1.15 Balakanda - Panchadasha Sargah

ॐ

1.15 ബാലകാണ്ഡ - പഞ്ചദശ സര്ഗഃ

Valmiki Malayalam

ശ്രീമദ്വാല്മീകീയ രാമായണേ ബാലകാണ്ഡമ് ।

അഥ പഞ്ചദശസ്സര്ഗഃ ।

മേഥാവീ തു തതോ ധ്യാത്വാ സ കിഞ്ചിദിദമുത്തരമ് ।

ലബ്ധസഞ്ജ്ഞസ്തതസ്തം തു വേദജ്ഞോ നൃപമബ്രവീത് ॥ 1 ॥

ഇഷ്ടിം തേഽഹം കരിഷ്യാമി പുത്രീയാം പുത്രകാരണാത് ।

അഥര്വശിരസി പ്രോക്തൈര്മന്ത്രൈസ്സിദ്ധാം വിധാനതഃ ॥ 2 ॥

തതഃ പ്രാക്രമദിഷ്ടിം താം പുത്രീയാം പുത്രകാരണാത് ।

ജുഹാവ ചാഗ്നൌ തേജസ്വീ മന്ത്രദൃഷ്ടേന കര്മണാ ॥ 3 ॥

തതോ ദേവാസ്സഗന്ധര്വാസ്സിദ്ധാശ്ച പരമര്ഷയഃ ।

ഭാഗപ്രതിഗ്രഹാര്ഥം വൈ സമവേതാ യഥാവിധി ॥ 4 ॥

താസ്സമേത്യ യഥാന്യായം തസ്മിന്സദസി ദേവതാഃ ।

അബ്രുവന് ലോകകര്താരം ബ്രഹ്മാണം വചനം മഹത് ॥ 5 ॥

ഭഗവന്ത്വത്പ്രസാദേന രാവണോ നാമ രാക്ഷസഃ ।

സര്വാന്നോ ബാധതേ വീര്യാച്ഛാസിതും തം ന ശക്നുമഃ ॥ 6 ॥

ത്വയാ തസ്മൈ വരോ ദത്തഃ പ്രീതേന ഭഗവന്പുരാ ।

മാനയന്തശ്ച തം നിത്യം സര്വം തസ്യ ക്ഷമാമഹേ ॥ 7 ॥

ഉദ്വേജയതി ലോകാന്സ്തീനുച്ഛ്രിതാന്ദ്വേഷ്ടി ദുര്മതിഃ ।

ശക്രം ത്രിദശരാജാനം പ്രധര്ഷയിതുമിച്ഛതി ॥ 8 ॥

ഋഷീന്യക്ഷാന്സഗന്ധര്വാനസുരാന്ബ്രാഹ്മണാംസ്തഥാ ।

അതിക്രാമതി ദുര്ധര്ഷോ വരദാനേന മോഹിതഃ ॥ 9 ॥

നൈനം സൂര്യഃ പ്രതപതി പാര്ശ്വേ വാതി ന മാരുതഃ ।

ചലോര്മിമാലീ തം ദൃഷ്ട്വാ സമുദ്രോഽപി ന കമ്പതേ ॥ 10 ॥

തന്മഹന്നോ ഭയം തസ്മാദ്രാക്ഷസാദ്ഘോരദര്ശനാത് ।

വധാര്ഥം തസ്യ ഭഗവന്നുപായം കര്തുമര്ഹസി ॥ 11 ॥

ഏവമുക്തസ്സുരൈസ്സര്വൈശ്ചിന്തയിത്വാ തതോഽബ്രവീത് ।

ഹന്തായം വിദിതസ്തസ്യ വധോപായോ ദുരാത്മനഃ ॥ 12 ॥

തേന ഗന്ധര്വയക്ഷാണാം ദേവദാനവരക്ഷസാമ് ।

അവധ്യോഽസ്മീതി വാഗുക്താ തഥേത്യുക്തം ച തന്മയാ ॥ 13 ॥

നാകീര്തയദവജ്ഞാനാത്തദ്രക്ഷോ മാനുഷാന് പ്രതി ।

തസ്മാത്സ മാനുഷാദ്വധ്യോ മൃത്യുര്നാന്യോഽസ്യ വിദ്യതേ ॥ 14 ॥

ഏതച്ഛ്രുത്വാ പ്രിയം വാക്യം ബ്രഹ്മണാ സമുദാഹൃതമ് ।

സര്വേ മഹര്ഷയോ ദേവാഃ പ്രഹൃഷ്ടാസ്തേഽഭവംസ്തദാ ॥ 15 ॥

ഏതസ്മിന്നന്തരേ വിഷ്ണുരുപയാതോ മഹാദ്യുതിഃ ।

ശങ്ഖചക്രഗദാപാണിഃ പീതവാസാ ജഗത്പതിഃ ॥ 16 ॥

ബ്രഹ്മണാ ച സമാഗമ്യ തത്ര തസ്ഥൌ സമാഹിതഃ ।

1 തമബ്രുവന്സുരാസ്സര്വേ സമഭിഷ്ടൂയ സന്നതാഃ ॥ 17 ॥

ത്വാന്നിയോക്ഷ്യാമഹേ വിഷ്ണോ ലോകാനാം ഹിതകാമ്യയാ ।

1 രാജ്ഞോ ദശരഥസ്യ ത്വമയോധ്യാധിപതേഃ പ്രഭോഃ ॥ 18 ॥

ധര്മജ്ഞസ്യ വദാന്യസ്യ മഹര്ഷിസമതേജസഃ ।

18 തസ്യ ഭാര്യാസു തിസൃഷു ഹ്രീശ്രീകീര്ത്യുപമാസു ച ॥ 19 ॥

വിഷ്ണോ പുത്രത്വമാഗച്ഛ കൃത്വാഽഽത്മാനം ചതുര്വിധമ് ।

1 തത്ര ത്വം മാനുഷോ ഭൂത്വാ പ്രവൃദ്ധം ലോകകണ്ടകമ് ।

അവധ്യം ദൈവതൈര്വിഷ്ണോ സമരേ ജഹി രാവണമ് ॥ 20 ॥

സ ഹി ദേവാംശ്ച ഗന്ധര്വാന്സിദ്ധാംശ്ച മുനിസത്തമാന് ।

രാക്ഷസോ രാവണോ മൂര്ഖോ വീര്യോത്സേകേന ബാധതേ ॥ 21 ॥

ഋഷയശ്ച തതസ്തേന ഗന്ധര്വാപ്സരസസ്തഥാ ।

ക്രീഡന്തോ നന്ദനവനേ ക്രൂരേണ കില ഹിംസിതാഃ ॥ 22 ॥

വധാര്ഥം വയമായാതാസ്തസ്യ വൈ മുനിഭിസ്സഹ ।

സിദ്ധഗന്ധര്വയക്ഷാശ്ച തതസ്ത്വാം ശരണം ഗതാഃ ॥ 23 ॥

ത്വം ഗതിഃ പരമാ ദേവ സര്വേഷാം നഃ പരന്തപഃ ।

വധായ ദേവശത്രൂണാം നൃണാം ലോകേ മനഃ കുരു ॥ 24 ॥

ഏവമുക്തസ്തു ദേവേശോ വിഷ്ണുസ്ത്രിദശപുങ്ഗവഃ ।

പിതാമഹപുരോഗാംസ്താന്സര്വലോകനമസ്കൃതഃ ॥ 25 ॥

അബ്രവീത്ത്രിദശാന്സര്വാന്സമേതാന്ധര്മസംഹിതാന് ॥ 26 ॥

ഭയം ത്യജത ഭദ്രം വോ ഹിതാര്ഥം യുധി രാവണമ് ।

സപുത്രപൌത്രം സാമാത്യം സമിത്രജ്ഞാതിബാന്ധവമ് ॥ 27 ॥

ഹത്വാ ക്രൂരം ദുരാത്മാനം ദേവര്ഷീണാം ഭയാവഹമ് ।

ദശവര്ഷസഹസ്രാണി ദശവര്ഷശതാനി ച ।

വത്സ്യാമി മാനുഷേ ലോകേ പാലയന്പൃഥിവീമിമാമ് ॥ 28 ॥

ഏവം ദത്വാ വരം ദേവോ ദേവാനാം വിഷ്ണുരാത്മവാന് ।

മാനുഷേ ചിന്തയാമാസ ജന്മഭൂമിമഥാത്മനഃ ॥ 29 ॥

തതഃ പദ്മപലാശാക്ഷഃ കൃത്വാഽഽത്മാനം ചതുര്വിധമ് ।

പിതരം രോചയാമാസ തഥാ ദശരഥന്നൃപമ് ॥ 30 ॥

തദാ ദേവര്ഷി ഗന്ധര്വാസ്സരുദ്രാസ്സാപ്സരോഗണാഃ ।

സ്തുതിഭിര്ദിവ്യരൂപാഭിസ്തുഷ്ടുവുര്മധുസൂദനമ് ॥ 31 ॥

തമുദ്ധതം രാവണമുഗ്രതേജസം പ്രവൃദ്ധദര്പം ത്രിദശേശ്വരദ്വിഷമ് ।

വിരാവണം സാധുതപസ്വികണ്ടകം തപസ്വിനാമുദ്ധര തം ഭയാവഹമ് ॥ 32 ॥

തമേവ ഹത്വാ സബലം സബാന്ധവം വിരാവണം രാവണമഗ്യ്രപൌരുഷമ് ।

സ്വര്ലോകമാഗച്ഛ ഗതജ്വരശ്ചിരം സുരേന്ദ്രഗുപ്തം ഗതദോഷകല്മഷമ് ॥ 33 ॥

ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ ബാലകാണ്ഡേ പഞ്ചദശസ്സര്ഗഃ ॥

Roman (IAST) Transliteration

śrīmadvālmīkīya rāmāyaṇe bālakāṇḍam |

atha pañcadaśassargaḥ |

methāvī tu tato dhyātvā sa kiñcididamuttaram |

labdhasañjñastatastaṃ tu vedajño nṛpamabravīt || 1 ||

iṣṭiṃ te'haṃ kariṣyāmi putrīyāṃ putrakāraṇāt |

atharvaśirasi proktairmantraissiddhāṃ vidhānataḥ || 2 ||

tataḥ prākramadiṣṭiṃ tāṃ putrīyāṃ putrakāraṇāt |

juhāva cāgnau tejasvī mantradṛṣṭena karmaṇā || 3 ||

tato devāssagandharvāssiddhāśca paramarṣayaḥ |

bhāgapratigrahārthaṃ vai samavetā yathāvidhi || 4 ||

tāssametya yathānyāyaṃ tasminsadasi devatāḥ |

abruvan lokakartāraṃ brahmāṇaṃ vacanaṃ mahat || 5 ||

bhagavantvatprasādena rāvaṇo nāma rākṣasaḥ |

sarvānno bādhate vīryācchāsituṃ taṃ na śaknumaḥ || 6 ||

tvayā tasmai varo dattaḥ prītena bhagavanpurā |

mānayantaśca taṃ nityaṃ sarvaṃ tasya kṣamāmahe || 7 ||

udvejayati lokānstīnucchritāndveṣṭi durmatiḥ |

śakraṃ tridaśarājānaṃ pradharṣayitumicchati || 8 ||

ṛṣīnyakṣānsagandharvānasurānbrāhmaṇāṃstathā |

atikrāmati durdharṣo varadānena mohitaḥ || 9 ||

nainaṃ sūryaḥ pratapati pārśve vāti na mārutaḥ |

calormimālī taṃ dṛṣṭvā samudro'pi na kampate || 10 ||

tanmahanno bhayaṃ tasmādrākṣasādghoradarśanāt |

vadhārthaṃ tasya bhagavannupāyaṃ kartumarhasi || 11 ||

evamuktassuraissarvaiścintayitvā tato'bravīt |

hantāyaṃ viditastasya vadhopāyo durātmanaḥ || 12 ||

tena gandharvayakṣāṇāṃ devadānavarakṣasām |

avadhyo'smīti vāguktā tathetyuktaṃ ca tanmayā || 13 ||

nākīrtayadavajñānāttadrakṣo mānuṣān prati |

tasmātsa mānuṣādvadhyo mṛtyurnānyo'sya vidyate || 14 ||

etacchrutvā priyaṃ vākyaṃ brahmaṇā samudāhṛtam |

sarve maharṣayo devāḥ prahṛṣṭāste'bhavaṃstadā || 15 ||

etasminnantare viṣṇurupayāto mahādyutiḥ |

śaṅkhacakragadāpāṇiḥ pītavāsā jagatpatiḥ || 16 ||

brahmaṇā ca samāgamya tatra tasthau samāhitaḥ |

1 tamabruvansurāssarve samabhiṣṭūya sannatāḥ || 17 ||

tvānniyokṣyāmahe viṣṇo lokānāṃ hitakāmyayā |

1 rājño daśarathasya tvamayodhyādhipateḥ prabhoḥ || 18 ||

dharmajñasya vadānyasya maharṣisamatejasaḥ |

18 tasya bhāryāsu tisṛṣu hrīśrīkīrtyupamāsu ca || 19 ||

viṣṇo putratvamāgaccha kṛtvā''tmānaṃ caturvidham |

1 tatra tvaṃ mānuṣo bhūtvā pravṛddhaṃ lokakaṇṭakam |

avadhyaṃ daivatairviṣṇo samare jahi rāvaṇam || 20 ||

sa hi devāṃśca gandharvānsiddhāṃśca munisattamān |

rākṣaso rāvaṇo mūrkho vīryotsekena bādhate || 21 ||

ṛṣayaśca tatastena gandharvāpsarasastathā |

krīḍanto nandanavane krūreṇa kila hiṃsitāḥ || 22 ||

vadhārthaṃ vayamāyātāstasya vai munibhissaha |

siddhagandharvayakṣāśca tatastvāṃ śaraṇaṃ gatāḥ || 23 ||

tvaṃ gatiḥ paramā deva sarveṣāṃ naḥ parantapaḥ |

vadhāya devaśatrūṇāṃ nṛṇāṃ loke manaḥ kuru || 24 ||

evamuktastu deveśo viṣṇustridaśapuṅgavaḥ |

pitāmahapurogāṃstānsarvalokanamaskṛtaḥ || 25 ||

abravīttridaśānsarvānsametāndharmasaṃhitān || 26 ||

bhayaṃ tyajata bhadraṃ vo hitārthaṃ yudhi rāvaṇam |

saputrapautraṃ sāmātyaṃ samitrajñātibāndhavam || 27 ||

hatvā krūraṃ durātmānaṃ devarṣīṇāṃ bhayāvaham |

daśavarṣasahasrāṇi daśavarṣaśatāni ca |

vatsyāmi mānuṣe loke pālayanpṛthivīmimām || 28 ||

evaṃ datvā varaṃ devo devānāṃ viṣṇurātmavān |

mānuṣe cintayāmāsa janmabhūmimathātmanaḥ || 29 ||

tataḥ padmapalāśākṣaḥ kṛtvā''tmānaṃ caturvidham |

pitaraṃ rocayāmāsa tathā daśarathannṛpam || 30 ||

tadā devarṣi gandharvāssarudrāssāpsarogaṇāḥ |

stutibhirdivyarūpābhistuṣṭuvurmadhusūdanam || 31 ||

tamuddhataṃ rāvaṇamugratejasaṃ pravṛddhadarpaṃ tridaśeśvaradviṣam |

virāvaṇaṃ sādhutapasvikaṇṭakaṃ tapasvināmuddhara taṃ bhayāvaham || 32 ||

tameva hatvā sabalaṃ sabāndhavaṃ virāvaṇaṃ rāvaṇamagyrapauruṣam |

svarlokamāgaccha gatajvaraściraṃ surendraguptaṃ gatadoṣakalmaṣam || 33 ||

ityārṣe śrīmadrāmāyaṇe vālmīkīya ādikāvye bālakāṇḍe pañcadaśassargaḥ ||