Subrahmanya Pancha Ratna Stotram

ॐ

സുബ്രഹ്മണ്യ പഞ്ച രത്ന സ്തോത്രമ്

Murugan Pancharatnam Malayalam

ഷഡാനനം ചന്ദനലേപിതാങ്ഗം മഹോരസം ദിവ്യമയൂരവാഹനമ് ।

രുദ്രസ്യസൂനും സുരലോകനാഥം ബ്രഹ്മണ്യദേവം ശരണം പ്രപദ്യേ ॥ 1 ॥

ജാജ്വല്യമാനം സുരവൃന്ദവന്ദ്യം കുമാര ധാരാതട മന്ദിരസ്ഥമ് ।

കന്ദര്പരൂപം കമനീയഗാത്രം ബ്രഹ്മണ്യദേവം ശരണം പ്രപദ്യേ ॥ 2 ॥

ദ്വിഷഡ്ഭുജം ദ്വാദശദിവ്യനേത്രം ത്രയീതനും ശൂലമസീ ദധാനമ് ।

ശേഷാവതാരം കമനീയരൂപം ബ്രഹ്മണ്യദേവം ശരണം പ്രപദ്യേ ॥ 3 ॥

സുരാരിഘോരാഹവശോഭമാനം സുരോത്തമം ശക്തിധരം കുമാരമ് ।

സുധാര ശക്ത്യായുധ ശോഭിഹസ്തം ബ്രഹ്മണ്യദേവം ശരണം പ്രപദ്യേ ॥ 4 ॥

ഇഷ്ടാര്ഥസിദ്ധിപ്രദമീശപുത്രം ഇഷ്ടാന്നദം ഭൂസുരകാമധേനുമ് ।

ഗങ്ഗോദ്ഭവം സര്വജനാനുകൂലം ബ്രഹ്മണ്യദേവം ശരണം പ്രപദ്യേ ॥ 5 ॥

യഃ ശ്ലോകപഞ്ചമിദം പഠതീഹ ഭക്ത്യാ

ബ്രഹ്മണ്യദേവ വിനിവേശിത മാനസഃ സന് ।

പ്രാപ്നോതി ഭോഗമഖിലം ഭുവി യദ്യദിഷ്ടമ്

അന്തേ സ ഗച്ഛതി മുദാ ഗുഹസാമ്യമേവ ॥

Roman (IAST) Transliteration

ṣaḍānanaṃ candanalepitāṅgaṃ mahorasaṃ divyamayūravāhanam |

rudrasyasūnuṃ suralokanāthaṃ brahmaṇyadevaṃ śaraṇaṃ prapadye || 1 ||

jājvalyamānaṃ suravṛndavandyaṃ kumāra dhārātaṭa mandirastham |

kandarparūpaṃ kamanīyagātraṃ brahmaṇyadevaṃ śaraṇaṃ prapadye || 2 ||

dviṣaḍbhujaṃ dvādaśadivyanetraṃ trayītanuṃ śūlamasī dadhānam |

śeṣāvatāraṃ kamanīyarūpaṃ brahmaṇyadevaṃ śaraṇaṃ prapadye || 3 ||

surārighorāhavaśobhamānaṃ surottamaṃ śaktidharaṃ kumāram |

sudhāra śaktyāyudha śobhihastaṃ brahmaṇyadevaṃ śaraṇaṃ prapadye || 4 ||

iṣṭārthasiddhipradamīśaputraṃ iṣṭānnadaṃ bhūsurakāmadhenum |

gaṅgodbhavaṃ sarvajanānukūlaṃ brahmaṇyadevaṃ śaraṇaṃ prapadye || 5 ||

yaḥ ślokapañcamidaṃ paṭhatīha bhaktyā

brahmaṇyadeva viniveśita mānasaḥ san |

prāpnoti bhogamakhilaṃ bhuvi yadyadiṣṭam

ante sa gacchati mudā guhasāmyameva ||