📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ ഭുവനേശ്വരീ അഷ്ടോത്തര ശത നാമാ സ്തോത്രം
Shri Bhuvaneshvari Ashtottara Shata Nama Stotram
Tara Ashtottara Sata Namavali Malayalam
കൈലാസശിഖരേ രമ്യേ നാനാരത്നോപശോഭിതേ ।
നരനാരീഹിതാര്ഥായ ശിവം പപ്രച്ഛ പാര്വതീ ॥ 1 ॥
ദേവ്യുവാച
ഭുവനേശീ മഹാവിദ്യാ നാമ്നാമഷ്ടോത്തരം ശതമ് ।
കഥയസ്വ മഹാദേവ യദ്യഹം തവ വല്ലഭാ ॥ 2 ॥
ഈശ്വര ഉവാച
ശൃണു ദേവി മഹാഭാഗേ സ്തവരാജമിദം ശുഭമ് ।
സഹസ്രനാമ്നാമധികം സിദ്ധിദം മോക്ഷഹേതുകമ് ॥ 3 ॥
ശുചിഭിഃ പ്രാതരുത്ഥായ പഠിതവ്യഃ സമാഹിതൈഃ ।
ത്രികാലം ശ്രദ്ധയാ യുക്തൈഃ സര്വകാമഫലപ്രദഃ ॥ 4 ॥
അസ്യ ശ്രീഭുവനേശ്വര്യഷ്ടോത്തരശതനാമ സ്തോത്രമന്ത്രസ്യ ശക്തിരൃഷിഃ ഗായത്രീ ഛന്ദഃ ശ്രീഭുവനേശ്വരീ ദേവതാ ചതുര്വിധഫല പുരുഷാര്ഥ സിദ്ധ്യര്ഥേ ജപേ വിനിയോഗഃ ॥
അഥ സ്തോത്രമ്
ഓം മഹാമായാ മഹാവിദ്യാ മഹായോഗാ മഹോത്കടാ ।
മാഹേശ്വരീ കുമാരീ ച ബ്രഹ്മാണീ ബ്രഹ്മരൂപിണീ ॥ 5 ॥
വാഗീശ്വരീ യോഗരൂപാ യോഗിനീകോടിസേവിതാ ।
ജയാ ച വിജയാ ചൈവ കൌമാരീ സര്വമങ്ഗലാ ॥ 6 ॥
ഹിങ്ഗുലാ ച വിലാസീ ച ജ്വാലിനീ ജ്വാലരൂപിണീ ।
ഈശ്വരീ ക്രൂരസംഹാരീ കുലമാര്ഗപ്രദായിനീ ॥ 7 ॥
വൈഷ്ണവീ സുഭഗാകാരാ സുകുല്യാ കുലപൂജിതാ ।
വാമാങ്ഗാ വാമചാരാ ച വാമദേവപ്രിയാ തഥാ ॥ 8 ॥
ഡാകിനീ യോഗിനീരൂപാ ഭൂതേശീ ഭൂതനായികാ ।
പദ്മാവതീ പദ്മനേത്രാ പ്രബുദ്ധാ ച സരസ്വതീ ॥ 9 ॥
ഭൂചരീ ഖേചരീ മായാ മാതങ്ഗീ ഭുവനേശ്വരീ ।
കാന്താ പതിവ്രതാ സാക്ഷീ സുചക്ഷുഃ കുണ്ഡവാസിനീ ॥ 10 ॥
ഉമാ കുമാരീ ലോകേശീ സുകേശീ പദ്മരാഗിണീ ।
ഇന്ദ്രാണീ ബ്രഹ്മചണ്ഡാലീ ചണ്ഡികാ വായുവല്ലഭാ ॥ 11 ॥
സര്വധാതുമയീമൂര്തിര്ജലരൂപാ ജലോദരീ ।
ആകാശീ രണഗാ ചൈവ നൃകപാലവിഭൂഷണാ ॥ 12 ॥
നര്മദാ മോക്ഷദാ ചൈവ ധര്മകാമാര്ഥദായിനീ ।
ഗായത്രീ ചാഽഥ സാവിത്രീ ത്രിസന്ധ്യാ തീര്ഥഗാമിനീ ॥ 13 ॥
അഷ്ടമീ നവമീ ചൈവ ദശമ്യൈകാദശീ തഥാ ।
പൌര്ണമാസീ കുഹൂരൂപാ തിഥിമൂര്തിസ്വരൂപിണീ ॥ 14 ॥
സുരാരിനാശകാരീ ച ഉഗ്രരൂപാ ച വത്സലാ ।
അനലാ അര്ധമാത്രാ ച അരുണാ പീതലോചനാ ॥ 15 ॥
ലജ്ജാ സരസ്വതീ വിദ്യാ ഭവാനീ പാപനാശിനീ ।
നാഗപാശധരാ മൂര്തിരഗാധാ ധൃതകുണ്ഡലാ ॥ 16 ॥
ക്ഷത്രരൂപാ ക്ഷയകരീ തേജസ്വിനീ ശുചിസ്മിതാ ।
അവ്യക്താവ്യക്തലോകാ ച ശമ്ഭുരൂപാ മനസ്വിനീ ॥ 17 ॥
മാതങ്ഗീ മത്തമാതങ്ഗീ മഹാദേവപ്രിയാ സദാ ।
ദൈത്യഘ്നീ ചൈവ വാരാഹീ സര്വശാസ്ത്രമയീ ശുഭാ ॥ 18 ॥
യ ഇദം പഠതേ ഭക്ത്യാ ശൃണുയാദ്വാ സമാഹിതഃ ।
അപുത്രോ ലഭതേ പുത്രം നിര്ധനോ ധനവാന് ഭവേത് ॥ 19 ॥
മൂര്ഖോഽപി ലഭതേ ശാസ്ത്രം ചോരോഽപി ലഭതേ ഗതിമ് ।
വേദാനാം പാഠകോ വിപ്രഃ ക്ഷത്രിയോ വിജയീ ഭവേത് ॥ 20 ॥
വൈശ്യസ്തു ധനവാന് ഭൂയാച്ഛൂദ്രസ്തു സുഖമേധതേ ।
അഷ്ടമ്യാം ച ചതുര്ദശ്യാം നവമ്യാം ചൈകചേതസഃ ॥ 21 ॥
യേ പഠന്തി സദാ ഭക്ത്യാ ന തേ വൈ ദുഃഖഭാഗിനഃ ।
ഏകകാലം ദ്വികാലം വാ ത്രികാലം വാ ചതുര്ഥകമ് ॥ 22 ॥
യേ പഠന്തി സദാ ഭക്ത്യാ സ്വര്ഗലോകേ ച പൂജിതാഃ ।
രുദ്രം ദൃഷ്ട്വാ യഥാ ദേവാഃ പന്നഗാ ഗരുഡം യഥാ ।
ശത്രവഃ പ്രപലായന്തേ തസ്യ വക്ത്രവിലോകനാത് ॥ 23 ॥
ഇതി ശ്രീരുദ്രയാമലേ ദേവീശ്വരസംവാദേ ശ്രീ ഭുവനേശ്വര്യഷ്ടോത്തരശതനാമ സ്തോത്രമ് ।
Roman (IAST) Transliteration
kailāsaśikhare ramye nānāratnopaśobhite |
naranārīhitārthāya śivaṃ papraccha pārvatī || 1 ||
devyuvāca
bhuvaneśī mahāvidyā nāmnāmaṣṭottaraṃ śatam |
kathayasva mahādeva yadyahaṃ tava vallabhā || 2 ||
īśvara uvāca
śṛṇu devi mahābhāge stavarājamidaṃ śubham |
sahasranāmnāmadhikaṃ siddhidaṃ mokṣahetukam || 3 ||
śucibhiḥ prātarutthāya paṭhitavyaḥ samāhitaiḥ |
trikālaṃ śraddhayā yuktaiḥ sarvakāmaphalapradaḥ || 4 ||
asya śrībhuvaneśvaryaṣṭottaraśatanāma stotramantrasya śaktirṛṣiḥ gāyatrī chandaḥ śrībhuvaneśvarī devatā caturvidhaphala puruṣārtha siddhyarthe jape viniyogaḥ ||
atha stotram
oṃ mahāmāyā mahāvidyā mahāyogā mahotkaṭā |
māheśvarī kumārī ca brahmāṇī brahmarūpiṇī || 5 ||
vāgīśvarī yogarūpā yoginīkoṭisevitā |
jayā ca vijayā caiva kaumārī sarvamaṅgalā || 6 ||
hiṅgulā ca vilāsī ca jvālinī jvālarūpiṇī |
īśvarī krūrasaṃhārī kulamārgapradāyinī || 7 ||
vaiṣṇavī subhagākārā sukulyā kulapūjitā |
vāmāṅgā vāmacārā ca vāmadevapriyā tathā || 8 ||
ḍākinī yoginīrūpā bhūteśī bhūtanāyikā |
padmāvatī padmanetrā prabuddhā ca sarasvatī || 9 ||
bhūcarī khecarī māyā mātaṅgī bhuvaneśvarī |
kāntā pativratā sākṣī sucakṣuḥ kuṇḍavāsinī || 10 ||
umā kumārī lokeśī sukeśī padmarāgiṇī |
indrāṇī brahmacaṇḍālī caṇḍikā vāyuvallabhā || 11 ||
sarvadhātumayīmūrtirjalarūpā jalodarī |
ākāśī raṇagā caiva nṛkapālavibhūṣaṇā || 12 ||
narmadā mokṣadā caiva dharmakāmārthadāyinī |
gāyatrī cā'tha sāvitrī trisandhyā tīrthagāminī || 13 ||
aṣṭamī navamī caiva daśamyaikādaśī tathā |
paurṇamāsī kuhūrūpā tithimūrtisvarūpiṇī || 14 ||
surārināśakārī ca ugrarūpā ca vatsalā |
analā ardhamātrā ca aruṇā pītalocanā || 15 ||
lajjā sarasvatī vidyā bhavānī pāpanāśinī |
nāgapāśadharā mūrtiragādhā dhṛtakuṇḍalā || 16 ||
kṣatrarūpā kṣayakarī tejasvinī śucismitā |
avyaktāvyaktalokā ca śambhurūpā manasvinī || 17 ||
mātaṅgī mattamātaṅgī mahādevapriyā sadā |
daityaghnī caiva vārāhī sarvaśāstramayī śubhā || 18 ||
ya idaṃ paṭhate bhaktyā śṛṇuyādvā samāhitaḥ |
aputro labhate putraṃ nirdhano dhanavān bhavet || 19 ||
mūrkho'pi labhate śāstraṃ coro'pi labhate gatim |
vedānāṃ pāṭhako vipraḥ kṣatriyo vijayī bhavet || 20 ||
vaiśyastu dhanavān bhūyācchūdrastu sukhamedhate |
aṣṭamyāṃ ca caturdaśyāṃ navamyāṃ caikacetasaḥ || 21 ||
ye paṭhanti sadā bhaktyā na te vai duḥkhabhāginaḥ |
ekakālaṃ dvikālaṃ vā trikālaṃ vā caturthakam || 22 ||
ye paṭhanti sadā bhaktyā svargaloke ca pūjitāḥ |
rudraṃ dṛṣṭvā yathā devāḥ pannagā garuḍaṃ yathā |
śatravaḥ prapalāyante tasya vaktravilokanāt || 23 ||
iti śrīrudrayāmale devīśvarasaṃvāde śrī bhuvaneśvaryaṣṭottaraśatanāma stotram |
InfoLyter.in — Sacred Vedic Knowledge Portal · Free forever