Shri Venkateshvara Mangalashtakam

ॐ

ശ്രീ വേങ്കടേശ്വര മങ്ഗലാഷ്ടകമ്

Vishnu Ashtakam Malayalam

ശ്രീക്ഷോണ്യൌ രമണീയുഗം സുരമണീപുത്രോഽപി വാണീപതിഃ

പൌത്രശ്ചന്ദ്രശിരോമണിഃ ഫണിപതിഃ ശയ്യാ സുരാഃ സേവകാഃ ।

താര്ക്ഷ്യോ യസ്യ രഥോ മഹശ്ച ഭവനം ബ്രഹ്മാണ്ഡമാദ്യഃ പുമാന്

ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്മങ്ഗലമ് ॥ 1 ॥

യത്തേജോ രവികോടികോടികിരണാന് ധിക്കൃത്യ ജേജീയതേ

യസ്യ ശ്രീവദനാമ്ബുജസ്യ സുഷമാ രാകേന്ദുകോടീരപി ।

സൌന്ദര്യം ച മനോഭവാനപി ബഹൂന് കാന്തിശ്ച കാദമ്ബിനീം

ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്മങ്ഗലമ് ॥ 2 ॥

നാനാരത്ന കിരീടകുണ്ഡലമുഖൈര്ഭൂഷാഗണൈര്ഭൂഷിതഃ

ശ്രീമത്കൌസ്തുഭരത്ന ഭവ്യഹൃദയഃ ശ്രീവത്സസല്ലാഞ്ഛനഃ ।

വിദ്യുദ്വര്ണസുവര്ണവസ്ത്രരുചിരോ യഃ ശങ്ഖചക്രാദിഭിഃ

ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്മങ്ഗലമ് ॥ 3 ॥

യത്ഫാലേ മൃഗനാഭിചാരുതിലകോ നേത്രേഽബ്ജപത്രായതേ

കസ്തൂരീഘനസാരകേസരമിലച്ഛ്രീഗന്ധസാരോ ദ്രവൈഃ ।

ഗന്ധൈര്ലിപ്തതനുഃ സുഗന്ധസുമനോമാലാധരോ യഃ പ്രഭുഃ

ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്മങ്ഗലമ് ॥ 4 ॥

ഏതദ്ദിവ്യപദം മമാസ്തി ഭുവി തത്സമ്പശ്യതേത്യാദരാ-

-ദ്ഭക്തേഭ്യഃ സ്വകരേണ ദര്ശയതി യദ്ദൃഷ്ട്യാഽതിസൌഖ്യം ഗതഃ ।

ഏതദ്ഭക്തിമതോ മഹാനപി ഭവാമ്ഭോധിര്നദീതി സ്പൃശന്

ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്മങ്ഗലമ് ॥ 5 ॥

യഃ സ്വാമീ സരസസ്തടേ വിഹരതോ ശ്രീസ്വാമിനാമ്നഃ സദാ

സൌവര്ണാലയമന്ദിരോ വിധിമുഖൈര്ബര്ഹിര്മുഖൈഃ സേവിതഃ ।

യഃ ശത്രൂന് ഹനയന് നിജാനവതി ച ശ്രീഭൂവരാഹാത്മകഃ

ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്മങ്ഗലമ് ॥ 6 ॥

യോ ബ്രഹ്മാദിസുരാന് മുനീംശ്ച മനുജാന് ബ്രഹ്മോത്സവായാഗതാന്

ദൃഷ്ട്വാ ഹൃഷ്ടമനാ ബഭൂവ ബഹുശസ്തൈരര്ചിതഃ സംസ്തുതഃ ।

തേഭ്യോ യഃ പ്രദദാദ്വരാന് ബഹുവിധാന് ലക്ഷ്മീനിവാസോ വിഭുഃ

ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്മങ്ഗലമ് ॥ 7 ॥

യോ ദേവോ ഭുവി വര്തതേ കലിയുഗേ വൈകുണ്ഠലോകസ്ഥിതോ

ഭക്താനാം പരിപാലനായ സതതം കാരുണ്യവാരാം നിധിഃ ।

ശ്രീശേഷാഖ്യമഹീന്ധ്രമസ്തകമണിര്ഭക്തൈകചിന്താമണിഃ

ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്മങ്ഗലമ് ॥ 8 ॥

ശേഷാദ്രിപ്രഭുമങ്ഗലാഷ്ടകമിദം തുഷ്ടേന യസ്യേശിതുഃ

പ്രീത്യര്ഥം രചിതം രമേശചരണദ്വന്ദ്വൈകനിഷ്ഠാവതാ ।

വൈവാഹ്യാദിശുഭക്രിയാസു പഠിതം യൈഃ സാധു തേഷാമപി

ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്മങ്ഗലമ് ॥ 9 ॥

ഇതി ശ്രീ വേങ്കടേശ മങ്ഗലാഷ്ടകമ് ।

Roman (IAST) Transliteration

śrīkṣoṇyau ramaṇīyugaṃ suramaṇīputro'pi vāṇīpatiḥ

pautraścandraśiromaṇiḥ phaṇipatiḥ śayyā surāḥ sevakāḥ |

tārkṣyo yasya ratho mahaśca bhavanaṃ brahmāṇḍamādyaḥ pumān

śrīmadveṅkaṭabhūdharendraramaṇaḥ kuryāddharirmaṅgalam || 1 ||

yattejo ravikoṭikoṭikiraṇān dhikkṛtya jejīyate

yasya śrīvadanāmbujasya suṣamā rākendukoṭīrapi |

saundaryaṃ ca manobhavānapi bahūn kāntiśca kādambinīṃ

śrīmadveṅkaṭabhūdharendraramaṇaḥ kuryāddharirmaṅgalam || 2 ||

nānāratna kirīṭakuṇḍalamukhairbhūṣāgaṇairbhūṣitaḥ

śrīmatkaustubharatna bhavyahṛdayaḥ śrīvatsasallāñchanaḥ |

vidyudvarṇasuvarṇavastraruciro yaḥ śaṅkhacakrādibhiḥ

śrīmadveṅkaṭabhūdharendraramaṇaḥ kuryāddharirmaṅgalam || 3 ||

yatphāle mṛganābhicārutilako netre'bjapatrāyate

kastūrīghanasārakesaramilacchrīgandhasāro dravaiḥ |

gandhairliptatanuḥ sugandhasumanomālādharo yaḥ prabhuḥ

śrīmadveṅkaṭabhūdharendraramaṇaḥ kuryāddharirmaṅgalam || 4 ||

etaddivyapadaṃ mamāsti bhuvi tatsampaśyatetyādarā-

-dbhaktebhyaḥ svakareṇa darśayati yaddṛṣṭyā'tisaukhyaṃ gataḥ |

etadbhaktimato mahānapi bhavāmbhodhirnadīti spṛśan

śrīmadveṅkaṭabhūdharendraramaṇaḥ kuryāddharirmaṅgalam || 5 ||

yaḥ svāmī sarasastaṭe viharato śrīsvāmināmnaḥ sadā

sauvarṇālayamandiro vidhimukhairbarhirmukhaiḥ sevitaḥ |

yaḥ śatrūn hanayan nijānavati ca śrībhūvarāhātmakaḥ

śrīmadveṅkaṭabhūdharendraramaṇaḥ kuryāddharirmaṅgalam || 6 ||

yo brahmādisurān munīṃśca manujān brahmotsavāyāgatān

dṛṣṭvā hṛṣṭamanā babhūva bahuśastairarcitaḥ saṃstutaḥ |

tebhyo yaḥ pradadādvarān bahuvidhān lakṣmīnivāso vibhuḥ

śrīmadveṅkaṭabhūdharendraramaṇaḥ kuryāddharirmaṅgalam || 7 ||

yo devo bhuvi vartate kaliyuge vaikuṇṭhalokasthito

bhaktānāṃ paripālanāya satataṃ kāruṇyavārāṃ nidhiḥ |

śrīśeṣākhyamahīndhramastakamaṇirbhaktaikacintāmaṇiḥ

śrīmadveṅkaṭabhūdharendraramaṇaḥ kuryāddharirmaṅgalam || 8 ||

śeṣādriprabhumaṅgalāṣṭakamidaṃ tuṣṭena yasyeśituḥ

prītyarthaṃ racitaṃ rameśacaraṇadvandvaikaniṣṭhāvatā |

vaivāhyādiśubhakriyāsu paṭhitaṃ yaiḥ sādhu teṣāmapi

śrīmadveṅkaṭabhūdharendraramaṇaḥ kuryāddharirmaṅgalam || 9 ||

iti śrī veṅkaṭeśa maṅgalāṣṭakam |