📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ വിനായക സ്തവരാജഃ
Shri Vinayaka Stavarajah
Ganesha Stotram Malayalam
ബീജാപൂരഗദേക്ഷുകാര്മുകരുജാ ചക്രാബ്ജപാശോത്പല-
-വ്രീഹ്യഗ്രസ്വവിഷാണരത്നകലശപ്രോദ്യത്കരാമ്ഭോരുഹഃ ।
ധ്യേയോ വല്ലഭയാ സപദ്മകരയാശ്ലിഷ്ടോജ്ജ്വലദ്ഭൂഷയാ
വിശ്വോത്പത്തിവിപത്തിസംസ്ഥിതികരോ വിഘ്നേശ ഇഷ്ടാര്ഥദഃ ॥ 1 ॥
നമസ്തേ സിദ്ധിലക്ഷ്മീശ ഗണാധിപ മഹാപ്രഭോ ।
വിഘ്നേശ്വര ജഗന്നാഥ ഗൌരീപുത്ര ജഗത്പ്രഭോ ॥ 2 ॥
ജയ വിഘ്നേശ്വര വിഭോ വിനായക മഹേശ്വര ।
ലമ്ബോദര മഹാബാഹോ സര്വദാ ത്വം പ്രസീദ മേ ॥ 3 ॥
മഹാദേവ ജഗത്സ്വാമിന് മൂഷികാരൂഢ ശങ്കര ।
വിശാലാക്ഷ മഹാകായ മാം ത്രാഹി പരമേശ്വര ॥ 4 ॥
കുഞ്ജരാസ്യ സുരാധീശ മഹേശ കരുണാനിധേ ।
മാതുലുങ്ഗധര സ്വാമിന് ഗദാചക്രസമന്വിത ॥ 5 ॥
ദശബാഹോ മഹാരാജ ഗജവക്ത്ര ചതുര്ഭുജ ।
ശൂര്പകര്ണ മഹാകര്ണ ഗണനാഥ പ്രസീദ മേ ॥ 6 ॥
ശങ്ഖശൂലസമായുക്ത ബീജാപൂരസമന്വിത ।
ഇക്ഷുകാര്മുകസംയുക്ത പദ്മഹസ്ത പ്രസീദ മേ ॥ 7 ॥
നാനാഭരണസംയുക്ത രത്നകുമ്ഭകര പ്രഭോ ।
സര്ഗസ്ഥിതിലയാധീശ പരമാത്മന് ജയ പ്രഭോ ॥ 8 ॥
അനാഥനാഥ വിശ്വേശ വിഘ്നസങ്ഘവിനാശന ।
ത്രയീമൂര്തേ സുരപതേ ബ്രഹ്മവിഷ്ണുശിവാത്മക ॥ 9 ॥
ത്രയീഗുണ മഹാദേവ പാഹി മാം സര്വപാലക ।
അണിമാദിഗുണാധാര ലക്ഷ്മീശ്രീവിഷ്ണുപൂജിത ॥ 10 ॥
ഗൌരീശങ്കരസമ്പൂജ്യ ജയ ത്വം ഗണനായക ।
രതിമന്മഥസംസേവ്യ മഹീഭൂദാരസംസ്തുത ॥ 11 ॥
ഋദ്ധ്യാമോദാദിസംസേവ്യ മഹാഗണപതേ ജയ ।
ശങ്ഖപദ്മാദിസംസേവ്യ നിരാലമ്ബ നിരീശ്വര ॥ 12 ॥
നിഷ്കലങ്ക നിരാധാര പാഹി മാം നിത്യമവ്യയ ।
അനാദ്യ ജഗതാമാദ്യ പിതാമഹസുപൂജിത ॥ 13 ॥
ധൂമകേതോ ഗണാധ്യക്ഷ മഹാമൂഷകവാഹന ।
അനന്തപരമാനന്ദ ജയ വിഘ്നേശ്വരേശ്വര ॥ 14 ॥
രത്നസിംഹാസനാസീന കിരീടേന സുശോഭിത ।
പരാത്പര പരേശാന പരപൂരുഷ പാഹി മാമ് ॥ 15 ॥
നിര്ദ്വന്ദ്വ നിര്ഗുണാഭാസ ജപാപുഷ്പസമപ്രഭ ।
സര്വപ്രമഥസംസ്തുത്യ ത്രാഹി മാം വിഘ്നനായക ॥ 16 ॥
കുമാരസ്യ ഗുരോ ദേവ സര്വൈശ്വര്യപ്രദായക ।
സര്വാഭീഷ്ടപ്രദ സ്വാമിന് സര്വപ്രത്യൂഹനാശക ॥ 17 ॥
ശരണ്യ സര്വലോകാനാം ശരണാഗതവത്സല ।
മഹാഗണപതേ നിത്യം മാം പാലയ കൃപാനിധേ ॥ 18 ॥
ഏവം ശ്രീഗണനാഥസ്യ സ്തവരാജമനുത്തമമ് ।
യഃ പഠേച്ഛൃണുയാന്നിത്യം പ്രത്യൂഹൈഃ സ വിമുച്യതേ ॥ 19 ॥
അശ്വമേധസമം പുണ്യഫലം പ്രാപ്നോത്യനുത്തമമ് ।
വശീകരോതി ത്രൈലോക്യം പ്രാപ്യ സൌഭാഗ്യമുത്തമമ് ॥ 20 ॥
സര്വാഭീഷ്ടമവാപ്നോതി ശീഘ്രമേവ സുദുര്ലഭമ് ।
മഹാഗണേശസാന്നിധ്യം പ്രാപ്നോത്യേവ ന സംശയഃ ॥ 21 ॥
ഇതി ശ്രീരുദ്രയാമലേ ശ്രീവിനായകസ്തവരാജഃ സമ്പൂര്ണമ് ।
Roman (IAST) Transliteration
bījāpūragadekṣukārmukarujā cakrābjapāśotpala-
-vrīhyagrasvaviṣāṇaratnakalaśaprodyatkarāmbhoruhaḥ |
dhyeyo vallabhayā sapadmakarayāśliṣṭojjvaladbhūṣayā
viśvotpattivipattisaṃsthitikaro vighneśa iṣṭārthadaḥ || 1 ||
namaste siddhilakṣmīśa gaṇādhipa mahāprabho |
vighneśvara jagannātha gaurīputra jagatprabho || 2 ||
jaya vighneśvara vibho vināyaka maheśvara |
lambodara mahābāho sarvadā tvaṃ prasīda me || 3 ||
mahādeva jagatsvāmin mūṣikārūḍha śaṅkara |
viśālākṣa mahākāya māṃ trāhi parameśvara || 4 ||
kuñjarāsya surādhīśa maheśa karuṇānidhe |
mātuluṅgadhara svāmin gadācakrasamanvita || 5 ||
daśabāho mahārāja gajavaktra caturbhuja |
śūrpakarṇa mahākarṇa gaṇanātha prasīda me || 6 ||
śaṅkhaśūlasamāyukta bījāpūrasamanvita |
ikṣukārmukasaṃyukta padmahasta prasīda me || 7 ||
nānābharaṇasaṃyukta ratnakumbhakara prabho |
sargasthitilayādhīśa paramātman jaya prabho || 8 ||
anāthanātha viśveśa vighnasaṅghavināśana |
trayīmūrte surapate brahmaviṣṇuśivātmaka || 9 ||
trayīguṇa mahādeva pāhi māṃ sarvapālaka |
aṇimādiguṇādhāra lakṣmīśrīviṣṇupūjita || 10 ||
gaurīśaṅkarasampūjya jaya tvaṃ gaṇanāyaka |
ratimanmathasaṃsevya mahībhūdārasaṃstuta || 11 ||
ṛddhyāmodādisaṃsevya mahāgaṇapate jaya |
śaṅkhapadmādisaṃsevya nirālamba nirīśvara || 12 ||
niṣkalaṅka nirādhāra pāhi māṃ nityamavyaya |
anādya jagatāmādya pitāmahasupūjita || 13 ||
dhūmaketo gaṇādhyakṣa mahāmūṣakavāhana |
anantaparamānanda jaya vighneśvareśvara || 14 ||
ratnasiṃhāsanāsīna kirīṭena suśobhita |
parātpara pareśāna parapūruṣa pāhi mām || 15 ||
nirdvandva nirguṇābhāsa japāpuṣpasamaprabha |
sarvapramathasaṃstutya trāhi māṃ vighnanāyaka || 16 ||
kumārasya guro deva sarvaiśvaryapradāyaka |
sarvābhīṣṭaprada svāmin sarvapratyūhanāśaka || 17 ||
śaraṇya sarvalokānāṃ śaraṇāgatavatsala |
mahāgaṇapate nityaṃ māṃ pālaya kṛpānidhe || 18 ||
evaṃ śrīgaṇanāthasya stavarājamanuttamam |
yaḥ paṭhecchṛṇuyānnityaṃ pratyūhaiḥ sa vimucyate || 19 ||
aśvamedhasamaṃ puṇyaphalaṃ prāpnotyanuttamam |
vaśīkaroti trailokyaṃ prāpya saubhāgyamuttamam || 20 ||
sarvābhīṣṭamavāpnoti śīghrameva sudurlabham |
mahāgaṇeśasānnidhyaṃ prāpnotyeva na saṃśayaḥ || 21 ||
iti śrīrudrayāmale śrīvināyakastavarājaḥ sampūrṇam |
InfoLyter.in — Sacred Vedic Knowledge Portal · Free forever