📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ സൂര്യോപനിഷദ്
Shri Suryopanishad
Surya Upanishad Malayalam
ഓ-മ്ഭ॒ദ്ര-ങ്കര്ണേ॑ഭി-ശ്ശൃണു॒യാമ॑ ദേവാഃ । ഭ॒ദ്ര-മ്പ॑ശ്യേമാ॒ക്ഷഭി॒ര്യജ॑ത്രാഃ । സ്ഥി॒രൈരങ്ഗൈ᳚സ്തുഷ്ടു॒വാഗ്ം സ॑സ്ത॒നൂഭിഃ॑ । വ്യശേ॑മ ദേ॒വഹി॑തം॒-യഁദായുഃ॑ । സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ । സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ । സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമിഃ । സ്വ॒സ്തി നോ॒ ബൃഹ॒സ്പതി॑ര്ദധാതു । ഓം ശാന്തി॒-ശ്ശാന്തി॒-ശ്ശാന്തിഃ॑ ॥
ഓം അഥ സൂര്യാഥര്വാങ്ഗിരസം-വ്യാഁ᳚ഖ്യാസ്യാ॒മഃ । ബ്രഹ്മാ ഋ॒ഷിഃ । ഗായ॑ത്രീ ഛ॒ന്ദഃ । ആദി॑ത്യോ ദേ॒വതാ । ഹംസഃ॑ സോ॒-ഽഹമഗ്നിനാരായണ യു॑ക്ത-മ്ബീ॒ജമ് । ഹൃല്ലേ॑ഖാ ശ॒ക്തിഃ । വിയദാദിസര്ഗസം​യുഁ॑ക്ത-ങ്കീ॒ലകമ് । ചതുര്വിധപുരുഷാര്ഥ സിദ്ധ്യര്ഥേ വി॑നിയോ॒ഗഃ ।
ഷട്‍സ്വരാരൂഢേ॑ന ബീജേ॒ന ഷഡ॑ങ്ഗം ര॒ക്താമ്ബു॑ജസംസ്ഥി॒തം സപ്താശ്വ॑രഥി॒നം ഹിര॑ണ്യവ॒ര്ണ-ഞ്ച॑തുര്ഭു॒ജ-മ്പദ്മദ്വയാ-ഽഭയവര॑ദഹ॒സ്ത-ങ്കാലചക്ര॑പ്രണേതാ॒രം ശ്രീസൂര്യനാരായ॒ണം-യഁ ഏ॑വം-വേഁ॒ദ സ വൈ ബ്രാ᳚ഹ്മ॒ണഃ ।
ഓ-മ്ഭൂര്ഭുവ॒-സ്സുവഃ॑ । തത്സ॑വി॒തുര്വരേ᳚ണ്യ॒-മ്ഭര്ഗോ॑ ദേ॒വസ്യ॑ ധീമഹി । ധിയോ॒ യോ നഃ॑ പ്രചോ॒ദയാ᳚ത് । സൂര്യ॑ ആ॒ത്മാ ജഗ॑തസ്ത॒സ്ഥുഷ॑ശ്ച । സൂര്യാ॒ദ്വൈ ഖല്വി॒മാനി॒ ഭൂതാ॑നി॒ ജായ॑ന്തേ । സൂര്യാ᳚ദ്യ॒ജ്ഞഃ പര്ജന്യോ᳚-ഽന്നമാ॒ത്മാ ।
നമ॑സ്തേ ആദിത്യ । ത്വമേ॒വ പ്ര॒ത്യക്ഷ॒-ങ്കര്മ॑ കര്താസി । ത്വമേ॒വ പ്ര॒ത്യക്ഷ॒-മ്ബ്രഹ്മാ॑-ഽസി । ത്വമേ॒വ പ്ര॒ത്യക്ഷം॒-വിഁഷ്ണു॑രസി । ത്വമേ॒വ പ്ര॒ത്യക്ഷം॒ രുദ്രോ॑-ഽസി । ത്വമേ॒വ പ്ര॒ത്യക്ഷ॒മൃഗ॑സി । ത്വമേ॒വ പ്ര॒ത്യക്ഷം॒-യഁജു॑രസി । ത്വമേ॒വ പ്ര॒ത്യക്ഷം॒ സാമാ॑സി । ത്വമേ॒വ പ്ര॒ത്യക്ഷ॒മഥ॑ര്വാസി । ത്വമേ॒വ സര്വ॑-ഞ്ഛന്ദോ॒-ഽസി । ആ॒ദി॒ത്യാദ്വാ॑യുര്ജാ॒യതേ । ആ॒ദി॒ത്യാദ്ഭൂ॑മിര്ജാ॒യതേ । ആ॒ദി॒ത്യാദാപോ॑ ജായ॒ന്തേ । ആ॒ദി॒ത്യാജ്ജ്യോതി॑ര്ജായ॒തേ ।
ആ॒ദി॒ത്യാദ്വ്യോമ ദിശോ॑ ജായ॒ന്തേ ।
ആ॒ദി॒ത്യാദ്ദേ॑വാ ജായ॒ന്തേ । ആ॒ദി॒ത്യാദ്വേ॑ദാ ജായ॒ന്തേ । ആ॒ദി॒ത്യോ വാ ഏ॒ഷ ഏ॒തന്മ॒ണ്ഡല॒-ന്തപ॑തി । അ॒സാവാ॑ദി॒ത്യോ ബ്ര॒ഹ്മാ । ആ॒ദി॒ത്യോ-ഽന്തഃകരണ മനോബുദ്ധി ചിത്താ॑ഹങ്കാ॒രാഃ । ആ॒ദി॒ത്യോ വൈ വ്യാന-സ്സമാനോദാനോ-ഽപാ॑നഃ പ്രാ॒ണഃ ।
ആ॒ദി॒ത്യോ വൈ ശ്രോത്ര ത്വക്ചക്ഷൂരസ॑നഘ്രാ॒ണാഃ । ആ॒ദി॒ത്യോ വൈ വാക്പാണിപാദപാ॑യൂപ॒സ്ഥാഃ । ആ॒ദി॒ത്യോ വൈ ശബ്ദസ്പര്​ശരൂപര॑സഗ॒ന്ധാഃ । ആ॒ദി॒ത്യോ വൈ വചനാദാനാഗമന വിസ॑ര്ഗാന॒ന്ദാഃ । ആനന്ദമയോ വിജ്ഞാനമയോ വിജ്ഞാനഘന॑ ആദി॒ത്യഃ । നമോ മിത്രായ ഭാനവേ മൃത്യോ᳚ര്മാ പാ॒ഹി । ഭ്രാജിഷ്ണവേ വിശ്വഹേത॑വേ ന॒മഃ ।
സൂര്യാദ്ഭവന്തി॑ ഭൂതാ॒നി സൂര്യേണ പാലി॑താനി॒ തു । സൂര്യേ ലയ-മ്പ്രാ᳚പ്നുവ॒ന്തി യ-സ്സൂര്യ-സ്സോ-ഽഹ॑മേവ॒ ച । ചക്ഷു॑ര്നോ ദേ॒വ-സ്സ॑വി॒താ ചക്ഷു॑ര്ന ഉ॒ത പ॒ര്വതഃ॑ । ചക്ഷു॑ര്ധാ॒താ ദ॑ധാതു നഃ ।
ആ॒ദി॒ത്യായ॑ വി॒ദ്മഹേ॑ സഹസ്രകിര॒ണായ॑ ധീമഹി । തന്നഃ॑ സൂര്യഃ പ്രചോ॒ദയാ᳚ത് ।
സ॒വി॒താ പ॒ശ്ചാത്താ᳚-ഥ്സവി॒താ പു॒രസ്താ᳚-ഥ്സവി॒തോത്ത॒രാത്താ᳚-ഥ്സവി॒താ-ഽധ॒രാത്താ᳚-ഥ്സവി॒താ നഃ॑ സുവതു സ॒ര്വതാ᳚തിഗ്ം സവി॒താ നോ᳚ രാസതാ-ന്ദീര്ഘ॒മായുഃ॑ ।
ഓമിത്യേകാക്ഷ॑ര-മ്ബ്ര॒ഹ്മ । ഘൃണി॒രിതി॒ ദ്വേ അ॒ക്ഷരേ᳚ । സൂര്യ॒ ഇത്യക്ഷ॑രദ്വ॒യമ് । ആ॒ദി॒ത്യ ഇതി॒ ത്രീണ്യക്ഷ॑രാണി । ഏതസ്യൈവ സൂര്യസ്യാഷ്ടാക്ഷ॑രോ മ॒നുഃ ।
യ-സ്സദാഹരഹ॑ര്ജപ॒തി സ വൈ ബ്രാഹ്മ॑ണോ ഭ॒വതി സ വൈ ബ്രാഹ്മ॑ണോ ഭ॒വതി । സൂര്യാഭിമു॑ഖോ ജ॒പ്ത്വാ മഹാവ്യാധി ഭയാ᳚-ത്പ്രമു॒ച്യതേ । അല॑ക്ഷ്മീര്ന॒ശ്യതി । അഭക്ഷ്യ ഭക്ഷണാ-ത്പൂ॑തോ ഭ॒വതി । അഗമ്യാഗമനാ-ത്പൂ॑തോ ഭ॒വതി । പതിത സമ്ഭാഷണാ-ത്പൂ॑തോ ഭ॒വതി । അസ-ഥ്സമ്ഭാഷണാ-ത്പൂ॑തോ ഭ॒വതി । അസ-ഥ്സമ്ഭാഷണാത്പൂ॑തോ ഭ॒വതി ।
മധ്യാഹ്നേ സൂര്യാഭി॑മുഖഃ പ॒ഠേത് । സദ്യോത്പന്നപഞ്ചമഹാപാതകാ᳚-ത്പ്രമു॒ച്യതേ । സൈഷാ സാവി॑ത്രീം-വിഁ॒ദ്യാ-ന്ന കിഞ്ചിദപി ന കസ്മൈചി॑-ത്പ്രശം॒സയേത് । യ ഏ॒താ-മ്മഹാഭാഗഃ പ്രാ॑തഃ പ॒ഠതി സ ഭാഗ്യ॑വാന് ജാ॒യതേ പ॑ശൂന്വി॒ന്ദതി । വേദാ᳚ര്ഥം-ലഁ॒ഭതേ । ത്രികാലമേ॑തജ്ജ॒പ്ത്വാ ക്രതുശതഫലമ॑വാപ്നോ॒തി । ഹസ്താദി॑ത്യേ ജ॒പതി സ മഹാമൃ॑ത്യു-ന്ത॒രതി സ മഹാമൃ॑ത്യു-ന്ത॒രതി യ ഏ॑വം-വേഁ॒ദ । ഇത്യു॑പ॒നിഷ॑ത് ।
ഓ-മ്ഭ॒ദ്ര-ങ്കര്ണേ॑ഭി-ശ്ശൃണു॒യാമ॑ ദേവാഃ । ഭ॒ദ്ര-മ്പ॑ശ്യേമാ॒ക്ഷഭി॒ര്യജ॑ത്രാഃ । സ്ഥി॒രൈരങ്ഗൈ᳚സ്തുഷ്ടു॒വാഗ്ം സ॑സ്ത॒നൂഭിഃ॑ । വ്യശേ॑മ ദേ॒വഹി॑തം॒-യഁദായുഃ॑ । സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ । സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ । സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമിഃ । സ്വ॒സ്തി നോ॒ ബൃഹ॒സ്പതി॑ര്ദധാതു । ഓം ശാന്തി॒-ശ്ശാന്തി॒-ശ്ശാന്തിഃ॑ ॥
Roman (IAST) Transliteration
o-mbha॒dra-ṅkarṇḙbhi-śśṛṇu॒yāma̭ devāḥ | bha॒dra-mpa̭śyemā॒kṣabhi॒ryaja̭trāḥ | sthi॒rairaṅgai᳚stuṣṭu॒vāgṃ sa̭sta॒nūbhiḥ̭ | vyaśḙma de॒vahi̭taṃ॒-ya~dāyuḥ̭ | sva॒sti na॒ indro̭ vṛ॒ddhaśra̭vāḥ | sva॒sti naḥ̭ pū॒ṣā vi॒śvavḙdāḥ | sva॒sti na॒stārkṣyo॒ ari̭ṣṭanemiḥ | sva॒sti no॒ bṛha॒spati̭rdadhātu | oṃ śānti॒-śśānti॒-śśāntiḥ̭ ||
oṃ atha sūryātharvāṅgirasaṃ-vyā~᳚khyāsyā॒maḥ | brahmā ṛ॒ṣiḥ | gāya̭trī cha॒ndaḥ | ādi̭tyo de॒vatā | haṃsaḥ̭ so॒-'hamagninārāyaṇa yṷkta-mbī॒jam | hṛllḙkhā śa॒ktiḥ | viyadādisargasaṃ​yu~̭kta-ṅkī॒lakam | caturvidhapuruṣārtha siddhyarthe vi̭niyo॒gaḥ |
ṣaṭ‍svarārūḍhḙna bīje॒na ṣaḍa̭ṅgaṃ ra॒ktāmbṷjasaṃsthi॒taṃ saptāśva̭rathi॒naṃ hira̭ṇyava॒rṇa-ñca̭turbhu॒ja-mpadmadvayā-'bhayavara̭daha॒sta-ṅkālacakra̭praṇetā॒raṃ śrīsūryanārāya॒ṇaṃ-ya~ ḙvaṃ-ve~॒da sa vai brā᳚hma॒ṇaḥ |
o-mbhūrbhuva॒-ssuvaḥ̭ | tatsa̭vi॒turvare᳚ṇya॒-mbhargo̭ de॒vasya̭ dhīmahi | dhiyo॒ yo naḥ̭ praco॒dayā᳚t | sūrya̭ ā॒tmā jaga̭tasta॒sthuṣa̭śca | sūryā॒dvai khalvi॒māni॒ bhūtā̭ni॒ jāya̭nte | sūryā᳚dya॒jñaḥ parjanyo᳚-'nnamā॒tmā |
nama̭ste āditya | tvame॒va pra॒tyakṣa॒-ṅkarma̭ kartāsi | tvame॒va pra॒tyakṣa॒-mbrahmā̭-'si | tvame॒va pra॒tyakṣaṃ॒-vi~ṣṇṷrasi | tvame॒va pra॒tyakṣaṃ॒ rudro̭-'si | tvame॒va pra॒tyakṣa॒mṛga̭si | tvame॒va pra॒tyakṣaṃ॒-ya~jṷrasi | tvame॒va pra॒tyakṣaṃ॒ sāmā̭si | tvame॒va pra॒tyakṣa॒matha̭rvāsi | tvame॒va sarva̭-ñchando॒-'si | ā॒di॒tyādvā̭yurjā॒yate | ā॒di॒tyādbhṷ̄mirjā॒yate | ā॒di॒tyādāpo̭ jāya॒nte | ā॒di॒tyājjyoti̭rjāya॒te |
ā॒di॒tyādvyoma diśo̭ jāya॒nte |
ā॒di॒tyāddḙvā jāya॒nte | ā॒di॒tyādvḙdā jāya॒nte | ā॒di॒tyo vā e॒ṣa e॒tanma॒ṇḍala॒-ntapa̭ti | a॒sāvā̭di॒tyo bra॒hmā | ā॒di॒tyo-'ntaḥkaraṇa manobuddhi cittā̭haṅkā॒rāḥ | ā॒di॒tyo vai vyāna-ssamānodāno-'pā̭naḥ prā॒ṇaḥ |
ā॒di॒tyo vai śrotra tvakcakṣūrasa̭naghrā॒ṇāḥ | ā॒di॒tyo vai vākpāṇipādapā̭yūpa॒sthāḥ | ā॒di॒tyo vai śabdaspar​śarūpara̭saga॒ndhāḥ | ā॒di॒tyo vai vacanādānāgamana visa̭rgāna॒ndāḥ | ānandamayo vijñānamayo vijñānaghana̭ ādi॒tyaḥ | namo mitrāya bhānave mṛtyo᳚rmā pā॒hi | bhrājiṣṇave viśvaheta̭ve na॒maḥ |
sūryādbhavanti̭ bhūtā॒ni sūryeṇa pāli̭tāni॒ tu | sūrye laya-mprā᳚pnuva॒nti ya-ssūrya-sso-'ha̭meva॒ ca | cakṣṷrno de॒va-ssa̭vi॒tā cakṣṷrna u॒ta pa॒rvataḥ̭ | cakṣṷrdhā॒tā da̭dhātu naḥ |
ā॒di॒tyāya̭ vi॒dmahḙ sahasrakira॒ṇāya̭ dhīmahi | tannaḥ̭ sūryaḥ praco॒dayā᳚t |
sa॒vi॒tā pa॒ścāttā᳚-thsavi॒tā pu॒rastā᳚-thsavi॒totta॒rāttā᳚-thsavi॒tā-'dha॒rāttā᳚-thsavi॒tā naḥ̭ suvatu sa॒rvatā᳚tigṃ savi॒tā no᳚ rāsatā-ndīrgha॒māyuḥ̭ |
omityekākṣa̭ra-mbra॒hma | ghṛṇi॒riti॒ dve a॒kṣare᳚ | sūrya॒ ityakṣa̭radva॒yam | ā॒di॒tya iti॒ trīṇyakṣa̭rāṇi | etasyaiva sūryasyāṣṭākṣa̭ro ma॒nuḥ |
ya-ssadāharaha̭rjapa॒ti sa vai brāhma̭ṇo bha॒vati sa vai brāhma̭ṇo bha॒vati | sūryābhimṷkho ja॒ptvā mahāvyādhi bhayā᳚-tpramu॒cyate | ala̭kṣmīrna॒śyati | abhakṣya bhakṣaṇā-tpṷ̄to bha॒vati | agamyāgamanā-tpṷ̄to bha॒vati | patita sambhāṣaṇā-tpṷ̄to bha॒vati | asa-thsambhāṣaṇā-tpṷ̄to bha॒vati | asa-thsambhāṣaṇātpṷ̄to bha॒vati |
madhyāhne sūryābhi̭mukhaḥ pa॒ṭhet | sadyotpannapañcamahāpātakā᳚-tpramu॒cyate | saiṣā sāvi̭trīṃ-vi~॒dyā-nna kiñcidapi na kasmaici̭-tpraśaṃ॒sayet | ya e॒tā-mmahābhāgaḥ prā̭taḥ pa॒ṭhati sa bhāgya̭vān jā॒yate pa̭śūnvi॒ndati | vedā᳚rthaṃ-la~॒bhate | trikālamḙtajja॒ptvā kratuśataphalama̭vāpno॒ti | hastādi̭tye ja॒pati sa mahāmṛ̭tyu-nta॒rati sa mahāmṛ̭tyu-nta॒rati ya ḙvaṃ-ve~॒da | ityṷpa॒niṣa̭t |
o-mbha॒dra-ṅkarṇḙbhi-śśṛṇu॒yāma̭ devāḥ | bha॒dra-mpa̭śyemā॒kṣabhi॒ryaja̭trāḥ | sthi॒rairaṅgai᳚stuṣṭu॒vāgṃ sa̭sta॒nūbhiḥ̭ | vyaśḙma de॒vahi̭taṃ॒-ya~dāyuḥ̭ | sva॒sti na॒ indro̭ vṛ॒ddhaśra̭vāḥ | sva॒sti naḥ̭ pū॒ṣā vi॒śvavḙdāḥ | sva॒sti na॒stārkṣyo॒ ari̭ṣṭanemiḥ | sva॒sti no॒ bṛha॒spati̭rdadhātu | oṃ śānti॒-śśānti॒-śśāntiḥ̭ ||
InfoLyter.in — Sacred Vedic Knowledge Portal · Free forever