Shri Shitala Devi Ashtakam (shitalashtakam)

ॐ

ശ്രീ ശീതലാ ദേവീ അഷ്ടകമ് (ശീതലാഷ്ടകമ്)

Devi Ashtakam Malayalam

അസ്യ ശ്രീശീതലാസ്തോത്രസ്യ മഹാദേവ ഋഷിഃ അനുഷ്ടുപ് ഛന്ദഃ ശീതലാ ദേവതാ ലക്ഷ്മീര്ബീജം ഭവാനീ ശക്തിഃ സര്വവിസ്ഫോടകനിവൃത്യര്ഥേ ജപേ വിനിയോഗഃ ॥

ഈശ്വര ഉവാച ।

വന്ദേഽഹം ശീതലാം ദേവീം രാസഭസ്ഥാം ദിഗമ്ബരാമ് ।

മാര്ജനീകലശോപേതാം ശൂര്പാലങ്കൃതമസ്തകാമ് ॥ 1 ॥

വന്ദേഽഹം ശീതലാം ദേവീം സര്വരോഗഭയാപഹാമ് ।

യാമാസാദ്യ നിവര്തേത വിസ്ഫോടകഭയം മഹത് ॥ 2 ॥

ശീതലേ ശീതലേ ചേതി യോ ബ്രൂയാദ്ദാഹപീഡിതഃ ।

വിസ്ഫോടകഭയം ഘോരം ക്ഷിപ്രം തസ്യ പ്രണശ്യതി ॥ 3 ॥

യസ്ത്വാമുദകമധ്യേ തു ധ്യാത്വാ സമ്പൂജയേന്നരഃ ।

വിസ്ഫോടകഭയം ഘോരം ഗൃഹേ തസ്യ ന ജായതേ ॥ 4 ॥

ശീതലേ ജ്വരദഗ്ധസ്യ പൂതിഗന്ധയുതസ്യ ച ।

പ്രണഷ്ടചക്ഷുഷഃ പുംസസ്ത്വാമാഹുര്ജീവനൌഷധമ് ॥ 5 ॥

ശീതലേ തനുജാന് രോഗാന് നൃണാം ഹരസി ദുസ്ത്യജാന് ।

വിസ്ഫോടകവിദീര്ണാനാം ത്വമേകാഽമൃതവര്ഷിണീ ॥ 6 ॥

ഗലഗണ്ഡഗ്രഹാ രോഗാ യേ ചാന്യേ ദാരുണാ നൃണാമ് ।

ത്വദനുധ്യാനമാത്രേണ ശീതലേ യാന്തി സങ്ക്ഷയമ് ॥ 7 ॥

ന മന്ത്രോ നൌഷധം തസ്യ പാപരോഗസ്യ വിദ്യതേ ।

ത്വാമേകാം ശീതലേ ധാത്രീം നാന്യാം പശ്യാമി ദേവതാമ് ॥ 8 ॥

മൃണാലതന്തുസദൃശീം നാഭിഹൃന്മധ്യസംസ്ഥിതാമ് ।

യസ്ത്വാം സഞ്ചിന്തയേദ്ദേവി തസ്യ മൃത്യുര്ന ജായതേ ॥ 9 ॥

അഷ്ടകം ശീതലാദേവ്യാ യോ നരഃ പ്രപഠേത്സദാ ।

വിസ്ഫോടകഭയം ഘോരം ഗൃഹേ തസ്യ ന ജായതേ ॥ 10 ॥

ശ്രോതവ്യം പഠിതവ്യം ച ശ്രദ്ധാഭക്തിസമന്വിതൈഃ ।

ഉപസര്ഗവിനാശായ പരം സ്വസ്ത്യയനം മഹത് ॥ 11 ॥

ശീതലേ ത്വം ജഗന്മാതാ ശീതലേ ത്വം ജഗത്പിതാ ।

ശീതലേ ത്വം ജഗദ്ധാത്രീ ശീതലായൈ നമോ നമഃ ॥ 12 ॥

രാസഭോ ഗര്ദഭശ്ചൈവ ഖരോ വൈശാഖനന്ദനഃ ।

ശീതലാവാഹനശ്ചൈവ ദൂര്വാകന്ദനികൃന്തനഃ ॥ 13 ॥

ഏതാനി ഖരനാമാനി ശീതലാഗ്രേ തു യഃ പഠേത് ।

തസ്യ ഗേഹേ ശിശൂനാം ച ശീതലാരുങ് ന ജായതേ ॥ 14 ॥

ശീതലാഷ്ടകമേവേദം ന ദേയം യസ്യകസ്യചിത് ।

ദാതവ്യം ച സദാ തസ്മൈ ശ്രദ്ധാഭക്തിയുതായ വൈ ॥ 15 ॥

ഇതി ശ്രീസ്കാന്ദപുരാണേ ശീതലാഷ്ടകമ് ॥

Roman (IAST) Transliteration

asya śrīśītalāstotrasya mahādeva ṛṣiḥ anuṣṭup chandaḥ śītalā devatā lakṣmīrbījaṃ bhavānī śaktiḥ sarvavisphoṭakanivṛtyarthe jape viniyogaḥ ||

īśvara uvāca |

vande'haṃ śītalāṃ devīṃ rāsabhasthāṃ digambarām |

mārjanīkalaśopetāṃ śūrpālaṅkṛtamastakām || 1 ||

vande'haṃ śītalāṃ devīṃ sarvarogabhayāpahām |

yāmāsādya nivarteta visphoṭakabhayaṃ mahat || 2 ||

śītale śītale ceti yo brūyāddāhapīḍitaḥ |

visphoṭakabhayaṃ ghoraṃ kṣipraṃ tasya praṇaśyati || 3 ||

yastvāmudakamadhye tu dhyātvā sampūjayennaraḥ |

visphoṭakabhayaṃ ghoraṃ gṛhe tasya na jāyate || 4 ||

śītale jvaradagdhasya pūtigandhayutasya ca |

praṇaṣṭacakṣuṣaḥ puṃsastvāmāhurjīvanauṣadham || 5 ||

śītale tanujān rogān nṛṇāṃ harasi dustyajān |

visphoṭakavidīrṇānāṃ tvamekā'mṛtavarṣiṇī || 6 ||

galagaṇḍagrahā rogā ye cānye dāruṇā nṛṇām |

tvadanudhyānamātreṇa śītale yānti saṅkṣayam || 7 ||

na mantro nauṣadhaṃ tasya pāparogasya vidyate |

tvāmekāṃ śītale dhātrīṃ nānyāṃ paśyāmi devatām || 8 ||

mṛṇālatantusadṛśīṃ nābhihṛnmadhyasaṃsthitām |

yastvāṃ sañcintayeddevi tasya mṛtyurna jāyate || 9 ||

aṣṭakaṃ śītalādevyā yo naraḥ prapaṭhetsadā |

visphoṭakabhayaṃ ghoraṃ gṛhe tasya na jāyate || 10 ||

śrotavyaṃ paṭhitavyaṃ ca śraddhābhaktisamanvitaiḥ |

upasargavināśāya paraṃ svastyayanaṃ mahat || 11 ||

śītale tvaṃ jaganmātā śītale tvaṃ jagatpitā |

śītale tvaṃ jagaddhātrī śītalāyai namo namaḥ || 12 ||

rāsabho gardabhaścaiva kharo vaiśākhanandanaḥ |

śītalāvāhanaścaiva dūrvākandanikṛntanaḥ || 13 ||

etāni kharanāmāni śītalāgre tu yaḥ paṭhet |

tasya gehe śiśūnāṃ ca śītalāruṅ na jāyate || 14 ||

śītalāṣṭakamevedaṃ na deyaṃ yasyakasyacit |

dātavyaṃ ca sadā tasmai śraddhābhaktiyutāya vai || 15 ||

iti śrīskāndapurāṇe śītalāṣṭakam ||