Shri Nrisimha Mantrarajapada Stotram

ॐ

ശ്രീ നൃസിംഹ മന്ത്രരാജപാദ സ്തോത്രമ്

Narasimha Stotram Malayalam

പാര്വത്യുവാച ।

മന്ത്രാണാം പരമം മന്ത്രം ഗുഹ്യാനാം ഗുഹ്യമേവ ച ।

ബ്രൂഹി മേ നാരസിംഹസ്യ തത്ത്വം മന്ത്രസ്യ ദുര്ലഭമ് ॥

ശങ്കര ഉവാച ।

വൃത്തോത്ഫുല്ലവിശാലാക്ഷം വിപക്ഷക്ഷയദീക്ഷിതമ് ।

നിനാദത്രസ്തവിശ്വാണ്ഡം വിഷ്ണുമുഗ്രം നമാമ്യഹമ് ॥ 1 ॥

സര്വൈരവധ്യതാം പ്രാപ്തം സബലൌഘം ദിതേഃ സുതമ് ।

നഖാഗ്രൈഃ ശകലീചക്രേ യസ്തം വീരം നമാമ്യഹമ് ॥ 2 ॥

പദാവഷ്ടബ്ധപാതാലം മൂര്ധാഽഽവിഷ്ടത്രിവിഷ്ടപമ് ।

ഭുജപ്രവിഷ്ടാഷ്ടദിശം മഹാവിഷ്ണും നമാമ്യഹമ് ॥ 3 ॥

ജ്യോതീംഷ്യര്കേന്ദുനക്ഷത്രജ്വലനാദീന്യനുക്രമാത് ।

ജ്വലന്തി തേജസാ യസ്യ തം ജ്വലന്തം നമാമ്യഹമ് ॥ 4 ॥

സര്വേന്ദ്രിയൈരപി വിനാ സര്വം സര്വത്ര സര്വദാ ।

യോ ജാനാതി നമാമ്യാദ്യം തമഹം സര്വതോമുഖമ് ॥ 5 ॥

നരവത് സിംഹവച്ചൈവ യസ്യ രൂപം മഹാത്മനഃ ।

മഹാസടം മഹാദംഷ്ട്രം തം നൃസിംഹം നമാമ്യഹമ് ॥ 6 ॥

യന്നാമസ്മരണാദ്ഭീതാഃ ഭൂതവേതാലരാക്ഷസാഃ ।

രോഗാദ്യാശ്ച പ്രണശ്യന്തി ഭീഷണം തം നമാമ്യഹമ് ॥ 7 ॥

സര്വേഽപി യം സമാശ്രിത്യ സകലം ഭദ്രമശ്നുതേ ।

ശ്രിയാ ച ഭദ്രയാ ജുഷ്ടോ യസ്തം ഭദ്രം നമാമ്യഹമ് ॥ 8 ॥

സാക്ഷാത് സ്വകാലേ സമ്പ്രാപ്തം മൃത്യും ശത്രുഗണാന്വിതമ് ।

ഭക്താനാം നാശയേദ്യസ്തു മൃത്യുമൃത്യും നമാമ്യഹമ് ॥ 9 ॥

നമസ്കാരാത്മകം യസ്മൈ വിധായാത്മനിവേദനമ് ।

ത്യക്തദുഃഖോഽഖിലാന് കാമാനശ്നന്തം തം നമാമ്യഹമ് ॥ 10 ॥

ദാസഭൂതാഃ സ്വതഃ സര്വേ ഹ്യാത്മാനഃ പരമാത്മനഃ ।

അതോഽഹമപി തേ ദാസഃ ഇതി മത്വാ നമാമ്യഹമ് ॥ 11 ॥

ശങ്കരേണാദരാത് പ്രോക്തം പദാനാം തത്ത്വമുത്തമമ് ।

ത്രിസന്ധ്യം യഃ പഠേത്തസ്യ ശ്രീവിദ്യാഽഽയുശ്ച വര്ധതേ ॥ 12 ॥

ഇതി ശ്രീശങ്കരകൃത ശ്രീ നൃസിംഹ മന്ത്രരാജപദ സ്തോത്രമ് ।

Roman (IAST) Transliteration

pārvatyuvāca |

mantrāṇāṃ paramaṃ mantraṃ guhyānāṃ guhyameva ca |

brūhi me nārasiṃhasya tattvaṃ mantrasya durlabham ||

śaṅkara uvāca |

vṛttotphullaviśālākṣaṃ vipakṣakṣayadīkṣitam |

ninādatrastaviśvāṇḍaṃ viṣṇumugraṃ namāmyaham || 1 ||

sarvairavadhyatāṃ prāptaṃ sabalaughaṃ diteḥ sutam |

nakhāgraiḥ śakalīcakre yastaṃ vīraṃ namāmyaham || 2 ||

padāvaṣṭabdhapātālaṃ mūrdhā''viṣṭatriviṣṭapam |

bhujapraviṣṭāṣṭadiśaṃ mahāviṣṇuṃ namāmyaham || 3 ||

jyotīṃṣyarkendunakṣatrajvalanādīnyanukramāt |

jvalanti tejasā yasya taṃ jvalantaṃ namāmyaham || 4 ||

sarvendriyairapi vinā sarvaṃ sarvatra sarvadā |

yo jānāti namāmyādyaṃ tamahaṃ sarvatomukham || 5 ||

naravat siṃhavaccaiva yasya rūpaṃ mahātmanaḥ |

mahāsaṭaṃ mahādaṃṣṭraṃ taṃ nṛsiṃhaṃ namāmyaham || 6 ||

yannāmasmaraṇādbhītāḥ bhūtavetālarākṣasāḥ |

rogādyāśca praṇaśyanti bhīṣaṇaṃ taṃ namāmyaham || 7 ||

sarve'pi yaṃ samāśritya sakalaṃ bhadramaśnute |

śriyā ca bhadrayā juṣṭo yastaṃ bhadraṃ namāmyaham || 8 ||

sākṣāt svakāle samprāptaṃ mṛtyuṃ śatrugaṇānvitam |

bhaktānāṃ nāśayedyastu mṛtyumṛtyuṃ namāmyaham || 9 ||

namaskārātmakaṃ yasmai vidhāyātmanivedanam |

tyaktaduḥkho'khilān kāmānaśnantaṃ taṃ namāmyaham || 10 ||

dāsabhūtāḥ svataḥ sarve hyātmānaḥ paramātmanaḥ |

ato'hamapi te dāsaḥ iti matvā namāmyaham || 11 ||

śaṅkareṇādarāt proktaṃ padānāṃ tattvamuttamam |

trisandhyaṃ yaḥ paṭhettasya śrīvidyā''yuśca vardhate || 12 ||

iti śrīśaṅkarakṛta śrī nṛsiṃha mantrarājapada stotram |