Shiva Tandava Stotram — InfoLyter.in

ॐ

ശിവ താണ്ഡവ സ്തോത്രമ്

Shiva Tandava Stotram

Shiva Stotram Ravana Malayalam

ജടാടവീഗലജ്ജലപ്രവാഹപാവിതസ്ഥലേ

ഗലേവലമ്ബ്യ ലമ്ബിതാം ഭുജങ്ഗതുങ്ഗമാലികാമ് ।

ഡമഡ്ഡമഡ്ഡമഡ്ഡമന്നിനാദവഡ്ഡമര്വയം

ചകാര ചണ്ഡതാണ്ഡവം തനോതു നഃ ശിവഃ ശിവമ് ॥ 1 ॥

ജടാകടാഹസമ്ഭ്രമഭ്രമന്നിലിമ്പനിര്ഝരീ-

-വിലോലവീചിവല്ലരീവിരാജമാനമൂര്ധനി ।

ധഗദ്ധഗദ്ധഗജ്ജ്വലല്ലലാടപട്ടപാവകേ

കിശോരചന്ദ്രശേഖരേ രതിഃ പ്രതിക്ഷണം മമ ॥ 2 ॥

ധരാധരേന്ദ്രനന്ദിനീവിലാസബന്ധുബന്ധുര

സ്ഫുരദ്ദിഗന്തസന്തതിപ്രമോദമാനമാനസേ ।

കൃപാകടാക്ഷധോരണീനിരുദ്ധദുര്ധരാപദി

ക്വചിദ്ദിഗമ്ബരേ മനോ വിനോദമേതു വസ്തുനി ॥ 3 ॥

ജടാഭുജങ്ഗപിങ്ഗലസ്ഫുരത്ഫണാമണിപ്രഭാ

കദമ്ബകുങ്കുമദ്രവപ്രലിപ്തദിഗ്വധൂമുഖേ ।

മദാന്ധസിന്ധുരസ്ഫുരത്ത്വഗുത്തരീയമേദുരേ

മനോ വിനോദമദ്ഭുതം ബിഭര്തു ഭൂതഭര്തരി ॥ 4 ॥

സഹസ്രലോചനപ്രഭൃത്യശേഷലേഖശേഖര

പ്രസൂനധൂലിധോരണീ വിധൂസരാങ്ഘ്രിപീഠഭൂഃ ।

ഭുജങ്ഗരാജമാലയാ നിബദ്ധജാടജൂടക

ശ്രിയൈ ചിരായ ജായതാം ചകോരബന്ധുശേഖരഃ ॥ 5 ॥

ലലാടചത്വരജ്വലദ്ധനഞ്ജയസ്ഫുലിങ്ഗഭാ-

-നിപീതപഞ്ചസായകം നമന്നിലിമ്പനായകമ് ।

സുധാമയൂഖലേഖയാ വിരാജമാനശേഖരം

മഹാകപാലിസമ്പദേശിരോജടാലമസ്തു നഃ ॥ 6 ॥

കരാലഫാലപട്ടികാധഗദ്ധഗദ്ധഗജ്ജ്വല-

ദ്ധനഞ്ജയാധരീകൃതപ്രചണ്ഡപഞ്ചസായകേ ।

ധരാധരേന്ദ്രനന്ദിനീകുചാഗ്രചിത്രപത്രക-

-പ്രകല്പനൈകശില്പിനി ത്രിലോചനേ മതിര്മമ ॥ 7 ॥

നവീനമേഘമണ്ഡലീ നിരുദ്ധദുര്ധരസ്ഫുരത്-

കുഹൂനിശീഥിനീതമഃ പ്രബന്ധബന്ധുകന്ധരഃ ।

നിലിമ്പനിര്ഝരീധരസ്തനോതു കൃത്തിസിന്ധുരഃ

കലാനിധാനബന്ധുരഃ ശ്രിയം ജഗദ്ധുരന്ധരഃ ॥ 8 ॥

പ്രഫുല്ലനീലപങ്കജപ്രപഞ്ചകാലിമപ്രഭാ-

-വിലമ്ബികണ്ഠകന്ദലീരുചിപ്രബദ്ധകന്ധരമ് ।

സ്മരച്ഛിദം പുരച്ഛിദം ഭവച്ഛിദം മഖച്ഛിദം

ഗജച്ഛിദാന്ധകച്ഛിദം തമന്തകച്ഛിദം ഭജേ ॥ 9 ॥

അഗര്വസര്വമങ്ഗലാകലാകദമ്ബമഞ്ജരീ

രസപ്രവാഹമാധുരീ വിജൃമ്ഭണാമധുവ്രതമ് ।

സ്മരാന്തകം പുരാന്തകം ഭവാന്തകം മഖാന്തകം

ഗജാന്തകാന്ധകാന്തകം തമന്തകാന്തകം ഭജേ ॥ 10 ॥

ജയത്വദഭ്രവിഭ്രമഭ്രമദ്ഭുജങ്ഗമശ്വസ-

-ദ്വിനിര്ഗമത്ക്രമസ്ഫുരത്കരാലഫാലഹവ്യവാട് ।

ധിമിദ്ധിമിദ്ധിമിധ്വനന്മൃദങ്ഗതുങ്ഗമങ്ഗല

ധ്വനിക്രമപ്രവര്തിത പ്രചണ്ഡതാണ്ഡവഃ ശിവഃ ॥ 11 ॥

ദൃഷദ്വിചിത്രതല്പയോര്ഭുജങ്ഗമൌക്തികസ്രജോര്-

-ഗരിഷ്ഠരത്നലോഷ്ഠയോഃ സുഹൃദ്വിപക്ഷപക്ഷയോഃ ।

തൃഷ്ണാരവിന്ദചക്ഷുഷോഃ പ്രജാമഹീമഹേന്ദ്രയോഃ

സമം പ്രവര്തയന്മനഃ കദാ സദാശിവം ഭജേ ॥ 12 ॥

കദാ നിലിമ്പനിര്ഝരീനികുഞ്ജകോടരേ വസന്

വിമുക്തദുര്മതിഃ സദാ ശിരഃസ്ഥമഞ്ജലിം വഹന് ।

വിമുക്തലോലലോചനോ ലലാടഫാലലഗ്നകഃ

ശിവേതി മന്ത്രമുച്ചരന് സദാ സുഖീ ഭവാമ്യഹമ് ॥ 13 ॥

ഇമം ഹി നിത്യമേവമുക്തമുത്തമോത്തമം സ്തവം

പഠന്സ്മരന്ബ്രുവന്നരോ വിശുദ്ധിമേതിസന്തതമ് ।

ഹരേ ഗുരൌ സുഭക്തിമാശു യാതി നാന്യഥാ ഗതിം

വിമോഹനം ഹി ദേഹിനാം സുശങ്കരസ്യ ചിന്തനമ് ॥ 14 ॥

പൂജാവസാനസമയേ ദശവക്ത്രഗീതം യഃ

ശമ്ഭുപൂജനപരം പഠതി പ്രദോഷേ ।

തസ്യ സ്ഥിരാം രഥഗജേന്ദ്രതുരങ്ഗയുക്താം

ലക്ഷ്മീം സദൈവ സുമുഖിം പ്രദദാതി ശമ്ഭുഃ ॥ 15 ॥

Roman (IAST) Transliteration

jaṭāṭavīgalajjalapravāhapāvitasthale

galevalambya lambitāṃ bhujaṅgatuṅgamālikām |

ḍamaḍḍamaḍḍamaḍḍamanninādavaḍḍamarvayaṃ

cakāra caṇḍatāṇḍavaṃ tanotu naḥ śivaḥ śivam || 1 ||

jaṭākaṭāhasambhramabhramannilimpanirjharī-

-vilolavīcivallarīvirājamānamūrdhani |

dhagaddhagaddhagajjvalallalāṭapaṭṭapāvake

kiśoracandraśekhare ratiḥ pratikṣaṇaṃ mama || 2 ||

dharādharendranandinīvilāsabandhubandhura

sphuraddigantasantatipramodamānamānase |

kṛpākaṭākṣadhoraṇīniruddhadurdharāpadi

kvaciddigambare mano vinodametu vastuni || 3 ||

jaṭābhujaṅgapiṅgalasphuratphaṇāmaṇiprabhā

kadambakuṅkumadravapraliptadigvadhūmukhe |

madāndhasindhurasphurattvaguttarīyamedure

mano vinodamadbhutaṃ bibhartu bhūtabhartari || 4 ||

sahasralocanaprabhṛtyaśeṣalekhaśekhara

prasūnadhūlidhoraṇī vidhūsarāṅghripīṭhabhūḥ |

bhujaṅgarājamālayā nibaddhajāṭajūṭaka

śriyai cirāya jāyatāṃ cakorabandhuśekharaḥ || 5 ||

lalāṭacatvarajvaladdhanañjayasphuliṅgabhā-

-nipītapañcasāyakaṃ namannilimpanāyakam |

sudhāmayūkhalekhayā virājamānaśekharaṃ

mahākapālisampadeśirojaṭālamastu naḥ || 6 ||

karālaphālapaṭṭikādhagaddhagaddhagajjvala-

ddhanañjayādharīkṛtapracaṇḍapañcasāyake |

dharādharendranandinīkucāgracitrapatraka-

-prakalpanaikaśilpini trilocane matirmama || 7 ||

navīnameghamaṇḍalī niruddhadurdharasphurat-

kuhūniśīthinītamaḥ prabandhabandhukandharaḥ |

nilimpanirjharīdharastanotu kṛttisindhuraḥ

kalānidhānabandhuraḥ śriyaṃ jagaddhurandharaḥ || 8 ||

praphullanīlapaṅkajaprapañcakālimaprabhā-

-vilambikaṇṭhakandalīruciprabaddhakandharam |

smaracchidaṃ puracchidaṃ bhavacchidaṃ makhacchidaṃ

gajacchidāndhakacchidaṃ tamantakacchidaṃ bhaje || 9 ||

agarvasarvamaṅgalākalākadambamañjarī

rasapravāhamādhurī vijṛmbhaṇāmadhuvratam |

smarāntakaṃ purāntakaṃ bhavāntakaṃ makhāntakaṃ

gajāntakāndhakāntakaṃ tamantakāntakaṃ bhaje || 10 ||

jayatvadabhravibhramabhramadbhujaṅgamaśvasa-

-dvinirgamatkramasphuratkarālaphālahavyavāṭ |

dhimiddhimiddhimidhvananmṛdaṅgatuṅgamaṅgala

dhvanikramapravartita pracaṇḍatāṇḍavaḥ śivaḥ || 11 ||

dṛṣadvicitratalpayorbhujaṅgamauktikasrajor-

-gariṣṭharatnaloṣṭhayoḥ suhṛdvipakṣapakṣayoḥ |

tṛṣṇāravindacakṣuṣoḥ prajāmahīmahendrayoḥ

samaṃ pravartayanmanaḥ kadā sadāśivaṃ bhaje || 12 ||

kadā nilimpanirjharīnikuñjakoṭare vasan

vimuktadurmatiḥ sadā śiraḥsthamañjaliṃ vahan |

vimuktalolalocano lalāṭaphālalagnakaḥ

śiveti mantramuccaran sadā sukhī bhavāmyaham || 13 ||

imaṃ hi nityamevamuktamuttamottamaṃ stavaṃ

paṭhansmaranbruvannaro viśuddhimetisantatam |

hare gurau subhaktimāśu yāti nānyathā gatiṃ

vimohanaṃ hi dehināṃ suśaṅkarasya cintanam || 14 ||

pūjāvasānasamaye daśavaktragītaṃ yaḥ

śambhupūjanaparaṃ paṭhati pradoṣe |

tasya sthirāṃ rathagajendraturaṅgayuktāṃ

lakṣmīṃ sadaiva sumukhiṃ pradadāti śambhuḥ || 15 ||