📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ ദുര്ഗാ സ്തോത്രമ് (യുധിഷ്ഠിര കൃതം)
Shri Durga Stotram (yudhishthira Kritam)
Durga Stotram Malayalam
വിരാടനഗരം രമ്യം ഗച്ഛമാനോ യുധിഷ്ഠിരഃ ।
അസ്തുവന്മനസാ ദേവീം ദുര്ഗാം ത്രിഭുവനേശ്വരീമ് ॥ 1 ॥
യശോദാഗര്ഭസമ്ഭൂതാം നാരായണവരപ്രിയാമ് ।
നന്ദഗോപകുലേ ജാതാം മങ്ഗല്യാം കുലവര്ധിനീമ് ॥ 2 ॥
കംസവിദ്രാവണകരീമസുരാണാം ക്ഷയങ്കരീമ് ।
ശിലാതടവിനിക്ഷിപ്താമാകാശം പ്രതി ഗാമിനീമ് ॥ 3 ॥
വാസുദേവസ്യ ഭഗിനീം ദിവ്യമാല്യവിഭൂഷിതാമ് ।
ദിവ്യാമ്ബരധരാം ദേവീം ഖഡ്ഗഖേടകധാരിണീമ് ॥ 4 ॥
ഭാരാവതരണേ പുണ്യേ യേ സ്മരന്തി സദാശിവാമ് ।
താന് വൈ താരയതേ പാപാത് പങ്കേ ഗാമിവ ദുര്ബലാമ് ॥ 5 ॥
സ്തോതും പ്രചക്രമേ ഭൂയോ വിവിധൈഃ സ്തോത്രസമ്ഭവൈഃ ।
ആമന്ത്ര്യ ദര്ശനാകാങ്ക്ഷീ രാജാ ദേവീം സഹാനുജഃ ॥ 6 ॥
നമോഽസ്തു വരദേ കൃഷ്ണേ കുമാരി ബ്രഹ്മചാരിണി ।
ബാലാര്കസദൃശാകാരേ പൂര്ണചന്ദ്രനിഭാനനേ ॥ 7 ॥
ചതുര്ഭുജേ ചതുര്വക്ത്രേ പീനശ്രോണിപയോധരേ ।
മയൂരപിച്ഛവലയേ കേയൂരാങ്ഗദധാരിണി ॥ 8 ॥
ഭാസി ദേവി യഥാ പദ്മാ നാരായണപരിഗ്രഹഃ ।
സ്വരൂപം ബ്രഹ്മചര്യം ച വിശദം തവ ഖേചരി ॥ 9 ॥
കൃഷ്ണച്ഛവിസമാ കൃഷ്ണാ സങ്കര്ഷണസമാനനാ ।
ബിഭ്രതീ വിപുലൌ ബാഹൂ ശക്രധ്വജസമുച്ഛ്രയൌ ॥ 10 ॥
പാത്രീ ച പങ്കജീ ഘണ്ടീ സ്ത്രീവിശുദ്ധാ ച യാ ഭുവി ।
പാശം ധനുര്മഹാചക്രം വിവിധാന്യായുധാനി ച ॥ 11 ॥
കുണ്ഡലാഭ്യാം സുപൂര്ണാഭ്യാം കര്ണാഭ്യാം ച വിഭൂഷിതാ ।
ചന്ദ്രവിസ്പര്ധിനാ ദേവി മുഖേന ത്വം വിരാജസേ ॥ 12 ॥
മുകുടേന വിചിത്രേണ കേശബന്ധേന ശോഭിനാ ।
ഭുജങ്ഗാഭോഗവാസേന ശ്രോണിസൂത്രേണ രാജതാ ॥ 13 ॥
വിഭ്രാജസേ ചാബദ്ധേന ഭോഗേനേവേഹ മന്ദരഃ ।
ധ്വജേന ശിഖിപിച്ഛാനാമുച്ഛ്രിതേന വിരാജസേ ॥ 14 ॥
കൌമാരം വ്രതമാസ്ഥായ ത്രിദിവം പാവിതം ത്വയാ ।
തേന ത്വം സ്തൂയസേ ദേവി ത്രിദശൈഃ പൂജ്യസേഽപി ച ॥ 15 ॥
ത്രൈലോക്യരക്ഷണാര്ഥായ മഹിഷാസുരനാശിനി ।
പ്രസന്നാ മേ സുരശ്രേഷ്ഠേ ദയാം കുരു ശിവാ ഭവ ॥ 16 ॥
ജയാ ത്വം വിജയാ ചൈവ സങ്ഗ്രാമേ ച ജയപ്രദാ ।
മമാപി വിജയം ദേഹി വരദാ ത്വം ച സാമ്പ്രതമ് ॥ 17 ॥
വിന്ധ്യേ ചൈവ നഗശ്രേഷ്ഠേ തവ സ്ഥാനം ഹി ശാശ്വതമ് ।
കാലി കാലി മഹാകാലി ശീധുമാംസപശുപ്രിയേ ॥ 18 ॥
കൃതാനുയാത്രാ ഭൂതൈസ്ത്വം വരദാ കാമചാരിണീ ।
ഭാരാവതാരേ യേ ച ത്വാം സംസ്മരിഷ്യന്തി മാനവാഃ ॥ 19 ॥
പ്രണമന്തി ച യേ ത്വാം ഹി പ്രഭാതേ തു നരാ ഭുവി ।
ന തേഷാം ദുര്ലഭം കിഞ്ചിത് പുത്രതോ ധനതോഽപി വാ ॥ 20 ॥
ദുര്ഗാത് താരയസേ ദുര്ഗേ തത് ത്വം ദുര്ഗാ സ്മൃതാ ജനൈഃ ।
കാന്താരേഷ്വവസന്നാനാം മഗ്നാനാം ച മഹാര്ണവേ ।
ദസ്യുഭിര്വാ നിരുദ്ധാനാം ത്വം ഗതിഃ പരമാ നൃണാമ് ॥ 21 ॥
ജലപ്രതരണേ ചൈവ കാന്താരേഷ്വടവീഷു ച ।
യേ സ്മരന്തി മഹാദേവി ന ച സീദന്തി തേ നരാഃ ॥ 22 ॥
ത്വം കീര്തിഃ ശ്രീര്ധൃതിഃ സിദ്ധിര്ഹ്രീര്വിദ്യാ സന്തതിര്മതിഃ ।
സന്ധ്യാ രാത്രിഃ പ്രഭാ നിദ്രാ ജ്യോത്സ്നാ കാന്തിഃ ക്ഷമാ ദയാ ॥ 23 ॥
നൃണാം ച ബന്ധനം മോഹം പുത്രനാശം ധനക്ഷയമ് ।
വ്യാധിം മൃത്യും ഭയം ചൈവ പൂജിതാ നാശയിഷ്യസി ॥ 24 ॥
സോഽഹം രാജ്യാത്പരിഭ്രഷ്ടഃ ശരണം ത്വാം പ്രപന്നവാന് ।
പ്രണതശ്ച യഥാ മൂര്ധ്നാ തവ ദേവി സുരേശ്വരി ॥ 25 ॥
ത്രാഹി മാം പദ്മപത്രാക്ഷി സത്യേ സത്യാ ഭവസ്വ നഃ ।
ശരണം ഭവ മേ ദുര്ഗേ ശരണ്യേ ഭക്തവത്സലേ ॥ 26 ॥
ഏവം സ്തുതാ ഹി സാ ദേവീ ദര്ശയാമാസ പാണ്ഡവമ് ।
ഉപഗമ്യ തു രാജാനാമിദം വചനമബ്രവീത് ॥ 27 ॥
ദേവ്യുവാച ।
ശൃണു രാജന് മഹാബാഹോ മദീയം വചനം പ്രഭോ ।
ഭവിഷ്യത്യചിരാദേവ സങ്ഗ്രാമേ വിജയസ്തവ ॥ 28 ॥
മമ പ്രസാദാന്നിര്ജിത്യ ഹത്വാ കൌരവവാഹിനീമ് ।
രാജ്യം നിഷ്കണ്ടകം കൃത്വാ ഭോക്ഷ്യസേ മേദിനീം പുനഃ ॥ 29 ॥
ഭാത്രൃഭിഃ സഹിതോ രാജന് പ്രീതിം പ്രാപ്സ്യസി പുഷ്കലാമ് ।
മത്പ്രസാദാച്ച തേ സൌഖ്യമാരോഗ്യം ച ഭവിഷ്യതി ॥ 30 ॥
യേ ച സങ്കീര്തയിഷ്യന്തി ലോകേ വിഗതകല്മഷാഃ ।
തേഷാം തുഷ്ടാ പ്രദാസ്യാമി രാജ്യമായുര്വപുഃ സുതമ് ॥ 31 ॥
പ്രവാസേ നഗരേ ചാപി സങ്ഗ്രാമേ ശത്രുസങ്കടേ ।
അടവ്യാം ദുര്ഗകാന്താരേ സാഗരേ ഗഹനേ ഗിരൌ ॥ 32 ॥
യേ സ്മരിഷ്യന്തി മാം രാജന് യഥാഽഹം ഭവതാ സ്മൃതാ ।
ന തേഷാം ദുര്ലഭം കിഞ്ചിദസ്മില്ലോകേ ഭവിഷ്യതി ॥ 33 ॥
ഇദം സ്തോത്രവരം ഭക്ത്യാ ശൃണുയാദ്വാ പഠേത വാ ।
തസ്യ സര്വാണി കാര്യാണി സിദ്ധിം യാസ്യന്തി പാണ്ഡവാഃ ॥ 34 ॥
മത്പ്രസാദാച്ച വഃ സര്വാന്വിരാടനഗരേ സ്ഥിതാന് ।
ന പ്രജ്ഞാസ്യന്തി കുരവോ നരാ വാ തന്നിവാസിനഃ ॥ 35 ॥
ഇത്യുക്ത്വാ വരദാ ദേവീ യുധിഷ്ഠിരമരിന്ദമമ് ।
രക്ഷാം കൃത്വാ ച പാണ്ഡൂനാം തത്രൈവാന്തരധീയത ॥ 36 ॥
ഇതി ശ്രീമന്മഹാഭാരതേ വിരാടപര്വണി അഷ്ടമോഽധ്യായേ യുധിഷ്ഠിര കൃത ശ്രീ ദുര്ഗാ സ്തോത്രമ് ।
Roman (IAST) Transliteration
virāṭanagaraṃ ramyaṃ gacchamāno yudhiṣṭhiraḥ |
astuvanmanasā devīṃ durgāṃ tribhuvaneśvarīm || 1 ||
yaśodāgarbhasambhūtāṃ nārāyaṇavarapriyām |
nandagopakule jātāṃ maṅgalyāṃ kulavardhinīm || 2 ||
kaṃsavidrāvaṇakarīmasurāṇāṃ kṣayaṅkarīm |
śilātaṭavinikṣiptāmākāśaṃ prati gāminīm || 3 ||
vāsudevasya bhaginīṃ divyamālyavibhūṣitām |
divyāmbaradharāṃ devīṃ khaḍgakheṭakadhāriṇīm || 4 ||
bhārāvataraṇe puṇye ye smaranti sadāśivām |
tān vai tārayate pāpāt paṅke gāmiva durbalām || 5 ||
stotuṃ pracakrame bhūyo vividhaiḥ stotrasambhavaiḥ |
āmantrya darśanākāṅkṣī rājā devīṃ sahānujaḥ || 6 ||
namo'stu varade kṛṣṇe kumāri brahmacāriṇi |
bālārkasadṛśākāre pūrṇacandranibhānane || 7 ||
caturbhuje caturvaktre pīnaśroṇipayodhare |
mayūrapicchavalaye keyūrāṅgadadhāriṇi || 8 ||
bhāsi devi yathā padmā nārāyaṇaparigrahaḥ |
svarūpaṃ brahmacaryaṃ ca viśadaṃ tava khecari || 9 ||
kṛṣṇacchavisamā kṛṣṇā saṅkarṣaṇasamānanā |
bibhratī vipulau bāhū śakradhvajasamucchrayau || 10 ||
pātrī ca paṅkajī ghaṇṭī strīviśuddhā ca yā bhuvi |
pāśaṃ dhanurmahācakraṃ vividhānyāyudhāni ca || 11 ||
kuṇḍalābhyāṃ supūrṇābhyāṃ karṇābhyāṃ ca vibhūṣitā |
candravispardhinā devi mukhena tvaṃ virājase || 12 ||
mukuṭena vicitreṇa keśabandhena śobhinā |
bhujaṅgābhogavāsena śroṇisūtreṇa rājatā || 13 ||
vibhrājase cābaddhena bhogeneveha mandaraḥ |
dhvajena śikhipicchānāmucchritena virājase || 14 ||
kaumāraṃ vratamāsthāya tridivaṃ pāvitaṃ tvayā |
tena tvaṃ stūyase devi tridaśaiḥ pūjyase'pi ca || 15 ||
trailokyarakṣaṇārthāya mahiṣāsuranāśini |
prasannā me suraśreṣṭhe dayāṃ kuru śivā bhava || 16 ||
jayā tvaṃ vijayā caiva saṅgrāme ca jayapradā |
mamāpi vijayaṃ dehi varadā tvaṃ ca sāmpratam || 17 ||
vindhye caiva nagaśreṣṭhe tava sthānaṃ hi śāśvatam |
kāli kāli mahākāli śīdhumāṃsapaśupriye || 18 ||
kṛtānuyātrā bhūtaistvaṃ varadā kāmacāriṇī |
bhārāvatāre ye ca tvāṃ saṃsmariṣyanti mānavāḥ || 19 ||
praṇamanti ca ye tvāṃ hi prabhāte tu narā bhuvi |
na teṣāṃ durlabhaṃ kiñcit putrato dhanato'pi vā || 20 ||
durgāt tārayase durge tat tvaṃ durgā smṛtā janaiḥ |
kāntāreṣvavasannānāṃ magnānāṃ ca mahārṇave |
dasyubhirvā niruddhānāṃ tvaṃ gatiḥ paramā nṛṇām || 21 ||
jalaprataraṇe caiva kāntāreṣvaṭavīṣu ca |
ye smaranti mahādevi na ca sīdanti te narāḥ || 22 ||
tvaṃ kīrtiḥ śrīrdhṛtiḥ siddhirhrīrvidyā santatirmatiḥ |
sandhyā rātriḥ prabhā nidrā jyotsnā kāntiḥ kṣamā dayā || 23 ||
nṛṇāṃ ca bandhanaṃ mohaṃ putranāśaṃ dhanakṣayam |
vyādhiṃ mṛtyuṃ bhayaṃ caiva pūjitā nāśayiṣyasi || 24 ||
so'haṃ rājyātparibhraṣṭaḥ śaraṇaṃ tvāṃ prapannavān |
praṇataśca yathā mūrdhnā tava devi sureśvari || 25 ||
trāhi māṃ padmapatrākṣi satye satyā bhavasva naḥ |
śaraṇaṃ bhava me durge śaraṇye bhaktavatsale || 26 ||
evaṃ stutā hi sā devī darśayāmāsa pāṇḍavam |
upagamya tu rājānāmidaṃ vacanamabravīt || 27 ||
devyuvāca |
śṛṇu rājan mahābāho madīyaṃ vacanaṃ prabho |
bhaviṣyatyacirādeva saṅgrāme vijayastava || 28 ||
mama prasādānnirjitya hatvā kauravavāhinīm |
rājyaṃ niṣkaṇṭakaṃ kṛtvā bhokṣyase medinīṃ punaḥ || 29 ||
bhātrṛbhiḥ sahito rājan prītiṃ prāpsyasi puṣkalām |
matprasādācca te saukhyamārogyaṃ ca bhaviṣyati || 30 ||
ye ca saṅkīrtayiṣyanti loke vigatakalmaṣāḥ |
teṣāṃ tuṣṭā pradāsyāmi rājyamāyurvapuḥ sutam || 31 ||
pravāse nagare cāpi saṅgrāme śatrusaṅkaṭe |
aṭavyāṃ durgakāntāre sāgare gahane girau || 32 ||
ye smariṣyanti māṃ rājan yathā'haṃ bhavatā smṛtā |
na teṣāṃ durlabhaṃ kiñcidasmilloke bhaviṣyati || 33 ||
idaṃ stotravaraṃ bhaktyā śṛṇuyādvā paṭheta vā |
tasya sarvāṇi kāryāṇi siddhiṃ yāsyanti pāṇḍavāḥ || 34 ||
matprasādācca vaḥ sarvānvirāṭanagare sthitān |
na prajñāsyanti kuravo narā vā tannivāsinaḥ || 35 ||
ityuktvā varadā devī yudhiṣṭhiramarindamam |
rakṣāṃ kṛtvā ca pāṇḍūnāṃ tatraivāntaradhīyata || 36 ||
iti śrīmanmahābhārate virāṭaparvaṇi aṣṭamo'dhyāye yudhiṣṭhira kṛta śrī durgā stotram |
InfoLyter.in — Sacred Vedic Knowledge Portal · Free forever