📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ കൃഷ്ണ കവചം (ത്രൈലോക്യ മങ്ഗല കവചമ്)
Shri Krishna Kavacham (trailokya Mangala Kavacham)
Krishna Kavacham Malayalam
ശ്രീ നാരദ ഉവാച –
ഭഗവന്സര്വധര്മജ്ഞ കവചം യത്പ്രകാശിതമ് ।
ത്രൈലോക്യമങ്ഗലം നാമ കൃപയാ കഥയ പ്രഭോ ॥ 1 ॥
സനത്കുമാര ഉവാച –
ശൃണു വക്ഷ്യാമി വിപ്രേന്ദ്ര കവചം പരമാദ്ഭുതമ് ।
നാരായണേന കഥിതം കൃപയാ ബ്രഹ്മണേ പുരാ ॥ 2 ॥
ബ്രഹ്മണാ കഥിതം മഹ്യം പരം സ്നേഹാദ്വദാമി തേ ।
അതി ഗുഹ്യതരം തത്ത്വം ബ്രഹ്മമന്ത്രൌഘവിഗ്രഹമ് ॥ 3 ॥
യദ്ധൃത്വാ പഠനാദ്ബ്രഹ്മാ സൃഷ്ടിം വിതനുതേ ധ്രുവമ് ।
യദ്ധൃത്വാ പഠനാത്പാതി മഹാലക്ഷ്മീര്ജഗത്ത്രയമ് ॥ 4 ॥
പഠനാദ്ധാരണാച്ഛമ്ഭുഃ സംഹര്താ സര്വമന്ത്രവിത് ।
ത്രൈലോക്യജനനീ ദുര്ഗാ മഹിഷാദിമഹാസുരാന് ॥ 5 ॥
വരതൃപ്താന് ജഘാനൈവ പഠനാദ്ധാരണാദ്യതഃ ।
ഏവമിന്ദ്രാദയഃ സര്വേ സര്വൈശ്വര്യമവാപ്നുയുഃ ॥ 6 ॥
ഇദം കവചമത്യന്തഗുപ്തം കുത്രാപി നോ വദേത് ।
ശിഷ്യായ ഭക്തിയുക്തായ സാധകായ പ്രകാശയേത് ॥ 7 ॥
ശഠായ പരശിഷ്യായ ദത്വാ മൃത്യുമവാപ്നുയാത് ।
ത്രൈലോക്യമങ്ഗലസ്യാഽസ്യ കവചസ്യ പ്രജാപതിഃ ॥ 8 ॥
ഋഷിശ്ഛന്ദശ്ച ഗായത്രീ ദേവോ നാരായണസ്സ്വയമ് ।
ധര്മാര്ഥകാമമോക്ഷേഷു വിനിയോഗഃ പ്രകീര്തിതഃ ॥ 9 ॥
പ്രണവോ മേ ശിരഃ പാതു നമോ നാരായണായ ച ।
ഫാലം മേ നേത്രയുഗലമഷ്ടാര്ണോ ഭുക്തിമുക്തിദഃ ॥ 10 ॥
ക്ലീം പായാച്ഛ്രോത്രയുഗ്മം ചൈകാക്ഷരഃ സര്വമോഹനഃ ।
ക്ലീം കൃഷ്ണായ സദാ ഘ്രാണം ഗോവിന്ദായേതി ജിഹ്വികാമ് ॥ 11 ॥
ഗോപീജനപദവല്ലഭായ സ്വാഹാഽനനം മമ ।
അഷ്ടാദശാക്ഷരോ മന്ത്രഃ കണ്ഠം പാതു ദശാക്ഷരഃ ॥ 12 ॥
ഗോപീജനപദവല്ലഭായ സ്വാഹാ ഭുജദ്വയമ് ।
ക്ലീം ഗ്ലൌം ക്ലീം ശ്യാമലാങ്ഗായ നമഃ സ്കന്ധൌ രക്ഷാക്ഷരഃ ॥ 13 ॥
ക്ലീം കൃഷ്ണഃ ക്ലീം കരൌ പായാത് ക്ലീം കൃഷ്ണായാം ഗതോഽവതു ।
ഹൃദയം ഭുവനേശാനഃ ക്ലീം കൃഷ്ണഃ ക്ലീം സ്തനൌ മമ ॥ 14 ॥
ഗോപാലായാഗ്നിജായാതം കുക്ഷിയുഗ്മം സദാഽവതു ।
ക്ലീം കൃഷ്ണായ സദാ പാതു പാര്ശ്വയുഗ്മമനുത്തമഃ ॥ 15 ॥
കൃഷ്ണ ഗോവിന്ദകൌ പാതു സ്മരാദ്യൌജേയുതൌ മനുഃ ।
അഷ്ടാക്ഷരഃ പാതു നാഭിം കൃഷ്ണേതി ദ്വ്യക്ഷരോഽവതു ॥ 16 ॥
പൃഷ്ഠം ക്ലീം കൃഷ്ണകം ഗല്ല ക്ലീം കൃഷ്ണായ ദ്വിരാന്തകഃ ।
സക്ഥിനീ സതതം പാതു ശ്രീം ഹ്രീം ക്ലീം കൃഷ്ണഠദ്വയമ് ॥ 17 ॥
ഊരൂ സപ്താക്ഷരം പായാത് ത്രയോദശാക്ഷരോഽവതു ।
ശ്രീം ഹ്രീം ക്ലീം പദതോ ഗോപീജനവല്ലഭപദം തതഃ ॥ 18 ॥
ശ്രിയാ സ്വാഹേതി പായൂ വൈ ക്ലീം ഹ്രീം ശ്രീം സദശാര്ണകഃ ।
ജാനുനീ ച സദാ പാതു ക്ലീം ഹ്രീം ശ്രീം ച ദശാക്ഷരഃ ॥ 19 ॥
ത്രയോദശാക്ഷരഃ പാതു ജങ്ഘേ ചക്രാദ്യുദായുധഃ ।
അഷ്ടാദശാക്ഷരോ ഹ്രീം ശ്രീം പൂര്വകോ വിംശദര്ണകഃ ॥ 20 ॥
സര്വാങ്ഗം മേ സദാ പാതു ദ്വാരകാനായകോ ബലീ ।
നമോ ഭഗവതേ പശ്ചാദ്വാസുദേവായ തത്പരമ് ॥ 21 ॥
താരാദ്യോ ദ്വാദശാര്ണോഽയം പ്രാച്യാം മാം സര്വദാഽവതു ।
ശ്രീം ഹ്രീം ക്ലീം ച ദശാര്ണസ്തു ക്ലീം ഹ്രീം ശ്രീം ഷോഡശാര്ണകഃ ॥ 22 ॥
ഗദാദ്യുദായുധോ വിഷ്ണുര്മാമഗ്നേര്ദിശി രക്ഷതു ।
ഹ്രീം ശ്രീം ദശാക്ഷരോ മന്ത്രോ ദക്ഷിണേ മാം സദാഽവതു ॥ 23 ॥
താരോ നമോ ഭഗവതേ രുക്മിണീവല്ലഭായ ച ।
സ്വാഹേതി ഷോഡശാര്ണോഽയം നൈരൃത്യാം ദിശി രക്ഷതു ॥ 24 ॥
ക്ലീം ഹൃഷീകേശ വംശായ നമോ മാം വാരുണോഽവതു ।
അഷ്ടാദശാര്ണഃ കാമാന്തോ വായവ്യേ മാം സദാഽവതു ॥ 25 ॥
ശ്രീം മായാകാമതൃഷ്ണായ ഗോവിന്ദായ ദ്വികോ മനുഃ ।
ദ്വാദശാര്ണാത്മകോ വിഷ്ണുരുത്തരേ മാം സദാഽവതു ॥ 26 ॥
വാഗ്ഭവം കാമകൃഷ്ണായ ഹ്രീം ഗോവിന്ദായ തത്പരമ് ।
ശ്രീം ഗോപീജനവല്ലഭായ സ്വാഹാ ഹസ്തൌ തതഃ പരമ് ॥ 27 ॥
ദ്വാവിംശത്യക്ഷരോ മന്ത്രോ മാമൈശാന്യേ സദാഽവതു ।
കാലീയസ്യ ഫണാമധ്യേ ദിവ്യം നൃത്യം കരോതി തമ് ॥ 28 ॥
നമാമി ദേവകീപുത്രം നൃത്യരാജാനമച്യുതമ് ।
ദ്വാത്രിംശദക്ഷരോ മന്ത്രോഽപ്യധോ മാം സര്വദാഽവതു ॥ 29 ॥
കാമദേവായ വിദ്മഹേ പുഷ്പബാണായ ധീമഹി ।
തന്നോഽനങ്ഗഃ പ്രചോദയാദേഷാ മാം പാതുചോര്ധ്വതഃ ॥ 30 ॥
ഇതി തേ കഥിതം വിപ്ര ബ്രഹ്മമന്ത്രൌഘവിഗ്രഹമ് ।
ത്രൈലോക്യമങ്ഗലം നാമ കവചം ബ്രഹ്മരൂപകമ് ॥ 31 ॥
ബ്രഹ്മണാ കഥിതം പൂര്വം നാരായണമുഖാച്ഛ്രുതമ് ।
തവ സ്നേഹാന്മയാഽഖ്യാതം പ്രവക്തവ്യം ന കസ്യചിത് ॥ 32 ॥
ഗുരും പ്രണമ്യ വിധിവത്കവചം പ്രപഠേത്തതഃ ।
സകൃദ്ദ്വിസ്ത്രിര്യഥാജ്ഞാനം സ ഹി സര്വതപോമയഃ ॥ 33 ॥
മന്ത്രേഷു സകലേഷ്വേവ ദേശികോ നാത്ര സംശയഃ ।
ശതമഷ്ടോത്തരം ചാസ്യ പുരശ്ചര്യാ വിധിസ്സ്മൃതഃ ॥ 34 ॥
ഹവനാദീന്ദശാംശേന കൃത്വാ തത്സാധയേദ്ധ്രുവമ് ।
യദി സ്യാത്സിദ്ധകവചോ വിഷ്ണുരേവ ഭവേത്സ്വയമ് ॥ 35 ॥
മന്ത്രസിദ്ധിര്ഭവേത്തസ്യ പുരശ്ചര്യാ വിധാനതഃ ।
സ്പര്ധാമുദ്ധൂയ സതതം ലക്ഷ്മീര്വാണീ വസേത്തതഃ ॥ 36 ॥
പുഷ്പാഞ്ജല്യഷ്ടകം ദത്വാ മൂലേനൈവ പഠേത്സകൃത് ।
ദശവര്ഷസഹസ്രാണി പൂജായാഃ ഫലമാപ്നുയാത് ॥ 37 ॥
ഭൂര്ജേ വിലിഖ്യ ഗുലികാം സ്വര്ണസ്ഥാം ധാരയേദ്യദി ।
കണ്ഠേ വാ ദക്ഷിണേ ബാഹൌ സോഽപി വിഷ്ണുര്ന സംശയഃ ॥ 38 ॥
അശ്വമേധസഹസ്രാണി വാജപേയശതാനി ച ।
മഹാദാനാനി യാന്യേവ പ്രാദക്ഷിണ്യം ഭുവസ്തഥാ ॥ 39 ॥
കലാം നാര്ഹന്തി താന്യേവ സകൃദുച്ചാരണാത്തതഃ ।
കവചസ്യ പ്രസാദേന ജീവന്മുക്തോ ഭവേന്നരഃ ॥ 40 ॥
ത്രൈലോക്യം ക്ഷോഭയത്യേവ ത്രൈലോക്യവിജയീ സ ഹി ।
ഇദം കവചമജ്ഞാത്വാ യജേദ്യഃ പുരുഷോത്തമമ് ।
ശതലക്ഷപ്രജപ്തോഽപി ന മന്ത്രസ്തസ്യ സിദ്ധ്യതി ॥ 41 ॥
ഇതി ശ്രീ നാരദപാഞ്ചരാത്രേ ജ്ഞാനാമൃതസാരേ ത്രൈലോക്യമങ്ഗലകവചമ് ।
Roman (IAST) Transliteration
śrī nārada uvāca –
bhagavansarvadharmajña kavacaṃ yatprakāśitam |
trailokyamaṅgalaṃ nāma kṛpayā kathaya prabho || 1 ||
sanatkumāra uvāca –
śṛṇu vakṣyāmi viprendra kavacaṃ paramādbhutam |
nārāyaṇena kathitaṃ kṛpayā brahmaṇe purā || 2 ||
brahmaṇā kathitaṃ mahyaṃ paraṃ snehādvadāmi te |
ati guhyataraṃ tattvaṃ brahmamantraughavigraham || 3 ||
yaddhṛtvā paṭhanādbrahmā sṛṣṭiṃ vitanute dhruvam |
yaddhṛtvā paṭhanātpāti mahālakṣmīrjagattrayam || 4 ||
paṭhanāddhāraṇācchambhuḥ saṃhartā sarvamantravit |
trailokyajananī durgā mahiṣādimahāsurān || 5 ||
varatṛptān jaghānaiva paṭhanāddhāraṇādyataḥ |
evamindrādayaḥ sarve sarvaiśvaryamavāpnuyuḥ || 6 ||
idaṃ kavacamatyantaguptaṃ kutrāpi no vadet |
śiṣyāya bhaktiyuktāya sādhakāya prakāśayet || 7 ||
śaṭhāya paraśiṣyāya datvā mṛtyumavāpnuyāt |
trailokyamaṅgalasyā'sya kavacasya prajāpatiḥ || 8 ||
ṛṣiśchandaśca gāyatrī devo nārāyaṇassvayam |
dharmārthakāmamokṣeṣu viniyogaḥ prakīrtitaḥ || 9 ||
praṇavo me śiraḥ pātu namo nārāyaṇāya ca |
phālaṃ me netrayugalamaṣṭārṇo bhuktimuktidaḥ || 10 ||
klīṃ pāyācchrotrayugmaṃ caikākṣaraḥ sarvamohanaḥ |
klīṃ kṛṣṇāya sadā ghrāṇaṃ govindāyeti jihvikām || 11 ||
gopījanapadavallabhāya svāhā'nanaṃ mama |
aṣṭādaśākṣaro mantraḥ kaṇṭhaṃ pātu daśākṣaraḥ || 12 ||
gopījanapadavallabhāya svāhā bhujadvayam |
klīṃ glauṃ klīṃ śyāmalāṅgāya namaḥ skandhau rakṣākṣaraḥ || 13 ||
klīṃ kṛṣṇaḥ klīṃ karau pāyāt klīṃ kṛṣṇāyāṃ gato'vatu |
hṛdayaṃ bhuvaneśānaḥ klīṃ kṛṣṇaḥ klīṃ stanau mama || 14 ||
gopālāyāgnijāyātaṃ kukṣiyugmaṃ sadā'vatu |
klīṃ kṛṣṇāya sadā pātu pārśvayugmamanuttamaḥ || 15 ||
kṛṣṇa govindakau pātu smarādyaujeyutau manuḥ |
aṣṭākṣaraḥ pātu nābhiṃ kṛṣṇeti dvyakṣaro'vatu || 16 ||
pṛṣṭhaṃ klīṃ kṛṣṇakaṃ galla klīṃ kṛṣṇāya dvirāntakaḥ |
sakthinī satataṃ pātu śrīṃ hrīṃ klīṃ kṛṣṇaṭhadvayam || 17 ||
ūrū saptākṣaraṃ pāyāt trayodaśākṣaro'vatu |
śrīṃ hrīṃ klīṃ padato gopījanavallabhapadaṃ tataḥ || 18 ||
śriyā svāheti pāyū vai klīṃ hrīṃ śrīṃ sadaśārṇakaḥ |
jānunī ca sadā pātu klīṃ hrīṃ śrīṃ ca daśākṣaraḥ || 19 ||
trayodaśākṣaraḥ pātu jaṅghe cakrādyudāyudhaḥ |
aṣṭādaśākṣaro hrīṃ śrīṃ pūrvako viṃśadarṇakaḥ || 20 ||
sarvāṅgaṃ me sadā pātu dvārakānāyako balī |
namo bhagavate paścādvāsudevāya tatparam || 21 ||
tārādyo dvādaśārṇo'yaṃ prācyāṃ māṃ sarvadā'vatu |
śrīṃ hrīṃ klīṃ ca daśārṇastu klīṃ hrīṃ śrīṃ ṣoḍaśārṇakaḥ || 22 ||
gadādyudāyudho viṣṇurmāmagnerdiśi rakṣatu |
hrīṃ śrīṃ daśākṣaro mantro dakṣiṇe māṃ sadā'vatu || 23 ||
tāro namo bhagavate rukmiṇīvallabhāya ca |
svāheti ṣoḍaśārṇo'yaṃ nairṛtyāṃ diśi rakṣatu || 24 ||
klīṃ hṛṣīkeśa vaṃśāya namo māṃ vāruṇo'vatu |
aṣṭādaśārṇaḥ kāmānto vāyavye māṃ sadā'vatu || 25 ||
śrīṃ māyākāmatṛṣṇāya govindāya dviko manuḥ |
dvādaśārṇātmako viṣṇuruttare māṃ sadā'vatu || 26 ||
vāgbhavaṃ kāmakṛṣṇāya hrīṃ govindāya tatparam |
śrīṃ gopījanavallabhāya svāhā hastau tataḥ param || 27 ||
dvāviṃśatyakṣaro mantro māmaiśānye sadā'vatu |
kālīyasya phaṇāmadhye divyaṃ nṛtyaṃ karoti tam || 28 ||
namāmi devakīputraṃ nṛtyarājānamacyutam |
dvātriṃśadakṣaro mantro'pyadho māṃ sarvadā'vatu || 29 ||
kāmadevāya vidmahe puṣpabāṇāya dhīmahi |
tanno'naṅgaḥ pracodayādeṣā māṃ pātucordhvataḥ || 30 ||
iti te kathitaṃ vipra brahmamantraughavigraham |
trailokyamaṅgalaṃ nāma kavacaṃ brahmarūpakam || 31 ||
brahmaṇā kathitaṃ pūrvaṃ nārāyaṇamukhācchrutam |
tava snehānmayā'khyātaṃ pravaktavyaṃ na kasyacit || 32 ||
guruṃ praṇamya vidhivatkavacaṃ prapaṭhettataḥ |
sakṛddvistriryathājñānaṃ sa hi sarvatapomayaḥ || 33 ||
mantreṣu sakaleṣveva deśiko nātra saṃśayaḥ |
śatamaṣṭottaraṃ cāsya puraścaryā vidhissmṛtaḥ || 34 ||
havanādīndaśāṃśena kṛtvā tatsādhayeddhruvam |
yadi syātsiddhakavaco viṣṇureva bhavetsvayam || 35 ||
mantrasiddhirbhavettasya puraścaryā vidhānataḥ |
spardhāmuddhūya satataṃ lakṣmīrvāṇī vasettataḥ || 36 ||
puṣpāñjalyaṣṭakaṃ datvā mūlenaiva paṭhetsakṛt |
daśavarṣasahasrāṇi pūjāyāḥ phalamāpnuyāt || 37 ||
bhūrje vilikhya gulikāṃ svarṇasthāṃ dhārayedyadi |
kaṇṭhe vā dakṣiṇe bāhau so'pi viṣṇurna saṃśayaḥ || 38 ||
aśvamedhasahasrāṇi vājapeyaśatāni ca |
mahādānāni yānyeva prādakṣiṇyaṃ bhuvastathā || 39 ||
kalāṃ nārhanti tānyeva sakṛduccāraṇāttataḥ |
kavacasya prasādena jīvanmukto bhavennaraḥ || 40 ||
trailokyaṃ kṣobhayatyeva trailokyavijayī sa hi |
idaṃ kavacamajñātvā yajedyaḥ puruṣottamam |
śatalakṣaprajapto'pi na mantrastasya siddhyati || 41 ||
iti śrī nāradapāñcarātre jñānāmṛtasāre trailokyamaṅgalakavacam |
InfoLyter.in — Sacred Vedic Knowledge Portal · Free forever