Sundarakanda Prarthana Shlokah

ॐ

സുന്ദരകാണ്ഡ പ്രാര്ഥനാ ശ്ലോകാഃ

Valmiki Malayalam

മനോജവം മാരുതതുല്യവേഗം

ജിതേന്ദ്രിയം ബുദ്ധിമതാം വരിഷ്ഠമ് ।

വാതാത്മജം വാനരയൂഥമുഖ്യം

ശ്രീരാമദൂതം ശിരസാ നമാമി ॥

അഞ്ജനാനന്ദനം വീരം ജാനകീശോകനാശനമ് ।

കപീശമക്ഷഹന്താരം വന്ദേ ലങ്കാഭയങ്കരമ് ॥

ഗോഷ്പദീകൃതവാരാശിം മശകീകൃതരാക്ഷസമ് ।

രാമായണമഹാമാലാരത്നം വന്ദേഽനിലാത്മജമ് ॥

യത്ര യത്ര രഘുനാഥകീര്തനം തത്ര തത്ര കൃതമസ്തകാഞ്ജലിമ് ।

ബാഷ്പവാരിപരിപൂര്ണലോചനം മാരുതിം നമത രാക്ഷസാന്തകമ് ॥

വന്ദേ വാനര-നാരസിംഹ-ഖഗരാട്-ക്രോഡാശ്വവക്ത്രാഞ്ചിതം

നാനാലങ്കരണം ത്രിപഞ്ചനയനം ദേദീപ്യമാനം രുചാമ് ।

ഹസ്താഭൈരസിഖേടപുസ്തകസുധാഭാണ്ഡം കുശാദ്രീന് ഹലം

ഖട്വാങ്ഗം ഫണിവൃക്ഷധൃദ്ദശഭുജം സര്വാരിഗര്വാപഹമ് ॥

സര്വാരിഷ്ടനിവാരകം ശുഭകരം പിങ്ഗാക്ഷമക്ഷാപഹം

സീതാന്വേഷണതത്പരം കപിവരം കോടീന്ദുസൂര്യപ്രഭമ് ।

ലങ്കാദ്വീപഭയങ്കരം സകലദം സുഗ്രീവസമ്മാനിതം

ദേവേന്ദ്രാദി സമക്തദേവവിനുതം കാകുത്ഥദൂതം ഭജേ ॥

ബുദ്ധിര്ബലം യശോ ധൈര്യം നിര്ഭയത്വമരോഗതാ ।

അജാഡ്യം വാക്പടുത്വം ച ഹനുമച്ഛരണാദ്ഭവേത് ॥

നമോഽസ്തുരാമായ സലക്ഷ്മണായ ദേവ്യൈ ച തസ്യൈ ജനകാത്മജായൈ ।

നമോഽസ്തു രുദ്രേന്ദ്രയമാനിലേഭ്യോ നമോഽസ്തു ചന്ദ്രാര്കമരുദ്ഗണേഭ്യഃ ॥

ജയത്യതിബലോ രാമോ ലക്ഷ്മണശ്ച മഹാബലഃ ।

രാജാ ജയതി സുഗ്രീവോ രാഘവേണാഭിപാലിതഃ ॥

ദാസോഽഹം കോസലേന്ദ്രസ്യ രാമസ്യാക്ലിഷ്ടകര്മണഃ ।

ഹനുമാന് ശത്രുസൈന്യാനാം നിഹന്താ മാരുതാത്മജഃ ॥

ന രാവണസഹസ്രം മേ യുദ്ധേ പ്രതിബലം ഭവേത് ।

ശിലാഭിസ്തു പ്രഹരതഃ പാദപൈശ്ച സഹസ്രശഃ ॥

അര്ദയിത്വാ പുരീം ലങ്കാം അഭിവാദ്യ ച മൈഥിലീമ് ।

സമൃദ്ധാര്ഥോ ഗമിഷ്യാമി മിഷതാം സര്വരക്ഷസാമ് ॥

ധര്മാത്മാ സത്യസന്ധശ്ച രാമോ ദാശരഥിര്യദി ।

പൌരുഷേ ചാപ്രതിദ്വന്ദ്വഃ ശരൈനം ജഹി രാവണിമ് ॥

സകൃദേവ പ്രപന്നായ തവാസ്മീതി ച യാചതേ ।

അഭയം സര്വഭൂതേഭ്യഃ ദദാമ്യേതദ്വ്രതം മമ ॥

ഇതി സുന്ദരകാണ്ഡ പ്രാര്ഥനാ ശ്ലോകാഃ സമാപ്താ ।

Roman (IAST) Transliteration

manojavaṃ mārutatulyavegaṃ

jitendriyaṃ buddhimatāṃ variṣṭham |

vātātmajaṃ vānarayūthamukhyaṃ

śrīrāmadūtaṃ śirasā namāmi ||

añjanānandanaṃ vīraṃ jānakīśokanāśanam |

kapīśamakṣahantāraṃ vande laṅkābhayaṅkaram ||

goṣpadīkṛtavārāśiṃ maśakīkṛtarākṣasam |

rāmāyaṇamahāmālāratnaṃ vande'nilātmajam ||

yatra yatra raghunāthakīrtanaṃ tatra tatra kṛtamastakāñjalim |

bāṣpavāriparipūrṇalocanaṃ mārutiṃ namata rākṣasāntakam ||

vande vānara-nārasiṃha-khagarāṭ-kroḍāśvavaktrāñcitaṃ

nānālaṅkaraṇaṃ tripañcanayanaṃ dedīpyamānaṃ rucām |

hastābhairasikheṭapustakasudhābhāṇḍaṃ kuśādrīn halaṃ

khaṭvāṅgaṃ phaṇivṛkṣadhṛddaśabhujaṃ sarvārigarvāpaham ||

sarvāriṣṭanivārakaṃ śubhakaraṃ piṅgākṣamakṣāpahaṃ

sītānveṣaṇatatparaṃ kapivaraṃ koṭīndusūryaprabham |

laṅkādvīpabhayaṅkaraṃ sakaladaṃ sugrīvasammānitaṃ

devendrādi samaktadevavinutaṃ kākutthadūtaṃ bhaje ||

buddhirbalaṃ yaśo dhairyaṃ nirbhayatvamarogatā |

ajāḍyaṃ vākpaṭutvaṃ ca hanumaccharaṇādbhavet ||

namo'sturāmāya salakṣmaṇāya devyai ca tasyai janakātmajāyai |

namo'stu rudrendrayamānilebhyo namo'stu candrārkamarudgaṇebhyaḥ ||

jayatyatibalo rāmo lakṣmaṇaśca mahābalaḥ |

rājā jayati sugrīvo rāghaveṇābhipālitaḥ ||

dāso'haṃ kosalendrasya rāmasyākliṣṭakarmaṇaḥ |

hanumān śatrusainyānāṃ nihantā mārutātmajaḥ ||

na rāvaṇasahasraṃ me yuddhe pratibalaṃ bhavet |

śilābhistu praharataḥ pādapaiśca sahasraśaḥ ||

ardayitvā purīṃ laṅkāṃ abhivādya ca maithilīm |

samṛddhārtho gamiṣyāmi miṣatāṃ sarvarakṣasām ||

dharmātmā satyasandhaśca rāmo dāśarathiryadi |

pauruṣe cāpratidvandvaḥ śarainaṃ jahi rāvaṇim ||

sakṛdeva prapannāya tavāsmīti ca yācate |

abhayaṃ sarvabhūtebhyaḥ dadāmyetadvrataṃ mama ||

iti sundarakāṇḍa prārthanā ślokāḥ samāptā |