम राम कहि छाड़एसि प्राना। सुनि मन हरषि चलेउ हनुमाना ॥

देखा सैल न औषध चीन्हा। सहसा कपि उपारि गिरि लीन्हा ॥

गहि गिरि निसि नभ धावत भयू। अवधपुरी उपर कपि गयू ॥

दो. देखा भरत बिसाल अति निसिचर मन अनुमानि।

बिनु फर सायक मारेउ चाप श्रवन लगि तानि ॥ 58 ॥

परेउ मुरुछि महि लागत सायक। सुमिरत राम राम रघुनायक ॥

सुनि प्रिय बचन भरत तब धाए। कपि समीप अति आतुर आए ॥

बिकल बिलोकि कीस उर लावा। जागत नहिं बहु भाँति जगावा ॥

मुख मलीन मन भे दुखारी। कहत बचन भरि लोचन बारी ॥

जेहिं बिधि राम बिमुख मोहि कीन्हा। तेहिं पुनि यह दारुन दुख दीन्हा ॥

जौं मोरें मन बच अरु काया। प्रीति राम पद कमल अमाया ॥

तौ कपि हौ बिगत श्रम सूला। जौं मो पर रघुपति अनुकूला ॥

सुनत बचन उठि बैठ कपीसा। कहि जय जयति कोसलाधीसा ॥

सो. लीन्ह कपिहि उर लाइ पुलकित तनु लोचन सजल।

प्रीति न हृदयँ समाइ सुमिरि राम रघुकुल तिलक ॥ 59 ॥

तात कुसल कहु सुखनिधान की। सहित अनुज अरु मातु जानकी ॥

कपि सब चरित समास बखाने। भे दुखी मन महुँ पछिताने ॥

अहह दैव मैं कत जग जायुँ। प्रभु के एकहु काज न आयुँ ॥

जानि कुअवसरु मन धरि धीरा। पुनि कपि सन बोले बलबीरा ॥

तात गहरु होइहि तोहि जाता। काजु नसाइहि होत प्रभाता ॥

चढ़उ मम सायक सैल समेता। पठवौं तोहि जहँ कृपानिकेता ॥

सुनि कपि मन उपजा अभिमाना। मोरें भार चलिहि किमि बाना ॥

राम प्रभाव बिचारि बहोरी। बन्दि चरन कह कपि कर जोरी ॥

दो. तव प्रताप उर राखि प्रभु जेहुँ नाथ तुरन्त।

अस कहि आयसु पाइ पद बन्दि चलेउ हनुमन्त ॥ 60(क) ॥

भरत बाहु बल सील गुन प्रभु पद प्रीति अपार।

मन महुँ जात सराहत पुनि पुनि पवनकुमार ॥ 60(ख) ॥

उहाँ राम लछिमनहिं निहारी। बोले बचन मनुज अनुसारी ॥

अर्ध राति गि कपि नहिं आयु। राम उठाइ अनुज उर लायु ॥

सकहु न दुखित देखि मोहि क्AU। बन्धु सदा तव मृदुल सुभ्AU ॥

मम हित लागि तजेहु पितु माता। सहेहु बिपिन हिम आतप बाता ॥

सो अनुराग कहाँ अब भाई। उठहु न सुनि मम बच बिकलाई ॥

जौं जनतेउँ बन बन्धु बिछोहू। पिता बचन मनतेउँ नहिं ओहू ॥

सुत बित नारि भवन परिवारा। होहिं जाहिं जग बारहिं बारा ॥

अस बिचारि जियँ जागहु ताता। मिलि न जगत सहोदर भ्राता ॥

जथा पङ्ख बिनु खग अति दीना। मनि बिनु फनि करिबर कर हीना ॥

अस मम जिवन बन्धु बिनु तोही। जौं जड़ दैव जिआवै मोही ॥

जैहुँ अवध कवन मुहु लाई। नारि हेतु प्रिय भाइ गँवाई ॥

बरु अपजस सहतेउँ जग माहीं। नारि हानि बिसेष छति नाहीम् ॥

अब अपलोकु सोकु सुत तोरा। सहिहि निठुर कठोर उर मोरा ॥

निज जननी के एक कुमारा। तात तासु तुम्ह प्रान अधारा ॥

सौम्पेसि मोहि तुम्हहि गहि पानी। सब बिधि सुखद परम हित जानी ॥

उतरु काह दैहुँ तेहि जाई। उठि किन मोहि सिखावहु भाई ॥

बहु बिधि सिचत सोच बिमोचन। स्त्रवत सलिल राजिव दल लोचन ॥

उमा एक अखण्ड रघुराई। नर गति भगत कृपाल देखाई ॥

सो. प्रभु प्रलाप सुनि कान बिकल भे बानर निकर।

आइ गयु हनुमान जिमि करुना महँ बीर रस ॥ 61 ॥

हरषि राम भेण्टेउ हनुमाना। अति कृतग्य प्रभु परम सुजाना ॥

तुरत बैद तब कीन्ह उपाई। उठि बैठे लछिमन हरषाई ॥

हृदयँ लाइ प्रभु भेण्टेउ भ्राता। हरषे सकल भालु कपि ब्राता ॥

कपि पुनि बैद तहाँ पहुँचावा। जेहि बिधि तबहिं ताहि लि आवा ॥

यह बृत्तान्त दसानन सुनेऊ। अति बिषाद पुनि पुनि सिर धुनेऊ ॥

ब्याकुल कुम्भकरन पहिं आवा। बिबिध जतन करि ताहि जगावा ॥

जागा निसिचर देखिअ कैसा। मानहुँ कालु देह धरि बैसा ॥

कुम्भकरन बूझा कहु भाई। काहे तव मुख रहे सुखाई ॥

कथा कही सब तेहिं अभिमानी। जेहि प्रकार सीता हरि आनी ॥

तात कपिन्ह सब निसिचर मारे। महामहा जोधा सङ्घारे ॥

दुर्मुख सुररिपु मनुज अहारी। भट अतिकाय अकम्पन भारी ॥

अपर महोदर आदिक बीरा। परे समर महि सब रनधीरा ॥

दो. सुनि दसकन्धर बचन तब कुम्भकरन बिलखान।

जगदम्बा हरि आनि अब सठ चाहत कल्यान ॥ 62 ॥

भल न कीन्ह तैं निसिचर नाहा। अब मोहि आइ जगाएहि काहा ॥

अजहूँ तात त्यागि अभिमाना। भजहु राम होइहि कल्याना ॥

हैं दससीस मनुज रघुनायक। जाके हनूमान से पायक ॥

अहह बन्धु तैं कीन्हि खोटाई। प्रथमहिं मोहि न सुनाएहि आई ॥

कीन्हेहु प्रभू बिरोध तेहि देवक। सिव बिरञ्चि सुर जाके सेवक ॥

नारद मुनि मोहि ग्यान जो कहा। कहतेउँ तोहि समय निरबहा ॥

अब भरि अङ्क भेण्टु मोहि भाई। लोचन सूफल करौ मैं जाई ॥

स्याम गात सरसीरुह लोचन। देखौं जाइ ताप त्रय मोचन ॥

दो. राम रूप गुन सुमिरत मगन भयु छन एक।

रावन मागेउ कोटि घट मद अरु महिष अनेक ॥ 63 ॥

महिष खाइ करि मदिरा पाना। गर्जा बज्राघात समाना ॥

कुम्भकरन दुर्मद रन रङ्गा। चला दुर्ग तजि सेन न सङ्गा ॥

देखि बिभीषनु आगें आयु। परेउ चरन निज नाम सुनायु ॥

अनुज उठाइ हृदयँ तेहि लायो। रघुपति भक्त जानि मन भायो ॥

तात लात रावन मोहि मारा। कहत परम हित मन्त्र बिचारा ॥

तेहिं गलानि रघुपति पहिं आयुँ। देखि दीन प्रभु के मन भायुँ ॥

सुनु सुत भयु कालबस रावन। सो कि मान अब परम सिखावन ॥

धन्य धन्य तैं धन्य बिभीषन। भयहु तात निसिचर कुल भूषन ॥

बन्धु बंस तैं कीन्ह उजागर। भजेहु राम सोभा सुख सागर ॥

दो. बचन कर्म मन कपट तजि भजेहु राम रनधीर।

जाहु न निज पर सूझ मोहि भयुँ कालबस बीर। 64 ॥

बन्धु बचन सुनि चला बिभीषन। आयु जहँ त्रैलोक बिभूषन ॥

नाथ भूधराकार सरीरा। कुम्भकरन आवत रनधीरा ॥

एतना कपिन्ह सुना जब काना। किलकिलाइ धाए बलवाना ॥

लिए उठाइ बिटप अरु भूधर। कटकटाइ डारहिं ता ऊपर ॥

कोटि कोटि गिरि सिखर प्रहारा। करहिं भालु कपि एक एक बारा ॥

मुर् यो न मन तनु टर् यो न टार् यो। जिमि गज अर्क फलनि को मार्यो ॥

तब मारुतसुत मुठिका हन्यो। पर् यो धरनि ब्याकुल सिर धुन्यो ॥

पुनि उठि तेहिं मारेउ हनुमन्ता। घुर्मित भूतल परेउ तुरन्ता ॥

पुनि नल नीलहि अवनि पछारेसि। जहँ तहँ पटकि पटकि भट डारेसि ॥

चली बलीमुख सेन पराई। अति भय त्रसित न कौ समुहाई ॥

दो. अङ्गदादि कपि मुरुछित करि समेत सुग्रीव।

काँख दाबि कपिराज कहुँ चला अमित बल सींव ॥ 65 ॥

उमा करत रघुपति नरलीला। खेलत गरुड़ जिमि अहिगन मीला ॥

भृकुटि भङ्ग जो कालहि खाई। ताहि कि सोहि ऐसि लराई ॥

जग पावनि कीरति बिस्तरिहहिं। गाइ गाइ भवनिधि नर तरिहहिम् ॥

मुरुछा गि मारुतसुत जागा। सुग्रीवहि तब खोजन लागा ॥

सुग्रीवहु कै मुरुछा बीती। निबुक गयु तेहि मृतक प्रतीती ॥

काटेसि दसन नासिका काना। गरजि अकास चलु तेहिं जाना ॥

गहेउ चरन गहि भूमि पछारा। अति लाघवँ उठि पुनि तेहि मारा ॥

पुनि आयसु प्रभु पहिं बलवाना। जयति जयति जय कृपानिधाना ॥

नाक कान काटे जियँ जानी। फिरा क्रोध करि भि मन ग्लानी ॥

सहज भीम पुनि बिनु श्रुति नासा। देखत कपि दल उपजी त्रासा ॥

दो. जय जय जय रघुबंस मनि धाए कपि दै हूह।

एकहि बार तासु पर छाड़एन्हि गिरि तरु जूह ॥ 66 ॥

कुम्भकरन रन रङ्ग बिरुद्धा। सन्मुख चला काल जनु क्रुद्धा ॥

कोटि कोटि कपि धरि धरि खाई। जनु टीड़ई गिरि गुहाँ समाई ॥

कोटिन्ह गहि सरीर सन मर्दा। कोटिन्ह मीजि मिलव महि गर्दा ॥

मुख नासा श्रवनन्हि कीं बाटा। निसरि पराहिं भालु कपि ठाटा ॥

रन मद मत्त निसाचर दर्पा। बिस्व ग्रसिहि जनु एहि बिधि अर्पा ॥

मुरे सुभट सब फिरहिं न फेरे। सूझ न नयन सुनहिं नहिं टेरे ॥

कुम्भकरन कपि फौज बिडारी। सुनि धाई रजनीचर धारी ॥

देखि राम बिकल कटकाई। रिपु अनीक नाना बिधि आई ॥

दो. सुनु सुग्रीव बिभीषन अनुज सँभारेहु सैन।

मैं देखुँ खल बल दलहि बोले राजिवनैन ॥ 67 ॥

कर सारङ्ग साजि कटि भाथा। अरि दल दलन चले रघुनाथा ॥

प्रथम कीन्ह प्रभु धनुष टँकोरा। रिपु दल बधिर भयु सुनि सोरा ॥

सत्यसन्ध छाँड़ए सर लच्छा। कालसर्प जनु चले सपच्छा ॥

जहँ तहँ चले बिपुल नाराचा। लगे कटन भट बिकट पिसाचा ॥

कटहिं चरन उर सिर भुजदण्डा। बहुतक बीर होहिं सत खण्डा ॥

घुर्मि घुर्मि घायल महि परहीं। उठि सम्भारि सुभट पुनि लरहीम् ॥

लागत बान जलद जिमि गाजहीं। बहुतक देखी कठिन सर भाजहिम् ॥

रुण्ड प्रचण्ड मुण्ड बिनु धावहिं। धरु धरु मारू मारु धुनि गावहिम् ॥

दो. छन महुँ प्रभु के सायकन्हि काटे बिकट पिसाच।

पुनि रघुबीर निषङ्ग महुँ प्रबिसे सब नाराच ॥ 68 ॥

कुम्भकरन मन दीख बिचारी। हति धन माझ निसाचर धारी ॥

भा अति क्रुद्ध महाबल बीरा। कियो मृगनायक नाद गँभीरा ॥

कोऽपि महीधर लेइ उपारी। डारि जहँ मर्कट भट भारी ॥

आवत देखि सैल प्रभू भारे। सरन्हि काटि रज सम करि डारे ॥ ।

पुनि धनु तानि कोऽपि रघुनायक। छाँड़ए अति कराल बहु सायक ॥

तनु महुँ प्रबिसि निसरि सर जाहीं। जिमि दामिनि घन माझ समाहीम् ॥

सोनित स्त्रवत सोह तन कारे। जनु कज्जल गिरि गेरु पनारे ॥

बिकल बिलोकि भालु कपि धाए। बिहँसा जबहिं निकट कपि आए ॥

दो. महानाद करि गर्जा कोटि कोटि गहि कीस।

महि पटकि गजराज इव सपथ करि दससीस ॥ 69 ॥

भागे भालु बलीमुख जूथा। बृकु बिलोकि जिमि मेष बरूथा ॥

चले भागि कपि भालु भवानी। बिकल पुकारत आरत बानी ॥

यह निसिचर दुकाल सम अही। कपिकुल देस परन अब चही ॥

कृपा बारिधर राम खरारी। पाहि पाहि प्रनतारति हारी ॥

सकरुन बचन सुनत भगवाना। चले सुधारि सरासन बाना ॥

राम सेन निज पाछैं घाली। चले सकोप महा बलसाली ॥

खैञ्चि धनुष सर सत सन्धाने। छूटे तीर सरीर समाने ॥

लागत सर धावा रिस भरा। कुधर डगमगत डोलति धरा ॥

लीन्ह एक तेहिं सैल उपाटी। रघुकुल तिलक भुजा सोइ काटी ॥

धावा बाम बाहु गिरि धारी। प्रभु सौ भुजा काटि महि पारी ॥

काटें भुजा सोह खल कैसा। पच्छहीन मन्दर गिरि जैसा ॥

उग्र बिलोकनि प्रभुहि बिलोका। ग्रसन चहत मानहुँ त्रेलोका ॥

दो. करि चिक्कार घोर अति धावा बदनु पसारि।

गगन सिद्ध सुर त्रासित हा हा हेति पुकारि ॥ 70 ॥

सभय देव करुनानिधि जान्यो। श्रवन प्रजन्त सरासनु तान्यो ॥

बिसिख निकर निसिचर मुख भरेऊ। तदपि महाबल भूमि न परेऊ ॥

सरन्हि भरा मुख सन्मुख धावा। काल त्रोन सजीव जनु आवा ॥

तब प्रभु कोऽपि तीब्र सर लीन्हा। धर ते भिन्न तासु सिर कीन्हा ॥

सो सिर परेउ दसानन आगें। बिकल भयु जिमि फनि मनि त्यागेम् ॥

धरनि धसि धर धाव प्रचण्डा। तब प्रभु काटि कीन्ह दुइ खण्डा ॥

परे भूमि जिमि नभ तें भूधर। हेठ दाबि कपि भालु निसाचर ॥

तासु तेज प्रभु बदन समाना। सुर मुनि सबहिं अचम्भव माना ॥

सुर दुन्दुभीं बजावहिं हरषहिं। अस्तुति करहिं सुमन बहु बरषहिम् ॥

करि बिनती सुर सकल सिधाए। तेही समय देवरिषि आए ॥

गगनोपरि हरि गुन गन गाए। रुचिर बीररस प्रभु मन भाए ॥

बेगि हतहु खल कहि मुनि गे। राम समर महि सोभत भे ॥

छं. सङ्ग्राम भूमि बिराज रघुपति अतुल बल कोसल धनी।

श्रम बिन्दु मुख राजीव लोचन अरुन तन सोनित कनी ॥

भुज जुगल फेरत सर सरासन भालु कपि चहु दिसि बने।

कह दास तुलसी कहि न सक छबि सेष जेहि आनन घने ॥

दो. निसिचर अधम मलाकर ताहि दीन्ह निज धाम।

गिरिजा ते नर मन्दमति जे न भजहिं श्रीराम ॥ 71 ॥

दिन कें अन्त फिरीं दौ अनी। समर भी सुभटन्ह श्रम घनी ॥

राम कृपाँ कपि दल बल बाढ़आ। जिमि तृन पाइ लाग अति डाढ़आ ॥

छीजहिं निसिचर दिनु अरु राती। निज मुख कहें सुकृत जेहि भाँती ॥

बहु बिलाप दसकन्धर करी। बन्धु सीस पुनि पुनि उर धरी ॥

रोवहिं नारि हृदय हति पानी। तासु तेज बल बिपुल बखानी ॥

मेघनाद तेहि अवसर आयु। कहि बहु कथा पिता समुझायु ॥

देखेहु कालि मोरि मनुसाई। अबहिं बहुत का करौं बड़आई ॥

इष्टदेव सैं बल रथ पायुँ। सो बल तात न तोहि देखायुँ ॥

एहि बिधि जल्पत भयु बिहाना। चहुँ दुआर लागे कपि नाना ॥

इत कपि भालु काल सम बीरा। उत रजनीचर अति रनधीरा ॥

लरहिं सुभट निज निज जय हेतू। बरनि न जाइ समर खगकेतू ॥

दो. मेघनाद मायामय रथ चढ़इ गयु अकास ॥

गर्जेउ अट्टहास करि भि कपि कटकहि त्रास ॥ 72 ॥

सक्ति सूल तरवारि कृपाना। अस्त्र सस्त्र कुलिसायुध नाना ॥

डारह परसु परिघ पाषाना। लागेउ बृष्टि करै बहु बाना ॥

दस दिसि रहे बान नभ छाई। मानहुँ मघा मेघ झरि लाई ॥

धरु धरु मारु सुनिअ धुनि काना। जो मारि तेहि कौ न जाना ॥

गहि गिरि तरु अकास कपि धावहिं। देखहि तेहि न दुखित फिरि आवहिम् ॥

अवघट घाट बाट गिरि कन्दर। माया बल कीन्हेसि सर पञ्जर ॥

जाहिं कहाँ ब्याकुल भे बन्दर। सुरपति बन्दि परे जनु मन्दर ॥

मारुतसुत अङ्गद नल नीला। कीन्हेसि बिकल सकल बलसीला ॥

पुनि लछिमन सुग्रीव बिभीषन। सरन्हि मारि कीन्हेसि जर्जर तन ॥

पुनि रघुपति सैं जूझे लागा। सर छाँड़इ होइ लागहिं नागा ॥

ब्याल पास बस भे खरारी। स्वबस अनन्त एक अबिकारी ॥

नट इव कपट चरित कर नाना। सदा स्वतन्त्र एक भगवाना ॥

रन सोभा लगि प्रभुहिं बँधायो। नागपास देवन्ह भय पायो ॥

दो. गिरिजा जासु नाम जपि मुनि काटहिं भव पास।

सो कि बन्ध तर आवि ब्यापक बिस्व निवास ॥ 73 ॥

चरित राम के सगुन भवानी। तर्कि न जाहिं बुद्धि बल बानी ॥

अस बिचारि जे तग्य बिरागी। रामहि भजहिं तर्क सब त्यागी ॥

ब्याकुल कटकु कीन्ह घननादा। पुनि भा प्रगट कहि दुर्बादा ॥

जामवन्त कह खल रहु ठाढ़आ। सुनि करि ताहि क्रोध अति बाढ़आ ॥

बूढ़ जानि सठ छाँड़एउँ तोही। लागेसि अधम पचारै मोही ॥

अस कहि तरल त्रिसूल चलायो। जामवन्त कर गहि सोइ धायो ॥

मारिसि मेघनाद कै छाती। परा भूमि घुर्मित सुरघाती ॥

पुनि रिसान गहि चरन फिरायौ। महि पछारि निज बल देखरायो ॥

बर प्रसाद सो मरि न मारा। तब गहि पद लङ्का पर डारा ॥

इहाँ देवरिषि गरुड़ पठायो। राम समीप सपदि सो आयो ॥

दो. खगपति सब धरि खाए माया नाग बरूथ।

माया बिगत भे सब हरषे बानर जूथ। 74(क) ॥

गहि गिरि पादप उपल नख धाए कीस रिसाइ।

चले तमीचर बिकलतर गढ़ पर चढ़ए पराइ ॥ 74(ख) ॥

मेघनाद के मुरछा जागी। पितहि बिलोकि लाज अति लागी ॥

तुरत गयु गिरिबर कन्दरा। करौं अजय मख अस मन धरा ॥

इहाँ बिभीषन मन्त्र बिचारा। सुनहु नाथ बल अतुल उदारा ॥

मेघनाद मख करि अपावन। खल मायावी देव सतावन ॥

जौं प्रभु सिद्ध होइ सो पाइहि। नाथ बेगि पुनि जीति न जाइहि ॥

सुनि रघुपति अतिसय सुख माना। बोले अङ्गदादि कपि नाना ॥

लछिमन सङ्ग जाहु सब भाई। करहु बिधंस जग्य कर जाई ॥

तुम्ह लछिमन मारेहु रन ओही। देखि सभय सुर दुख अति मोही ॥

मारेहु तेहि बल बुद्धि उपाई। जेहिं छीजै निसिचर सुनु भाई ॥

जामवन्त सुग्रीव बिभीषन। सेन समेत रहेहु तीनिउ जन ॥

जब रघुबीर दीन्हि अनुसासन। कटि निषङ्ग कसि साजि सरासन ॥

प्रभु प्रताप उर धरि रनधीरा। बोले घन इव गिरा गँभीरा ॥

जौं तेहि आजु बधें बिनु आवौं। तौ रघुपति सेवक न कहावौम् ॥

जौं सत सङ्कर करहिं सहाई। तदपि हतुँ रघुबीर दोहाई ॥

दो. रघुपति चरन नाइ सिरु चलेउ तुरन्त अनन्त।

अङ्गद नील मयन्द नल सङ्ग सुभट हनुमन्त ॥ 75 ॥

जाइ कपिन्ह सो देखा बैसा। आहुति देत रुधिर अरु भैंसा ॥

कीन्ह कपिन्ह सब जग्य बिधंसा। जब न उठि तब करहिं प्रसंसा ॥

तदपि न उठि धरेन्हि कच जाई। लातन्हि हति हति चले पराई ॥

लै त्रिसुल धावा कपि भागे। आए जहँ रामानुज आगे ॥

आवा परम क्रोध कर मारा। गर्ज घोर रव बारहिं बारा ॥

कोऽपि मरुतसुत अङ्गद धाए। हति त्रिसूल उर धरनि गिराए ॥

प्रभु कहँ छाँड़एसि सूल प्रचण्डा। सर हति कृत अनन्त जुग खण्डा ॥

उठि बहोरि मारुति जुबराजा। हतहिं कोऽपि तेहि घाउ न बाजा ॥

फिरे बीर रिपु मरि न मारा। तब धावा करि घोर चिकारा ॥

आवत देखि क्रुद्ध जनु काला। लछिमन छाड़ए बिसिख कराला ॥

देखेसि आवत पबि सम बाना। तुरत भयु खल अन्तरधाना ॥

बिबिध बेष धरि करि लराई। कबहुँक प्रगट कबहुँ दुरि जाई ॥

देखि अजय रिपु डरपे कीसा। परम क्रुद्ध तब भयु अहीसा ॥

लछिमन मन अस मन्त्र दृढ़आवा। एहि पापिहि मैं बहुत खेलावा ॥

सुमिरि कोसलाधीस प्रतापा। सर सन्धान कीन्ह करि दापा ॥

छाड़आ बान माझ उर लागा। मरती बार कपटु सब त्यागा ॥

दो. रामानुज कहँ रामु कहँ अस कहि छाँड़एसि प्रान।

धन्य धन्य तव जननी कह अङ्गद हनुमान ॥ 76 ॥

बिनु प्रयास हनुमान उठायो। लङ्का द्वार राखि पुनि आयो ॥

तासु मरन सुनि सुर गन्धर्बा। चढ़इ बिमान आए नभ सर्बा ॥

बरषि सुमन दुन्दुभीं बजावहिं। श्रीरघुनाथ बिमल जसु गावहिम् ॥

जय अनन्त जय जगदाधारा। तुम्ह प्रभु सब देवन्हि निस्तारा ॥

अस्तुति करि सुर सिद्ध सिधाए। लछिमन कृपासिन्धु पहिं आए ॥

सुत बध सुना दसानन जबहीं। मुरुछित भयु परेउ महि तबहीम् ॥

मन्दोदरी रुदन कर भारी। उर ताड़न बहु भाँति पुकारी ॥

नगर लोग सब ब्याकुल सोचा। सकल कहहिं दसकन्धर पोचा ॥

दो. तब दसकण्ठ बिबिध बिधि समुझाईं सब नारि।

नस्वर रूप जगत सब देखहु हृदयँ बिचारि ॥ 77 ॥

तिन्हहि ग्यान उपदेसा रावन। आपुन मन्द कथा सुभ पावन ॥

पर उपदेस कुसल बहुतेरे। जे आचरहिं ते नर न घनेरे ॥

निसा सिरानि भयु भिनुसारा। लगे भालु कपि चारिहुँ द्वारा ॥

सुभट बोलाइ दसानन बोला। रन सन्मुख जा कर मन डोला ॥

सो अबहीं बरु जाउ पराई। सञ्जुग बिमुख भेँ न भलाई ॥

निज भुज बल मैं बयरु बढ़आवा। देहुँ उतरु जो रिपु चढ़इ आवा ॥

अस कहि मरुत बेग रथ साजा। बाजे सकल जुझ्AU बाजा ॥

चले बीर सब अतुलित बली। जनु कज्जल कै आँधी चली ॥

असगुन अमित होहिं तेहि काला। गनि न भुजबल गर्ब बिसाला ॥

छं. अति गर्ब गनि न सगुन असगुन स्त्रवहिं आयुध हाथ ते।

भट गिरत रथ ते बाजि गज चिक्करत भाजहिं साथ ते ॥

गोमाय गीध कराल खर रव स्वान बोलहिं अति घने।

जनु कालदूत उलूक बोलहिं बचन परम भयावने ॥

दो. ताहि कि सम्पति सगुन सुभ सपनेहुँ मन बिश्राम।

भूत द्रोह रत मोहबस राम बिमुख रति काम ॥ 78 ॥

चलेउ निसाचर कटकु अपारा। चतुरङ्गिनी अनी बहु धारा ॥

बिबिध भाँति बाहन रथ जाना। बिपुल बरन पताक ध्वज नाना ॥

चले मत्त गज जूथ घनेरे। प्राबिट जलद मरुत जनु प्रेरे ॥

बरन बरद बिरदैत निकाया। समर सूर जानहिं बहु माया ॥

अति बिचित्र बाहिनी बिराजी। बीर बसन्त सेन जनु साजी ॥

चलत कटक दिगसिधुंर डगहीं। छुभित पयोधि कुधर डगमगहीम् ॥

उठी रेनु रबि गयु छपाई। मरुत थकित बसुधा अकुलाई ॥

पनव निसान घोर रव बाजहिं। प्रलय समय के घन जनु गाजहिम् ॥

भेरि नफीरि बाज सहनाई। मारू राग सुभट सुखदाई ॥

केहरि नाद बीर सब करहीं। निज निज बल पौरुष उच्चरहीम् ॥

कहि दसानन सुनहु सुभट्टा। मर्दहु भालु कपिन्ह के ठट्टा ॥

हौं मारिहुँ भूप द्वौ भाई। अस कहि सन्मुख फौज रेङ्गाई ॥

यह सुधि सकल कपिन्ह जब पाई। धाए करि रघुबीर दोहाई ॥

छं. धाए बिसाल कराल मर्कट भालु काल समान ते।

मानहुँ सपच्छ उड़आहिं भूधर बृन्द नाना बान ते ॥

नख दसन सैल महाद्रुमायुध सबल सङ्क न मानहीं।

जय राम रावन मत्त गज मृगराज सुजसु बखानहीम् ॥

दो. दुहु दिसि जय जयकार करि निज निज जोरी जानि।

भिरे बीर इत रामहि उत रावनहि बखानि ॥ 79 ॥

रावनु रथी बिरथ रघुबीरा। देखि बिभीषन भयु अधीरा ॥

अधिक प्रीति मन भा सन्देहा। बन्दि चरन कह सहित सनेहा ॥

नाथ न रथ नहिं तन पद त्राना। केहि बिधि जितब बीर बलवाना ॥

सुनहु सखा कह कृपानिधाना। जेहिं जय होइ सो स्यन्दन आना ॥

सौरज धीरज तेहि रथ चाका। सत्य सील दृढ़ ध्वजा पताका ॥

बल बिबेक दम परहित घोरे। छमा कृपा समता रजु जोरे ॥

ईस भजनु सारथी सुजाना। बिरति चर्म सन्तोष कृपाना ॥

दान परसु बुधि सक्ति प्रचण्ड़आ। बर बिग्यान कठिन कोदण्डा ॥

अमल अचल मन त्रोन समाना। सम जम नियम सिलीमुख नाना ॥

कवच अभेद बिप्र गुर पूजा। एहि सम बिजय उपाय न दूजा ॥

सखा धर्ममय अस रथ जाकें। जीतन कहँ न कतहुँ रिपु ताकेम् ॥

दो. महा अजय संसार रिपु जीति सकि सो बीर।

जाकें अस रथ होइ दृढ़ सुनहु सखा मतिधीर ॥ 80(क) ॥

सुनि प्रभु बचन बिभीषन हरषि गहे पद कञ्ज।

एहि मिस मोहि उपदेसेहु राम कृपा सुख पुञ्ज ॥ 80(ख) ॥

उत पचार दसकन्धर इत अङ्गद हनुमान।

लरत निसाचर भालु कपि करि निज निज प्रभु आन ॥ 80(ग) ॥

सुर ब्रह्मादि सिद्ध मुनि नाना। देखत रन नभ चढ़ए बिमाना ॥

हमहू उमा रहे तेहि सङ्गा। देखत राम चरित रन रङ्गा ॥

सुभट समर रस दुहु दिसि माते। कपि जयसील राम बल ताते ॥

एक एक सन भिरहिं पचारहिं। एकन्ह एक मर्दि महि पारहिम् ॥

मारहिं काटहिं धरहिं पछारहिं। सीस तोरि सीसन्ह सन मारहिम् ॥

उदर बिदारहिं भुजा उपारहिं। गहि पद अवनि पटकि भट डारहिम् ॥

निसिचर भट महि गाड़हि भालू। ऊपर ढारि देहिं बहु बालू ॥

बीर बलिमुख जुद्ध बिरुद्धे। देखिअत बिपुल काल जनु क्रुद्धे ॥

छं. क्रुद्धे कृतान्त समान कपि तन स्त्रवत सोनित राजहीं।

मर्दहिं निसाचर कटक भट बलवन्त घन जिमि गाजहीम् ॥

मारहिं चपेटन्हि डाटि दातन्ह काटि लातन्ह मीजहीं।

चिक्करहिं मर्कट भालु छल बल करहिं जेहिं खल छीजहीम् ॥

धरि गाल फारहिं उर बिदारहिं गल अँतावरि मेलहीं।

प्रहलादपति जनु बिबिध तनु धरि समर अङ्गन खेलहीम् ॥

धरु मारु काटु पछारु घोर गिरा गगन महि भरि रही।

जय राम जो तृन ते कुलिस कर कुलिस ते कर तृन सही ॥

दो. निज दल बिचलत देखेसि बीस भुजाँ दस चाप।

रथ चढ़इ चलेउ दसानन फिरहु फिरहु करि दाप ॥ 81 ॥

धायु परम क्रुद्ध दसकन्धर। सन्मुख चले हूह दै बन्दर ॥

गहि कर पादप उपल पहारा। डारेन्हि ता पर एकहिं बारा ॥

लागहिं सैल बज्र तन तासू। खण्ड खण्ड होइ फूटहिं आसू ॥

चला न अचल रहा रथ रोपी। रन दुर्मद रावन अति कोपी ॥

इत उत झपटि दपटि कपि जोधा। मर्दै लाग भयु अति क्रोधा ॥

चले पराइ भालु कपि नाना। त्राहि त्राहि अङ्गद हनुमाना ॥

पाहि पाहि रघुबीर गोसाई। यह खल खाइ काल की नाई ॥

तेहि देखे कपि सकल पराने। दसहुँ चाप सायक सन्धाने ॥

छं. सन्धानि धनु सर निकर छाड़एसि उरग जिमि उड़इ लागहीं।

रहे पूरि सर धरनी गगन दिसि बिदसि कहँ कपि भागहीम् ॥

भयो अति कोलाहल बिकल कपि दल भालु बोलहिं आतुरे।

रघुबीर करुना सिन्धु आरत बन्धु जन रच्छक हरे ॥

दो. निज दल बिकल देखि कटि कसि निषङ्ग धनु हाथ।

लछिमन चले क्रुद्ध होइ नाइ राम पद माथ ॥ 82 ॥

रे खल का मारसि कपि भालू। मोहि बिलोकु तोर मैं कालू ॥

खोजत रहेउँ तोहि सुतघाती। आजु निपाति जुड़आवुँ छाती ॥

अस कहि छाड़एसि बान प्रचण्डा। लछिमन किए सकल सत खण्डा ॥

कोटिन्ह आयुध रावन डारे। तिल प्रवान करि काटि निवारे ॥

पुनि निज बानन्ह कीन्ह प्रहारा। स्यन्दनु भञ्जि सारथी मारा ॥

सत सत सर मारे दस भाला। गिरि सृङ्गन्ह जनु प्रबिसहिं ब्याला ॥

पुनि सत सर मारा उर माहीं। परेउ धरनि तल सुधि कछु नाहीम् ॥

उठा प्रबल पुनि मुरुछा जागी। छाड़इसि ब्रह्म दीन्हि जो साँगी ॥

छं. सो ब्रह्म दत्त प्रचण्ड सक्ति अनन्त उर लागी सही।

पर्यो बीर बिकल उठाव दसमुख अतुल बल महिमा रही ॥

ब्रह्माण्ड भवन बिराज जाकें एक सिर जिमि रज कनी।

तेहि चह उठावन मूढ़ रावन जान नहिं त्रिभुअन धनी ॥

दो. देखि पवनसुत धायु बोलत बचन कठोर।

आवत कपिहि हन्यो तेहिं मुष्टि प्रहार प्रघोर ॥ 83 ॥

जानु टेकि कपि भूमि न गिरा। उठा सँभारि बहुत रिस भरा ॥

मुठिका एक ताहि कपि मारा। परेउ सैल जनु बज्र प्रहारा ॥

मुरुछा गै बहोरि सो जागा। कपि बल बिपुल सराहन लागा ॥

धिग धिग मम पौरुष धिग मोही। जौं तैं जिअत रहेसि सुरद्रोही ॥

अस कहि लछिमन कहुँ कपि ल्यायो। देखि दसानन बिसमय पायो ॥

कह रघुबीर समुझु जियँ भ्राता। तुम्ह कृतान्त भच्छक सुर त्राता ॥

सुनत बचन उठि बैठ कृपाला। गी गगन सो सकति कराला ॥

पुनि कोदण्ड बान गहि धाए। रिपु सन्मुख अति आतुर आए ॥

छं. आतुर बहोरि बिभञ्जि स्यन्दन सूत हति ब्याकुल कियो।

गिर् यो धरनि दसकन्धर बिकलतर बान सत बेध्यो हियो ॥

सारथी दूसर घालि रथ तेहि तुरत लङ्का लै गयो।

रघुबीर बन्धु प्रताप पुञ्ज बहोरि प्रभु चरनन्हि नयो ॥

दो. उहाँ दसानन जागि करि करै लाग कछु जग्य।

राम बिरोध बिजय चह सठ हठ बस अति अग्य ॥ 84 ॥

इहाँ बिभीषन सब सुधि पाई। सपदि जाइ रघुपतिहि सुनाई ॥

नाथ करि रावन एक जागा। सिद्ध भेँ नहिं मरिहि अभागा ॥

पठवहु नाथ बेगि भट बन्दर। करहिं बिधंस आव दसकन्धर ॥

प्रात होत प्रभु सुभट पठाए। हनुमदादि अङ्गद सब धाए ॥

कौतुक कूदि चढ़ए कपि लङ्का। पैठे रावन भवन असङ्का ॥

जग्य करत जबहीं सो देखा। सकल कपिन्ह भा क्रोध बिसेषा ॥

रन ते निलज भाजि गृह आवा। इहाँ आइ बक ध्यान लगावा ॥

अस कहि अङ्गद मारा लाता। चितव न सठ स्वारथ मन राता ॥

छं. नहिं चितव जब करि कोप कपि गहि दसन लातन्ह मारहीं।

धरि केस नारि निकारि बाहेर तेऽतिदीन पुकारहीम् ॥

तब उठेउ क्रुद्ध कृतान्त सम गहि चरन बानर डारी।

एहि बीच कपिन्ह बिधंस कृत मख देखि मन महुँ हारी ॥

दो. जग्य बिधंसि कुसल कपि आए रघुपति पास।

चलेउ निसाचर क्रुर्द्ध होइ त्यागि जिवन कै आस ॥ 85 ॥

चलत होहिं अति असुभ भयङ्कर। बैठहिं गीध उड़आइ सिरन्ह पर ॥

भयु कालबस काहु न माना। कहेसि बजावहु जुद्ध निसाना ॥

चली तमीचर अनी अपारा। बहु गज रथ पदाति असवारा ॥

प्रभु सन्मुख धाए खल कैंसें। सलभ समूह अनल कहँ जैंसेम् ॥

इहाँ देवतन्ह अस्तुति कीन्ही। दारुन बिपति हमहि एहिं दीन्ही ॥

अब जनि राम खेलावहु एही। अतिसय दुखित होति बैदेही ॥

देव बचन सुनि प्रभु मुसकाना। उठि रघुबीर सुधारे बाना।

जटा जूट दृढ़ बाँधै माथे। सोहहिं सुमन बीच बिच गाथे ॥

अरुन नयन बारिद तनु स्यामा। अखिल लोक लोचनाभिरामा ॥

कटितट परिकर कस्यो निषङ्गा। कर कोदण्ड कठिन सारङ्गा ॥

छं. सारङ्ग कर सुन्दर निषङ्ग सिलीमुखाकर कटि कस्यो।

भुजदण्ड पीन मनोहरायत उर धरासुर पद लस्यो ॥

कह दास तुलसी जबहिं प्रभु सर चाप कर फेरन लगे।

ब्रह्माण्ड दिग्गज कमठ अहि महि सिन्धु भूधर डगमगे ॥

दो. सोभा देखि हरषि सुर बरषहिं सुमन अपार।

जय जय जय करुनानिधि छबि बल गुन आगार ॥ 86 ॥

एहीं बीच निसाचर अनी। कसमसात आई अति घनी।

देखि चले सन्मुख कपि भट्टा। प्रलयकाल के जनु घन घट्टा ॥

बहु कृपान तरवारि चमङ्कहिं। जनु दहँ दिसि दामिनीं दमङ्कहिम् ॥

गज रथ तुरग चिकार कठोरा। गर्जहिं मनहुँ बलाहक घोरा ॥

कपि लङ्गूर बिपुल नभ छाए। मनहुँ इन्द्रधनु उए सुहाए ॥

उठि धूरि मानहुँ जलधारा। बान बुन्द भै बृष्टि अपारा ॥

दुहुँ दिसि पर्बत करहिं प्रहारा। बज्रपात जनु बारहिं बारा ॥

रघुपति कोऽपि बान झरि लाई। घायल भै निसिचर समुदाई ॥

लागत बान बीर चिक्करहीं। घुर्मि घुर्मि जहँ तहँ महि परहीम् ॥

स्त्रवहिं सैल जनु निर्झर भारी। सोनित सरि कादर भयकारी ॥

छं. कादर भयङ्कर रुधिर सरिता चली परम अपावनी।

दौ कूल दल रथ रेत चक्र अबर्त बहति भयावनी ॥

जल जन्तुगज पदचर तुरग खर बिबिध बाहन को गने।

सर सक्ति तोमर सर्प चाप तरङ्ग चर्म कमठ घने ॥

दो. बीर परहिं जनु तीर तरु मज्जा बहु बह फेन।

कादर देखि डरहिं तहँ सुभटन्ह के मन चेन ॥ 87 ॥

मज्जहि भूत पिसाच बेताला। प्रमथ महा झोटिङ्ग कराला ॥

काक कङ्क लै भुजा उड़आहीं। एक ते छीनि एक लै खाहीम् ॥

एक कहहिं ऐसिउ सौङ्घाई। सठहु तुम्हार दरिद्र न जाई ॥

कहँरत भट घायल तट गिरे। जहँ तहँ मनहुँ अर्धजल परे ॥

खैञ्चहिं गीध आँत तट भे। जनु बंसी खेलत चित दे ॥

बहु भट बहहिं चढ़ए खग जाहीं। जनु नावरि खेलहिं सरि माहीम् ॥

जोगिनि भरि भरि खप्पर सञ्चहिं। भूत पिसाच बधू नभ नञ्चहिम् ॥

भट कपाल करताल बजावहिं। चामुण्डा नाना बिधि गावहिम् ॥

जम्बुक निकर कटक्कट कट्टहिं। खाहिं हुआहिं अघाहिं दपट्टहिम् ॥

कोटिन्ह रुण्ड मुण्ड बिनु डोल्लहिं। सीस परे महि जय जय बोल्लहिम् ॥

छं. बोल्लहिं जो जय जय मुण्ड रुण्ड प्रचण्ड सिर बिनु धावहीं।

खप्परिन्ह खग्ग अलुज्झि जुज्झहिं सुभट भटन्ह ढहावहीम् ॥

बानर निसाचर निकर मर्दहिं राम बल दर्पित भे।

सङ्ग्राम अङ्गन सुभट सोवहिं राम सर निकरन्हि हे ॥

दो. रावन हृदयँ बिचारा भा निसिचर सङ्घार।

मैं अकेल कपि भालु बहु माया करौं अपार ॥ 88 ॥

देवन्ह प्रभुहि पयादें देखा। उपजा उर अति छोभ बिसेषा ॥

सुरपति निज रथ तुरत पठावा। हरष सहित मातलि लै आवा ॥

तेज पुञ्ज रथ दिब्य अनूपा। हरषि चढ़ए कोसलपुर भूपा ॥

चञ्चल तुरग मनोहर चारी। अजर अमर मन सम गतिकारी ॥

रथारूढ़ रघुनाथहि देखी। धाए कपि बलु पाइ बिसेषी ॥

सही न जाइ कपिन्ह कै मारी। तब रावन माया बिस्तारी ॥

सो माया रघुबीरहि बाँची। लछिमन कपिन्ह सो मानी साँची ॥

देखी कपिन्ह निसाचर अनी। अनुज सहित बहु कोसलधनी ॥

छं. बहु राम लछिमन देखि मर्कट भालु मन अति अपडरे।

जनु चित्र लिखित समेत लछिमन जहँ सो तहँ चितवहिं खरे ॥

निज सेन चकित बिलोकि हँसि सर चाप सजि कोसल धनी।

माया हरी हरि निमिष महुँ हरषी सकल मर्कट अनी ॥

दो. बहुरि राम सब तन चिति बोले बचन गँभीर।

द्वन्दजुद्ध देखहु सकल श्रमित भे अति बीर ॥ 89 ॥

अस कहि रथ रघुनाथ चलावा। बिप्र चरन पङ्कज सिरु नावा ॥

तब लङ्केस क्रोध उर छावा। गर्जत तर्जत सन्मुख धावा ॥

जीतेहु जे भट सञ्जुग माहीं। सुनु तापस मैं तिन्ह सम नाहीम् ॥

रावन नाम जगत जस जाना। लोकप जाकें बन्दीखाना ॥

खर दूषन बिराध तुम्ह मारा। बधेहु ब्याध इव बालि बिचारा ॥

निसिचर निकर सुभट सङ्घारेहु। कुम्भकरन घननादहि मारेहु ॥

आजु बयरु सबु लेउँ निबाही। जौं रन भूप भाजि नहिं जाहीम् ॥

आजु करुँ खलु काल हवाले। परेहु कठिन रावन के पाले ॥

सुनि दुर्बचन कालबस जाना। बिहँसि बचन कह कृपानिधाना ॥

सत्य सत्य सब तव प्रभुताई। जल्पसि जनि देखाउ मनुसाई ॥

छं. जनि जल्पना करि सुजसु नासहि नीति सुनहि करहि छमा।

संसार महँ पूरुष त्रिबिध पाटल रसाल पनस समा ॥

एक सुमनप्रद एक सुमन फल एक फलि केवल लागहीं।

एक कहहिं कहहिं करहिं अपर एक करहिं कहत न बागहीम् ॥

दो. राम बचन सुनि बिहँसा मोहि सिखावत ग्यान।

बयरु करत नहिं तब डरे अब लागे प्रिय प्रान ॥ 90 ॥

कहि दुर्बचन क्रुद्ध दसकन्धर। कुलिस समान लाग छाँड़ऐ सर ॥

नानाकार सिलीमुख धाए। दिसि अरु बिदिस गगन महि छाए ॥

पावक सर छाँड़एउ रघुबीरा। छन महुँ जरे निसाचर तीरा ॥

छाड़इसि तीब्र सक्ति खिसिआई। बान सङ्ग प्रभु फेरि चलाई ॥

कोटिक चक्र त्रिसूल पबारै। बिनु प्रयास प्रभु काटि निवारै ॥

निफल होहिं रावन सर कैसें। खल के सकल मनोरथ जैसेम् ॥

तब सत बान सारथी मारेसि। परेउ भूमि जय राम पुकारेसि ॥

राम कृपा करि सूत उठावा। तब प्रभु परम क्रोध कहुँ पावा ॥

छं. भे क्रुद्ध जुद्ध बिरुद्ध रघुपति त्रोन सायक कसमसे।

कोदण्ड धुनि अति चण्ड सुनि मनुजाद सब मारुत ग्रसे ॥

मँदोदरी उर कम्प कम्पति कमठ भू भूधर त्रसे।

चिक्करहिं दिग्गज दसन गहि महि देखि कौतुक सुर हँसे ॥

दो. तानेउ चाप श्रवन लगि छाँड़ए बिसिख कराल।

राम मारगन गन चले लहलहात जनु ब्याल ॥ 91 ॥

चले बान सपच्छ जनु उरगा। प्रथमहिं हतेउ सारथी तुरगा ॥

रथ बिभञ्जि हति केतु पताका। गर्जा अति अन्तर बल थाका ॥

तुरत आन रथ चढ़इ खिसिआना। अस्त्र सस्त्र छाँड़एसि बिधि नाना ॥

बिफल होहिं सब उद्यम ताके। जिमि परद्रोह निरत मनसा के ॥

तब रावन दस सूल चलावा। बाजि चारि महि मारि गिरावा ॥

तुरग उठाइ कोऽपि रघुनायक। खैञ्चि सरासन छाँड़ए सायक ॥

रावन सिर सरोज बनचारी। चलि रघुबीर सिलीमुख धारी ॥

दस दस बान भाल दस मारे। निसरि गे चले रुधिर पनारे ॥

स्त्रवत रुधिर धायु बलवाना। प्रभु पुनि कृत धनु सर सन्धाना ॥

तीस तीर रघुबीर पबारे। भुजन्हि समेत सीस महि पारे ॥

काटतहीं पुनि भे नबीने। राम बहोरि भुजा सिर छीने ॥

प्रभु बहु बार बाहु सिर हे। कटत झटिति पुनि नूतन भे ॥

पुनि पुनि प्रभु काटत भुज सीसा। अति कौतुकी कोसलाधीसा ॥

रहे छाइ नभ सिर अरु बाहू। मानहुँ अमित केतु अरु राहू ॥

छं. जनु राहु केतु अनेक नभ पथ स्त्रवत सोनित धावहीं।

रघुबीर तीर प्रचण्ड लागहिं भूमि गिरन न पावहीम् ॥

एक एक सर सिर निकर छेदे नभ उड़त इमि सोहहीं।

जनु कोऽपि दिनकर कर निकर जहँ तहँ बिधुन्तुद पोहहीम् ॥

दो. जिमि जिमि प्रभु हर तासु सिर तिमि तिमि होहिं अपार।

सेवत बिषय बिबर्ध जिमि नित नित नूतन मार ॥ 92 ॥

दसमुख देखि सिरन्ह कै बाढ़ई। बिसरा मरन भी रिस गाढ़ई ॥

गर्जेउ मूढ़ महा अभिमानी। धायु दसहु सरासन तानी ॥

समर भूमि दसकन्धर कोप्यो। बरषि बान रघुपति रथ तोप्यो ॥

दण्ड एक रथ देखि न परेऊ। जनु निहार महुँ दिनकर दुरेऊ ॥

हाहाकार सुरन्ह जब कीन्हा। तब प्रभु कोऽपि कारमुक लीन्हा ॥

सर निवारि रिपु के सिर काटे। ते दिसि बिदिस गगन महि पाटे ॥

काटे सिर नभ मारग धावहिं। जय जय धुनि करि भय उपजावहिम् ॥

कहँ लछिमन सुग्रीव कपीसा। कहँ रघुबीर कोसलाधीसा ॥

छं. कहँ रामु कहि सिर निकर धाए देखि मर्कट भजि चले।

सन्धानि धनु रघुबंसमनि हँसि सरन्हि सिर बेधे भले ॥

सिर मालिका कर कालिका गहि बृन्द बृन्दन्हि बहु मिलीं।

करि रुधिर सरि मज्जनु मनहुँ सङ्ग्राम बट पूजन चलीम् ॥

दो. पुनि दसकण्ठ क्रुद्ध होइ छाँड़ई सक्ति प्रचण्ड।

चली बिभीषन सन्मुख मनहुँ काल कर दण्ड ॥ 93 ॥

आवत देखि सक्ति अति घोरा। प्रनतारति भञ्जन पन मोरा ॥

तुरत बिभीषन पाछें मेला। सन्मुख राम सहेउ सोइ सेला ॥

लागि सक्ति मुरुछा कछु भी। प्रभु कृत खेल सुरन्ह बिकली ॥

देखि बिभीषन प्रभु श्रम पायो। गहि कर गदा क्रुद्ध होइ धायो ॥

रे कुभाग्य सठ मन्द कुबुद्धे। तैं सुर नर मुनि नाग बिरुद्धे ॥

सादर सिव कहुँ सीस चढ़आए। एक एक के कोटिन्ह पाए ॥

तेहि कारन खल अब लगि बाँच्यो। अब तव कालु सीस पर नाच्यो ॥

राम बिमुख सठ चहसि सम्पदा। अस कहि हनेसि माझ उर गदा ॥

छं. उर माझ गदा प्रहार घोर कठोर लागत महि पर् यो।

दस बदन सोनित स्त्रवत पुनि सम्भारि धायो रिस भर् यो ॥

द्वौ भिरे अतिबल मल्लजुद्ध बिरुद्ध एकु एकहि हनै।

रघुबीर बल दर्पित बिभीषनु घालि नहिं ता कहुँ गनै ॥

दो. उमा बिभीषनु रावनहि सन्मुख चितव कि काउ।

सो अब भिरत काल ज्यों श्रीरघुबीर प्रभाउ ॥ 94 ॥

देखा श्रमित बिभीषनु भारी। धायु हनूमान गिरि धारी ॥

रथ तुरङ्ग सारथी निपाता। हृदय माझ तेहि मारेसि लाता ॥

ठाढ़ रहा अति कम्पित गाता। गयु बिभीषनु जहँ जनत्राता ॥

पुनि रावन कपि हतेउ पचारी। चलेउ गगन कपि पूँछ पसारी ॥

गहिसि पूँछ कपि सहित उड़आना। पुनि फिरि भिरेउ प्रबल हनुमाना ॥

लरत अकास जुगल सम जोधा। एकहि एकु हनत करि क्रोधा ॥

सोहहिं नभ छल बल बहु करहीं। कज्जल गिरि सुमेरु जनु लरहीम् ॥

बुधि बल निसिचर परि न पार् यो। तब मारुत सुत प्रभु सम्भार् यो ॥

छं. सम्भारि श्रीरघुबीर धीर पचारि कपि रावनु हन्यो।

महि परत पुनि उठि लरत देवन्ह जुगल कहुँ जय जय भन्यो ॥

हनुमन्त सङ्कट देखि मर्कट भालु क्रोधातुर चले।

रन मत्त रावन सकल सुभट प्रचण्ड भुज बल दलमले ॥

दो. तब रघुबीर पचारे धाए कीस प्रचण्ड।

कपि बल प्रबल देखि तेहिं कीन्ह प्रगट पाषण्ड ॥ 95 ॥

अन्तरधान भयु छन एका। पुनि प्रगटे खल रूप अनेका ॥

रघुपति कटक भालु कपि जेते। जहँ तहँ प्रगट दसानन तेते ॥

देखे कपिन्ह अमित दससीसा। जहँ तहँ भजे भालु अरु कीसा ॥

भागे बानर धरहिं न धीरा। त्राहि त्राहि लछिमन रघुबीरा ॥

दहँ दिसि धावहिं कोटिन्ह रावन। गर्जहिं घोर कठोर भयावन ॥

डरे सकल सुर चले पराई। जय कै आस तजहु अब भाई ॥

सब सुर जिते एक दसकन्धर। अब बहु भे तकहु गिरि कन्दर ॥

रहे बिरञ्चि सम्भु मुनि ग्यानी। जिन्ह जिन्ह प्रभु महिमा कछु जानी ॥

छं. जाना प्रताप ते रहे निर्भय कपिन्ह रिपु माने फुरे।

चले बिचलि मर्कट भालु सकल कृपाल पाहि भयातुरे ॥

हनुमन्त अङ्गद नील नल अतिबल लरत रन बाँकुरे।

मर्दहिं दसानन कोटि कोटिन्ह कपट भू भट अङ्कुरे ॥

दो. सुर बानर देखे बिकल हँस्यो कोसलाधीस।

सजि सारङ्ग एक सर हते सकल दससीस ॥ 96 ॥

प्रभु छन महुँ माया सब काटी। जिमि रबि उएँ जाहिं तम फाटी ॥

रावनु एकु देखि सुर हरषे। फिरे सुमन बहु प्रभु पर बरषे ॥

भुज उठाइ रघुपति कपि फेरे। फिरे एक एकन्ह तब टेरे ॥

प्रभु बलु पाइ भालु कपि धाए। तरल तमकि सञ्जुग महि आए ॥

अस्तुति करत देवतन्हि देखें। भयुँ एक मैं इन्ह के लेखेम् ॥

सठहु सदा तुम्ह मोर मरायल। अस कहि कोऽपि गगन पर धायल ॥

हाहाकार करत सुर भागे। खलहु जाहु कहँ मोरें आगे ॥

देखि बिकल सुर अङ्गद धायो। कूदि चरन गहि भूमि गिरायो ॥

छं. गहि भूमि पार् यो लात मार् यो बालिसुत प्रभु पहिं गयो।

सम्भारि उठि दसकण्ठ घोर कठोर रव गर्जत भयो ॥

करि दाप चाप चढ़आइ दस सन्धानि सर बहु बरषी।

किए सकल भट घायल भयाकुल देखि निज बल हरषी ॥

दो. तब रघुपति रावन के सीस भुजा सर चाप।

काटे बहुत बढ़ए पुनि जिमि तीरथ कर पाप। 97 ॥

सिर भुज बाढ़इ देखि रिपु केरी। भालु कपिन्ह रिस भी घनेरी ॥

मरत न मूढ़ कटेउ भुज सीसा। धाए कोऽपि भालु भट कीसा ॥

बालितनय मारुति नल नीला। बानरराज दुबिद बलसीला ॥

बिटप महीधर करहिं प्रहारा। सोइ गिरि तरु गहि कपिन्ह सो मारा ॥

एक नखन्हि रिपु बपुष बिदारी। भागि चलहिं एक लातन्ह मारी ॥

तब नल नील सिरन्हि चढ़इ गयू। नखन्हि लिलार बिदारत भयू ॥

रुधिर देखि बिषाद उर भारी। तिन्हहि धरन कहुँ भुजा पसारी ॥

गहे न जाहिं करन्हि पर फिरहीं। जनु जुग मधुप कमल बन चरहीम् ॥

कोऽपि कूदि द्वौ धरेसि बहोरी। महि पटकत भजे भुजा मरोरी ॥

पुनि सकोप दस धनु कर लीन्हे। सरन्हि मारि घायल कपि कीन्हे ॥

हनुमदादि मुरुछित करि बन्दर। पाइ प्रदोष हरष दसकन्धर ॥

मुरुछित देखि सकल कपि बीरा। जामवन्त धायु रनधीरा ॥

सङ्ग भालु भूधर तरु धारी। मारन लगे पचारि पचारी ॥

भयु क्रुद्ध रावन बलवाना। गहि पद महि पटकि भट नाना ॥

देखि भालुपति निज दल घाता। कोऽपि माझ उर मारेसि लाता ॥

छं. उर लात घात प्रचण्ड लागत बिकल रथ ते महि परा।

गहि भालु बीसहुँ कर मनहुँ कमलन्हि बसे निसि मधुकरा ॥

मुरुछित बिलोकि बहोरि पद हति भालुपति प्रभु पहिं गयौ।

निसि जानि स्यन्दन घालि तेहि तब सूत जतनु करत भयो ॥

दो. मुरुछा बिगत भालु कपि सब आए प्रभु पास।

निसिचर सकल रावनहि घेरि रहे अति त्रास ॥ 98 ॥

मासपारायण, छब्बीसवाँ विश्राम

तेही निसि सीता पहिं जाई। त्रिजटा कहि सब कथा सुनाई ॥

सिर भुज बाढ़इ सुनत रिपु केरी। सीता उर भि त्रास घनेरी ॥

मुख मलीन उपजी मन चिन्ता। त्रिजटा सन बोली तब सीता ॥

होइहि कहा कहसि किन माता। केहि बिधि मरिहि बिस्व दुखदाता ॥

रघुपति सर सिर कटेहुँ न मरी। बिधि बिपरीत चरित सब करी ॥

मोर अभाग्य जिआवत ओही। जेहिं हौ हरि पद कमल बिछोही ॥

जेहिं कृत कपट कनक मृग झूठा। अजहुँ सो दैव मोहि पर रूठा ॥

जेहिं बिधि मोहि दुख दुसह सहाए। लछिमन कहुँ कटु बचन कहाए ॥

रघुपति बिरह सबिष सर भारी। तकि तकि मार बार बहु मारी ॥

ऐसेहुँ दुख जो राख मम प्राना। सोइ बिधि ताहि जिआव न आना ॥

बहु बिधि कर बिलाप जानकी। करि करि सुरति कृपानिधान की ॥

कह त्रिजटा सुनु राजकुमारी। उर सर लागत मरि सुरारी ॥

प्रभु ताते उर हति न तेही। एहि के हृदयँ बसति बैदेही ॥

छं. एहि के हृदयँ बस जानकी जानकी उर मम बास है।

मम उदर भुअन अनेक लागत बान सब कर नास है ॥

सुनि बचन हरष बिषाद मन अति देखि पुनि त्रिजटाँ कहा।

अब मरिहि रिपु एहि बिधि सुनहि सुन्दरि तजहि संसय महा ॥

दो. काटत सिर होइहि बिकल छुटि जाइहि तव ध्यान।

तब रावनहि हृदय महुँ मरिहहिं रामु सुजान ॥ 99 ॥

अस कहि बहुत भाँति समुझाई। पुनि त्रिजटा निज भवन सिधाई ॥

राम सुभाउ सुमिरि बैदेही। उपजी बिरह बिथा अति तेही ॥

निसिहि ससिहि निन्दति बहु भाँती। जुग सम भी सिराति न राती ॥

करति बिलाप मनहिं मन भारी। राम बिरहँ जानकी दुखारी ॥

जब अति भयु बिरह उर दाहू। फरकेउ बाम नयन अरु बाहू ॥

सगुन बिचारि धरी मन धीरा। अब मिलिहहिं कृपाल रघुबीरा ॥

इहाँ अर्धनिसि रावनु जागा। निज सारथि सन खीझन लागा ॥

सठ रनभूमि छड़आइसि मोही। धिग धिग अधम मन्दमति तोही ॥

तेहिं पद गहि बहु बिधि समुझावा। भौरु भेँ रथ चढ़इ पुनि धावा ॥

सुनि आगवनु दसानन केरा। कपि दल खरभर भयु घनेरा ॥

जहँ तहँ भूधर बिटप उपारी। धाए कटकटाइ भट भारी ॥

छं. धाए जो मर्कट बिकट भालु कराल कर भूधर धरा।

अति कोप करहिं प्रहार मारत भजि चले रजनीचरा ॥

बिचलाइ दल बलवन्त कीसन्ह घेरि पुनि रावनु लियो।

चहुँ दिसि चपेटन्हि मारि नखन्हि बिदारि तनु ब्याकुल कियो ॥

दो. देखि महा मर्कट प्रबल रावन कीन्ह बिचार।

अन्तरहित होइ निमिष महुँ कृत माया बिस्तार ॥ 100 ॥

छं. जब कीन्ह तेहिं पाषण्ड। भे प्रगट जन्तु प्रचण्ड ॥

बेताल भूत पिसाच। कर धरें धनु नाराच ॥ 1 ॥

जोगिनि गहें करबाल। एक हाथ मनुज कपाल ॥

करि सद्य सोनित पान। नाचहिं करहिं बहु गान ॥ 2 ॥

धरु मारु बोलहिं घोर। रहि पूरि धुनि चहुँ ओर ॥

मुख बाइ धावहिं खान। तब लगे कीस परान ॥ 3 ॥

जहँ जाहिं मर्कट भागि। तहँ बरत देखहिं आगि ॥

भे बिकल बानर भालु। पुनि लाग बरषै बालु ॥ 4 ॥

जहँ तहँ थकित करि कीस। गर्जेउ बहुरि दससीस ॥

लछिमन कपीस समेत। भे सकल बीर अचेत ॥ 5 ॥

हा राम हा रघुनाथ। कहि सुभट मीजहिं हाथ ॥

एहि बिधि सकल बल तोरि। तेहिं कीन्ह कपट बहोरि ॥ 6 ॥

प्रगटेसि बिपुल हनुमान। धाए गहे पाषान ॥

तिन्ह रामु घेरे जाइ। चहुँ दिसि बरूथ बनाइ ॥ 7 ॥

मारहु धरहु जनि जाइ। कटकटहिं पूँछ उठाइ ॥

दहँ दिसि लँगूर बिराज। तेहिं मध्य कोसलराज ॥ 8 ॥

छं. तेहिं मध्य कोसलराज सुन्दर स्याम तन सोभा लही।

जनु इन्द्रधनुष अनेक की बर बारि तुङ्ग तमालही ॥

प्रभु देखि हरष बिषाद उर सुर बदत जय जय जय करी।

रघुबीर एकहि तीर कोऽपि निमेष महुँ माया हरी ॥ 1 ॥

माया बिगत कपि भालु हरषे बिटप गिरि गहि सब फिरे।

सर निकर छाड़ए राम रावन बाहु सिर पुनि महि गिरे ॥

श्रीराम रावन समर चरित अनेक कल्प जो गावहीं।

सत सेष सारद निगम कबि तेउ तदपि पार न पावहीम् ॥ 2 ॥

दो. ताके गुन गन कछु कहे जड़मति तुलसीदास।

जिमि निज बल अनुरूप ते माछी उड़इ अकास ॥ 101(क) ॥

काटे सिर भुज बार बहु मरत न भट लङ्केस।

प्रभु क्रीड़त सुर सिद्ध मुनि ब्याकुल देखि कलेस ॥ 101(ख) ॥

काटत बढ़हिं सीस समुदाई। जिमि प्रति लाभ लोभ अधिकाई ॥

मरि न रिपु श्रम भयु बिसेषा। राम बिभीषन तन तब देखा ॥

उमा काल मर जाकीं ईछा। सो प्रभु जन कर प्रीति परीछा ॥

सुनु सरबग्य चराचर नायक। प्रनतपाल सुर मुनि सुखदायक ॥

नाभिकुण्ड पियूष बस याकें। नाथ जिअत रावनु बल ताकेम् ॥

सुनत बिभीषन बचन कृपाला। हरषि गहे कर बान कराला ॥

असुभ होन लागे तब नाना। रोवहिं खर सृकाल बहु स्वाना ॥

बोलहि खग जग आरति हेतू। प्रगट भे नभ जहँ तहँ केतू ॥

दस दिसि दाह होन अति लागा। भयु परब बिनु रबि उपरागा ॥

मन्दोदरि उर कम्पति भारी। प्रतिमा स्त्रवहिं नयन मग बारी ॥

छं. प्रतिमा रुदहिं पबिपात नभ अति बात बह डोलति मही।

बरषहिं बलाहक रुधिर कच रज असुभ अति सक को कही ॥

उतपात अमित बिलोकि नभ सुर बिकल बोलहि जय जे।

सुर सभय जानि कृपाल रघुपति चाप सर जोरत भे ॥

दो. खैचि सरासन श्रवन लगि छाड़ए सर एकतीस।

रघुनायक सायक चले मानहुँ काल फनीस ॥ 102 ॥

सायक एक नाभि सर सोषा। अपर लगे भुज सिर करि रोषा ॥

लै सिर बाहु चले नाराचा। सिर भुज हीन रुण्ड महि नाचा ॥

धरनि धसि धर धाव प्रचण्डा। तब सर हति प्रभु कृत दुइ खण्डा ॥

गर्जेउ मरत घोर रव भारी। कहाँ रामु रन हतौं पचारी ॥

डोली भूमि गिरत दसकन्धर। छुभित सिन्धु सरि दिग्गज भूधर ॥

धरनि परेउ द्वौ खण्ड बढ़आई। चापि भालु मर्कट समुदाई ॥

मन्दोदरि आगें भुज सीसा। धरि सर चले जहाँ जगदीसा ॥

प्रबिसे सब निषङ्ग महु जाई। देखि सुरन्ह दुन्दुभीं बजाई ॥

तासु तेज समान प्रभु आनन। हरषे देखि सम्भु चतुरानन ॥

जय जय धुनि पूरी ब्रह्मण्डा। जय रघुबीर प्रबल भुजदण्डा ॥

बरषहि सुमन देव मुनि बृन्दा। जय कृपाल जय जयति मुकुन्दा ॥

छं. जय कृपा कन्द मुकन्द द्वन्द हरन सरन सुखप्रद प्रभो।

खल दल बिदारन परम कारन कारुनीक सदा बिभो ॥

सुर सुमन बरषहिं हरष सङ्कुल बाज दुन्दुभि गहगही।

सङ्ग्राम अङ्गन राम अङ्ग अनङ्ग बहु सोभा लही ॥

सिर जटा मुकुट प्रसून बिच बिच अति मनोहर राजहीं।

जनु नीलगिरि पर तड़इत पटल समेत उड़उगन भ्राजहीम् ॥

भुजदण्ड सर कोदण्ड फेरत रुधिर कन तन अति बने।

जनु रायमुनीं तमाल पर बैठीं बिपुल सुख आपने ॥

दो. कृपादृष्टि करि प्रभु अभय किए सुर बृन्द।

भालु कीस सब हरषे जय सुख धाम मुकन्द ॥ 103 ॥

पति सिर देखत मन्दोदरी। मुरुछित बिकल धरनि खसि परी ॥

जुबति बृन्द रोवत उठि धाईं। तेहि उठाइ रावन पहिं आई ॥

पति गति देखि ते करहिं पुकारा। छूटे कच नहिं बपुष सँभारा ॥

उर ताड़ना करहिं बिधि नाना। रोवत करहिं प्रताप बखाना ॥

तव बल नाथ डोल नित धरनी। तेज हीन पावक ससि तरनी ॥

सेष कमठ सहि सकहिं न भारा। सो तनु भूमि परेउ भरि छारा ॥

बरुन कुबेर सुरेस समीरा। रन सन्मुख धरि काहुँ न धीरा ॥

भुजबल जितेहु काल जम साईं। आजु परेहु अनाथ की नाईम् ॥

जगत बिदित तुम्हारी प्रभुताई। सुत परिजन बल बरनि न जाई ॥

राम बिमुख अस हाल तुम्हारा। रहा न कौ कुल रोवनिहारा ॥

तव बस बिधि प्रपञ्च सब नाथा। सभय दिसिप नित नावहिं माथा ॥

अब तव सिर भुज जम्बुक खाहीं। राम बिमुख यह अनुचित नाहीम् ॥

काल बिबस पति कहा न माना। अग जग नाथु मनुज करि जाना ॥

छं. जान्यो मनुज करि दनुज कानन दहन पावक हरि स्वयं।

जेहि नमत सिव ब्रह्मादि सुर पिय भजेहु नहिं करुनामयम् ॥

आजन्म ते परद्रोह रत पापौघमय तव तनु अयं।

तुम्हहू दियो निज धाम राम नमामि ब्रह्म निरामयम् ॥

दो. अहह नाथ रघुनाथ सम कृपासिन्धु नहिं आन।

जोगि बृन्द दुर्लभ गति तोहि दीन्हि भगवान ॥ 104 ॥

मन्दोदरी बचन सुनि काना। सुर मुनि सिद्ध सबन्हि सुख माना ॥

अज महेस नारद सनकादी। जे मुनिबर परमारथबादी ॥

भरि लोचन रघुपतिहि निहारी। प्रेम मगन सब भे सुखारी ॥

रुदन करत देखीं सब नारी। गयु बिभीषनु मन दुख भारी ॥

बन्धु दसा बिलोकि दुख कीन्हा। तब प्रभु अनुजहि आयसु दीन्हा ॥

लछिमन तेहि बहु बिधि समुझायो। बहुरि बिभीषन प्रभु पहिं आयो ॥

कृपादृष्टि प्रभु ताहि बिलोका। करहु क्रिया परिहरि सब सोका ॥

कीन्हि क्रिया प्रभु आयसु मानी। बिधिवत देस काल जियँ जानी ॥

दो. मन्दोदरी आदि सब देइ तिलाञ्जलि ताहि।

भवन गी रघुपति गुन गन बरनत मन माहि ॥ 105 ॥

आइ बिभीषन पुनि सिरु नायो। कृपासिन्धु तब अनुज बोलायो ॥

तुम्ह कपीस अङ्गद नल नीला। जामवन्त मारुति नयसीला ॥

सब मिलि जाहु बिभीषन साथा। सारेहु तिलक कहेउ रघुनाथा ॥

पिता बचन मैं नगर न आवुँ। आपु सरिस कपि अनुज पठावुँ ॥

तुरत चले कपि सुनि प्रभु बचना। कीन्ही जाइ तिलक की रचना ॥

सादर सिंहासन बैठारी। तिलक सारि अस्तुति अनुसारी ॥

जोरि पानि सबहीं सिर नाए। सहित बिभीषन प्रभु पहिं आए ॥

तब रघुबीर बोलि कपि लीन्हे। कहि प्रिय बचन सुखी सब कीन्हे ॥

छं. किए सुखी कहि बानी सुधा सम बल तुम्हारें रिपु हयो।

पायो बिभीषन राज तिहुँ पुर जसु तुम्हारो नित नयो ॥

मोहि सहित सुभ कीरति तुम्हारी परम प्रीति जो गाइहैं।

संसार सिन्धु अपार पार प्रयास बिनु नर पाइहैम् ॥

दो. प्रभु के बचन श्रवन सुनि नहिं अघाहिं कपि पुञ्ज।

बार बार सिर नावहिं गहहिं सकल पद कञ्ज ॥ 106 ॥

पुनि प्रभु बोलि लियु हनुमाना। लङ्का जाहु कहेउ भगवाना ॥

समाचार जानकिहि सुनावहु। तासु कुसल लै तुम्ह चलि आवहु ॥

तब हनुमन्त नगर महुँ आए। सुनि निसिचरी निसाचर धाए ॥

बहु प्रकार तिन्ह पूजा कीन्ही। जनकसुता देखाइ पुनि दीन्ही ॥

दूरहि ते प्रनाम कपि कीन्हा। रघुपति दूत जानकीं चीन्हा ॥

कहहु तात प्रभु कृपानिकेता। कुसल अनुज कपि सेन समेता ॥

सब बिधि कुसल कोसलाधीसा। मातु समर जीत्यो दससीसा ॥

अबिचल राजु बिभीषन पायो। सुनि कपि बचन हरष उर छायो ॥

छं. अति हरष मन तन पुलक लोचन सजल कह पुनि पुनि रमा।

का देउँ तोहि त्रेलोक महुँ कपि किमपि नहिं बानी समा ॥

सुनु मातु मैं पायो अखिल जग राजु आजु न संसयं।

रन जीति रिपुदल बन्धु जुत पस्यामि राममनामयम् ॥

दो. सुनु सुत सदगुन सकल तव हृदयँ बसहुँ हनुमन्त।

सानुकूल कोसलपति रहहुँ समेत अनन्त ॥ 107 ॥

अब सोइ जतन करहु तुम्ह ताता। देखौं नयन स्याम मृदु गाता ॥

तब हनुमान राम पहिं जाई। जनकसुता कै कुसल सुनाई ॥

सुनि सन्देसु भानुकुलभूषन। बोलि लिए जुबराज बिभीषन ॥

मारुतसुत के सङ्ग सिधावहु। सादर जनकसुतहि लै आवहु ॥

तुरतहिं सकल गे जहँ सीता। सेवहिं सब निसिचरीं बिनीता ॥

बेगि बिभीषन तिन्हहि सिखायो। तिन्ह बहु बिधि मज्जन करवायो ॥

बहु प्रकार भूषन पहिराए। सिबिका रुचिर साजि पुनि ल्याए ॥

ता पर हरषि चढ़ई बैदेही। सुमिरि राम सुखधाम सनेही ॥

बेतपानि रच्छक चहुँ पासा। चले सकल मन परम हुलासा ॥

देखन भालु कीस सब आए। रच्छक कोऽपि निवारन धाए ॥

कह रघुबीर कहा मम मानहु। सीतहि सखा पयादें आनहु ॥

देखहुँ कपि जननी की नाईं। बिहसि कहा रघुनाथ गोसाई ॥

सुनि प्रभु बचन भालु कपि हरषे। नभ ते सुरन्ह सुमन बहु बरषे ॥

सीता प्रथम अनल महुँ राखी। प्रगट कीन्हि चह अन्तर साखी ॥

दो. तेहि कारन करुनानिधि कहे कछुक दुर्बाद।

सुनत जातुधानीं सब लागीं करै बिषाद ॥ 108 ॥

प्रभु के बचन सीस धरि सीता। बोली मन क्रम बचन पुनीता ॥

लछिमन होहु धरम के नेगी। पावक प्रगट करहु तुम्ह बेगी ॥

सुनि लछिमन सीता कै बानी। बिरह बिबेक धरम निति सानी ॥

लोचन सजल जोरि कर दोऊ। प्रभु सन कछु कहि सकत न ओऊ ॥

देखि राम रुख लछिमन धाए। पावक प्रगटि काठ बहु लाए ॥

पावक प्रबल देखि बैदेही। हृदयँ हरष नहिं भय कछु तेही ॥

जौं मन बच क्रम मम उर माहीं। तजि रघुबीर आन गति नाहीम् ॥

तौ कृसानु सब कै गति जाना। मो कहुँ हौ श्रीखण्ड समाना ॥

छं. श्रीखण्ड सम पावक प्रबेस कियो सुमिरि प्रभु मैथिली।

जय कोसलेस महेस बन्दित चरन रति अति निर्मली ॥

प्रतिबिम्ब अरु लौकिक कलङ्क प्रचण्ड पावक महुँ जरे।

प्रभु चरित काहुँ न लखे नभ सुर सिद्ध मुनि देखहिं खरे ॥ 1 ॥

धरि रूप पावक पानि गहि श्री सत्य श्रुति जग बिदित जो।

जिमि छीरसागर इन्दिरा रामहि समर्पी आनि सो ॥

सो राम बाम बिभाग राजति रुचिर अति सोभा भली।

नव नील नीरज निकट मानहुँ कनक पङ्कज की कली ॥ 2 ॥

दो. बरषहिं सुमन हरषि सुन बाजहिं गगन निसान।

गावहिं किन्नर सुरबधू नाचहिं चढ़ईं बिमान ॥ 109(क) ॥

जनकसुता समेत प्रभु सोभा अमित अपार।

देखि भालु कपि हरषे जय रघुपति सुख सार ॥ 109(ख) ॥

तब रघुपति अनुसासन पाई। मातलि चलेउ चरन सिरु नाई ॥

आए देव सदा स्वारथी। बचन कहहिं जनु परमारथी ॥

दीन बन्धु दयाल रघुराया। देव कीन्हि देवन्ह पर दाया ॥

बिस्व द्रोह रत यह खल कामी। निज अघ गयु कुमारगगामी ॥

तुम्ह समरूप ब्रह्म अबिनासी। सदा एकरस सहज उदासी ॥

अकल अगुन अज अनघ अनामय। अजित अमोघसक्ति करुनामय ॥

मीन कमठ सूकर नरहरी। बामन परसुराम बपु धरी ॥

जब जब नाथ सुरन्ह दुखु पायो। नाना तनु धरि तुम्हिँ नसायो ॥

यह खल मलिन सदा सुरद्रोही। काम लोभ मद रत अति कोही ॥

अधम सिरोमनि तव पद पावा। यह हमरे मन बिसमय आवा ॥

हम देवता परम अधिकारी। स्वारथ रत प्रभु भगति बिसारी ॥

भव प्रबाहँ सन्तत हम परे। अब प्रभु पाहि सरन अनुसरे ॥

दो. करि बिनती सुर सिद्ध सब रहे जहँ तहँ कर जोरि।

अति सप्रेम तन पुलकि बिधि अस्तुति करत बहोरि ॥ 110 ॥

छं. जय राम सदा सुखधाम हरे। रघुनायक सायक चाप धरे ॥

भव बारन दारन सिंह प्रभो। गुन सागर नागर नाथ बिभो ॥

तन काम अनेक अनूप छबी। गुन गावत सिद्ध मुनीन्द्र कबी ॥

जसु पावन रावन नाग महा। खगनाथ जथा करि कोप गहा ॥

जन रञ्जन भञ्जन सोक भयं। गतक्रोध सदा प्रभु बोधमयम् ॥

अवतार उदार अपार गुनं। महि भार बिभञ्जन ग्यानघनम् ॥

अज ब्यापकमेकमनादि सदा। करुनाकर राम नमामि मुदा ॥

रघुबंस बिभूषन दूषन हा। कृत भूप बिभीषन दीन रहा ॥

गुन ग्यान निधान अमान अजं। नित राम नमामि बिभुं बिरजम् ॥

भुजदण्ड प्रचण्ड प्रताप बलं। खल बृन्द निकन्द महा कुसलम् ॥

बिनु कारन दीन दयाल हितं। छबि धाम नमामि रमा सहितम् ॥

भव तारन कारन काज परं। मन सम्भव दारुन दोष हरम् ॥

सर चाप मनोहर त्रोन धरं। जरजारुन लोचन भूपबरम् ॥

सुख मन्दिर सुन्दर श्रीरमनं। मद मार मुधा ममता समनम् ॥

अनवद्य अखण्ड न गोचर गो। सबरूप सदा सब होइ न गो ॥

इति बेद बदन्ति न दन्तकथा। रबि आतप भिन्नमभिन्न जथा ॥

कृतकृत्य बिभो सब बानर ए। निरखन्ति तवानन सादर ए ॥

धिग जीवन देव सरीर हरे। तव भक्ति बिना भव भूलि परे ॥

अब दीन दयाल दया करिऐ। मति मोरि बिभेदकरी हरिऐ ॥

जेहि ते बिपरीत क्रिया करिऐ। दुख सो सुख मानि सुखी चरिऐ ॥

खल खण्डन मण्डन रम्य छमा। पद पङ्कज सेवित सम्भु उमा ॥

नृप नायक दे बरदानमिदं। चरनाम्बुज प्रेम सदा सुभदम् ॥

दो. बिनय कीन्हि चतुरानन प्रेम पुलक अति गात।

सोभासिन्धु बिलोकत लोचन नहीं अघात ॥ 111 ॥

तेहि अवसर दसरथ तहँ आए। तनय बिलोकि नयन जल छाए ॥

अनुज सहित प्रभु बन्दन कीन्हा। आसिरबाद पिताँ तब दीन्हा ॥

तात सकल तव पुन्य प्रभ्AU। जीत्यों अजय निसाचर र्AU ॥

सुनि सुत बचन प्रीति अति बाढ़ई। नयन सलिल रोमावलि ठाढ़ई ॥

रघुपति प्रथम प्रेम अनुमाना। चिति पितहि दीन्हेउ दृढ़ ग्याना ॥

ताते उमा मोच्छ नहिं पायो। दसरथ भेद भगति मन लायो ॥

सगुनोपासक मोच्छ न लेहीं। तिन्ह कहुँ राम भगति निज देहीम् ॥

बार बार करि प्रभुहि प्रनामा। दसरथ हरषि गे सुरधामा ॥

दो. अनुज जानकी सहित प्रभु कुसल कोसलाधीस।

सोभा देखि हरषि मन अस्तुति कर सुर ईस ॥ 112 ॥

छं. जय राम सोभा धाम। दायक प्रनत बिश्राम ॥

धृत त्रोन बर सर चाप। भुजदण्ड प्रबल प्रताप ॥ 1 ॥

जय दूषनारि खरारि। मर्दन निसाचर धारि ॥

यह दुष्ट मारेउ नाथ। भे देव सकल सनाथ ॥ 2 ॥

जय हरन धरनी भार। महिमा उदार अपार ॥

जय रावनारि कृपाल। किए जातुधान बिहाल ॥ 3 ॥

लङ्केस अति बल गर्ब। किए बस्य सुर गन्धर्ब ॥

मुनि सिद्ध नर खग नाग। हठि पन्थ सब कें लाग ॥ 4 ॥

परद्रोह रत अति दुष्ट। पायो सो फलु पापिष्ट ॥

अब सुनहु दीन दयाल। राजीव नयन बिसाल ॥ 5 ॥

मोहि रहा अति अभिमान। नहिं कौ मोहि समान ॥

अब देखि प्रभु पद कञ्ज। गत मान प्रद दुख पुञ्ज ॥ 6 ॥

कौ ब्रह्म निर्गुन ध्याव। अब्यक्त जेहि श्रुति गाव ॥

मोहि भाव कोसल भूप। श्रीराम सगुन सरूप ॥ 7 ॥

बैदेहि अनुज समेत। मम हृदयँ करहु निकेत ॥

मोहि जानिए निज दास। दे भक्ति रमानिवास ॥ 8 ॥

दे भक्ति रमानिवास त्रास हरन सरन सुखदायकं।

सुख धाम राम नमामि काम अनेक छबि रघुनायकम् ॥

सुर बृन्द रञ्जन द्वन्द भञ्जन मनुज तनु अतुलितबलं।

ब्रह्मादि सङ्कर सेब्य राम नमामि करुना कोमलम् ॥

दो. अब करि कृपा बिलोकि मोहि आयसु देहु कृपाल।

काह करौं सुनि प्रिय बचन बोले दीनदयाल ॥ 113 ॥

सुनु सुरपति कपि भालु हमारे। परे भूमि निसचरन्हि जे मारे ॥

मम हित लागि तजे इन्ह प्राना। सकल जिआउ सुरेस सुजाना ॥

सुनु खगेस प्रभु कै यह बानी। अति अगाध जानहिं मुनि ग्यानी ॥

प्रभु सक त्रिभुअन मारि जिआई। केवल सक्रहि दीन्हि बड़आई ॥

सुधा बरषि कपि भालु जिआए। हरषि उठे सब प्रभु पहिं आए ॥

सुधाबृष्टि भै दुहु दल ऊपर। जिए भालु कपि नहिं रजनीचर ॥

रामाकार भे तिन्ह के मन। मुक्त भे छूटे भव बन्धन ॥

सुर अंसिक सब कपि अरु रीछा। जिए सकल रघुपति कीं ईछा ॥

राम सरिस को दीन हितकारी। कीन्हे मुकुत निसाचर झारी ॥

खल मल धाम काम रत रावन। गति पाई जो मुनिबर पाव न ॥

दो. सुमन बरषि सब सुर चले चढ़इ चढ़इ रुचिर बिमान।

देखि सुअवसरु प्रभु पहिं आयु सम्भु सुजान ॥ 114(क) ॥

परम प्रीति कर जोरि जुग नलिन नयन भरि बारि।

पुलकित तन गदगद गिराँ बिनय करत त्रिपुरारि ॥ 114(ख) ॥

छं. मामभिरक्षय रघुकुल नायक। धृत बर चाप रुचिर कर सायक ॥

मोह महा घन पटल प्रभञ्जन। संसय बिपिन अनल सुर रञ्जन ॥ 1 ॥

अगुन सगुन गुन मन्दिर सुन्दर। भ्रम तम प्रबल प्रताप दिवाकर ॥

काम क्रोध मद गज पञ्चानन। बसहु निरन्तर जन मन कानन ॥ 2 ॥

बिषय मनोरथ पुञ्ज कञ्ज बन। प्रबल तुषार उदार पार मन ॥

भव बारिधि मन्दर परमं दर। बारय तारय संसृति दुस्तर ॥ 3 ॥

स्याम गात राजीव बिलोचन। दीन बन्धु प्रनतारति मोचन ॥

अनुज जानकी सहित निरन्तर। बसहु राम नृप मम उर अन्तर ॥ 4 ॥

मुनि रञ्जन महि मण्डल मण्डन। तुलसिदास प्रभु त्रास बिखण्डन ॥ 5 ॥

दो. नाथ जबहिं कोसलपुरीं होइहि तिलक तुम्हार।

कृपासिन्धु मैं आउब देखन चरित उदार ॥ 115 ॥

करि बिनती जब सम्भु सिधाए। तब प्रभु निकट बिभीषनु आए ॥

नाइ चरन सिरु कह मृदु बानी। बिनय सुनहु प्रभु सारँगपानी ॥

सकुल सदल प्रभु रावन मार् यो। पावन जस त्रिभुवन बिस्तार् यो ॥

दीन मलीन हीन मति जाती। मो पर कृपा कीन्हि बहु भाँती ॥

अब जन गृह पुनीत प्रभु कीजे। मज्जनु करिअ समर श्रम छीजे ॥

देखि कोस मन्दिर सम्पदा। देहु कृपाल कपिन्ह कहुँ मुदा ॥

सब बिधि नाथ मोहि अपनाइअ। पुनि मोहि सहित अवधपुर जाइअ ॥

सुनत बचन मृदु दीनदयाला। सजल भे द्वौ नयन बिसाला ॥

दो. तोर कोस गृह मोर सब सत्य बचन सुनु भ्रात।

भरत दसा सुमिरत मोहि निमिष कल्प सम जात ॥ 116(क) ॥

तापस बेष गात कृस जपत निरन्तर मोहि।

देखौं बेगि सो जतनु करु सखा निहोरुँ तोहि ॥ 116(ख) ॥

बीतें अवधि जाउँ जौं जिअत न पावुँ बीर।

सुमिरत अनुज प्रीति प्रभु पुनि पुनि पुलक सरीर ॥ 116(ग) ॥

करेहु कल्प भरि राजु तुम्ह मोहि सुमिरेहु मन माहिं।

पुनि मम धाम पाइहहु जहाँ सन्त सब जाहिम् ॥ 116(घ) ॥

सुनत बिभीषन बचन राम के। हरषि गहे पद कृपाधाम के ॥

बानर भालु सकल हरषाने। गहि प्रभु पद गुन बिमल बखाने ॥

बहुरि बिभीषन भवन सिधायो। मनि गन बसन बिमान भरायो ॥

लै पुष्पक प्रभु आगें राखा। हँसि करि कृपासिन्धु तब भाषा ॥

चढ़इ बिमान सुनु सखा बिभीषन। गगन जाइ बरषहु पट भूषन ॥

नभ पर जाइ बिभीषन तबही। बरषि दिए मनि अम्बर सबही ॥

जोइ जोइ मन भावि सोइ लेहीं। मनि मुख मेलि डारि कपि देहीम् ॥

हँसे रामु श्री अनुज समेता। परम कौतुकी कृपा निकेता ॥

दो. मुनि जेहि ध्यान न पावहिं नेति नेति कह बेद।

कृपासिन्धु सोइ कपिन्ह सन करत अनेक बिनोद ॥ 117(क) ॥

उमा जोग जप दान तप नाना मख ब्रत नेम।

राम कृपा नहि करहिं तसि जसि निष्केवल प्रेम ॥ 117(ख) ॥

भालु कपिन्ह पट भूषन पाए। पहिरि पहिरि रघुपति पहिं आए ॥

नाना जिनस देखि सब कीसा। पुनि पुनि हँसत कोसलाधीसा ॥

चिति सबन्हि पर कीन्हि दाया। बोले मृदुल बचन रघुराया ॥

तुम्हरें बल मैं रावनु मार् यो। तिलक बिभीषन कहँ पुनि सार् यो ॥

निज निज गृह अब तुम्ह सब जाहू। सुमिरेहु मोहि डरपहु जनि काहू ॥

सुनत बचन प्रेमाकुल बानर। जोरि पानि बोले सब सादर ॥

प्रभु जोइ कहहु तुम्हहि सब सोहा। हमरे होत बचन सुनि मोहा ॥

दीन जानि कपि किए सनाथा। तुम्ह त्रेलोक ईस रघुनाथा ॥

सुनि प्रभु बचन लाज हम मरहीं। मसक कहूँ खगपति हित करहीम् ॥

देखि राम रुख बानर रीछा। प्रेम मगन नहिं गृह कै ईछा ॥

दो. प्रभु प्रेरित कपि भालु सब राम रूप उर राखि।

हरष बिषाद सहित चले बिनय बिबिध बिधि भाषि ॥ 118(क) ॥

कपिपति नील रीछपति अङ्गद नल हनुमान।

सहित बिभीषन अपर जे जूथप कपि बलवान ॥ 118(ख) ॥

दो. कहि न सकहिं कछु प्रेम बस भरि भरि लोचन बारि।

सन्मुख चितवहिं राम तन नयन निमेष निवारि ॥ 118(ग) ॥

ऽ

अतिसय प्रीति देख रघुराई। लिन्हे सकल बिमान चढ़आई ॥

मन महुँ बिप्र चरन सिरु नायो। उत्तर दिसिहि बिमान चलायो ॥

चलत बिमान कोलाहल होई। जय रघुबीर कहि सबु कोई ॥

सिंहासन अति उच्च मनोहर। श्री समेत प्रभु बैठै ता पर ॥

राजत रामु सहित भामिनी। मेरु सृङ्ग जनु घन दामिनी ॥

रुचिर बिमानु चलेउ अति आतुर। कीन्ही सुमन बृष्टि हरषे सुर ॥

परम सुखद चलि त्रिबिध बयारी। सागर सर सरि निर्मल बारी ॥

सगुन होहिं सुन्दर चहुँ पासा। मन प्रसन्न निर्मल नभ आसा ॥

कह रघुबीर देखु रन सीता। लछिमन इहाँ हत्यो इँद्रजीता ॥

हनूमान अङ्गद के मारे। रन महि परे निसाचर भारे ॥

कुम्भकरन रावन द्वौ भाई। इहाँ हते सुर मुनि दुखदाई ॥

दो. इहाँ सेतु बाँध्यो अरु थापेउँ सिव सुख धाम।

सीता सहित कृपानिधि सम्भुहि कीन्ह प्रनाम ॥ 119(क) ॥

जहँ जहँ कृपासिन्धु बन कीन्ह बास बिश्राम।

सकल देखाए जानकिहि कहे सबन्हि के नाम ॥ 119(ख) ॥

तुरत बिमान तहाँ चलि आवा। दण्डक बन जहँ परम सुहावा ॥

कुम्भजादि मुनिनायक नाना। गे रामु सब कें अस्थाना ॥

सकल रिषिन्ह सन पाइ असीसा। चित्रकूट आए जगदीसा ॥

तहँ करि मुनिन्ह केर सन्तोषा। चला बिमानु तहाँ ते चोखा ॥

बहुरि राम जानकिहि देखाई। जमुना कलि मल हरनि सुहाई ॥

पुनि देखी सुरसरी पुनीता। राम कहा प्रनाम करु सीता ॥

तीरथपति पुनि देखु प्रयागा। निरखत जन्म कोटि अघ भागा ॥

देखु परम पावनि पुनि बेनी। हरनि सोक हरि लोक निसेनी ॥

पुनि देखु अवधपुरी अति पावनि। त्रिबिध ताप भव रोग नसावनि ॥ ।

दो. सीता सहित अवध कहुँ कीन्ह कृपाल प्रनाम।

सजल नयन तन पुलकित पुनि पुनि हरषित राम ॥ 120(क) ॥

पुनि प्रभु आइ त्रिबेनीं हरषित मज्जनु कीन्ह।

कपिन्ह सहित बिप्रन्ह कहुँ दान बिबिध बिधि दीन्ह ॥ 120(ख) ॥

प्रभु हनुमन्तहि कहा बुझाई। धरि बटु रूप अवधपुर जाई ॥

भरतहि कुसल हमारि सुनाएहु। समाचार लै तुम्ह चलि आएहु ॥

तुरत पवनसुत गवनत भयु। तब प्रभु भरद्वाज पहिं गयू ॥

नाना बिधि मुनि पूजा कीन्ही। अस्तुती करि पुनि आसिष दीन्ही ॥

मुनि पद बन्दि जुगल कर जोरी। चढ़इ बिमान प्रभु चले बहोरी ॥

इहाँ निषाद सुना प्रभु आए। नाव नाव कहँ लोग बोलाए ॥

सुरसरि नाघि जान तब आयो। उतरेउ तट प्रभु आयसु पायो ॥

तब सीताँ पूजी सुरसरी। बहु प्रकार पुनि चरनन्हि परी ॥

दीन्हि असीस हरषि मन गङ्गा। सुन्दरि तव अहिवात अभङ्गा ॥

सुनत गुहा धायु प्रेमाकुल। आयु निकट परम सुख सङ्कुल ॥

प्रभुहि सहित बिलोकि बैदेही। परेउ अवनि तन सुधि नहिं तेही ॥

प्रीति परम बिलोकि रघुराई। हरषि उठाइ लियो उर लाई ॥

छं. लियो हृदयँ लाइ कृपा निधान सुजान रायँ रमापती।

बैठारि परम समीप बूझी कुसल सो कर बीनती।

अब कुसल पद पङ्कज बिलोकि बिरञ्चि सङ्कर सेब्य जे।

सुख धाम पूरनकाम राम नमामि राम नमामि ते ॥ 1 ॥

सब भाँति अधम निषाद सो हरि भरत ज्यों उर लाइयो।

मतिमन्द तुलसीदास सो प्रभु मोह बस बिसराइयो ॥

यह रावनारि चरित्र पावन राम पद रतिप्रद सदा।

कामादिहर बिग्यानकर सुर सिद्ध मुनि गावहिं मुदा ॥ 2 ॥

दो. समर बिजय रघुबीर के चरित जे सुनहिं सुजान।

बिजय बिबेक बिभूति नित तिन्हहि देहिं भगवान ॥ 121(क) ॥

यह कलिकाल मलायतन मन करि देखु बिचार।

श्रीरघुनाथ नाम तजि नाहिन आन अधार ॥ 121(ख) ॥

मासपारायण, सत्ताईसवाँ विश्राम

इति श्रीमद्रामचरितमानसे सकलकलिकलुषविध्वंसने

षष्ठः सोपानः समाप्तः।

(लङ्काकाण्ड समाप्त)

Roman (IAST) Transliteration

śrī gaṇeśāya namaḥ

śrī jānakīvallabho vijayate

śrī rāmacaritamānasa

ṣaṣṭha sopāna (laṅkākāṇḍa)

rāmaṃ kāmārisevyaṃ bhavabhayaharaṇaṃ kālamattebhasiṃhaṃ

yogīndraṃ jñānagamyaṃ guṇanidhimajitaṃ nirguṇaṃ nirvikāram|

māyātītaṃ sureśaṃ khalavadhanirataṃ brahmavṛndaikadevaṃ

vande kandāvadātaṃ sarasijanayanaṃ devamurvīśarūpam || 1 ||

śaṅkhendvābhamatīvasundaratanuṃ śārdūlacarmāmbaraṃ

kālavyālakarālabhūṣaṇadharaṃ gaṅgāśaśāṅkapriyam|

kāśīśaṃ kalikalmaṣaughaśamanaṃ kalyāṇakalpadrumaṃ

naumīḍyaṃ girijāpatiṃ guṇanidhiṃ kandarpahaṃ śaṅkaram || 2 ||

yo dadāti satāṃ śambhuḥ kaivalyamapi durlabham|

khalānāṃ daṇḍakṛdyo'sau śaṅkaraḥ śaṃ tanotu me || 3 ||

do. lava nimeṣa paramānu juga baraṣa kalapa sara caṇḍa|

bhajasi na mana tehi rāma ko kālu jāsu kodaṇḍa ||

so. sindhu bacana suni rāma saciva boli prabhu asa kaheu|

aba bilambu kehi kāma karahu setu utarai kaṭaku ||

sunahu bhānukula ketu jāmavanta kara jori kaha|

nātha nāma tava setu nara caḍha़i bhava sāgara tarihim ||

yaha laghu jaladhi tarata kati bārā| asa suni puni kaha pavanakumārā ||

prabhu pratāpa baḍa़vānala bhārī| soṣeu prathama payonidhi bārī ||

taba ripu nārī rudana jala dhārā| bhareu bahori bhayu tehiṃ khārā ||

suni ati ukuti pavanasuta kerī| haraṣe kapi raghupati tana herī ||

jāmavanta bole dau bhāī| nala nīlahi saba kathā sunāī ||

rāma pratāpa sumiri mana māhīṃ| karahu setu prayāsa kachu nāhīm ||

boli lie kapi nikara bahorī| sakala sunahu binatī kachu morī ||

rāma carana paṅkaja ura dharahū| kautuka eka bhālu kapi karahū ||

dhāvahu markaṭa bikaṭa barūthā| ānahu biṭapa girinha ke jūthā ||

suni kapi bhālu cale kari hūhā| jaya raghubīra pratāpa samūhā ||

do. ati utaṅga giri pādapa līlahiṃ lehiṃ uṭhāi|

āni dehiṃ nala nīlahi racahiṃ te setu banāi || 1 ||

saila bisāla āni kapi dehīṃ| kanduka iva nala nīla te lehīm ||

dekhi setu ati sundara racanā| bihasi kṛpānidhi bole bacanā ||

parama ramya uttama yaha dharanī| mahimā amita jāi nahiṃ baranī ||

karihu~ ihā~ sambhu thāpanā| more hṛdaya~ parama kalapanā ||

suni kapīsa bahu dūta paṭhāe| munibara sakala boli lai āe ||

liṅga thāpi bidhivata kari pūjā| siva samāna priya mohi na dūjā ||

siva drohī mama bhagata kahāvā| so nara sapanehu~ mohi na pāvā ||

saṅkara bimukha bhagati caha morī| so nārakī mūḍha़ mati thorī ||

do. saṅkara priya mama drohī siva drohī mama dāsa|

te nara karahi kalapa bhari dhora naraka mahu~ bāsa || 2 ||

je rāmesvara darasanu karihahiṃ| te tanu taji mama loka sidharihahim ||

jo gaṅgājalu āni caḍha़āihi| so sājujya mukti nara pāihi ||

hoi akāma jo chala taji seihi| bhagati mori tehi saṅkara deihi ||

mama kṛta setu jo darasanu karihī| so binu śrama bhavasāgara tarihī ||

rāma bacana saba ke jiya bhāe| munibara nija nija āśrama āe ||

girijā raghupati kai yaha rītī| santata karahiṃ pranata para prītī ||

bā~dhā setu nīla nala nāgara| rāma kṛpā~ jasu bhayu ujāgara ||

būḍa़hiṃ ānahi borahiṃ jeī| bhe upala bohita sama teī ||

mahimā yaha na jaladhi ki baranī| pāhana guna na kapinha ki karanī ||

do0=śrī raghubīra pratāpa te sindhu tare pāṣāna|

te matimanda je rāma taji bhajahiṃ jāi prabhu āna || 3 ||

bā~dhi setu ati sudṛḍha़ banāvā| dekhi kṛpānidhi ke mana bhāvā ||

calī sena kachu barani na jāī| garjahiṃ markaṭa bhaṭa samudāī ||

setubandha ḍhiga caḍha़i raghurāī| citava kṛpāla sindhu bahutāī ||

dekhana kahu~ prabhu karunā kandā| pragaṭa bhe saba jalacara bṛndā ||

makara nakra nānā jhaṣa byālā| sata jojana tana parama bisālā ||

aiseu eka tinhahi je khāhīṃ| ekanha keṃ ḍara tepi ḍerāhīm ||

prabhuhi bilokahiṃ ṭarahiṃ na ṭāre| mana haraṣita saba bhe sukhāre ||

tinha kī oṭa na dekhia bārī| magana bhe hari rūpa nihārī ||

calā kaṭaku prabhu āyasu pāī| ko kahi saka kapi dala bipulāī ||

do. setubandha bhi bhīra ati kapi nabha pantha uḍa़āhiṃ|

apara jalacaranhi ūpara caḍha़i caḍha़i pārahi jāhim || 4 ||

asa kautuka biloki dvau bhāī| biha~si cale kṛpāla raghurāī ||

sena sahita utare raghubīrā| kahi na jāi kapi jūthapa bhīrā ||

sindhu pāra prabhu ḍerā kīnhā| sakala kapinha kahu~ āyasu dīnhā ||

khāhu jāi phala mūla suhāe| sunata bhālu kapi jaha~ taha~ dhāe ||

saba taru phare rāma hita lāgī| ritu aru kuritu kāla gati tyāgī ||

khāhiṃ madhura phala baṭapa halāvahiṃ| laṅkā sanmukha sikhara calāvahim ||

jaha~ kahu~ phirata nisācara pāvahiṃ| gheri sakala bahu nāca nacāvahim ||

dasananhi kāṭi nāsikā kānā| kahi prabhu sujasu dehiṃ taba jānā ||

jinha kara nāsā kāna nipātā| tinha rāvanahi kahī saba bātā ||

sunata śravana bāridhi bandhānā| dasa mukha boli uṭhā akulānā ||

do. bāndhyo bananidhi nīranidhi jaladhi sindhu bārīsa|

satya toyanidhi kampati udadhi payodhi nadīsa || 5 ||

nija bikalatā bicāri bahorī| biha~si gayu graha kari bhaya bhorī ||

mandodarīṃ sunyo prabhu āyo| kautukahīṃ pāthodhi ba~dhāyo ||

kara gahi patihi bhavana nija ānī| bolī parama manohara bānī ||

carana nāi siru añcalu ropā| sunahu bacana piya parihari kopā ||

nātha bayaru kīje tāhī soṃ| budhi bala sakia jīti jāhī som ||

tumhahi raghupatihi antara kaisā| khalu khadyota dinakarahi jaisā ||

atibala madhu kaiṭabha jehiṃ māre| mahābīra ditisuta saṅghāre ||

jehiṃ bali bā~dhi sahajabhuja mārā| soi avatareu harana mahi bhārā ||

tāsu birodha na kījia nāthā| kāla karama jiva jākeṃ hāthā ||

do. rāmahi saupi jānakī nāi kamala pada mātha|

suta kahu~ rāja samarpi bana jāi bhajia raghunātha || 6 ||

nātha dīnadayāla raghurāī| bāghu sanamukha ge~ na khāī ||

cāhia karana so saba kari bīte| tumha sura asura carācara jīte ||

santa kahahiṃ asi nīti dasānana| cauthempana jāihi nṛpa kānana ||

tāsu bhajana kījia taha~ bhartā| jo kartā pālaka saṃhartā ||

soi raghuvīra pranata anurāgī| bhajahu nātha mamatā saba tyāgī ||

munibara jatanu karahiṃ jehi lāgī| bhūpa rāju taji hohiṃ birāgī ||

soi kosaladhīsa raghurāyā| āyu karana tohi para dāyā ||

jauṃ piya mānahu mora sikhāvana| sujasu hoi tihu~ pura ati pāvana ||

do. asa kahi nayana nīra bhari gahi pada kampita gāta|

nātha bhajahu raghunāthahi acala hoi ahivāta || 7 ||

taba rāvana mayasutā uṭhāī| kahai lāga khala nija prabhutāī ||

sunu tai priyā bṛthā bhaya mānā| jaga jodhā ko mohi samānā ||

baruna kubera pavana jama kālā| bhuja bala jiteu~ sakala digapālā ||

deva danuja nara saba basa moreṃ| kavana hetu upajā bhaya torem ||

nānā bidhi tehi kahesi bujhāī| sabhā~ bahori baiṭha so jāī ||

mandodarīṃ hṛdaya~ asa jānā| kāla basya upajā abhimānā ||

sabhā~ āi mantrinha teṃhi būjhā| karaba kavana bidhi ripu saiṃ jūjhā ||

kahahiṃ saciva sunu nisicara nāhā| bāra bāra prabhu pūchahu kāhā ||

kahahu kavana bhaya karia bicārā| nara kapi bhālu ahāra hamārā ||

do. saba ke bacana śravana suni kaha prahasta kara jori|

niti birodha na karia prabhu matrinnha mati ati thori || 8 ||

kahahiṃ saciva saṭha ṭhakurasohātī| nātha na pūra āva ehi bhā~tī ||

bāridhi nāghi eka kapi āvā| tāsu carita mana mahu~ sabu gāvā ||

chudhā na rahī tumhahi taba kāhū| jārata nagaru kasa na dhari khāhū ||

sunata nīka āgeṃ dukha pāvā| sacivana asa mata prabhuhi sunāvā ||

jehiṃ bārīsa ba~dhāyu helā| utareu sena sameta subelā ||

so bhanu manuja khāba hama bhāī| bacana kahahiṃ saba gāla phulāī ||

tāta bacana mama sunu ati ādara| jani mana gunahu mohi kari kādara ||

priya bānī je sunahiṃ je kahahīṃ| aise nara nikāya jaga ahahīm ||

bacana parama hita sunata kaṭhore| sunahiṃ je kahahiṃ te nara prabhu thore ||

prathama basīṭha paṭhu sunu nītī| sītā dei karahu puni prītī ||

do. nāri pāi phiri jāhiṃ jauṃ tau na baḍha़āia rāri|

nāhiṃ ta sanmukha samara mahi tāta karia haṭhi māri || 9 ||

yaha mata jauṃ mānahu prabhu morā| ubhaya prakāra sujasu jaga torā ||

suta sana kaha dasakaṇṭha risāī| asi mati saṭha kehiṃ tohi sikhāī ||

abahīṃ te ura saṃsaya hoī| benumūla suta bhayahu ghamoī ||

suni pitu girā paruṣa ati ghorā| calā bhavana kahi bacana kaṭhorā ||

hita mata tohi na lāgata kaiseṃ| kāla bibasa kahu~ bheṣaja jaisem ||

sandhyā samaya jāni dasasīsā| bhavana caleu nirakhata bhuja bīsā ||

laṅkā sikhara upara āgārā| ati bicitra taha~ hoi akhārā ||

baiṭha jāi tehī mandira rāvana| lāge kinnara guna gana gāvana ||

bājahiṃ tāla pakhāuja bīnā| nṛtya karahiṃ apacharā prabīnā ||

do. sunāsīra sata sarisa so santata kari bilāsa|

parama prabala ripu sīsa para tadyapi soca na trāsa || 10 ||

ihā~ subela saila raghubīrā| utare sena sahita ati bhīrā ||

sikhara eka utaṅga ati dekhī| parama ramya sama subhra biseṣī ||

taha~ taru kisalaya sumana suhāe| lachimana raci nija hātha ḍasāe ||

tā para rūcira mṛdula mṛgachālā| tehīṃ āsāna āsīna kṛpālā ||

prabhu kṛta sīsa kapīsa uchaṅgā| bāma dahina disi cāpa niṣaṅgā ||

duhu~ kara kamala sudhārata bānā| kaha laṅkesa mantra lagi kānā ||

baḍa़bhāgī aṅgada hanumānā| carana kamala cāpata bidhi nānā ||

prabhu pācheṃ lachimana bīrāsana| kaṭi niṣaṅga kara bāna sarāsana ||

do. ehi bidhi kṛpā rūpa guna dhāma rāmu āsīna|

dhanya te nara ehiṃ dhyāna je rahata sadā layalīna || 11(ka) ||

pūraba disā biloki prabhu dekhā udita maṃyaka|

kahata sabahi dekhahu sasihi mṛgapati sarisa asaṅka || 11(kha) ||

pūraba disi giriguhā nivāsī| parama pratāpa teja bala rāsī ||

matta nāga tama kumbha bidārī| sasi kesarī gagana bana cārī ||

bithure nabha mukutāhala tārā| nisi sundarī kera siṅgārā ||

kaha prabhu sasi mahu~ mecakatāī| kahahu kāha nija nija mati bhāī ||

kaha suga़īva sunahu raghurāī| sasi mahu~ pragaṭa bhūmi kai jhā~ī ||

māreu rāhu sasihi kaha koī| ura maha~ parī syāmatā soī ||

kau kaha jaba bidhi rati mukha kīnhā| sāra bhāga sasi kara hari līnhā ||

chidra so pragaṭa indu ura māhīṃ| tehi maga dekhia nabha parichāhīm ||

prabhu kaha garala bandhu sasi kerā| ati priya nija ura dīnha baserā ||

biṣa sañjuta kara nikara pasārī| jārata birahavanta nara nārī ||

do. kaha hanumanta sunahu prabhu sasi tumhārā priya dāsa|

tava mūrati bidhu ura basati soi syāmatā abhāsa || 12(ka) ||

navānhapārāyaṇa || sātavā~ viśrāma

pavana tanaya ke bacana suni biha~se rāmu sujāna|

dacchina disi avaloki prabhu bole kṛpā nidhāna || 12(kha) ||

dekhu bibhīṣana dacchina āsā| ghana ghammaḍa dāmini bilāsā ||

madhura madhura garaji ghana ghorā| hoi bṛṣṭi jani upala kaṭhorā ||

kahata bibhīṣana sunahu kṛpālā| hoi na taḍa़ita na bārida mālā ||

laṅkā sikhara upara āgārā| taha~ dasakaṅghara dekha akhārā ||

chatra meghaḍambara sira dhārī| soi janu jalada ghaṭā ati kārī ||

mandodarī śravana tāṭaṅkā| soi prabhu janu dāminī damaṅkā ||

bājahiṃ tāla mṛdaṅga anūpā| soi rava madhura sunahu surabhūpā ||

prabhu musukāna samujhi abhimānā| cāpa caḍha़āi bāna sandhānā ||

do. chatra mukuṭa tāṭaṅka taba hate ekahīṃ bāna|

sabakeṃ dekhata mahi pare maramu na koū jāna || 13(ka) ||

asa kautuka kari rāma sara prabiseu āi niṣaṅga|

rāvana sabhā sasaṅka saba dekhi mahā rasabhaṅga || 13(kha) ||

kampa na bhūmi na maruta biseṣā| astra sastra kachu nayana na dekhā ||

socahiṃ saba nija hṛdaya majhārī| asaguna bhayu bhayaṅkara bhārī ||

dasamukha dekhi sabhā bhaya pāī| bihasi bacana kaha juguti banāī ||

siru gire santata subha jāhī| mukuṭa pare kasa asaguna tāhī ||

sayana karahu nija nija gṛha jāī| gavane bhavana sakala sira nāī ||

mandodarī soca ura baseū| jaba te śravanapūra mahi khaseū ||

sajala nayana kaha juga kara jorī| sunahu prānapati binatī morī ||

kanta rāma birodha pariharahū| jāni manuja jani haṭha mana dharahū ||

do. bisvarupa raghubaṃsa mani karahu bacana bisvāsu|

loka kalpanā beda kara aṅga aṅga prati jāsu || 14 ||

pada pātāla sīsa aja dhāmā| apara loka a~ga a~ga biśrāmā ||

bhṛkuṭi bilāsa bhayaṅkara kālā| nayana divākara kaca ghana mālā ||

jāsu ghrāna asvinīkumārā| nisi aru divasa nimeṣa apārā ||

śravana disā dasa beda bakhānī| māruta svāsa nigama nija bānī ||

adhara lobha jama dasana karālā| māyā hāsa bāhu digapālā ||

ānana anala ambupati jīhā| utapati pālana pralaya samīhā ||

roma rāji aṣṭādasa bhārā| asthi saila saritā nasa jārā ||

udara udadhi adhago jātanā| jagamaya prabhu kā bahu kalapanā ||

do. ahaṅkāra siva buddhi aja mana sasi citta mahāna|

manuja bāsa sacarācara rupa rāma bhagavāna || 15 ka ||

asa bicāri sunu prānapati prabhu sana bayaru bihāi|

prīti karahu raghubīra pada mama ahivāta na jāi || 15 kha ||

biha~sā nāri bacana suni kānā| aho moha mahimā balavānā ||

nāri subhāu satya saba kahahīṃ| avaguna āṭha sadā ura rahahīm ||

sāhasa anṛta capalatā māyā| bhaya abibeka asauca adāyā ||

ripu kara rupa sakala taiṃ gāvā| ati bisāla bhaya mohi sunāvā ||

so saba priyā sahaja basa moreṃ| samujhi parā prasāda aba torem ||

jāniu~ priyā tori caturāī| ehi bidhi kahahu mori prabhutāī ||

tava batakahī gūḍha़ mṛgalocani| samujhata sukhada sunata bhaya mocani ||

mandodari mana mahu~ asa ṭhayū| piyahi kāla basa matibhrama bhayū ||

do. ehi bidhi karata binoda bahu prāta pragaṭa dasakandha|

sahaja asaṅka laṅkapati sabhā~ gayu mada andha || 16(ka) ||

so. phūlaha phari na beta jadapi sudhā baraṣahiṃ jalada|

mūrukha hṛdaya~ na ceta jauṃ gura milahiṃ birañci sama || 16(kha) ||

ihā~ prāta jāge raghurāī| pūchā mata saba saciva bolāī ||

kahahu begi kā karia upāī| jāmavanta kaha pada siru nāī ||

sunu sarbagya sakala ura bāsī| budhi bala teja dharma guna rāsī ||

mantra kahu~ nija mati anusārā| dūta paṭhāia bālikumārā ||

nīka mantra saba ke mana mānā| aṅgada sana kaha kṛpānidhānā ||

bālitanaya budhi bala guna dhāmā| laṅkā jāhu tāta mama kāmā ||

bahuta bujhāi tumhahi kā kahū~| parama catura maiṃ jānata ahū~ ||

kāju hamāra tāsu hita hoī| ripu sana karehu batakahī soī ||

so. prabhu agyā dhari sīsa carana bandi aṅgada uṭheu|

soi guna sāgara īsa rāma kṛpā jā para karahu || 17(ka) ||

svayaṃ siddha saba kāja nātha mohi ādaru diyu|

asa bicāri jubarāja tana pulakita haraṣita hiyu || 17(kha) ||

bandi carana ura dhari prabhutāī| aṅgada caleu sabahi siru nāī ||

prabhu pratāpa ura sahaja asaṅkā| rana bā~kurā bālisuta baṅkā ||

pura paiṭhata rāvana kara beṭā| khelata rahā so hoi gai bhaiṇṭā ||

bātahiṃ bāta karaṣa baḍha़i āī| jugala atula bala puni tarunāī ||

tehi aṅgada kahu~ lāta uṭhāī| gahi pada paṭakeu bhūmi bhavā~ī ||

nisicara nikara dekhi bhaṭa bhārī| jaha~ taha~ cale na sakahiṃ pukārī ||

eka eka sana maramu na kahahīṃ| samujhi tāsu badha cupa kari rahahīm ||

bhayu kolāhala nagara majhārī| āvā kapi laṅkā jehīṃ jārī ||

aba dhauṃ kahā karihi karatārā| ati sabhīta saba karahiṃ bicārā ||

binu pūcheṃ magu dehiṃ dikhāī| jehi biloka soi jāi sukhāī ||

do. gayu sabhā darabāra taba sumiri rāma pada kañja|

siṃha ṭhavani ita uta citava dhīra bīra bala puñja || 18 ||

turata nisācara eka paṭhāvā| samācāra rāvanahi janāvā ||

sunata biha~si bolā dasasīsā| ānahu boli kahā~ kara kīsā ||

āyasu pāi dūta bahu dhāe| kapikuñjarahi boli lai āe ||

aṅgada dīkha dasānana baiṃseṃ| sahita prāna kajjalagiri jaisem ||

bhujā biṭapa sira sṛṅga samānā| romāvalī latā janu nānā ||

mukha nāsikā nayana aru kānā| giri kandarā khoha anumānā ||

gayu sabhā~ mana neku na murā| bālitanaya atibala bā~kurā ||

uṭhe sabhāsada kapi kahu~ dekhī| rāvana ura bhā kraudha biseṣī ||

do. jathā matta gaja jūtha mahu~ pañcānana cali jāi|

rāma pratāpa sumiri mana baiṭha sabhā~ siru nāi || 19 ||

kaha dasakaṇṭha kavana taiṃ bandara| maiṃ raghubīra dūta dasakandhara ||

mama janakahi tohi rahī mitāī| tava hita kārana āyu~ bhāī ||

uttama kula pulasti kara nātī| siva birañci pūjehu bahu bhā~tī ||

bara pāyahu kīnhehu saba kājā| jītehu lokapāla saba rājā ||

nṛpa abhimāna moha basa kimbā| hari ānihu sītā jagadambā ||

aba subha kahā sunahu tumha morā| saba aparādha chamihi prabhu torā ||

dasana gahahu tṛna kaṇṭha kuṭhārī| parijana sahita saṅga nija nārī ||

sādara janakasutā kari āgeṃ| ehi bidhi calahu sakala bhaya tyāgem ||

do. pranatapāla raghubaṃsamani trāhi trāhi aba mohi|

ārata girā sunata prabhu abhaya karaigo tohi || 20 ||

re kapipota bolu sambhārī| mūḍha़ na jānehi mohi surārī ||

kahu nija nāma janaka kara bhāī| kehi nāteṃ māniai mitāī ||

aṅgada nāma bāli kara beṭā| tāsoṃ kabahu~ bhī hī bheṭā ||

aṅgada bacana sunata sakucānā| rahā bāli bānara maiṃ jānā ||

aṅgada tahīṃ bāli kara bālaka| upajehu baṃsa anala kula ghālaka ||

garbha na gayahu byartha tumha jāyahu| nija mukha tāpasa dūta kahāyahu ||

aba kahu kusala bāli kaha~ ahī| biha~si bacana taba aṅgada kahī ||

dina dasa ge~ bāli pahiṃ jāī| būjhehu kusala sakhā ura lāī ||

rāma birodha kusala jasi hoī| so saba tohi sunāihi soī ||

sunu saṭha bheda hoi mana tākeṃ| śrīraghubīra hṛdaya nahiṃ jākem ||

do. hama kula ghālaka satya tumha kula pālaka dasasīsa|

andhu badhira na asa kahahiṃ nayana kāna tava bīsa || 21|

siva birañci sura muni samudāī| cāhata jāsu carana sevakāī ||

tāsu dūta hoi hama kula borā| aisihu~ mati ura bihara na torā ||

suni kaṭhora bānī kapi kerī| kahata dasānana nayana tarerī ||

khala tava kaṭhina bacana saba sahū~| nīti dharma maiṃ jānata ahū~ ||

kaha kapi dharmasīlatā torī| hamahu~ sunī kṛta para triya corī ||

dekhī nayana dūta rakhavārī| būḍa़i na marahu dharma bratadhārī ||

kāna nāka binu bhagini nihārī| chamā kīnhi tumha dharma bicārī ||

dharmasīlatā tava jaga jāgī| pāvā darasu hamahu~ baḍa़bhāgī ||

do. jani jalpasi jaḍa़ jantu kapi saṭha biloku mama bāhu|

lokapāla bala bipula sasi grasana hetu saba rāhu || 22(ka) ||

puni nabha sara mama kara nikara kamalanhi para kari bāsa|

sobhata bhayu marāla iva sambhu sahita kailāsa || 22(kha) ||

tumhare kaṭaka mājha sunu aṅgada| mo sana bhirihi kavana jodhā bada ||

tava prabhu nāri biraha~ balahīnā| anuja tāsu dukha dukhī malīnā ||

tumha sugrīva kūladruma doū| anuja hamāra bhīru ati soū ||

jāmavanta mantrī ati būḍha़ā| so ki hoi aba samarārūḍha़ā ||

silpi karma jānahiṃ nala nīlā| hai kapi eka mahā balasīlā ||

āvā prathama nagaru jeṃhiṃ jārā| sunata bacana kaha bālikumārā ||

satya bacana kahu nisicara nāhā| sā~cehu~ kīsa kīnha pura dāhā ||

rāvana nagara alpa kapi dahī| suni asa bacana satya ko kahī ||

jo ati subhaṭa sarāhehu rāvana| so sugrīva kera laghu dhāvana ||

cali bahuta so bīra na hoī| paṭhavā khabari lena hama soī ||

do. satya nagaru kapi jāreu binu prabhu āyasu pāi|

phiri na gayu sugrīva pahiṃ tehiṃ bhaya rahā lukāi || 23(ka) ||

satya kahahi dasakaṇṭha saba mohi na suni kachu koha|

kau na hamāreṃ kaṭaka asa to sana larata jo soha || 23(kha) ||

prīti birodha samāna sana karia nīti asi āhi|

jauṃ mṛgapati badha meḍa़ukanhi bhala ki kahi kau tāhi || 23(ga) ||

jadyapi laghutā rāma kahu~ tohi badheṃ baḍa़ doṣa|

tadapi kaṭhina dasakaṇṭha sunu chatra jāti kara roṣa || 23(gha) ||

bakra ukti dhanu bacana sara hṛdaya daheu ripu kīsa|

pratiuttara saḍa़sinha manahu~ kāḍha़ta bhaṭa dasasīsa || 23(ṅa) ||

ha~si boleu dasamauli taba kapi kara baḍa़ guna eka|

jo pratipāli tāsu hita kari upāya aneka || 23(cha) ||

dhanya kīsa jo nija prabhu kājā| jaha~ taha~ nāci parihari lājā ||

nāci kūdi kari loga rijhāī| pati hita kari dharma nipunāī ||

aṅgada svāmibhakta tava jātī| prabhu guna kasa na kahasi ehi bhā~tī ||

maiṃ guna gāhaka parama sujānā| tava kaṭu raṭani karu~ nahiṃ kānā ||

kaha kapi tava guna gāhakatāī| satya pavanasuta mohi sunāī ||

bana bidhaṃsi suta badhi pura jārā| tadapi na tehiṃ kachu kṛta apakārā ||

soi bicāri tava prakṛti suhāī| dasakandhara maiṃ kīnhi ḍhiṭhāī ||

dekheu~ āi jo kachu kapi bhāṣā| tumhareṃ lāja na roṣa na mākhā ||

jauṃ asi mati pitu khāe kīsā| kahi asa bacana ha~sā dasasīsā ||

pitahi khāi khāteu~ puni tohī| abahīṃ samujhi parā kachu mohī ||

bāli bimala jasa bhājana jānī| hatu~ na tohi adhama abhimānī ||

kahu rāvana rāvana jaga kete| maiṃ nija śravana sune sunu jete ||

balihi jitana eka gayu patālā| rākheu bā~dhi sisunha hayasālā ||

khelahiṃ bālaka mārahiṃ jāī| dayā lāgi bali dīnha choḍa़āī ||

eka bahori sahasabhuja dekhā| dhāi dharā jimi jantu biseṣā ||

kautuka lāgi bhavana lai āvā| so pulasti muni jāi choḍa़āvā ||

do. eka kahata mohi sakuca ati rahā bāli kī kā~kha|

inha mahu~ rāvana taiṃ kavana satya badahi taji mākha || 24 ||

sunu saṭha soi rāvana balasīlā| haragiri jāna jāsu bhuja līlā ||

jāna umāpati jāsu surāī| pūjeu~ jehi sira sumana caḍha़āī ||

sira saroja nija karanhi utārī| pūjeu~ amita bāra tripurārī ||

bhuja bikrama jānahiṃ digapālā| saṭha ajahū~ jinha keṃ ura sālā ||

jānahiṃ diggaja ura kaṭhināī| jaba jaba bhiru~ jāi bariāī ||

jinha ke dasana karāla na phūṭe| ura lāgata mūlaka iva ṭūṭe ||

jāsu calata ḍolati imi dharanī| caḍha़ta matta gaja jimi laghu taranī ||

soi rāvana jaga bidita pratāpī| sunehi na śravana alīka pralāpī ||

do. tehi rāvana kaha~ laghu kahasi nara kara karasi bakhāna|

re kapi barbara kharba khala aba jānā tava gyāna || 25 ||

suni aṅgada sakopa kaha bānī| bolu sa~bhāri adhama abhimānī ||

sahasabāhu bhuja gahana apārā| dahana anala sama jāsu kuṭhārā ||

jāsu parasu sāgara khara dhārā| būḍa़e nṛpa aganita bahu bārā ||

tāsu garba jehi dekhata bhāgā| so nara kyoṃ dasasīsa abhāgā ||

rāma manuja kasa re saṭha baṅgā| dhanvī kāmu nadī puni gaṅgā ||

pasu suradhenu kalpataru rūkhā| anna dāna aru rasa pīyūṣā ||

bainateya khaga ahi sahasānana| cintāmani puni upala dasānana ||

sunu matimanda loka baikuṇṭhā| lābha ki raghupati bhagati akuṇṭhā ||

do. sena sahita taba māna mathi bana ujāri pura jāri ||

kasa re saṭha hanumāna kapi gayu jo tava suta māri || 26 ||

sunu rāvana parihari caturāī| bhajasi na kṛpāsindhu raghurāī ||

jau khala bhesi rāma kara drohī| brahma rudra saka rākhi na tohī ||

mūḍha़ bṛthā jani mārasi gālā| rāma bayara asa hoihi hālā ||

tava sira nikara kapinha ke āgeṃ| parihahiṃ dharani rāma sara lāgem ||

te tava sira kanduka sama nānā| khelahahiṃ bhālu kīsa caugānā ||

jabahiṃ samara kopahi raghunāyaka| chuṭihahiṃ ati karāla bahu sāyaka ||

taba ki calihi asa gāla tumhārā| asa bicāri bhaju rāma udārā ||

sunata bacana rāvana parajarā| jarata mahānala janu ghṛta parā ||

do. kumbhakarana asa bandhu mama suta prasiddha sakrāri|

mora parākrama nahiṃ sunehi jiteu~ carācara jhāri || 27 ||

saṭha sākhāmṛga jori sahāī| bā~dhā sindhu ihi prabhutāī ||

nāghahiṃ khaga aneka bārīsā| sūra na hohiṃ te sunu saba kīsā ||

mama bhuja sāgara bala jala pūrā| jaha~ būḍa़e bahu sura nara sūrā ||

bīsa payodhi agādha apārā| ko asa bīra jo pāihi pārā ||

digapālanha maiṃ nīra bharāvā| bhūpa sujasa khala mohi sunāvā ||

jauṃ pai samara subhaṭa tava nāthā| puni puni kahasi jāsu guna gāthā ||

tau basīṭha paṭhavata kehi kājā| ripu sana prīti karata nahiṃ lājā ||

haragiri mathana nirakhu mama bāhū| puni saṭha kapi nija prabhuhi sarāhū ||

do. sūra kavana rāvana sarisa svakara kāṭi jehiṃ sīsa|

hune anala ati haraṣa bahu bāra sākhi gaurīsa || 28 ||

jarata bilokeu~ jabahiṃ kapālā| bidhi ke likhe aṅka nija bhālā ||

nara keṃ kara āpana badha bā~cī| haseu~ jāni bidhi girā asā~cī ||

sau mana samujhi trāsa nahiṃ moreṃ| likhā birañci jaraṭha mati bhorem ||

āna bīra bala saṭha mama āgeṃ| puni puni kahasi lāja pati tyāge ||

kaha aṅgada salajja jaga māhīṃ| rāvana tohi samāna kau nāhīm ||

lājavanta tava sahaja subhAU| nija mukha nija guna kahasi na kAU ||

sira aru saila kathā cita rahī| tāte bāra bīsa taiṃ kahī ||

so bhujabala rākheu ura ghālī| jītehu sahasabāhu bali bālī ||

sunu matimanda dehi aba pūrā| kāṭeṃ sīsa ki hoia sūrā ||

indrajāli kahu kahia na bīrā| kāṭi nija kara sakala sarīrā ||

do. jarahiṃ pataṅga moha basa bhāra bahahiṃ khara bṛnda|

te nahiṃ sūra kahāvahiṃ samujhi dekhu matimanda || 29 ||

aba jani batabaḍha़āva khala karahī| sunu mama bacana māna pariharahī ||

dasamukha maiṃ na basīṭhīṃ āyu~| asa bicāri raghubīṣa paṭhāyu~ ||

bāra bāra asa kahi kṛpālā| nahiṃ gajāri jasu badheṃ sṛkālā ||

mana mahu~ samujhi bacana prabhu kere| saheu~ kaṭhora bacana saṭha tere ||

nāhiṃ ta kari mukha bhañjana torā| lai jāteu~ sītahi barajorā ||

jāneu~ tava bala adhama surārī| sūneṃ hari ānihi paranārī ||

taiṃ nisicara pati garba bahūtā| maiṃ raghupati sevaka kara dūtā ||

jauṃ na rāma apamānahi ḍaru~| tohi dekhata asa kautuka karū~ ||

do. tohi paṭaki mahi sena hati caupaṭa kari tava gāu~|

tava jubatinha sameta saṭha janakasutahi lai jāu~ || 30 ||

jau asa karauṃ tadapi na baḍa़āī| muehi badheṃ nahiṃ kachu manusāī ||

kaula kāmabasa kṛpina bimūḍha़ā| ati daridra ajasī ati būḍha़ā ||

sadā rogabasa santata krodhī| biṣnu bimūkha śruti santa birodhī ||

tanu poṣaka nindaka agha khānī| jīvana sava sama caudaha prānī ||

asa bicāri khala badhu~ na tohī| aba jani risa upajāvasi mohī ||

suni sakopa kaha nisicara nāthā| adhara dasana dasi mījata hāthā ||

re kapi adhama marana aba cahasī| choṭe badana bāta baḍa़i kahasī ||

kaṭu jalpasi jaḍa़ kapi bala jākeṃ| bala pratāpa budhi teja na tākem ||

do. aguna amāna jāni tehi dīnha pitā banabāsa|

so dukha aru jubatī biraha puni nisi dina mama trāsa || 31(ka) ||

jinha ke bala kara garba tohi aise manuja aneka|

khāhīṃ nisācara divasa nisi mūḍha़ samujhu taji ṭeka || 31(kha) ||

jaba tehiṃ kīnha rāma kai nindā| krodhavanta ati bhayu kapindā ||

hari hara nindā suni jo kānā| hoi pāpa goghāta samānā ||

kaṭakaṭāna kapikuñjara bhārī| duhu bhujadaṇḍa tamaki mahi mārī ||

ḍolata dharani sabhāsada khase| cale bhāji bhaya māruta grase ||

girata sa~bhāri uṭhā dasakandhara| bhūtala pare mukuṭa ati sundara ||

kachu tehiṃ lai nija siranhi sa~vāre| kachu aṅgada prabhu pāsa pabāre ||

āvata mukuṭa dekhi kapi bhāge| dinahīṃ lūka parana bidhi lāge ||

kī rāvana kari kopa calāe| kulisa cāri āvata ati dhāe ||

kaha prabhu ha~si jani hṛdaya~ ḍerāhū| lūka na asani ketu nahiṃ rāhū ||

e kirīṭa dasakandhara kere| āvata bālitanaya ke prere ||

do. taraki pavanasuta kara gahe āni dhare prabhu pāsa|

kautuka dekhahiṃ bhālu kapi dinakara sarisa prakāsa || 32(ka) ||

uhā~ sako'pi dasānana saba sana kahata risāi|

dharahu kapihi dhari mārahu suni aṅgada musukāi || 32(kha) ||

ehi bidhi begi sūbhaṭa saba dhāvahu| khāhu bhālu kapi jaha~ jaha~ pāvahu ||

markaṭahīna karahu mahi jāī| jiata dharahu tāpasa dvau bhāī ||

puni sakopa boleu jubarājā| gāla bajāvata tohi na lājā ||

maru gara kāṭi nilaja kulaghātī| bala biloki biharati nahiṃ chātī ||

re triya cora kumāraga gāmī| khala mala rāsi mandamati kāmī ||

sanyapāta jalpasi durbādā| bhesi kālabasa khala manujādā ||

yāko phalu pāvahigo āgeṃ| bānara bhālu capeṭanhi lāgem ||

rāmu manuja bolata asi bānī| girahiṃ na tava rasanā abhimānī ||

girihahiṃ rasanā saṃsaya nāhīṃ| siranhi sameta samara mahi māhīm ||

so. so nara kyoṃ dasakandha bāli badhyo jehiṃ eka sara|

bīsahu~ locana andha dhiga tava janma kujāti jaḍa़ || 33(ka) ||

taba sonita kī pyāsa tṛṣita rāma sāyaka nikara|

taju~ tohi tehi trāsa kaṭu jalpaka nisicara adhama || 33(kha) ||

mai tava dasana toribe lāyaka| āyasu mohi na dīnha raghunāyaka ||

asi risa hoti dasu mukha torauṃ| laṅkā gahi samudra maha~ boraum ||

gūlari phala samāna tava laṅkā| basahu madhya tumha jantu asaṅkā ||

maiṃ bānara phala khāta na bārā| āyasu dīnha na rāma udārā ||

jugati sunata rāvana musukāī| mūḍha़ sikhihi kaha~ bahuta jhuṭhāī ||

bāli na kabahu~ gāla asa mārā| mili tapasinha taiṃ bhesi labārā ||

sā~cehu~ maiṃ labāra bhuja bīhā| jauṃ na upāriu~ tava dasa jīhā ||

samujhi rāma pratāpa kapi kopā| sabhā mājha pana kari pada ropā ||

jauṃ mama carana sakasi saṭha ṭārī| phirahiṃ rāmu sītā maiṃ hārī ||

sunahu subhaṭa saba kaha dasasīsā| pada gahi dharani pachārahu kīsā ||

indrajīta ādika balavānā| haraṣi uṭhe jaha~ taha~ bhaṭa nānā ||

jhapaṭahiṃ kari bala bipula upāī| pada na ṭari baiṭhahiṃ siru nāī ||

puni uṭhi jhapaṭahīṃ sura ārātī| ṭari na kīsa carana ehi bhā~tī ||

puruṣa kujogī jimi uragārī| moha biṭapa nahiṃ sakahiṃ upārī ||

do. koṭinha meghanāda sama subhaṭa uṭhe haraṣāi|

jhapaṭahiṃ ṭarai na kapi carana puni baiṭhahiṃ sira nāi || 34(ka) ||

bhūmi na chā~ḍata kapi carana dekhata ripu mada bhāga ||

koṭi bighna te santa kara mana jimi nīti na tyāga || 34(kha) ||

kapi bala dekhi sakala hiya~ hāre| uṭhā āpu kapi keṃ paracāre ||

gahata carana kaha bālikumārā| mama pada gaheṃ na tora ubārā ||

gahasi na rāma carana saṭha jāī| sunata phirā mana ati sakucāī ||

bhayu tejahata śrī saba gī| madhya divasa jimi sasi sohī ||

siṅghāsana baiṭheu sira nāī| mānahu~ sampati sakala ga~vāī ||

jagadātamā prānapati rāmā| tāsu bimukha kimi laha biśrāmā ||

umā rāma kī bhṛkuṭi bilāsā| hoi bisva puni pāvi nāsā ||

tṛna te kulisa kulisa tṛna karī| tāsu dūta pana kahu kimi ṭarī ||

puni kapi kahī nīti bidhi nānā| māna na tāhi kālu niarānā ||

ripu mada mathi prabhu sujasu sunāyo| yaha kahi calyo bāli nṛpa jāyo ||

hatauṃ na kheta khelāi khelāī| tohi abahiṃ kā karauṃ baḍa़āī ||

prathamahiṃ tāsu tanaya kapi mārā| so suni rāvana bhayu dukhārā ||

jātudhāna aṅgada pana dekhī| bhaya byākula saba bhe biseṣī ||

do. ripu bala dharaṣi haraṣi kapi bālitanaya bala puñja|

pulaka sarīra nayana jala gahe rāma pada kañja || 35(ka) ||

sā~jha jāni dasakandhara bhavana gayu bilakhāi|

mandodarī rāvanahi bahuri kahā samujhāi || (kha) ||

kanta samujhi mana tajahu kumatihī| soha na samara tumhahi raghupatihī ||

rāmānuja laghu rekha khacāī| sau nahiṃ nāghehu asi manusāī ||

piya tumha tāhi jitaba saṅgrāmā| jāke dūta kera yaha kāmā ||

kautuka sindhu nāghī tava laṅkā| āyu kapi keharī asaṅkā ||

rakhavāre hati bipina ujārā| dekhata tohi accha tehiṃ mārā ||

jāri sakala pura kīnhesi chārā| kahā~ rahā bala garba tumhārā ||

aba pati mṛṣā gāla jani mārahu| mora kahā kachu hṛdaya~ bicārahu ||

pati raghupatihi nṛpati jani mānahu| aga jaga nātha atula bala jānahu ||

bāna pratāpa jāna mārīcā| tāsu kahā nahiṃ mānehi nīcā ||

janaka sabhā~ aganita bhūpālā| rahe tumhu bala atula bisālā ||

bhañji dhanuṣa jānakī biāhī| taba saṅgrāma jitehu kina tāhī ||

surapati suta jāni bala thorā| rākhā jiata ā~khi gahi phorā ||

sūpanakhā kai gati tumha dekhī| tadapi hṛdaya~ nahiṃ lāja biṣeṣī ||

do. badhi birādha khara dūṣanahi lī~lā~ hatyo kabandha|

bāli eka sara mārayo tehi jānahu dasakandha || 36 ||

jehiṃ jalanātha ba~dhāyu helā| utare prabhu dala sahita subelā ||

kārunīka dinakara kula ketū| dūta paṭhāyu tava hita hetū ||

sabhā mājha jehiṃ tava bala mathā| kari barūtha mahu~ mṛgapati jathā ||

aṅgada hanumata anucara jāke| rana bā~kure bīra ati bā~ke ||

tehi kaha~ piya puni puni nara kahahū| mudhā māna mamatā mada bahahū ||

ahaha kanta kṛta rāma birodhā| kāla bibasa mana upaja na bodhā ||

kāla daṇḍa gahi kāhu na mārā| hari dharma bala buddhi bicārā ||

nikaṭa kāla jehi āvata sāīṃ| tehi bhrama hoi tumhārihi nāīm ||

do. dui suta mare daheu pura ajahu~ pūra piya dehu|

kṛpāsindhu raghunātha bhaji nātha bimala jasu lehu || 37 ||

nāri bacana suni bisikha samānā| sabhā~ gayu uṭhi hota bihānā ||

baiṭha jāi siṅghāsana phūlī| ati abhimāna trāsa saba bhūlī ||

ihā~ rāma aṅgadahi bolāvā| āi carana paṅkaja siru nāvā ||

ati ādara sapīpa baiṭhārī| bole biha~si kṛpāla kharārī ||

bālitanaya kautuka ati mohī| tāta satya kahu pūchu~ tohī || |

rāvanu jātudhāna kula ṭīkā| bhuja bala atula jāsu jaga līkā ||

tāsu mukuṭa tumha cāri calāe| kahahu tāta kavanī bidhi pāe ||

sunu sarbagya pranata sukhakārī| mukuṭa na hohiṃ bhūpa guna cārī ||

sāma dāna aru daṇḍa bibhedā| nṛpa ura basahiṃ nātha kaha bedā ||

nīti dharma ke carana suhāe| asa jiya~ jāni nātha pahiṃ āe ||

do. dharmahīna prabhu pada bimukha kāla bibasa dasasīsa|

tehi parihari guna āe sunahu kosalādhīsa || 38(((ka) ||

parama caturatā śravana suni biha~se rāmu udāra|

samācāra puni saba kahe gaḍha़ ke bālikumāra || 38(kha) ||

ripu ke samācāra jaba pāe| rāma saciva saba nikaṭa bolāe ||

laṅkā bā~ke cāri duārā| kehi bidhi lāgia karahu bicārā ||

taba kapīsa ricchesa bibhīṣana| sumiri hṛdaya~ dinakara kula bhūṣana ||

kari bicāra tinha mantra dṛḍha़āvā| cāri anī kapi kaṭaku banāvā ||

jathājoga senāpati kīnhe| jūthapa sakala boli taba līnhe ||

prabhu pratāpa kahi saba samujhāe| suni kapi siṅghanāda kari dhāe ||

haraṣita rāma carana sira nāvahiṃ| gahi giri sikhara bīra saba dhāvahim ||

garjahiṃ tarjahiṃ bhālu kapīsā| jaya raghubīra kosalādhīsā ||

jānata parama durga ati laṅkā| prabhu pratāpa kapi cale asaṅkā ||

ghaṭāṭopa kari cahu~ disi gherī| mukhahiṃ nisāna bajāvahīṃ bherī ||

do. jayati rāma jaya lachimana jaya kapīsa sugrīva|

garjahiṃ siṅghanāda kapi bhālu mahā bala sīṃva || 39 ||

laṅkā~ bhayu kolāhala bhārī| sunā dasānana ati aha~kārī ||

dekhahu banaranha keri ḍhiṭhāī| biha~si nisācara sena bolāī ||

āe kīsa kāla ke prere| chudhāvanta saba nisicara mere ||

asa kahi aṭṭahāsa saṭha kīnhā| gṛha baiṭhe ahāra bidhi dīnhā ||

subhaṭa sakala cārihu~ disi jāhū| dhari dhari bhālu kīsa saba khāhū ||

umā rāvanahi asa abhimānā| jimi ṭiṭṭibha khaga sūta utānā ||

cale nisācara āyasu māgī| gahi kara bhiṇḍipāla bara sā~gī ||

tomara mugdara parasu pracaṇḍā| sula kṛpāna parigha girikhaṇḍā ||

jimi arunopala nikara nihārī| dhāvahiṃ saṭha khaga māṃsa ahārī ||

coñca bhaṅga dukha tinhahi na sūjhā| timi dhāe manujāda abūjhā ||

do. nānāyudha sara cāpa dhara jātudhāna bala bīra|

koṭa ka~gūranhi caḍha़i ge koṭi koṭi ranadhīra || 40 ||

koṭa ka~gūranhi sohahiṃ kaise| meru ke sṛṅgani janu ghana baise ||

bājahiṃ ḍhola nisāna jujhAU| suni dhuni hoi bhaṭanhi mana cAU ||

bājahiṃ bheri naphīri apārā| suni kādara ura jāhiṃ darārā ||

dekhinha jāi kapinha ke ṭhaṭṭā| ati bisāla tanu bhālu subhaṭṭā ||

dhāvahiṃ ganahiṃ na avaghaṭa ghāṭā| parbata phori karahiṃ gahi bāṭā ||

kaṭakaṭāhiṃ koṭinha bhaṭa garjahiṃ| dasana oṭha kāṭahiṃ ati tarjahim ||

uta rāvana ita rāma dohāī| jayati jayati jaya parī larāī ||

nisicara sikhara samūha ḍhahāvahiṃ| kūdi dharahiṃ kapi pheri calāvahim ||

do. dhari kudhara khaṇḍa pracaṇḍa karkaṭa bhālu gaḍha़ para ḍārahīṃ|

jhapaṭahiṃ carana gahi paṭaki mahi bhaji calata bahuri pacārahīm ||

ati tarala taruna pratāpa tarapahiṃ tamaki gaḍha़ caḍha़i caḍha़i ge|

kapi bhālu caḍha़i mandiranha jaha~ taha~ rāma jasu gāvata bhe ||

do. eku eku nisicara gahi puni kapi cale parāi|

ūpara āpu heṭha bhaṭa girahiṃ dharani para āi || 41 ||

rāma pratāpa prabala kapijūthā| mardahiṃ nisicara subhaṭa barūthā ||

caḍha़e durga puni jaha~ taha~ bānara| jaya raghubīra pratāpa divākara ||

cale nisācara nikara parāī| prabala pavana jimi ghana samudāī ||

hāhākāra bhayu pura bhārī| rovahiṃ bālaka ātura nārī ||

saba mili dehiṃ rāvanahi gārī| rāja karata ehiṃ mṛtyu ha~kārī ||

nija dala bicala sunī tehiṃ kānā| pheri subhaṭa laṅkesa risānā ||

jo rana bimukha sunā maiṃ kānā| so maiṃ hataba karāla kṛpānā ||

sarbasu khāi bhoga kari nānā| samara bhūmi bhe ballabha prānā ||

ugra bacana suni sakala ḍerāne| cale krodha kari subhaṭa lajāne ||

sanmukha marana bīra kai sobhā| taba tinha tajā prāna kara lobhā ||

do. bahu āyudha dhara subhaṭa saba bhirahiṃ pacāri pacāri|

byākula kie bhālu kapi parigha trisūlanhi mārī || 42 ||

bhaya ātura kapi bhāgana lāge| jadyapi umā jītihahiṃ āge ||

kau kaha kaha~ aṅgada hanumantā| kaha~ nala nīla dubida balavantā ||

nija dala bikala sunā hanumānā| pacchima dvāra rahā balavānā ||

meghanāda taha~ kari larāī| ṭūṭa na dvāra parama kaṭhināī ||

pavanatanaya mana bhā ati krodhā| garjeu prabala kāla sama jodhā ||

kūdi laṅka gaḍha़ ūpara āvā| gahi giri meghanāda kahu~ dhāvā ||

bhañjeu ratha sārathī nipātā| tāhi hṛdaya mahu~ māresi lātā ||

dusareṃ sūta bikala tehi jānā| syandana ghāli turata gṛha ānā ||

do. aṅgada sunā pavanasuta gaḍha़ para gayu akela|

rana bā~kurā bālisuta taraki caḍha़eu kapi khela || 43 ||

juddha biruddha kruddha dvau bandara| rāma pratāpa sumiri ura antara ||

rāvana bhavana caḍha़e dvau dhāī| karahi kosalādhīsa dohāī ||

kalasa sahita gahi bhavanu ḍhahāvā| dekhi nisācarapati bhaya pāvā ||

nāri bṛnda kara pīṭahiṃ chātī| aba dui kapi āe utapātī ||

kapilīlā kari tinhahi ḍerāvahiṃ| rāmacandra kara sujasu sunāvahim ||

puni kara gahi kañcana ke khambhā| kahenhi karia utapāta arambhā ||

garji pare ripu kaṭaka majhārī| lāge mardai bhuja bala bhārī ||

kāhuhi lāta capeṭanhi kehū| bhajahu na rāmahi so phala lehū ||

do. eka eka soṃ mardahiṃ tori calāvahiṃ muṇḍa|

rāvana āgeṃ parahiṃ te janu phūṭahiṃ dadhi kuṇḍa || 44 ||

mahā mahā mukhiā je pāvahiṃ| te pada gahi prabhu pāsa calāvahim ||

kahi bibhīṣanu tinha ke nāmā| dehiṃ rāma tinhahū nija dhāmā ||

khala manujāda dvijāmiṣa bhogī| pāvahiṃ gati jo jācata jogī ||

umā rāma mṛducita karunākara| bayara bhāva sumirata mohi nisicara ||

dehiṃ parama gati so jiya~ jānī| asa kṛpāla ko kahahu bhavānī ||

asa prabhu suni na bhajahiṃ bhrama tyāgī| nara matimanda te parama abhāgī ||

aṅgada aru hanumanta prabesā| kīnha durga asa kaha avadhesā ||

laṅkā~ dvau kapi sohahiṃ kaiseṃ| mathahi sindhu dui mandara jaisem ||

do. bhuja bala ripu dala dalamali dekhi divasa kara anta|

kūde jugala bigata śrama āe jaha~ bhagavanta || 45 ||

prabhu pada kamala sīsa tinha nāe| dekhi subhaṭa raghupati mana bhāe ||

rāma kṛpā kari jugala nihāre| bhe bigataśrama parama sukhāre ||

ge jāni aṅgada hanumānā| phire bhālu markaṭa bhaṭa nānā ||

jātudhāna pradoṣa bala pāī| dhāe kari dasasīsa dohāī ||

nisicara anī dekhi kapi phire| jaha~ taha~ kaṭakaṭāi bhaṭa bhire ||

dvau dala prabala pacāri pacārī| larata subhaṭa nahiṃ mānahiṃ hārī ||

mahābīra nisicara saba kāre| nānā barana balīmukha bhāre ||

sabala jugala dala samabala jodhā| kautuka karata larata kari krodhā ||

prābiṭa sarada payoda ghanere| larata manahu~ māruta ke prere ||

anipa akampana aru atikāyā| bicalata sena kīnhi inha māyā ||

bhayu nimiṣa maha~ ati a~dhiyārā| bṛṣṭi hoi rudhiropala chārā ||

do. dekhi nibiḍa़ tama dasahu~ disi kapidala bhayu khabhāra|

ekahi eka na dekhī jaha~ taha~ karahiṃ pukāra || 46 ||

sakala maramu raghunāyaka jānā| lie boli aṅgada hanumānā ||

samācāra saba kahi samujhāe| sunata ko'pi kapikuñjara dhāe ||

puni kṛpāla ha~si cāpa caḍha़āvā| pāvaka sāyaka sapadi calāvā ||

bhayu prakāsa katahu~ tama nāhīṃ| gyāna udaya~ jimi saṃsaya jāhīm ||

bhālu balīmukha pāi prakāsā| dhāe haraṣa bigata śrama trāsā ||

hanūmāna aṅgada rana gāje| hā~ka sunata rajanīcara bhāje ||

bhāgata paṭa paṭakahiṃ dhari dharanī| karahiṃ bhālu kapi adbhuta karanī ||

gahi pada ḍārahiṃ sāgara māhīṃ| makara uraga jhaṣa dhari dhari khāhīm ||

do. kachu māre kachu ghāyala kachu gaḍha़ caḍha़e parāi|

garjahiṃ bhālu balīmukha ripu dala bala bicalāi || 47 ||

nisā jāni kapi cāriu anī| āe jahā~ kosalā dhanī ||

rāma kṛpā kari citavā sabahī| bhe bigataśrama bānara tabahī ||

uhā~ dasānana saciva ha~kāre| saba sana kahesi subhaṭa je māre ||

ādhā kaṭaku kapinha saṅghārā| kahahu begi kā karia bicārā ||

mālyavanta ati jaraṭha nisācara| rāvana mātu pitā mantrī bara ||

bolā bacana nīti ati pāvana| sunahu tāta kachu mora sikhāvana ||

jaba te tumha sītā hari ānī| asaguna hohiṃ na jāhiṃ bakhānī ||

beda purāna jāsu jasu gāyo| rāma bimukha kāhu~ na sukha pāyo ||

do. hiranyāccha bhrātā sahita madhu kaiṭabha balavāna|

jehi māre soi avatareu kṛpāsindhu bhagavāna || 48(ka) ||

māsapārāyaṇa, pacīsavā~ viśrāma

kālarūpa khala bana dahana gunāgāra ghanabodha|

siva birañci jehi sevahiṃ tāsoṃ kavana birodha || 48(kha) ||

parihari bayaru dehu baidehī| bhajahu kṛpānidhi parama sanehī ||

tāke bacana bāna sama lāge| kariā muha kari jāhi abhāge ||

būḍha़ bhesi na ta marateu~ tohī| aba jani nayana dekhāvasi mohī ||

tehi apane mana asa anumānā| badhyo cahata ehi kṛpānidhānā ||

so uṭhi gayu kahata durbādā| taba sakopa boleu ghananādā ||

kautuka prāta dekhiahu morā| karihu~ bahuta kahauṃ kā thorā ||

suni suta bacana bharosā āvā| prīti sameta aṅka baiṭhāvā ||

karata bicāra bhayu bhinusārā| lāge kapi puni cahū~ duārā ||

ko'pi kapinha durghaṭa gaḍha़u gherā| nagara kolāhalu bhayu ghanerā ||

bibidhāyudha dhara nisicara dhāe| gaḍha़ te parbata sikhara ḍhahāe ||

chaṃ. ḍhāhe mahīdhara sikhara koṭinha bibidha bidhi golā cale|

ghaharāta jimi pabipāta garjata janu pralaya ke bādale ||

markaṭa bikaṭa bhaṭa juṭata kaṭata na laṭata tana jarjara bhe|

gahi saila tehi gaḍha़ para calāvahiṃ jaha~ so taha~ nisicara he ||

do. meghanāda suni śravana asa gaḍha़u puni cheṅkā āi|

utaryo bīra durga teṃ sanmukha calyo bajāi || 49 ||

kaha~ kosalādhīsa dvau bhrātā| dhanvī sakala loka bikhyātā ||

kaha~ nala nīla dubida sugrīvā| aṅgada hanūmanta bala sīṃvā ||

kahā~ bibhīṣanu bhrātādrohī| āju sabahi haṭhi māru~ ohī ||

asa kahi kaṭhina bāna sandhāne| atisaya krodha śravana lagi tāne ||

sara samuha so chāḍa़ai lāgā| janu sapaccha dhāvahiṃ bahu nāgā ||

jaha~ taha~ parata dekhiahiṃ bānara| sanmukha hoi na sake tehi avasara ||

jaha~ taha~ bhāgi cale kapi rīchā| bisarī sabahi juddha kai īchā ||

so kapi bhālu na rana maha~ dekhā| kīnhesi jehi na prāna avaseṣā ||

do. dasa dasa sara saba māresi pare bhūmi kapi bīra|

siṃhanāda kari garjā meghanāda bala dhīra || 50 ||

dekhi pavanasuta kaṭaka bihālā| krodhavanta janu dhāyu kālā ||

mahāsaila eka turata upārā| ati risa meghanāda para ḍārā ||

āvata dekhi gayu nabha soī| ratha sārathī turaga saba khoī ||

bāra bāra pacāra hanumānā| nikaṭa na āva maramu so jānā ||

raghupati nikaṭa gayu ghananādā| nānā bhā~ti karesi durbādā ||

astra sastra āyudha saba ḍāre| kautukahīṃ prabhu kāṭi nivāre ||

dekhi pratāpa mūḍha़ khisiānā| karai lāga māyā bidhi nānā ||

jimi kau karai garuḍa़ saiṃ khelā| ḍarapāvai gahi svalpa sapelā ||

do. jāsu prabala māyā bala siva birañci baḍa़ choṭa|

tāhi dikhāvi nisicara nija māyā mati khoṭa || 51 ||

nabha caḍha़i baraṣa bipula aṅgārā| mahi te pragaṭa hohiṃ jaladhārā ||

nānā bhā~ti pisāca pisācī| māru kāṭu dhuni bolahiṃ nācī ||

biṣṭā pūya rudhira kaca hāḍa़ā| baraṣi kabahu~ upala bahu chāḍa़ā ||

baraṣi dhūri kīnhesi a~dhiārā| sūjha na āpana hātha pasārā ||

kapi akulāne māyā dekheṃ| saba kara marana banā ehi lekhem ||

kautuka dekhi rāma musukāne| bhe sabhīta sakala kapi jāne ||

eka bāna kāṭī saba māyā| jimi dinakara hara timira nikāyā ||

kṛpādṛṣṭi kapi bhālu biloke| bhe prabala rana rahahiṃ na roke ||

do. āyasu māgi rāma pahiṃ aṅgadādi kapi sātha|

lachimana cale kruddha hoi bāna sarāsana hātha || 52 ||

chataja nayana ura bāhu bisālā| himagiri nibha tanu kachu eka lālā ||

ihā~ dasānana subhaṭa paṭhāe| nānā astra sastra gahi dhāe ||

bhūdhara nakha biṭapāyudha dhārī| dhāe kapi jaya rāma pukārī ||

bhire sakala jorihi sana jorī| ita uta jaya icchā nahiṃ thorī ||

muṭhikanha lātanha dātanha kāṭahiṃ| kapi jayasīla māri puni ḍāṭahim ||

māru māru dharu dharu dharu mārū| sīsa tori gahi bhujā upārū ||

asi rava pūri rahī nava khaṇḍā| dhāvahiṃ jaha~ taha~ ruṇḍa pracaṇḍā ||

dekhahiṃ kautuka nabha sura bṛndā| kabahu~ka bisamaya kabahu~ anandā ||

do. rudhira gāḍa़ bhari bhari jamyo ūpara dhūri uḍa़āi|

janu a~gāra rāsinha para mṛtaka dhūma rahyo chāi || 53 ||

ghāyala bīra birājahiṃ kaise| kusumita kiṃsuka ke taru jaise ||

lachimana meghanāda dvau jodhā| bhirahiṃ parasapara kari ati krodhā ||

ekahi eka saki nahiṃ jītī| nisicara chala bala kari anītī ||

krodhavanta taba bhayu anantā| bhañjeu ratha sārathī turantā ||

nānā bidhi prahāra kara seṣā| rācchasa bhayu prāna avaseṣā ||

rāvana suta nija mana anumānā| saṅkaṭha bhayu harihi mama prānā ||

bīraghātinī chāḍa़isi sā~gī| teja puñja lachimana ura lāgī ||

muruchā bhī sakti ke lāgeṃ| taba cali gayu nikaṭa bhaya tyāgem ||

do. meghanāda sama koṭi sata jodhā rahe uṭhāi|

jagadādhāra seṣa kimi uṭhai cale khisiāi || 54 ||

sunu girijā krodhānala jāsū| jāri bhuvana cāridasa āsū ||

saka saṅgrāma jīti ko tāhī| sevahiṃ sura nara aga jaga jāhī ||

yaha kautūhala jāni soī| jā para kṛpā rāma kai hoī ||

sandhyā bhi phiri dvau bāhanī| lage sa~bhārana nija nija anī ||

byāpaka brahma ajita bhuvanesvara| lachimana kahā~ būjha karunākara ||

taba lagi lai āyu hanumānā| anuja dekhi prabhu ati dukha mānā ||

jāmavanta kaha baida suṣenā| laṅkā~ rahi ko paṭhī lenā ||

dhari laghu rūpa gayu hanumantā| āneu bhavana sameta turantā ||

do. rāma padārabinda sira nāyu āi suṣena|

kahā nāma giri auṣadhī jāhu pavanasuta lena || 55 ||

rāma carana sarasija ura rākhī| calā prabhañjana suta bala bhāṣī ||

uhā~ dūta eka maramu janāvā| rāvana kālanemi gṛha āvā ||

dasamukha kahā maramu tehiṃ sunā| puni puni kālanemi siru dhunā ||

dekhata tumhahi nagaru jehiṃ jārā| tāsu pantha ko rokana pārā ||

bhaji raghupati karu hita āpanā| chā~ḍa़hu nātha mṛṣā jalpanā ||

nīla kañja tanu sundara syāmā| hṛdaya~ rākhu locanābhirāmā ||

maiṃ taiṃ mora mūḍha़tā tyāgū| mahā moha nisi sūtata jāgū ||

kāla byāla kara bhacchaka joī| sapanehu~ samara ki jītia soī ||

do. suni dasakaṇṭha risāna ati tehiṃ mana kīnha bicāra|

rāma dūta kara marauṃ baru yaha khala rata mala bhāra || 56 ||

asa kahi calā racisi maga māyā| sara mandira bara bāga banāyā ||

mārutasuta dekhā subha āśrama| munihi būjhi jala piyauṃ jāi śrama ||

rācchasa kapaṭa beṣa taha~ sohā| māyāpati dūtahi caha mohā ||

jāi pavanasuta nāyu māthā| lāga so kahai rāma guna gāthā ||

hota mahā rana rāvana rāmahiṃ| jitahahiṃ rāma na saṃsaya yā mahim ||

ihā~ bhe~ maiṃ dekheu~ bhāī| gyāna dṛṣṭi bala mohi adhikāī ||

māgā jala tehiṃ dīnha kamaṇḍala| kaha kapi nahiṃ aghāu~ thoreṃ jala ||

sara majjana kari ātura āvahu| dicchā deu~ gyāna jehiṃ pāvahu ||

do. sara paiṭhata kapi pada gahā makarīṃ taba akulāna|

mārī so dhari divya tanu calī gagana caḍha़i jāna || 57 ||

kapi tava darasa bhiu~ niṣpāpā| miṭā tāta munibara kara sāpā ||

muni na hoi yaha nisicara ghorā| mānahu satya bacana kapi morā ||

asa kahi gī apacharā jabahīṃ| nisicara nikaṭa gayu kapi tabahīm ||

kaha kapi muni guradachinā lehū| pācheṃ hamahi mantra tumha dehū ||

sira laṅgūra lapeṭi pachārā| nija tanu pragaṭesi maratī bārā ||

rāma rāma kahi chāḍa़esi prānā| suni mana haraṣi caleu hanumānā ||

dekhā saila na auṣadha cīnhā| sahasā kapi upāri giri līnhā ||

gahi giri nisi nabha dhāvata bhayū| avadhapurī upara kapi gayū ||

do. dekhā bharata bisāla ati nisicara mana anumāni|

binu phara sāyaka māreu cāpa śravana lagi tāni || 58 ||

pareu muruchi mahi lāgata sāyaka| sumirata rāma rāma raghunāyaka ||

suni priya bacana bharata taba dhāe| kapi samīpa ati ātura āe ||

bikala biloki kīsa ura lāvā| jāgata nahiṃ bahu bhā~ti jagāvā ||

mukha malīna mana bhe dukhārī| kahata bacana bhari locana bārī ||

jehiṃ bidhi rāma bimukha mohi kīnhā| tehiṃ puni yaha dāruna dukha dīnhā ||

jauṃ moreṃ mana baca aru kāyā| prīti rāma pada kamala amāyā ||

tau kapi hau bigata śrama sūlā| jauṃ mo para raghupati anukūlā ||

sunata bacana uṭhi baiṭha kapīsā| kahi jaya jayati kosalādhīsā ||

so. līnha kapihi ura lāi pulakita tanu locana sajala|

prīti na hṛdaya~ samāi sumiri rāma raghukula tilaka || 59 ||

tāta kusala kahu sukhanidhāna kī| sahita anuja aru mātu jānakī ||

kapi saba carita samāsa bakhāne| bhe dukhī mana mahu~ pachitāne ||

ahaha daiva maiṃ kata jaga jāyu~| prabhu ke ekahu kāja na āyu~ ||

jāni kuavasaru mana dhari dhīrā| puni kapi sana bole balabīrā ||

tāta gaharu hoihi tohi jātā| kāju nasāihi hota prabhātā ||

caḍha़u mama sāyaka saila sametā| paṭhavauṃ tohi jaha~ kṛpāniketā ||

suni kapi mana upajā abhimānā| moreṃ bhāra calihi kimi bānā ||

rāma prabhāva bicāri bahorī| bandi carana kaha kapi kara jorī ||

do. tava pratāpa ura rākhi prabhu jehu~ nātha turanta|

asa kahi āyasu pāi pada bandi caleu hanumanta || 60(ka) ||

bharata bāhu bala sīla guna prabhu pada prīti apāra|

mana mahu~ jāta sarāhata puni puni pavanakumāra || 60(kha) ||

uhā~ rāma lachimanahiṃ nihārī| bole bacana manuja anusārī ||

ardha rāti gi kapi nahiṃ āyu| rāma uṭhāi anuja ura lāyu ||

sakahu na dukhita dekhi mohi kAU| bandhu sadā tava mṛdula subhAU ||

mama hita lāgi tajehu pitu mātā| sahehu bipina hima ātapa bātā ||

so anurāga kahā~ aba bhāī| uṭhahu na suni mama baca bikalāī ||

jauṃ janateu~ bana bandhu bichohū| pitā bacana manateu~ nahiṃ ohū ||

suta bita nāri bhavana parivārā| hohiṃ jāhiṃ jaga bārahiṃ bārā ||

asa bicāri jiya~ jāgahu tātā| mili na jagata sahodara bhrātā ||

jathā paṅkha binu khaga ati dīnā| mani binu phani karibara kara hīnā ||

asa mama jivana bandhu binu tohī| jauṃ jaḍa़ daiva jiāvai mohī ||

jaihu~ avadha kavana muhu lāī| nāri hetu priya bhāi ga~vāī ||

baru apajasa sahateu~ jaga māhīṃ| nāri hāni biseṣa chati nāhīm ||

aba apaloku soku suta torā| sahihi niṭhura kaṭhora ura morā ||

nija jananī ke eka kumārā| tāta tāsu tumha prāna adhārā ||

saumpesi mohi tumhahi gahi pānī| saba bidhi sukhada parama hita jānī ||

utaru kāha daihu~ tehi jāī| uṭhi kina mohi sikhāvahu bhāī ||

bahu bidhi sicata soca bimocana| stravata salila rājiva dala locana ||

umā eka akhaṇḍa raghurāī| nara gati bhagata kṛpāla dekhāī ||

so. prabhu pralāpa suni kāna bikala bhe bānara nikara|

āi gayu hanumāna jimi karunā maha~ bīra rasa || 61 ||

haraṣi rāma bheṇṭeu hanumānā| ati kṛtagya prabhu parama sujānā ||

turata baida taba kīnha upāī| uṭhi baiṭhe lachimana haraṣāī ||

hṛdaya~ lāi prabhu bheṇṭeu bhrātā| haraṣe sakala bhālu kapi brātā ||

kapi puni baida tahā~ pahu~cāvā| jehi bidhi tabahiṃ tāhi li āvā ||

yaha bṛttānta dasānana suneū| ati biṣāda puni puni sira dhuneū ||

byākula kumbhakarana pahiṃ āvā| bibidha jatana kari tāhi jagāvā ||

jāgā nisicara dekhia kaisā| mānahu~ kālu deha dhari baisā ||

kumbhakarana būjhā kahu bhāī| kāhe tava mukha rahe sukhāī ||

kathā kahī saba tehiṃ abhimānī| jehi prakāra sītā hari ānī ||

tāta kapinha saba nisicara māre| mahāmahā jodhā saṅghāre ||

durmukha suraripu manuja ahārī| bhaṭa atikāya akampana bhārī ||

apara mahodara ādika bīrā| pare samara mahi saba ranadhīrā ||

do. suni dasakandhara bacana taba kumbhakarana bilakhāna|

jagadambā hari āni aba saṭha cāhata kalyāna || 62 ||

bhala na kīnha taiṃ nisicara nāhā| aba mohi āi jagāehi kāhā ||

ajahū~ tāta tyāgi abhimānā| bhajahu rāma hoihi kalyānā ||

haiṃ dasasīsa manuja raghunāyaka| jāke hanūmāna se pāyaka ||

ahaha bandhu taiṃ kīnhi khoṭāī| prathamahiṃ mohi na sunāehi āī ||

kīnhehu prabhū birodha tehi devaka| siva birañci sura jāke sevaka ||

nārada muni mohi gyāna jo kahā| kahateu~ tohi samaya nirabahā ||

aba bhari aṅka bheṇṭu mohi bhāī| locana sūphala karau maiṃ jāī ||

syāma gāta sarasīruha locana| dekhauṃ jāi tāpa traya mocana ||

do. rāma rūpa guna sumirata magana bhayu chana eka|

rāvana māgeu koṭi ghaṭa mada aru mahiṣa aneka || 63 ||

mahiṣa khāi kari madirā pānā| garjā bajrāghāta samānā ||

kumbhakarana durmada rana raṅgā| calā durga taji sena na saṅgā ||

dekhi bibhīṣanu āgeṃ āyu| pareu carana nija nāma sunāyu ||

anuja uṭhāi hṛdaya~ tehi lāyo| raghupati bhakta jāni mana bhāyo ||

tāta lāta rāvana mohi mārā| kahata parama hita mantra bicārā ||

tehiṃ galāni raghupati pahiṃ āyu~| dekhi dīna prabhu ke mana bhāyu~ ||

sunu suta bhayu kālabasa rāvana| so ki māna aba parama sikhāvana ||

dhanya dhanya taiṃ dhanya bibhīṣana| bhayahu tāta nisicara kula bhūṣana ||

bandhu baṃsa taiṃ kīnha ujāgara| bhajehu rāma sobhā sukha sāgara ||

do. bacana karma mana kapaṭa taji bhajehu rāma ranadhīra|

jāhu na nija para sūjha mohi bhayu~ kālabasa bīra| 64 ||

bandhu bacana suni calā bibhīṣana| āyu jaha~ trailoka bibhūṣana ||

nātha bhūdharākāra sarīrā| kumbhakarana āvata ranadhīrā ||

etanā kapinha sunā jaba kānā| kilakilāi dhāe balavānā ||

lie uṭhāi biṭapa aru bhūdhara| kaṭakaṭāi ḍārahiṃ tā ūpara ||

koṭi koṭi giri sikhara prahārā| karahiṃ bhālu kapi eka eka bārā ||

mur yo na mana tanu ṭar yo na ṭār yo| jimi gaja arka phalani ko māryo ||

taba mārutasuta muṭhikā hanyo| par yo dharani byākula sira dhunyo ||

puni uṭhi tehiṃ māreu hanumantā| ghurmita bhūtala pareu turantā ||

puni nala nīlahi avani pachāresi| jaha~ taha~ paṭaki paṭaki bhaṭa ḍāresi ||

calī balīmukha sena parāī| ati bhaya trasita na kau samuhāī ||

do. aṅgadādi kapi muruchita kari sameta sugrīva|

kā~kha dābi kapirāja kahu~ calā amita bala sīṃva || 65 ||

umā karata raghupati naralīlā| khelata garuḍa़ jimi ahigana mīlā ||

bhṛkuṭi bhaṅga jo kālahi khāī| tāhi ki sohi aisi larāī ||

jaga pāvani kīrati bistarihahiṃ| gāi gāi bhavanidhi nara tarihahim ||

muruchā gi mārutasuta jāgā| sugrīvahi taba khojana lāgā ||

sugrīvahu kai muruchā bītī| nibuka gayu tehi mṛtaka pratītī ||

kāṭesi dasana nāsikā kānā| garaji akāsa calu tehiṃ jānā ||

gaheu carana gahi bhūmi pachārā| ati lāghava~ uṭhi puni tehi mārā ||

puni āyasu prabhu pahiṃ balavānā| jayati jayati jaya kṛpānidhānā ||

nāka kāna kāṭe jiya~ jānī| phirā krodha kari bhi mana glānī ||

sahaja bhīma puni binu śruti nāsā| dekhata kapi dala upajī trāsā ||

do. jaya jaya jaya raghubaṃsa mani dhāe kapi dai hūha|

ekahi bāra tāsu para chāḍa़enhi giri taru jūha || 66 ||

kumbhakarana rana raṅga biruddhā| sanmukha calā kāla janu kruddhā ||

koṭi koṭi kapi dhari dhari khāī| janu ṭīḍa़ī giri guhā~ samāī ||

koṭinha gahi sarīra sana mardā| koṭinha mīji milava mahi gardā ||

mukha nāsā śravananhi kīṃ bāṭā| nisari parāhiṃ bhālu kapi ṭhāṭā ||

rana mada matta nisācara darpā| bisva grasihi janu ehi bidhi arpā ||

mure subhaṭa saba phirahiṃ na phere| sūjha na nayana sunahiṃ nahiṃ ṭere ||

kumbhakarana kapi phauja biḍārī| suni dhāī rajanīcara dhārī ||

dekhi rāma bikala kaṭakāī| ripu anīka nānā bidhi āī ||

do. sunu sugrīva bibhīṣana anuja sa~bhārehu saina|

maiṃ dekhu~ khala bala dalahi bole rājivanaina || 67 ||

kara sāraṅga sāji kaṭi bhāthā| ari dala dalana cale raghunāthā ||

prathama kīnha prabhu dhanuṣa ṭa~korā| ripu dala badhira bhayu suni sorā ||

satyasandha chā~ḍa़e sara lacchā| kālasarpa janu cale sapacchā ||

jaha~ taha~ cale bipula nārācā| lage kaṭana bhaṭa bikaṭa pisācā ||

kaṭahiṃ carana ura sira bhujadaṇḍā| bahutaka bīra hohiṃ sata khaṇḍā ||

ghurmi ghurmi ghāyala mahi parahīṃ| uṭhi sambhāri subhaṭa puni larahīm ||

lāgata bāna jalada jimi gājahīṃ| bahutaka dekhī kaṭhina sara bhājahim ||

ruṇḍa pracaṇḍa muṇḍa binu dhāvahiṃ| dharu dharu mārū māru dhuni gāvahim ||

do. chana mahu~ prabhu ke sāyakanhi kāṭe bikaṭa pisāca|

puni raghubīra niṣaṅga mahu~ prabise saba nārāca || 68 ||

kumbhakarana mana dīkha bicārī| hati dhana mājha nisācara dhārī ||

bhā ati kruddha mahābala bīrā| kiyo mṛganāyaka nāda ga~bhīrā ||

ko'pi mahīdhara lei upārī| ḍāri jaha~ markaṭa bhaṭa bhārī ||

āvata dekhi saila prabhū bhāre| saranhi kāṭi raja sama kari ḍāre || |

puni dhanu tāni ko'pi raghunāyaka| chā~ḍa़e ati karāla bahu sāyaka ||

tanu mahu~ prabisi nisari sara jāhīṃ| jimi dāmini ghana mājha samāhīm ||

sonita stravata soha tana kāre| janu kajjala giri geru panāre ||

bikala biloki bhālu kapi dhāe| biha~sā jabahiṃ nikaṭa kapi āe ||

do. mahānāda kari garjā koṭi koṭi gahi kīsa|

mahi paṭaki gajarāja iva sapatha kari dasasīsa || 69 ||

bhāge bhālu balīmukha jūthā| bṛku biloki jimi meṣa barūthā ||

cale bhāgi kapi bhālu bhavānī| bikala pukārata ārata bānī ||

yaha nisicara dukāla sama ahī| kapikula desa parana aba cahī ||

kṛpā bāridhara rāma kharārī| pāhi pāhi pranatārati hārī ||

sakaruna bacana sunata bhagavānā| cale sudhāri sarāsana bānā ||

rāma sena nija pāchaiṃ ghālī| cale sakopa mahā balasālī ||

khaiñci dhanuṣa sara sata sandhāne| chūṭe tīra sarīra samāne ||

lāgata sara dhāvā risa bharā| kudhara ḍagamagata ḍolati dharā ||

līnha eka tehiṃ saila upāṭī| raghukula tilaka bhujā soi kāṭī ||

dhāvā bāma bāhu giri dhārī| prabhu sau bhujā kāṭi mahi pārī ||

kāṭeṃ bhujā soha khala kaisā| pacchahīna mandara giri jaisā ||

ugra bilokani prabhuhi bilokā| grasana cahata mānahu~ trelokā ||

do. kari cikkāra ghora ati dhāvā badanu pasāri|

gagana siddha sura trāsita hā hā heti pukāri || 70 ||

sabhaya deva karunānidhi jānyo| śravana prajanta sarāsanu tānyo ||

bisikha nikara nisicara mukha bhareū| tadapi mahābala bhūmi na pareū ||

saranhi bharā mukha sanmukha dhāvā| kāla trona sajīva janu āvā ||

taba prabhu ko'pi tībra sara līnhā| dhara te bhinna tāsu sira kīnhā ||

so sira pareu dasānana āgeṃ| bikala bhayu jimi phani mani tyāgem ||

dharani dhasi dhara dhāva pracaṇḍā| taba prabhu kāṭi kīnha dui khaṇḍā ||

pare bhūmi jimi nabha teṃ bhūdhara| heṭha dābi kapi bhālu nisācara ||

tāsu teja prabhu badana samānā| sura muni sabahiṃ acambhava mānā ||

sura dundubhīṃ bajāvahiṃ haraṣahiṃ| astuti karahiṃ sumana bahu baraṣahim ||

kari binatī sura sakala sidhāe| tehī samaya devariṣi āe ||

gaganopari hari guna gana gāe| rucira bīrarasa prabhu mana bhāe ||

begi hatahu khala kahi muni ge| rāma samara mahi sobhata bhe ||

chaṃ. saṅgrāma bhūmi birāja raghupati atula bala kosala dhanī|

śrama bindu mukha rājīva locana aruna tana sonita kanī ||

bhuja jugala pherata sara sarāsana bhālu kapi cahu disi bane|

kaha dāsa tulasī kahi na saka chabi seṣa jehi ānana ghane ||

do. nisicara adhama malākara tāhi dīnha nija dhāma|

girijā te nara mandamati je na bhajahiṃ śrīrāma || 71 ||

dina keṃ anta phirīṃ dau anī| samara bhī subhaṭanha śrama ghanī ||

rāma kṛpā~ kapi dala bala bāḍha़ā| jimi tṛna pāi lāga ati ḍāḍha़ā ||

chījahiṃ nisicara dinu aru rātī| nija mukha kaheṃ sukṛta jehi bhā~tī ||

bahu bilāpa dasakandhara karī| bandhu sīsa puni puni ura dharī ||

rovahiṃ nāri hṛdaya hati pānī| tāsu teja bala bipula bakhānī ||

meghanāda tehi avasara āyu| kahi bahu kathā pitā samujhāyu ||

dekhehu kāli mori manusāī| abahiṃ bahuta kā karauṃ baḍa़āī ||

iṣṭadeva saiṃ bala ratha pāyu~| so bala tāta na tohi dekhāyu~ ||

ehi bidhi jalpata bhayu bihānā| cahu~ duāra lāge kapi nānā ||

ita kapi bhālu kāla sama bīrā| uta rajanīcara ati ranadhīrā ||

larahiṃ subhaṭa nija nija jaya hetū| barani na jāi samara khagaketū ||

do. meghanāda māyāmaya ratha caḍha़i gayu akāsa ||

garjeu aṭṭahāsa kari bhi kapi kaṭakahi trāsa || 72 ||

sakti sūla taravāri kṛpānā| astra sastra kulisāyudha nānā ||

ḍāraha parasu parigha pāṣānā| lāgeu bṛṣṭi karai bahu bānā ||

dasa disi rahe bāna nabha chāī| mānahu~ maghā megha jhari lāī ||

dharu dharu māru sunia dhuni kānā| jo māri tehi kau na jānā ||

gahi giri taru akāsa kapi dhāvahiṃ| dekhahi tehi na dukhita phiri āvahim ||

avaghaṭa ghāṭa bāṭa giri kandara| māyā bala kīnhesi sara pañjara ||

jāhiṃ kahā~ byākula bhe bandara| surapati bandi pare janu mandara ||

mārutasuta aṅgada nala nīlā| kīnhesi bikala sakala balasīlā ||

puni lachimana sugrīva bibhīṣana| saranhi māri kīnhesi jarjara tana ||

puni raghupati saiṃ jūjhe lāgā| sara chā~ḍa़i hoi lāgahiṃ nāgā ||

byāla pāsa basa bhe kharārī| svabasa ananta eka abikārī ||

naṭa iva kapaṭa carita kara nānā| sadā svatantra eka bhagavānā ||

rana sobhā lagi prabhuhiṃ ba~dhāyo| nāgapāsa devanha bhaya pāyo ||

do. girijā jāsu nāma japi muni kāṭahiṃ bhava pāsa|

so ki bandha tara āvi byāpaka bisva nivāsa || 73 ||

carita rāma ke saguna bhavānī| tarki na jāhiṃ buddhi bala bānī ||

asa bicāri je tagya birāgī| rāmahi bhajahiṃ tarka saba tyāgī ||

byākula kaṭaku kīnha ghananādā| puni bhā pragaṭa kahi durbādā ||

jāmavanta kaha khala rahu ṭhāḍha़ā| suni kari tāhi krodha ati bāḍha़ā ||

būḍha़ jāni saṭha chā~ḍa़eu~ tohī| lāgesi adhama pacārai mohī ||

asa kahi tarala trisūla calāyo| jāmavanta kara gahi soi dhāyo ||

mārisi meghanāda kai chātī| parā bhūmi ghurmita suraghātī ||

puni risāna gahi carana phirāyau| mahi pachāri nija bala dekharāyo ||

bara prasāda so mari na mārā| taba gahi pada laṅkā para ḍārā ||

ihā~ devariṣi garuḍa़ paṭhāyo| rāma samīpa sapadi so āyo ||

do. khagapati saba dhari khāe māyā nāga barūtha|

māyā bigata bhe saba haraṣe bānara jūtha| 74(ka) ||

gahi giri pādapa upala nakha dhāe kīsa risāi|

cale tamīcara bikalatara gaḍha़ para caḍha़e parāi || 74(kha) ||

meghanāda ke murachā jāgī| pitahi biloki lāja ati lāgī ||

turata gayu giribara kandarā| karauṃ ajaya makha asa mana dharā ||

ihā~ bibhīṣana mantra bicārā| sunahu nātha bala atula udārā ||

meghanāda makha kari apāvana| khala māyāvī deva satāvana ||

jauṃ prabhu siddha hoi so pāihi| nātha begi puni jīti na jāihi ||

suni raghupati atisaya sukha mānā| bole aṅgadādi kapi nānā ||

lachimana saṅga jāhu saba bhāī| karahu bidhaṃsa jagya kara jāī ||

tumha lachimana mārehu rana ohī| dekhi sabhaya sura dukha ati mohī ||

mārehu tehi bala buddhi upāī| jehiṃ chījai nisicara sunu bhāī ||

jāmavanta sugrīva bibhīṣana| sena sameta rahehu tīniu jana ||

jaba raghubīra dīnhi anusāsana| kaṭi niṣaṅga kasi sāji sarāsana ||

prabhu pratāpa ura dhari ranadhīrā| bole ghana iva girā ga~bhīrā ||

jauṃ tehi āju badheṃ binu āvauṃ| tau raghupati sevaka na kahāvaum ||

jauṃ sata saṅkara karahiṃ sahāī| tadapi hatu~ raghubīra dohāī ||

do. raghupati carana nāi siru caleu turanta ananta|

aṅgada nīla mayanda nala saṅga subhaṭa hanumanta || 75 ||

jāi kapinha so dekhā baisā| āhuti deta rudhira aru bhaiṃsā ||

kīnha kapinha saba jagya bidhaṃsā| jaba na uṭhi taba karahiṃ prasaṃsā ||

tadapi na uṭhi dharenhi kaca jāī| lātanhi hati hati cale parāī ||

lai trisula dhāvā kapi bhāge| āe jaha~ rāmānuja āge ||

āvā parama krodha kara mārā| garja ghora rava bārahiṃ bārā ||

ko'pi marutasuta aṅgada dhāe| hati trisūla ura dharani girāe ||

prabhu kaha~ chā~ḍa़esi sūla pracaṇḍā| sara hati kṛta ananta juga khaṇḍā ||

uṭhi bahori māruti jubarājā| hatahiṃ ko'pi tehi ghāu na bājā ||

phire bīra ripu mari na mārā| taba dhāvā kari ghora cikārā ||

āvata dekhi kruddha janu kālā| lachimana chāḍa़e bisikha karālā ||

dekhesi āvata pabi sama bānā| turata bhayu khala antaradhānā ||

bibidha beṣa dhari kari larāī| kabahu~ka pragaṭa kabahu~ duri jāī ||

dekhi ajaya ripu ḍarape kīsā| parama kruddha taba bhayu ahīsā ||

lachimana mana asa mantra dṛḍha़āvā| ehi pāpihi maiṃ bahuta khelāvā ||

sumiri kosalādhīsa pratāpā| sara sandhāna kīnha kari dāpā ||

chāḍa़ā bāna mājha ura lāgā| maratī bāra kapaṭu saba tyāgā ||

do. rāmānuja kaha~ rāmu kaha~ asa kahi chā~ḍa़esi prāna|

dhanya dhanya tava jananī kaha aṅgada hanumāna || 76 ||

binu prayāsa hanumāna uṭhāyo| laṅkā dvāra rākhi puni āyo ||

tāsu marana suni sura gandharbā| caḍha़i bimāna āe nabha sarbā ||

baraṣi sumana dundubhīṃ bajāvahiṃ| śrīraghunātha bimala jasu gāvahim ||

jaya ananta jaya jagadādhārā| tumha prabhu saba devanhi nistārā ||

astuti kari sura siddha sidhāe| lachimana kṛpāsindhu pahiṃ āe ||

suta badha sunā dasānana jabahīṃ| muruchita bhayu pareu mahi tabahīm ||

mandodarī rudana kara bhārī| ura tāḍa़na bahu bhā~ti pukārī ||

nagara loga saba byākula socā| sakala kahahiṃ dasakandhara pocā ||

do. taba dasakaṇṭha bibidha bidhi samujhāīṃ saba nāri|

nasvara rūpa jagata saba dekhahu hṛdaya~ bicāri || 77 ||

tinhahi gyāna upadesā rāvana| āpuna manda kathā subha pāvana ||

para upadesa kusala bahutere| je ācarahiṃ te nara na ghanere ||

nisā sirāni bhayu bhinusārā| lage bhālu kapi cārihu~ dvārā ||

subhaṭa bolāi dasānana bolā| rana sanmukha jā kara mana ḍolā ||

so abahīṃ baru jāu parāī| sañjuga bimukha bhe~ na bhalāī ||

nija bhuja bala maiṃ bayaru baḍha़āvā| dehu~ utaru jo ripu caḍha़i āvā ||

asa kahi maruta bega ratha sājā| bāje sakala jujhAU bājā ||

cale bīra saba atulita balī| janu kajjala kai ā~dhī calī ||

asaguna amita hohiṃ tehi kālā| gani na bhujabala garba bisālā ||

chaṃ. ati garba gani na saguna asaguna stravahiṃ āyudha hātha te|

bhaṭa girata ratha te bāji gaja cikkarata bhājahiṃ sātha te ||

gomāya gīdha karāla khara rava svāna bolahiṃ ati ghane|

janu kāladūta ulūka bolahiṃ bacana parama bhayāvane ||

do. tāhi ki sampati saguna subha sapanehu~ mana biśrāma|

bhūta droha rata mohabasa rāma bimukha rati kāma || 78 ||

caleu nisācara kaṭaku apārā| caturaṅginī anī bahu dhārā ||

bibidha bhā~ti bāhana ratha jānā| bipula barana patāka dhvaja nānā ||

cale matta gaja jūtha ghanere| prābiṭa jalada maruta janu prere ||

barana barada biradaita nikāyā| samara sūra jānahiṃ bahu māyā ||

ati bicitra bāhinī birājī| bīra basanta sena janu sājī ||

calata kaṭaka digasidhuṃra ḍagahīṃ| chubhita payodhi kudhara ḍagamagahīm ||

uṭhī renu rabi gayu chapāī| maruta thakita basudhā akulāī ||

panava nisāna ghora rava bājahiṃ| pralaya samaya ke ghana janu gājahim ||

bheri naphīri bāja sahanāī| mārū rāga subhaṭa sukhadāī ||

kehari nāda bīra saba karahīṃ| nija nija bala pauruṣa uccarahīm ||

kahi dasānana sunahu subhaṭṭā| mardahu bhālu kapinha ke ṭhaṭṭā ||

hauṃ mārihu~ bhūpa dvau bhāī| asa kahi sanmukha phauja reṅgāī ||

yaha sudhi sakala kapinha jaba pāī| dhāe kari raghubīra dohāī ||

chaṃ. dhāe bisāla karāla markaṭa bhālu kāla samāna te|

mānahu~ sapaccha uḍa़āhiṃ bhūdhara bṛnda nānā bāna te ||

nakha dasana saila mahādrumāyudha sabala saṅka na mānahīṃ|

jaya rāma rāvana matta gaja mṛgarāja sujasu bakhānahīm ||

do. duhu disi jaya jayakāra kari nija nija jorī jāni|

bhire bīra ita rāmahi uta rāvanahi bakhāni || 79 ||

rāvanu rathī biratha raghubīrā| dekhi bibhīṣana bhayu adhīrā ||

adhika prīti mana bhā sandehā| bandi carana kaha sahita sanehā ||

nātha na ratha nahiṃ tana pada trānā| kehi bidhi jitaba bīra balavānā ||

sunahu sakhā kaha kṛpānidhānā| jehiṃ jaya hoi so syandana ānā ||

sauraja dhīraja tehi ratha cākā| satya sīla dṛḍha़ dhvajā patākā ||

bala bibeka dama parahita ghore| chamā kṛpā samatā raju jore ||

īsa bhajanu sārathī sujānā| birati carma santoṣa kṛpānā ||

dāna parasu budhi sakti pracaṇḍa़ā| bara bigyāna kaṭhina kodaṇḍā ||

amala acala mana trona samānā| sama jama niyama silīmukha nānā ||

kavaca abheda bipra gura pūjā| ehi sama bijaya upāya na dūjā ||

sakhā dharmamaya asa ratha jākeṃ| jītana kaha~ na katahu~ ripu tākem ||

do. mahā ajaya saṃsāra ripu jīti saki so bīra|

jākeṃ asa ratha hoi dṛḍha़ sunahu sakhā matidhīra || 80(ka) ||

suni prabhu bacana bibhīṣana haraṣi gahe pada kañja|

ehi misa mohi upadesehu rāma kṛpā sukha puñja || 80(kha) ||

uta pacāra dasakandhara ita aṅgada hanumāna|

larata nisācara bhālu kapi kari nija nija prabhu āna || 80(ga) ||

sura brahmādi siddha muni nānā| dekhata rana nabha caḍha़e bimānā ||

hamahū umā rahe tehi saṅgā| dekhata rāma carita rana raṅgā ||

subhaṭa samara rasa duhu disi māte| kapi jayasīla rāma bala tāte ||

eka eka sana bhirahiṃ pacārahiṃ| ekanha eka mardi mahi pārahim ||

mārahiṃ kāṭahiṃ dharahiṃ pachārahiṃ| sīsa tori sīsanha sana mārahim ||

udara bidārahiṃ bhujā upārahiṃ| gahi pada avani paṭaki bhaṭa ḍārahim ||

nisicara bhaṭa mahi gāḍa़hi bhālū| ūpara ḍhāri dehiṃ bahu bālū ||

bīra balimukha juddha biruddhe| dekhiata bipula kāla janu kruddhe ||

chaṃ. kruddhe kṛtānta samāna kapi tana stravata sonita rājahīṃ|

mardahiṃ nisācara kaṭaka bhaṭa balavanta ghana jimi gājahīm ||

mārahiṃ capeṭanhi ḍāṭi dātanha kāṭi lātanha mījahīṃ|

cikkarahiṃ markaṭa bhālu chala bala karahiṃ jehiṃ khala chījahīm ||

dhari gāla phārahiṃ ura bidārahiṃ gala a~tāvari melahīṃ|

prahalādapati janu bibidha tanu dhari samara aṅgana khelahīm ||

dharu māru kāṭu pachāru ghora girā gagana mahi bhari rahī|

jaya rāma jo tṛna te kulisa kara kulisa te kara tṛna sahī ||

do. nija dala bicalata dekhesi bīsa bhujā~ dasa cāpa|

ratha caḍha़i caleu dasānana phirahu phirahu kari dāpa || 81 ||

dhāyu parama kruddha dasakandhara| sanmukha cale hūha dai bandara ||

gahi kara pādapa upala pahārā| ḍārenhi tā para ekahiṃ bārā ||

lāgahiṃ saila bajra tana tāsū| khaṇḍa khaṇḍa hoi phūṭahiṃ āsū ||

calā na acala rahā ratha ropī| rana durmada rāvana ati kopī ||

ita uta jhapaṭi dapaṭi kapi jodhā| mardai lāga bhayu ati krodhā ||

cale parāi bhālu kapi nānā| trāhi trāhi aṅgada hanumānā ||

pāhi pāhi raghubīra gosāī| yaha khala khāi kāla kī nāī ||

tehi dekhe kapi sakala parāne| dasahu~ cāpa sāyaka sandhāne ||

chaṃ. sandhāni dhanu sara nikara chāḍa़esi uraga jimi uḍa़i lāgahīṃ|

rahe pūri sara dharanī gagana disi bidasi kaha~ kapi bhāgahīm ||

bhayo ati kolāhala bikala kapi dala bhālu bolahiṃ āture|

raghubīra karunā sindhu ārata bandhu jana racchaka hare ||

do. nija dala bikala dekhi kaṭi kasi niṣaṅga dhanu hātha|

lachimana cale kruddha hoi nāi rāma pada mātha || 82 ||

re khala kā mārasi kapi bhālū| mohi biloku tora maiṃ kālū ||

khojata raheu~ tohi sutaghātī| āju nipāti juḍa़āvu~ chātī ||

asa kahi chāḍa़esi bāna pracaṇḍā| lachimana kie sakala sata khaṇḍā ||

koṭinha āyudha rāvana ḍāre| tila pravāna kari kāṭi nivāre ||

puni nija bānanha kīnha prahārā| syandanu bhañji sārathī mārā ||

sata sata sara māre dasa bhālā| giri sṛṅganha janu prabisahiṃ byālā ||

puni sata sara mārā ura māhīṃ| pareu dharani tala sudhi kachu nāhīm ||

uṭhā prabala puni muruchā jāgī| chāḍa़isi brahma dīnhi jo sā~gī ||

chaṃ. so brahma datta pracaṇḍa sakti ananta ura lāgī sahī|

paryo bīra bikala uṭhāva dasamukha atula bala mahimā rahī ||

brahmāṇḍa bhavana birāja jākeṃ eka sira jimi raja kanī|

tehi caha uṭhāvana mūḍha़ rāvana jāna nahiṃ tribhuana dhanī ||

do. dekhi pavanasuta dhāyu bolata bacana kaṭhora|

āvata kapihi hanyo tehiṃ muṣṭi prahāra praghora || 83 ||

jānu ṭeki kapi bhūmi na girā| uṭhā sa~bhāri bahuta risa bharā ||

muṭhikā eka tāhi kapi mārā| pareu saila janu bajra prahārā ||

muruchā gai bahori so jāgā| kapi bala bipula sarāhana lāgā ||

dhiga dhiga mama pauruṣa dhiga mohī| jauṃ taiṃ jiata rahesi suradrohī ||

asa kahi lachimana kahu~ kapi lyāyo| dekhi dasānana bisamaya pāyo ||

kaha raghubīra samujhu jiya~ bhrātā| tumha kṛtānta bhacchaka sura trātā ||

sunata bacana uṭhi baiṭha kṛpālā| gī gagana so sakati karālā ||

puni kodaṇḍa bāna gahi dhāe| ripu sanmukha ati ātura āe ||

chaṃ. ātura bahori bibhañji syandana sūta hati byākula kiyo|

gir yo dharani dasakandhara bikalatara bāna sata bedhyo hiyo ||

sārathī dūsara ghāli ratha tehi turata laṅkā lai gayo|

raghubīra bandhu pratāpa puñja bahori prabhu carananhi nayo ||

do. uhā~ dasānana jāgi kari karai lāga kachu jagya|

rāma birodha bijaya caha saṭha haṭha basa ati agya || 84 ||

ihā~ bibhīṣana saba sudhi pāī| sapadi jāi raghupatihi sunāī ||

nātha kari rāvana eka jāgā| siddha bhe~ nahiṃ marihi abhāgā ||

paṭhavahu nātha begi bhaṭa bandara| karahiṃ bidhaṃsa āva dasakandhara ||

prāta hota prabhu subhaṭa paṭhāe| hanumadādi aṅgada saba dhāe ||

kautuka kūdi caḍha़e kapi laṅkā| paiṭhe rāvana bhavana asaṅkā ||

jagya karata jabahīṃ so dekhā| sakala kapinha bhā krodha biseṣā ||

rana te nilaja bhāji gṛha āvā| ihā~ āi baka dhyāna lagāvā ||

asa kahi aṅgada mārā lātā| citava na saṭha svāratha mana rātā ||

chaṃ. nahiṃ citava jaba kari kopa kapi gahi dasana lātanha mārahīṃ|

dhari kesa nāri nikāri bāhera te'tidīna pukārahīm ||

taba uṭheu kruddha kṛtānta sama gahi carana bānara ḍārī|

ehi bīca kapinha bidhaṃsa kṛta makha dekhi mana mahu~ hārī ||

do. jagya bidhaṃsi kusala kapi āe raghupati pāsa|

caleu nisācara krurddha hoi tyāgi jivana kai āsa || 85 ||

calata hohiṃ ati asubha bhayaṅkara| baiṭhahiṃ gīdha uḍa़āi siranha para ||

bhayu kālabasa kāhu na mānā| kahesi bajāvahu juddha nisānā ||

calī tamīcara anī apārā| bahu gaja ratha padāti asavārā ||

prabhu sanmukha dhāe khala kaiṃseṃ| salabha samūha anala kaha~ jaiṃsem ||

ihā~ devatanha astuti kīnhī| dāruna bipati hamahi ehiṃ dīnhī ||

aba jani rāma khelāvahu ehī| atisaya dukhita hoti baidehī ||

deva bacana suni prabhu musakānā| uṭhi raghubīra sudhāre bānā|

jaṭā jūṭa dṛḍha़ bā~dhai māthe| sohahiṃ sumana bīca bica gāthe ||

aruna nayana bārida tanu syāmā| akhila loka locanābhirāmā ||

kaṭitaṭa parikara kasyo niṣaṅgā| kara kodaṇḍa kaṭhina sāraṅgā ||

chaṃ. sāraṅga kara sundara niṣaṅga silīmukhākara kaṭi kasyo|

bhujadaṇḍa pīna manoharāyata ura dharāsura pada lasyo ||

kaha dāsa tulasī jabahiṃ prabhu sara cāpa kara pherana lage|

brahmāṇḍa diggaja kamaṭha ahi mahi sindhu bhūdhara ḍagamage ||

do. sobhā dekhi haraṣi sura baraṣahiṃ sumana apāra|

jaya jaya jaya karunānidhi chabi bala guna āgāra || 86 ||

ehīṃ bīca nisācara anī| kasamasāta āī ati ghanī|

dekhi cale sanmukha kapi bhaṭṭā| pralayakāla ke janu ghana ghaṭṭā ||

bahu kṛpāna taravāri camaṅkahiṃ| janu daha~ disi dāminīṃ damaṅkahim ||

gaja ratha turaga cikāra kaṭhorā| garjahiṃ manahu~ balāhaka ghorā ||

kapi laṅgūra bipula nabha chāe| manahu~ indradhanu ue suhāe ||

uṭhi dhūri mānahu~ jaladhārā| bāna bunda bhai bṛṣṭi apārā ||

duhu~ disi parbata karahiṃ prahārā| bajrapāta janu bārahiṃ bārā ||

raghupati ko'pi bāna jhari lāī| ghāyala bhai nisicara samudāī ||

lāgata bāna bīra cikkarahīṃ| ghurmi ghurmi jaha~ taha~ mahi parahīm ||

stravahiṃ saila janu nirjhara bhārī| sonita sari kādara bhayakārī ||

chaṃ. kādara bhayaṅkara rudhira saritā calī parama apāvanī|

dau kūla dala ratha reta cakra abarta bahati bhayāvanī ||

jala jantugaja padacara turaga khara bibidha bāhana ko gane|

sara sakti tomara sarpa cāpa taraṅga carma kamaṭha ghane ||

do. bīra parahiṃ janu tīra taru majjā bahu baha phena|

kādara dekhi ḍarahiṃ taha~ subhaṭanha ke mana cena || 87 ||

majjahi bhūta pisāca betālā| pramatha mahā jhoṭiṅga karālā ||

kāka kaṅka lai bhujā uḍa़āhīṃ| eka te chīni eka lai khāhīm ||

eka kahahiṃ aisiu sauṅghāī| saṭhahu tumhāra daridra na jāī ||

kaha~rata bhaṭa ghāyala taṭa gire| jaha~ taha~ manahu~ ardhajala pare ||

khaiñcahiṃ gīdha ā~ta taṭa bhe| janu baṃsī khelata cita de ||

bahu bhaṭa bahahiṃ caḍha़e khaga jāhīṃ| janu nāvari khelahiṃ sari māhīm ||

jogini bhari bhari khappara sañcahiṃ| bhūta pisāca badhū nabha nañcahim ||

bhaṭa kapāla karatāla bajāvahiṃ| cāmuṇḍā nānā bidhi gāvahim ||

jambuka nikara kaṭakkaṭa kaṭṭahiṃ| khāhiṃ huāhiṃ aghāhiṃ dapaṭṭahim ||

koṭinha ruṇḍa muṇḍa binu ḍollahiṃ| sīsa pare mahi jaya jaya bollahim ||

chaṃ. bollahiṃ jo jaya jaya muṇḍa ruṇḍa pracaṇḍa sira binu dhāvahīṃ|

khapparinha khagga alujjhi jujjhahiṃ subhaṭa bhaṭanha ḍhahāvahīm ||

bānara nisācara nikara mardahiṃ rāma bala darpita bhe|

saṅgrāma aṅgana subhaṭa sovahiṃ rāma sara nikaranhi he ||

do. rāvana hṛdaya~ bicārā bhā nisicara saṅghāra|

maiṃ akela kapi bhālu bahu māyā karauṃ apāra || 88 ||

devanha prabhuhi payādeṃ dekhā| upajā ura ati chobha biseṣā ||

surapati nija ratha turata paṭhāvā| haraṣa sahita mātali lai āvā ||

teja puñja ratha dibya anūpā| haraṣi caḍha़e kosalapura bhūpā ||

cañcala turaga manohara cārī| ajara amara mana sama gatikārī ||

rathārūḍha़ raghunāthahi dekhī| dhāe kapi balu pāi biseṣī ||

sahī na jāi kapinha kai mārī| taba rāvana māyā bistārī ||

so māyā raghubīrahi bā~cī| lachimana kapinha so mānī sā~cī ||

dekhī kapinha nisācara anī| anuja sahita bahu kosaladhanī ||

chaṃ. bahu rāma lachimana dekhi markaṭa bhālu mana ati apaḍare|

janu citra likhita sameta lachimana jaha~ so taha~ citavahiṃ khare ||

nija sena cakita biloki ha~si sara cāpa saji kosala dhanī|

māyā harī hari nimiṣa mahu~ haraṣī sakala markaṭa anī ||

do. bahuri rāma saba tana citi bole bacana ga~bhīra|

dvandajuddha dekhahu sakala śramita bhe ati bīra || 89 ||

asa kahi ratha raghunātha calāvā| bipra carana paṅkaja siru nāvā ||

taba laṅkesa krodha ura chāvā| garjata tarjata sanmukha dhāvā ||

jītehu je bhaṭa sañjuga māhīṃ| sunu tāpasa maiṃ tinha sama nāhīm ||

rāvana nāma jagata jasa jānā| lokapa jākeṃ bandīkhānā ||

khara dūṣana birādha tumha mārā| badhehu byādha iva bāli bicārā ||

nisicara nikara subhaṭa saṅghārehu| kumbhakarana ghananādahi mārehu ||

āju bayaru sabu leu~ nibāhī| jauṃ rana bhūpa bhāji nahiṃ jāhīm ||

āju karu~ khalu kāla havāle| parehu kaṭhina rāvana ke pāle ||

suni durbacana kālabasa jānā| biha~si bacana kaha kṛpānidhānā ||

satya satya saba tava prabhutāī| jalpasi jani dekhāu manusāī ||

chaṃ. jani jalpanā kari sujasu nāsahi nīti sunahi karahi chamā|

saṃsāra maha~ pūruṣa tribidha pāṭala rasāla panasa samā ||

eka sumanaprada eka sumana phala eka phali kevala lāgahīṃ|

eka kahahiṃ kahahiṃ karahiṃ apara eka karahiṃ kahata na bāgahīm ||

do. rāma bacana suni biha~sā mohi sikhāvata gyāna|

bayaru karata nahiṃ taba ḍare aba lāge priya prāna || 90 ||

kahi durbacana kruddha dasakandhara| kulisa samāna lāga chā~ḍa़ai sara ||

nānākāra silīmukha dhāe| disi aru bidisa gagana mahi chāe ||

pāvaka sara chā~ḍa़eu raghubīrā| chana mahu~ jare nisācara tīrā ||

chāḍa़isi tībra sakti khisiāī| bāna saṅga prabhu pheri calāī ||

koṭika cakra trisūla pabārai| binu prayāsa prabhu kāṭi nivārai ||

niphala hohiṃ rāvana sara kaiseṃ| khala ke sakala manoratha jaisem ||

taba sata bāna sārathī māresi| pareu bhūmi jaya rāma pukāresi ||

rāma kṛpā kari sūta uṭhāvā| taba prabhu parama krodha kahu~ pāvā ||

chaṃ. bhe kruddha juddha biruddha raghupati trona sāyaka kasamase|

kodaṇḍa dhuni ati caṇḍa suni manujāda saba māruta grase ||

ma~dodarī ura kampa kampati kamaṭha bhū bhūdhara trase|

cikkarahiṃ diggaja dasana gahi mahi dekhi kautuka sura ha~se ||

do. tāneu cāpa śravana lagi chā~ḍa़e bisikha karāla|

rāma māragana gana cale lahalahāta janu byāla || 91 ||

cale bāna sapaccha janu uragā| prathamahiṃ hateu sārathī turagā ||

ratha bibhañji hati ketu patākā| garjā ati antara bala thākā ||

turata āna ratha caḍha़i khisiānā| astra sastra chā~ḍa़esi bidhi nānā ||

biphala hohiṃ saba udyama tāke| jimi paradroha nirata manasā ke ||

taba rāvana dasa sūla calāvā| bāji cāri mahi māri girāvā ||

turaga uṭhāi ko'pi raghunāyaka| khaiñci sarāsana chā~ḍa़e sāyaka ||

rāvana sira saroja banacārī| cali raghubīra silīmukha dhārī ||

dasa dasa bāna bhāla dasa māre| nisari ge cale rudhira panāre ||

stravata rudhira dhāyu balavānā| prabhu puni kṛta dhanu sara sandhānā ||

tīsa tīra raghubīra pabāre| bhujanhi sameta sīsa mahi pāre ||

kāṭatahīṃ puni bhe nabīne| rāma bahori bhujā sira chīne ||

prabhu bahu bāra bāhu sira he| kaṭata jhaṭiti puni nūtana bhe ||

puni puni prabhu kāṭata bhuja sīsā| ati kautukī kosalādhīsā ||

rahe chāi nabha sira aru bāhū| mānahu~ amita ketu aru rāhū ||

chaṃ. janu rāhu ketu aneka nabha patha stravata sonita dhāvahīṃ|

raghubīra tīra pracaṇḍa lāgahiṃ bhūmi girana na pāvahīm ||

eka eka sara sira nikara chede nabha uḍa़ta imi sohahīṃ|

janu ko'pi dinakara kara nikara jaha~ taha~ bidhuntuda pohahīm ||

do. jimi jimi prabhu hara tāsu sira timi timi hohiṃ apāra|

sevata biṣaya bibardha jimi nita nita nūtana māra || 92 ||

dasamukha dekhi siranha kai bāḍha़ī| bisarā marana bhī risa gāḍha़ī ||

garjeu mūḍha़ mahā abhimānī| dhāyu dasahu sarāsana tānī ||

samara bhūmi dasakandhara kopyo| baraṣi bāna raghupati ratha topyo ||

daṇḍa eka ratha dekhi na pareū| janu nihāra mahu~ dinakara dureū ||

hāhākāra suranha jaba kīnhā| taba prabhu ko'pi kāramuka līnhā ||

sara nivāri ripu ke sira kāṭe| te disi bidisa gagana mahi pāṭe ||

kāṭe sira nabha māraga dhāvahiṃ| jaya jaya dhuni kari bhaya upajāvahim ||

kaha~ lachimana sugrīva kapīsā| kaha~ raghubīra kosalādhīsā ||

chaṃ. kaha~ rāmu kahi sira nikara dhāe dekhi markaṭa bhaji cale|

sandhāni dhanu raghubaṃsamani ha~si saranhi sira bedhe bhale ||

sira mālikā kara kālikā gahi bṛnda bṛndanhi bahu milīṃ|

kari rudhira sari majjanu manahu~ saṅgrāma baṭa pūjana calīm ||

do. puni dasakaṇṭha kruddha hoi chā~ḍa़ī sakti pracaṇḍa|

calī bibhīṣana sanmukha manahu~ kāla kara daṇḍa || 93 ||

āvata dekhi sakti ati ghorā| pranatārati bhañjana pana morā ||

turata bibhīṣana pācheṃ melā| sanmukha rāma saheu soi selā ||

lāgi sakti muruchā kachu bhī| prabhu kṛta khela suranha bikalī ||

dekhi bibhīṣana prabhu śrama pāyo| gahi kara gadā kruddha hoi dhāyo ||

re kubhāgya saṭha manda kubuddhe| taiṃ sura nara muni nāga biruddhe ||

sādara siva kahu~ sīsa caḍha़āe| eka eka ke koṭinha pāe ||

tehi kārana khala aba lagi bā~cyo| aba tava kālu sīsa para nācyo ||

rāma bimukha saṭha cahasi sampadā| asa kahi hanesi mājha ura gadā ||

chaṃ. ura mājha gadā prahāra ghora kaṭhora lāgata mahi par yo|

dasa badana sonita stravata puni sambhāri dhāyo risa bhar yo ||

dvau bhire atibala mallajuddha biruddha eku ekahi hanai|

raghubīra bala darpita bibhīṣanu ghāli nahiṃ tā kahu~ ganai ||

do. umā bibhīṣanu rāvanahi sanmukha citava ki kāu|

so aba bhirata kāla jyoṃ śrīraghubīra prabhāu || 94 ||

dekhā śramita bibhīṣanu bhārī| dhāyu hanūmāna giri dhārī ||

ratha turaṅga sārathī nipātā| hṛdaya mājha tehi māresi lātā ||

ṭhāḍha़ rahā ati kampita gātā| gayu bibhīṣanu jaha~ janatrātā ||

puni rāvana kapi hateu pacārī| caleu gagana kapi pū~cha pasārī ||

gahisi pū~cha kapi sahita uḍa़ānā| puni phiri bhireu prabala hanumānā ||

larata akāsa jugala sama jodhā| ekahi eku hanata kari krodhā ||

sohahiṃ nabha chala bala bahu karahīṃ| kajjala giri sumeru janu larahīm ||

budhi bala nisicara pari na pār yo| taba māruta suta prabhu sambhār yo ||

chaṃ. sambhāri śrīraghubīra dhīra pacāri kapi rāvanu hanyo|

mahi parata puni uṭhi larata devanha jugala kahu~ jaya jaya bhanyo ||

hanumanta saṅkaṭa dekhi markaṭa bhālu krodhātura cale|

rana matta rāvana sakala subhaṭa pracaṇḍa bhuja bala dalamale ||

do. taba raghubīra pacāre dhāe kīsa pracaṇḍa|

kapi bala prabala dekhi tehiṃ kīnha pragaṭa pāṣaṇḍa || 95 ||

antaradhāna bhayu chana ekā| puni pragaṭe khala rūpa anekā ||

raghupati kaṭaka bhālu kapi jete| jaha~ taha~ pragaṭa dasānana tete ||

dekhe kapinha amita dasasīsā| jaha~ taha~ bhaje bhālu aru kīsā ||

bhāge bānara dharahiṃ na dhīrā| trāhi trāhi lachimana raghubīrā ||

daha~ disi dhāvahiṃ koṭinha rāvana| garjahiṃ ghora kaṭhora bhayāvana ||

ḍare sakala sura cale parāī| jaya kai āsa tajahu aba bhāī ||

saba sura jite eka dasakandhara| aba bahu bhe takahu giri kandara ||

rahe birañci sambhu muni gyānī| jinha jinha prabhu mahimā kachu jānī ||

chaṃ. jānā pratāpa te rahe nirbhaya kapinha ripu māne phure|

cale bicali markaṭa bhālu sakala kṛpāla pāhi bhayāture ||

hanumanta aṅgada nīla nala atibala larata rana bā~kure|

mardahiṃ dasānana koṭi koṭinha kapaṭa bhū bhaṭa aṅkure ||

do. sura bānara dekhe bikala ha~syo kosalādhīsa|

saji sāraṅga eka sara hate sakala dasasīsa || 96 ||

prabhu chana mahu~ māyā saba kāṭī| jimi rabi ue~ jāhiṃ tama phāṭī ||

rāvanu eku dekhi sura haraṣe| phire sumana bahu prabhu para baraṣe ||

bhuja uṭhāi raghupati kapi phere| phire eka ekanha taba ṭere ||

prabhu balu pāi bhālu kapi dhāe| tarala tamaki sañjuga mahi āe ||

astuti karata devatanhi dekheṃ| bhayu~ eka maiṃ inha ke lekhem ||

saṭhahu sadā tumha mora marāyala| asa kahi ko'pi gagana para dhāyala ||

hāhākāra karata sura bhāge| khalahu jāhu kaha~ moreṃ āge ||

dekhi bikala sura aṅgada dhāyo| kūdi carana gahi bhūmi girāyo ||

chaṃ. gahi bhūmi pār yo lāta mār yo bālisuta prabhu pahiṃ gayo|

sambhāri uṭhi dasakaṇṭha ghora kaṭhora rava garjata bhayo ||

kari dāpa cāpa caḍha़āi dasa sandhāni sara bahu baraṣī|

kie sakala bhaṭa ghāyala bhayākula dekhi nija bala haraṣī ||

do. taba raghupati rāvana ke sīsa bhujā sara cāpa|

kāṭe bahuta baḍha़e puni jimi tīratha kara pāpa| 97 ||

sira bhuja bāḍha़i dekhi ripu kerī| bhālu kapinha risa bhī ghanerī ||

marata na mūḍha़ kaṭeu bhuja sīsā| dhāe ko'pi bhālu bhaṭa kīsā ||

bālitanaya māruti nala nīlā| bānararāja dubida balasīlā ||

biṭapa mahīdhara karahiṃ prahārā| soi giri taru gahi kapinha so mārā ||

eka nakhanhi ripu bapuṣa bidārī| bhāgi calahiṃ eka lātanha mārī ||

taba nala nīla siranhi caḍha़i gayū| nakhanhi lilāra bidārata bhayū ||

rudhira dekhi biṣāda ura bhārī| tinhahi dharana kahu~ bhujā pasārī ||

gahe na jāhiṃ karanhi para phirahīṃ| janu juga madhupa kamala bana carahīm ||

ko'pi kūdi dvau dharesi bahorī| mahi paṭakata bhaje bhujā marorī ||

puni sakopa dasa dhanu kara līnhe| saranhi māri ghāyala kapi kīnhe ||

hanumadādi muruchita kari bandara| pāi pradoṣa haraṣa dasakandhara ||

muruchita dekhi sakala kapi bīrā| jāmavanta dhāyu ranadhīrā ||

saṅga bhālu bhūdhara taru dhārī| mārana lage pacāri pacārī ||

bhayu kruddha rāvana balavānā| gahi pada mahi paṭaki bhaṭa nānā ||

dekhi bhālupati nija dala ghātā| ko'pi mājha ura māresi lātā ||

chaṃ. ura lāta ghāta pracaṇḍa lāgata bikala ratha te mahi parā|

gahi bhālu bīsahu~ kara manahu~ kamalanhi base nisi madhukarā ||

muruchita biloki bahori pada hati bhālupati prabhu pahiṃ gayau|

nisi jāni syandana ghāli tehi taba sūta jatanu karata bhayo ||

do. muruchā bigata bhālu kapi saba āe prabhu pāsa|

nisicara sakala rāvanahi gheri rahe ati trāsa || 98 ||

māsapārāyaṇa, chabbīsavā~ viśrāma

tehī nisi sītā pahiṃ jāī| trijaṭā kahi saba kathā sunāī ||

sira bhuja bāḍha़i sunata ripu kerī| sītā ura bhi trāsa ghanerī ||

mukha malīna upajī mana cintā| trijaṭā sana bolī taba sītā ||

hoihi kahā kahasi kina mātā| kehi bidhi marihi bisva dukhadātā ||

raghupati sara sira kaṭehu~ na marī| bidhi biparīta carita saba karī ||

mora abhāgya jiāvata ohī| jehiṃ hau hari pada kamala bichohī ||

jehiṃ kṛta kapaṭa kanaka mṛga jhūṭhā| ajahu~ so daiva mohi para rūṭhā ||

jehiṃ bidhi mohi dukha dusaha sahāe| lachimana kahu~ kaṭu bacana kahāe ||

raghupati biraha sabiṣa sara bhārī| taki taki māra bāra bahu mārī ||

aisehu~ dukha jo rākha mama prānā| soi bidhi tāhi jiāva na ānā ||

bahu bidhi kara bilāpa jānakī| kari kari surati kṛpānidhāna kī ||

kaha trijaṭā sunu rājakumārī| ura sara lāgata mari surārī ||

prabhu tāte ura hati na tehī| ehi ke hṛdaya~ basati baidehī ||

chaṃ. ehi ke hṛdaya~ basa jānakī jānakī ura mama bāsa hai|

mama udara bhuana aneka lāgata bāna saba kara nāsa hai ||

suni bacana haraṣa biṣāda mana ati dekhi puni trijaṭā~ kahā|

aba marihi ripu ehi bidhi sunahi sundari tajahi saṃsaya mahā ||

do. kāṭata sira hoihi bikala chuṭi jāihi tava dhyāna|

taba rāvanahi hṛdaya mahu~ marihahiṃ rāmu sujāna || 99 ||

asa kahi bahuta bhā~ti samujhāī| puni trijaṭā nija bhavana sidhāī ||

rāma subhāu sumiri baidehī| upajī biraha bithā ati tehī ||

nisihi sasihi nindati bahu bhā~tī| juga sama bhī sirāti na rātī ||

karati bilāpa manahiṃ mana bhārī| rāma biraha~ jānakī dukhārī ||

jaba ati bhayu biraha ura dāhū| pharakeu bāma nayana aru bāhū ||

saguna bicāri dharī mana dhīrā| aba milihahiṃ kṛpāla raghubīrā ||

ihā~ ardhanisi rāvanu jāgā| nija sārathi sana khījhana lāgā ||

saṭha ranabhūmi chaḍa़āisi mohī| dhiga dhiga adhama mandamati tohī ||

tehiṃ pada gahi bahu bidhi samujhāvā| bhauru bhe~ ratha caḍha़i puni dhāvā ||

suni āgavanu dasānana kerā| kapi dala kharabhara bhayu ghanerā ||

jaha~ taha~ bhūdhara biṭapa upārī| dhāe kaṭakaṭāi bhaṭa bhārī ||

chaṃ. dhāe jo markaṭa bikaṭa bhālu karāla kara bhūdhara dharā|

ati kopa karahiṃ prahāra mārata bhaji cale rajanīcarā ||

bicalāi dala balavanta kīsanha gheri puni rāvanu liyo|

cahu~ disi capeṭanhi māri nakhanhi bidāri tanu byākula kiyo ||

do. dekhi mahā markaṭa prabala rāvana kīnha bicāra|

antarahita hoi nimiṣa mahu~ kṛta māyā bistāra || 100 ||

chaṃ. jaba kīnha tehiṃ pāṣaṇḍa| bhe pragaṭa jantu pracaṇḍa ||

betāla bhūta pisāca| kara dhareṃ dhanu nārāca || 1 ||

jogini gaheṃ karabāla| eka hātha manuja kapāla ||

kari sadya sonita pāna| nācahiṃ karahiṃ bahu gāna || 2 ||

dharu māru bolahiṃ ghora| rahi pūri dhuni cahu~ ora ||

mukha bāi dhāvahiṃ khāna| taba lage kīsa parāna || 3 ||

jaha~ jāhiṃ markaṭa bhāgi| taha~ barata dekhahiṃ āgi ||

bhe bikala bānara bhālu| puni lāga baraṣai bālu || 4 ||

jaha~ taha~ thakita kari kīsa| garjeu bahuri dasasīsa ||

lachimana kapīsa sameta| bhe sakala bīra aceta || 5 ||

hā rāma hā raghunātha| kahi subhaṭa mījahiṃ hātha ||

ehi bidhi sakala bala tori| tehiṃ kīnha kapaṭa bahori || 6 ||

pragaṭesi bipula hanumāna| dhāe gahe pāṣāna ||

tinha rāmu ghere jāi| cahu~ disi barūtha banāi || 7 ||

mārahu dharahu jani jāi| kaṭakaṭahiṃ pū~cha uṭhāi ||

daha~ disi la~gūra birāja| tehiṃ madhya kosalarāja || 8 ||

chaṃ. tehiṃ madhya kosalarāja sundara syāma tana sobhā lahī|

janu indradhanuṣa aneka kī bara bāri tuṅga tamālahī ||

prabhu dekhi haraṣa biṣāda ura sura badata jaya jaya jaya karī|

raghubīra ekahi tīra ko'pi nimeṣa mahu~ māyā harī || 1 ||

māyā bigata kapi bhālu haraṣe biṭapa giri gahi saba phire|

sara nikara chāḍa़e rāma rāvana bāhu sira puni mahi gire ||

śrīrāma rāvana samara carita aneka kalpa jo gāvahīṃ|

sata seṣa sārada nigama kabi teu tadapi pāra na pāvahīm || 2 ||

do. tāke guna gana kachu kahe jaḍa़mati tulasīdāsa|

jimi nija bala anurūpa te māchī uḍa़i akāsa || 101(ka) ||

kāṭe sira bhuja bāra bahu marata na bhaṭa laṅkesa|

prabhu krīḍa़ta sura siddha muni byākula dekhi kalesa || 101(kha) ||

kāṭata baḍha़hiṃ sīsa samudāī| jimi prati lābha lobha adhikāī ||

mari na ripu śrama bhayu biseṣā| rāma bibhīṣana tana taba dekhā ||

umā kāla mara jākīṃ īchā| so prabhu jana kara prīti parīchā ||

sunu sarabagya carācara nāyaka| pranatapāla sura muni sukhadāyaka ||

nābhikuṇḍa piyūṣa basa yākeṃ| nātha jiata rāvanu bala tākem ||

sunata bibhīṣana bacana kṛpālā| haraṣi gahe kara bāna karālā ||

asubha hona lāge taba nānā| rovahiṃ khara sṛkāla bahu svānā ||

bolahi khaga jaga ārati hetū| pragaṭa bhe nabha jaha~ taha~ ketū ||

dasa disi dāha hona ati lāgā| bhayu paraba binu rabi uparāgā ||

mandodari ura kampati bhārī| pratimā stravahiṃ nayana maga bārī ||

chaṃ. pratimā rudahiṃ pabipāta nabha ati bāta baha ḍolati mahī|

baraṣahiṃ balāhaka rudhira kaca raja asubha ati saka ko kahī ||

utapāta amita biloki nabha sura bikala bolahi jaya je|

sura sabhaya jāni kṛpāla raghupati cāpa sara jorata bhe ||

do. khaici sarāsana śravana lagi chāḍa़e sara ekatīsa|

raghunāyaka sāyaka cale mānahu~ kāla phanīsa || 102 ||

sāyaka eka nābhi sara soṣā| apara lage bhuja sira kari roṣā ||

lai sira bāhu cale nārācā| sira bhuja hīna ruṇḍa mahi nācā ||

dharani dhasi dhara dhāva pracaṇḍā| taba sara hati prabhu kṛta dui khaṇḍā ||

garjeu marata ghora rava bhārī| kahā~ rāmu rana hatauṃ pacārī ||

ḍolī bhūmi girata dasakandhara| chubhita sindhu sari diggaja bhūdhara ||

dharani pareu dvau khaṇḍa baḍha़āī| cāpi bhālu markaṭa samudāī ||

mandodari āgeṃ bhuja sīsā| dhari sara cale jahā~ jagadīsā ||

prabise saba niṣaṅga mahu jāī| dekhi suranha dundubhīṃ bajāī ||

tāsu teja samāna prabhu ānana| haraṣe dekhi sambhu caturānana ||

jaya jaya dhuni pūrī brahmaṇḍā| jaya raghubīra prabala bhujadaṇḍā ||

baraṣahi sumana deva muni bṛndā| jaya kṛpāla jaya jayati mukundā ||

chaṃ. jaya kṛpā kanda mukanda dvanda harana sarana sukhaprada prabho|

khala dala bidārana parama kārana kārunīka sadā bibho ||

sura sumana baraṣahiṃ haraṣa saṅkula bāja dundubhi gahagahī|

saṅgrāma aṅgana rāma aṅga anaṅga bahu sobhā lahī ||

sira jaṭā mukuṭa prasūna bica bica ati manohara rājahīṃ|

janu nīlagiri para taḍa़ita paṭala sameta uḍa़ugana bhrājahīm ||

bhujadaṇḍa sara kodaṇḍa pherata rudhira kana tana ati bane|

janu rāyamunīṃ tamāla para baiṭhīṃ bipula sukha āpane ||

do. kṛpādṛṣṭi kari prabhu abhaya kie sura bṛnda|

bhālu kīsa saba haraṣe jaya sukha dhāma mukanda || 103 ||

pati sira dekhata mandodarī| muruchita bikala dharani khasi parī ||

jubati bṛnda rovata uṭhi dhāīṃ| tehi uṭhāi rāvana pahiṃ āī ||

pati gati dekhi te karahiṃ pukārā| chūṭe kaca nahiṃ bapuṣa sa~bhārā ||

ura tāḍa़nā karahiṃ bidhi nānā| rovata karahiṃ pratāpa bakhānā ||

tava bala nātha ḍola nita dharanī| teja hīna pāvaka sasi taranī ||

seṣa kamaṭha sahi sakahiṃ na bhārā| so tanu bhūmi pareu bhari chārā ||

baruna kubera suresa samīrā| rana sanmukha dhari kāhu~ na dhīrā ||

bhujabala jitehu kāla jama sāīṃ| āju parehu anātha kī nāīm ||

jagata bidita tumhārī prabhutāī| suta parijana bala barani na jāī ||

rāma bimukha asa hāla tumhārā| rahā na kau kula rovanihārā ||

tava basa bidhi prapañca saba nāthā| sabhaya disipa nita nāvahiṃ māthā ||

aba tava sira bhuja jambuka khāhīṃ| rāma bimukha yaha anucita nāhīm ||

kāla bibasa pati kahā na mānā| aga jaga nāthu manuja kari jānā ||

chaṃ. jānyo manuja kari danuja kānana dahana pāvaka hari svayaṃ|

jehi namata siva brahmādi sura piya bhajehu nahiṃ karunāmayam ||

ājanma te paradroha rata pāpaughamaya tava tanu ayaṃ|

tumhahū diyo nija dhāma rāma namāmi brahma nirāmayam ||

do. ahaha nātha raghunātha sama kṛpāsindhu nahiṃ āna|

jogi bṛnda durlabha gati tohi dīnhi bhagavāna || 104 ||

mandodarī bacana suni kānā| sura muni siddha sabanhi sukha mānā ||

aja mahesa nārada sanakādī| je munibara paramārathabādī ||

bhari locana raghupatihi nihārī| prema magana saba bhe sukhārī ||

rudana karata dekhīṃ saba nārī| gayu bibhīṣanu mana dukha bhārī ||

bandhu dasā biloki dukha kīnhā| taba prabhu anujahi āyasu dīnhā ||

lachimana tehi bahu bidhi samujhāyo| bahuri bibhīṣana prabhu pahiṃ āyo ||

kṛpādṛṣṭi prabhu tāhi bilokā| karahu kriyā parihari saba sokā ||

kīnhi kriyā prabhu āyasu mānī| bidhivata desa kāla jiya~ jānī ||

do. mandodarī ādi saba dei tilāñjali tāhi|

bhavana gī raghupati guna gana baranata mana māhi || 105 ||

āi bibhīṣana puni siru nāyo| kṛpāsindhu taba anuja bolāyo ||

tumha kapīsa aṅgada nala nīlā| jāmavanta māruti nayasīlā ||

saba mili jāhu bibhīṣana sāthā| sārehu tilaka kaheu raghunāthā ||

pitā bacana maiṃ nagara na āvu~| āpu sarisa kapi anuja paṭhāvu~ ||

turata cale kapi suni prabhu bacanā| kīnhī jāi tilaka kī racanā ||

sādara siṃhāsana baiṭhārī| tilaka sāri astuti anusārī ||

jori pāni sabahīṃ sira nāe| sahita bibhīṣana prabhu pahiṃ āe ||

taba raghubīra boli kapi līnhe| kahi priya bacana sukhī saba kīnhe ||

chaṃ. kie sukhī kahi bānī sudhā sama bala tumhāreṃ ripu hayo|

pāyo bibhīṣana rāja tihu~ pura jasu tumhāro nita nayo ||

mohi sahita subha kīrati tumhārī parama prīti jo gāihaiṃ|

saṃsāra sindhu apāra pāra prayāsa binu nara pāihaim ||

do. prabhu ke bacana śravana suni nahiṃ aghāhiṃ kapi puñja|

bāra bāra sira nāvahiṃ gahahiṃ sakala pada kañja || 106 ||

puni prabhu boli liyu hanumānā| laṅkā jāhu kaheu bhagavānā ||

samācāra jānakihi sunāvahu| tāsu kusala lai tumha cali āvahu ||

taba hanumanta nagara mahu~ āe| suni nisicarī nisācara dhāe ||

bahu prakāra tinha pūjā kīnhī| janakasutā dekhāi puni dīnhī ||

dūrahi te pranāma kapi kīnhā| raghupati dūta jānakīṃ cīnhā ||

kahahu tāta prabhu kṛpāniketā| kusala anuja kapi sena sametā ||

saba bidhi kusala kosalādhīsā| mātu samara jītyo dasasīsā ||

abicala rāju bibhīṣana pāyo| suni kapi bacana haraṣa ura chāyo ||

chaṃ. ati haraṣa mana tana pulaka locana sajala kaha puni puni ramā|

kā deu~ tohi treloka mahu~ kapi kimapi nahiṃ bānī samā ||

sunu mātu maiṃ pāyo akhila jaga rāju āju na saṃsayaṃ|

rana jīti ripudala bandhu juta pasyāmi rāmamanāmayam ||

do. sunu suta sadaguna sakala tava hṛdaya~ basahu~ hanumanta|

sānukūla kosalapati rahahu~ sameta ananta || 107 ||

aba soi jatana karahu tumha tātā| dekhauṃ nayana syāma mṛdu gātā ||

taba hanumāna rāma pahiṃ jāī| janakasutā kai kusala sunāī ||

suni sandesu bhānukulabhūṣana| boli lie jubarāja bibhīṣana ||

mārutasuta ke saṅga sidhāvahu| sādara janakasutahi lai āvahu ||

turatahiṃ sakala ge jaha~ sītā| sevahiṃ saba nisicarīṃ binītā ||

begi bibhīṣana tinhahi sikhāyo| tinha bahu bidhi majjana karavāyo ||

bahu prakāra bhūṣana pahirāe| sibikā rucira sāji puni lyāe ||

tā para haraṣi caḍha़ī baidehī| sumiri rāma sukhadhāma sanehī ||

betapāni racchaka cahu~ pāsā| cale sakala mana parama hulāsā ||

dekhana bhālu kīsa saba āe| racchaka ko'pi nivārana dhāe ||

kaha raghubīra kahā mama mānahu| sītahi sakhā payādeṃ ānahu ||

dekhahu~ kapi jananī kī nāīṃ| bihasi kahā raghunātha gosāī ||

suni prabhu bacana bhālu kapi haraṣe| nabha te suranha sumana bahu baraṣe ||

sītā prathama anala mahu~ rākhī| pragaṭa kīnhi caha antara sākhī ||

do. tehi kārana karunānidhi kahe kachuka durbāda|

sunata jātudhānīṃ saba lāgīṃ karai biṣāda || 108 ||

prabhu ke bacana sīsa dhari sītā| bolī mana krama bacana punītā ||

lachimana hohu dharama ke negī| pāvaka pragaṭa karahu tumha begī ||

suni lachimana sītā kai bānī| biraha bibeka dharama niti sānī ||

locana sajala jori kara doū| prabhu sana kachu kahi sakata na oū ||

dekhi rāma rukha lachimana dhāe| pāvaka pragaṭi kāṭha bahu lāe ||

pāvaka prabala dekhi baidehī| hṛdaya~ haraṣa nahiṃ bhaya kachu tehī ||

jauṃ mana baca krama mama ura māhīṃ| taji raghubīra āna gati nāhīm ||

tau kṛsānu saba kai gati jānā| mo kahu~ hau śrīkhaṇḍa samānā ||

chaṃ. śrīkhaṇḍa sama pāvaka prabesa kiyo sumiri prabhu maithilī|

jaya kosalesa mahesa bandita carana rati ati nirmalī ||

pratibimba aru laukika kalaṅka pracaṇḍa pāvaka mahu~ jare|

prabhu carita kāhu~ na lakhe nabha sura siddha muni dekhahiṃ khare || 1 ||

dhari rūpa pāvaka pāni gahi śrī satya śruti jaga bidita jo|

jimi chīrasāgara indirā rāmahi samarpī āni so ||

so rāma bāma bibhāga rājati rucira ati sobhā bhalī|

nava nīla nīraja nikaṭa mānahu~ kanaka paṅkaja kī kalī || 2 ||

do. baraṣahiṃ sumana haraṣi suna bājahiṃ gagana nisāna|

gāvahiṃ kinnara surabadhū nācahiṃ caḍha़īṃ bimāna || 109(ka) ||

janakasutā sameta prabhu sobhā amita apāra|

dekhi bhālu kapi haraṣe jaya raghupati sukha sāra || 109(kha) ||

taba raghupati anusāsana pāī| mātali caleu carana siru nāī ||

āe deva sadā svārathī| bacana kahahiṃ janu paramārathī ||

dīna bandhu dayāla raghurāyā| deva kīnhi devanha para dāyā ||

bisva droha rata yaha khala kāmī| nija agha gayu kumāragagāmī ||

tumha samarūpa brahma abināsī| sadā ekarasa sahaja udāsī ||

akala aguna aja anagha anāmaya| ajita amoghasakti karunāmaya ||

mīna kamaṭha sūkara naraharī| bāmana parasurāma bapu dharī ||

jaba jaba nātha suranha dukhu pāyo| nānā tanu dhari tumhi~ nasāyo ||

yaha khala malina sadā suradrohī| kāma lobha mada rata ati kohī ||

adhama siromani tava pada pāvā| yaha hamare mana bisamaya āvā ||

hama devatā parama adhikārī| svāratha rata prabhu bhagati bisārī ||

bhava prabāha~ santata hama pare| aba prabhu pāhi sarana anusare ||

do. kari binatī sura siddha saba rahe jaha~ taha~ kara jori|

ati saprema tana pulaki bidhi astuti karata bahori || 110 ||

chaṃ. jaya rāma sadā sukhadhāma hare| raghunāyaka sāyaka cāpa dhare ||

bhava bārana dārana siṃha prabho| guna sāgara nāgara nātha bibho ||

tana kāma aneka anūpa chabī| guna gāvata siddha munīndra kabī ||

jasu pāvana rāvana nāga mahā| khaganātha jathā kari kopa gahā ||

jana rañjana bhañjana soka bhayaṃ| gatakrodha sadā prabhu bodhamayam ||

avatāra udāra apāra gunaṃ| mahi bhāra bibhañjana gyānaghanam ||

aja byāpakamekamanādi sadā| karunākara rāma namāmi mudā ||

raghubaṃsa bibhūṣana dūṣana hā| kṛta bhūpa bibhīṣana dīna rahā ||

guna gyāna nidhāna amāna ajaṃ| nita rāma namāmi bibhuṃ birajam ||

bhujadaṇḍa pracaṇḍa pratāpa balaṃ| khala bṛnda nikanda mahā kusalam ||

binu kārana dīna dayāla hitaṃ| chabi dhāma namāmi ramā sahitam ||

bhava tārana kārana kāja paraṃ| mana sambhava dāruna doṣa haram ||

sara cāpa manohara trona dharaṃ| jarajāruna locana bhūpabaram ||

sukha mandira sundara śrīramanaṃ| mada māra mudhā mamatā samanam ||

anavadya akhaṇḍa na gocara go| sabarūpa sadā saba hoi na go ||

iti beda badanti na dantakathā| rabi ātapa bhinnamabhinna jathā ||

kṛtakṛtya bibho saba bānara e| nirakhanti tavānana sādara e ||

dhiga jīvana deva sarīra hare| tava bhakti binā bhava bhūli pare ||

aba dīna dayāla dayā kariai| mati mori bibhedakarī hariai ||

jehi te biparīta kriyā kariai| dukha so sukha māni sukhī cariai ||

khala khaṇḍana maṇḍana ramya chamā| pada paṅkaja sevita sambhu umā ||

nṛpa nāyaka de baradānamidaṃ| caranāmbuja prema sadā subhadam ||

do. binaya kīnhi caturānana prema pulaka ati gāta|

sobhāsindhu bilokata locana nahīṃ aghāta || 111 ||

tehi avasara dasaratha taha~ āe| tanaya biloki nayana jala chāe ||

anuja sahita prabhu bandana kīnhā| āsirabāda pitā~ taba dīnhā ||

tāta sakala tava punya prabhAU| jītyoṃ ajaya nisācara rAU ||

suni suta bacana prīti ati bāḍha़ī| nayana salila romāvali ṭhāḍha़ī ||

raghupati prathama prema anumānā| citi pitahi dīnheu dṛḍha़ gyānā ||

tāte umā moccha nahiṃ pāyo| dasaratha bheda bhagati mana lāyo ||

sagunopāsaka moccha na lehīṃ| tinha kahu~ rāma bhagati nija dehīm ||

bāra bāra kari prabhuhi pranāmā| dasaratha haraṣi ge suradhāmā ||

do. anuja jānakī sahita prabhu kusala kosalādhīsa|

sobhā dekhi haraṣi mana astuti kara sura īsa || 112 ||

chaṃ. jaya rāma sobhā dhāma| dāyaka pranata biśrāma ||

dhṛta trona bara sara cāpa| bhujadaṇḍa prabala pratāpa || 1 ||

jaya dūṣanāri kharāri| mardana nisācara dhāri ||

yaha duṣṭa māreu nātha| bhe deva sakala sanātha || 2 ||

jaya harana dharanī bhāra| mahimā udāra apāra ||

jaya rāvanāri kṛpāla| kie jātudhāna bihāla || 3 ||

laṅkesa ati bala garba| kie basya sura gandharba ||

muni siddha nara khaga nāga| haṭhi pantha saba keṃ lāga || 4 ||

paradroha rata ati duṣṭa| pāyo so phalu pāpiṣṭa ||

aba sunahu dīna dayāla| rājīva nayana bisāla || 5 ||

mohi rahā ati abhimāna| nahiṃ kau mohi samāna ||

aba dekhi prabhu pada kañja| gata māna prada dukha puñja || 6 ||

kau brahma nirguna dhyāva| abyakta jehi śruti gāva ||

mohi bhāva kosala bhūpa| śrīrāma saguna sarūpa || 7 ||

baidehi anuja sameta| mama hṛdaya~ karahu niketa ||

mohi jānie nija dāsa| de bhakti ramānivāsa || 8 ||

de bhakti ramānivāsa trāsa harana sarana sukhadāyakaṃ|

sukha dhāma rāma namāmi kāma aneka chabi raghunāyakam ||

sura bṛnda rañjana dvanda bhañjana manuja tanu atulitabalaṃ|

brahmādi saṅkara sebya rāma namāmi karunā komalam ||

do. aba kari kṛpā biloki mohi āyasu dehu kṛpāla|

kāha karauṃ suni priya bacana bole dīnadayāla || 113 ||

sunu surapati kapi bhālu hamāre| pare bhūmi nisacaranhi je māre ||

mama hita lāgi taje inha prānā| sakala jiāu suresa sujānā ||

sunu khagesa prabhu kai yaha bānī| ati agādha jānahiṃ muni gyānī ||

prabhu saka tribhuana māri jiāī| kevala sakrahi dīnhi baḍa़āī ||

sudhā baraṣi kapi bhālu jiāe| haraṣi uṭhe saba prabhu pahiṃ āe ||

sudhābṛṣṭi bhai duhu dala ūpara| jie bhālu kapi nahiṃ rajanīcara ||

rāmākāra bhe tinha ke mana| mukta bhe chūṭe bhava bandhana ||

sura aṃsika saba kapi aru rīchā| jie sakala raghupati kīṃ īchā ||

rāma sarisa ko dīna hitakārī| kīnhe mukuta nisācara jhārī ||

khala mala dhāma kāma rata rāvana| gati pāī jo munibara pāva na ||

do. sumana baraṣi saba sura cale caḍha़i caḍha़i rucira bimāna|

dekhi suavasaru prabhu pahiṃ āyu sambhu sujāna || 114(ka) ||

parama prīti kara jori juga nalina nayana bhari bāri|

pulakita tana gadagada girā~ binaya karata tripurāri || 114(kha) ||

chaṃ. māmabhirakṣaya raghukula nāyaka| dhṛta bara cāpa rucira kara sāyaka ||

moha mahā ghana paṭala prabhañjana| saṃsaya bipina anala sura rañjana || 1 ||

aguna saguna guna mandira sundara| bhrama tama prabala pratāpa divākara ||

kāma krodha mada gaja pañcānana| basahu nirantara jana mana kānana || 2 ||

biṣaya manoratha puñja kañja bana| prabala tuṣāra udāra pāra mana ||

bhava bāridhi mandara paramaṃ dara| bāraya tāraya saṃsṛti dustara || 3 ||

syāma gāta rājīva bilocana| dīna bandhu pranatārati mocana ||

anuja jānakī sahita nirantara| basahu rāma nṛpa mama ura antara || 4 ||

muni rañjana mahi maṇḍala maṇḍana| tulasidāsa prabhu trāsa bikhaṇḍana || 5 ||

do. nātha jabahiṃ kosalapurīṃ hoihi tilaka tumhāra|

kṛpāsindhu maiṃ āuba dekhana carita udāra || 115 ||

kari binatī jaba sambhu sidhāe| taba prabhu nikaṭa bibhīṣanu āe ||

nāi carana siru kaha mṛdu bānī| binaya sunahu prabhu sāra~gapānī ||

sakula sadala prabhu rāvana mār yo| pāvana jasa tribhuvana bistār yo ||

dīna malīna hīna mati jātī| mo para kṛpā kīnhi bahu bhā~tī ||

aba jana gṛha punīta prabhu kīje| majjanu karia samara śrama chīje ||

dekhi kosa mandira sampadā| dehu kṛpāla kapinha kahu~ mudā ||

saba bidhi nātha mohi apanāia| puni mohi sahita avadhapura jāia ||

sunata bacana mṛdu dīnadayālā| sajala bhe dvau nayana bisālā ||

do. tora kosa gṛha mora saba satya bacana sunu bhrāta|

bharata dasā sumirata mohi nimiṣa kalpa sama jāta || 116(ka) ||

tāpasa beṣa gāta kṛsa japata nirantara mohi|

dekhauṃ begi so jatanu karu sakhā nihoru~ tohi || 116(kha) ||

bīteṃ avadhi jāu~ jauṃ jiata na pāvu~ bīra|

sumirata anuja prīti prabhu puni puni pulaka sarīra || 116(ga) ||

karehu kalpa bhari rāju tumha mohi sumirehu mana māhiṃ|

puni mama dhāma pāihahu jahā~ santa saba jāhim || 116(gha) ||

sunata bibhīṣana bacana rāma ke| haraṣi gahe pada kṛpādhāma ke ||

bānara bhālu sakala haraṣāne| gahi prabhu pada guna bimala bakhāne ||

bahuri bibhīṣana bhavana sidhāyo| mani gana basana bimāna bharāyo ||

lai puṣpaka prabhu āgeṃ rākhā| ha~si kari kṛpāsindhu taba bhāṣā ||

caḍha़i bimāna sunu sakhā bibhīṣana| gagana jāi baraṣahu paṭa bhūṣana ||

nabha para jāi bibhīṣana tabahī| baraṣi die mani ambara sabahī ||

joi joi mana bhāvi soi lehīṃ| mani mukha meli ḍāri kapi dehīm ||

ha~se rāmu śrī anuja sametā| parama kautukī kṛpā niketā ||

do. muni jehi dhyāna na pāvahiṃ neti neti kaha beda|

kṛpāsindhu soi kapinha sana karata aneka binoda || 117(ka) ||

umā joga japa dāna tapa nānā makha brata nema|

rāma kṛpā nahi karahiṃ tasi jasi niṣkevala prema || 117(kha) ||

bhālu kapinha paṭa bhūṣana pāe| pahiri pahiri raghupati pahiṃ āe ||

nānā jinasa dekhi saba kīsā| puni puni ha~sata kosalādhīsā ||

citi sabanhi para kīnhi dāyā| bole mṛdula bacana raghurāyā ||

tumhareṃ bala maiṃ rāvanu mār yo| tilaka bibhīṣana kaha~ puni sār yo ||

nija nija gṛha aba tumha saba jāhū| sumirehu mohi ḍarapahu jani kāhū ||

sunata bacana premākula bānara| jori pāni bole saba sādara ||

prabhu joi kahahu tumhahi saba sohā| hamare hota bacana suni mohā ||

dīna jāni kapi kie sanāthā| tumha treloka īsa raghunāthā ||

suni prabhu bacana lāja hama marahīṃ| masaka kahū~ khagapati hita karahīm ||

dekhi rāma rukha bānara rīchā| prema magana nahiṃ gṛha kai īchā ||

do. prabhu prerita kapi bhālu saba rāma rūpa ura rākhi|

haraṣa biṣāda sahita cale binaya bibidha bidhi bhāṣi || 118(ka) ||

kapipati nīla rīchapati aṅgada nala hanumāna|

sahita bibhīṣana apara je jūthapa kapi balavāna || 118(kha) ||

do. kahi na sakahiṃ kachu prema basa bhari bhari locana bāri|

sanmukha citavahiṃ rāma tana nayana nimeṣa nivāri || 118(ga) ||

atisaya prīti dekha raghurāī| linhe sakala bimāna caḍha़āī ||

mana mahu~ bipra carana siru nāyo| uttara disihi bimāna calāyo ||

calata bimāna kolāhala hoī| jaya raghubīra kahi sabu koī ||

siṃhāsana ati ucca manohara| śrī sameta prabhu baiṭhai tā para ||

rājata rāmu sahita bhāminī| meru sṛṅga janu ghana dāminī ||

rucira bimānu caleu ati ātura| kīnhī sumana bṛṣṭi haraṣe sura ||

parama sukhada cali tribidha bayārī| sāgara sara sari nirmala bārī ||

saguna hohiṃ sundara cahu~ pāsā| mana prasanna nirmala nabha āsā ||

kaha raghubīra dekhu rana sītā| lachimana ihā~ hatyo i~drajītā ||

hanūmāna aṅgada ke māre| rana mahi pare nisācara bhāre ||

kumbhakarana rāvana dvau bhāī| ihā~ hate sura muni dukhadāī ||

do. ihā~ setu bā~dhyo aru thāpeu~ siva sukha dhāma|

sītā sahita kṛpānidhi sambhuhi kīnha pranāma || 119(ka) ||

jaha~ jaha~ kṛpāsindhu bana kīnha bāsa biśrāma|

sakala dekhāe jānakihi kahe sabanhi ke nāma || 119(kha) ||

turata bimāna tahā~ cali āvā| daṇḍaka bana jaha~ parama suhāvā ||

kumbhajādi munināyaka nānā| ge rāmu saba keṃ asthānā ||

sakala riṣinha sana pāi asīsā| citrakūṭa āe jagadīsā ||

taha~ kari muninha kera santoṣā| calā bimānu tahā~ te cokhā ||

bahuri rāma jānakihi dekhāī| jamunā kali mala harani suhāī ||

puni dekhī surasarī punītā| rāma kahā pranāma karu sītā ||

tīrathapati puni dekhu prayāgā| nirakhata janma koṭi agha bhāgā ||

dekhu parama pāvani puni benī| harani soka hari loka nisenī ||

puni dekhu avadhapurī ati pāvani| tribidha tāpa bhava roga nasāvani || |

do. sītā sahita avadha kahu~ kīnha kṛpāla pranāma|

sajala nayana tana pulakita puni puni haraṣita rāma || 120(ka) ||

puni prabhu āi tribenīṃ haraṣita majjanu kīnha|

kapinha sahita bipranha kahu~ dāna bibidha bidhi dīnha || 120(kha) ||

prabhu hanumantahi kahā bujhāī| dhari baṭu rūpa avadhapura jāī ||

bharatahi kusala hamāri sunāehu| samācāra lai tumha cali āehu ||

turata pavanasuta gavanata bhayu| taba prabhu bharadvāja pahiṃ gayū ||

nānā bidhi muni pūjā kīnhī| astutī kari puni āsiṣa dīnhī ||

muni pada bandi jugala kara jorī| caḍha़i bimāna prabhu cale bahorī ||

ihā~ niṣāda sunā prabhu āe| nāva nāva kaha~ loga bolāe ||

surasari nāghi jāna taba āyo| utareu taṭa prabhu āyasu pāyo ||

taba sītā~ pūjī surasarī| bahu prakāra puni carananhi parī ||

dīnhi asīsa haraṣi mana gaṅgā| sundari tava ahivāta abhaṅgā ||

sunata guhā dhāyu premākula| āyu nikaṭa parama sukha saṅkula ||

prabhuhi sahita biloki baidehī| pareu avani tana sudhi nahiṃ tehī ||

prīti parama biloki raghurāī| haraṣi uṭhāi liyo ura lāī ||

chaṃ. liyo hṛdaya~ lāi kṛpā nidhāna sujāna rāya~ ramāpatī|

baiṭhāri parama samīpa būjhī kusala so kara bīnatī|

aba kusala pada paṅkaja biloki birañci saṅkara sebya je|

sukha dhāma pūranakāma rāma namāmi rāma namāmi te || 1 ||

saba bhā~ti adhama niṣāda so hari bharata jyoṃ ura lāiyo|

matimanda tulasīdāsa so prabhu moha basa bisarāiyo ||

yaha rāvanāri caritra pāvana rāma pada ratiprada sadā|

kāmādihara bigyānakara sura siddha muni gāvahiṃ mudā || 2 ||

do. samara bijaya raghubīra ke carita je sunahiṃ sujāna|

bijaya bibeka bibhūti nita tinhahi dehiṃ bhagavāna || 121(ka) ||

yaha kalikāla malāyatana mana kari dekhu bicāra|

śrīraghunātha nāma taji nāhina āna adhāra || 121(kha) ||

māsapārāyaṇa, sattāīsavā~ viśrāma

iti śrīmadrāmacaritamānase sakalakalikaluṣavidhvaṃsane

ṣaṣṭhaḥ sopānaḥ samāptaḥ|

(laṅkākāṇḍa samāpta)