📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
1.20 ബാലകാണ്ഡ - വിംശ സര്ഗഃ
1.20 Balakanda - Vimsha Sargah
Valmiki Malayalam
ശ്രീമദ്വാല്മീകീയ രാമായണേ ബാലകാണ്ഡമ് ।
അഥ വിംശസ്സര്ഗഃ ।
തച്ഛ്രുത്വാ രാജശാര്ദൂലോ വിശ്വാമിത്രസ്യ ഭാഷിതമ് ।
മുഹൂര്തമിവ നിസ്സഞ്ജ്ഞസ്സഞ്ജ്ഞാവാനിദമബ്രവീത് ॥ 1 ॥
ഊനഷോഡശവര്ഷോ മേ രാമോ രാജീവലോചനഃ ।
ന യുദ്ധയോഗ്യതാമസ്യ പശ്യാമി സഹ രാക്ഷസൈഃ ॥ 2 ॥
ഇയമക്ഷൌഹിണീ പൂര്ണാ യസ്യാഹം പതിരീശ്വരഃ ।
അനയാ സംവൃതോ ഗത്വാ യോദ്ധാഽഹം തൈര്നിശാചരൈഃ ॥ 3 ॥
ഇമേ ശൂരാശ്ച വിക്രാന്താ ഭൃത്യാ മേഽസ്ത്രവിശാരദാഃ ।
യോഗ്യാ രക്ഷോഗണൈര്യോദ്ധും ന രാമം നേതുമര്ഹസി ॥ 4 ॥
അഹമേവ ധനുഷ്പാണിര്ഗോപ്താ സമരമൂര്ധനി ।
യാവത്പ്രാണാന്ധരിഷ്യാമി താവദ്യോത്സ്യേ നിശാചരൈഃ ॥ 5 ॥
നിര്വിഘ്നാ വ്രതചര്യാ സാ ഭവിഷ്യതി സുരക്ഷിതാ ।
അഹം തത്രാഗമിഷ്യാമി ന രാമം നേതുമര്ഹസി ॥ 6 ॥
ബാലോ ഹ്യകൃതവിദ്യശ്ച ന ച വേത്തി ബലാബലമ് ।
ന ചാസ്ത്രബലസംയുക്തോ ന ച യുദ്ധവിശാരദഃ ॥ 7 ॥
ന ചാസൌ രക്ഷസാം യോഗ്യഃ കൂടയുദ്ധാ ഹി തേ ധ്രുവമ് ।
വിപ്രയുക്തോ ഹി രാമേണ മുഹൂര്തമപി നോത്സഹേ ॥ 8 ॥
ജീവിതും മുനിശാര്ദൂല ന രാമം നേതുമര്ഹസി ।
യദി വാ രാഘവം ബ്രഹ്മന്നേതുമിച്ഛസി സുവ്രത ॥ 9 ॥
ചതുരങ്ഗസമായുക്തം മയാ ച സഹിതം നയ ।
ഷഷ്ടിര്വര്ഷസഹസ്രാണി ജാതസ്യ മമ കൌശിക ॥ 10 ॥
ദുഃഖേനോത്പാദിതശ്ചായം ന രാമം നേതുമര്ഹസി ।
ചതുര്ണാമാത്മജാനാം ഹി പ്രീതിഃപരമികാ മമ ॥ 11 ॥
ജ്യേഷ്ഠം ധര്മപ്രധാനം ച ന രാമം നേതുമര്ഹസി ।
കിംവീര്യാ രാക്ഷസാസ്തേ ച കസ്യ പുത്രാശ്ച തേ ച കേ ॥ 12 ॥
കഥം പ്രമാണാഃ കേ ചൈതാന്രക്ഷന്തി മുനിപുങ്ഗവ ।
കഥം ച പ്രതികര്തവ്യം തേഷാം രാമേണ രക്ഷസാമ് ॥ 13 ॥
മാമകൈര്വാ ബലൈര്ബ്രഹ്മന്മയാ വാ കൂടയോധിനാമ് ।
3 സര്വം മേ ശംസ ഭഗവന്കഥം തേഷാം മയാ രണേ ॥ 14 ॥
സ്ഥാതവ്യം ദുഷ്ടഭാവാനാം വീര്യോത്സിക്താ ഹി രാക്ഷസാഃ ।
4 തസ്യ തദ്വചനം ശ്രുത്വാ വിശ്വാമിത്രോഽഭ്യഭാഷത ॥ 15 ॥
പൌലസ്ത്യവംശപ്രഭവോ രാവണോ നാമ രാക്ഷസഃ ।
സ ബ്രഹ്മണാ ദത്തവരസ്ത്രൈലോക്യം ബാധതേ ഭൃശമ് ॥ 16 ॥
മഹാബലോ മഹാവീര്യോ രാക്ഷസൈര്ബഹുഭിര്വൃതഃ ।
ശ്രൂയതേ ഹി മഹാവീര്യോ രാവണോ രാക്ഷസാധിപഃ ॥ 17 ॥
സാക്ഷാദ്വൈശ്രവണഭ്രാതാ പുത്രോ വിശ്രവസോ മുനേഃ ।
യദാ സ്വയം ന യജ്ഞസ്യ വിഘ്നകര്താ മഹാബലഃ ॥ 18 ॥
തേന സഞ്ചോദിതൌ ദ്വൌ തു രാക്ഷസൌ വൈ മഹാബലൌ ।
മാരീചശ്ച സുബാഹുശ്ച യജ്ഞവിഘ്നം കരിഷ്യതഃ ॥ 19 ॥
ഇത്യുക്തോ മുനിനാ തേന രാജോവാച മുനിം തദാ ।
ന ഹി ശക്തോഽസ്മി സങ്ഗ്രാമേ സ്ഥാതും തസ്യ ദുരാത്മനഃ ॥ 20 ॥
സ ത്വം പ്രസാദം ധര്മജ്ഞ കുരുഷ്വ മമ പുത്രകേ ।
മമ ചൈവാല്പഭാഗ്യസ്യ ദൈവതം ഹി ഭവാന്ഗുരുഃ ॥ 21 ॥
ദേവദാനവഗന്ധര്വാ യക്ഷാഃപതഗപന്നഗാഃ ।
ന ശക്താ രാവണം സോഢും കിം പുനര്മാനവാ യുധി ॥ 22 ॥
സ ഹി വീര്യവതാം വീര്യമാദത്തേ യുധി രാക്ഷസഃ ।
തേന ചാഹം ന ശക്തോഽസ്മി സംയോദ്ധും തസ്യ വാ ബലൈഃ ॥ 23 ॥
സബലോ വാ മുനിശ്രേഷ്ഠ സഹിതോ വാ മമാത്മജൈഃ ।
കഥമപ്യമരപ്രഖ്യം സങ്ഗ്രാമാണാമകോവിദമ് ।
ബാലം മേ തനയം ബ്രഹ്മന് നൈവ ദാസ്യാമി പുത്രകമ് ॥ 24 ॥
അഥ കാലോപമൌ യുധ്ദേ സുതൌ സുന്ദോപസുന്ദയോഃ ॥ 25 ॥
യജ്ഞവിഘ്നകരൌ തൌ തേ നൈവ ദാസ്യാമി പുത്രകമ് ।
മാരീചശ്ച സുബാഹുശ്ച വീര്യവന്തൌ സുശിക്ഷിതൌ ।
തയോരന്യതരേണാഹം യോധ്ദാ സ്യാം സസുഹൃദ്ഗണഃ ॥ 26 ॥
ഇതി നരപതിജല്പനാദ്ദ്വിജേന്ദ്രം കുശികസുതം സുമഹാന്വിവേശ മന്യുഃ ।
സുഹുത ഇവ മഖേഽഗ്നിരാജ്യസിക്ത സ്സമഭവദുജ്ജ്വലിതോ മഹര്ഷിവഹ്നിഃ ॥ 27 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ ബാലകാണ്ഡേ വിംശസ്സര്ഗഃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha viṃśassargaḥ |
tacchrutvā rājaśārdūlo viśvāmitrasya bhāṣitam |
muhūrtamiva nissañjñassañjñāvānidamabravīt || 1 ||
ūnaṣoḍaśavarṣo me rāmo rājīvalocanaḥ |
na yuddhayogyatāmasya paśyāmi saha rākṣasaiḥ || 2 ||
iyamakṣauhiṇī pūrṇā yasyāhaṃ patirīśvaraḥ |
anayā saṃvṛto gatvā yoddhā'haṃ tairniśācaraiḥ || 3 ||
ime śūrāśca vikrāntā bhṛtyā me'straviśāradāḥ |
yogyā rakṣogaṇairyoddhuṃ na rāmaṃ netumarhasi || 4 ||
ahameva dhanuṣpāṇirgoptā samaramūrdhani |
yāvatprāṇāndhariṣyāmi tāvadyotsye niśācaraiḥ || 5 ||
nirvighnā vratacaryā sā bhaviṣyati surakṣitā |
ahaṃ tatrāgamiṣyāmi na rāmaṃ netumarhasi || 6 ||
bālo hyakṛtavidyaśca na ca vetti balābalam |
na cāstrabalasaṃyukto na ca yuddhaviśāradaḥ || 7 ||
na cāsau rakṣasāṃ yogyaḥ kūṭayuddhā hi te dhruvam |
viprayukto hi rāmeṇa muhūrtamapi notsahe || 8 ||
jīvituṃ muniśārdūla na rāmaṃ netumarhasi |
yadi vā rāghavaṃ brahmannetumicchasi suvrata || 9 ||
caturaṅgasamāyuktaṃ mayā ca sahitaṃ naya |
ṣaṣṭirvarṣasahasrāṇi jātasya mama kauśika || 10 ||
duḥkhenotpāditaścāyaṃ na rāmaṃ netumarhasi |
caturṇāmātmajānāṃ hi prītiḥparamikā mama || 11 ||
jyeṣṭhaṃ dharmapradhānaṃ ca na rāmaṃ netumarhasi |
kiṃvīryā rākṣasāste ca kasya putrāśca te ca ke || 12 ||
kathaṃ pramāṇāḥ ke caitānrakṣanti munipuṅgava |
kathaṃ ca pratikartavyaṃ teṣāṃ rāmeṇa rakṣasām || 13 ||
māmakairvā balairbrahmanmayā vā kūṭayodhinām |
3 sarvaṃ me śaṃsa bhagavankathaṃ teṣāṃ mayā raṇe || 14 ||
sthātavyaṃ duṣṭabhāvānāṃ vīryotsiktā hi rākṣasāḥ |
4 tasya tadvacanaṃ śrutvā viśvāmitro'bhyabhāṣata || 15 ||
paulastyavaṃśaprabhavo rāvaṇo nāma rākṣasaḥ |
sa brahmaṇā dattavarastrailokyaṃ bādhate bhṛśam || 16 ||
mahābalo mahāvīryo rākṣasairbahubhirvṛtaḥ |
śrūyate hi mahāvīryo rāvaṇo rākṣasādhipaḥ || 17 ||
sākṣādvaiśravaṇabhrātā putro viśravaso muneḥ |
yadā svayaṃ na yajñasya vighnakartā mahābalaḥ || 18 ||
tena sañcoditau dvau tu rākṣasau vai mahābalau |
mārīcaśca subāhuśca yajñavighnaṃ kariṣyataḥ || 19 ||
ityukto muninā tena rājovāca muniṃ tadā |
na hi śakto'smi saṅgrāme sthātuṃ tasya durātmanaḥ || 20 ||
sa tvaṃ prasādaṃ dharmajña kuruṣva mama putrake |
mama caivālpabhāgyasya daivataṃ hi bhavānguruḥ || 21 ||
devadānavagandharvā yakṣāḥpatagapannagāḥ |
na śaktā rāvaṇaṃ soḍhuṃ kiṃ punarmānavā yudhi || 22 ||
sa hi vīryavatāṃ vīryamādatte yudhi rākṣasaḥ |
tena cāhaṃ na śakto'smi saṃyoddhuṃ tasya vā balaiḥ || 23 ||
sabalo vā muniśreṣṭha sahito vā mamātmajaiḥ |
kathamapyamaraprakhyaṃ saṅgrāmāṇāmakovidam |
bālaṃ me tanayaṃ brahman naiva dāsyāmi putrakam || 24 ||
atha kālopamau yudhde sutau sundopasundayoḥ || 25 ||
yajñavighnakarau tau te naiva dāsyāmi putrakam |
mārīcaśca subāhuśca vīryavantau suśikṣitau |
tayoranyatareṇāhaṃ yodhdā syāṃ sasuhṛdgaṇaḥ || 26 ||
iti narapatijalpanāddvijendraṃ kuśikasutaṃ sumahānviveśa manyuḥ |
suhuta iva makhe'gnirājyasikta ssamabhavadujjvalito maharṣivahniḥ || 27 ||
ityārṣe śrīmadrāmāyaṇe vālmīkīya ādikāvye bālakāṇḍe viṃśassargaḥ ||
InfoLyter.in — Sacred Vedic Knowledge Portal · Free forever