📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.8 യുദ്ധകാണ്ഡ - അഷ്ടമ സര്ഗഃ
6.8 Yuddhakanda - Ashtama Sargah
Valmiki Malayalam
ശ്രീമദ്വാല്മീകീയ രാമായണേ യുദ്ധകാണ്ഡമ് ।
അഥ അഷ്ടമസ്സര്ഗഃ ।
തതോനീലാമ്ബുദനിഭഃ പ്രഹസ്തോനാമരാക്ഷസഃ ।
അബ്രവീത്പ്രാഞ്ജലിര്വാക്യംശൂരസ്സേനാപതിസ്തദാ ॥ 1 ॥
ദേവദാനവഗന്ധര്വാഃപിശാചപതഗോരഗാഃ ।
നത്വാന്ധര്ഷയിതുംശക്യാഃകിമ്പുനര്വാനരാരണേ ॥ 2 ॥
സര്വേപ്രമത്താവിശ്വസ്താവഞ്ചിതാസ്സ്മഹനൂമതാ ।
നഹിമേജീവതോഗച്ഛേജ്ജീവന് സവനഗോചരഃ ॥ 3 ॥
സര്വാംസാഗരപര്യന്താംസശൈലവനകാനനാമ് ।
കരോമ്യവാനരാമ്ഭൂമിമാജ്ഞാപയതുമാമ്ഭവാന് ॥ 4 ॥
രക്ഷാഞ്ചൈവവിധാസ്യാമിവാനരാദ്രജനീചര ।
നാഗമിഷ്യതിതേദുഃഖങ്കിഞ്ചിദാത്മാപരാധജമ് ॥ 5 ॥
അബ്രവീച്ചസുസങ്കൃദ്ധോദുര്മുഖോനാമരാക്ഷസഃ ।
ഇദന്നക്ഷമണീയംഹിസര്വേഷാന്നഃപ്രധര്ഷണമ് ॥ 6 ॥
അയമ്പരിഭവോഭൂയഃപുരസ്യാന്തഃപുരസ്യച ।
ശ്രീമതോരാക്ഷസേന്ദ്രസ്യവാനരേണപ്രധര്ഷണമ് ॥ 7 ॥
അസ്മിന് മുഹൂര്തേഗത്വൈകോനിവര്തിഷ്യാമിവാനരാന് ।
പ്രവിഷ്ടാന് സാഗരമ്ഭീമമമ്ബരംവാരസാതലമ് ॥ 8 ॥
തതോഽബ്രവീത്സുസങ്കൃദ്ധോവജ്രദംഷ്ട്രോമഹാബലഃ ।
പ്രഗൃഹ്യപരിഘങ്ഘോരമ്മാംസശോണിതരൂഷിതമ് ॥ 9 ॥
കിംവോഹനുമതാകാര്യങ്കൃപണേനതപസ്വിനാ ।
രാമേതിഷ്ഠതിദുര്ധര്ഷേസസുഗ്രീവേഽപിസലക്ഷ്മണേ ॥ 10 ॥
അദ്യരാമംസസുഗ്രീവമ്പരിഘേണസലക്ഷ്മണമ് ।
ആഗമിഷ്യാമിഹത്വൈകോവിക്ഷോഭ്യഹരിവാഹിനീമ് ॥ 11 ॥
ഇദമ്മമാപരംവാക്യംശൃണുരാജന് യദീച്ഛസി ।
ഉപായകുശലോഹ്യേവജയേച്ഛത്രൂനതന്ദ്രിതഃ ॥ 12 ॥
കാമരൂപധരാശ്ശൂരാസ്സുഭീമാഭീമദര്ശനാഃ ।
രാക്ഷസാവൈസഹസ്രാണിരാക്ഷസാധിപനിശ്ചിതാഃ ॥ 13 ॥
കാകുത്സ്ഥമുപസങ്ഗമ്യബിഭ്രതോമാനുഷംവപുഃ ।
സര്വേഹ്യസമ്ഭ്രമാഭൂത്വാബ്രുവന്തുരഘുസത്തമമ് ॥ 14 ॥
പ്രേഷിതാഭരതേനൈവഭ്രാത്രാതവയവീയസാ ।
സഹിസേനാംസമുത്ഥാപ്യക്ഷിപ്രമേവോപയാസ്യതി ॥ 15 ॥
തതോവയമിതസ്തൂര്ണംശൂലശക്തിഗദാധരാഃ ।
ചാപബാണാസിഹസ്താശ്ചത്വരിതാസ്തത്രയാമഹേ ॥ 16 ॥
ആകാശേഗണശസ്ഥ്സിത്വാഹത്വാതാംഹരിവാഹിനീമ് ।
അശ്മശസ്ത്രമഹാവൃഷ്ട്യാപ്രാപയാമയമക്ഷയമ് ॥ 17 ॥
ഏവഞ്ചേദുപസര്പേതാമനയംരാമലക്ഷ്മണൌ ।
അവശ്യമപനീതേനജഹതാമേവജീവിതമ് ॥ 18 ॥
കൌമ്ഭകര്ണിസ്തതോവീരോനികുമ്ഭോനാമവീര്യവാന് ।
അബ്രവീത്പരമക്രുദ്ധോരാവണംലോകരാവണമ് ॥ 19 ॥
സര്വേഭവന്തസ്തിഷ്ഠന്തുമഹാരാജേനസങ്ഗതാഃ ।
അഹമേകോഹനിഷ്യാമിരാഘവംസഹലക്ഷ്മണമ് ॥ 20 ॥
സുഗ്രീവഞ്ചഹനൂമന്തംസര്വാന്നേവചവാനരാന് ।
തതോവജ്രഹനുര്നാമരാക്ഷസഃപര്വതോപമഃ ॥ 21 ॥
ക്രുദ്ധഃ പരിലിഹന്സൃക്കാഞ്ജിഹ്വയാവാക്യമബ്രവീത് ।
സ്വൈരങ്കുര്വന്തുകര്മാണിഭവന്തോവിഗതജ്വരാഃ ॥ 22 ॥
ഏകോഽഹമ്ഭക്ഷയിഷ്യാമിതാംസര്വാംഹരിയൂഥപാന് ।
സ്വസ്ഥാഃക്രീഡന്തുനിശ്ചിന്താഃപിബന്തുമധുവാരുണീമ് ॥ 23 ॥
അഹമേകോവധിഷ്യാമിസുഗ്രീവംസഹലക്ഷ്മണമ് ।
സാങ്ഗദഞ്ചഹനൂമന്തംരാമഞ്ചരണകുഞ്ജരമ് ॥ 24 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാണ്ഡേ അഷ്ടമസ്സര്ഗഃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha aṣṭamassargaḥ |
tatonīlāmbudanibhaḥ prahastonāmarākṣasaḥ |
abravītprāñjalirvākyaṃśūrassenāpatistadā || 1 ||
devadānavagandharvāḥpiśācapatagoragāḥ |
natvāndharṣayituṃśakyāḥkimpunarvānarāraṇe || 2 ||
sarvepramattāviśvastāvañcitāssmahanūmatā |
nahimejīvatogacchejjīvan savanagocaraḥ || 3 ||
sarvāṃsāgaraparyantāṃsaśailavanakānanām |
karomyavānarāmbhūmimājñāpayatumāmbhavān || 4 ||
rakṣāñcaivavidhāsyāmivānarādrajanīcara |
nāgamiṣyatiteduḥkhaṅkiñcidātmāparādhajam || 5 ||
abravīccasusaṅkṛddhodurmukhonāmarākṣasaḥ |
idannakṣamaṇīyaṃhisarveṣānnaḥpradharṣaṇam || 6 ||
ayamparibhavobhūyaḥpurasyāntaḥpurasyaca |
śrīmatorākṣasendrasyavānareṇapradharṣaṇam || 7 ||
asmin muhūrtegatvaikonivartiṣyāmivānarān |
praviṣṭān sāgarambhīmamambaraṃvārasātalam || 8 ||
tato'bravītsusaṅkṛddhovajradaṃṣṭromahābalaḥ |
pragṛhyaparighaṅghorammāṃsaśoṇitarūṣitam || 9 ||
kiṃvohanumatākāryaṅkṛpaṇenatapasvinā |
rāmetiṣṭhatidurdharṣesasugrīve'pisalakṣmaṇe || 10 ||
adyarāmaṃsasugrīvamparigheṇasalakṣmaṇam |
āgamiṣyāmihatvaikovikṣobhyaharivāhinīm || 11 ||
idammamāparaṃvākyaṃśṛṇurājan yadīcchasi |
upāyakuśalohyevajayecchatrūnatandritaḥ || 12 ||
kāmarūpadharāśśūrāssubhīmābhīmadarśanāḥ |
rākṣasāvaisahasrāṇirākṣasādhipaniścitāḥ || 13 ||
kākutsthamupasaṅgamyabibhratomānuṣaṃvapuḥ |
sarvehyasambhramābhūtvābruvanturaghusattamam || 14 ||
preṣitābharatenaivabhrātrātavayavīyasā |
sahisenāṃsamutthāpyakṣipramevopayāsyati || 15 ||
tatovayamitastūrṇaṃśūlaśaktigadādharāḥ |
cāpabāṇāsihastāścatvaritāstatrayāmahe || 16 ||
ākāśegaṇaśasthsitvāhatvātāṃharivāhinīm |
aśmaśastramahāvṛṣṭyāprāpayāmayamakṣayam || 17 ||
evañcedupasarpetāmanayaṃrāmalakṣmaṇau |
avaśyamapanītenajahatāmevajīvitam || 18 ||
kaumbhakarṇistatovīronikumbhonāmavīryavān |
abravītparamakruddhorāvaṇaṃlokarāvaṇam || 19 ||
sarvebhavantastiṣṭhantumahārājenasaṅgatāḥ |
ahamekohaniṣyāmirāghavaṃsahalakṣmaṇam || 20 ||
sugrīvañcahanūmantaṃsarvānnevacavānarān |
tatovajrahanurnāmarākṣasaḥparvatopamaḥ || 21 ||
kruddhaḥ parilihansṛkkāñjihvayāvākyamabravīt |
svairaṅkurvantukarmāṇibhavantovigatajvarāḥ || 22 ||
eko'hambhakṣayiṣyāmitāṃsarvāṃhariyūthapān |
svasthāḥkrīḍantuniścintāḥpibantumadhuvāruṇīm || 23 ||
ahamekovadhiṣyāmisugrīvaṃsahalakṣmaṇam |
sāṅgadañcahanūmantaṃrāmañcaraṇakuñjaram || 24 ||
ityārṣe śrīmadrāmāyaṇe vālmīkīya ādikāvye yuddhakāṇḍe aṣṭamassargaḥ ||
InfoLyter.in — Sacred Vedic Knowledge Portal · Free forever