Vinayaka Ashtottara Shata Nama Stotram

ॐ

വിനായക അഷ്ടോത്തര ശത നാമ സ്തോത്രമ്

Ganesha Ashtottara Sata Namavali Malayalam

വിനായകോ വിഘ്നരാജോ ഗൌരീപുത്രോ ഗണേശ്വരഃ ।

സ്കന്ദാഗ്രജോഽവ്യയഃ പൂതോ ദക്ഷോഽധ്യക്ഷോ ദ്വിജപ്രിയഃ ॥ 1 ॥

അഗ്നിഗര്വച്ഛിദിന്ദ്രശ്രീപ്രദോ വാണീപ്രദായകഃ ।

സര്വസിദ്ധിപ്രദഃ ശര്വതനയഃ ശര്വരീപ്രിയഃ ॥ 2 ॥

സര്വാത്മകഃ സൃഷ്ടികര്താ ദേവാനീകാര്ചിതഃ ശിവഃ ।

സിദ്ധിബുദ്ധിപ്രദഃ ശാന്തോ ബ്രഹ്മചാരീ ഗജാനനഃ ॥ 3 ॥

ദ്വൈമാതുരോ മുനിസ്തുത്യോ ഭക്തവിഘ്നവിനാശനഃ ।

ഏകദന്തശ്ചതുര്ബാഹുശ്ചതുരഃ ശക്തിസംയുതഃ ॥ 4 ॥

ലമ്ബോദരഃ ശൂര്പകര്ണോ ഹരിര്ബ്രഹ്മവിദുത്തമഃ ।

കാവ്യോ ഗ്രഹപതിഃ കാമീ സോമസൂര്യാഗ്നിലോചനഃ ॥ 5 ॥

പാശാങ്കുശധരശ്ചണ്ഡോ ഗുണാതീതോ നിരഞ്ജനഃ ।

അകല്മഷഃ സ്വയം സിദ്ധഃ സിദ്ധാര്ചിതപദാമ്ബുജഃ ॥ 6 ॥

ബീജാപൂരഫലാസക്തോ വരദഃ ശാശ്വതഃ കൃതീ ।

ദ്വിജപ്രിയോ വീതഭയോ ഗദീ ചക്രീക്ഷുചാപധൃത് ॥ 7 ॥

ശ്രീദോഽജ ഉത്പലകരഃ ശ്രീപതിസ്തുതിഹര്ഷിതഃ ।

കുലാദ്രിഭേത്താ ജടിലശ്ചന്ദ്രചൂഡോഽമരേശ്വരഃ ॥ 8 ॥

നാഗയജ്ഞോപവീതീ ച കലികല്മഷനാശനഃ ।

സ്ഥൂലകണ്ഠഃ സ്വയങ്കര്താ സാമഘോഷപ്രിയഃ പരഃ ॥ 9 ॥

സ്ഥൂലതുണ്ഡോഽഗ്രണീര്ധീരോ വാഗീശഃ സിദ്ധിദായകഃ ।

ദൂര്വാബില്വപ്രിയഃ കാന്തഃ പാപഹാരീ സമാഹിതഃ ॥ 10 ॥

ആശ്രിതശ്രീകരഃ സൌമ്യോ ഭക്തവാഞ്ഛിതദായകഃ ।

ശാന്തോഽച്യുതാര്ച്യഃ കൈവല്യോ സച്ചിദാനന്ദവിഗ്രഹഃ ॥ 11 ॥

ജ്ഞാനീ ദയായുതോ ദാന്തോ ബ്രഹ്മദ്വേഷവിവര്ജിതഃ ।

പ്രമത്തദൈത്യഭയദോ വ്യക്തമൂര്തിരമൂര്തിമാന് ॥ 12 ॥

ശൈലേന്ദ്രതനുജോത്സങ്ഗഖേലനോത്സുകമാനസഃ ।

സ്വലാവണ്യസുധാസാരജിതമന്മഥവിഗ്രഹഃ ॥ 13 ॥

സമസ്തജഗദാധാരോ മായീ മൂഷകവാഹനഃ ।

രമാര്ചിതോ വിധിശ്ചൈവ ശ്രീകണ്ഠോ വിബുധേശ്വരഃ ॥ 14 ॥

ചിന്താമണിദ്വീപപതിഃ പരമാത്മാ ഗജാനനഃ ।

ഹൃഷ്ടസ്തുഷ്ടഃ പ്രസന്നാത്മാ സര്വസിദ്ധിപ്രദായകഃ ॥ 15 ॥

അഷ്ടോത്തരശതേനൈവം നാമ്നാം വിഘ്നേശ്വരം വിഭുമ് ।

യഃ പൂജയേദനേനൈവ ഭക്ത്യാ സിദ്ധിവിനായകമ് ॥ 16 ॥

ദൂര്വാദലൈഃ ബില്വപത്രൈഃ പുഷ്പൈര്വാ ചന്ദനാക്ഷതൈഃ ।

സര്വാന്കാമാനവാപ്നോതി സര്വവിഘ്നൈഃ പ്രമുച്യതേ ॥ 17 ॥

ഇതി ഭവിഷ്യോത്തരപുരാണേ വിനായകാഷ്ടോത്തരശതനാമ സ്തോത്രമ് ।

Roman (IAST) Transliteration

vināyako vighnarājo gaurīputro gaṇeśvaraḥ |

skandāgrajo'vyayaḥ pūto dakṣo'dhyakṣo dvijapriyaḥ || 1 ||

agnigarvacchidindraśrīprado vāṇīpradāyakaḥ |

sarvasiddhipradaḥ śarvatanayaḥ śarvarīpriyaḥ || 2 ||

sarvātmakaḥ sṛṣṭikartā devānīkārcitaḥ śivaḥ |

siddhibuddhipradaḥ śānto brahmacārī gajānanaḥ || 3 ||

dvaimāturo munistutyo bhaktavighnavināśanaḥ |

ekadantaścaturbāhuścaturaḥ śaktisaṃyutaḥ || 4 ||

lambodaraḥ śūrpakarṇo harirbrahmaviduttamaḥ |

kāvyo grahapatiḥ kāmī somasūryāgnilocanaḥ || 5 ||

pāśāṅkuśadharaścaṇḍo guṇātīto nirañjanaḥ |

akalmaṣaḥ svayaṃ siddhaḥ siddhārcitapadāmbujaḥ || 6 ||

bījāpūraphalāsakto varadaḥ śāśvataḥ kṛtī |

dvijapriyo vītabhayo gadī cakrīkṣucāpadhṛt || 7 ||

śrīdo'ja utpalakaraḥ śrīpatistutiharṣitaḥ |

kulādribhettā jaṭilaścandracūḍo'mareśvaraḥ || 8 ||

nāgayajñopavītī ca kalikalmaṣanāśanaḥ |

sthūlakaṇṭhaḥ svayaṅkartā sāmaghoṣapriyaḥ paraḥ || 9 ||

sthūlatuṇḍo'graṇīrdhīro vāgīśaḥ siddhidāyakaḥ |

dūrvābilvapriyaḥ kāntaḥ pāpahārī samāhitaḥ || 10 ||

āśritaśrīkaraḥ saumyo bhaktavāñchitadāyakaḥ |

śānto'cyutārcyaḥ kaivalyo saccidānandavigrahaḥ || 11 ||

jñānī dayāyuto dānto brahmadveṣavivarjitaḥ |

pramattadaityabhayado vyaktamūrtiramūrtimān || 12 ||

śailendratanujotsaṅgakhelanotsukamānasaḥ |

svalāvaṇyasudhāsārajitamanmathavigrahaḥ || 13 ||

samastajagadādhāro māyī mūṣakavāhanaḥ |

ramārcito vidhiścaiva śrīkaṇṭho vibudheśvaraḥ || 14 ||

cintāmaṇidvīpapatiḥ paramātmā gajānanaḥ |

hṛṣṭastuṣṭaḥ prasannātmā sarvasiddhipradāyakaḥ || 15 ||

aṣṭottaraśatenaivaṃ nāmnāṃ vighneśvaraṃ vibhum |

yaḥ pūjayedanenaiva bhaktyā siddhivināyakam || 16 ||

dūrvādalaiḥ bilvapatraiḥ puṣpairvā candanākṣataiḥ |

sarvānkāmānavāpnoti sarvavighnaiḥ pramucyate || 17 ||

iti bhaviṣyottarapurāṇe vināyakāṣṭottaraśatanāma stotram |