📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
യതി പഞ്ചകമ് (കൌപീന പഞ്ചകമ്)
Yati Panchakam (kaupina Panchakam)
Panchakam Adi Shankaracharya Malayalam
വേദാന്തവാക്യേഷു സദാ രമന്തഃ
ഭിക്ഷാന്നമാത്രേണ ച തുഷ്ടിമന്തഃ ।
വിശോകമന്തഃകരണേ രമന്തഃ
കൌപീനവന്തഃ ഖലു ഭാഗ്യവന്തഃ ॥ 1 ॥
മൂലം തരോഃ കേവലമാശ്രയന്തഃ
പാണിദ്വയം ഭോക്തുമമന്ത്രയന്തഃ ।
ശ്രിയം ച കന്ഥാമിവ കുത്സയന്തഃ
കൌപീനവന്തഃ ഖലു ഭാഗ്യവന്തഃ ॥ 2 ॥
ദേഹാദിഭാവം പരിമാര്ജയന്തഃ
ആത്മാനമാത്മന്യവലോകയന്തഃ ।
നാന്തം ന മധ്യം ന ബഹിഃ സ്മരന്തഃ
കൌപീനവന്തഃ ഖലു ഭാഗ്യവന്തഃ ॥ 3 ॥
സ്വാനന്ദഭാവേ പരിതുഷ്ടിമന്തഃ
സംശാന്തസര്വേന്ദ്രിയദൃഷ്ടിമന്തഃ ।
അഹര്നിശം ബ്രഹ്മണി യേ രമന്തഃ
കൌപീനവന്തഃ ഖലു ഭാഗ്യവന്തഃ ॥ 4 ॥
ബ്രഹ്മാക്ഷരം പാവനമുച്ചരന്തഃ
പതിം പശൂനാം ഹൃദി ഭാവയന്തഃ ।
ഭിക്ഷാശനാ ദിക്ഷു പരിഭ്രമന്തഃ
കൌപീനവന്തഃ ഖലു ഭാഗ്യവന്തഃ ॥ 5 ॥
കൌപീനപഞ്ചരത്നസ്യ മനനം യാതി യോ നരഃ ।
വിരക്തിം ധര്മവിജ്ഞാനം ലഭതേ നാത്ര സംശയഃ ॥
ഇതി ശ്രീ ശങ്കരഭഗവത്പാദ വിരചിതം യതിപഞ്ചകമ് ॥
Roman (IAST) Transliteration
vedāntavākyeṣu sadā ramantaḥ
bhikṣānnamātreṇa ca tuṣṭimantaḥ |
viśokamantaḥkaraṇe ramantaḥ
kaupīnavantaḥ khalu bhāgyavantaḥ || 1 ||
mūlaṃ taroḥ kevalamāśrayantaḥ
pāṇidvayaṃ bhoktumamantrayantaḥ |
śriyaṃ ca kanthāmiva kutsayantaḥ
kaupīnavantaḥ khalu bhāgyavantaḥ || 2 ||
dehādibhāvaṃ parimārjayantaḥ
ātmānamātmanyavalokayantaḥ |
nāntaṃ na madhyaṃ na bahiḥ smarantaḥ
kaupīnavantaḥ khalu bhāgyavantaḥ || 3 ||
svānandabhāve parituṣṭimantaḥ
saṃśāntasarvendriyadṛṣṭimantaḥ |
aharniśaṃ brahmaṇi ye ramantaḥ
kaupīnavantaḥ khalu bhāgyavantaḥ || 4 ||
brahmākṣaraṃ pāvanamuccarantaḥ
patiṃ paśūnāṃ hṛdi bhāvayantaḥ |
bhikṣāśanā dikṣu paribhramantaḥ
kaupīnavantaḥ khalu bhāgyavantaḥ || 5 ||
kaupīnapañcaratnasya mananaṃ yāti yo naraḥ |
viraktiṃ dharmavijñānaṃ labhate nātra saṃśayaḥ ||
iti śrī śaṅkarabhagavatpāda viracitaṃ yatipañcakam ||
InfoLyter.in — Sacred Vedic Knowledge Portal · Free forever