📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ ലലിതാ ത്രിശതി സ്തോത്രമ്
Shri Lalita Trishati Stotram
Devi Trishati Malayalam
അസ്യ ശ്രീലലിതാ ത്രിശതീസ്തോത്ര മഹാമന്ത്രസ്യ, ഭഗവാന് ഹയഗ്രീവ ഋഷിഃ, അനുഷ്ടുപ് ഛന്ദഃ, ശ്രീലലിതാമഹാത്രിപുരസുന്ദരീ ദേവതാ, ഐം ബീജം, സൌഃ ശക്തിഃ, ക്ലീം കീലകം, മമ ചതുര്വിധപുരുഷാര്ഥഫലസിദ്ധ്യര്ഥേ ജപേ വിനിയോഗഃ ।
ഐമിത്യാദിഭിരങ്ഗന്യാസകരന്യാസാഃ കാര്യാഃ ।
ധ്യാനമ് ।
അതിമധുരചാപഹസ്താ-
-മപരിമിതാമോദബാണസൌഭാഗ്യാമ് ।
അരുണാമതിശയകരുണാ-
-മഭിനവകുലസുന്ദരീം വന്ദേ ।
ശ്രീ ഹയഗ്രീവ ഉവാച ।
കകാരരൂപാ കല്യാണീ കല്യാണഗുണശാലിനീ ।
കല്യാണശൈലനിലയാ കമനീയാ കലാവതീ ॥ 1 ॥
കമലാക്ഷീ കല്മഷഘ്നീ കരുണാമൃതസാഗരാ ।
കദമ്ബകാനനാവാസാ കദമ്ബകുസുമപ്രിയാ ॥ 2 ॥
കന്ദര്പവിദ്യാ കന്ദര്പജനകാപാങ്ഗവീക്ഷണാ ।
കര്പൂരവീടിസൌരഭ്യകല്ലോലിതകകുപ്തടാ ॥ 3 ॥
കലിദോഷഹരാ കഞ്ജലോചനാ കമ്രവിഗ്രഹാ ।
കര്മാദിസാക്ഷിണീ കാരയിത്രീ കര്മഫലപ്രദാ ॥ 4 ॥
ഏകാരരൂപാ ചൈകാക്ഷര്യേകാനേകാക്ഷരാകൃതിഃ ।
ഏതത്തദിത്യനിര്ദേശ്യാ ചൈകാനന്ദചിദാകൃതിഃ ॥ 5 ॥
ഏവമിത്യാഗമാബോധ്യാ ചൈകഭക്തിമദര്ചിതാ ।
ഏകാഗ്രചിത്തനിര്ധ്യാതാ ചൈഷണാരഹിതാദൃതാ ॥ 6 ॥
ഏലാസുഗന്ധിചികുരാ ചൈനഃകൂടവിനാശിനീ ।
ഏകഭോഗാ ചൈകരസാ ചൈകൈശ്വര്യപ്രദായിനീ ॥ 7 ॥
ഏകാതപത്രസാമ്രാജ്യപ്രദാ ചൈകാന്തപൂജിതാ ।
ഏധമാനപ്രഭാ ചൈജദനേകജഗദീശ്വരീ ॥ 8 ॥
ഏകവീരാദിസംസേവ്യാ ചൈകപ്രാഭവശാലിനീ ।
ഈകാരരൂപാ ചേശിത്രീ ചേപ്സിതാര്ഥപ്രദായിനീ ॥ 9 ॥
ഈദൃഗിത്യവിനിര്ദേശ്യാ ചേശ്വരത്വവിധായിനീ ।
ഈശാനാദിബ്രഹ്മമയീ ചേശിത്വാദ്യഷ്ടസിദ്ധിദാ ॥ 10 ॥
ഈക്ഷിത്രീക്ഷണസൃഷ്ടാണ്ഡകോടിരീശ്വരവല്ലഭാ ।
ഈഡിതാ ചേശ്വരാര്ധാങ്ഗശരീരേശാധിദേവതാ ॥ 11 ॥
ഈശ്വരപ്രേരണകരീ ചേശതാണ്ഡവസാക്ഷിണീ ।
ഈശ്വരോത്സങ്ഗനിലയാ ചേതിബാധാവിനാശിനീ ॥ 12 ॥
ഈഹാവിരഹിതാ ചേശശക്തിരീഷത്സ്മിതാനനാ ।
ലകാരരൂപാ ലലിതാ ലക്ഷ്മീവാണീനിഷേവിതാ ॥ 13 ॥
ലാകിനീ ലലനാരൂപാ ലസദ്ദാഡിമപാടലാ ।
ലലന്തികാലസത്ഫാലാ ലലാടനയനാര്ചിതാ ॥ 14 ॥
ലക്ഷണോജ്ജ്വലദിവ്യാങ്ഗീ ലക്ഷകോട്യണ്ഡനായികാ ।
ലക്ഷ്യാര്ഥാ ലക്ഷണാഗമ്യാ ലബ്ധകാമാ ലതാതനുഃ ॥ 15 ॥
ലലാമരാജദലികാ ലമ്ബിമുക്താലതാഞ്ചിതാ ।
ലമ്ബോദരപ്രസൂര്ലഭ്യാ ലജ്ജാഢ്യാ ലയവര്ജിതാ ॥ 16 ॥
ഹ്രീം‍കാരരൂപാ ഹ്രീം‍കാരനിലയാ ഹ്രീം‍പദപ്രിയാ ।
ഹ്രീം‍കാരബീജാ ഹ്രീം‍കാരമന്ത്രാ ഹ്രീം‍കാരലക്ഷണാ ॥ 17 ॥
ഹ്രീം‍കാരജപസുപ്രീതാ ഹ്രീം‍മതീ ഹ്രീം‍വിഭൂഷണാ ।
ഹ്രീം‍ശീലാ ഹ്രീം‍പദാരാധ്യാ ഹ്രീം‍ഗര്ഭാ ഹ്രീം‍പദാഭിധാ ॥ 18 ॥
ഹ്രീം‍കാരവാച്യാ ഹ്രീം‍കാരപൂജ്യാ ഹ്രീം‍കാരപീഠികാ ।
ഹ്രീം‍കാരവേദ്യാ ഹ്രീം‍കാരചിന്ത്യാ ഹ്രീം ഹ്രീം‍ശരീരിണീ ॥ 19 ॥
ഹകാരരൂപാ ഹലധൃക്പൂജിതാ ഹരിണേക്ഷണാ ।
ഹരപ്രിയാ ഹരാരാധ്യാ ഹരിബ്രഹ്മേന്ദ്രവന്ദിതാ ॥ 20 ॥
ഹയാരൂഢാസേവിതാങ്ഘ്രിര്ഹയമേധസമര്ചിതാ ।
ഹര്യക്ഷവാഹനാ ഹംസവാഹനാ ഹതദാനവാ ॥ 21 ॥
ഹത്യാദിപാപശമനീ ഹരിദശ്വാദിസേവിതാ ।
ഹസ്തികുമ്ഭോത്തുങ്ഗകുചാ ഹസ്തികൃത്തിപ്രിയാങ്ഗനാ ॥ 22 ॥
ഹരിദ്രാകുങ്കുമാദിഗ്ധാ ഹര്യശ്വാദ്യമരാര്ചിതാ ।
ഹരികേശസഖീ ഹാദിവിദ്യാ ഹാലാമദാലസാ ॥ 23 ॥
സകാരരൂപാ സര്വജ്ഞാ സര്വേശീ സര്വമങ്ഗലാ ।
സര്വകര്ത്രീ സര്വഭര്ത്രീ സര്വഹന്ത്രീ സനാതനാ ॥ 24 ॥
സര്വാനവദ്യാ സര്വാങ്ഗസുന്ദരീ സര്വസാക്ഷിണീ ।
സര്വാത്മികാ സര്വസൌഖ്യദാത്രീ സര്വവിമോഹിനീ ॥ 25 ॥
സര്വാധാരാ സര്വഗതാ സര്വാവഗുണവര്ജിതാ ।
സര്വാരുണാ സര്വമാതാ സര്വഭൂഷണഭൂഷിതാ ॥ 26 ॥
കകാരാര്ഥാ കാലഹന്ത്രീ കാമേശീ കാമിതാര്ഥദാ ।
കാമസഞ്ജീവനീ കല്യാ കഠിനസ്തനമണ്ഡലാ ॥ 27 ॥
കരഭോരൂഃ കലാനാഥമുഖീ കചജിതാമ്ബുദാ ।
കടാക്ഷസ്യന്ദികരുണാ കപാലിപ്രാണനായികാ ॥ 28 ॥
കാരുണ്യവിഗ്രഹാ കാന്താ കാന്തിധൂതജപാവലിഃ ।
കലാലാപാ കമ്ബുകണ്ഠീ കരനിര്ജിതപല്ലവാ ॥ 29 ॥
കല്പവല്ലീസമഭുജാ കസ്തൂരീതിലകാഞ്ചിതാ ।
ഹകാരാര്ഥാ ഹംസഗതിര്ഹാടകാഭരണോജ്ജ്വലാ ॥ 30 ॥
ഹാരഹാരികുചാഭോഗാ ഹാകിനീ ഹല്യവര്ജിതാ ।
ഹരിത്പതിസമാരാധ്യാ ഹഠാത്കാരഹതാസുരാ ॥ 31 ॥
ഹര്ഷപ്രദാ ഹവിര്ഭോക്ത്രീ ഹാര്ദസന്തമസാപഹാ ।
ഹല്ലീസലാസ്യസന്തുഷ്ടാ ഹംസമന്ത്രാര്ഥരൂപിണീ ॥ 32 ॥
ഹാനോപാദാനനിര്മുക്താ ഹര്ഷിണീ ഹരിസോദരീ ।
ഹാഹാഹൂഹൂമുഖസ്തുത്യാ ഹാനിവൃദ്ധിവിവര്ജിതാ ॥ 33 ॥
ഹയ്യങ്ഗവീനഹൃദയാ ഹരിഗോപാരുണാംശുകാ ।
ലകാരാഖ്യാ ലതാപൂജ്യാ ലയസ്ഥിത്യുദ്ഭവേശ്വരീ ॥ 34 ॥
ലാസ്യദര്ശനസന്തുഷ്ടാ ലാഭാലാഭവിവര്ജിതാ ।
ലങ്ഘ്യേതരാജ്ഞാ ലാവണ്യശാലിനീ ലഘുസിദ്ധിദാ ॥ 35 ॥
ലാക്ഷാരസസവര്ണാഭാ ലക്ഷ്മണാഗ്രജപൂജിതാ ।
ലഭ്യേതരാ ലബ്ധഭക്തിസുലഭാ ലാങ്ഗലായുധാ ॥ 36 ॥
ലഗ്നചാമരഹസ്തശ്രീശാരദാപരിവീജിതാ ।
ലജ്ജാപദസമാരാധ്യാ ലമ്പടാ ലകുലേശ്വരീ ॥ 37 ॥
ലബ്ധമാനാ ലബ്ധരസാ ലബ്ധസമ്പത്സമുന്നതിഃ ।
ഹ്രീം‍കാരിണീ ഹ്രീം‍കാരാദ്യാ ഹ്രീം‍മധ്യാ ഹ്രീം‍ശിഖാമണിഃ ॥ 38 ॥
ഹ്രീം‍കാരകുണ്ഡാഗ്നിശിഖാ ഹ്രീം‍കാരശശിചന്ദ്രികാ ।
ഹ്രീം‍കാരഭാസ്കരരുചിര്ഹ്രീം‍കാരാമ്ഭോദചഞ്ചലാ ॥ 39 ॥
ഹ്രീം‍കാരകന്ദാങ്കുരികാ ഹ്രീം‍കാരൈകപരായണാ ।
ഹ്രീം‍കാരദീര്ഘികാഹംസീ ഹ്രീം‍കാരോദ്യാനകേകിനീ ॥ 40 ॥
ഹ്രീം‍കാരാരണ്യഹരിണീ ഹ്രീം‍കാരാവാലവല്ലരീ ।
ഹ്രീം‍കാരപഞ്ജരശുകീ ഹ്രീം‍കാരാങ്ഗണദീപികാ ॥ 41 ॥
ഹ്രീം‍കാരകന്ദരാസിംഹീ ഹ്രീം‍കാരാമ്ഭോജഭൃങ്ഗികാ ।
ഹ്രീം‍കാരസുമനോമാധ്വീ ഹ്രീം‍കാരതരുമഞ്ജരീ ॥ 42 ॥
സകാരാഖ്യാ സമരസാ സകലാഗമസംസ്തുതാ ।
സര്വവേദാന്തതാത്പര്യഭൂമിഃ സദസദാശ്രയാ ॥ 43 ॥
സകലാ സച്ചിദാനന്ദാ സാധ്യാ സദ്ഗതിദായിനീ ।
സനകാദിമുനിധ്യേയാ സദാശിവകുടുമ്ബിനീ ॥ 44 ॥
സകാലാധിഷ്ഠാനരൂപാ സത്യരൂപാ സമാകൃതിഃ ।
സര്വപ്രപഞ്ചനിര്മാത്രീ സമനാധികവര്ജിതാ ॥ 45 ॥
സര്വോത്തുങ്ഗാ സങ്ഗഹീനാ സഗുണാ സകലേഷ്ടദാ ।
കകാരിണീ കാവ്യലോലാ കാമേശ്വരമനോഹരാ ॥ 46 ॥
കാമേശ്വരപ്രാണനാഡീ കാമേശോത്സങ്ഗവാസിനീ ।
കാമേശ്വരാലിങ്ഗിതാങ്ഗീ കാമേശ്വരസുഖപ്രദാ ॥ 47 ॥
കാമേശ്വരപ്രണയിനീ കാമേശ്വരവിലാസിനീ ।
കാമേശ്വരതപഃസിദ്ധിഃ കാമേശ്വരമനഃപ്രിയാ ॥ 48 ॥
കാമേശ്വരപ്രാണനാഥാ കാമേശ്വരവിമോഹിനീ ।
കാമേശ്വരബ്രഹ്മവിദ്യാ കാമേശ്വരഗൃഹേശ്വരീ ॥ 49 ॥
കാമേശ്വരാഹ്ലാദകരീ കാമേശ്വരമഹേശ്വരീ ।
കാമേശ്വരീ കാമകോടിനിലയാ കാങ്ക്ഷിതാര്ഥദാ ॥ 50 ॥
ലകാരിണീ ലബ്ധരൂപാ ലബ്ധധീര്ലബ്ധവാഞ്ഛിതാ ।
ലബ്ധപാപമനോദൂരാ ലബ്ധാഹങ്കാരദുര്ഗമാ ॥ 51 ॥
ലബ്ധശക്തിര്ലബ്ധദേഹാ ലബ്ധൈശ്വര്യസമുന്നതിഃ ।
ലബ്ധവൃദ്ധിര്ലബ്ധലീലാ ലബ്ധയൌവനശാലിനീ ॥ 52 ॥
ലബ്ധാതിശയസര്വാങ്ഗസൌന്ദര്യാ ലബ്ധവിഭ്രമാ ।
ലബ്ധരാഗാ ലബ്ധപതിര്ലബ്ധനാനാഗമസ്ഥിതിഃ ॥ 53 ॥
ലബ്ധഭോഗാ ലബ്ധസുഖാ ലബ്ധഹര്ഷാഭിപൂരിതാ ।
ഹ്രീം‍കാരമൂര്തിര്ഹ്രീം‍കാരസൌധശൃങ്ഗകപോതികാ ॥ 54 ॥
ഹ്രീം‍കാരദുഗ്ധാബ്ധിസുധാ ഹ്രീം‍കാരകമലേന്ദിരാ ।
ഹ്രീം‍കാരമണിദീപാര്ചിര്ഹ്രീം‍കാരതരുശാരികാ ॥ 55 ॥
ഹ്രീം‍കാരപേടകമണിര്ഹ്രീം‍കാരാദര്ശബിമ്ബിതാ ।
ഹ്രീം‍കാരകോശാസിലതാ ഹ്രീം‍കാരാസ്ഥാനനര്തകീ ॥ 56 ॥
ഹ്രീം‍കാരശുക്തികാമുക്താമണിര്ഹ്രീം‍കാരബോധിതാ ।
ഹ്രീം‍കാരമയസൌവര്ണസ്തമ്ഭവിദ്രുമപുത്രികാ ॥ 57 ॥
ഹ്രീം‍കാരവേദോപനിഷദ് ഹ്രീം‍കാരാധ്വരദക്ഷിണാ ।
ഹ്രീം‍കാരനന്ദനാരാമനവകല്പകവല്ലരീ ॥ 58 ॥
ഹ്രീം‍കാരഹിമവദ്ഗങ്ഗാ ഹ്രീം‍കാരാര്ണവകൌസ്തുഭാ ।
ഹ്രീം‍കാരമന്ത്രസര്വസ്വാ ഹ്രീം‍കാരപരസൌഖ്യദാ ॥ 59 ॥
ഉത്തരപീഠികാ (ഫലശൃതിഃ)
ഹയഗ്രീവ ഉവാച ।
ഇത്യേവം തേ മയാഖ്യാതം ദേവ്യാ നാമശതത്രയമ് ।
രഹസ്യാതിരഹസ്യത്വാദ്ഗോപനീയം ത്വയാ മുനേ ॥ 1 ॥
ശിവവര്ണാനി നാമാനി ശ്രീദേവ്യാ കഥിതാനി ഹി ।
ശക്ത്യക്ഷരാണി നാമാനി കാമേശകഥിതാനി ച ॥ 2 ॥
ഉഭയാക്ഷരനാമാനി ഹ്യുഭാഭ്യാം കഥിതാനി വൈ ।
തദന്യൈര്ഗ്രഥിതം സ്തോത്രമേതസ്യ സദൃശം കിമു ॥ 3 ॥
നാനേന സദൃശം സ്തോത്രം ശ്രീദേവീപ്രീതിദായകമ് ।
ലോകത്രയേഽപി കല്യാണം സമ്ഭവേന്നാത്ര സംശയഃ ॥ 4 ॥
സൂത ഉവാച ।
ഇതി ഹയമുഖഗീതം സ്തോത്രരാജം നിശമ്യ
പ്രഗലിതകലുഷോഽഭൂച്ചിത്തപര്യാപ്തിമേത്യ ।
നിജഗുരുമഥ നത്വാ കുമ്ഭജന്മാ തദുക്തം
പുനരധികരഹസ്യം ജ്ഞാതുമേവം ജഗാദ ॥ 5 ॥
അഗസ്ത്യ ഉവാച ।
അശ്വാനന മഹാഭാഗ രഹസ്യമപി മേ വദ ।
ശിവവര്ണാനി കാന്യത്ര ശക്തിവര്ണാനി കാനി ഹി ॥ 6 ॥
ഉഭയോരപി വര്ണാനി കാനി വാ വദ ദേശിക ।
ഇതി പൃഷ്ടഃ കുമ്ഭജേന ഹയഗ്രീവോഽവദത്പുനഃ ॥ 7 ॥
ഹയഗ്രീവ ഉവാച ।
തവ ഗോപ്യം കിമസ്തീഹ സാക്ഷാദമ്ബാനുശാസനാത് ।
ഇദം ത്വതിരഹസ്യം തേ വക്ഷ്യാമി ശൃണു കുമ്ഭജ ॥ 8 ॥
ഏതദ്വിജ്ഞാനമാത്രേണ ശ്രീവിദ്യാ സിദ്ധിദാ ഭവേത് ।
കത്രയം ഹദ്വയം ചൈവ ശൈവോ ഭാഗഃ പ്രകീര്തിതഃ ॥ 9 ॥
ശക്ത്യക്ഷരാണി ശേഷാണി ഹ്രീങ്കാര ഉഭയാത്മകഃ ।
ഏവം വിഭാഗമജ്ഞാത്വാ യേ വിദ്യാജപശാലിനഃ ॥ 10 ॥
ന തേഷാം സിദ്ധിദാ വിദ്യാ കല്പകോടിശതൈരപി ।
ചതുര്ഭിഃ ശിവചക്രൈശ്ച ശക്തിചക്രൈശ്ച പഞ്ചഭിഃ ॥ 11 ॥
നവചക്രൈശ്ച സംസിദ്ധം ശ്രീചക്രം ശിവയോര്വപുഃ ।
ത്രികോണമഷ്ടകോണം ച ദശകോണദ്വയം തഥാ ॥ 12 ॥
ചതുര്ദശാരം ചൈതാനി ശക്തിചക്രാണി പഞ്ച ച ।
ബിന്ദുശ്ചാഷ്ടദലം പദ്മം പദ്മം ഷോഡശപത്രകമ് ॥ 13 ॥
ചതുരശ്രം ച ചത്വാരി ശിവചക്രാണ്യനുക്രമാത് ।
ത്രികോണേ ബൈന്ദവം ശ്ലിഷ്ടം അഷ്ടാരേഽഷ്ടദലാമ്ബുജമ് ॥ 14 ॥
ദശാരയോഃ ഷോഡശാരം ഭൂഗൃഹം ഭുവനാശ്രകേ ।
ശൈവാനാമപി ശാക്താനാം ചക്രാണാം ച പരസ്പരമ് ॥ 15 ॥
അവിനാഭാവസമ്ബന്ധം യോ ജാനാതി സ ചക്രവിത് ।
ത്രികോണരൂപിണീ ശക്തിര്ബിന്ദുരൂപപരഃ ശിവഃ ॥ 16 ॥
അവിനാഭാവസമ്ബന്ധം തസ്മാദ്ബിന്ദുത്രികോണയോഃ ।
ഏവം വിഭാഗമജ്ഞാത്വാ ശ്രീചക്രം യഃ സമര്ചയേത് ॥ 17 ॥
ന തത്ഫലമവാപ്നോതി ലലിതാമ്ബാ ന തുഷ്യതി ।
യേ ച ജാനന്തി ലോകേഽസ്മിന് ശ്രീവിദ്യാചക്രവേദിനഃ ॥ 18 ॥
സാമന്യവേദിനഃ സര്വേ വിശേഷജ്ഞോഽതിദുര്ലഭഃ ।
സ്വയംവിദ്യാവിശേഷജ്ഞോ വിശേഷജ്ഞം സമര്ചയേത് ॥ 19 ॥
തസ്മൈ ദേയം തതോ ഗ്രാഹ്യമശക്തസ്തസ്യ ദാപയേത് ।
അന്ധം തമഃ പ്രവിശന്തി യേഽവിദ്യാം സമുപാസതേ ॥ 20 ॥
ഇതി ശ്രുതിരപാഹൈതാനവിദ്യോപാസകാന്പുനഃ ।
വിദ്യാന്യോപാസകാനേവ നിന്ദത്യാരുണികീ ശ്രുതിഃ ॥ 21 ॥
അശ്രുതാ സശ്രുതാസശ്ച യജ്വാനോ യേഽപ്യയജ്വനഃ ।
സ്വര്യന്തോ നാപേക്ഷന്തേ ഇന്ദ്രമഗ്നിം ച യേ വിദുഃ ॥ 22 ॥
സികതാ ഇവ സംയന്തി രശ്മിഭിഃ സമുദീരിതാഃ ।
അസ്മാല്ലോകാദമുഷ്മാച്ചേത്യാഹ ചാരണ്യകശ്രുതിഃ ॥ 23 ॥
യസ്യ നോ പശ്ചിമം ജന്മ യദി വാ ശങ്കരഃ സ്വയമ് ।
തേനൈവ ലഭ്യതേ വിദ്യാ ശ്രീമത്പഞ്ചദശാക്ഷരീ ॥ 24 ॥
ഇതി മന്ത്രേഷു ബഹുധാ വിദ്യായാ മഹിമോച്യതേ ।
മോക്ഷൈകഹേതുവിദ്യാ തു ശ്രീവിദ്യാ നാത്ര സംശയഃ ॥ 25 ॥
ന ശില്പാദിജ്ഞാനയുക്തേ വിദ്വച്ഛബ്ധഃ പ്രയുജ്യതേ ।
മോക്ഷൈകഹേതുവിദ്യാ സാ ശ്രീവിദ്യൈവ ന സംശയഃ ॥ 26 ॥
തസ്മാദ്വിദ്യാവിദേവാത്ര വിദ്വാന്വിദ്വാനിതീര്യതേ ।
സ്വയം വിദ്യാവിദേ ദദ്യാത്ഖ്യാപയേത്തദ്ഗുണാന്സുധീഃ ॥ 27 ॥
സ്വയംവിദ്യാരഹസ്യജ്ഞോ വിദ്യാമാഹാത്മ്യവേദ്യപി ।
വിദ്യാവിദം നാര്ചയേച്ചേത്കോ വാ തം പൂജയേജ്ജനഃ ॥ 28 ॥
പ്രസങ്ഗാദിദമുക്തം തേ പ്രകൃതം ശൃണു കുമ്ഭജ ।
യഃ കീര്തയേത്സകൃദ്ഭക്ത്യാ ദിവ്യനാമശതത്രയമ് ॥ 29 ॥
തസ്യ പുണ്യമഹം വക്ഷ്യേ ശൃണു ത്വം കുമ്ഭസമ്ഭവ ।
രഹസ്യനാമസാഹസ്രപാഠേ യത്ഫലമീരിതമ് ॥ 30 ॥
തത്ഫലം കോടിഗുണിതമേകനാമജപാദ്ഭവേത് ।
കാമേശ്വരീകാമേശാഭ്യാം കൃതം നാമശതത്രയമ് ॥ 31 ॥
നാന്യേന തുലയേദേതത് സ്തോത്രേണാന്യകൃതേന ച ।
ശ്രിയഃ പരമ്പരാ യസ്യ ഭാവി വാ ചോത്തരോത്തരമ് ॥ 32 ॥
തേനൈവ ലഭ്യതേ ചൈതത്പശ്ചാച്ഛ്രേയഃ പരീക്ഷയേത് ।
അസ്യാ നാമ്നാം ത്രിശത്യാസ്തു മഹിമാ കേന വര്ണ്യതേ ॥ 33 ॥
യാ സ്വയം ശിവയോര്വക്ത്രപദ്മാഭ്യാം പരിനിഃസൃതാ ।
നിത്യം ഷോഡശസങ്ഖ്യാകാന്വിപ്രാനാദൌ തു ഭോജയേത് ॥ 34 ॥
അഭ്യക്താംസ്തിലതൈലേന സ്നാതാനുഷ്ണേന വാരിണാ ।
അഭ്യര്ച്യ ഗന്ധപുഷ്പാദ്യൈഃ കാമേശ്വര്യാദിനാമഭിഃ ॥ 35 ॥
സൂപാപൂപൈഃ ശര്കരാദ്യൈഃ പായസൈഃ ഫലസംയുതൈഃ ।
വിദ്യാവിദോ വിശേഷേണ ഭോജയേത്ഷോഡശ ദ്വിജാന് ॥ 36 ॥
ഏവം നിത്യാര്ചനം കുര്യാദാദൌ ബ്രാഹ്മണഭോജനമ് ।
ത്രിശതീനാമഭിഃ പശ്ചാദ്ബ്രാഹ്മണാന്ക്രമശോഽര്ചയേത് ॥ 37 ॥
തൈലാഭ്യങ്ഗാദികം ദത്വാ വിഭവേ സതി ഭക്തിതഃ ।
ശുക്ലപ്രതിപദാരഭ്യ പൌര്ണമാസ്യവധി ക്രമാത് ॥ 38 ॥
ദിവസേ ദിവസേ വിപ്രാ ഭോജ്യാ വിംശതിസങ്ഖ്യയാ ।
ദശഭിഃ പഞ്ചഭിര്വാപി ത്രിഭിരേകേന വാ ദിനൈഃ ॥ 39 ॥
ത്രിംശത്ഷഷ്ടിഃ ശതം വിപ്രാഃ സമ്ഭോജ്യാസ്ത്രിശതം ക്രമാത് ।
ഏവം യഃ കുരുതേ ഭക്ത്യാ ജന്മമധ്യേ സകൃന്നരഃ ॥ 40 ॥
തസ്യൈവ സഫലം ജന്മ മുക്തിസ്തസ്യ കരേ സ്ഥിരാ ।
രഹസ്യനാമസാഹസ്രഭോജനേഽപ്യേവമേവ ഹി ॥ 41 ॥
ആദൌ നിത്യബലിം കുര്യാത്പശ്ചാദ്ബ്രാഹ്മണഭോജനമ് ।
രഹസ്യനാമസാഹസ്രമഹിമാ യോ മയോദിതഃ ॥ 42 ॥
സ ശീകരാണുരത്നൈകനാമ്നോ മഹിമവാരിധേഃ ।
വാഗ്ദേവീരചിതേ നാമസാഹസ്രേ യദ്യദീരിതമ് ॥ 43 ॥
തത്ഫലം കോടിഗുണിതം നാമ്നോഽപ്യേകസ്യ കീര്തനാത് ।
ഏതദന്യൈര്ജപൈഃ സ്തോത്രൈരര്ചനൈര്യത്ഫലം ഭവേത് ॥ 44 ॥
തത്ഫലം കോടിഗുണിതം ഭവേന്നാമശതത്രയാത് ।
വാഗ്ദേവീരചിതേ സ്തോത്രേ താദൃശോ മഹിമാ യദി ॥ 45 ॥
സാക്ഷാത്കാമേശകാമേശീകൃതേഽസ്മിന്ഗൃഹ്യതാമിതി ।
സകൃത്സങ്കീര്തനാദേവ നാമ്നാമസ്മിന് ശതത്രയേ ॥ 46 ॥
ഭവേച്ചിത്തസ്യ പര്യാപ്തിര്ന്യൂനമന്യാനപേക്ഷിണീ ।
ന ജ്ഞാതവ്യമിതോഽപ്യന്യത്ര ജപ്തവ്യം ച കുമ്ഭജ ॥ 47 ॥
യദ്യത്സാധ്യതമം കാര്യം തത്തദര്ഥമിദം ജപേത് ।
തത്തത്ഫലമവാപ്നോതി പശ്ചാത്കാര്യം പരീക്ഷയേത് ॥ 48 ॥
യേ യേ പ്രയോഗാസ്തന്ത്രേഷു തൈസ്തൈര്യത്സാധ്യതേ ഫലമ് ।
തത്സര്വം സിധ്യതി ക്ഷിപ്രം നാമത്രിശതകീര്തനാത് ॥ 49 ॥
ആയുഷ്കരം പുഷ്ടികരം പുത്രദം വശ്യകാരകമ് ।
വിദ്യാപ്രദം കീര്തികരം സുകവിത്വപ്രദായകമ് ॥ 50 ॥
സര്വസമ്പത്പ്രദം സര്വഭോഗദം സര്വസൌഖ്യദമ് ।
സര്വാഭീഷ്ടപ്രദം ചൈവ ദേവ്യാ നാമശതത്രയമ് ॥ 51 ॥
ഏതജ്ജപപരോ ഭൂയാന്നാന്യദിച്ഛേത്കദാചന ।
ഏതത്കീര്തനസന്തുഷ്ടാ ശ്രീദേവീ ലലിതാമ്ബികാ ॥ 52 ॥
ഭക്തസ്യ യദ്യദിഷ്ടം സ്യാത്തത്തത്പൂരയതേ ധ്രുവമ് ।
തസ്മാത്കുമ്ഭോദ്ഭവ മുനേ കീര്തയ ത്വമിദം സദാ ॥ 53 ॥
നാപരം കിഞ്ചിദപി തേ ബോദ്ധവ്യമവശിഷ്യതേ ।
ഇതി തേ കഥിതം സ്തോത്രം ലലിതാപ്രീതിദായകമ് ॥ 54 ॥
നാവിദ്യാവേദിനേ ബ്രൂയാന്നാഭക്തായ കദാചന ।
ന ശഠായ ന ദുഷ്ടായ നാവിശ്വാസായ കര്ഹിചിത് ॥ 56 ॥
യോ ബ്രൂയാത്ത്രിശതീം നാമ്നാം തസ്യാനര്ഥോ മഹാന്ഭവേത് ।
ഇത്യാജ്ഞാ ശാങ്കരീ പ്രോക്താ തസ്മാദ്ഗോപ്യമിദം ത്വയാ ॥ 57 ॥
ലലിതാപ്രേരിതേനൈവ മയോക്തം സ്തോത്രമുത്തമമ് ।
രഹസ്യനാമസാഹസ്രാദപി ഗോപ്യമിദം മുനേ ॥ 58 ॥
സൂത ഉവാച ।
ഏവമുക്ത്വാ ഹയഗ്രീവഃ കുമ്ഭജം താപസോത്തമമ് ।
സ്തോത്രേണാനേന ലലിതാം സ്തുത്വാ ത്രിപുരസുന്ദരീമ് ।
ആനന്ദലഹരീമഗ്നമാനസഃ സമവര്തത ॥ 59 ॥
ഇതി ബ്രഹ്മാണ്ഡപുരാണേ ഉത്തരഖണ്ഡേ ഹയഗ്രീവാഗസ്ത്യസംവാദേ ലലിതോപാഖ്യാനേ സ്തോത്രഖണ്ഡേ ശ്രീലലിതാത്രിശതീസ്തോത്രരത്നമ് ।
Roman (IAST) Transliteration
asya śrīlalitā triśatīstotra mahāmantrasya, bhagavān hayagrīva ṛṣiḥ, anuṣṭup chandaḥ, śrīlalitāmahātripurasundarī devatā, aiṃ bījaṃ, sauḥ śaktiḥ, klīṃ kīlakaṃ, mama caturvidhapuruṣārthaphalasiddhyarthe jape viniyogaḥ |
aimityādibhiraṅganyāsakaranyāsāḥ kāryāḥ |
dhyānam |
atimadhuracāpahastā-
-maparimitāmodabāṇasaubhāgyām |
aruṇāmatiśayakaruṇā-
-mabhinavakulasundarīṃ vande |
śrī hayagrīva uvāca |
kakārarūpā kalyāṇī kalyāṇaguṇaśālinī |
kalyāṇaśailanilayā kamanīyā kalāvatī || 1 ||
kamalākṣī kalmaṣaghnī karuṇāmṛtasāgarā |
kadambakānanāvāsā kadambakusumapriyā || 2 ||
kandarpavidyā kandarpajanakāpāṅgavīkṣaṇā |
karpūravīṭisaurabhyakallolitakakuptaṭā || 3 ||
kalidoṣaharā kañjalocanā kamravigrahā |
karmādisākṣiṇī kārayitrī karmaphalapradā || 4 ||
ekārarūpā caikākṣaryekānekākṣarākṛtiḥ |
etattadityanirdeśyā caikānandacidākṛtiḥ || 5 ||
evamityāgamābodhyā caikabhaktimadarcitā |
ekāgracittanirdhyātā caiṣaṇārahitādṛtā || 6 ||
elāsugandhicikurā cainaḥkūṭavināśinī |
ekabhogā caikarasā caikaiśvaryapradāyinī || 7 ||
ekātapatrasāmrājyapradā caikāntapūjitā |
edhamānaprabhā caijadanekajagadīśvarī || 8 ||
ekavīrādisaṃsevyā caikaprābhavaśālinī |
īkārarūpā ceśitrī cepsitārthapradāyinī || 9 ||
īdṛgityavinirdeśyā ceśvaratvavidhāyinī |
īśānādibrahmamayī ceśitvādyaṣṭasiddhidā || 10 ||
īkṣitrīkṣaṇasṛṣṭāṇḍakoṭirīśvaravallabhā |
īḍitā ceśvarārdhāṅgaśarīreśādhidevatā || 11 ||
īśvarapreraṇakarī ceśatāṇḍavasākṣiṇī |
īśvarotsaṅganilayā cetibādhāvināśinī || 12 ||
īhāvirahitā ceśaśaktirīṣatsmitānanā |
lakārarūpā lalitā lakṣmīvāṇīniṣevitā || 13 ||
lākinī lalanārūpā lasaddāḍimapāṭalā |
lalantikālasatphālā lalāṭanayanārcitā || 14 ||
lakṣaṇojjvaladivyāṅgī lakṣakoṭyaṇḍanāyikā |
lakṣyārthā lakṣaṇāgamyā labdhakāmā latātanuḥ || 15 ||
lalāmarājadalikā lambimuktālatāñcitā |
lambodaraprasūrlabhyā lajjāḍhyā layavarjitā || 16 ||
hrīṃ‍kārarūpā hrīṃ‍kāranilayā hrīṃ‍padapriyā |
hrīṃ‍kārabījā hrīṃ‍kāramantrā hrīṃ‍kāralakṣaṇā || 17 ||
hrīṃ‍kārajapasuprītā hrīṃ‍matī hrīṃ‍vibhūṣaṇā |
hrīṃ‍śīlā hrīṃ‍padārādhyā hrīṃ‍garbhā hrīṃ‍padābhidhā || 18 ||
hrīṃ‍kāravācyā hrīṃ‍kārapūjyā hrīṃ‍kārapīṭhikā |
hrīṃ‍kāravedyā hrīṃ‍kāracintyā hrīṃ hrīṃ‍śarīriṇī || 19 ||
hakārarūpā haladhṛkpūjitā hariṇekṣaṇā |
harapriyā harārādhyā haribrahmendravanditā || 20 ||
hayārūḍhāsevitāṅghrirhayamedhasamarcitā |
haryakṣavāhanā haṃsavāhanā hatadānavā || 21 ||
hatyādipāpaśamanī haridaśvādisevitā |
hastikumbhottuṅgakucā hastikṛttipriyāṅganā || 22 ||
haridrākuṅkumādigdhā haryaśvādyamarārcitā |
harikeśasakhī hādividyā hālāmadālasā || 23 ||
sakārarūpā sarvajñā sarveśī sarvamaṅgalā |
sarvakartrī sarvabhartrī sarvahantrī sanātanā || 24 ||
sarvānavadyā sarvāṅgasundarī sarvasākṣiṇī |
sarvātmikā sarvasaukhyadātrī sarvavimohinī || 25 ||
sarvādhārā sarvagatā sarvāvaguṇavarjitā |
sarvāruṇā sarvamātā sarvabhūṣaṇabhūṣitā || 26 ||
kakārārthā kālahantrī kāmeśī kāmitārthadā |
kāmasañjīvanī kalyā kaṭhinastanamaṇḍalā || 27 ||
karabhorūḥ kalānāthamukhī kacajitāmbudā |
kaṭākṣasyandikaruṇā kapāliprāṇanāyikā || 28 ||
kāruṇyavigrahā kāntā kāntidhūtajapāvaliḥ |
kalālāpā kambukaṇṭhī karanirjitapallavā || 29 ||
kalpavallīsamabhujā kastūrītilakāñcitā |
hakārārthā haṃsagatirhāṭakābharaṇojjvalā || 30 ||
hārahārikucābhogā hākinī halyavarjitā |
haritpatisamārādhyā haṭhātkārahatāsurā || 31 ||
harṣapradā havirbhoktrī hārdasantamasāpahā |
hallīsalāsyasantuṣṭā haṃsamantrārtharūpiṇī || 32 ||
hānopādānanirmuktā harṣiṇī harisodarī |
hāhāhūhūmukhastutyā hānivṛddhivivarjitā || 33 ||
hayyaṅgavīnahṛdayā harigopāruṇāṃśukā |
lakārākhyā latāpūjyā layasthityudbhaveśvarī || 34 ||
lāsyadarśanasantuṣṭā lābhālābhavivarjitā |
laṅghyetarājñā lāvaṇyaśālinī laghusiddhidā || 35 ||
lākṣārasasavarṇābhā lakṣmaṇāgrajapūjitā |
labhyetarā labdhabhaktisulabhā lāṅgalāyudhā || 36 ||
lagnacāmarahastaśrīśāradāparivījitā |
lajjāpadasamārādhyā lampaṭā lakuleśvarī || 37 ||
labdhamānā labdharasā labdhasampatsamunnatiḥ |
hrīṃ‍kāriṇī hrīṃ‍kārādyā hrīṃ‍madhyā hrīṃ‍śikhāmaṇiḥ || 38 ||
hrīṃ‍kārakuṇḍāgniśikhā hrīṃ‍kāraśaśicandrikā |
hrīṃ‍kārabhāskararucirhrīṃ‍kārāmbhodacañcalā || 39 ||
hrīṃ‍kārakandāṅkurikā hrīṃ‍kāraikaparāyaṇā |
hrīṃ‍kāradīrghikāhaṃsī hrīṃ‍kārodyānakekinī || 40 ||
hrīṃ‍kārāraṇyahariṇī hrīṃ‍kārāvālavallarī |
hrīṃ‍kārapañjaraśukī hrīṃ‍kārāṅgaṇadīpikā || 41 ||
hrīṃ‍kārakandarāsiṃhī hrīṃ‍kārāmbhojabhṛṅgikā |
hrīṃ‍kārasumanomādhvī hrīṃ‍kāratarumañjarī || 42 ||
sakārākhyā samarasā sakalāgamasaṃstutā |
sarvavedāntatātparyabhūmiḥ sadasadāśrayā || 43 ||
sakalā saccidānandā sādhyā sadgatidāyinī |
sanakādimunidhyeyā sadāśivakuṭumbinī || 44 ||
sakālādhiṣṭhānarūpā satyarūpā samākṛtiḥ |
sarvaprapañcanirmātrī samanādhikavarjitā || 45 ||
sarvottuṅgā saṅgahīnā saguṇā sakaleṣṭadā |
kakāriṇī kāvyalolā kāmeśvaramanoharā || 46 ||
kāmeśvaraprāṇanāḍī kāmeśotsaṅgavāsinī |
kāmeśvarāliṅgitāṅgī kāmeśvarasukhapradā || 47 ||
kāmeśvarapraṇayinī kāmeśvaravilāsinī |
kāmeśvaratapaḥsiddhiḥ kāmeśvaramanaḥpriyā || 48 ||
kāmeśvaraprāṇanāthā kāmeśvaravimohinī |
kāmeśvarabrahmavidyā kāmeśvaragṛheśvarī || 49 ||
kāmeśvarāhlādakarī kāmeśvaramaheśvarī |
kāmeśvarī kāmakoṭinilayā kāṅkṣitārthadā || 50 ||
lakāriṇī labdharūpā labdhadhīrlabdhavāñchitā |
labdhapāpamanodūrā labdhāhaṅkāradurgamā || 51 ||
labdhaśaktirlabdhadehā labdhaiśvaryasamunnatiḥ |
labdhavṛddhirlabdhalīlā labdhayauvanaśālinī || 52 ||
labdhātiśayasarvāṅgasaundaryā labdhavibhramā |
labdharāgā labdhapatirlabdhanānāgamasthitiḥ || 53 ||
labdhabhogā labdhasukhā labdhaharṣābhipūritā |
hrīṃ‍kāramūrtirhrīṃ‍kārasaudhaśṛṅgakapotikā || 54 ||
hrīṃ‍kāradugdhābdhisudhā hrīṃ‍kārakamalendirā |
hrīṃ‍kāramaṇidīpārcirhrīṃ‍kārataruśārikā || 55 ||
hrīṃ‍kārapeṭakamaṇirhrīṃ‍kārādarśabimbitā |
hrīṃ‍kārakośāsilatā hrīṃ‍kārāsthānanartakī || 56 ||
hrīṃ‍kāraśuktikāmuktāmaṇirhrīṃ‍kārabodhitā |
hrīṃ‍kāramayasauvarṇastambhavidrumaputrikā || 57 ||
hrīṃ‍kāravedopaniṣad hrīṃ‍kārādhvaradakṣiṇā |
hrīṃ‍kāranandanārāmanavakalpakavallarī || 58 ||
hrīṃ‍kārahimavadgaṅgā hrīṃ‍kārārṇavakaustubhā |
hrīṃ‍kāramantrasarvasvā hrīṃ‍kāraparasaukhyadā || 59 ||
uttarapīṭhikā (phalaśṛtiḥ)
hayagrīva uvāca |
ityevaṃ te mayākhyātaṃ devyā nāmaśatatrayam |
rahasyātirahasyatvādgopanīyaṃ tvayā mune || 1 ||
śivavarṇāni nāmāni śrīdevyā kathitāni hi |
śaktyakṣarāṇi nāmāni kāmeśakathitāni ca || 2 ||
ubhayākṣaranāmāni hyubhābhyāṃ kathitāni vai |
tadanyairgrathitaṃ stotrametasya sadṛśaṃ kimu || 3 ||
nānena sadṛśaṃ stotraṃ śrīdevīprītidāyakam |
lokatraye'pi kalyāṇaṃ sambhavennātra saṃśayaḥ || 4 ||
sūta uvāca |
iti hayamukhagītaṃ stotrarājaṃ niśamya
pragalitakaluṣo'bhūccittaparyāptimetya |
nijagurumatha natvā kumbhajanmā taduktaṃ
punaradhikarahasyaṃ jñātumevaṃ jagāda || 5 ||
agastya uvāca |
aśvānana mahābhāga rahasyamapi me vada |
śivavarṇāni kānyatra śaktivarṇāni kāni hi || 6 ||
ubhayorapi varṇāni kāni vā vada deśika |
iti pṛṣṭaḥ kumbhajena hayagrīvo'vadatpunaḥ || 7 ||
hayagrīva uvāca |
tava gopyaṃ kimastīha sākṣādambānuśāsanāt |
idaṃ tvatirahasyaṃ te vakṣyāmi śṛṇu kumbhaja || 8 ||
etadvijñānamātreṇa śrīvidyā siddhidā bhavet |
katrayaṃ hadvayaṃ caiva śaivo bhāgaḥ prakīrtitaḥ || 9 ||
śaktyakṣarāṇi śeṣāṇi hrīṅkāra ubhayātmakaḥ |
evaṃ vibhāgamajñātvā ye vidyājapaśālinaḥ || 10 ||
na teṣāṃ siddhidā vidyā kalpakoṭiśatairapi |
caturbhiḥ śivacakraiśca śakticakraiśca pañcabhiḥ || 11 ||
navacakraiśca saṃsiddhaṃ śrīcakraṃ śivayorvapuḥ |
trikoṇamaṣṭakoṇaṃ ca daśakoṇadvayaṃ tathā || 12 ||
caturdaśāraṃ caitāni śakticakrāṇi pañca ca |
binduścāṣṭadalaṃ padmaṃ padmaṃ ṣoḍaśapatrakam || 13 ||
caturaśraṃ ca catvāri śivacakrāṇyanukramāt |
trikoṇe baindavaṃ śliṣṭaṃ aṣṭāre'ṣṭadalāmbujam || 14 ||
daśārayoḥ ṣoḍaśāraṃ bhūgṛhaṃ bhuvanāśrake |
śaivānāmapi śāktānāṃ cakrāṇāṃ ca parasparam || 15 ||
avinābhāvasambandhaṃ yo jānāti sa cakravit |
trikoṇarūpiṇī śaktirbindurūpaparaḥ śivaḥ || 16 ||
avinābhāvasambandhaṃ tasmādbindutrikoṇayoḥ |
evaṃ vibhāgamajñātvā śrīcakraṃ yaḥ samarcayet || 17 ||
na tatphalamavāpnoti lalitāmbā na tuṣyati |
ye ca jānanti loke'smin śrīvidyācakravedinaḥ || 18 ||
sāmanyavedinaḥ sarve viśeṣajño'tidurlabhaḥ |
svayaṃvidyāviśeṣajño viśeṣajñaṃ samarcayet || 19 ||
tasmai deyaṃ tato grāhyamaśaktastasya dāpayet |
andhaṃ tamaḥ praviśanti ye'vidyāṃ samupāsate || 20 ||
iti śrutirapāhaitānavidyopāsakānpunaḥ |
vidyānyopāsakāneva nindatyāruṇikī śrutiḥ || 21 ||
aśrutā saśrutāsaśca yajvāno ye'pyayajvanaḥ |
svaryanto nāpekṣante indramagniṃ ca ye viduḥ || 22 ||
sikatā iva saṃyanti raśmibhiḥ samudīritāḥ |
asmāllokādamuṣmāccetyāha cāraṇyakaśrutiḥ || 23 ||
yasya no paścimaṃ janma yadi vā śaṅkaraḥ svayam |
tenaiva labhyate vidyā śrīmatpañcadaśākṣarī || 24 ||
iti mantreṣu bahudhā vidyāyā mahimocyate |
mokṣaikahetuvidyā tu śrīvidyā nātra saṃśayaḥ || 25 ||
na śilpādijñānayukte vidvacchabdhaḥ prayujyate |
mokṣaikahetuvidyā sā śrīvidyaiva na saṃśayaḥ || 26 ||
tasmādvidyāvidevātra vidvānvidvānitīryate |
svayaṃ vidyāvide dadyātkhyāpayettadguṇānsudhīḥ || 27 ||
svayaṃvidyārahasyajño vidyāmāhātmyavedyapi |
vidyāvidaṃ nārcayeccetko vā taṃ pūjayejjanaḥ || 28 ||
prasaṅgādidamuktaṃ te prakṛtaṃ śṛṇu kumbhaja |
yaḥ kīrtayetsakṛdbhaktyā divyanāmaśatatrayam || 29 ||
tasya puṇyamahaṃ vakṣye śṛṇu tvaṃ kumbhasambhava |
rahasyanāmasāhasrapāṭhe yatphalamīritam || 30 ||
tatphalaṃ koṭiguṇitamekanāmajapādbhavet |
kāmeśvarīkāmeśābhyāṃ kṛtaṃ nāmaśatatrayam || 31 ||
nānyena tulayedetat stotreṇānyakṛtena ca |
śriyaḥ paramparā yasya bhāvi vā cottarottaram || 32 ||
tenaiva labhyate caitatpaścācchreyaḥ parīkṣayet |
asyā nāmnāṃ triśatyāstu mahimā kena varṇyate || 33 ||
yā svayaṃ śivayorvaktrapadmābhyāṃ pariniḥsṛtā |
nityaṃ ṣoḍaśasaṅkhyākānviprānādau tu bhojayet || 34 ||
abhyaktāṃstilatailena snātānuṣṇena vāriṇā |
abhyarcya gandhapuṣpādyaiḥ kāmeśvaryādināmabhiḥ || 35 ||
sūpāpūpaiḥ śarkarādyaiḥ pāyasaiḥ phalasaṃyutaiḥ |
vidyāvido viśeṣeṇa bhojayetṣoḍaśa dvijān || 36 ||
evaṃ nityārcanaṃ kuryādādau brāhmaṇabhojanam |
triśatīnāmabhiḥ paścādbrāhmaṇānkramaśo'rcayet || 37 ||
tailābhyaṅgādikaṃ datvā vibhave sati bhaktitaḥ |
śuklapratipadārabhya paurṇamāsyavadhi kramāt || 38 ||
divase divase viprā bhojyā viṃśatisaṅkhyayā |
daśabhiḥ pañcabhirvāpi tribhirekena vā dinaiḥ || 39 ||
triṃśatṣaṣṭiḥ śataṃ viprāḥ sambhojyāstriśataṃ kramāt |
evaṃ yaḥ kurute bhaktyā janmamadhye sakṛnnaraḥ || 40 ||
tasyaiva saphalaṃ janma muktistasya kare sthirā |
rahasyanāmasāhasrabhojane'pyevameva hi || 41 ||
ādau nityabaliṃ kuryātpaścādbrāhmaṇabhojanam |
rahasyanāmasāhasramahimā yo mayoditaḥ || 42 ||
sa śīkarāṇuratnaikanāmno mahimavāridheḥ |
vāgdevīracite nāmasāhasre yadyadīritam || 43 ||
tatphalaṃ koṭiguṇitaṃ nāmno'pyekasya kīrtanāt |
etadanyairjapaiḥ stotrairarcanairyatphalaṃ bhavet || 44 ||
tatphalaṃ koṭiguṇitaṃ bhavennāmaśatatrayāt |
vāgdevīracite stotre tādṛśo mahimā yadi || 45 ||
sākṣātkāmeśakāmeśīkṛte'smingṛhyatāmiti |
sakṛtsaṅkīrtanādeva nāmnāmasmin śatatraye || 46 ||
bhaveccittasya paryāptirnyūnamanyānapekṣiṇī |
na jñātavyamito'pyanyatra japtavyaṃ ca kumbhaja || 47 ||
yadyatsādhyatamaṃ kāryaṃ tattadarthamidaṃ japet |
tattatphalamavāpnoti paścātkāryaṃ parīkṣayet || 48 ||
ye ye prayogāstantreṣu taistairyatsādhyate phalam |
tatsarvaṃ sidhyati kṣipraṃ nāmatriśatakīrtanāt || 49 ||
āyuṣkaraṃ puṣṭikaraṃ putradaṃ vaśyakārakam |
vidyāpradaṃ kīrtikaraṃ sukavitvapradāyakam || 50 ||
sarvasampatpradaṃ sarvabhogadaṃ sarvasaukhyadam |
sarvābhīṣṭapradaṃ caiva devyā nāmaśatatrayam || 51 ||
etajjapaparo bhūyānnānyadicchetkadācana |
etatkīrtanasantuṣṭā śrīdevī lalitāmbikā || 52 ||
bhaktasya yadyadiṣṭaṃ syāttattatpūrayate dhruvam |
tasmātkumbhodbhava mune kīrtaya tvamidaṃ sadā || 53 ||
nāparaṃ kiñcidapi te boddhavyamavaśiṣyate |
iti te kathitaṃ stotraṃ lalitāprītidāyakam || 54 ||
nāvidyāvedine brūyānnābhaktāya kadācana |
na śaṭhāya na duṣṭāya nāviśvāsāya karhicit || 56 ||
yo brūyāttriśatīṃ nāmnāṃ tasyānartho mahānbhavet |
ityājñā śāṅkarī proktā tasmādgopyamidaṃ tvayā || 57 ||
lalitāpreritenaiva mayoktaṃ stotramuttamam |
rahasyanāmasāhasrādapi gopyamidaṃ mune || 58 ||
sūta uvāca |
evamuktvā hayagrīvaḥ kumbhajaṃ tāpasottamam |
stotreṇānena lalitāṃ stutvā tripurasundarīm |
ānandalaharīmagnamānasaḥ samavartata || 59 ||
iti brahmāṇḍapurāṇe uttarakhaṇḍe hayagrīvāgastyasaṃvāde lalitopākhyāne stotrakhaṇḍe śrīlalitātriśatīstotraratnam |
InfoLyter.in — Sacred Vedic Knowledge Portal · Free forever