Varahi Sahasra Nama Stotram

ॐ

വാരാഹീ സഹസ്ര നാമ സ്തോത്രമ്

Stotram Malayalam

ദേവ്യുവാച ।

ശ്രീകണ്ഠ കരുണാസിന്ധോ ദീനബന്ധോ ജഗത്പതേ ।

ഭൂതിഭൂഷിതസര്വാങ്ഗ പരാത്പരതര പ്രഭോ ॥ 1 ॥

കൃതാഞ്ജലിപുടാ ഭൂത്വാ പൃച്ഛാമ്യേകം ദയാനിധേ ।

ആദ്യാ യാ ചിത്സ്വരൂപാ യാ നിര്വികാരാ നിരഞ്ജനാ ॥ 2 ॥

ബോധാതീതാ ജ്ഞാനഗമ്യാ കൂടസ്ഥാനന്ദവിഗ്രഹാ ।

അഗ്രാഹ്യാതീന്ദ്രിയാ ശുദ്ധാ നിരീഹാ സ്വാവഭാസികാ ॥ 3 ॥

ഗുണാതീതാ നിഷ്പ്രപഞ്ചാ ഹ്യവാങ്മനസഗോചരാ ।

പ്രകൃതിര്ജഗദുത്പത്തിസ്ഥിതിസംഹാരകാരിണീ ॥ 4 ॥

രക്ഷാര്ഥം ജഗതോ ദേവകാര്യാര്ഥം വാ സുരദ്വിഷാമ് ।

നാശായ ധത്തേ സാ ദേഹം തത്തത്കാര്യൈകസാധകമ് ॥ 5 ॥

തത്ര ഭൂധരണാര്ഥായ യജ്ഞവിസ്താരഹേതവേ ।

വിദ്യുത്കേശഹിരണ്യാക്ഷബാലാകാദിവധായ ച ॥ 6 ॥

ആവിര്ബഭൂവ യാ ശക്തിര്ഘോരാ ഭൂദാരരൂപിണീ ।

വാരാഹീ വികടാകാരാ ദാനവാസുരനാശിനീ ॥ 7 ॥

സദ്യഃ സിദ്ധികരീ ദേവീ ഘോരാദ്ഘോരതരാ ശിവാ ।

തസ്യാഃ സഹസ്രനാമാഖ്യം സ്തോത്രം മേ സമുദീരയ ॥ 8 ॥

കൃപാലേശോഽസ്തി മയി ചേദ്ഭാഗ്യം മേ യദി വാ ഭവേത് ।

അനുഗ്രാഹ്യാ യദ്യഹം സ്യാം തദാ വദ ദയാനിധേ ॥ 9 ॥

ഈശ്വര ഉവാച ।

സാധു സാധു വരാരോഹേ ധന്യാ ബഹുമതാസി മേ ।

ശുശ്രൂഷയാ സമുത്പന്നാ ഭക്തിഃ ശ്രദ്ധാന്വിതാ തവ ॥ 10 ॥

സഹസ്രനാമ വാരാഹ്യാഃ സര്വസിദ്ധിവിധായി ച ।

തവ ചേന്ന പ്രവക്ഷ്യാമി പ്രിയേ കസ്യ വദാമ്യഹമ് ॥ 11 ॥

കിന്തു ഗോപ്യം പ്രയത്നേന സംരക്ഷ്യം പ്രാണതോഽപി ച ।

വിശേഷതഃ കലിയുഗേ ന ദേയം യസ്യ കസ്യചിത് ।

സര്വേഽന്യഥാ സിദ്ധിഭാജോ ഭവിഷ്യന്തി വരാനനേ ॥ 12 ॥

ഓം അസ്യ ശ്രീവാരാഹീസഹസ്രനാമസ്തോത്രസ്യ മഹാദേവ ഋഷിഃ । അനുഷ്ടുപ് ഛന്ദഃ । വാരാഹീ ദേവതാ । ഐം ബീജമ് । ക്രോം ശക്തിഃ । ഹും കീലകമ് । മമ സര്വാര്ഥസിദ്ധ്യര്ഥേ ജപേ വിനിയോഗഃ ।

ഓം വാരാഹീ വാമനീ വാമാ ബഗലാ വാസവീ വസുഃ ।

വൈദേഹീ വീരസൂര്ബാലാ വരദാ വിഷ്ണുവല്ലഭാ ॥ 13 ॥

വന്ദിതാ വസുദാ വശ്യാ വ്യാത്താസ്യാ വഞ്ചിനീ ബലാ ।

വസുന്ധരാ വീതിഹോത്രാ വീതരാഗാ വിഹായസീ ॥ 14 ॥

സര്വാ ഖനിപ്രിയാ കാമ്യാ കമലാ കാഞ്ചനീ രമാ ।

ധൂമ്രാ കപാലിനീ വാമാ കുരുകുല്ലാ കലാവതീ ॥ 15 ॥

യാമ്യാഽഽഗ്നേയീ ധരാ ധന്യാ ധര്മിണീ ധ്യാനിനീ ധ്രുവാ ।

ധൃതിര്ലക്ഷ്മീര്ജയാ തുഷ്ടിഃ ശക്തിര്മേധാ തപസ്വിനീ ॥ 16 ॥

വേധാ ജയാ കൃതിഃ കാന്തിഃ സ്വാഹാ ശാന്തിര്ദമാ രതിഃ ।

ലജ്ജാ മതിഃ സ്മൃതിര്നിദ്രാ തന്ത്രാ ഗൌരീ ശിവാ സ്വധാ ॥ 17 ॥

ചണ്ഡീ ദുര്ഗാഽഭയാ ഭീമാ ഭാഷാ ഭാമാ ഭയാനകാ ।

ഭൂദാരാ ഭയഹാ ഭീരുര്ഭൈരവീ ഭങ്ഗരാ ഭടീ ॥ 18 ॥

ഘുര്ഘുരാ ഘോഷണാ ഘോരാ ഘോഷിണീ ഘോണസംയുതാ ।

ഘനാഘനാ ഘര്ഘരാ ച ഘോണയുക്താഽഘനാശിനീ ॥ 19 ॥

പൂര്വാഗ്നേയീ യാതു യാമ്യാ വായവ്യുത്തരവാരുണീ ।

ഐശാന്യൂര്ധ്വാധഃസ്ഥിതാ ച പൃഷ്ഠദക്ഷാഗ്രവാമഗാ ॥ 20 ॥

ഹൃന്നാഭിബ്രഹ്മരന്ധ്രാര്കസ്വര്ഗപാതാലഭൂമിഗാ ।

ഐം ശ്രീഃ ഹ്രീഃ ക്ലീം തീര്ഥഗതിഃ പ്രീതിര്ധീര്ഗീഃ കലാഽവ്യയാ ॥ 21 ॥

ഋഗ്യജുഃ സാമരൂപാ ച പരാ പോത്രിണ്യുദുമ്ബരാ ।

ഗദാസിശക്തിചാപേഷുശൂലചക്രര്ഷ്ടിധാരിണീ ॥ 22 ॥

ജരതീ യുവതീ ബാലാ ചതുരങ്ഗബലോത്കടാ ।

സത്യാക്ഷരാ നിധിര്നേത്രീ ധാത്രീ പോത്രീ പരാ പടുഃ ॥ 23 ॥

ക്ഷേത്രജ്ഞാ കമ്പിനീ ജ്യേഷ്ഠാ ദുരാധര്ഷാ ധുരന്ധരാ ।

മാലിനീ മാനിനീ മാതാ മാനനീയാ മനസ്വിനീ ॥ 24 ॥

മദോത്കടാ മന്യുകരീ മനുരൂപാ മനോജവാ ।

മേദസ്വിനീ മദ്യരതാ മധുപാ മങ്ഗലാഽമരാ ॥ 25 ॥

മായാ മാതാഽഽമയഹരീ മൃഡാനീ മഹിലാ മൃതിഃ ।

മഹാദേവീ മോഹഹരീ മഞ്ജുര്മൃത്യുഞ്ജയാഽമലാ ॥ 26 ॥

മാംസലാ മാനവാ മൂലാ മഹാരാത്രിര്മദാലസാ ।

മൃഗാങ്കാ മേനകാ മാന്യാ മഹിഷഘ്നീ മദന്തികാ ॥ 27 ॥

മൂര്ഛാമോഹമൃഷാമോഘാമദമൃത്യുമലാപഹാ ।

സിംഹര്ക്ഷമഹിഷവ്യാഘ്രമൃഗക്രോഡാനനാ ധുനീ ॥ 28 ॥

ധരിണീ ധാരിണീ ധേനുര്ധരിത്രീ ധാവനീ ധവാ ।

ധര്മധ്വനാ ധ്യാനപരാ ധനധാന്യധരാപ്രദാ ॥ 29 ॥

പാപദോഷരിപുവ്യാധിനാശിനീ സിദ്ധിദായിനീ ।

കലാകാഷ്ഠാക്ഷമാപക്ഷാഹസ്ത്രുടിശ്വാസരൂപിണീ ॥ 30 ॥

സമൃദ്ധാ സുഭുജാ രൌദ്രീ രാധാ രാഗാ രമാരണിഃ ।

രാമാ രതിപ്രിയാ രുഷ്ടാ രക്ഷിണീ രവിമധ്യഗാ ॥ 31 ॥

രജനീ രമണീ രേവാ രങ്കിനീ രഞ്ജിനീ രമാ ।

രോഷാ രോഷവതീ രൂക്ഷാ കരിരാജ്യപ്രദാ രതാ ॥ 32 ॥

രൂക്ഷാ രൂപവതീ രാസ്യാ രുദ്രാണീ രണപണ്ഡിതാ ।

ഗങ്ഗാ ച യമുനാ ചൈവ സരസ്വതിസ്വസൂര്മധുഃ ॥ 33 ॥

ഗണ്ഡകീ തുങ്ഗഭദ്രാ ച കാവേരീ കൌശികീ പടുഃ ।

കട്വോരഗവതീ ചാരാ സഹസ്രാക്ഷാ പ്രതര്ദനാ ॥ 34 ॥

സര്വജ്ഞാ ശാങ്കരീ ശാസ്ത്രീ ജടാധാരിണ്യയോരദാ ।

യാവനീ സൌരഭീ കുബ്ജാ വക്രതുണ്ഡാ വധോദ്യതാ ॥ 35 ॥

ചന്ദ്രാപീഡാ വേദവേദ്യാ ശങ്ഖിനീ നീലലോഹിതാ ।

ധ്യാനാതീതാഽപരിച്ഛേദ്യാ മൃത്യുരൂപാ ത്രിവര്ഗദാ ॥ 36 ॥

അരൂപാ ബഹുരൂപാ ച നാനാരൂപാ നതാനനാ ।

വൃഷാകപിര്വൃഷാരൂഢാ വൃഷേശീ വൃഷവാഹനാ ॥ 37 ॥

വൃഷപ്രിയാ വൃഷാവര്താ വൃഷപര്വാ വൃഷാകൃതിഃ ।

കോദണ്ഡിനീ നാഗചൂഡാ ചക്ഷുഷ്യാ പരമാര്ഥികാ ॥ 38 ॥

ദുര്വാസാ ദുര്ഗഹാ ദേവീ ദുരാവാസാ ദുരാരിഹാ ।

ദുര്ഗാ രാധാ ദുഃഖഹന്ത്രീ ദുരാരാധ്യാ ദവീയസീ ॥ 39 ॥

ദുരാവാസാ ദുഷ്പ്രഹസ്താ ദുഷ്പ്രകമ്പാ ദുരൂഹിണീ ।

സുവേണീ രമണീ ശ്യാമാ മൃഗവ്യാധാര്ഘതാപിനീ ॥ 40 ॥

ഉഗ്രാ താര്ക്ഷീ പാശുപതീ കൌണപീ കുണപാശനാ । [ദുര്ഗാ]

കപര്ദിനീ കാമകാമാ കമനീയാ കലോജ്ജ്വലാ ॥ 41 ॥

കാസാവഹൃത്കാരകാനീ കമ്ബുകണ്ഠീ കൃതാഗമാ ।

കര്കശാ കാരണാ കാന്താ കല്പാഽകല്പാ കടങ്കടാ ॥ 42 ॥

ശ്മശാനനിലയാ ഭിന്നാ ഗജാരുഢാ ഗജാപഹാ ।

തത്പ്രിയാ തത്പരാ രായാ സ്വര്ഭാനുഃ കാലവഞ്ചിനീ ॥ 43 ॥

ശാഖാ വിശാഖാ ഗോശാഖാ സുശാഖാ ശേഷശാഖിനീ ।

വ്യങ്ഗാ ശുഭാങ്ഗാ വാമാങ്ഗാ നീലാങ്ഗാഽനങ്ഗരൂപിണീ ॥ 44 ॥

സാങ്ഗോപാങ്ഗാ ച സാരങ്ഗാ സുഭാങ്ഗാ രങ്ഗരൂപിണീ ।

ഭദ്രാ സുഭദ്രാ ഭദ്രാക്ഷീ സിംഹികാ വിനതാഽദിതിഃ ॥ 45 ॥

ഹൃദ്യാഽവദ്യാ സുപദ്യാ ച ഗദ്യപദ്യപ്രിയാ പ്രസൂഃ ।

ചര്ചികാ ഭോഗവത്യമ്ബാ സാരസീ ശബരീ നടീ ॥ 46 ॥

യോഗിനീ പുഷ്കലാഽനന്താ പരാ സാങ്ഖ്യാ ശചീ സതീ ।

നിമ്നഗാ നിമ്നനാഭിശ്ച സഹിഷ്ണുര്ജാഗൃതീ ലിപിഃ ॥ 47 ॥

ദമയന്തീ ദമീ ദണ്ഡോദ്ദണ്ഡിനീ ദാരദായികാ ।

ദീപിനീ ദാവിനീ ധാത്രീ ദക്ഷകന്യാ ദമ്യാ ദരത് ॥ 48 ॥

ദാഹിനീ ദ്രവിണീ ദര്വീ ദണ്ഡിനീ ദണ്ഡനായികാ ।

ദാനപ്രിയാ ദോഷഹന്ത്രീ ദുഃഖദാരിദ്ര്യനാശിനീ ॥ 49 ॥

ദോഷദാ ദോഷകൃദ്ദോഗ്ധ്രീ ദോഹതീ ദേവികാഽധനാ ।

ദര്വീകരീ ദുര്വലിതാ ദുര്യുഗാഽദ്വയവാദിനീ ॥ 50 ॥

ചരാചരാഽനന്തവൃഷ്ടിരുന്മത്താ കമലാഽലസാ ।

താരിണീ താരകാന്താരാ പരമാത്മാബ്ജലോചനാ ॥ 51 ॥

ഇന്ദുര്ഹിരണ്യകവചാ വ്യവസ്ഥാ വ്യവസായികാ ।

ഈശനന്ദാ നദീ നാഗീ യക്ഷിണീ സര്പിണീ വരീ ॥ 52 ॥

സുധാ സുരാ വിശ്വസഹാ സുവര്ണാങ്ഗദധാരിണീ ।

ജനനീ പ്രീതിഭാഗേശീ സാമ്രാജ്ഞീ സംവിദുത്തമാ ॥ 53 ॥

അമേയാഽരിഷ്ടദമനീ പിങ്ഗലാ ലിങ്ഗധാരിണീ ।

ചാമുണ്ഡാ പ്ലാവിനീ ഹാലാ ബൃഹജ്ജ്യോതിരുരുക്രമാ ॥ 54 ॥

സുപ്രതീകാ ച സുഗ്രീവാ ഹവ്യവാഹാ പ്രലാപിനീ ।

നഭസ്യാ മാധവീ ജ്യേഷ്ഠാ ശിശിരാ ജ്വാലിനീ രുചിഃ ॥ 55 ॥

ശുക്ലാ ശുക്രാ ശുചാ ശോകാ ശുകീ ഭേകീ പികീ ബകീ ।

പൃഷദശ്വാ നഭോയോനിഃ സുപ്രതീകാ വിഭാവരീ ॥ 56 ॥

ഗര്വിതാ ഗുര്വിണീ ഗണ്യാ ഗുരുര്ഗുരുധരീ ഗയാ ।

ഗന്ധര്വീ ഗണികാ ഗുന്ദ്രാ ഗാരുഡീ ഗോപികാഽഗ്രഗാ ॥ 57 ॥

ഗണേശീ ഗാമിനീ ഗന്താ ഗോപതിര്ഗന്ധിനീ ഗവീ ।

ഗര്ജിതാ ഗാനനീ ഗോനാ ഗോരക്ഷാ ഗോവിദാം ഗതിഃ ॥ 58 ॥

ഗ്രാഥികീ ഗ്രഥികൃദ്ഗോഷ്ഠീ ഗര്ഭരൂപാ ഗുണൈഷിണീ ।

പാരസ്കരീ പാഞ്ചനദാ ബഹുരൂപാ വിരൂപികാ ॥ 59 ॥

ഊഹാ വ്യൂഹാ ദുരൂഹാ ച സമ്മോഹാ മോഹഹാരിണീ ।

യജ്ഞവിഗ്രഹിണീ യജ്ഞാ യായജൂകാ യശസ്വിനീ ॥ 60 ॥

അഗ്നിഷ്ടോമാഽത്യഗ്നിഷ്ടോമാ വാജപേയശ്ച ഷോഡശീ ।

പുണ്ഡരീകാഽശ്വമേധശ്ച രാജസൂയശ്ച നാഭസഃ ॥ 61 ॥

സ്വിഷ്ടകൃദ്ബഹുസൌവര്ണോ ഗോസവശ്ച മഹാവ്രതഃ ।

വിശ്വജിദ്ബ്രഹ്മയജ്ഞശ്ച പ്രാജാപത്യഃ ശിലായവഃ ॥ 62 ॥

അശ്വക്രാന്താ രഥക്രാന്താ വിഷ്ണുക്രാന്താ വിഭാവസുഃ ।

സൂര്യക്രാന്താ ഗജക്രാന്താ ബലിഭിന്നാഗയജ്ഞകഃ ॥ 63 ॥

സാവിത്രീ ചാര്ധസാവിത്രീ സര്വതോഭദ്രവാരുണാ ।

ആദിത്യാമയ ഗോദോഹ ഗവാമയ മൃഗാമയാ ॥ 64 ॥

സര്പമയഃ കാലപിഞ്ജഃ കൌണ്ഡിന്യോപനാഗാഹലഃ ।

അഗ്നിവിദ്ദ്വാദശാഹസ്വോപാംശുഃ സോമ വിധോ ഹനഃ ॥ 65 ॥

അശ്വപ്രതിഗ്രഹോ ബര്ഹിരഥോഽഭ്യുദയ ഋദ്ധിരാട് ।

സര്വസ്വദക്ഷിണോ ദീക്ഷാ സോമാഖ്യാ സമിദാഹ്വയഃ ॥ 66 ॥

കഠായനശ്ച ഗോദോഹഃ സ്വാഹാകാരസ്തനൂനപാത് ।

ദണ്ഡാ പുരുഷ മേധശ്ച ശ്യേനോ വജ്ര ഇഷുര്യമഃ ॥ 67 ॥

അങ്ഗിരാഃ കങ്കഭേരുണ്ഡാ ചാന്ദ്രായണപരായണാ ।

ജ്യോതിഷ്ടോമഃ ഗുദോ ദര്ശോ നന്ദ്യാഖ്യഃ പൌര്ണമാസികഃ ॥ 68 ॥

ഗജപ്രതിഗ്രഹോ രാത്രിഃ സൌരഭഃ ശാങ്കലായനഃ ।

സൌഭാഗ്യകൃച്ച കാരീഷോ ബൈദലായനരാമഠൌ ॥ 69 ॥

ശോചിഷ്കാരീ നാചികേതഃ ശാന്തികൃത്പുഷ്ടികൃത്തഥാ ।

വൈനതേയോച്ചാടനൌ ച വശീകരണ മാരണേ ॥ 70 ॥

ത്രൈലോക്യമോഹനോ വീരഃ കന്ദര്പബലശാതനഃ ।

ശങ്ഖചൂഡോ ഗജച്ഛായോ രൌദ്രാഖ്യോ വിഷ്ണുവിക്രമഃ ॥ 71 ॥

ഭൈരവഃ കവഹാഖ്യശ്ചാവഭൃഥോഽഷ്ടകപാലകഃ ।

ശ്രൌഷട് വൌഷട് വഷട്കാരഃ പാകസംസ്ഥാ പരിശ്രുതീ ॥ 72 ॥

ചയനോ നരമേധശ്ച കാരീരീ രത്നദാനികാ ।

സൌത്രാമണീ ച ഭാരുന്ദാ ബാര്ഹസ്പത്യോ ബലങ്ഗമഃ ॥ 73 ॥

പ്രചേതാഃ സര്വസത്രശ്ച ഗജമേധഃ കരമ്ഭകഃ ।

ഹവിഃസംസ്ഥാ സോമസംസ്ഥാ പാകസംസ്ഥാ ഗരുത്മതീ ॥ 74 ॥

സത്യസൂര്യശ്ചമസഃ സ്രുക് സ്രുവോലൂഖല മേക്ഷണീ ।

ചപലോ മന്ഥനീ മേഢീ യൂപഃ പ്രാഗ്വംശകുഞ്ചികാ ॥ 75 ॥

രശ്മിരംശുശ്ച ദോഭ്യശ്ച വാരുണോദഃ പവിഃ കുഥാ ।

ആപ്തോര്യാമോ ദ്രോണകലശോ മൈത്രാവരുണ ആശ്വിനഃ ॥ 76 ॥

പാത്നീവതശ്ച മന്ഥീ ച ഹാരിയോജന ഏവ ച ।

പ്രതിപ്രസ്ഥാനശുക്രൌ ച സാമിധേനീ സമിത്സമാ ॥ 77 ॥

ഹോതാഽധ്വര്യുസ്തഥോദ്ഗാതാ നേതാ ത്വഷ്ടാ ച യോത്രികാ ।

ആഗ്നീധ്രോഽച്ഛാവകാഷ്ടാവഗ്ഗ്രാവസ്തുത്പ്രതര്ദകഃ ॥ 78 ॥

സുബ്രഹ്മണ്യോ ബ്രാഹ്മണശ്ച മൈത്രാവരുണവാരുണൌ ।

പ്രസ്തോതാ പ്രതിപ്രസ്ഥാതാ യജമാനോ ധ്രുവന്ത്രികാ ॥ 79 ॥

ആമിക്ഷാ പൃഷദാജ്യം ച ഹവ്യം കവ്യം ചരുഃ പയഃ ।

ജുഹുദ്ഘ്രാവോപഭൃദ്ബ്രഹ്മാ ത്രയീ ത്രേതാ തരസ്വിനീ ॥ 80 ॥

പുരോഡാശഃ പശൂകര്ഷഃ പ്രോക്ഷണീ ബ്രഹ്മയജ്ഞിനീ ।

അഗ്നിജിഹ്വാ ദര്ഭരോമാ ബ്രഹ്മശീര്ഷാ മഹോദരീ ॥ 81 ॥

അമൃതപ്രാശികാ നാരായണീ നഗ്നാ ദിഗമ്ബരാ ।

ഓങ്കാരിണീ ചതുര്വേദരൂപാ ശ്രുതിരനുല്ബണാ ॥ 82 ॥

അഷ്ടാദശഭുജാ രമ്ഭാ സത്യാ ഗഗനചാരിണീ ।

ഭീമവക്ത്രാ മഹാവക്ത്രാ കീര്തിരാകൃഷ്ണപിങ്ഗലാ ॥ 83 ॥

കൃഷ്ണമൂര്ധാ മഹാമൂര്ധാ ഘോരമൂര്ധാ ഭയാനനാ ।

ഘോരാനനാ ഘോരജിഹ്വാ ഘോരരാവാ മഹാവ്രതാ ॥ 84 ॥

ദീപ്താസ്യാ ദീപ്തനേത്രാ ച ചണ്ഡപ്രഹരണാ ജടീ ।

സുരഭീ സൌലഭീ വീചീ ഛായാ സന്ധ്യാ ച മാംസലാ ॥ 85 ॥

കൃഷ്ണാ കൃഷ്ണാമ്ബരാ കൃഷ്ണശാര്ങ്ഗിണീ കൃഷ്ണവല്ലഭാ ।

ത്രാസിനീ മോഹിനീ ദ്വേഷ്യാ മൃത്യുരൂപാ ഭയാപഹാ ॥ 86 ॥

ഭീഷണാ ദാനവേന്ദ്രഘ്നീ കല്പകര്താ ക്ഷയങ്കരീ ।

അഭയാ പൃഥിവീ സാധ്വീ കേശിനീ വ്യാധിജന്മഹാ ॥ 87 ॥

അക്ഷോഭ്യാഽഽഹ്ലാദിനീ കന്യാ പവിത്രാ രോപിണീ ശുഭാ ।

കന്യാദേവീ സുരാദേവീ ഭീമാദേവീ മദന്തികാ ॥ 88 ॥

ശാകമ്ഭരീ മഹാശ്വേതാ ധൂമ്രാ ധൂമ്രേശ്വരീശ്വരീ ।

വീരഭദ്രാ മഹാഭദ്രാ മഹാദേവീ മഹാസുരീ ॥ 89 ॥

ശ്മശാനവാസിനീ ദീപ്താ ചിതിസംസ്ഥാ ചിതിപ്രിയാ ।

കപാലഹസ്താ ഖട്വാങ്ഗീ ഖഡ്ഗിനീ ശൂലിനീ ഹലീ ॥ 90 ॥

കാന്താരിണീ മഹായോഗീ യോഗമാര്ഗാ യുഗഗ്രഹാ ।

ധൂമ്രകേതുര്മഹാസ്യായുര്യുഗാനാം പരിവര്തിനീ ॥ 91 ॥

അങ്ഗാരിണ്യങ്കുശകരാ ഘണ്ടാവര്ണാ ച ചക്രിണീ ।

വേതാലീ ബ്രഹ്മവേതാലീ മഹാവേതാലികാ തഥാ ॥ 92 ॥

വിദ്യാരാജ്ഞീ മോഹരാജ്ഞീ മഹാരാജ്ഞീ മഹോദരീ ।

ഭൂതം ഭവ്യം ഭവിഷ്യം ച സാങ്ഖ്യം യോഗസ്തപോ ദമഃ ॥ 93 ॥

അധ്യാത്മം ചാധിദൈവം ചാധിഭൂതാംശ ഏവ ച ।

ഘണ്ടാരവാ വിരൂപാക്ഷീ ശിഖിവിച്ഛ്രീചയപ്രിയാ ॥ 94 ॥

ഖഡ്ഗശൂലഗദാഹസ്താ മഹിഷാസുരമര്ദിനീ ।

മാതങ്ഗീ മത്തമാതങ്ഗീ കൌശികീ ബ്രഹ്മവാദിനീ ॥ 95 ॥

ഉഗ്രതേജാ സിദ്ധസേനാ ജൃമ്ഭിണീ മോഹിനീ തഥാ ।

ജയാ ച വിജയാ ചൈവ വിനതാ കദ്രുരേവ ച ॥ 96 ॥

ധാത്രീ വിധാത്രീ വിക്രാന്താ ധ്വസ്താ മൂര്ഛാ ച മൂര്ഛനീ ।

ദമനീ ധര്മിണീ ദമ്യാ ഛേദിനീ താപിനീ തപീ ॥ 97 ॥

ബന്ധിനീ ബാധിനീ ബന്ധാ ബോധാതീതാ ബുധപ്രിയാ ।

ഹരിണീ ഹാരിണീ ഹന്ത്രീ ധരിണീ ധാരിണീ ധരാ ॥ 98 ॥

വിസാധിനീ സാധിനീ ച സന്ധ്യാ സങ്ഗോപനീ പ്രിയാ ।

രേവതീ കാലകര്ണീ ച സിദ്ധിര്ലക്ഷ്മീരരുന്ധതീ ॥ 99 ॥

ധര്മപ്രിയാ ധര്മരതിഃ ധര്മിഷ്ഠാ ധര്മചാരിണീ ।

വ്യുഷ്ടിഃ ഖ്യാതിഃ സിനീവാലീ കുഹൂഃ ഋതുമതീ മൃതിഃ ॥ 100 ॥

ത്വാഷ്ട്രീ വൈരോചനീ മൈത്രീ നീരജാ കൈടഭേശ്വരീ ।

ഭ്രമണീ ഭ്രാമണീ ഭ്രാമാ ഭ്രമരീ ഭ്രാമരീ ഭ്രമാ ॥ 101 ॥

നിഷ്കലാ കലഹാ നീതാ കൌലാകാരാ കലേബരാ ।

വിദ്യുജ്ജിഹ്വാ വര്ഷിണീ ച ഹിരണ്യാക്ഷനിപാതിനീ ॥ 102 ॥

ജിതകാമാ കാമൃഗയാ കോലാ കല്പാങ്ഗിനീ കലാ । [കാമഗമാ]

പ്രധാനാ താരകാ താരാ ഹിതാത്മാ ഹിതഭേദിനീ ॥ 103 ॥

ദുരക്ഷരാ പരബ്രഹ്മ മഹാദാനാ മഹാഹവാ ।

വാരുണീ വ്യരുണീ വാണീ വീണാ വേണീ വിഹങ്ഗമാ ॥ 104 ॥

മോദപ്രിയാ മോദകിനീ പ്ലവനീ പ്ലാവിനീ പ്ലുതിഃ ।

അജരാ ലോഹിതാ ലാക്ഷാ പ്രതപ്താ വിശ്വഭോജിനീ ॥ 105 ॥

മനോ ബുദ്ധിരഹങ്കാരഃ ക്ഷേത്രജ്ഞാ ക്ഷേത്രപാലികാ ।

ചതുര്വേദാ ചതുര്ഭാരാ ചതുരന്താ ചരുപ്രിയാ ॥ 106 ॥

ചര്വിണീ ചോരിണീ ചാരീ ശാങ്കരീ ചര്മഭൈരവീ ।

നിര്ലേപാ നിഷ്പ്രപഞ്ചാ ച പ്രശാന്താ നിത്യവിഗ്രഹാ ॥ 107 ॥

സ്തവ്യാ സ്തവപ്രിയാ വ്യാലാ ഗുരുരാശ്രിതവത്സലാ ।

നിഷ്കലങ്കാ നിരാലമ്ബാ നിര്ദ്വന്ദ്വാ നിഷ്പരിഗ്രഹാ ॥ 108 ॥

നിര്ഗുണാ നിര്മലാ നിത്യാ നിരീഹാ നിരഘാ നവാ ।

നിരിന്ദ്രിയാ നിരാഭാസാ നിര്മോഹാ നീതിനായികാ ॥ 109 ॥

നിരിന്ധനാ നിഷ്കലാ ച ലീലാകാരാ നിരാമയാ ।

മുണ്ഡാ വിരൂപാ വികൃതാ പിങ്ഗലാക്ഷീ ഗുണോത്തരാ ॥ 110 ॥

പദ്മഗര്ഭാ മഹാഗര്ഭാ വിശ്വഗര്ഭാ വിലക്ഷണാ ।

പരമാത്മാ പരേശാനീ പരാ പാരാ പരന്തപാ ॥ 111 ॥

സംസാരസേതുഃ ക്രൂരാക്ഷീ മൂര്ഛാമുക്താ മനുപ്രിയാ । [മഗ്നാ]

വിസ്മയാ ദുര്ജയാ ദക്ഷാ ദനുഹന്ത്രീ ദയാലയാ ॥ 112 ॥

പരബ്രഹ്മാഽഽനന്ദരൂപാ സര്വസിദ്ധിവിധായിനീ । ഓമ് ।

ഏവമുഡ്ഡാമരാതന്ത്രാന്മയോദ്ധൃത്യ പ്രകാശിതമ് ॥ 113 ॥

ഗോപനീയം പ്രയത്നേന നാഖ്യേയം യസ്യ കസ്യചിത് ।

യദീച്ഛസി ദ്രുതം സിദ്ധിമൈശ്വര്യം ചിരജീവിതാമ് ॥ 114 ॥

ആരോഗ്യം നൃപസമ്മാനം ദാനാന്യസ്യ തു കീര്തയേത് ।

നാമ്നാം സഹസ്രം വാരാഹ്യാഃ മയാ തേ സമുദീരിതമ് ॥ 115 ॥

യഃ പഠേച്ഛൃണുയാദ്വാപി സര്വപാപൈഃ പ്രമുച്യതേ ।

അശ്വമേധസഹസ്രസ്യ വാജപേയശതസ്യ ച ॥ 116 ॥

പുണ്ഡരീകായുതസ്യാപി ഫലം പാഠാത് പ്രജായതേ ।

പഠതഃ സര്വഭാവേന സര്വാ സ്യുഃ സിദ്ധയഃ കരേ ॥ 117 ॥

ജായതേ മഹദൈശ്വര്യം സര്വേഷാം ദയിതോ ഭവേത് ।

ഘനസാരായതേ വഹ്നിരഗാധോബ്ധിഃ കണായതേ ॥ 118 ॥

സിദ്ധയശ്ച തൃണായന്തേ വിഷമപ്യമൃതായതേ ।

ഹാരായന്തേ മഹാസര്പാഃ സിംഹഃ ക്രീഡാമൃഗായതേ ॥ 119 ॥

ദാസായന്തേ മഹീപാലാ ജഗന്മിത്രായതേഽഖിലമ് ।

തസ്മാന്നാമ്നാം സഹസ്രേണ സ്തുതാ സാ ജഗദമ്ബികാ ।

പ്രയച്ഛത്യഖിലാന് കാമാന് ദേഹാന്തേ പരമാം ഗതിമ് ॥ 120 ॥

ഇതി ഉഡ്ഡാമരതന്ത്രേ ശ്രീ ആദിവാരാഹീ സഹസ്രനാമ സ്തോത്രമ് ॥

Roman (IAST) Transliteration

devyuvāca |

śrīkaṇṭha karuṇāsindho dīnabandho jagatpate |

bhūtibhūṣitasarvāṅga parātparatara prabho || 1 ||

kṛtāñjalipuṭā bhūtvā pṛcchāmyekaṃ dayānidhe |

ādyā yā citsvarūpā yā nirvikārā nirañjanā || 2 ||

bodhātītā jñānagamyā kūṭasthānandavigrahā |

agrāhyātīndriyā śuddhā nirīhā svāvabhāsikā || 3 ||

guṇātītā niṣprapañcā hyavāṅmanasagocarā |

prakṛtirjagadutpattisthitisaṃhārakāriṇī || 4 ||

rakṣārthaṃ jagato devakāryārthaṃ vā suradviṣām |

nāśāya dhatte sā dehaṃ tattatkāryaikasādhakam || 5 ||

tatra bhūdharaṇārthāya yajñavistārahetave |

vidyutkeśahiraṇyākṣabālākādivadhāya ca || 6 ||

āvirbabhūva yā śaktirghorā bhūdārarūpiṇī |

vārāhī vikaṭākārā dānavāsuranāśinī || 7 ||

sadyaḥ siddhikarī devī ghorādghoratarā śivā |

tasyāḥ sahasranāmākhyaṃ stotraṃ me samudīraya || 8 ||

kṛpāleśo'sti mayi cedbhāgyaṃ me yadi vā bhavet |

anugrāhyā yadyahaṃ syāṃ tadā vada dayānidhe || 9 ||

īśvara uvāca |

sādhu sādhu varārohe dhanyā bahumatāsi me |

śuśrūṣayā samutpannā bhaktiḥ śraddhānvitā tava || 10 ||

sahasranāma vārāhyāḥ sarvasiddhividhāyi ca |

tava cenna pravakṣyāmi priye kasya vadāmyaham || 11 ||

kintu gopyaṃ prayatnena saṃrakṣyaṃ prāṇato'pi ca |

viśeṣataḥ kaliyuge na deyaṃ yasya kasyacit |

sarve'nyathā siddhibhājo bhaviṣyanti varānane || 12 ||

oṃ vārāhī vāmanī vāmā bagalā vāsavī vasuḥ |

vaidehī vīrasūrbālā varadā viṣṇuvallabhā || 13 ||

vanditā vasudā vaśyā vyāttāsyā vañcinī balā |

vasundharā vītihotrā vītarāgā vihāyasī || 14 ||

sarvā khanipriyā kāmyā kamalā kāñcanī ramā |

dhūmrā kapālinī vāmā kurukullā kalāvatī || 15 ||

yāmyā''gneyī dharā dhanyā dharmiṇī dhyāninī dhruvā |

dhṛtirlakṣmīrjayā tuṣṭiḥ śaktirmedhā tapasvinī || 16 ||

vedhā jayā kṛtiḥ kāntiḥ svāhā śāntirdamā ratiḥ |

lajjā matiḥ smṛtirnidrā tantrā gaurī śivā svadhā || 17 ||

caṇḍī durgā'bhayā bhīmā bhāṣā bhāmā bhayānakā |

bhūdārā bhayahā bhīrurbhairavī bhaṅgarā bhaṭī || 18 ||

ghurghurā ghoṣaṇā ghorā ghoṣiṇī ghoṇasaṃyutā |

ghanāghanā ghargharā ca ghoṇayuktā'ghanāśinī || 19 ||

pūrvāgneyī yātu yāmyā vāyavyuttaravāruṇī |

aiśānyūrdhvādhaḥsthitā ca pṛṣṭhadakṣāgravāmagā || 20 ||

hṛnnābhibrahmarandhrārkasvargapātālabhūmigā |

aiṃ śrīḥ hrīḥ klīṃ tīrthagatiḥ prītirdhīrgīḥ kalā'vyayā || 21 ||

ṛgyajuḥ sāmarūpā ca parā potriṇyudumbarā |

gadāsiśakticāpeṣuśūlacakrarṣṭidhāriṇī || 22 ||

jaratī yuvatī bālā caturaṅgabalotkaṭā |

satyākṣarā nidhirnetrī dhātrī potrī parā paṭuḥ || 23 ||

kṣetrajñā kampinī jyeṣṭhā durādharṣā dhurandharā |

mālinī māninī mātā mānanīyā manasvinī || 24 ||

madotkaṭā manyukarī manurūpā manojavā |

medasvinī madyaratā madhupā maṅgalā'marā || 25 ||

māyā mātā''mayaharī mṛḍānī mahilā mṛtiḥ |

mahādevī mohaharī mañjurmṛtyuñjayā'malā || 26 ||

māṃsalā mānavā mūlā mahārātrirmadālasā |

mṛgāṅkā menakā mānyā mahiṣaghnī madantikā || 27 ||

mūrchāmohamṛṣāmoghāmadamṛtyumalāpahā |

siṃharkṣamahiṣavyāghramṛgakroḍānanā dhunī || 28 ||

dhariṇī dhāriṇī dhenurdharitrī dhāvanī dhavā |

dharmadhvanā dhyānaparā dhanadhānyadharāpradā || 29 ||

pāpadoṣaripuvyādhināśinī siddhidāyinī |

kalākāṣṭhākṣamāpakṣāhastruṭiśvāsarūpiṇī || 30 ||

samṛddhā subhujā raudrī rādhā rāgā ramāraṇiḥ |

rāmā ratipriyā ruṣṭā rakṣiṇī ravimadhyagā || 31 ||

rajanī ramaṇī revā raṅkinī rañjinī ramā |

roṣā roṣavatī rūkṣā karirājyapradā ratā || 32 ||

rūkṣā rūpavatī rāsyā rudrāṇī raṇapaṇḍitā |

gaṅgā ca yamunā caiva sarasvatisvasūrmadhuḥ || 33 ||

gaṇḍakī tuṅgabhadrā ca kāverī kauśikī paṭuḥ |

kaṭvoragavatī cārā sahasrākṣā pratardanā || 34 ||

sarvajñā śāṅkarī śāstrī jaṭādhāriṇyayoradā |

yāvanī saurabhī kubjā vakratuṇḍā vadhodyatā || 35 ||

candrāpīḍā vedavedyā śaṅkhinī nīlalohitā |

dhyānātītā'paricchedyā mṛtyurūpā trivargadā || 36 ||

arūpā bahurūpā ca nānārūpā natānanā |

vṛṣākapirvṛṣārūḍhā vṛṣeśī vṛṣavāhanā || 37 ||

vṛṣapriyā vṛṣāvartā vṛṣaparvā vṛṣākṛtiḥ |

kodaṇḍinī nāgacūḍā cakṣuṣyā paramārthikā || 38 ||

durvāsā durgahā devī durāvāsā durārihā |

durgā rādhā duḥkhahantrī durārādhyā davīyasī || 39 ||

durāvāsā duṣprahastā duṣprakampā durūhiṇī |

suveṇī ramaṇī śyāmā mṛgavyādhārghatāpinī || 40 ||

ugrā tārkṣī pāśupatī kauṇapī kuṇapāśanā | [durgā]

kapardinī kāmakāmā kamanīyā kalojjvalā || 41 ||

kāsāvahṛtkārakānī kambukaṇṭhī kṛtāgamā |

karkaśā kāraṇā kāntā kalpā'kalpā kaṭaṅkaṭā || 42 ||

śmaśānanilayā bhinnā gajāruḍhā gajāpahā |

tatpriyā tatparā rāyā svarbhānuḥ kālavañcinī || 43 ||

śākhā viśākhā gośākhā suśākhā śeṣaśākhinī |

vyaṅgā śubhāṅgā vāmāṅgā nīlāṅgā'naṅgarūpiṇī || 44 ||

sāṅgopāṅgā ca sāraṅgā subhāṅgā raṅgarūpiṇī |

bhadrā subhadrā bhadrākṣī siṃhikā vinatā'ditiḥ || 45 ||

hṛdyā'vadyā supadyā ca gadyapadyapriyā prasūḥ |

carcikā bhogavatyambā sārasī śabarī naṭī || 46 ||

yoginī puṣkalā'nantā parā sāṅkhyā śacī satī |

nimnagā nimnanābhiśca sahiṣṇurjāgṛtī lipiḥ || 47 ||

damayantī damī daṇḍoddaṇḍinī dāradāyikā |

dīpinī dāvinī dhātrī dakṣakanyā damyā darat || 48 ||

dāhinī draviṇī darvī daṇḍinī daṇḍanāyikā |

dānapriyā doṣahantrī duḥkhadāridryanāśinī || 49 ||

doṣadā doṣakṛddogdhrī dohatī devikā'dhanā |

darvīkarī durvalitā duryugā'dvayavādinī || 50 ||

carācarā'nantavṛṣṭirunmattā kamalā'lasā |

tāriṇī tārakāntārā paramātmābjalocanā || 51 ||

indurhiraṇyakavacā vyavasthā vyavasāyikā |

īśanandā nadī nāgī yakṣiṇī sarpiṇī varī || 52 ||

sudhā surā viśvasahā suvarṇāṅgadadhāriṇī |

jananī prītibhāgeśī sāmrājñī saṃviduttamā || 53 ||

ameyā'riṣṭadamanī piṅgalā liṅgadhāriṇī |

cāmuṇḍā plāvinī hālā bṛhajjyotirurukramā || 54 ||

supratīkā ca sugrīvā havyavāhā pralāpinī |

nabhasyā mādhavī jyeṣṭhā śiśirā jvālinī ruciḥ || 55 ||

śuklā śukrā śucā śokā śukī bhekī pikī bakī |

pṛṣadaśvā nabhoyoniḥ supratīkā vibhāvarī || 56 ||

garvitā gurviṇī gaṇyā gururgurudharī gayā |

gandharvī gaṇikā gundrā gāruḍī gopikā'gragā || 57 ||

gaṇeśī gāminī gantā gopatirgandhinī gavī |

garjitā gānanī gonā gorakṣā govidāṃ gatiḥ || 58 ||

grāthikī grathikṛdgoṣṭhī garbharūpā guṇaiṣiṇī |

pāraskarī pāñcanadā bahurūpā virūpikā || 59 ||

ūhā vyūhā durūhā ca sammohā mohahāriṇī |

yajñavigrahiṇī yajñā yāyajūkā yaśasvinī || 60 ||

agniṣṭomā'tyagniṣṭomā vājapeyaśca ṣoḍaśī |

puṇḍarīkā'śvamedhaśca rājasūyaśca nābhasaḥ || 61 ||

sviṣṭakṛdbahusauvarṇo gosavaśca mahāvrataḥ |

viśvajidbrahmayajñaśca prājāpatyaḥ śilāyavaḥ || 62 ||

aśvakrāntā rathakrāntā viṣṇukrāntā vibhāvasuḥ |

sūryakrāntā gajakrāntā balibhinnāgayajñakaḥ || 63 ||

sāvitrī cārdhasāvitrī sarvatobhadravāruṇā |

ādityāmaya godoha gavāmaya mṛgāmayā || 64 ||

sarpamayaḥ kālapiñjaḥ kauṇḍinyopanāgāhalaḥ |

agnividdvādaśāhasvopāṃśuḥ soma vidho hanaḥ || 65 ||

aśvapratigraho barhiratho'bhyudaya ṛddhirāṭ |

sarvasvadakṣiṇo dīkṣā somākhyā samidāhvayaḥ || 66 ||

kaṭhāyanaśca godohaḥ svāhākārastanūnapāt |

daṇḍā puruṣa medhaśca śyeno vajra iṣuryamaḥ || 67 ||

aṅgirāḥ kaṅkabheruṇḍā cāndrāyaṇaparāyaṇā |

jyotiṣṭomaḥ gudo darśo nandyākhyaḥ paurṇamāsikaḥ || 68 ||

gajapratigraho rātriḥ saurabhaḥ śāṅkalāyanaḥ |

saubhāgyakṛcca kārīṣo baidalāyanarāmaṭhau || 69 ||

śociṣkārī nāciketaḥ śāntikṛtpuṣṭikṛttathā |

vainateyoccāṭanau ca vaśīkaraṇa māraṇe || 70 ||

trailokyamohano vīraḥ kandarpabalaśātanaḥ |

śaṅkhacūḍo gajacchāyo raudrākhyo viṣṇuvikramaḥ || 71 ||

bhairavaḥ kavahākhyaścāvabhṛtho'ṣṭakapālakaḥ |

śrauṣaṭ vauṣaṭ vaṣaṭkāraḥ pākasaṃsthā pariśrutī || 72 ||

cayano naramedhaśca kārīrī ratnadānikā |

sautrāmaṇī ca bhārundā bārhaspatyo balaṅgamaḥ || 73 ||

pracetāḥ sarvasatraśca gajamedhaḥ karambhakaḥ |

haviḥsaṃsthā somasaṃsthā pākasaṃsthā garutmatī || 74 ||

satyasūryaścamasaḥ sruk sruvolūkhala mekṣaṇī |

capalo manthanī meḍhī yūpaḥ prāgvaṃśakuñcikā || 75 ||

raśmiraṃśuśca dobhyaśca vāruṇodaḥ paviḥ kuthā |

āptoryāmo droṇakalaśo maitrāvaruṇa āśvinaḥ || 76 ||

pātnīvataśca manthī ca hāriyojana eva ca |

pratiprasthānaśukrau ca sāmidhenī samitsamā || 77 ||

hotā'dhvaryustathodgātā netā tvaṣṭā ca yotrikā |

āgnīdhro'cchāvakāṣṭāvaggrāvastutpratardakaḥ || 78 ||

subrahmaṇyo brāhmaṇaśca maitrāvaruṇavāruṇau |

prastotā pratiprasthātā yajamāno dhruvantrikā || 79 ||

āmikṣā pṛṣadājyaṃ ca havyaṃ kavyaṃ caruḥ payaḥ |

juhudghrāvopabhṛdbrahmā trayī tretā tarasvinī || 80 ||

puroḍāśaḥ paśūkarṣaḥ prokṣaṇī brahmayajñinī |

agnijihvā darbharomā brahmaśīrṣā mahodarī || 81 ||

amṛtaprāśikā nārāyaṇī nagnā digambarā |

oṅkāriṇī caturvedarūpā śrutiranulbaṇā || 82 ||

aṣṭādaśabhujā rambhā satyā gaganacāriṇī |

bhīmavaktrā mahāvaktrā kīrtirākṛṣṇapiṅgalā || 83 ||

kṛṣṇamūrdhā mahāmūrdhā ghoramūrdhā bhayānanā |

ghorānanā ghorajihvā ghorarāvā mahāvratā || 84 ||

dīptāsyā dīptanetrā ca caṇḍapraharaṇā jaṭī |

surabhī saulabhī vīcī chāyā sandhyā ca māṃsalā || 85 ||

kṛṣṇā kṛṣṇāmbarā kṛṣṇaśārṅgiṇī kṛṣṇavallabhā |

trāsinī mohinī dveṣyā mṛtyurūpā bhayāpahā || 86 ||

bhīṣaṇā dānavendraghnī kalpakartā kṣayaṅkarī |

abhayā pṛthivī sādhvī keśinī vyādhijanmahā || 87 ||

akṣobhyā''hlādinī kanyā pavitrā ropiṇī śubhā |

kanyādevī surādevī bhīmādevī madantikā || 88 ||

śākambharī mahāśvetā dhūmrā dhūmreśvarīśvarī |

vīrabhadrā mahābhadrā mahādevī mahāsurī || 89 ||

śmaśānavāsinī dīptā citisaṃsthā citipriyā |

kapālahastā khaṭvāṅgī khaḍginī śūlinī halī || 90 ||

kāntāriṇī mahāyogī yogamārgā yugagrahā |

dhūmraketurmahāsyāyuryugānāṃ parivartinī || 91 ||

aṅgāriṇyaṅkuśakarā ghaṇṭāvarṇā ca cakriṇī |

vetālī brahmavetālī mahāvetālikā tathā || 92 ||

vidyārājñī moharājñī mahārājñī mahodarī |

bhūtaṃ bhavyaṃ bhaviṣyaṃ ca sāṅkhyaṃ yogastapo damaḥ || 93 ||

adhyātmaṃ cādhidaivaṃ cādhibhūtāṃśa eva ca |

ghaṇṭāravā virūpākṣī śikhivicchrīcayapriyā || 94 ||

khaḍgaśūlagadāhastā mahiṣāsuramardinī |

mātaṅgī mattamātaṅgī kauśikī brahmavādinī || 95 ||

ugratejā siddhasenā jṛmbhiṇī mohinī tathā |

jayā ca vijayā caiva vinatā kadrureva ca || 96 ||

dhātrī vidhātrī vikrāntā dhvastā mūrchā ca mūrchanī |

damanī dharmiṇī damyā chedinī tāpinī tapī || 97 ||

bandhinī bādhinī bandhā bodhātītā budhapriyā |

hariṇī hāriṇī hantrī dhariṇī dhāriṇī dharā || 98 ||

visādhinī sādhinī ca sandhyā saṅgopanī priyā |

revatī kālakarṇī ca siddhirlakṣmīrarundhatī || 99 ||

dharmapriyā dharmaratiḥ dharmiṣṭhā dharmacāriṇī |

vyuṣṭiḥ khyātiḥ sinīvālī kuhūḥ ṛtumatī mṛtiḥ || 100 ||

tvāṣṭrī vairocanī maitrī nīrajā kaiṭabheśvarī |

bhramaṇī bhrāmaṇī bhrāmā bhramarī bhrāmarī bhramā || 101 ||

niṣkalā kalahā nītā kaulākārā kalebarā |

vidyujjihvā varṣiṇī ca hiraṇyākṣanipātinī || 102 ||

jitakāmā kāmṛgayā kolā kalpāṅginī kalā | [kāmagamā]

pradhānā tārakā tārā hitātmā hitabhedinī || 103 ||

durakṣarā parabrahma mahādānā mahāhavā |

vāruṇī vyaruṇī vāṇī vīṇā veṇī vihaṅgamā || 104 ||

modapriyā modakinī plavanī plāvinī plutiḥ |

ajarā lohitā lākṣā prataptā viśvabhojinī || 105 ||

mano buddhirahaṅkāraḥ kṣetrajñā kṣetrapālikā |

caturvedā caturbhārā caturantā carupriyā || 106 ||

carviṇī coriṇī cārī śāṅkarī carmabhairavī |

nirlepā niṣprapañcā ca praśāntā nityavigrahā || 107 ||

stavyā stavapriyā vyālā gururāśritavatsalā |

niṣkalaṅkā nirālambā nirdvandvā niṣparigrahā || 108 ||

nirguṇā nirmalā nityā nirīhā niraghā navā |

nirindriyā nirābhāsā nirmohā nītināyikā || 109 ||

nirindhanā niṣkalā ca līlākārā nirāmayā |

muṇḍā virūpā vikṛtā piṅgalākṣī guṇottarā || 110 ||

padmagarbhā mahāgarbhā viśvagarbhā vilakṣaṇā |

paramātmā pareśānī parā pārā parantapā || 111 ||

saṃsārasetuḥ krūrākṣī mūrchāmuktā manupriyā | [magnā]

vismayā durjayā dakṣā danuhantrī dayālayā || 112 ||

parabrahmā''nandarūpā sarvasiddhividhāyinī | om |

evamuḍḍāmarātantrānmayoddhṛtya prakāśitam || 113 ||

gopanīyaṃ prayatnena nākhyeyaṃ yasya kasyacit |

yadīcchasi drutaṃ siddhimaiśvaryaṃ cirajīvitām || 114 ||

ārogyaṃ nṛpasammānaṃ dānānyasya tu kīrtayet |

nāmnāṃ sahasraṃ vārāhyāḥ mayā te samudīritam || 115 ||

yaḥ paṭhecchṛṇuyādvāpi sarvapāpaiḥ pramucyate |

aśvamedhasahasrasya vājapeyaśatasya ca || 116 ||

puṇḍarīkāyutasyāpi phalaṃ pāṭhāt prajāyate |

paṭhataḥ sarvabhāvena sarvā syuḥ siddhayaḥ kare || 117 ||

jāyate mahadaiśvaryaṃ sarveṣāṃ dayito bhavet |

ghanasārāyate vahniragādhobdhiḥ kaṇāyate || 118 ||

siddhayaśca tṛṇāyante viṣamapyamṛtāyate |

hārāyante mahāsarpāḥ siṃhaḥ krīḍāmṛgāyate || 119 ||

dāsāyante mahīpālā jaganmitrāyate'khilam |

tasmānnāmnāṃ sahasreṇa stutā sā jagadambikā |

prayacchatyakhilān kāmān dehānte paramāṃ gatim || 120 ||

iti uḍḍāmaratantre śrī ādivārāhī sahasranāma stotram ||