Shani Stotram Dasharatha Kritam

ॐ

ശനി സ്തോത്രം ദശരഥ കൃതമ്

Shani Stotram Malayalam

നമഃ കൃഷ്ണായ നീലായ ശിഖിഖണ്ഡനിഭായ ച ।

നമോ നീലമധൂകായ നീലോത്പലനിഭായ ച ॥ 1 ॥

നമോ നിര്മാംസദേഹായ ദീര്ഘശ്രുതിജടായ ച ।

നമോ വിശാലനേത്രായ ശുഷ്കോദര ഭയാനക ॥ 2 ॥

നമഃ പൌരുഷഗാത്രായ സ്ഥൂലരോമായ തേ നമഃ ।

നമോ നിത്യം ക്ഷുധാര്തായ നിത്യതൃപ്തായ തേ നമഃ ॥ 3 ॥

നമോ ഘോരായ രൌദ്രായ ഭീഷണായ കരാലിനേ ।

നമോ ദീര്ഘായ ശുഷ്കായ കാലദംഷ്ട്ര നമോഽസ്തു തേ ॥ 4 ॥

നമസ്തേ ഘോരരൂപായ ദുര്നിരീക്ഷ്യായ തേ നമഃ ।

നമസ്തേ സര്വഭക്ഷായ വലീമുഖ നമോഽസ്തു തേ ॥ 5 ॥

സൂര്യപുത്ത്ര നമസ്തേഽസ്തു ഭാസ്വരോഭയദായിനേ ।

അധോദൃഷ്ടേ നമസ്തേഽസ്തു സംവര്തക നമോഽസ്തു തേ ॥ 6 ॥

നമോ മന്ദഗതേ തുഭ്യം നിഷ്പ്രഭായ നമോനമഃ ।

തപസാ ജ്ഞാനദേഹായ നിത്യയോഗരതായ ച ॥ 7 ॥

ജ്ഞാനചക്ഷുര്നമസ്തേഽസ്തു കാശ്യപാത്മജസൂനവേ ।

തുഷ്ടോ ദദാസി രാജ്യം ത്വം ക്രുദ്ധോ ഹരസി തത്‍ ക്ഷണാത് ॥ 8 ॥

ദേവാസുരമനുഷ്യാശ്ച സിദ്ധവിദ്യാധരോരഗാഃ ।

ത്വയാവലോകിതാസ്സൌരേ ദൈന്യമാശുവ്രജന്തിതേ ॥ 9 ॥

ബ്രഹ്മാ ശക്രോയമശ്ചൈവ മുനയഃ സപ്തതാരകാഃ ।

രാജ്യഭ്രഷ്ടാഃ പതന്തീഹ തവ ദൃഷ്ട്യാഽവലോകിതഃ ॥ 10 ॥

ത്വയാഽവലോകിതാസ്തേഽപി നാശം യാന്തി സമൂലതഃ ।

പ്രസാദം കുരു മേ സൌരേ പ്രണത്വാഹിത്വമര്ഥിതഃ ॥ 11 ॥

Roman (IAST) Transliteration

namaḥ kṛṣṇāya nīlāya śikhikhaṇḍanibhāya ca |

namo nīlamadhūkāya nīlotpalanibhāya ca || 1 ||

namo nirmāṃsadehāya dīrghaśrutijaṭāya ca |

namo viśālanetrāya śuṣkodara bhayānaka || 2 ||

namaḥ pauruṣagātrāya sthūlaromāya te namaḥ |

namo nityaṃ kṣudhārtāya nityatṛptāya te namaḥ || 3 ||

namo ghorāya raudrāya bhīṣaṇāya karāline |

namo dīrghāya śuṣkāya kāladaṃṣṭra namo'stu te || 4 ||

namaste ghorarūpāya durnirīkṣyāya te namaḥ |

namaste sarvabhakṣāya valīmukha namo'stu te || 5 ||

sūryaputtra namaste'stu bhāsvarobhayadāyine |

adhodṛṣṭe namaste'stu saṃvartaka namo'stu te || 6 ||

namo mandagate tubhyaṃ niṣprabhāya namonamaḥ |

tapasā jñānadehāya nityayogaratāya ca || 7 ||

jñānacakṣurnamaste'stu kāśyapātmajasūnave |

tuṣṭo dadāsi rājyaṃ tvaṃ kruddho harasi tat‍ kṣaṇāt || 8 ||

devāsuramanuṣyāśca siddhavidyādharoragāḥ |

tvayāvalokitāssaure dainyamāśuvrajantite || 9 ||

brahmā śakroyamaścaiva munayaḥ saptatārakāḥ |

rājyabhraṣṭāḥ patantīha tava dṛṣṭyā'valokitaḥ || 10 ||

tvayā'valokitāste'pi nāśaṃ yānti samūlataḥ |

prasādaṃ kuru me saure praṇatvāhitvamarthitaḥ || 11 ||