Yama Ashtakam — InfoLyter.in

ॐ

യമ അഷ്ടകമ്

Yama Ashtakam

Ashtakam Malayalam

സാവിത്ര്യുവാച ।

തപസാ ധര്മമാരാധ്യ പുഷ്കരേ ഭാസ്കരഃ പുരാ ।

ധര്മം സൂര്യഃസുതം പ്രാപ ധര്മരാജം നമാമ്യഹമ് ॥ 1 ॥

സമതാ സര്വഭൂതേഷു യസ്യ സര്വസ്യ സാക്ഷിണഃ ।

അതോ യന്നാമ ശമനമിതി തം പ്രണമാമ്യഹമ് ॥ 2 ॥

യേനാന്തശ്ച കൃതോ വിശ്വേ സര്വേഷാം ജീവിനാം പരമ് ।

കാമാനുരൂപം കാലേന തം കൃതാന്തം നമാമ്യഹമ് ॥ 3 ॥

ബിഭര്തി ദണ്ഡം ദണ്ഡായ പാപിനാം ശുദ്ധിഹേതവേ ।

നമാമി തം ദണ്ഡധരം യഃ ശാസ്താ സര്വജീവിനാമ് ॥ 4 ॥

വിശ്വം ച കലയത്യേവ യഃ സര്വേഷു ച സന്തതമ് ।

അതീവ ദുര്നിവാര്യം ച തം കാലം പ്രണമാമ്യഹമ് ॥ 5 ॥

തപസ്വീ ബ്രഹ്മനിഷ്ഠോ യഃ സംയമീ സഞ്ജിതേന്ദ്രിയഃ ।

ജീവാനാം കര്മഫലദസ്തം യമം പ്രണമാമ്യഹമ് ॥ 6 ॥

സ്വാത്മാരാമശ്ച സര്വജ്ഞോ മിത്രം പുണ്യകൃതാം ഭവേത് ।

പാപിനാം ക്ലേശദോ യസ്തം പുണ്യമിത്രം നമാമ്യഹമ് ॥ 7 ॥

യജ്ജന്മ ബ്രഹ്മണോംഽശേന ജ്വലന്തം ബ്രഹ്മതേജസാ ।

യോ ധ്യായതി പരം ബ്രഹ്മ തമീശം പ്രണമാമ്യഹമ് ॥ 8 ॥

ഇത്യുക്ത്വാ സാ ച സാവിത്രീ പ്രണനാമ യമം മുനേ ।

യമസ്താം ശക്തിഭജനം കര്മപാകമുവാച ഹ ॥ 9 ॥

ഇദം യമഷ്ടകം നിത്യം പ്രാതരുത്ഥായ യഃ പഠേത് ।

യമാത്തസ്യ ഭയം നാസ്തി സര്വപാപാത്പ്രമുച്യതേ ॥ 10 ॥

മഹാപാപീ യദി പഠേന്നിത്യം ഭക്തിസമന്വിതഃ ।

യമഃ കരോതി സംശുദ്ധം കായവ്യൂഹേന നിശ്ചിതമ് ॥ 11 ॥

ഇതി ശ്രീമദ്ദേവീഭാഗവതേ മഹാപുരാണേ നവമസ്കന്ധേ ഏകത്രിംശോഽധ്യായഃ ।

Roman (IAST) Transliteration

sāvitryuvāca |

tapasā dharmamārādhya puṣkare bhāskaraḥ purā |

dharmaṃ sūryaḥsutaṃ prāpa dharmarājaṃ namāmyaham || 1 ||

samatā sarvabhūteṣu yasya sarvasya sākṣiṇaḥ |

ato yannāma śamanamiti taṃ praṇamāmyaham || 2 ||

yenāntaśca kṛto viśve sarveṣāṃ jīvināṃ param |

kāmānurūpaṃ kālena taṃ kṛtāntaṃ namāmyaham || 3 ||

bibharti daṇḍaṃ daṇḍāya pāpināṃ śuddhihetave |

namāmi taṃ daṇḍadharaṃ yaḥ śāstā sarvajīvinām || 4 ||

viśvaṃ ca kalayatyeva yaḥ sarveṣu ca santatam |

atīva durnivāryaṃ ca taṃ kālaṃ praṇamāmyaham || 5 ||

tapasvī brahmaniṣṭho yaḥ saṃyamī sañjitendriyaḥ |

jīvānāṃ karmaphaladastaṃ yamaṃ praṇamāmyaham || 6 ||

svātmārāmaśca sarvajño mitraṃ puṇyakṛtāṃ bhavet |

pāpināṃ kleśado yastaṃ puṇyamitraṃ namāmyaham || 7 ||

yajjanma brahmaṇoṃ'śena jvalantaṃ brahmatejasā |

yo dhyāyati paraṃ brahma tamīśaṃ praṇamāmyaham || 8 ||

ityuktvā sā ca sāvitrī praṇanāma yamaṃ mune |

yamastāṃ śaktibhajanaṃ karmapākamuvāca ha || 9 ||

idaṃ yamaṣṭakaṃ nityaṃ prātarutthāya yaḥ paṭhet |

yamāttasya bhayaṃ nāsti sarvapāpātpramucyate || 10 ||

mahāpāpī yadi paṭhennityaṃ bhaktisamanvitaḥ |

yamaḥ karoti saṃśuddhaṃ kāyavyūhena niścitam || 11 ||

iti śrīmaddevībhāgavate mahāpurāṇe navamaskandhe ekatriṃśo'dhyāyaḥ |