Shri Mahaganesha Pancharatnam

ॐ

ശ്രീ മഹാഗണേശ പഞ്ചരത്നമ്

Ganesha Pancharatnam Adi Shankaracharya Malayalam

മുദാകരാത്ത മോദകം സദാ വിമുക്തി സാധകമ് ।

കലാധരാവതംസകം വിലാസിലോക രക്ഷകമ് ।

അനായകൈക നായകം വിനാശിതേഭ ദൈത്യകമ് ।

നതാശുഭാശു നാശകം നമാമി തം വിനായകമ് ॥ 1 ॥

നതേതരാതി ഭീകരം നവോദിതാര്ക ഭാസ്വരമ് ।

നമത്സുരാരി നിര്ജരം നതാധികാപദുദ്ധരമ് ।

സുരേശ്വരം നിധീശ്വരം ഗജേശ്വരം ഗണേശ്വരമ് ।

മഹേശ്വരം തമാശ്രയേ പരാത്പരം നിരന്തരമ് ॥ 2 ॥

സമസ്ത ലോക ശങ്കരം നിരസ്ത ദൈത്യ കുഞ്ജരമ് ।

ദരേതരോദരം വരം വരേഭ വക്ത്രമക്ഷരമ് ।

കൃപാകരം ക്ഷമാകരം മുദാകരം യശസ്കരമ് ।

മനസ്കരം നമസ്കൃതാം നമസ്കരോമി ഭാസ്വരമ് ॥ 3 ॥

അകിഞ്ചനാര്തി മാര്ജനം ചിരന്തനോക്തി ഭാജനമ് ।

പുരാരി പൂര്വ നന്ദനം സുരാരി ഗര്വ ചര്വണമ് ।

പ്രപഞ്ച നാശ ഭീഷണം ധനഞ്ജയാദി ഭൂഷണമ് ।

കപോല ദാനവാരണം ഭജേ പുരാണ വാരണമ് ॥ 4 ॥

നിതാന്ത കാന്തി ദന്ത കാന്തി മന്ത കാന്തി കാത്മജമ് ।

അചിന്ത്യ രൂപമന്ത ഹീന മന്തരായ കൃന്തനമ് ।

ഹൃദന്തരേ നിരന്തരം വസന്തമേവ യോഗിനാമ് ।

തമേകദന്തമേവ തം വിചിന്തയാമി സന്തതമ് ॥ 5 ॥

മഹാഗണേശ പഞ്ചരത്നമാദരേണ യോഽന്വഹമ് ।

പ്രജല്പതി പ്രഭാതകേ ഹൃദി സ്മരണ് ഗണേശ്വരമ് ।

അരോഗതാമദോഷതാം സുസാഹിതീം സുപുത്രതാമ് ।

സമാഹിതായു രഷ്ടഭൂതി മഭ്യുപൈതി സോഽചിരാത് ॥

Roman (IAST) Transliteration

mudākarātta modakaṃ sadā vimukti sādhakam |

kalādharāvataṃsakaṃ vilāsiloka rakṣakam |

anāyakaika nāyakaṃ vināśitebha daityakam |

natāśubhāśu nāśakaṃ namāmi taṃ vināyakam || 1 ||

natetarāti bhīkaraṃ navoditārka bhāsvaram |

namatsurāri nirjaraṃ natādhikāpaduddharam |

sureśvaraṃ nidhīśvaraṃ gajeśvaraṃ gaṇeśvaram |

maheśvaraṃ tamāśraye parātparaṃ nirantaram || 2 ||

samasta loka śaṅkaraṃ nirasta daitya kuñjaram |

daretarodaraṃ varaṃ varebha vaktramakṣaram |

kṛpākaraṃ kṣamākaraṃ mudākaraṃ yaśaskaram |

manaskaraṃ namaskṛtāṃ namaskaromi bhāsvaram || 3 ||

akiñcanārti mārjanaṃ cirantanokti bhājanam |

purāri pūrva nandanaṃ surāri garva carvaṇam |

prapañca nāśa bhīṣaṇaṃ dhanañjayādi bhūṣaṇam |

kapola dānavāraṇaṃ bhaje purāṇa vāraṇam || 4 ||

nitānta kānti danta kānti manta kānti kātmajam |

acintya rūpamanta hīna mantarāya kṛntanam |

hṛdantare nirantaraṃ vasantameva yoginām |

tamekadantameva taṃ vicintayāmi santatam || 5 ||

mahāgaṇeśa pañcaratnamādareṇa yo'nvaham |

prajalpati prabhātake hṛdi smaraṇ gaṇeśvaram |

arogatāmadoṣatāṃ susāhitīṃ suputratām |

samāhitāyu raṣṭabhūti mabhyupaiti so'cirāt ||