📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ ധൂമാവതീ അഷ്ടോത്തര ശത നാമാ സ്തോത്രം
Shri Dhumavati Ashtottara Shata Nama Stotram
Tara Ashtottara Sata Namavali Malayalam
ഈശ്വര ഉവാച
ഓം ധൂമാവതീ ധൂമ്രവര്ണാ ധൂമ്രപാനപരായണാ ।
ധൂമ്രാക്ഷമഥിനീ ധന്യാ ധന്യസ്ഥാനനിവാസിനീ ॥ 1 ॥
അഘോരാചാരസന്തുഷ്ടാ അഘോരാചാരമണ്ഡിതാ ।
അഘോരമന്ത്രസമ്പ്രീതാ അഘോരമന്ത്രപൂജിതാ ॥ 2 ॥
അട്ടാട്ടഹാസനിരതാ മലിനാമ്ബരധാരിണീ ।
വൃദ്ധാ വിരൂപാ വിധവാ വിദ്യാ ച വിരലദ്വിജാ ॥ 3 ॥
പ്രവൃദ്ധഘോണാ കുമുഖീ കുടിലാ കുടിലേക്ഷണാ ।
കരാലീ ച കരാലാസ്യാ കങ്കാലീ ശൂര്പധാരിണീ ॥ 4 ॥
കാകധ്വജരഥാരൂഢാ കേവലാ കഠിനാ കുഹൂഃ ।
ക്ഷുത്പിപാസാര്ദിതാ നിത്യാ ലലജ്ജിഹ്വാ ദിഗമ്ബരീ ॥ 5 ॥
ദീര്ഘോദരീ ദീര്ഘരവാ ദീര്ഘാങ്ഗീ ദീര്ഘമസ്തകാ ।
വിമുക്തകുന്തലാ കീര്ത്യാ കൈലാസസ്ഥാനവാസിനീ ॥ 6 ॥
ക്രൂരാ കാലസ്വരൂപാ ച കാലചക്രപ്രവര്തിനീ ।
വിവര്ണാ ചഞ്ചലാ ദുഷ്ടാ ദുഷ്ടവിധ്വംസകാരിണീ ॥ 7 ॥
ചണ്ഡീ ചണ്ഡസ്വരൂപാ ച ചാമുണ്ഡാ ചണ്ഡനിഃസ്വനാ ।
ചണ്ഡവേഗാ ചണ്ഡഗതിശ്ചണ്ഡമുണ്ഡവിനാശിനീ ॥ 8 ॥
ചാണ്ഡാലിനീ ചിത്രരേഖാ ചിത്രാങ്ഗീ ചിത്രരൂപിണീ ।
കൃഷ്ണാ കപര്ദിനീ കുല്ലാ കൃഷ്ണാരൂപാ ക്രിയാവതീ ॥ 9 ॥
കുമ്ഭസ്തനീ മഹോന്മത്താ മദിരാപാനവിഹ്വലാ ।
ചതുര്ഭുജാ ലലജ്ജിഹ്വാ ശത്രുസംഹാരകാരിണീ ॥ 10 ॥
ശവാരൂഢാ ശവഗതാ ശ്മശാനസ്ഥാനവാസിനീ ।
ദുരാരാധ്യാ ദുരാചാരാ ദുര്ജനപ്രീതിദായിനീ ॥ 11 ॥
നിര്മാംസാ ച നിരാകാരാ ധൂമഹസ്താ വരാന്വിതാ ।
കലഹാ ച കലിപ്രീതാ കലികല്മഷനാശിനീ ॥ 12 ॥
മഹാകാലസ്വരൂപാ ച മഹാകാലപ്രപൂജിതാ ।
മഹാദേവപ്രിയാ മേധാ മഹാസങ്കടനാശിനീ ॥ 13 ॥
ഭക്തപ്രിയാ ഭക്തഗതിര്ഭക്തശത്രുവിനാശിനീ ।
ഭൈരവീ ഭുവനാ ഭീമാ ഭാരതീ ഭുവനാത്മികാ ॥ 14 ॥
ഭേരുണ്ഡാ ഭീമനയനാ ത്രിനേത്രാ ബഹുരൂപിണീ ।
ത്രിലോകേശീ ത്രികാലജ്ഞാ ത്രിസ്വരൂപാ ത്രയീതനുഃ ॥ 15 ॥
ത്രിമൂര്തിശ്ച തഥാ തന്വീ ത്രിശക്തിശ്ച ത്രിശൂലിനീ ।
ഇതി ധൂമാമഹത് സ്തോത്രം നാമ്നാമഷ്ടശതാത്മകമ് ॥ 16 ॥
മയാ തേ കഥിതം ദേവി ശത്രുസങ്ഘവിനാശനമ് ।
കാരാഗാരേ രിപുഗ്രസ്തേ മഹോത്പാതേ മഹാഭയേ ॥ 17 ॥
ഇദം സ്തോത്രം പഠേന്മര്ത്യോ മുച്യതേ സര്വസങ്കടൈഃ ।
ഗുഹ്യാദ്ഗുഹ്യതരം ഗുഹ്യം ഗോപനീയം പ്രയത്നതഃ ॥ 18 ॥
ചതുഷ്പദാര്ഥദം നൄണാം സര്വസമ്പത്പ്രദായകമ് ॥ 19 ॥
ഇതി ശ്രീധൂമാവത്യഷ്ടോത്തരശതനാമസ്തോത്രമ് ।
Roman (IAST) Transliteration
īśvara uvāca
oṃ dhūmāvatī dhūmravarṇā dhūmrapānaparāyaṇā |
dhūmrākṣamathinī dhanyā dhanyasthānanivāsinī || 1 ||
aghorācārasantuṣṭā aghorācāramaṇḍitā |
aghoramantrasamprītā aghoramantrapūjitā || 2 ||
aṭṭāṭṭahāsaniratā malināmbaradhāriṇī |
vṛddhā virūpā vidhavā vidyā ca viraladvijā || 3 ||
pravṛddhaghoṇā kumukhī kuṭilā kuṭilekṣaṇā |
karālī ca karālāsyā kaṅkālī śūrpadhāriṇī || 4 ||
kākadhvajarathārūḍhā kevalā kaṭhinā kuhūḥ |
kṣutpipāsārditā nityā lalajjihvā digambarī || 5 ||
dīrghodarī dīrgharavā dīrghāṅgī dīrghamastakā |
vimuktakuntalā kīrtyā kailāsasthānavāsinī || 6 ||
krūrā kālasvarūpā ca kālacakrapravartinī |
vivarṇā cañcalā duṣṭā duṣṭavidhvaṃsakāriṇī || 7 ||
caṇḍī caṇḍasvarūpā ca cāmuṇḍā caṇḍaniḥsvanā |
caṇḍavegā caṇḍagatiścaṇḍamuṇḍavināśinī || 8 ||
cāṇḍālinī citrarekhā citrāṅgī citrarūpiṇī |
kṛṣṇā kapardinī kullā kṛṣṇārūpā kriyāvatī || 9 ||
kumbhastanī mahonmattā madirāpānavihvalā |
caturbhujā lalajjihvā śatrusaṃhārakāriṇī || 10 ||
śavārūḍhā śavagatā śmaśānasthānavāsinī |
durārādhyā durācārā durjanaprītidāyinī || 11 ||
nirmāṃsā ca nirākārā dhūmahastā varānvitā |
kalahā ca kaliprītā kalikalmaṣanāśinī || 12 ||
mahākālasvarūpā ca mahākālaprapūjitā |
mahādevapriyā medhā mahāsaṅkaṭanāśinī || 13 ||
bhaktapriyā bhaktagatirbhaktaśatruvināśinī |
bhairavī bhuvanā bhīmā bhāratī bhuvanātmikā || 14 ||
bheruṇḍā bhīmanayanā trinetrā bahurūpiṇī |
trilokeśī trikālajñā trisvarūpā trayītanuḥ || 15 ||
trimūrtiśca tathā tanvī triśaktiśca triśūlinī |
iti dhūmāmahat stotraṃ nāmnāmaṣṭaśatātmakam || 16 ||
mayā te kathitaṃ devi śatrusaṅghavināśanam |
kārāgāre ripugraste mahotpāte mahābhaye || 17 ||
idaṃ stotraṃ paṭhenmartyo mucyate sarvasaṅkaṭaiḥ |
guhyādguhyataraṃ guhyaṃ gopanīyaṃ prayatnataḥ || 18 ||
catuṣpadārthadaṃ nṝṇāṃ sarvasampatpradāyakam || 19 ||
iti śrīdhūmāvatyaṣṭottaraśatanāmastotram |
InfoLyter.in — Sacred Vedic Knowledge Portal · Free forever