Shri Subrahmanya Trishati Stotram

ॐ

ശ്രീ സുബ്രഹ്മണ്യ ത്രിശതി സ്തോത്രമ്

Murugan Trishati Malayalam

ശ്രീം സൌം ശരവണഭവഃ ശരച്ചന്ദ്രായുതപ്രഭഃ ।

ശശാങ്കശേഖരസുതഃ ശചീമാങ്ഗല്യരക്ഷകഃ ॥ 1 ॥

ശതായുഷ്യപ്രദാതാ ച ശതകോടിരവിപ്രഭഃ ।

ശചീവല്ലഭസുപ്രീതഃ ശചീനായകപൂജിതഃ ॥ 2 ॥

ശചീനാഥചതുര്വക്ത്രദേവദൈത്യാഭിവന്ദിതഃ ।

ശചീശാര്തിഹരശ്ചൈവ ശമ്ഭുഃ ശമ്ഭൂപദേശകഃ ॥ 3 ॥

ശങ്കരഃ ശങ്കരപ്രീതഃ ശമ്യാകകുസുമപ്രിയഃ ।

ശങ്കുകര്ണമഹാകര്ണപ്രമുഖാദ്യഭിവന്ദിതഃ ॥ 4 ॥

ശചീനാഥസുതാപ്രാണനായകഃ ശക്തിപാണിമാന് ।

ശങ്ഖപാണിപ്രിയഃ ശങ്ഖോപമഷഡ്ഗലസുപ്രഭഃ ॥ 5 ॥

ശങ്ഖഘോഷപ്രിയഃ ശങ്ഖചക്രശൂലാദികായുധഃ ।

ശങ്ഖധാരാഭിഷേകാദിപ്രിയഃ ശങ്കരവല്ലഭഃ ॥ 6 ॥

ശബ്ദബ്രഹ്മമയശ്ചൈവ ശബ്ദമൂലാന്തരാത്മകഃ ।

ശബ്ദപ്രിയഃ ശബ്ദരൂപഃ ശബ്ദാനന്ദഃ ശചീസ്തുതഃ ॥ 7 ॥

ശതകോടിപ്രവിസ്താരയോജനായതമന്ദിരഃ ।

ശതകോടിരവിപ്രഖ്യരത്നസിംഹാസനാന്വിതഃ ॥ 8 ॥

ശതകോടിമഹര്ഷീന്ദ്രസേവിതോഭയപാര്ശ്വഭൂഃ ।

ശതകോടിസുരസ്ത്രീണാം നൃത്തസങ്ഗീതകൌതുകഃ ॥ 9 ॥

ശതകോടീന്ദ്രദിക്പാലഹസ്തചാമരസേവിതഃ ।

ശതകോട്യഖിലാണ്ഡാദിമഹാബ്രഹ്മാണ്ഡനായകഃ ॥ 10 ॥

ശങ്ഖപാണിവിധിഭ്യാം ച പാര്ശ്വയോരുപസേവിതഃ ।

ശങ്ഖപദ്മനിധീനാം ച കോടിഭിഃ പരിസേവിതഃ ॥ 11 ॥

ശശാങ്കാദിത്യകോടീഭിഃ സവ്യദക്ഷിണസേവിതഃ ।

ശങ്ഖപാലാദ്യഷ്ടനാഗകോടീഭിഃ പരിസേവിതഃ ॥ 12 ॥

ശശാങ്കാരപതങ്ഗാദിഗ്രഹനക്ഷത്രസേവിതഃ ।

ശശിഭാസ്കരഭൌമാദിഗ്രഹദോഷാര്തിഭഞ്ജനഃ ॥ 13 ॥

ശതപത്രദ്വയകരഃ ശതപത്രാര്ചനപ്രിയഃ ।

ശതപത്രസമാസീനഃ ശതപത്രാസനസ്തുതഃ ॥ 14 ॥

ശാരീരബ്രഹ്മമൂലാദിഷഡാധാരനിവാസകഃ ।

ശതപത്രസമുത്പന്നബ്രഹ്മഗര്വവിഭേദനഃ ॥ 15 ॥

ശശാങ്കാര്ധജടാജൂടഃ ശരണാഗതവത്സലഃ ।

രകാരരൂപോ രമണോ രാജീവാക്ഷോ രഹോഗതഃ ॥ 16 ॥

രതീശകോടിസൌന്ദര്യോ രവികോട്യുദയപ്രഭഃ ।

രാഗസ്വരൂപോ രാഗഘ്നോ രക്താബ്ജപ്രിയ ഏവ ച ॥ 17 ॥

രാജരാജേശ്വരീപുത്രോ രാജേന്ദ്രവിഭവപ്രദഃ ।

രത്നപ്രഭാകിരീടാഗ്രോ രവിചന്ദ്രാഗ്നിലോചനഃ ॥ 18 ॥

രത്നാങ്ഗദമഹാബാഹൂ രത്നതാടങ്കഭൂഷണഃ ।

രത്നകേയൂരഭൂഷാഢ്യോ രത്നഹാരവിരാജിതഃ ॥ 19 ॥

രത്നകിങ്കിണികാഞ്ച്യാദിബദ്ധസത്കടിശോഭിതഃ ।

രവസംയുക്തരത്നാഭനൂപുരാങ്ഘ്രിസരോരുഹഃ ॥ 20 ॥

രത്നകങ്കണചൂല്യാദിസര്വാഭരണഭൂഷിതഃ ।

രത്നസിംഹാസനാസീനോ രത്നശോഭിതമന്ദിരഃ ॥ 21 ॥

രാകേന്ദുമുഖഷട്കശ്ച രമാവാണ്യാദിപൂജിതഃ ।

രാക്ഷസാമരഗന്ധര്വകോടികോട്യഭിവന്ദിതഃ ॥ 22 ॥

രണരങ്ഗേ മഹാദൈത്യസങ്ഗ്രാമജയകൌതുകഃ ।

രാക്ഷസാനീകസംഹാരകോപാവിഷ്ടായുധാന്വിതഃ ॥ 23 ॥

രാക്ഷസാങ്ഗസമുത്പന്നരക്തപാനപ്രിയായുധഃ ।

രവയുക്തധനുര്ഹസ്തോ രത്നകുക്കുടധാരണഃ ॥ 24 ॥

രണരങ്ഗജയോ രാമാസ്തോത്രശ്രവണകൌതുകഃ ।

രമ്ഭാഘൃതാചീവിശ്വാചീമേനകാദ്യഭിവന്ദിതഃ ॥ 25 ॥

രക്തപീതാമ്ബരധരോ രക്തഗന്ധാനുലേപനഃ ।

രക്തദ്വാദശപദ്മാക്ഷോ രക്തമാല്യവിഭൂഷിതഃ ॥ 26 ॥

രവിപ്രിയോ രാവണേശസ്തോത്രസാമമനോഹരഃ ।

രാജ്യപ്രദോ രന്ധ്രഗുഹ്യോ രതിവല്ലഭസുപ്രിയഃ ॥ 27 ॥

രണാനുബന്ധനിര്മുക്തോ രാക്ഷസാനീകനാശകഃ ।

രാജീവസമ്ഭവദ്വേഷീ രാജീവാസനപൂജിതഃ ॥ 28 ॥

രമണീയമഹാചിത്രമയൂരാരൂഢസുന്ദരഃ ।

രമാനാഥസ്തുതോ രാമോ രകാരാകര്ഷണക്രിയഃ ॥ 29 ॥

വകാരരൂപോ വരദോ വജ്രശക്ത്യഭയാന്വിതഃ ।

വാമദേവാദിസമ്പൂജ്യോ വജ്രപാണിമനോഹരഃ ॥ 30 ॥

വാണീസ്തുതോ വാസവേശോ വല്ലീകല്യാണസുന്ദരഃ ।

വല്ലീവദനപദ്മാര്കോ വല്ലീനേത്രോത്പലോഡുപഃ ॥ 31 ॥

വല്ലീദ്വിനയനാനന്ദോ വല്ലീചിത്തതടാമൃതമ് ।

വല്ലീകല്പലതാവൃക്ഷോ വല്ലീപ്രിയമനോഹരഃ ॥ 32 ॥

വല്ലീകുമുദഹാസ്യേന്ദുഃ വല്ലീഭാഷിതസുപ്രിയഃ ।

വല്ലീമനോഹൃത്സൌന്ദര്യോ വല്ലീവിദ്യുല്ലതാഘനഃ ॥ 33 ॥

വല്ലീമങ്ഗലവേഷാഢ്യോ വല്ലീമുഖവശങ്കരഃ ।

വല്ലീകുചഗിരിദ്വന്ദ്വകുങ്കുമാങ്കിതവക്ഷകഃ ॥ 34 ॥

വല്ലീശോ വല്ലഭോ വായുസാരഥിര്വരുണസ്തുതഃ ।

വക്രതുണ്ഡാനുജോ വത്സോ വത്സലോ വത്സരക്ഷകഃ ॥ 35 ॥

വത്സപ്രിയോ വത്സനാഥോ വത്സവീരഗണാവൃതഃ ।

വാരണാനനദൈത്യഘ്നോ വാതാപിഘ്നോപദേശകഃ ॥ 36 ॥

വര്ണഗാത്രമയൂരസ്ഥോ വര്ണരൂപോ വരപ്രഭുഃ ।

വര്ണസ്ഥോ വാരണാരൂഢോ വജ്രശക്ത്യായുധപ്രിയഃ ॥ 37 ॥

വാമാങ്ഗോ വാമനയനോ വചദ്ഭൂര്വാമനപ്രിയഃ ।

വരവേഷധരോ വാമോ വാചസ്പതിസമര്ചിതഃ ॥ 38 ॥

വസിഷ്ഠാദിമുനിശ്രേഷ്ഠവന്ദിതോ വന്ദനപ്രിയഃ ।

വകാരനൃപദേവസ്ത്രീചോരഭൂതാരിമോഹനഃ ॥ 39 ॥

ണകാരരൂപോ നാദാന്തോ നാരദാദിമുനിസ്തുതഃ ।

ണകാരപീഠമധ്യസ്ഥോ നഗഭേദീ നഗേശ്വരഃ ॥ 40 ॥

ണകാരനാദസന്തുഷ്ടോ നാഗാശനരഥസ്ഥിതഃ ।

ണകാരജപസുപ്രീതോ നാനാവേഷോ നഗപ്രിയഃ ॥ 41 ॥

ണകാരബിന്ദുനിലയോ നവഗ്രഹസുരൂപകഃ ।

ണകാരപഠനാനന്ദോ നന്ദികേശ്വരവന്ദിതഃ ॥ 42 ॥

ണകാരഘണ്ടാനിനദോ നാരായണമനോഹരഃ ।

ണകാരനാദശ്രവണോ നലിനോദ്ഭവശിക്ഷകഃ ॥ 43 ॥

ണകാരപങ്കജാദിത്യോ നവവീരാധിനായകഃ ।

ണകാരപുഷ്പഭ്രമരോ നവരത്നവിഭൂഷണഃ ॥ 44 ॥

ണകാരാനര്ഘശയനോ നവശക്തിസമാവൃതഃ ।

ണകാരവൃക്ഷകുസുമോ നാട്യസങ്ഗീതസുപ്രിയഃ ॥ 45 ॥

ണകാരബിന്ദുനാദജ്ഞോ നയജ്ഞോ നയനോദ്ഭവഃ ।

ണകാരപര്വതേന്ദ്രാഗ്രസമുത്പന്നസുധാരണിഃ ॥ 46 ॥

ണകാരപേടകമണിര്നാഗപര്വതമന്ദിരഃ ।

ണകാരകരുണാനന്ദോ നാദാത്മാ നാഗഭൂഷണഃ ॥ 47 ॥

ണകാരകിങ്കിണീഭൂഷോ നയനാദൃശ്യദര്ശനഃ ।

ണകാരവൃഷഭാവാസോ നാമപാരായണപ്രിയഃ ॥ 48 ॥

ണകാരകമലാരൂഢോ നാമാനന്തസമന്വിതഃ ।

ണകാരതുരഗാരൂഢോ നവരത്നാദിദായകഃ ॥ 49 ॥

ണകാരമകുടജ്വാലാമണിര്നവനിധിപ്രദഃ ।

ണകാരമൂലമന്ത്രാര്ഥോ നവസിദ്ധാദിപൂജിതഃ ॥ 50 ॥

ണകാരമൂലനാദാന്തോ ണകാരസ്തമ്ഭനക്രിയഃ ।

ഭകാരരൂപോ ഭക്താര്ഥോ ഭവോ ഭര്ഗോ ഭയാപഹഃ ॥ 51 ॥

ഭക്തപ്രിയോ ഭക്തവന്ദ്യോ ഭഗവാന്ഭക്തവത്സലഃ ।

ഭക്താര്തിഭഞ്ജനോ ഭദ്രോ ഭക്തസൌഭാഗ്യദായകഃ ॥ 52 ॥

ഭക്തമങ്ഗലദാതാ ച ഭക്തകല്യാണദര്ശനഃ ।

ഭക്തദര്ശനസന്തുഷ്ടോ ഭക്തസങ്ഘസുപൂജിതഃ ॥ 53 ॥

ഭക്തസ്തോത്രപ്രിയാനന്ദോ ഭക്താഭീഷ്ടപ്രദായകഃ ।

ഭക്തസമ്പൂര്ണഫലദോ ഭക്തസാമ്രാജ്യഭോഗദഃ ॥ 54 ॥

ഭക്തസാലോക്യസാമീപ്യരൂപമോക്ഷവരപ്രദഃ ।

ഭവൌഷധിര്ഭവഘ്നശ്ച ഭവാരണ്യദവാനലഃ ॥ 55 ॥

ഭവാന്ധകാരമാര്താണ്ഡോ ഭവവൈദ്യോ ഭവായുധമ് ।

ഭവശൈലമഹാവജ്രോ ഭവസാഗരനാവികഃ ॥ 56 ॥

ഭവമൃത്യുഭയധ്വംസീ ഭാവനാതീതവിഗ്രഹഃ ।

ഭവഭൂതപിശാചഘ്നോ ഭാസ്വരോ ഭാരതീപ്രിയഃ ॥ 57 ॥ [ഭയ]

ഭാഷിതധ്വനിമൂലാന്തോ ഭാവാഭാവവിവര്ജിതഃ ।

ഭാനുകോപപിതൃധ്വംസീ ഭാരതീശോപദേശകഃ ॥ 58 ॥

ഭാര്ഗവീനായകശ്രീമദ്ഭാഗിനേയോ ഭവോദ്ഭവഃ ।

ഭാരക്രൌഞ്ചാസുരദ്വേഷോ ഭാര്ഗവീനാഥവല്ലഭഃ ॥ 59 ॥

ഭടവീരനമസ്കൃത്യോ ഭടവീരസമാവൃതഃ ।

ഭടതാരാഗണോഡ്വീശോ ഭടവീരഗണസ്തുതഃ ॥ 60 ॥

ഭാഗീരഥേയോ ഭാഷാര്ഥോ ഭാവനാശബരീപ്രിയഃ ।

ഭകാരേ കലിചോരാരിഭൂതാദ്യുച്ചാടനോദ്യതഃ ॥ 61 ॥

വകാരസുകലാസംസ്ഥോ വരിഷ്ഠോ വസുദായകഃ ।

വകാരകുമുദേന്ദുശ്ച വകാരാബ്ധിസുധാമയഃ ॥ 62 ॥

വകാരാമൃതമാധുര്യോ വകാരാമൃതദായകഃ ।

ദക്ഷേ വജ്രാഭീതിയുതോ വാമേ ശക്തിവരാന്വിതഃ ॥ 63 ॥

വകാരോദധിപൂര്ണേന്ദുഃ വകാരോദധിമൌക്തികമ് ।

വകാരമേഘസലിലോ വാസവാത്മജരക്ഷകഃ ॥ 64 ॥

വകാരഫലസാരജ്ഞോ വകാരകലശാമൃതമ് ।

വകാരപങ്കജരസോ വസുര്വംശവിവര്ധനഃ ॥ 65 ॥

വകാരദിവ്യകമലഭ്രമരോ വായുവന്ദിതഃ ।

വകാരശശിസങ്കാശോ വജ്രപാണിസുതാപ്രിയഃ ॥ 66 ॥

വകാരപുഷ്പസദ്ഗന്ധോ വകാരതടപങ്കജമ് ।

വകാരഭ്രമരധ്വാനോ വയസ്തേജോബലപ്രദഃ ॥ 67 ॥

വകാരവനിതാനാഥോ വശ്യാദ്യഷ്ടപ്രിയാപ്രദഃ ।

വകാരഫലസത്കാരോ വകാരാജ്യഹുതാശനഃ ॥ 68 ॥

വര്ചസ്വീ വാങ്മനോഽതീതോ വാതാപ്യരികൃതപ്രിയഃ ।

വകാരവടമൂലസ്ഥോ വകാരജലധേസ്തടഃ ॥ 69 ॥

വകാരഗങ്ഗാവേഗാബ്ധിഃ വജ്രമാണിക്യഭൂഷണഃ ।

വാതരോഗഹരോ വാണീഗീതശ്രവണകൌതുകഃ ॥ 70 ॥

വകാരമകരാരൂഢോ വകാരജലധേഃ പതിഃ ।

വകാരാമലമന്ത്രാര്ഥോ വകാരഗൃഹമങ്ഗലമ് ॥ 71 ॥

വകാരസ്വര്ഗമാഹേന്ദ്രോ വകാരാരണ്യവാരണഃ ।

വകാരപഞ്ജരശുകോ വലാരിതനയാസ്തുതഃ ॥ 72 ॥

വകാരമന്ത്രമലയസാനുമന്മന്ദമാരുതഃ ।

വാദ്യന്തഭാന്ത ഷട്ക്രമ്യ ജപാന്തേ ശത്രുഭഞ്ജനഃ ॥ 73 ॥

വജ്രഹസ്തസുതാവല്ലീവാമദക്ഷിണസേവിതഃ ।

വകുലോത്പലകാദമ്ബപുഷ്പദാമസ്വലങ്കൃതഃ ॥ 74 ॥

വജ്രശക്ത്യാദിസമ്പന്നദ്വിഷട്പാണിസരോരുഹഃ ।

വാസനാഗന്ധലിപ്താങ്ഗോ വഷട്കാരോ വശീകരഃ ॥ 75 ॥

വാസനായുക്തതാമ്ബൂലപൂരിതാനനസുന്ദരഃ ।

വല്ലഭാനാഥസുപ്രീതോ വരപൂര്ണാമൃതോദധിഃ ॥ 76 ॥

ഇതി ശ്രീ സുബ്രഹ്മണ്യ ത്രിശതീ സ്തോത്രമ് ।

Roman (IAST) Transliteration

śrīṃ sauṃ śaravaṇabhavaḥ śaraccandrāyutaprabhaḥ |

śaśāṅkaśekharasutaḥ śacīmāṅgalyarakṣakaḥ || 1 ||

śatāyuṣyapradātā ca śatakoṭiraviprabhaḥ |

śacīvallabhasuprītaḥ śacīnāyakapūjitaḥ || 2 ||

śacīnāthacaturvaktradevadaityābhivanditaḥ |

śacīśārtiharaścaiva śambhuḥ śambhūpadeśakaḥ || 3 ||

śaṅkaraḥ śaṅkaraprītaḥ śamyākakusumapriyaḥ |

śaṅkukarṇamahākarṇapramukhādyabhivanditaḥ || 4 ||

śacīnāthasutāprāṇanāyakaḥ śaktipāṇimān |

śaṅkhapāṇipriyaḥ śaṅkhopamaṣaḍgalasuprabhaḥ || 5 ||

śaṅkhaghoṣapriyaḥ śaṅkhacakraśūlādikāyudhaḥ |

śaṅkhadhārābhiṣekādipriyaḥ śaṅkaravallabhaḥ || 6 ||

śabdabrahmamayaścaiva śabdamūlāntarātmakaḥ |

śabdapriyaḥ śabdarūpaḥ śabdānandaḥ śacīstutaḥ || 7 ||

śatakoṭipravistārayojanāyatamandiraḥ |

śatakoṭiraviprakhyaratnasiṃhāsanānvitaḥ || 8 ||

śatakoṭimaharṣīndrasevitobhayapārśvabhūḥ |

śatakoṭisurastrīṇāṃ nṛttasaṅgītakautukaḥ || 9 ||

śatakoṭīndradikpālahastacāmarasevitaḥ |

śatakoṭyakhilāṇḍādimahābrahmāṇḍanāyakaḥ || 10 ||

śaṅkhapāṇividhibhyāṃ ca pārśvayorupasevitaḥ |

śaṅkhapadmanidhīnāṃ ca koṭibhiḥ parisevitaḥ || 11 ||

śaśāṅkādityakoṭībhiḥ savyadakṣiṇasevitaḥ |

śaṅkhapālādyaṣṭanāgakoṭībhiḥ parisevitaḥ || 12 ||

śaśāṅkārapataṅgādigrahanakṣatrasevitaḥ |

śaśibhāskarabhaumādigrahadoṣārtibhañjanaḥ || 13 ||

śatapatradvayakaraḥ śatapatrārcanapriyaḥ |

śatapatrasamāsīnaḥ śatapatrāsanastutaḥ || 14 ||

śārīrabrahmamūlādiṣaḍādhāranivāsakaḥ |

śatapatrasamutpannabrahmagarvavibhedanaḥ || 15 ||

śaśāṅkārdhajaṭājūṭaḥ śaraṇāgatavatsalaḥ |

rakārarūpo ramaṇo rājīvākṣo rahogataḥ || 16 ||

ratīśakoṭisaundaryo ravikoṭyudayaprabhaḥ |

rāgasvarūpo rāgaghno raktābjapriya eva ca || 17 ||

rājarājeśvarīputro rājendravibhavapradaḥ |

ratnaprabhākirīṭāgro ravicandrāgnilocanaḥ || 18 ||

ratnāṅgadamahābāhū ratnatāṭaṅkabhūṣaṇaḥ |

ratnakeyūrabhūṣāḍhyo ratnahāravirājitaḥ || 19 ||

ratnakiṅkiṇikāñcyādibaddhasatkaṭiśobhitaḥ |

ravasaṃyuktaratnābhanūpurāṅghrisaroruhaḥ || 20 ||

ratnakaṅkaṇacūlyādisarvābharaṇabhūṣitaḥ |

ratnasiṃhāsanāsīno ratnaśobhitamandiraḥ || 21 ||

rākendumukhaṣaṭkaśca ramāvāṇyādipūjitaḥ |

rākṣasāmaragandharvakoṭikoṭyabhivanditaḥ || 22 ||

raṇaraṅge mahādaityasaṅgrāmajayakautukaḥ |

rākṣasānīkasaṃhārakopāviṣṭāyudhānvitaḥ || 23 ||

rākṣasāṅgasamutpannaraktapānapriyāyudhaḥ |

ravayuktadhanurhasto ratnakukkuṭadhāraṇaḥ || 24 ||

raṇaraṅgajayo rāmāstotraśravaṇakautukaḥ |

rambhāghṛtācīviśvācīmenakādyabhivanditaḥ || 25 ||

raktapītāmbaradharo raktagandhānulepanaḥ |

raktadvādaśapadmākṣo raktamālyavibhūṣitaḥ || 26 ||

ravipriyo rāvaṇeśastotrasāmamanoharaḥ |

rājyaprado randhraguhyo rativallabhasupriyaḥ || 27 ||

raṇānubandhanirmukto rākṣasānīkanāśakaḥ |

rājīvasambhavadveṣī rājīvāsanapūjitaḥ || 28 ||

ramaṇīyamahācitramayūrārūḍhasundaraḥ |

ramānāthastuto rāmo rakārākarṣaṇakriyaḥ || 29 ||

vakārarūpo varado vajraśaktyabhayānvitaḥ |

vāmadevādisampūjyo vajrapāṇimanoharaḥ || 30 ||

vāṇīstuto vāsaveśo vallīkalyāṇasundaraḥ |

vallīvadanapadmārko vallīnetrotpaloḍupaḥ || 31 ||

vallīdvinayanānando vallīcittataṭāmṛtam |

vallīkalpalatāvṛkṣo vallīpriyamanoharaḥ || 32 ||

vallīkumudahāsyenduḥ vallībhāṣitasupriyaḥ |

vallīmanohṛtsaundaryo vallīvidyullatāghanaḥ || 33 ||

vallīmaṅgalaveṣāḍhyo vallīmukhavaśaṅkaraḥ |

vallīkucagiridvandvakuṅkumāṅkitavakṣakaḥ || 34 ||

vallīśo vallabho vāyusārathirvaruṇastutaḥ |

vakratuṇḍānujo vatso vatsalo vatsarakṣakaḥ || 35 ||

vatsapriyo vatsanātho vatsavīragaṇāvṛtaḥ |

vāraṇānanadaityaghno vātāpighnopadeśakaḥ || 36 ||

varṇagātramayūrastho varṇarūpo varaprabhuḥ |

varṇastho vāraṇārūḍho vajraśaktyāyudhapriyaḥ || 37 ||

vāmāṅgo vāmanayano vacadbhūrvāmanapriyaḥ |

varaveṣadharo vāmo vācaspatisamarcitaḥ || 38 ||

vasiṣṭhādimuniśreṣṭhavandito vandanapriyaḥ |

vakāranṛpadevastrīcorabhūtārimohanaḥ || 39 ||

ṇakārarūpo nādānto nāradādimunistutaḥ |

ṇakārapīṭhamadhyastho nagabhedī nageśvaraḥ || 40 ||

ṇakāranādasantuṣṭo nāgāśanarathasthitaḥ |

ṇakārajapasuprīto nānāveṣo nagapriyaḥ || 41 ||

ṇakārabindunilayo navagrahasurūpakaḥ |

ṇakārapaṭhanānando nandikeśvaravanditaḥ || 42 ||

ṇakāraghaṇṭāninado nārāyaṇamanoharaḥ |

ṇakāranādaśravaṇo nalinodbhavaśikṣakaḥ || 43 ||

ṇakārapaṅkajādityo navavīrādhināyakaḥ |

ṇakārapuṣpabhramaro navaratnavibhūṣaṇaḥ || 44 ||

ṇakārānarghaśayano navaśaktisamāvṛtaḥ |

ṇakāravṛkṣakusumo nāṭyasaṅgītasupriyaḥ || 45 ||

ṇakārabindunādajño nayajño nayanodbhavaḥ |

ṇakāraparvatendrāgrasamutpannasudhāraṇiḥ || 46 ||

ṇakārapeṭakamaṇirnāgaparvatamandiraḥ |

ṇakārakaruṇānando nādātmā nāgabhūṣaṇaḥ || 47 ||

ṇakārakiṅkiṇībhūṣo nayanādṛśyadarśanaḥ |

ṇakāravṛṣabhāvāso nāmapārāyaṇapriyaḥ || 48 ||

ṇakārakamalārūḍho nāmānantasamanvitaḥ |

ṇakāraturagārūḍho navaratnādidāyakaḥ || 49 ||

ṇakāramakuṭajvālāmaṇirnavanidhipradaḥ |

ṇakāramūlamantrārtho navasiddhādipūjitaḥ || 50 ||

ṇakāramūlanādānto ṇakārastambhanakriyaḥ |

bhakārarūpo bhaktārtho bhavo bhargo bhayāpahaḥ || 51 ||

bhaktapriyo bhaktavandyo bhagavānbhaktavatsalaḥ |

bhaktārtibhañjano bhadro bhaktasaubhāgyadāyakaḥ || 52 ||

bhaktamaṅgaladātā ca bhaktakalyāṇadarśanaḥ |

bhaktadarśanasantuṣṭo bhaktasaṅghasupūjitaḥ || 53 ||

bhaktastotrapriyānando bhaktābhīṣṭapradāyakaḥ |

bhaktasampūrṇaphalado bhaktasāmrājyabhogadaḥ || 54 ||

bhaktasālokyasāmīpyarūpamokṣavarapradaḥ |

bhavauṣadhirbhavaghnaśca bhavāraṇyadavānalaḥ || 55 ||

bhavāndhakāramārtāṇḍo bhavavaidyo bhavāyudham |

bhavaśailamahāvajro bhavasāgaranāvikaḥ || 56 ||

bhavamṛtyubhayadhvaṃsī bhāvanātītavigrahaḥ |

bhavabhūtapiśācaghno bhāsvaro bhāratīpriyaḥ || 57 || [bhaya]

bhāṣitadhvanimūlānto bhāvābhāvavivarjitaḥ |

bhānukopapitṛdhvaṃsī bhāratīśopadeśakaḥ || 58 ||

bhārgavīnāyakaśrīmadbhāgineyo bhavodbhavaḥ |

bhārakrauñcāsuradveṣo bhārgavīnāthavallabhaḥ || 59 ||

bhaṭavīranamaskṛtyo bhaṭavīrasamāvṛtaḥ |

bhaṭatārāgaṇoḍvīśo bhaṭavīragaṇastutaḥ || 60 ||

bhāgīratheyo bhāṣārtho bhāvanāśabarīpriyaḥ |

bhakāre kalicorāribhūtādyuccāṭanodyataḥ || 61 ||

vakārasukalāsaṃstho variṣṭho vasudāyakaḥ |

vakārakumudenduśca vakārābdhisudhāmayaḥ || 62 ||

vakārāmṛtamādhuryo vakārāmṛtadāyakaḥ |

dakṣe vajrābhītiyuto vāme śaktivarānvitaḥ || 63 ||

vakārodadhipūrṇenduḥ vakārodadhimauktikam |

vakārameghasalilo vāsavātmajarakṣakaḥ || 64 ||

vakāraphalasārajño vakārakalaśāmṛtam |

vakārapaṅkajaraso vasurvaṃśavivardhanaḥ || 65 ||

vakāradivyakamalabhramaro vāyuvanditaḥ |

vakāraśaśisaṅkāśo vajrapāṇisutāpriyaḥ || 66 ||

vakārapuṣpasadgandho vakārataṭapaṅkajam |

vakārabhramaradhvāno vayastejobalapradaḥ || 67 ||

vakāravanitānātho vaśyādyaṣṭapriyāpradaḥ |

vakāraphalasatkāro vakārājyahutāśanaḥ || 68 ||

varcasvī vāṅmano'tīto vātāpyarikṛtapriyaḥ |

vakāravaṭamūlastho vakārajaladhestaṭaḥ || 69 ||

vakāragaṅgāvegābdhiḥ vajramāṇikyabhūṣaṇaḥ |

vātarogaharo vāṇīgītaśravaṇakautukaḥ || 70 ||

vakāramakarārūḍho vakārajaladheḥ patiḥ |

vakārāmalamantrārtho vakāragṛhamaṅgalam || 71 ||

vakārasvargamāhendro vakārāraṇyavāraṇaḥ |

vakārapañjaraśuko valāritanayāstutaḥ || 72 ||

vakāramantramalayasānumanmandamārutaḥ |

vādyantabhānta ṣaṭkramya japānte śatrubhañjanaḥ || 73 ||

vajrahastasutāvallīvāmadakṣiṇasevitaḥ |

vakulotpalakādambapuṣpadāmasvalaṅkṛtaḥ || 74 ||

vajraśaktyādisampannadviṣaṭpāṇisaroruhaḥ |

vāsanāgandhaliptāṅgo vaṣaṭkāro vaśīkaraḥ || 75 ||

vāsanāyuktatāmbūlapūritānanasundaraḥ |

vallabhānāthasuprīto varapūrṇāmṛtodadhiḥ || 76 ||

iti śrī subrahmaṇya triśatī stotram |