Shri Krishna Krita Durga Stotram

ॐ

ശ്രീ കൃഷ്ണ കൃത ദുര്ഗാ സ്തോത്രമ്

Krishna Stotram Malayalam

ശ്രീകൃഷ്ണ ഉവാച ।

ത്വമേവ സര്വജനനീ മൂലപ്രകൃതിരീശ്വരീ ।

ത്വമേവാദ്യാ സൃഷ്ടിവിധൌ സ്വേച്ഛയാ ത്രിഗുണാത്മികാ ॥ 1 ॥

കാര്യാര്ഥേ സഗുണാ ത്വം ച വസ്തുതോ നിര്ഗുണാ സ്വയമ് ।

പരബ്രഹ്മസ്വരൂപാ ത്വം സത്യാ നിത്യാ സനാതനീ ॥ 2 ॥

തേജഃ സ്വരൂപാ പരമാ ഭക്താനുഗ്രവിഗ്രഹാ ।

സര്വസ്വരൂപാ സര്വേശാ സര്വാധാരാ പരാത്പരാ ॥ 3 ॥

സര്വബീജസ്വരൂപാ ച സര്വപൂജ്യാ നിരാശ്രയാ ।

സര്വജ്ഞാ സര്വതോഭദ്രാ സര്വമങ്ഗലമങ്ഗലാ ॥ 4 ॥

സര്വബുദ്ധിസ്വരൂപാ ച സര്വശക്തിസ്വരൂപിണീ ।

സര്വജ്ഞാനപ്രദാ ദേവീ സര്വജ്ഞാ സര്വഭാവിനീ ॥ 5 ॥

ത്വം സ്വാഹാ ദേവദാനേ ച പിതൃദാനേ സ്വധാ സ്വയമ് ।

ദക്ഷിണാ സര്വദാനേ ച സര്വശക്തിസ്വരൂപിണീ ॥ 6 ॥

നിദ്രാ ത്വം ച ദയാ ത്വം ച തൃഷ്ണാ ത്വം ചാത്മനഃ പ്രിയാ ।

ക്ഷുത് ക്ഷാന്തിഃ ശാന്തിരീശാ ച കാന്തിസ്തുഷ്ടിശ്ച ശാശ്വതീ ॥ 7 ॥

ശ്രദ്ധാ പുഷ്ടിശ്ച തന്ദ്രാ ച ലജ്ജാ ശോഭാ ദയാ തഥാ ।

സതാം സമ്പത്സ്വരൂപാ ശ്രീര്വിപത്തിരസതാമിഹ ॥ 8 ॥

പ്രീതിരൂപാ പുണ്യവതാം പാപിനാം കലഹാങ്കുരാ ।

ശശ്വത്കര്മമയീ ശക്തിഃ സര്വദാ സര്വജീവിനാമ് ॥ 9 ॥

ദേവേഭ്യഃ സ്വപദോ ദാത്രീ ധാതുര്ധാത്രീ കൃപാമയീ ।

ഹിതായ സര്വദേവാനാം സര്വാസുരവിനാശിനീ ॥ 10 ॥

യോഗിനിദ്രാ യോഗരൂപാ യോഗദാത്രീ ച യോഗിനാമ് ।

സിദ്ധിസ്വരൂപാ സിദ്ധാനാം സിദ്ധിദാ സിദ്ധയോഗിനീ ॥ 11 ॥

മാഹേശ്വരീ ച ബ്രഹ്മാണീ വിഷ്ണുമായാ ച വൈഷ്ണവീ ।

ഭദ്രദാ ഭദ്രകാലീ ച സര്വലോകഭയങ്കരീ ॥ 12 ॥

ഗ്രാമേ ഗ്രാമേ ഗ്രാമദേവീ ഗൃഹദേവീ ഗൃഹേ ഗൃഹേ ।

സതാം കീര്തിഃ പ്രതിഷ്ഠാ ച നിന്ദാ ത്വമസതാം സദാ ॥ 13 ॥

മഹായുദ്ധേ മഹാമാരീ ദുഷ്ടസംഹാരരൂപിണീ ।

രക്ഷാസ്വരൂപാ ശിഷ്ടാനാം മാതേവ ഹിതകാരിണീ ॥ 14 ॥

വന്ദ്യാ പൂജ്യാ സ്തുതാ ത്വം ച ബ്രഹ്മാദീനാം ച സര്വദാ ।

ബ്രഹ്മണ്യരൂപാ വിപ്രാണാം തപസ്യാ ച തപസ്വിനാമ് ॥ 15 ॥

വിദ്യാ വിദ്യാവതാം ത്വം ച ബുദ്ധിര്ബുദ്ധിമതാം സതാമ് ।

മേധാ സ്മൃതിസ്വരൂപാ ച പ്രതിഭാ പ്രതിഭാവതാമ് ॥ 16 ॥

രാജ്ഞാം പ്രതാപരൂപാ ച വിശാം വാണിജ്യരൂപിണീ ।

സൃഷ്ടൌ സൃഷ്ടിസ്വരൂപാ ത്വം രക്ഷാരൂപാ ച പാലനേ ॥ 17 ॥

തഥാന്തേ ത്വം മഹാമാരീ വിശ്വേ വിശ്വൈശ്ച പൂജിതേ ।

കാലരാത്രിര്മഹാരാത്രിര്മോഹരാത്രിശ്ച മോഹിനീ ॥ 18 ॥

ദുരത്യയാ മേ മായാ ത്വം യയാ സമ്മോഹിതം ജഗത് ।

യയാ മുഗ്ധോ ഹി വിദ്വാംശ്ച മോക്ഷമാര്ഗം ന പശ്യതി ॥ 19 ॥

ഇത്യാത്മനാ കൃതം സ്തോത്രം ദുര്ഗായാ ദുര്ഗനാശനമ് ।

പൂജാകാലേ പഠേദ്യോ ഹി സിദ്ധിര്ഭവതി വാഞ്ഛിതാ ॥ 20 ॥

ഇതി ശ്രീബ്രഹ്മവൈവര്തേ മഹാപുരാണേ ദ്വിതീയേ പ്രകൃതിഖണ്ഡേ നാരദനാരായണസംവാദേ ദുര്ഗോപാഖ്യാനേ ഷട്ഷഷ്ടിതമോഽധ്യായേ ശ്രീ ദുര്ഗാ സ്തോത്രമ് ।

Roman (IAST) Transliteration

śrīkṛṣṇa uvāca |

tvameva sarvajananī mūlaprakṛtirīśvarī |

tvamevādyā sṛṣṭividhau svecchayā triguṇātmikā || 1 ||

kāryārthe saguṇā tvaṃ ca vastuto nirguṇā svayam |

parabrahmasvarūpā tvaṃ satyā nityā sanātanī || 2 ||

tejaḥ svarūpā paramā bhaktānugravigrahā |

sarvasvarūpā sarveśā sarvādhārā parātparā || 3 ||

sarvabījasvarūpā ca sarvapūjyā nirāśrayā |

sarvajñā sarvatobhadrā sarvamaṅgalamaṅgalā || 4 ||

sarvabuddhisvarūpā ca sarvaśaktisvarūpiṇī |

sarvajñānapradā devī sarvajñā sarvabhāvinī || 5 ||

tvaṃ svāhā devadāne ca pitṛdāne svadhā svayam |

dakṣiṇā sarvadāne ca sarvaśaktisvarūpiṇī || 6 ||

nidrā tvaṃ ca dayā tvaṃ ca tṛṣṇā tvaṃ cātmanaḥ priyā |

kṣut kṣāntiḥ śāntirīśā ca kāntistuṣṭiśca śāśvatī || 7 ||

śraddhā puṣṭiśca tandrā ca lajjā śobhā dayā tathā |

satāṃ sampatsvarūpā śrīrvipattirasatāmiha || 8 ||

prītirūpā puṇyavatāṃ pāpināṃ kalahāṅkurā |

śaśvatkarmamayī śaktiḥ sarvadā sarvajīvinām || 9 ||

devebhyaḥ svapado dātrī dhāturdhātrī kṛpāmayī |

hitāya sarvadevānāṃ sarvāsuravināśinī || 10 ||

yoginidrā yogarūpā yogadātrī ca yoginām |

siddhisvarūpā siddhānāṃ siddhidā siddhayoginī || 11 ||

māheśvarī ca brahmāṇī viṣṇumāyā ca vaiṣṇavī |

bhadradā bhadrakālī ca sarvalokabhayaṅkarī || 12 ||

grāme grāme grāmadevī gṛhadevī gṛhe gṛhe |

satāṃ kīrtiḥ pratiṣṭhā ca nindā tvamasatāṃ sadā || 13 ||

mahāyuddhe mahāmārī duṣṭasaṃhārarūpiṇī |

rakṣāsvarūpā śiṣṭānāṃ māteva hitakāriṇī || 14 ||

vandyā pūjyā stutā tvaṃ ca brahmādīnāṃ ca sarvadā |

brahmaṇyarūpā viprāṇāṃ tapasyā ca tapasvinām || 15 ||

vidyā vidyāvatāṃ tvaṃ ca buddhirbuddhimatāṃ satām |

medhā smṛtisvarūpā ca pratibhā pratibhāvatām || 16 ||

rājñāṃ pratāparūpā ca viśāṃ vāṇijyarūpiṇī |

sṛṣṭau sṛṣṭisvarūpā tvaṃ rakṣārūpā ca pālane || 17 ||

tathānte tvaṃ mahāmārī viśve viśvaiśca pūjite |

kālarātrirmahārātrirmoharātriśca mohinī || 18 ||

duratyayā me māyā tvaṃ yayā sammohitaṃ jagat |

yayā mugdho hi vidvāṃśca mokṣamārgaṃ na paśyati || 19 ||

ityātmanā kṛtaṃ stotraṃ durgāyā durganāśanam |

pūjākāle paṭhedyo hi siddhirbhavati vāñchitā || 20 ||

iti śrībrahmavaivarte mahāpurāṇe dvitīye prakṛtikhaṇḍe nāradanārāyaṇasaṃvāde durgopākhyāne ṣaṭṣaṣṭitamo'dhyāye śrī durgā stotram |