Shri Vishnu Panjara Stotram

ॐ

ശ്രീ വിഷ്ണു പഞ്ജര സ്തോത്രമ്

Vishnu Stotram Malayalam

ഓം അസ്യ ശ്രീവിഷ്ണുപഞ്ജരസ്തോത്ര മഹാമന്ത്രസ്യ നാരദ ഋഷിഃ । അനുഷ്ടുപ് ഛന്ദഃ । ശ്രീവിഷ്ണുഃ പരമാത്മാ ദേവതാ । അഹം ബീജമ് । സോഹം ശക്തിഃ । ഓം ഹ്രീം കീലകമ് । മമ സര്വദേഹരക്ഷണാര്ഥം ജപേ വിനിയോഗഃ ।

നാരദ ഋഷയേ നമഃ മുഖേ । ശ്രീവിഷ്ണുപരമാത്മദേവതായൈ നമഃ ഹൃദയേ । അഹം ബീജം ഗുഹ്യേ । സോഹം ശക്തിഃ പാദയോഃ । ഓം ഹ്രീം കീലകം പാദാഗ്രേ । ഓം ഹ്രാം ഹ്രീം ഹ്രൂം ഹ്രൈം ഹ്രൌം ഹ്രഃ ഇതി മന്ത്രഃ ।

ഓം ഹ്രാം അങ്ഗുഷ്ഠാഭ്യാം നമഃ ।

ഓം ഹ്രീം തര്ജനീഭ്യാം നമഃ ।

ഓം ഹ്രൂം മധ്യമാഭ്യാം നമഃ ।

ഓം ഹ്രൈം അനാമികാഭ്യാം നമഃ ।

ഓം ഹ്രൌം കനിഷ്ഠികാഭ്യാം നമഃ ।

ഓം ഹ്രഃ കരതലകരപൃഷ്ഠാഭ്യാം നമഃ ।

ഇതി കരന്യാസഃ ।

ഓം ഹ്രാം ഹൃദയായ നമഃ ।

ഓം ഹ്രീം ശിരസേ സ്വാഹാ ।

ഓം ഹ്രൂം ശിഖായൈ വഷട് ।

ഓം ഹ്രൈം കവചായ ഹുമ് ।

ഓം ഹ്രൌം നേത്രത്രയായ വൌഷട് ।

ഓം ഹ്രഃ അസ്ത്രായ ഫട് ।

ഇതി അങ്ഗന്യാസഃ ।

അഹം ബീജം പ്രാണായാമം മന്ത്രത്രയേണ കുര്യാത് ।

ധ്യാനമ് ।

പരം പരസ്മാത്പ്രകൃതേരനാദിമേകം നിവിഷ്ടം ബഹുധാ ഗുഹായാമ് ।

സര്വാലയം സര്വചരാചരസ്ഥം നമാമി വിഷ്ണും ജഗദേകനാഥമ് ॥ 1 ॥

ഓം വിഷ്ണുപഞ്ജരകം ദിവ്യം സര്വദുഷ്ടനിവാരണമ് ।

ഉഗ്രതേജോ മഹാവീര്യം സര്വശത്രുനികൃന്തനമ് ॥ 2 ॥

ത്രിപുരം ദഹമാനസ്യ ഹരസ്യ ബ്രഹ്മണോ ഹിതമ് ।

തദഹം സമ്പ്രവക്ഷ്യാമി ആത്മരക്ഷാകരം നൃണാമ് ॥ 3 ॥

പാദൌ രക്ഷതു ഗോവിന്ദോ ജങ്ഘേ ചൈവ ത്രിവിക്രമഃ ।

ഊരൂ മേ കേശവഃ പാതു കടിം ചൈവ ജനാര്ദനഃ ॥ 4 ॥

നാഭിം ചൈവാച്യുതഃ പാതു ഗുഹ്യം ചൈവ തു വാമനഃ ।

ഉദരം പദ്മനാഭശ്ച പൃഷ്ഠം ചൈവ തു മാധവഃ ॥ 5 ॥

വാമപാര്ശ്വം തഥാ വിഷ്ണുര്ദക്ഷിണം മധുസൂദനഃ ।

ബാഹൂ വൈ വാസുദേവശ്ച ഹൃദി ദാമോദരസ്തഥാ ॥ 6 ॥

കണ്ഠം രക്ഷതു വാരാഹഃ കൃഷ്ണശ്ച മുഖമണ്ഡലമ് ।

മാധവഃ കര്ണമൂലേ തു ഹൃഷീകേശശ്ച നാസികേ ॥ 7 ॥

നേത്രേ നാരായണോ രക്ഷേല്ലലാടം ഗരുഡധ്വജഃ ।

കപോലൌ കേശവോ രക്ഷേദ്വൈകുണ്ഠഃ സര്വതോദിശമ് ॥ 8 ॥

ശ്രീവത്സാങ്കശ്ച സര്വേഷാമങ്ഗാനാം രക്ഷകോ ഭവേത് ।

പൂര്വസ്യാം പുണ്ഡരീകാക്ഷ ആഗ്നേയ്യാം ശ്രീധരസ്തഥാ ॥ 9 ॥

ദക്ഷിണേ നാരസിംഹശ്ച നൈരൃത്യാം മാധവോഽവതു ।

പുരുഷോത്തമോ വാരുണ്യാം വായവ്യാം ച ജനാര്ദനഃ ॥ 10 ॥

ഗദാധരസ്തു കൌബേര്യാമീശാന്യാം പാതു കേശവഃ ।

ആകാശേ ച ഗദാ പാതു പാതാലേ ച സുദര്ശനമ് ॥ 11 ॥

സന്നദ്ധഃ സര്വഗാത്രേഷു പ്രവിഷ്ടോ വിഷ്ണുപഞ്ജരഃ ।

വിഷ്ണുപഞ്ജരവിഷ്ടോഽഹം വിചരാമി മഹീതലേ ॥ 12 ॥

രാജദ്വാരേഽപഥേ ഘോരേ സങ്ഗ്രാമേ ശത്രുസങ്കടേ ।

നദീഷു ച രണേ ചൈവ ചോരവ്യാഘ്രഭയേഷു ച ॥ 13 ॥

ഡാകിനീപ്രേതഭൂതേഷു ഭയം തസ്യ ന ജായതേ ।

രക്ഷ രക്ഷ മഹാദേവ രക്ഷ രക്ഷ ജനേശ്വര ॥ 14 ॥

രക്ഷന്തു ദേവതാഃ സര്വാ ബ്രഹ്മവിഷ്ണുമഹേശ്വരാഃ ।

ജലേ രക്ഷതു വാരാഹഃ സ്ഥലേ രക്ഷതു വാമനഃ ॥ 15 ॥

അടവ്യാം നാരസിംഹശ്ച സര്വതഃ പാതു കേശവഃ ॥

ദിവാ രക്ഷതു മാം സൂര്യോ രാത്രൌ രക്ഷതു ചന്ദ്രമാഃ ॥ 16 ॥

പന്ഥാനം ദുര്ഗമം രക്ഷേത്സര്വമേവ ജനാര്ദനഃ ।

രോഗവിഘ്നഹതശ്ചൈവ ബ്രഹ്മഹാ ഗുരുതല്പഗഃ ॥ 17 ॥

സ്ത്രീഹന്താ ബാലഘാതീ ച സുരാപോ വൃഷലീപതിഃ ।

മുച്യതേ സര്വപാപേഭ്യോ യഃ പഠേന്നാത്ര സംശയഃ ॥ 18 ॥

അപുത്രോ ലഭതേ പുത്രം ധനാര്ഥീ ലഭതേ ധനമ് ।

വിദ്യാര്ഥീ ലഭതേ വിദ്യാം മോക്ഷാര്ഥീ ലഭതേ ഗതിമ് ॥ 19 ॥

ആപദോ ഹരതേ നിത്യം വിഷ്ണുസ്തോത്രാര്ഥസമ്പദാ ।

യസ്ത്വിദം പഠതേ സ്തോത്രം വിഷ്ണുപഞ്ജരമുത്തമമ് ॥ 20 ॥

മുച്യതേ സര്വപാപേഭ്യോ വിഷ്ണുലോകം സ ഗച്ഛതി ।

ഗോസഹസ്രഫലം തസ്യ വാജപേയശതസ്യ ച ॥ 21 ॥

അശ്വമേധസഹസ്രസ്യ ഫലം പ്രാപ്നോതി മാനവഃ ।

സര്വകാമം ലഭേദസ്യ പഠനാന്നാത്ര സംശയഃ ॥ 22 ॥

ജലേ വിഷ്ണുഃ സ്ഥലേ വിഷ്ണുര്വിഷ്ണുഃ പര്വതമസ്തകേ ।

ജ്വാലാമാലാകുലേ വിഷ്ണുഃ സര്വം വിഷ്ണുമയം ജഗത് ॥ 23 ॥

ഇതി ശ്രീബ്രഹ്മാണ്ഡപുരാണേ ഇന്ദ്രനാരദസംവാദേ ശ്രീവിഷ്ണുപഞ്ജരസ്തോത്രമ് ॥

Roman (IAST) Transliteration

oṃ hrāṃ aṅguṣṭhābhyāṃ namaḥ |

oṃ hrīṃ tarjanībhyāṃ namaḥ |

oṃ hrūṃ madhyamābhyāṃ namaḥ |

oṃ hraiṃ anāmikābhyāṃ namaḥ |

oṃ hrauṃ kaniṣṭhikābhyāṃ namaḥ |

oṃ hraḥ karatalakarapṛṣṭhābhyāṃ namaḥ |

iti karanyāsaḥ |

oṃ hrāṃ hṛdayāya namaḥ |

oṃ hrīṃ śirase svāhā |

oṃ hrūṃ śikhāyai vaṣaṭ |

oṃ hraiṃ kavacāya hum |

oṃ hrauṃ netratrayāya vauṣaṭ |

oṃ hraḥ astrāya phaṭ |

iti aṅganyāsaḥ |

ahaṃ bījaṃ prāṇāyāmaṃ mantratrayeṇa kuryāt |

dhyānam |

paraṃ parasmātprakṛteranādimekaṃ niviṣṭaṃ bahudhā guhāyām |

sarvālayaṃ sarvacarācarasthaṃ namāmi viṣṇuṃ jagadekanātham || 1 ||

oṃ viṣṇupañjarakaṃ divyaṃ sarvaduṣṭanivāraṇam |

ugratejo mahāvīryaṃ sarvaśatrunikṛntanam || 2 ||

tripuraṃ dahamānasya harasya brahmaṇo hitam |

tadahaṃ sampravakṣyāmi ātmarakṣākaraṃ nṛṇām || 3 ||

pādau rakṣatu govindo jaṅghe caiva trivikramaḥ |

ūrū me keśavaḥ pātu kaṭiṃ caiva janārdanaḥ || 4 ||

nābhiṃ caivācyutaḥ pātu guhyaṃ caiva tu vāmanaḥ |

udaraṃ padmanābhaśca pṛṣṭhaṃ caiva tu mādhavaḥ || 5 ||

vāmapārśvaṃ tathā viṣṇurdakṣiṇaṃ madhusūdanaḥ |

bāhū vai vāsudevaśca hṛdi dāmodarastathā || 6 ||

kaṇṭhaṃ rakṣatu vārāhaḥ kṛṣṇaśca mukhamaṇḍalam |

mādhavaḥ karṇamūle tu hṛṣīkeśaśca nāsike || 7 ||

netre nārāyaṇo rakṣellalāṭaṃ garuḍadhvajaḥ |

kapolau keśavo rakṣedvaikuṇṭhaḥ sarvatodiśam || 8 ||

śrīvatsāṅkaśca sarveṣāmaṅgānāṃ rakṣako bhavet |

pūrvasyāṃ puṇḍarīkākṣa āgneyyāṃ śrīdharastathā || 9 ||

dakṣiṇe nārasiṃhaśca nairṛtyāṃ mādhavo'vatu |

puruṣottamo vāruṇyāṃ vāyavyāṃ ca janārdanaḥ || 10 ||

gadādharastu kauberyāmīśānyāṃ pātu keśavaḥ |

ākāśe ca gadā pātu pātāle ca sudarśanam || 11 ||

sannaddhaḥ sarvagātreṣu praviṣṭo viṣṇupañjaraḥ |

viṣṇupañjaraviṣṭo'haṃ vicarāmi mahītale || 12 ||

rājadvāre'pathe ghore saṅgrāme śatrusaṅkaṭe |

nadīṣu ca raṇe caiva coravyāghrabhayeṣu ca || 13 ||

ḍākinīpretabhūteṣu bhayaṃ tasya na jāyate |

rakṣa rakṣa mahādeva rakṣa rakṣa janeśvara || 14 ||

rakṣantu devatāḥ sarvā brahmaviṣṇumaheśvarāḥ |

jale rakṣatu vārāhaḥ sthale rakṣatu vāmanaḥ || 15 ||

aṭavyāṃ nārasiṃhaśca sarvataḥ pātu keśavaḥ ||

divā rakṣatu māṃ sūryo rātrau rakṣatu candramāḥ || 16 ||

panthānaṃ durgamaṃ rakṣetsarvameva janārdanaḥ |

rogavighnahataścaiva brahmahā gurutalpagaḥ || 17 ||

strīhantā bālaghātī ca surāpo vṛṣalīpatiḥ |

mucyate sarvapāpebhyo yaḥ paṭhennātra saṃśayaḥ || 18 ||

aputro labhate putraṃ dhanārthī labhate dhanam |

vidyārthī labhate vidyāṃ mokṣārthī labhate gatim || 19 ||

āpado harate nityaṃ viṣṇustotrārthasampadā |

yastvidaṃ paṭhate stotraṃ viṣṇupañjaramuttamam || 20 ||

mucyate sarvapāpebhyo viṣṇulokaṃ sa gacchati |

gosahasraphalaṃ tasya vājapeyaśatasya ca || 21 ||

aśvamedhasahasrasya phalaṃ prāpnoti mānavaḥ |

sarvakāmaṃ labhedasya paṭhanānnātra saṃśayaḥ || 22 ||

jale viṣṇuḥ sthale viṣṇurviṣṇuḥ parvatamastake |

jvālāmālākule viṣṇuḥ sarvaṃ viṣṇumayaṃ jagat || 23 ||

iti śrībrahmāṇḍapurāṇe indranāradasaṃvāde śrīviṣṇupañjarastotram ||