Shri Dattatreya Sahasra Nama Stotram

ॐ

ശ്രീ ദത്താത്രേയ സഹസ്ര നാമ സ്തോത്രമ്

Dattatreya Stotram Malayalam

മുനയഃ ഊചുഃ

നിഖിലാഗമതത്ത്വജ്ഞ ബ്രഹ്മധ്യാനപരായണ ।

വദാസ്മാകം മുക്ത്യുപായം സൂത സര്വോപകാരകമ് ॥ 1 ॥

സര്വദേവേഷു കോ ദേവഃ സദ്യോ മോക്ഷപ്രദോ ഭവേത് ।

കോ മനുര്വാ ഭവേത്തസ്യ സദ്യഃ പ്രീതികരോ ധ്രുവമ് ॥ 2 ॥

സൂത ഉവാച ।

നിഗമാഗമതത്ത്വജ്ഞോ ഹ്യവധൂതശ്ചിദമ്ബരഃ ।

ഭക്തവാത്സല്യപ്രവണോ ദത്ത ഏവ ഹി കേവലഃ ॥ 3 ॥

സദാ പ്രസന്നവദനോ ഭക്തചിന്തൈകതത്പരഃ ।

തസ്യ നാമാന്യനന്താനി വര്തന്തേഽഥാപ്യദഃ പരമ് ॥ 4 ॥

ദത്തസ്യ നാമസാഹസ്രം തസ്യ പ്രീതിവിവര്ധനമ് ।

യസ്ത്വിദം പഠതേ നിത്യം ദത്താത്രേയൈകമാനസഃ ॥ 5 ॥

മുച്യതേ സര്വപാപേഭ്യഃ സ സദ്യോ നാത്ര സംശയഃ ।

അന്തേ തദ്ധാമ സംയാതി പുനരാവൃത്തിദുര്ലഭമ് ॥ 6 ॥

അസ്യ ശ്രീമദ്ദത്താത്രേയസഹസ്രനാമസ്തോത്രമന്ത്രസ്യ അവധൂത ഋഷിഃ, അനുഷ്ടുപ് ഛന്ദഃ, ദിഗമ്ബരോ ദേവതാ, ഓം ബീജം, ഹ്രീം ശക്തിഃ, ക്രൌം കീലകം, ശ്രീദത്താത്രേയപ്രീത്യര്ഥേ ജപേ വിനിയോഗഃ ।

അഥ ധ്യാനമ്

ദിഗമ്ബരം ഭസ്മവിലേപിതാങ്ഗം

ബോധാത്മകം മുക്തികരം പ്രസന്നമ് ।

നിര്മാനസം ശ്യാമതനും ഭജേഽഹം

ദത്താത്രേയം ബ്രഹ്മസമാധിയുക്തമ് ॥

അഥ സ്തോത്രമ്

ദത്താത്രേയോ മഹായോഗീ യോഗേശശ്ചാമരപ്രഭുഃ ।

മുനിര്ദിഗമ്ബരോ ബാലോ മായാമുക്തോ മദാപഹഃ ॥ 1 ॥

അവധൂതോ മഹാനാഥഃ ശങ്കരോഽമരവല്ലഭഃ ।

മഹാദേവശ്ചാദിദേവഃ പുരാണപ്രഭുരീശ്വരഃ ॥ 2 ॥

സത്ത്വകൃത്സത്ത്വഭൃദ്ഭാവഃ സത്ത്വാത്മാ സത്ത്വസാഗരഃ ।

സത്ത്വവിത്സത്ത്വസാക്ഷീ ച സത്ത്വസാധ്യോഽമരാധിപഃ ॥ 3 ॥

ഭൂതകൃദ്ഭൂതഭൃച്ചൈവ ഭൂതാത്മാ ഭൂതസമ്ഭവഃ ।

ഭൂതഭാവോ ഭവോ ഭൂതവിത്തഥാ ഭൂതകാരണഃ ॥ 4 ॥

ഭൂതസാക്ഷീ പ്രഭൂതിശ്ച ഭൂതാനാം പരമാ ഗതിഃ ।

ഭൂതസങ്ഗവിഹീനാത്മാ ഭൂതാത്മാ ഭൂതശങ്കരഃ ॥ 5 ॥

ഭൂതനാഥോ മഹാനാഥ ആദിനാഥോ മഹേശ്വരഃ ।

സര്വഭൂതനിവാസാത്മാ ഭൂതസന്താപനാശനഃ ॥ 6 ॥

സര്വാത്മാ സര്വഭൃത്സര്വഃ സര്വജ്ഞഃ സര്വനിര്ണയഃ ।

സര്വസാക്ഷീ ബൃഹദ്ഭാനുഃ സര്വവിത് സര്വമങ്ഗലഃ ॥ 7 ॥

ശാന്തഃ സത്യഃ സമഃ പൂര്ണോ ഏകാകീ കമലാപതിഃ ।

രാമോ രാമപ്രിയശ്ചൈവ വിരാമോ രാമകാരണഃ ॥ 8 ॥

ശുദ്ധാത്മാ പാവനോഽനന്തഃ പ്രതീതഃ പരമാര്ഥഭൃത് ।

ഹംസസാക്ഷീ വിഭുശ്ചൈവ പ്രഭുഃ പ്രലയ ഇത്യപി ॥ 9 ॥

സിദ്ധാത്മാ പരമാത്മാ ച സിദ്ധാനാം പരമാ ഗതിഃ ।

സിദ്ധിസിദ്ധസ്തഥാ സാധ്യഃ സാധനോ ഹ്യുത്തമസ്തഥാ ॥ 10 ॥

സുലക്ഷണഃ സുമേധാവീ വിദ്യാവാന്വിഗതാന്തരഃ ।

വിജ്വരശ്ച മഹാബാഹുര്ബഹുലാനന്ദവര്ധനഃ ॥ 11 ॥

അവ്യക്തപുരുഷഃ പ്രാജ്ഞഃ പരജ്ഞഃ പരമാര്ഥദൃക് ।

പരാപരവിനിര്മുക്തോ യുക്തസ്തത്ത്വപ്രകാശവാന് ॥ 12 ॥

ദയാവാന് ഭഗവാന് ഭാവീ ഭാവാത്മാ ഭാവകാരണഃ ।

ഭവസന്താപനാശശ്ച പുഷ്പവാന് പണ്ഡിതോ ബുധഃ ॥ 13 ॥

പ്രത്യക്ഷവസ്തുര്വിശ്വാത്മാ പ്രത്യഗ്ബ്രഹ്മ സനാതനഃ ।

പ്രമാണവിഗതശ്ചൈവ പ്രത്യാഹാരനിയോജകഃ ॥ 14 ॥

പ്രണവഃ പ്രണവാതീതഃ പ്രമുഖഃ പ്രലയാത്മകഃ ।

മൃത്യുഞ്ജയോ വിവിക്താത്മാ ശങ്കരാത്മാ പരോ വപുഃ ॥ 15 ॥

പരമസ്തനുവിജ്ഞേയഃ പരമാത്മനി സംസ്ഥിതഃ ।

പ്രബോധകലനാധാരഃ പ്രഭാവപ്രവരോത്തമഃ ॥ 16 ॥

ചിദമ്ബരശ്ചിദ്വിലാസശ്ചിദാകാശശ്ചിദുത്തമഃ ।

ചിത്തചൈതന്യചിത്താത്മാ ദേവാനാം പരമാ ഗതിഃ ॥ 17 ॥

അചേത്യശ്ചേതനാധാരശ്ചേതനാചിത്തവിക്രമഃ ।

ചിത്താത്മാ ചേതനാരൂപോ ലസത്പങ്കജലോചനഃ ॥ 18 ॥

പരം ബ്രഹ്മ പരം ജ്യോതിഃ പരം ധാമ പരന്തപഃ ।

പരം സൂത്രം പരം തന്ത്രം പവിത്രഃ പരമോഹവാന് ॥ 19 ॥

ക്ഷേത്രജ്ഞഃ ക്ഷേത്രഗഃ ക്ഷേത്രഃ ക്ഷേത്രാധാരഃ പുരഞ്ജനഃ ।

ക്ഷേത്രശൂന്യോ ലോകസാക്ഷീ ക്ഷേത്രവാന് ബഹുനായകഃ ॥ 20 ॥

യോഗേന്ദ്രോ യോഗപൂജ്യശ്ച യോഗ്യ ആത്മവിദാം ശുചിഃ ।

യോഗമായാധരഃ സ്ഥാണുരചലഃ കമലാപതിഃ ॥ 21 ॥

യോഗേശോ യോഗനിര്മാതാ യോഗജ്ഞാനപ്രകാശനഃ ।

യോഗപാലോ ലോകപാലഃ സംസാരതമനാശനഃ ॥ 22 ॥

ഗുഹ്യോ ഗുഹ്യതമോ ഗുപ്തോ മുക്തോ യുക്തഃ സനാതനഃ ।

ഗഹനോ ഗഗനാകാരോ ഗമ്ഭീരോ ഗണനായകഃ ॥ 23 ॥

ഗോവിന്ദോ ഗോപതിര്ഗോപ്താ ഗോഭാഗോ ഭാവസംസ്ഥിതഃ ।

ഗോസാക്ഷീ ഗോതമാരിശ്ച ഗാന്ധാരോ ഗഗനാകൃതിഃ ॥ 24 ॥

യോഗയുക്തോ ഭോഗയുക്തഃ ശങ്കാമുക്തസമാധിമാന് ।

സഹജഃ സകലേശാനഃ കാര്തവീര്യവരപ്രദഃ ॥ 25 ॥

സരജോ വിരജോ പുംസോ പാവനഃ പാപനാശനഃ ।

പരാവരവിനിര്മുക്തഃ പരം‍ജ്യോതിഃ പുരാതനഃ ॥ 26 ॥

നാനാജ്യോതിരനേകാത്മാ സ്വയം‍ജ്യോതിഃ സദാശിവഃ ।

ദിവ്യജ്യോതിര്മയശ്ചൈവ സത്യവിജ്ഞാനഭാസ്കരഃ ॥ 27 ॥

നിത്യശുദ്ധഃ പരഃ പൂര്ണഃ പ്രകാശഃ പ്രകടോദ്ഭവഃ ।

പ്രമാദവിഗതശ്ചൈവ പരേശഃ പരവിക്രമഃ ॥ 28 ॥

യോഗീ യോഗോ യോഗപശ്ച യോഗാഭ്യാസപ്രകാശനഃ ।

യോക്താ മോക്താ വിധാതാ ച ത്രാതാ പാതാ നിരായുധഃ ॥ 29 ॥

നിത്യമുക്തോ നിത്യയുക്തഃ സത്യഃ സത്യപരാക്രമഃ ।

സത്ത്വശുദ്ധികരഃ സത്ത്വസ്തഥാ സത്ത്വഭൃതാം ഗതിഃ ॥ 30 ॥

ശ്രീധരഃ ശ്രീവപുഃ ശ്രീമാന് ശ്രീനിവാസോഽമരാര്ചിതഃ ।

ശ്രീനിധിഃ ശ്രീപതിഃ ശ്രേഷ്ഠഃ ശ്രേയസ്കശ്ചരമാശ്രയഃ ॥ 31 ॥

ത്യാഗീ ത്യാഗാര്ഥസമ്പന്നസ്ത്യാഗാത്മാ ത്യാഗവിഗ്രഹഃ ।

ത്യാഗലക്ഷണസിദ്ധാത്മാ ത്യാഗജ്ഞസ്ത്യാഗകാരണഃ ॥ 32 ॥

ഭോഗോ ഭോക്താ തഥാ ഭോഗ്യോ ഭോഗസാധനകാരണഃ ।

ഭോഗീ ഭോഗാര്ഥസമ്പന്നോ ഭോഗജ്ഞാനപ്രകാശനഃ ॥ 33 ॥

കേവലഃ കേശവഃ കൃഷ്ണഃ കംവാസാഃ കമലാലയഃ ।

കമലാസനപൂജ്യശ്ച ഹരിരജ്ഞാനഖണ്ഡനഃ ॥ 34 ॥

മഹാത്മാ മഹദാദിശ്ച മഹേശോത്തമവന്ദിതഃ ।

മനോബുദ്ധിവിഹീനാത്മാ മാനാത്മാ മാനവാധിപഃ ॥ 35 ॥

ഭുവനേശോ വിഭൂതിശ്ച ധൃതിര്മേധാ സ്മൃതിര്ദയാ ।

ദുഃഖദാവാനലോ ബുദ്ധഃ പ്രബുദ്ധഃ പരമേശ്വരഃ ॥ 36 ॥

കാമഹാ ക്രോധഹാ ചൈവ ദമ്ഭദര്പമദാപഹഃ ।

അജ്ഞാനതിമിരാരിശ്ച ഭവാരിര്ഭുവനേശ്വരഃ ॥ 37 ॥

രൂപകൃദ്രൂപഭൃദ്രൂപീ രൂപാത്മാ രൂപകാരണഃ ।

രൂപജ്ഞോ രൂപസാക്ഷീ ച നാമരൂപോ ഗുണാന്തകഃ ॥ 38 ॥

അപ്രമേയഃ പ്രമേയശ്ച പ്രമാണം പ്രണവാശ്രയഃ ।

പ്രമാണരഹിതോഽചിന്ത്യശ്ചേതനാവിഗതോഽജരഃ ॥ 39 ॥

അക്ഷരോഽക്ഷരമുക്തശ്ച വിജ്വരോ ജ്വരനാശനഃ ।

വിശിഷ്ടോ വിത്തശാസ്ത്രീ ച ദൃഷ്ടോ ദൃഷ്ടാന്തവര്ജിതഃ ॥ 40 ॥

ഗുണേശോ ഗുണകായശ്ച ഗുണാത്മാ ഗുണഭാവനഃ ।

അനന്തഗുണസമ്പന്നോ ഗുണഗര്ഭോ ഗുണാധിപഃ ॥ 41 ॥

ഗണേശോ ഗുണനാഥശ്ച ഗുണാത്മാ ഗണഭാവനഃ ।

ഗണബന്ധുര്വിവേകാത്മാ ഗുണയുക്തഃ പരാക്രമീ ॥ 42 ॥

അതര്ക്യഃ ക്രതുരഗ്നിശ്ച കൃതജ്ഞഃ സഫലാശ്രയഃ ।

യജ്ഞശ്ച യജ്ഞഫലദോ യജ്ഞ ഇജ്യോഽമരോത്തമഃ ॥ 43 ॥

ഹിരണ്യഗര്ഭഃ ശ്രീഗര്ഭഃ ഖഗര്ഭഃ കുണപേശ്വരഃ ।

മായാഗര്ഭോ ലോകഗര്ഭഃ സ്വയമ്ഭൂര്ഭുവനാന്തകഃ ॥ 44 ॥

നിഷ്പാപോ നിബിഡോ നന്ദീ ബോധീ ബോധസമാശ്രയഃ ।

ബോധാത്മാ ബോധനാത്മാ ച ഭേദവൈതണ്ഡഖണ്ഡനഃ ॥ 45 ॥

സ്വാഭാവ്യോ ഭാവനിര്മുക്തോ വ്യക്തോഽവ്യക്തസമാശ്രയഃ ।

നിത്യതൃപ്തോ നിരാഭാസോ നിര്വാണഃ ശരണഃ സുഹൃത് ॥ 46 ॥

ഗുഹ്യേശോ ഗുണഗമ്ഭീരോ ഗുണദോഷനിവാരണഃ ।

ഗുണസങ്ഗവിഹീനശ്ച യോഗാരേര്ദര്പനാശനഃ ॥ 47 ॥

ആനന്ദഃ പരമാനന്ദഃ സ്വാനന്ദസുഖവര്ധനഃ ।

സത്യാനന്ദശ്ചിദാനന്ദഃ സര്വാനന്ദപരായണഃ ॥ 48 ॥

സദ്രൂപഃ സഹജഃ സത്യഃ സ്വാനന്ദഃ സുമനോഹരഃ ।

സര്വഃ സര്വാന്തരശ്ചൈവ പൂര്വാത്പൂര്വതരസ്തഥാ ॥ 49 ॥

ഖമയഃ ഖപരഃ ഖാദിഃ ഖം‍ബ്രഹ്മ ഖതനുഃ ഖഗഃ ।

ഖവാസാഃ ഖവിഹീനശ്ച ഖനിധിഃ ഖപരാശ്രയഃ ॥ 50 ॥

അനന്തശ്ചാദിരൂപശ്ച സൂര്യമണ്ഡലമധ്യഗഃ ।

അമോഘഃ പരമാമോഘഃ പരോക്ഷഃ പരദഃ കവിഃ ॥ 51 ॥

വിശ്വചക്ഷുര്വിശ്വസാക്ഷീ വിശ്വബാഹുര്ധനേശ്വരഃ ।

ധനഞ്ജയോ മഹാതേജാസ്തേജിഷ്ഠസ്തൈജസഃ സുഖീ ॥ 52 ॥

ജ്യോതിര്ജ്യോതിര്മയോ ജേതാ ജ്യോതിഷാം ജ്യോതിരാത്മകഃ ।

ജ്യോതിഷാമപി ജ്യോതിശ്ച ജനകോ ജനമോഹനഃ ॥ 53 ॥

ജിതേന്ദ്രിയോ ജിതക്രോധോ ജിതാത്മാ ജിതമാനസഃ ।

ജിതസങ്ഗോ ജിതപ്രാണോ ജിതസംസാരവാസനഃ ॥ 54 ॥

നിര്വാസനോ നിരാലമ്ബോ നിര്യോഗക്ഷേമവര്ജിതഃ ।

നിരീഹോ നിരഹങ്കാരോ നിരാശീര്നിരുപാധികഃ ॥ 55 ॥

നിത്യബോധോ വിവിക്താത്മാ വിശുദ്ധോത്തമഗൌരവഃ ।

വിദ്യാര്ഥീ പരമാര്ഥീ ച ശ്രദ്ധാര്ഥീ സാധനാത്മകഃ ॥ 56 ॥

പ്രത്യാഹാരീ നിരാഹാരീ സര്വാഹാരപരായണഃ ।

നിത്യശുദ്ധോ നിരാകാങ്ക്ഷീ പാരായണപരായണഃ ॥ 57 ॥

അണോരണുതരഃ സൂക്ഷ്മഃ സ്ഥൂലഃ സ്ഥൂലതരസ്തഥാ ।

ഏകസ്തഥാഽനേകരൂപോ വിശ്വരൂപഃ സനാതനഃ ॥ 58 ॥

നൈകരൂപോ വിരൂപാത്മാ നൈകബോധമയസ്തഥാ ।

നൈകനാമമയശ്ചൈവ നൈകവിദ്യാവിവര്ധനഃ ॥ 59 ॥

ഏകശ്ചൈകാന്തികശ്ചൈവ നാനാഭാവവിവര്ജിതഃ ।

ഏകാക്ഷരസ്തഥാ ബീജഃ പൂര്ണബിമ്ബഃ സനാതനഃ ॥ 60 ॥

മന്ത്രവീര്യോ മന്ത്രബീജഃ ശാസ്ത്രവീര്യോ ജഗത്പതിഃ ।

നാനാവീര്യധരശ്ചൈവ ശക്രേശഃ പൃഥിവീപതിഃ ॥ 61 ॥

പ്രാണേശഃ പ്രാണദഃ പ്രാണഃ പ്രാണായാമപരായണഃ ।

പ്രാണപഞ്ചകനിര്മുക്തഃ കോശപഞ്ചകവര്ജിതഃ ॥ 62 ॥

നിശ്ചലോ നിഷ്കലോഽസങ്ഗോ നിഷ്പ്രപഞ്ചോ നിരാമയഃ ।

നിരാധാരോ നിരാകാരോ നിര്വികാരോ നിരഞ്ജനഃ ॥ 63 ॥

നിഷ്പ്രതീതോ നിരാഭാസോ നിരാസക്തോ നിരാകുലഃ ।

നിഷ്ഠാസര്വഗതശ്ചൈവ നിരാരമ്ഭോ നിരാശ്രയഃ ॥ 64 ॥

നിരന്തരഃ സര്വഗോപ്താ ശാന്തോ ദാന്തോ മഹാമുനിഃ । [സത്ത്വ]

നിഃശബ്ദഃ സുകൃതഃ സ്വസ്ഥഃ സത്യവാദീ സുരേശ്വരഃ ॥ 65 ॥

ജ്ഞാനദോ ജ്ഞാനവിജ്ഞാനീ ജ്ഞാനാത്മാഽഽനന്ദപൂരിതഃ ।

ജ്ഞാനയജ്ഞവിദാം ദക്ഷോ ജ്ഞാനാഗ്നിര്ജ്വലനോ ബുധഃ ॥ 66 ॥

ദയാവാന് ഭവരോഗാരിശ്ചികിത്സാചരമാഗതിഃ ।

ചന്ദ്രമണ്ഡലമധ്യസ്ഥശ്ചന്ദ്രകോടിസുശീതലഃ ॥ 67 ॥

യന്ത്രകൃത്പരമോ യന്ത്രീ യന്ത്രാരൂഢാപരാജിതഃ ।

യന്ത്രവിദ്യന്ത്രവാസശ്ച യന്ത്രാധാരോ ധരാധരഃ ॥ 68 ॥

തത്ത്വജ്ഞസ്തത്ത്വഭൂതാത്മാ മഹത്തത്ത്വപ്രകാശനഃ ।

തത്ത്വസങ്ഖ്യാനയോഗജ്ഞഃ സാങ്ഖ്യശാസ്ത്രപ്രവര്തകഃ ॥ 69 ॥

അനന്തവിക്രമോ ദേവോ മാധവശ്ച ധനേശ്വരഃ ।

സാധുഃ സാധുവരിഷ്ഠാത്മാ സാവധാനോഽമരോത്തമഃ ॥ 70 ॥

നിഃസങ്കല്പോ നിരാധാരോ ദുര്ധരോ ഹ്യാത്മവിത്പതിഃ ।

ആരോഗ്യസുഖദശ്ചൈവ പ്രവരോ വാസവസ്തഥാ ॥ 71 ॥

പരേശഃ പരമോദാരഃ പ്രത്യക്ചൈതന്യദുര്ഗമഃ ।

ദുരാധര്ഷോ ദുരാവാസോ ദൂരത്വപരിനാശനഃ ॥ 72 ॥

വേദവിദ്വേദകൃദ്വേദോ വേദാത്മാ വിമലാശയഃ ।

വിവിക്തസേവീ ച സംസാരശ്രമനാശനസ്തഥാ ॥ 73 ॥

ബ്രഹ്മയോനിര്ബൃഹദ്യോനിര്വിശ്വയോനിര്വിദേഹവാന് ।

വിശാലാക്ഷോ വിശ്വനാഥോ ഹാടകാങ്ഗദഭൂഷണഃ ॥ 74 ॥

അബാധ്യോ ജഗദാരാധ്യോ ജഗദാര്ജവപാലനഃ ।

ജനവാന് ധനവാന് ധര്മീ ധര്മഗോ ധര്മവര്ധനഃ ॥ 75 ॥

അമൃതഃ ശാശ്വതഃ സാധ്യഃ സിദ്ധിദഃ സുമനോഹരഃ ।

ഖലുബ്രഹ്മഖലുസ്ഥാനോ മുനീനാം പരമാ ഗതിഃ ॥ 76 ॥

ഉപദ്രഷ്ടാ തഥാ ശ്രേഷ്ഠഃ ശുചിഭൂതോ ഹ്യനാമയഃ ।

വേദസിദ്ധാന്തവേദ്യശ്ച മാനസാഹ്ലാദവര്ധനഃ ॥ 77 ॥

ദേഹാദന്യോ ഗുണാദന്യോ ലോകാദന്യോ വിവേകവിത് ।

ദുഷ്ടസ്വപ്നഹരശ്ചൈവ ഗുരുര്ഗുരുവരോത്തമഃ ॥ 78 ॥

കര്മീ കര്മവിനിര്മുക്തഃ സന്ന്യാസീ സാധകേശ്വരഃ ।

സര്വഭാവവിഹീനശ്ച തൃഷ്ണാസങ്ഗനിവാരകഃ ॥ 79 ॥

ത്യാഗീ ത്യാഗവപുസ്ത്യാഗസ്ത്യാഗദാനവിവര്ജിതഃ ।

ത്യാഗകാരണത്യാഗാത്മാ സദ്ഗുരുഃ സുഖദായകഃ ॥ 80 ॥

ദക്ഷോ ദക്ഷാദിവന്ദ്യശ്ച ജ്ഞാനവാദപ്രവര്തകഃ ।

ശബ്ദബ്രഹ്മമയാത്മാ ച ശബ്ദബ്രഹ്മപ്രകാശവാന് ॥ 81 ॥

ഗ്രസിഷ്ണുഃ പ്രഭവിഷ്ണുശ്ച സഹിഷ്ണുര്വിഗതാന്തരഃ ।

വിദ്വത്തമോ മഹാവന്ദ്യോ വിശാലോത്തമവാങ്മുനിഃ ॥ 82 ॥

ബ്രഹ്മവിദ്ബ്രഹ്മഭാവശ്ച ബ്രഹ്മര്ഷിര്ബ്രാഹ്മണപ്രിയഃ ।

ബ്രഹ്മ ബ്രഹ്മപ്രകാശാത്മാ ബ്രഹ്മവിദ്യാപ്രകാശനഃ ॥ 83 ॥

അത്രിവംശപ്രഭൂതാത്മാ താപസോത്തമവന്ദിതഃ ।

ആത്മവാസീ വിധേയാത്മാ ഹ്യത്രിവംശവിവര്ധനഃ ॥ 84 ॥

പ്രവര്തനോ നിവൃത്താത്മാ പ്രലയോദകസന്നിഭഃ ।

നാരായണോ മഹാഗര്ഭോ ഭാര്ഗവപ്രിയകൃത്തമഃ ॥ 85 ॥

സങ്കല്പദുഃഖദലനഃ സംസാരതമനാശനഃ ।

ത്രിവിക്രമസ്ത്രിധാകാരസ്ത്രിമൂര്തിസ്ത്രിഗുണാത്മകഃ ॥ 86 ॥

ഭേദത്രയഹരശ്ചൈവ താപത്രയനിവാരകഃ ।

ദോഷത്രയവിഭേദീ ച സംശയാര്ണവഖണ്ഡനഃ ॥ 87 ॥

അസംശയസ്ത്വസമ്മൂഢോ ഹ്യവാദീ രാജവന്ദിതഃ ।

രാജയോഗീ മഹായോഗീ സ്വഭാവഗലിതസ്തഥാ ॥ 88 ॥

പുണ്യശ്ലോകഃ പവിത്രാങ്ഘ്രിര്ധ്യാനയോഗപരായണഃ ।

ധ്യാനസ്ഥോ ധ്യാനഗമ്യശ്ച വിധേയാത്മാ പുരാതനഃ ॥ 89 ॥

അവിജ്ഞേയോ ഹ്യന്തരാത്മാ മുഖ്യബിമ്ബസനാതനഃ ।

ജീവസഞ്ജീവനോ ജീവശ്ചിദ്വിലാസശ്ചിദാശ്രയഃ ॥ 90 ॥

മഹേന്ദ്രോഽമരമാന്യശ്ച യോഗേന്ദ്രോ യോഗവിത്തമഃ ।

യോഗധര്മസ്തഥാ യോഗസ്തത്ത്വസ്തത്ത്വവിനിശ്ചയഃ ॥ 91 ॥

നൈകബാഹുരനന്താത്മാ നൈകനാമപരാക്രമഃ ।

നൈകാക്ഷീ നൈകപാദശ്ച നാഥനാഥോത്തമോത്തമഃ ॥ 92 ॥

സഹസ്രശീര്ഷാ പുരുഷഃ സഹസ്രാക്ഷഃ സഹസ്രപാത് ।

സഹസ്രരൂപദൃക് ചൈവ സഹസ്രാരമയോദ്ധവഃ ॥ 93 ॥

ത്രിപാദപുരുഷശ്ചൈവ ത്രിപാദൂര്ധ്വസ്തഥൈവ ച ।

ത്ര്യമ്ബകശ്ച മഹാവീര്യോ യോഗവീര്യവിശാരദഃ ॥ 94 ॥

വിജയീ വിനയീ ജേതാ വീതരാഗീ വിരാജിതഃ ।

രുദ്രോ രൌദ്രോ മഹാഭീമഃ പ്രാജ്ഞമുഖ്യഃ സദാശുചിഃ ॥ 95 ॥

അന്തര്ജ്യോതിരനന്താത്മാ പ്രത്യഗാത്മാ നിരന്തരഃ ।

അരൂപശ്ചാത്മരൂപശ്ച സര്വഭാവവിനിര്വൃതഃ ॥ 96 ॥

അന്തഃശൂന്യോ ബഹിഃശൂന്യഃ ശൂന്യാത്മാ ശൂന്യഭാവനഃ ।

അന്തഃപൂര്ണോ ബഹിഃപൂര്ണഃ പൂര്ണാത്മാ പൂര്ണഭാവനഃ ॥ 97 ॥

അന്തസ്ത്യാഗീ ബഹിസ്ത്യാഗീ ത്യാഗാത്മാ സര്വയോഗവാന് ।

അന്തര്യോഗീ ബഹിര്യോഗീ സര്വയോഗപരായണഃ ॥ 98 ॥

അന്തര്ഭോഗീ ബഹിര്ഭോഗീ സര്വഭോഗവിദുത്തമഃ ।

അന്തര്നിഷ്ഠോ ബഹിര്നിഷ്ഠഃ സര്വനിഷ്ഠാമയസ്തഥാ ॥ 99 ॥

ബാഹ്യാന്തരവിമുക്തശ്ച ബാഹ്യാന്തരവിവര്ജിതഃ ।

ശാന്തഃ ശുദ്ധോ വിശുദ്ധശ്ച നിര്വാണഃ പ്രകൃതേഃ പരഃ ॥ 100 ॥

അകാലഃ കാലനേമീ ച കാലകാലോ ജനേശ്വരഃ ।

കാലാത്മാ കാലകര്താ ച കാലജ്ഞഃ കാലനാശനഃ ॥ 101 ॥

കൈവല്യപദദാതാ ച കൈവല്യസുഖദായകഃ ।

കൈവല്യകലനാധാരോ നിര്ഭരോ ഹര്ഷവര്ധനഃ ॥ 102 ॥

ഹൃദയസ്ഥോ ഹൃഷീകേശോ ഗോവിന്ദോ ഗര്ഭവര്ജിതഃ ।

സകലാഗമപൂജ്യശ്ച നിഗമോ നിഗമാശ്രയഃ ॥ 103 ॥

പരാശക്തിഃ പരാകീര്തിഃ പരാവൃത്തിര്നിധിസ്മൃതിഃ ।

പരവിദ്യാ പരാക്ഷാന്തിര്വിഭക്തിര്യുക്തസദ്ഗതിഃ ॥ 104 ॥

സ്വപ്രകാശഃ പ്രകാശാത്മാ പരസംവേദനാത്മകഃ ।

സ്വസേവ്യഃ സ്വവിദാം സ്വാത്മാ സ്വസംവേദ്യോഽനഘഃ ക്ഷമീ ॥ 105 ॥

സ്വാനുസന്ധാനശീലാത്മാ സ്വാനുസന്ധാനഗോചരഃ ।

സ്വാനുസന്ധാനശൂന്യാത്മാ സ്വാനുസന്ധാനകാശ്രയഃ ॥ 106 ॥

സ്വബോധദര്പണോഽഭങ്ഗഃ കന്ദര്പകുലനാശനഃ ।

ബ്രഹ്മചാരീ ബ്രഹ്മവേത്താ ബ്രാഹ്മണോ ബ്രഹ്മവിത്തമഃ ॥ 107 ॥

തത്ത്വബോധഃ സുധാവര്ഷഃ പാവനഃ പാപപാവകഃ ।

ബ്രഹ്മസൂത്രവിധേയാത്മാ ബ്രഹ്മസൂത്രാര്ഥനിര്ണയഃ ॥ 108 ॥

ആത്യന്തികോ മഹാകല്പഃ സങ്കല്പാവര്തനാശനഃ ।

ആധിവ്യാധിഹരശ്ചൈവ സംശയാര്ണവശോഷകഃ ॥ 109 ॥

തത്ത്വാത്മജ്ഞാനസന്ദേശോ മഹാനുഭവഭാവിതഃ ।

ആത്മാനുഭവസമ്പന്നഃ സ്വാനുഭാവസുഖാശ്രയഃ ॥ 110 ॥

അചിന്ത്യശ്ച ബൃഹദ്ഭാനുഃ പ്രമദോത്കര്ഷനാശനഃ ।

അനികേത പ്രശാന്താത്മാ ശൂന്യാവാസോ ജഗദ്വപുഃ ॥ 111 ॥

ചിദ്ഗതിശ്ചിന്മയശ്ചക്രീ മായാചക്രപ്രവര്തകഃ ।

സര്വവര്ണവിദാരമ്ഭീ സര്വാരമ്ഭപരായണഃ ॥ 112 ॥

പുരാണഃ പ്രവരോ ദാതാ സുന്ദരഃ കനകാങ്ഗദീ ।

അനസൂയാത്മജോ ദത്തഃ സര്വജ്ഞഃ സര്വകാമദഃ ॥ 113 ॥

കാമജിത് കാമപാലശ്ച കാമീ കാമപ്രദാഗമഃ ।

കാമവാന് കാമപോഷശ്ച സര്വകാമനിവര്തകഃ ॥ 114 ॥

സര്വകര്മഫലോത്പത്തിഃ സര്വകാമഫലപ്രദഃ ।

സര്വകര്മഫലൈഃ പൂജ്യഃ സര്വകര്മഫലാശ്രയഃ ॥ 115 ॥

വിശ്വകര്മാ കൃതാത്മാ ച കൃതജ്ഞഃ സര്വസാക്ഷികഃ ।

സര്വാരമ്ഭപരിത്യാഗീ ജഡോന്മത്തപിശാചവാന് ॥ 116 ॥

ഭിക്ഷുര്ഭൈക്ഷാകരശ്ചൈവ ഭൈക്ഷാഹാരീ നിരാശ്രമീ ।

അകൂലശ്ചാനുകൂലശ്ച വികലോ ഹ്യകലസ്തഥാ ॥ 117 ॥

ജടിലോ വനചാരീ ച ദണ്ഡീ മുണ്ഡീ ച ഗണ്ഡവാന് ।

ദേഹധര്മവിഹീനാത്മാ ഹ്യേകാകീ സങ്ഗവര്ജിതഃ ॥ 118 ॥

ആശ്രമ്യനാശ്രമാരമ്ഭോഽനാചാരീ കര്മവര്ജിതഃ ।

അസന്ദേഹീ ച സന്ദേഹീ ന കിഞ്ചിന്ന ച കിഞ്ചനഃ ॥ 119 ॥

നൃദേഹീ ദേഹശൂന്യശ്ച നാഭാവീ ഭാവനിര്ഗതഃ ।

നാബ്രഹ്മാ ച പരബ്രഹ്മ സ്വയമേവ നിരാകുലഃ ॥ 120 ॥

അനഘശ്ചാഗുരുശ്ചൈവ നാഥനാഥോത്തമോ ഗുരുഃ ।

ദ്വിഭുജഃ പ്രാകൃതശ്ചൈവ ജനകശ്ച പിതാമഹഃ ॥ 121 ॥

അനാത്മാ ന ച നാനാത്മാ നീതിര്നീതിമതാം വരഃ ।

സഹജഃ സദൃശഃ സിദ്ധശ്ചൈകശ്ചിന്മാത്ര ഏവ ച ॥ 122 ॥

ന കര്താപി ച കര്താ ച ഭോക്താ ഭോഗവിവര്ജിതഃ ।

തുരീയസ്തുരീയാതീതഃ സ്വച്ഛഃ സര്വമയസ്തഥാ ॥ 123 ॥

സര്വാധിഷ്ഠാനരൂപശ്ച സര്വധ്യേയവിവര്ജിതഃ ।

സര്വലോകനിവാസാത്മാ സകലോത്തമവന്ദിതഃ ॥ 124 ॥

ദേഹഭൃദ്ദേഹകൃച്ചൈവ ദേഹാത്മാ ദേഹഭാവനഃ ।

ദേഹീ ദേഹവിഭക്തശ്ച ദേഹഭാവപ്രകാശനഃ ॥ 125 ॥

ലയസ്ഥോ ലയവിച്ചൈവ ലയാഭാവശ്ച ബോധവാന് ।

ലയാതീതോ ലയസ്യാന്തോ ലയഭാവനിവാരണഃ ॥ 126 ॥

വിമുഖഃ പ്രമുഖശ്ചൈവ പ്രത്യങ്മുഖവദാചരീ ।

വിശ്വഭുഗ്വിശ്വധൃഗ്വിശ്വോ വിശ്വക്ഷേമകരസ്തഥാ ॥ 127 ॥

അവിക്ഷിപ്തോഽപ്രമാദീ ച പരര്ധിഃ പരമാര്ഥദൃക് ।

സ്വാനുഭാവവിഹീനശ്ച സ്വാനുഭാവപ്രകാശനഃ ॥ 128 ॥

നിരിന്ദ്രിയശ്ച നിര്ബുദ്ധിര്നിരാഭാസോ നിരാകൃതഃ ।

നിരഹങ്കാരരൂപാത്മാ നിര്വപുഃ സകലാശ്രയഃ ॥ 129 ॥

ശോകദുഃഖഹരശ്ചൈവ ഭോഗമോക്ഷഫലപ്രദഃ ।

സുപ്രസന്നസ്തഥാ സൂക്ഷ്മഃ ശബ്ദബ്രഹ്മാര്ഥസങ്ഗ്രഹഃ ॥ 130 ॥

ആഗമാപായശൂന്യശ്ച സ്ഥാനദശ്ച സതാങ്ഗതിഃ ।

അകൃതഃ സുകൃതശ്ചൈവ കൃതകര്മാ വിനിര്വൃതഃ ॥ 131 ॥

ഭേദത്രയഹരശ്ചൈവ ദേഹത്രയവിനിര്ഗതഃ ।

സര്വകാമമയശ്ചൈവ സര്വകാമനിവര്തകഃ ॥ 132 ॥

സിദ്ധേശ്വരോഽജരഃ പഞ്ചബാണദര്പഹുതാശനഃ ।

ചതുരക്ഷരബീജാത്മാ സ്വഭൂശ്ചിത്കീര്തിഭൂഷണഃ ॥ 133 ॥

അഗാധബുദ്ധിരക്ഷുബ്ധശ്ചന്ദ്രസൂര്യാഗ്നിലോചനഃ ।

യമദംഷ്ട്രോഽതിസംഹര്താ പരമാനന്ദസാഗരഃ ॥ 134 ॥

ലീലാവിശ്വമ്ഭരോ ഭാനുര്ഭൈരവോ ഭീമലോചനഃ ।

ബ്രഹ്മചര്മാമ്ബരഃ കാലസ്ത്വചലശ്ചലനാന്തകഃ ॥ 135 ॥

ആദിദേവോ ജഗദ്യോനിര്വാസവാരിവിമര്ദനഃ ।

വികര്മകര്മകര്മജ്ഞോ അനന്യഗമകോഽഗമഃ ॥ 136 ॥

അബദ്ധകര്മശൂന്യശ്ച കാമരാഗകുലക്ഷയഃ ।

യോഗാന്ധകാരമഥനഃ പദ്മജന്മാദിവന്ദിതഃ ॥ 137 ॥

ഭക്തകാമോഽഗ്രജശ്ചക്രീ ഭാവനിര്ഭാവഭാവകഃ ।

ഭേദാന്തകോ മഹാനഗ്ര്യോ നിഗൂഹോ ഗോചരാന്തകഃ ॥ 138 ॥

കാലാഗ്നിശമനഃ ശങ്ഖചക്രപദ്മഗദാധരഃ ।

ദീപ്തോ ദീനപതിഃ ശാസ്താ സ്വച്ഛന്ദോ മുക്തിദായകഃ ॥ 139 ॥

വ്യോമധര്മാമ്ബരോ ഭേത്താ ഭസ്മധാരീ ധരാധരഃ ।

ധര്മഗുപ്തോഽന്വയാത്മാ ച വ്യതിരേകാര്ഥനിര്ണയഃ ॥ 140 ॥

ഏകാനേകഗുണാഭാസാഭാസനിര്ഭാസവര്ജിതഃ ।

ഭാവാഭാവസ്വഭാവാത്മാ ഭാവാഭാവവിഭാവവിത് ॥ 141 ॥

യോഗിഹൃദയവിശ്രാമോഽനന്തവിദ്യാവിവര്ധനഃ ।

വിഘ്നാന്തകസ്ത്രികാലജ്ഞസ്തത്ത്വാത്മാ ജ്ഞാനസാഗരഃ ॥ 142 ॥

ഇതീദം ദത്തസാഹസ്രം സായം പ്രാതഃ പഠേത്തു യഃ ।

സ ഇഹാമുത്ര ലഭതേ നിര്വാണം പരമം സുഖമ് ॥ 143 ॥

ഗുരുവാരേ ദത്തഭക്തോ ഭക്തിഭാവസമന്വിതഃ ।

പഠേത് സദൈവ യോ ഹ്യേതത് സ ലഭേച്ചിന്തിതം ധ്രുവമ് ॥ 144 ॥

ഇതി ശ്രീമദ്ദത്താത്രേയപുരാണേ ശ്രീ ദത്താത്രേയ സഹസ്രനാമ സ്തോത്രമ് ।

Roman (IAST) Transliteration

munayaḥ ūcuḥ

nikhilāgamatattvajña brahmadhyānaparāyaṇa |

vadāsmākaṃ muktyupāyaṃ sūta sarvopakārakam || 1 ||

sarvadeveṣu ko devaḥ sadyo mokṣaprado bhavet |

ko manurvā bhavettasya sadyaḥ prītikaro dhruvam || 2 ||

sūta uvāca |

nigamāgamatattvajño hyavadhūtaścidambaraḥ |

bhaktavātsalyapravaṇo datta eva hi kevalaḥ || 3 ||

sadā prasannavadano bhaktacintaikatatparaḥ |

tasya nāmānyanantāni vartante'thāpyadaḥ param || 4 ||

dattasya nāmasāhasraṃ tasya prītivivardhanam |

yastvidaṃ paṭhate nityaṃ dattātreyaikamānasaḥ || 5 ||

mucyate sarvapāpebhyaḥ sa sadyo nātra saṃśayaḥ |

ante taddhāma saṃyāti punarāvṛttidurlabham || 6 ||

asya śrīmaddattātreyasahasranāmastotramantrasya avadhūta ṛṣiḥ, anuṣṭup chandaḥ, digambaro devatā, oṃ bījaṃ, hrīṃ śaktiḥ, krauṃ kīlakaṃ, śrīdattātreyaprītyarthe jape viniyogaḥ |

atha dhyānam

digambaraṃ bhasmavilepitāṅgaṃ

bodhātmakaṃ muktikaraṃ prasannam |

nirmānasaṃ śyāmatanuṃ bhaje'haṃ

dattātreyaṃ brahmasamādhiyuktam ||

atha stotram

dattātreyo mahāyogī yogeśaścāmaraprabhuḥ |

munirdigambaro bālo māyāmukto madāpahaḥ || 1 ||

avadhūto mahānāthaḥ śaṅkaro'maravallabhaḥ |

mahādevaścādidevaḥ purāṇaprabhurīśvaraḥ || 2 ||

sattvakṛtsattvabhṛdbhāvaḥ sattvātmā sattvasāgaraḥ |

sattvavitsattvasākṣī ca sattvasādhyo'marādhipaḥ || 3 ||

bhūtakṛdbhūtabhṛccaiva bhūtātmā bhūtasambhavaḥ |

bhūtabhāvo bhavo bhūtavittathā bhūtakāraṇaḥ || 4 ||

bhūtasākṣī prabhūtiśca bhūtānāṃ paramā gatiḥ |

bhūtasaṅgavihīnātmā bhūtātmā bhūtaśaṅkaraḥ || 5 ||

bhūtanātho mahānātha ādinātho maheśvaraḥ |

sarvabhūtanivāsātmā bhūtasantāpanāśanaḥ || 6 ||

sarvātmā sarvabhṛtsarvaḥ sarvajñaḥ sarvanirṇayaḥ |

sarvasākṣī bṛhadbhānuḥ sarvavit sarvamaṅgalaḥ || 7 ||

śāntaḥ satyaḥ samaḥ pūrṇo ekākī kamalāpatiḥ |

rāmo rāmapriyaścaiva virāmo rāmakāraṇaḥ || 8 ||

śuddhātmā pāvano'nantaḥ pratītaḥ paramārthabhṛt |

haṃsasākṣī vibhuścaiva prabhuḥ pralaya ityapi || 9 ||

siddhātmā paramātmā ca siddhānāṃ paramā gatiḥ |

siddhisiddhastathā sādhyaḥ sādhano hyuttamastathā || 10 ||

sulakṣaṇaḥ sumedhāvī vidyāvānvigatāntaraḥ |

vijvaraśca mahābāhurbahulānandavardhanaḥ || 11 ||

avyaktapuruṣaḥ prājñaḥ parajñaḥ paramārthadṛk |

parāparavinirmukto yuktastattvaprakāśavān || 12 ||

dayāvān bhagavān bhāvī bhāvātmā bhāvakāraṇaḥ |

bhavasantāpanāśaśca puṣpavān paṇḍito budhaḥ || 13 ||

pratyakṣavasturviśvātmā pratyagbrahma sanātanaḥ |

pramāṇavigataścaiva pratyāhāraniyojakaḥ || 14 ||

praṇavaḥ praṇavātītaḥ pramukhaḥ pralayātmakaḥ |

mṛtyuñjayo viviktātmā śaṅkarātmā paro vapuḥ || 15 ||

paramastanuvijñeyaḥ paramātmani saṃsthitaḥ |

prabodhakalanādhāraḥ prabhāvapravarottamaḥ || 16 ||

cidambaraścidvilāsaścidākāśaściduttamaḥ |

cittacaitanyacittātmā devānāṃ paramā gatiḥ || 17 ||

acetyaścetanādhāraścetanācittavikramaḥ |

cittātmā cetanārūpo lasatpaṅkajalocanaḥ || 18 ||

paraṃ brahma paraṃ jyotiḥ paraṃ dhāma parantapaḥ |

paraṃ sūtraṃ paraṃ tantraṃ pavitraḥ paramohavān || 19 ||

kṣetrajñaḥ kṣetragaḥ kṣetraḥ kṣetrādhāraḥ purañjanaḥ |

kṣetraśūnyo lokasākṣī kṣetravān bahunāyakaḥ || 20 ||

yogendro yogapūjyaśca yogya ātmavidāṃ śuciḥ |

yogamāyādharaḥ sthāṇuracalaḥ kamalāpatiḥ || 21 ||

yogeśo yoganirmātā yogajñānaprakāśanaḥ |

yogapālo lokapālaḥ saṃsāratamanāśanaḥ || 22 ||

guhyo guhyatamo gupto mukto yuktaḥ sanātanaḥ |

gahano gaganākāro gambhīro gaṇanāyakaḥ || 23 ||

govindo gopatirgoptā gobhāgo bhāvasaṃsthitaḥ |

gosākṣī gotamāriśca gāndhāro gaganākṛtiḥ || 24 ||

yogayukto bhogayuktaḥ śaṅkāmuktasamādhimān |

sahajaḥ sakaleśānaḥ kārtavīryavarapradaḥ || 25 ||

sarajo virajo puṃso pāvanaḥ pāpanāśanaḥ |

parāvaravinirmuktaḥ paraṃ‍jyotiḥ purātanaḥ || 26 ||

nānājyotiranekātmā svayaṃ‍jyotiḥ sadāśivaḥ |

divyajyotirmayaścaiva satyavijñānabhāskaraḥ || 27 ||

nityaśuddhaḥ paraḥ pūrṇaḥ prakāśaḥ prakaṭodbhavaḥ |

pramādavigataścaiva pareśaḥ paravikramaḥ || 28 ||

yogī yogo yogapaśca yogābhyāsaprakāśanaḥ |

yoktā moktā vidhātā ca trātā pātā nirāyudhaḥ || 29 ||

nityamukto nityayuktaḥ satyaḥ satyaparākramaḥ |

sattvaśuddhikaraḥ sattvastathā sattvabhṛtāṃ gatiḥ || 30 ||

śrīdharaḥ śrīvapuḥ śrīmān śrīnivāso'marārcitaḥ |

śrīnidhiḥ śrīpatiḥ śreṣṭhaḥ śreyaskaścaramāśrayaḥ || 31 ||

tyāgī tyāgārthasampannastyāgātmā tyāgavigrahaḥ |

tyāgalakṣaṇasiddhātmā tyāgajñastyāgakāraṇaḥ || 32 ||

bhogo bhoktā tathā bhogyo bhogasādhanakāraṇaḥ |

bhogī bhogārthasampanno bhogajñānaprakāśanaḥ || 33 ||

kevalaḥ keśavaḥ kṛṣṇaḥ kaṃvāsāḥ kamalālayaḥ |

kamalāsanapūjyaśca harirajñānakhaṇḍanaḥ || 34 ||

mahātmā mahadādiśca maheśottamavanditaḥ |

manobuddhivihīnātmā mānātmā mānavādhipaḥ || 35 ||

bhuvaneśo vibhūtiśca dhṛtirmedhā smṛtirdayā |

duḥkhadāvānalo buddhaḥ prabuddhaḥ parameśvaraḥ || 36 ||

kāmahā krodhahā caiva dambhadarpamadāpahaḥ |

ajñānatimirāriśca bhavārirbhuvaneśvaraḥ || 37 ||

rūpakṛdrūpabhṛdrūpī rūpātmā rūpakāraṇaḥ |

rūpajño rūpasākṣī ca nāmarūpo guṇāntakaḥ || 38 ||

aprameyaḥ prameyaśca pramāṇaṃ praṇavāśrayaḥ |

pramāṇarahito'cintyaścetanāvigato'jaraḥ || 39 ||

akṣaro'kṣaramuktaśca vijvaro jvaranāśanaḥ |

viśiṣṭo vittaśāstrī ca dṛṣṭo dṛṣṭāntavarjitaḥ || 40 ||

guṇeśo guṇakāyaśca guṇātmā guṇabhāvanaḥ |

anantaguṇasampanno guṇagarbho guṇādhipaḥ || 41 ||

gaṇeśo guṇanāthaśca guṇātmā gaṇabhāvanaḥ |

gaṇabandhurvivekātmā guṇayuktaḥ parākramī || 42 ||

atarkyaḥ kraturagniśca kṛtajñaḥ saphalāśrayaḥ |

yajñaśca yajñaphalado yajña ijyo'marottamaḥ || 43 ||

hiraṇyagarbhaḥ śrīgarbhaḥ khagarbhaḥ kuṇapeśvaraḥ |

māyāgarbho lokagarbhaḥ svayambhūrbhuvanāntakaḥ || 44 ||

niṣpāpo nibiḍo nandī bodhī bodhasamāśrayaḥ |

bodhātmā bodhanātmā ca bhedavaitaṇḍakhaṇḍanaḥ || 45 ||

svābhāvyo bhāvanirmukto vyakto'vyaktasamāśrayaḥ |

nityatṛpto nirābhāso nirvāṇaḥ śaraṇaḥ suhṛt || 46 ||

guhyeśo guṇagambhīro guṇadoṣanivāraṇaḥ |

guṇasaṅgavihīnaśca yogārerdarpanāśanaḥ || 47 ||

ānandaḥ paramānandaḥ svānandasukhavardhanaḥ |

satyānandaścidānandaḥ sarvānandaparāyaṇaḥ || 48 ||

sadrūpaḥ sahajaḥ satyaḥ svānandaḥ sumanoharaḥ |

sarvaḥ sarvāntaraścaiva pūrvātpūrvatarastathā || 49 ||

khamayaḥ khaparaḥ khādiḥ khaṃ‍brahma khatanuḥ khagaḥ |

khavāsāḥ khavihīnaśca khanidhiḥ khaparāśrayaḥ || 50 ||

anantaścādirūpaśca sūryamaṇḍalamadhyagaḥ |

amoghaḥ paramāmoghaḥ parokṣaḥ paradaḥ kaviḥ || 51 ||

viśvacakṣurviśvasākṣī viśvabāhurdhaneśvaraḥ |

dhanañjayo mahātejāstejiṣṭhastaijasaḥ sukhī || 52 ||

jyotirjyotirmayo jetā jyotiṣāṃ jyotirātmakaḥ |

jyotiṣāmapi jyotiśca janako janamohanaḥ || 53 ||

jitendriyo jitakrodho jitātmā jitamānasaḥ |

jitasaṅgo jitaprāṇo jitasaṃsāravāsanaḥ || 54 ||

nirvāsano nirālambo niryogakṣemavarjitaḥ |

nirīho nirahaṅkāro nirāśīrnirupādhikaḥ || 55 ||

nityabodho viviktātmā viśuddhottamagauravaḥ |

vidyārthī paramārthī ca śraddhārthī sādhanātmakaḥ || 56 ||

pratyāhārī nirāhārī sarvāhāraparāyaṇaḥ |

nityaśuddho nirākāṅkṣī pārāyaṇaparāyaṇaḥ || 57 ||

aṇoraṇutaraḥ sūkṣmaḥ sthūlaḥ sthūlatarastathā |

ekastathā'nekarūpo viśvarūpaḥ sanātanaḥ || 58 ||

naikarūpo virūpātmā naikabodhamayastathā |

naikanāmamayaścaiva naikavidyāvivardhanaḥ || 59 ||

ekaścaikāntikaścaiva nānābhāvavivarjitaḥ |

ekākṣarastathā bījaḥ pūrṇabimbaḥ sanātanaḥ || 60 ||

mantravīryo mantrabījaḥ śāstravīryo jagatpatiḥ |

nānāvīryadharaścaiva śakreśaḥ pṛthivīpatiḥ || 61 ||

prāṇeśaḥ prāṇadaḥ prāṇaḥ prāṇāyāmaparāyaṇaḥ |

prāṇapañcakanirmuktaḥ kośapañcakavarjitaḥ || 62 ||

niścalo niṣkalo'saṅgo niṣprapañco nirāmayaḥ |

nirādhāro nirākāro nirvikāro nirañjanaḥ || 63 ||

niṣpratīto nirābhāso nirāsakto nirākulaḥ |

niṣṭhāsarvagataścaiva nirārambho nirāśrayaḥ || 64 ||

nirantaraḥ sarvagoptā śānto dānto mahāmuniḥ | [sattva]

niḥśabdaḥ sukṛtaḥ svasthaḥ satyavādī sureśvaraḥ || 65 ||

jñānado jñānavijñānī jñānātmā''nandapūritaḥ |

jñānayajñavidāṃ dakṣo jñānāgnirjvalano budhaḥ || 66 ||

dayāvān bhavarogāriścikitsācaramāgatiḥ |

candramaṇḍalamadhyasthaścandrakoṭisuśītalaḥ || 67 ||

yantrakṛtparamo yantrī yantrārūḍhāparājitaḥ |

yantravidyantravāsaśca yantrādhāro dharādharaḥ || 68 ||

tattvajñastattvabhūtātmā mahattattvaprakāśanaḥ |

tattvasaṅkhyānayogajñaḥ sāṅkhyaśāstrapravartakaḥ || 69 ||

anantavikramo devo mādhavaśca dhaneśvaraḥ |

sādhuḥ sādhuvariṣṭhātmā sāvadhāno'marottamaḥ || 70 ||

niḥsaṅkalpo nirādhāro durdharo hyātmavitpatiḥ |

ārogyasukhadaścaiva pravaro vāsavastathā || 71 ||

pareśaḥ paramodāraḥ pratyakcaitanyadurgamaḥ |

durādharṣo durāvāso dūratvaparināśanaḥ || 72 ||

vedavidvedakṛdvedo vedātmā vimalāśayaḥ |

viviktasevī ca saṃsāraśramanāśanastathā || 73 ||

brahmayonirbṛhadyonirviśvayonirvidehavān |

viśālākṣo viśvanātho hāṭakāṅgadabhūṣaṇaḥ || 74 ||

abādhyo jagadārādhyo jagadārjavapālanaḥ |

janavān dhanavān dharmī dharmago dharmavardhanaḥ || 75 ||

amṛtaḥ śāśvataḥ sādhyaḥ siddhidaḥ sumanoharaḥ |

khalubrahmakhalusthāno munīnāṃ paramā gatiḥ || 76 ||

upadraṣṭā tathā śreṣṭhaḥ śucibhūto hyanāmayaḥ |

vedasiddhāntavedyaśca mānasāhlādavardhanaḥ || 77 ||

dehādanyo guṇādanyo lokādanyo vivekavit |

duṣṭasvapnaharaścaiva gururguruvarottamaḥ || 78 ||

karmī karmavinirmuktaḥ sannyāsī sādhakeśvaraḥ |

sarvabhāvavihīnaśca tṛṣṇāsaṅganivārakaḥ || 79 ||

tyāgī tyāgavapustyāgastyāgadānavivarjitaḥ |

tyāgakāraṇatyāgātmā sadguruḥ sukhadāyakaḥ || 80 ||

dakṣo dakṣādivandyaśca jñānavādapravartakaḥ |

śabdabrahmamayātmā ca śabdabrahmaprakāśavān || 81 ||

grasiṣṇuḥ prabhaviṣṇuśca sahiṣṇurvigatāntaraḥ |

vidvattamo mahāvandyo viśālottamavāṅmuniḥ || 82 ||

brahmavidbrahmabhāvaśca brahmarṣirbrāhmaṇapriyaḥ |

brahma brahmaprakāśātmā brahmavidyāprakāśanaḥ || 83 ||

atrivaṃśaprabhūtātmā tāpasottamavanditaḥ |

ātmavāsī vidheyātmā hyatrivaṃśavivardhanaḥ || 84 ||

pravartano nivṛttātmā pralayodakasannibhaḥ |

nārāyaṇo mahāgarbho bhārgavapriyakṛttamaḥ || 85 ||

saṅkalpaduḥkhadalanaḥ saṃsāratamanāśanaḥ |

trivikramastridhākārastrimūrtistriguṇātmakaḥ || 86 ||

bhedatrayaharaścaiva tāpatrayanivārakaḥ |

doṣatrayavibhedī ca saṃśayārṇavakhaṇḍanaḥ || 87 ||

asaṃśayastvasammūḍho hyavādī rājavanditaḥ |

rājayogī mahāyogī svabhāvagalitastathā || 88 ||

puṇyaślokaḥ pavitrāṅghrirdhyānayogaparāyaṇaḥ |

dhyānastho dhyānagamyaśca vidheyātmā purātanaḥ || 89 ||

avijñeyo hyantarātmā mukhyabimbasanātanaḥ |

jīvasañjīvano jīvaścidvilāsaścidāśrayaḥ || 90 ||

mahendro'maramānyaśca yogendro yogavittamaḥ |

yogadharmastathā yogastattvastattvaviniścayaḥ || 91 ||

naikabāhuranantātmā naikanāmaparākramaḥ |

naikākṣī naikapādaśca nāthanāthottamottamaḥ || 92 ||

sahasraśīrṣā puruṣaḥ sahasrākṣaḥ sahasrapāt |

sahasrarūpadṛk caiva sahasrāramayoddhavaḥ || 93 ||

tripādapuruṣaścaiva tripādūrdhvastathaiva ca |

tryambakaśca mahāvīryo yogavīryaviśāradaḥ || 94 ||

vijayī vinayī jetā vītarāgī virājitaḥ |

rudro raudro mahābhīmaḥ prājñamukhyaḥ sadāśuciḥ || 95 ||

antarjyotiranantātmā pratyagātmā nirantaraḥ |

arūpaścātmarūpaśca sarvabhāvavinirvṛtaḥ || 96 ||

antaḥśūnyo bahiḥśūnyaḥ śūnyātmā śūnyabhāvanaḥ |

antaḥpūrṇo bahiḥpūrṇaḥ pūrṇātmā pūrṇabhāvanaḥ || 97 ||

antastyāgī bahistyāgī tyāgātmā sarvayogavān |

antaryogī bahiryogī sarvayogaparāyaṇaḥ || 98 ||

antarbhogī bahirbhogī sarvabhogaviduttamaḥ |

antarniṣṭho bahirniṣṭhaḥ sarvaniṣṭhāmayastathā || 99 ||

bāhyāntaravimuktaśca bāhyāntaravivarjitaḥ |

śāntaḥ śuddho viśuddhaśca nirvāṇaḥ prakṛteḥ paraḥ || 100 ||

akālaḥ kālanemī ca kālakālo janeśvaraḥ |

kālātmā kālakartā ca kālajñaḥ kālanāśanaḥ || 101 ||

kaivalyapadadātā ca kaivalyasukhadāyakaḥ |

kaivalyakalanādhāro nirbharo harṣavardhanaḥ || 102 ||

hṛdayastho hṛṣīkeśo govindo garbhavarjitaḥ |

sakalāgamapūjyaśca nigamo nigamāśrayaḥ || 103 ||

parāśaktiḥ parākīrtiḥ parāvṛttirnidhismṛtiḥ |

paravidyā parākṣāntirvibhaktiryuktasadgatiḥ || 104 ||

svaprakāśaḥ prakāśātmā parasaṃvedanātmakaḥ |

svasevyaḥ svavidāṃ svātmā svasaṃvedyo'naghaḥ kṣamī || 105 ||

svānusandhānaśīlātmā svānusandhānagocaraḥ |

svānusandhānaśūnyātmā svānusandhānakāśrayaḥ || 106 ||

svabodhadarpaṇo'bhaṅgaḥ kandarpakulanāśanaḥ |

brahmacārī brahmavettā brāhmaṇo brahmavittamaḥ || 107 ||

tattvabodhaḥ sudhāvarṣaḥ pāvanaḥ pāpapāvakaḥ |

brahmasūtravidheyātmā brahmasūtrārthanirṇayaḥ || 108 ||

ātyantiko mahākalpaḥ saṅkalpāvartanāśanaḥ |

ādhivyādhiharaścaiva saṃśayārṇavaśoṣakaḥ || 109 ||

tattvātmajñānasandeśo mahānubhavabhāvitaḥ |

ātmānubhavasampannaḥ svānubhāvasukhāśrayaḥ || 110 ||

acintyaśca bṛhadbhānuḥ pramadotkarṣanāśanaḥ |

aniketa praśāntātmā śūnyāvāso jagadvapuḥ || 111 ||

cidgatiścinmayaścakrī māyācakrapravartakaḥ |

sarvavarṇavidārambhī sarvārambhaparāyaṇaḥ || 112 ||

purāṇaḥ pravaro dātā sundaraḥ kanakāṅgadī |

anasūyātmajo dattaḥ sarvajñaḥ sarvakāmadaḥ || 113 ||

kāmajit kāmapālaśca kāmī kāmapradāgamaḥ |

kāmavān kāmapoṣaśca sarvakāmanivartakaḥ || 114 ||

sarvakarmaphalotpattiḥ sarvakāmaphalapradaḥ |

sarvakarmaphalaiḥ pūjyaḥ sarvakarmaphalāśrayaḥ || 115 ||

viśvakarmā kṛtātmā ca kṛtajñaḥ sarvasākṣikaḥ |

sarvārambhaparityāgī jaḍonmattapiśācavān || 116 ||

bhikṣurbhaikṣākaraścaiva bhaikṣāhārī nirāśramī |

akūlaścānukūlaśca vikalo hyakalastathā || 117 ||

jaṭilo vanacārī ca daṇḍī muṇḍī ca gaṇḍavān |

dehadharmavihīnātmā hyekākī saṅgavarjitaḥ || 118 ||

āśramyanāśramārambho'nācārī karmavarjitaḥ |

asandehī ca sandehī na kiñcinna ca kiñcanaḥ || 119 ||

nṛdehī dehaśūnyaśca nābhāvī bhāvanirgataḥ |

nābrahmā ca parabrahma svayameva nirākulaḥ || 120 ||

anaghaścāguruścaiva nāthanāthottamo guruḥ |

dvibhujaḥ prākṛtaścaiva janakaśca pitāmahaḥ || 121 ||

anātmā na ca nānātmā nītirnītimatāṃ varaḥ |

sahajaḥ sadṛśaḥ siddhaścaikaścinmātra eva ca || 122 ||

na kartāpi ca kartā ca bhoktā bhogavivarjitaḥ |

turīyasturīyātītaḥ svacchaḥ sarvamayastathā || 123 ||

sarvādhiṣṭhānarūpaśca sarvadhyeyavivarjitaḥ |

sarvalokanivāsātmā sakalottamavanditaḥ || 124 ||

dehabhṛddehakṛccaiva dehātmā dehabhāvanaḥ |

dehī dehavibhaktaśca dehabhāvaprakāśanaḥ || 125 ||

layastho layaviccaiva layābhāvaśca bodhavān |

layātīto layasyānto layabhāvanivāraṇaḥ || 126 ||

vimukhaḥ pramukhaścaiva pratyaṅmukhavadācarī |

viśvabhugviśvadhṛgviśvo viśvakṣemakarastathā || 127 ||

avikṣipto'pramādī ca parardhiḥ paramārthadṛk |

svānubhāvavihīnaśca svānubhāvaprakāśanaḥ || 128 ||

nirindriyaśca nirbuddhirnirābhāso nirākṛtaḥ |

nirahaṅkārarūpātmā nirvapuḥ sakalāśrayaḥ || 129 ||

śokaduḥkhaharaścaiva bhogamokṣaphalapradaḥ |

suprasannastathā sūkṣmaḥ śabdabrahmārthasaṅgrahaḥ || 130 ||

āgamāpāyaśūnyaśca sthānadaśca satāṅgatiḥ |

akṛtaḥ sukṛtaścaiva kṛtakarmā vinirvṛtaḥ || 131 ||

bhedatrayaharaścaiva dehatrayavinirgataḥ |

sarvakāmamayaścaiva sarvakāmanivartakaḥ || 132 ||

siddheśvaro'jaraḥ pañcabāṇadarpahutāśanaḥ |

caturakṣarabījātmā svabhūścitkīrtibhūṣaṇaḥ || 133 ||

agādhabuddhirakṣubdhaścandrasūryāgnilocanaḥ |

yamadaṃṣṭro'tisaṃhartā paramānandasāgaraḥ || 134 ||

līlāviśvambharo bhānurbhairavo bhīmalocanaḥ |

brahmacarmāmbaraḥ kālastvacalaścalanāntakaḥ || 135 ||

ādidevo jagadyonirvāsavārivimardanaḥ |

vikarmakarmakarmajño ananyagamako'gamaḥ || 136 ||

abaddhakarmaśūnyaśca kāmarāgakulakṣayaḥ |

yogāndhakāramathanaḥ padmajanmādivanditaḥ || 137 ||

bhaktakāmo'grajaścakrī bhāvanirbhāvabhāvakaḥ |

bhedāntako mahānagryo nigūho gocarāntakaḥ || 138 ||

kālāgniśamanaḥ śaṅkhacakrapadmagadādharaḥ |

dīpto dīnapatiḥ śāstā svacchando muktidāyakaḥ || 139 ||

vyomadharmāmbaro bhettā bhasmadhārī dharādharaḥ |

dharmagupto'nvayātmā ca vyatirekārthanirṇayaḥ || 140 ||

ekānekaguṇābhāsābhāsanirbhāsavarjitaḥ |

bhāvābhāvasvabhāvātmā bhāvābhāvavibhāvavit || 141 ||

yogihṛdayaviśrāmo'nantavidyāvivardhanaḥ |

vighnāntakastrikālajñastattvātmā jñānasāgaraḥ || 142 ||

itīdaṃ dattasāhasraṃ sāyaṃ prātaḥ paṭhettu yaḥ |

sa ihāmutra labhate nirvāṇaṃ paramaṃ sukham || 143 ||

guruvāre dattabhakto bhaktibhāvasamanvitaḥ |

paṭhet sadaiva yo hyetat sa labheccintitaṃ dhruvam || 144 ||

iti śrīmaddattātreyapurāṇe śrī dattātreya sahasranāma stotram |