Shri Subrahmanya Hridaya Stotram

ॐ

ശ്രീ സുബ്രഹ്മണ്യ ഹൃദയ സ്തോത്രമ്

Murugan Stotram Malayalam

അസ്യ ശ്രീസുബ്രഹ്മണ്യഹൃദയസ്തോത്രമഹാമന്ത്രസ്യ, അഗസ്ത്യോ ഭഗവാന് ഋഷിഃ, അനുഷ്ടുപ്ഛന്ദഃ, ശ്രീസുബ്രഹ്മണ്യോ ദേവതാ, സൌം ബീജം, സ്വാഹാ ശക്തിഃ, ശ്രീം കീലകം, ശ്രീസുബ്രഹ്മണ്യ പ്രസാദസിദ്ധ്യര്ഥേ ജപേ വിനിയോഗഃ ॥

കരന്യാസഃ –

സുബ്രഹ്മണ്യായ അങ്ഗുഷ്ഠാഭ്യാം നമഃ ।

ഷണ്മുഖായ തര്ജനീഭ്യാം നമഃ ।

ശക്തിധരായ മധ്യമാഭ്യാം നമഃ ।

ഷട്കോണസംസ്ഥിതായ അനാമികാഭ്യാം നമഃ ।

സര്വതോമുഖായ കനിഷ്ഠികാഭ്യാം നമഃ ।

താരകാന്തകായ കരതലകരപൃഷ്ഠാഭ്യാം നമഃ ॥

ഹൃദയാദി ന്യാസഃ –

സുബ്രഹ്മണ്യായ ഹൃദയായ നമഃ ।

ഷണ്മുഖായ ശിരസേ സ്വാഹാ ।

ശക്തിധരായ ശിഖായൈ വഷട് ।

ഷട്കോണസംസ്ഥിതായ കവചായ ഹുമ് ।

സര്വതോമുഖായ നേത്രത്രയായ വൌഷട് ।

താരകാന്തകായ അസ്ത്രായ ഫട് ।

ഭൂര്ഭുവസ്സുവരോമിതി ദിഗ്ബന്ധഃ ॥

ധ്യാനമ് ।

ഷഡ്വക്ത്രം ശിഖിവാഹനം ത്രിനയനം ചിത്രാമ്ബരാലങ്കൃതം

വജ്രം ശക്തിമസിം ത്രിശൂലമഭയം ഖേടം ധനുശ്ചക്രകമ് ।

പാശം കുക്കുടമങ്കുശം ച വരദം ദോര്ഭിര്ദധാനം സദാ

ധ്യായാമീപ്സിത സിദ്ധിദം ശിവസുതം ശ്രീദ്വാദശാക്ഷം ഗുഹമ് ॥

ലമിത്യാദി പഞ്ചപൂജാം കുര്യാത് ।

പീഠികാ ।

സത്യലോകേ സദാനന്ദേ മുനിഭിഃ പരിവേഷ്ടിതമ് ।

പപ്രച്ഛുര്മുനയഃ സര്വേ ബ്രഹ്മാണം ജഗതാം ഗുരുമ് ॥ 1 ॥

ഭഗവന് സര്വലോകേശ സര്വജ്ഞ കമലാസന ।

സദാനന്ദ ജ്ഞാനമൂര്തേ സര്വഭൂതഹിതേ രത ॥ 2 ॥

ബഹുധാ പ്രോക്തമേതസ്യ ഗുഹസ്യ ചരിതം മഹത് ।

ഹൃദയം ശ്രോതുമിച്ഛാമഃ തസ്യൈവ ക്രൌഞ്ചഭേദിനഃ ॥ 3 ॥

ബ്രഹ്മോവാച ।

ശൃണ്വന്തു മുനയഃ സര്വേ ഗുഹ്യാദ്ഗുഹ്യതരം മഹത് ।

സുബ്രഹ്മണ്യസ്യ ഹൃദയം സര്വഭൂതഹിതോദയമ് ॥ 4 ॥

സര്വാര്ഥസിദ്ധിദം പുണ്യം സര്വകാര്യൈക സാധനമ് ।

ധര്മാര്ഥകാമദം ഗുഹ്യം ധനധാന്യപ്രവര്ധനമ് ॥ 5 ॥

രഹസ്യമേതദ്ദേവാനാം അദേയം യസ്യ കസ്യചിത് ।

സര്വമിത്രകരം ഗോപ്യം തേജോബലസമന്വിതമ് ॥ 6 ॥

പ്രവക്ഷ്യാമി ഹിതാര്ഥം വഃ പരിതുഷ്ടേന ചേതസാ ।

ഹൃത്പദ്മകര്ണികാമധ്യേ ധ്യായേത്സര്വമനോഹരമ് ॥ 7 ॥

അഥ ഹൃദയമ് ।

സുവര്ണമണ്ഡപം ദിവ്യം രത്നതോരണരാജിതമ് ।

രത്നസ്തമ്ഭസഹസ്രൈശ്ച ശോഭിതം പരമാദ്ഭുതമ് ॥ 8 ॥

പരമാനന്ദനിലയം ഭാസ്വത്സൂര്യസമപ്രഭമ് ।

ദേവദാനവഗന്ധര്വഗരുഡൈര്യക്ഷകിന്നരൈഃ । ॥ 9 ॥

സേവാര്ഥമാഗതൈഃ സിദ്ധൈഃ സാധ്യൈരധ്യുഷിതം സദാ ।

മഹായോഗീന്ദ്രസംസേവ്യം മന്ദാരതരുമണ്ഡിതമ് ॥ 10 ॥

മണിവിദ്രുമവേദീഭിര്മഹതീഭിരുദഞ്ചിതമ് ।

തന്മധ്യേഽനന്തരത്ന ശ്രീച്ഛടാമണ്ഡലശോഭിതമ് ॥ 11 ॥

രത്നസിംഹാസനം ദിവ്യം രവികോടിസമപ്രഭമ് ।

സര്വാശ്ചര്യമയം പുണ്യം സര്വതഃ സുപരിഷ്കൃതമ് ॥ 12 ॥

തന്മധ്യേഽഷ്ടദലം പദ്മം ഉദ്യദര്കപ്രഭോദയമ് ।

നിഗമാഗമരോലമ്ബലമ്ബിതം ചിന്മയോദയമ് ॥ 13 ॥

ദിവ്യം തേജോമയം ദിവ്യം ദേവതാഭിര്നമസ്കൃതമ് ।

ദേദീപ്യമാനം രുചിഭിര്വിശാലം സുമനോഹരമ് ॥ 14 ॥

തന്മധ്യേ സര്വലോകേശം ധ്യായേത്സര്വാങ്ഗസുന്ദരമ് ।

അനന്താദിത്യസങ്കാശം ആശ്രിതാഭീഷ്ടദായകമ് ॥ 15 ॥

അചിന്ത്യജ്ഞാനവിജ്ഞാനതേജോബലസമന്വിതമ് ।

സര്വായുധധരം ദിവ്യം സര്വാശ്ചര്യമയം ഗുഹമ് ॥ 16 ॥

മഹാര്ഹ രത്നഖചിത ഷട്കിരീടവിരാജിതമ് ।

ശശാങ്കാര്ധകലാരമ്യ സമുദ്യന്മൌലിഭൂഷണമ് ॥ 17 ॥

മദനോജ്ജ്വലകോദണ്ഡമങ്ഗലഭ്രൂവിരാജിതമ് ।

വിസ്തീര്ണാരുണപദ്മശ്രീ വിലസദ്ദ്വാദശേക്ഷണമ് ॥ 18 ॥

ചാരുശ്രീവര്ണസമ്പൂര്ണമുഖശോഭാവിഭാസുരമ് ।

മണിപ്രഭാസമഗ്രശ്രീസ്ഫുരന്മകരകുണ്ഡലമ് ॥ 19 ॥

ലസദ്ദര്പണദര്പാഢ്യ ഗണ്ഡസ്ഥലവിരാജിതമ് ।

ദിവ്യകാഞ്ചനപുഷ്പശ്രീനാസാപുടവിരാജിതമ് ॥ 20 ॥

മന്ദഹാസപ്രഭാജാലമധുരാധര ശോഭിതമ് ।

സര്വലക്ഷണലക്ഷ്മീഭൃത്കമ്ബുകന്ധര സുന്ദരമ് ॥ 21 ॥

മഹാനര്ഘമഹാരത്നദിവ്യഹാരവിരാജിതമ് ।

സമഗ്രനാഗകേയൂരസന്നദ്ധഭുജമണ്ഡലമ് ॥ 22 ॥

രത്നകങ്കണസമ്ഭാസ്വത്കരാഗ്ര ശ്രീമഹോജ്ജ്വലമ് ।

മഹാമണികവാടാഭവക്ഷഃസ്ഥലവിരാജിതമ് ॥ 23 ॥

അതിഗാമ്ഭീര്യസമ്ഭാവ്യനാഭീനവസരോരുഹമ് ।

രത്നശ്രീകലിതാബദ്ധലസന്മധ്യപ്രദേശകമ് ॥ 24 ॥

സ്ഫുരത്കനകസംവീതപീതാമ്ബരസമാവൃതമ് ।

ശൃങ്ഗാരരസസമ്പൂര്ണ രത്നസ്തമ്ഭോപമോരുകമ് ॥ 25 ॥

സ്വര്ണകാഹലരോചിഷ്ണു ജങ്ഘായുഗലമണ്ഡലമ് ।

രത്നമഞ്ജീരസന്നദ്ധ രമണീയ പദാമ്ബുജമ് ॥ 26 ॥

ഭക്താഭീഷ്ടപ്രദം ദേവം ബ്രഹ്മവിഷ്ണ്വാദിസംസ്തുതമ് ।

കടാക്ഷൈഃ കരുണാദക്ഷൈസ്തോഷയന്തം ജഗത്പതിമ് ॥ 27 ॥

ചിദാനന്ദജ്ഞാനമൂര്തിം സര്വലോകപ്രിയങ്കരമ് ।

ശങ്കരസ്യാത്മജം ദേവം ധ്യായേച്ഛരവണോദ്ഭവമ് ॥ 28 ॥

അനന്താദിത്യചന്ദ്രാഗ്നി തേജഃ സമ്പൂര്ണവിഗ്രഹമ് ।

സര്വലോകൈകവരദം സര്വവിദ്യാര്ഥതത്ത്വകമ് ॥ 29 ॥

സര്വേശ്വരം സര്വവിഭും സര്വഭൂതഹിതേ രതമ് ।

ഏവം ധ്യാത്വാ തു ഹൃദയം ഷണ്മുഖസ്യ മഹാത്മനഃ ॥ 30 ॥

സര്വാന്കാമാനവാപ്നോതി സമ്യക് ജ്ഞാനം ച വിന്ദതി ।

ശുചൌ ദേശേ സമാസീനഃ ശുദ്ധാത്മാ ചരിതാഹ്നികഃ ॥ 31 ॥

പ്രാങ്മുഖോ യതചിത്തശ്ച ജപേദ്ധൃദയമുത്തമമ് ।

സകൃദേവ മനും ജപ്ത്വാ സമ്പ്രാപ്നോത്യഖിലം ശുഭമ് ॥ 32 ॥

ഇദം സര്വാഘഹരണം മൃത്യുദാരിദ്ര്യനാശനമ് ।

സര്വസമ്പത്കരം പുണ്യം സര്വരോഗനിവാരണമ് ॥ 33 ॥

സര്വകാമകരം ദിവ്യം സര്വാഭീഷ്ടപ്രദായകമ് ।

പ്രജാകരം രാജ്യകരം ഭാഗ്യദം ബഹുപുണ്യദമ് ॥ 34 ॥

ഗുഹ്യാദ്ഗുഹ്യതരം ഭൂയോ ദേവാനാമപി ദുര്ലഭമ് ।

ഇദം തു നാതപസ്കായ നാഭക്തായ കദാചന ॥ 35 ॥

ന ചാശുശ്രൂഷവേ ദേയം ന മദാന്ധായ കര്ഹിചിത് ।

സച്ഛിഷ്യായ കുലീനായ സ്കന്ദഭക്തിരതായ ച ॥ 36 ॥

സതാമഭിമതായേദം ദാതവ്യം ധര്മവര്ധനമ് ।

യ ഇദം പരമം പുണ്യം നിത്യം ജപതി മാനവഃ ।

തസ്യ ശ്രീ ഭഗവാന് സ്കന്ദഃ പ്രസന്നോ ഭവതി ധ്രുവമ് ॥ 37 ॥

ഇതി ശ്രീസ്കാന്ദപുരാണേ സുബ്രഹ്മണ്യഹൃദയസ്തോത്രമ് ॥

Roman (IAST) Transliteration

asya śrīsubrahmaṇyahṛdayastotramahāmantrasya, agastyo bhagavān ṛṣiḥ, anuṣṭupchandaḥ, śrīsubrahmaṇyo devatā, sauṃ bījaṃ, svāhā śaktiḥ, śrīṃ kīlakaṃ, śrīsubrahmaṇya prasādasiddhyarthe jape viniyogaḥ ||

karanyāsaḥ –

subrahmaṇyāya aṅguṣṭhābhyāṃ namaḥ |

ṣaṇmukhāya tarjanībhyāṃ namaḥ |

śaktidharāya madhyamābhyāṃ namaḥ |

ṣaṭkoṇasaṃsthitāya anāmikābhyāṃ namaḥ |

sarvatomukhāya kaniṣṭhikābhyāṃ namaḥ |

tārakāntakāya karatalakarapṛṣṭhābhyāṃ namaḥ ||

hṛdayādi nyāsaḥ –

subrahmaṇyāya hṛdayāya namaḥ |

ṣaṇmukhāya śirase svāhā |

śaktidharāya śikhāyai vaṣaṭ |

ṣaṭkoṇasaṃsthitāya kavacāya hum |

sarvatomukhāya netratrayāya vauṣaṭ |

tārakāntakāya astrāya phaṭ |

bhūrbhuvassuvaromiti digbandhaḥ ||

dhyānam |

ṣaḍvaktraṃ śikhivāhanaṃ trinayanaṃ citrāmbarālaṅkṛtaṃ

vajraṃ śaktimasiṃ triśūlamabhayaṃ kheṭaṃ dhanuścakrakam |

pāśaṃ kukkuṭamaṅkuśaṃ ca varadaṃ dorbhirdadhānaṃ sadā

dhyāyāmīpsita siddhidaṃ śivasutaṃ śrīdvādaśākṣaṃ guham ||

lamityādi pañcapūjāṃ kuryāt |

pīṭhikā |

satyaloke sadānande munibhiḥ pariveṣṭitam |

papracchurmunayaḥ sarve brahmāṇaṃ jagatāṃ gurum || 1 ||

bhagavan sarvalokeśa sarvajña kamalāsana |

sadānanda jñānamūrte sarvabhūtahite rata || 2 ||

bahudhā proktametasya guhasya caritaṃ mahat |

hṛdayaṃ śrotumicchāmaḥ tasyaiva krauñcabhedinaḥ || 3 ||

brahmovāca |

śṛṇvantu munayaḥ sarve guhyādguhyataraṃ mahat |

subrahmaṇyasya hṛdayaṃ sarvabhūtahitodayam || 4 ||

sarvārthasiddhidaṃ puṇyaṃ sarvakāryaika sādhanam |

dharmārthakāmadaṃ guhyaṃ dhanadhānyapravardhanam || 5 ||

rahasyametaddevānāṃ adeyaṃ yasya kasyacit |

sarvamitrakaraṃ gopyaṃ tejobalasamanvitam || 6 ||

pravakṣyāmi hitārthaṃ vaḥ parituṣṭena cetasā |

hṛtpadmakarṇikāmadhye dhyāyetsarvamanoharam || 7 ||

atha hṛdayam |

suvarṇamaṇḍapaṃ divyaṃ ratnatoraṇarājitam |

ratnastambhasahasraiśca śobhitaṃ paramādbhutam || 8 ||

paramānandanilayaṃ bhāsvatsūryasamaprabham |

devadānavagandharvagaruḍairyakṣakinnaraiḥ | || 9 ||

sevārthamāgataiḥ siddhaiḥ sādhyairadhyuṣitaṃ sadā |

mahāyogīndrasaṃsevyaṃ mandāratarumaṇḍitam || 10 ||

maṇividrumavedībhirmahatībhirudañcitam |

tanmadhye'nantaratna śrīcchaṭāmaṇḍalaśobhitam || 11 ||

ratnasiṃhāsanaṃ divyaṃ ravikoṭisamaprabham |

sarvāścaryamayaṃ puṇyaṃ sarvataḥ supariṣkṛtam || 12 ||

tanmadhye'ṣṭadalaṃ padmaṃ udyadarkaprabhodayam |

nigamāgamarolambalambitaṃ cinmayodayam || 13 ||

divyaṃ tejomayaṃ divyaṃ devatābhirnamaskṛtam |

dedīpyamānaṃ rucibhirviśālaṃ sumanoharam || 14 ||

tanmadhye sarvalokeśaṃ dhyāyetsarvāṅgasundaram |

anantādityasaṅkāśaṃ āśritābhīṣṭadāyakam || 15 ||

acintyajñānavijñānatejobalasamanvitam |

sarvāyudhadharaṃ divyaṃ sarvāścaryamayaṃ guham || 16 ||

mahārha ratnakhacita ṣaṭkirīṭavirājitam |

śaśāṅkārdhakalāramya samudyanmaulibhūṣaṇam || 17 ||

madanojjvalakodaṇḍamaṅgalabhrūvirājitam |

vistīrṇāruṇapadmaśrī vilasaddvādaśekṣaṇam || 18 ||

cāruśrīvarṇasampūrṇamukhaśobhāvibhāsuram |

maṇiprabhāsamagraśrīsphuranmakarakuṇḍalam || 19 ||

lasaddarpaṇadarpāḍhya gaṇḍasthalavirājitam |

divyakāñcanapuṣpaśrīnāsāpuṭavirājitam || 20 ||

mandahāsaprabhājālamadhurādhara śobhitam |

sarvalakṣaṇalakṣmībhṛtkambukandhara sundaram || 21 ||

mahānarghamahāratnadivyahāravirājitam |

samagranāgakeyūrasannaddhabhujamaṇḍalam || 22 ||

ratnakaṅkaṇasambhāsvatkarāgra śrīmahojjvalam |

mahāmaṇikavāṭābhavakṣaḥsthalavirājitam || 23 ||

atigāmbhīryasambhāvyanābhīnavasaroruham |

ratnaśrīkalitābaddhalasanmadhyapradeśakam || 24 ||

sphuratkanakasaṃvītapītāmbarasamāvṛtam |

śṛṅgārarasasampūrṇa ratnastambhopamorukam || 25 ||

svarṇakāhalarociṣṇu jaṅghāyugalamaṇḍalam |

ratnamañjīrasannaddha ramaṇīya padāmbujam || 26 ||

bhaktābhīṣṭapradaṃ devaṃ brahmaviṣṇvādisaṃstutam |

kaṭākṣaiḥ karuṇādakṣaistoṣayantaṃ jagatpatim || 27 ||

cidānandajñānamūrtiṃ sarvalokapriyaṅkaram |

śaṅkarasyātmajaṃ devaṃ dhyāyeccharavaṇodbhavam || 28 ||

anantādityacandrāgni tejaḥ sampūrṇavigraham |

sarvalokaikavaradaṃ sarvavidyārthatattvakam || 29 ||

sarveśvaraṃ sarvavibhuṃ sarvabhūtahite ratam |

evaṃ dhyātvā tu hṛdayaṃ ṣaṇmukhasya mahātmanaḥ || 30 ||

sarvānkāmānavāpnoti samyak jñānaṃ ca vindati |

śucau deśe samāsīnaḥ śuddhātmā caritāhnikaḥ || 31 ||

prāṅmukho yatacittaśca japeddhṛdayamuttamam |

sakṛdeva manuṃ japtvā samprāpnotyakhilaṃ śubham || 32 ||

idaṃ sarvāghaharaṇaṃ mṛtyudāridryanāśanam |

sarvasampatkaraṃ puṇyaṃ sarvaroganivāraṇam || 33 ||

sarvakāmakaraṃ divyaṃ sarvābhīṣṭapradāyakam |

prajākaraṃ rājyakaraṃ bhāgyadaṃ bahupuṇyadam || 34 ||

guhyādguhyataraṃ bhūyo devānāmapi durlabham |

idaṃ tu nātapaskāya nābhaktāya kadācana || 35 ||

na cāśuśrūṣave deyaṃ na madāndhāya karhicit |

sacchiṣyāya kulīnāya skandabhaktiratāya ca || 36 ||

satāmabhimatāyedaṃ dātavyaṃ dharmavardhanam |

ya idaṃ paramaṃ puṇyaṃ nityaṃ japati mānavaḥ |

tasya śrī bhagavān skandaḥ prasanno bhavati dhruvam || 37 ||

iti śrīskāndapurāṇe subrahmaṇyahṛdayastotram ||