Shri Madhvacharya Krita Dvadasha Stotra - Prathamastotram

ॐ

ശ്രീ മധ്വാചാര്യ കൃത ദ്വാദശ സ്തോത്ര - പ്രഥമസ്തോത്രമ്

Stotram Madhvacharya Malayalam

॥ ദ്വാദശ സ്തോത്രാണി॥

അഥ പ്രഥമസ്തോത്രമ്

വന്ദേ വന്ദ്യം സദാനന്ദം വാസുദേവം നിരഞ്ജനമ് ।

ഇന്ദിരാപതിമാദ്യാദി വരദേശ വരപ്രദമ് ॥ 1॥

നമാമി നിഖിലാധീശ കിരീടാഘൃഷ്ടപീഠവത് ।

ഹൃത്തമഃ ശമനേഽര്കാഭം ശ്രീപതേഃ പാദപങ്കജമ് ॥ 2॥

ജാമ്ബൂനദാമ്ബരാധാരം നിതമ്ബം ചിന്ത്യമീശിതുഃ ।

സ്വര്ണമഞ്ജീരസംവീതം ആരൂഢം ജഗദമ്ബയാ ॥ 3॥

ഉദരം ചിന്ത്യം ഈശസ്യ തനുത്വേഽപി അഖിലമ്ഭരമ് ।

വലിത്രയാങ്കിതം നിത്യം ആരൂഢം ശ്രിയൈകയാ ॥ 4॥

സ്മരണീയമുരോ വിഷ്ണോഃ ഇന്ദിരാവാസമുത്തമൈഃ । വര്

ഇന്ദിരാവാസമീശിതുഃ ഇന്ദിരാവാസമുത്തമമ്

അനന്തം അന്തവദിവ ഭുജയോരന്തരങ്ഗതമ് ॥ 5॥

ശങ്ഖചക്രഗദാപദ്മധരാശ്ചിന്ത്യാ ഹരേര്ഭുജാഃ ।

പീനവൃത്താ ജഗദ്രക്ഷാ കേവലോദ്യോഗിനോഽനിശമ് ॥ 6॥

സന്തതം ചിന്തയേത്കണ്ഠം ഭാസ്വത്കൌസ്തുഭഭാസകമ് ।

വൈകുണ്ഠസ്യാഖിലാ വേദാ ഉദ്ഗീര്യന്തേഽനിശം യതഃ ॥ 7॥

സ്മരേത യാമിനീനാഥ സഹസ്രാമിതകാന്തിമത് ।

ഭവതാപാപനോദീഡ്യം ശ്രീപതേഃ മുഖപങ്കജമ് ॥ 8॥

പൂര്ണാനന്യസുഖോദ്ഭാസിം അന്ദസ്മിതമധീശിതുഃ ।

ഗോവിന്ദസ്യ സദാ ചിന്ത്യം നിത്യാനന്ദപദപ്രദമ് ॥ 9॥

സ്മരാമി ഭവസന്താപ ഹാനിദാമൃതസാഗരമ് ।

പൂര്ണാനന്ദസ്യ രാമസ്യ സാനുരാഗാവലോകനമ് ॥ 10॥

ധ്യായേദജസ്രമീശസ്യ പദ്മജാദിപ്രതീക്ഷിതമ് ।

ഭ്രൂഭങ്ഗം പാരമേഷ്ഠ്യാദി പദദായി വിമുക്തിദമ് ॥ 11॥

സന്തതം ചിന്തയേഽനന്തം അന്തകാലേ । (അന്ത്യകാലേ വിശേഷതഃ)

നൈവോദാപുഃ ഗൃണന്തോഽന്തം യദ്ഗുണാനാം അജാദയഃ ॥ 12॥

ഇതി ശ്രീമദാനന്ദതീര്ഥഭഗവത്പാദാചാര്യ വിരചിതം

ദ്വാദശസ്തോത്രേഷു പ്രഥമസ്തോത്രം സമ്പൂര്ണമ്

Roman (IAST) Transliteration

|| dvādaśa stotrāṇi||

atha prathamastotram

vande vandyaṃ sadānandaṃ vāsudevaṃ nirañjanam |

indirāpatimādyādi varadeśa varapradam || 1||

namāmi nikhilādhīśa kirīṭāghṛṣṭapīṭhavat |

hṛttamaḥ śamane'rkābhaṃ śrīpateḥ pādapaṅkajam || 2||

jāmbūnadāmbarādhāraṃ nitambaṃ cintyamīśituḥ |

svarṇamañjīrasaṃvītaṃ ārūḍhaṃ jagadambayā || 3||

udaraṃ cintyaṃ īśasya tanutve'pi akhilambharam |

valitrayāṅkitaṃ nityaṃ ārūḍhaṃ śriyaikayā || 4||

smaraṇīyamuro viṣṇoḥ indirāvāsamuttamaiḥ | var

indirāvāsamīśituḥ indirāvāsamuttamam

anantaṃ antavadiva bhujayorantaraṅgatam || 5||

śaṅkhacakragadāpadmadharāścintyā harerbhujāḥ |

pīnavṛttā jagadrakṣā kevalodyogino'niśam || 6||

santataṃ cintayetkaṇṭhaṃ bhāsvatkaustubhabhāsakam |

vaikuṇṭhasyākhilā vedā udgīryante'niśaṃ yataḥ || 7||

smareta yāminīnātha sahasrāmitakāntimat |

bhavatāpāpanodīḍyaṃ śrīpateḥ mukhapaṅkajam || 8||

pūrṇānanyasukhodbhāsiṃ andasmitamadhīśituḥ |

govindasya sadā cintyaṃ nityānandapadapradam || 9||

smarāmi bhavasantāpa hānidāmṛtasāgaram |

pūrṇānandasya rāmasya sānurāgāvalokanam || 10||

dhyāyedajasramīśasya padmajādipratīkṣitam |

bhrūbhaṅgaṃ pārameṣṭhyādi padadāyi vimuktidam || 11||

santataṃ cintaye'nantaṃ antakāle | (antyakāle viśeṣataḥ)

naivodāpuḥ gṛṇanto'ntaṃ yadguṇānāṃ ajādayaḥ || 12||

iti śrīmadānandatīrthabhagavatpādācārya viracitaṃ

dvādaśastotreṣu prathamastotraṃ sampūrṇam