Shri Madhvacharya Krita Dvadasha Stotra - Shashtamastotram

ॐ

ശ്രീ മധ്വാചാര്യ കൃത ദ്വാദശ സ്തോത്ര - ഷഷ്ടമസ്തോത്രമ്

Stotram Madhvacharya Malayalam

അഥ ഷഷ്ഠസ്തോത്രമ്

മത്സ്യകരൂപ ലയോദവിഹാരിന് വേദവിനേത്ര ചതുര്മുഖവന്ദ്യ ।

കൂര്മസ്വരൂപക മന്ദരധാരിന് ലോകവിധാരക ദേവവരേണ്യ ॥ 1॥

സൂകരരൂപക ദാനവശത്രോ ഭൂമിവിധാരക യജ്ഞാവരാങ്ഗ ।

ദേവ നൃസിംഹ ഹിരണ്യകശത്രോ സര്വ ഭയാന്തക ദൈവതബന്ധോ ॥ 2॥

വാമന വാമന മാണവവേഷ ദൈത്യവരാന്തക കാരണരൂപ ।

രാമ ഭൃഗൂദ്വഹ സൂര്ജിതദീപ്തേ ക്ഷത്രകുലാന്തക ശമ്ഭുവരേണ്യ ॥ 3॥

രാഘവ രാഘവ രാക്ഷസ ശത്രോ മാരുതിവല്ലഭ ജാനകികാന്ത ।

ദേവകിനന്ദന നന്ദകുമാര വൃന്ദാവനാഞ്ചന ഗോകുലചന്ദ്ര ॥ 4॥

കന്ദഫലാശന സുന്ദരരൂപ നന്ദിതഗോകുലവന്ദിതപാദ ।

ഇന്ദ്രസുതാവക നന്ദകഹസ്ത ചന്ദനചര്ചിത സുന്ദരിനാഥ ॥ 5॥

ഇന്ദീവരോദര ദലനയന മന്ദരധാരിന് ഗോവിന്ദ വന്ദേ ।

ചന്ദ്രശതാനന കുന്ദസുഹാസ നന്ദിതദൈവതാനന്ദസുപൂര്ണ ॥ 6॥

ദേവകിനന്ദന സുന്ദരരൂപ രുക്മിണിവല്ലഭ പാണ്ഡവബന്ധോ ।

ദൈത്യവിമോഹക നിത്യസുഖാദേ ദേവവിബോധക ബുദ്ധസ്വരൂപ ॥ 7॥

ദുഷ്ടകുലാന്തക കല്കിസ്വരൂപ ധര്മവിവര്ധന മൂലയുഗാദേ ।

നാരായണാമലകാരണമൂര്തേ പൂര്ണഗുണാര്ണവ നിത്യസുബോധ ॥ 8॥

ആനന്ദതീര്ഥകൃതാ ഹരിഗാഥാ പാപഹരാ ശുഭനിത്യസുഖാര്ഥാ ॥ 9॥

ഇതി ശ്രീമദാനന്ദതീര്ഥഭഗവത്പാദാചാര്യ വിരചിതം

ദ്വാദശസ്തോത്രേഷു ഷഷ്ഠസ്തോത്രം സമ്പൂര്ണമ്

Roman (IAST) Transliteration

atha ṣaṣṭhastotram

matsyakarūpa layodavihārin vedavinetra caturmukhavandya |

kūrmasvarūpaka mandaradhārin lokavidhāraka devavareṇya || 1||

sūkararūpaka dānavaśatro bhūmividhāraka yajñāvarāṅga |

deva nṛsiṃha hiraṇyakaśatro sarva bhayāntaka daivatabandho || 2||

vāmana vāmana māṇavaveṣa daityavarāntaka kāraṇarūpa |

rāma bhṛgūdvaha sūrjitadīpte kṣatrakulāntaka śambhuvareṇya || 3||

rāghava rāghava rākṣasa śatro mārutivallabha jānakikānta |

devakinandana nandakumāra vṛndāvanāñcana gokulacandra || 4||

kandaphalāśana sundararūpa nanditagokulavanditapāda |

indrasutāvaka nandakahasta candanacarcita sundarinātha || 5||

indīvarodara dalanayana mandaradhārin govinda vande |

candraśatānana kundasuhāsa nanditadaivatānandasupūrṇa || 6||

devakinandana sundararūpa rukmiṇivallabha pāṇḍavabandho |

daityavimohaka nityasukhāde devavibodhaka buddhasvarūpa || 7||

duṣṭakulāntaka kalkisvarūpa dharmavivardhana mūlayugāde |

nārāyaṇāmalakāraṇamūrte pūrṇaguṇārṇava nityasubodha || 8||

ānandatīrthakṛtā harigāthā pāpaharā śubhanityasukhārthā || 9||

iti śrīmadānandatīrthabhagavatpādācārya viracitaṃ

dvādaśastotreṣu ṣaṣṭhastotraṃ sampūrṇam