Rina Vimochana Angaraka (mangala) Stotram

ॐ

ഋണ വിമോചന അങ്ഗാരക (മങ്ഗല) സ്തോത്രമ്

Angaraka Stotram Malayalam

സ്കന്ദ ഉവാച ।

ഋണഗ്രസ്തനരാണാം തു ഋണമുക്തിഃ കഥം ഭവേത് ।

ബ്രഹ്മോവാച ।

വക്ഷ്യേഽഹം സര്വലോകാനാം ഹിതാര്ഥം ഹിതകാമദമ് ॥

അസ്യ ശ്രീ അങ്ഗാരക സ്തോത്ര മഹാമന്ത്രസ്യ ഗൌതമ ഋഷിഃ, അനുഷ്ടുപ് ഛന്ദഃ, അങ്ഗാരകോ ദേവതാ മമ ഋണ വിമോചനാര്ഥേ ജപേ വിനിയോഗഃ ।

ധ്യാനമ് –

ധരണീ ഗര്ഭ സമ്ഭൂതം വിദ്യുത്കാന്തി സമപ്രഭമ് ।

കുമാരം ശക്തിഹസ്തം തം കുജം പ്രണമാമ്യഹമ് ॥ 1 ॥

രക്തമാല്യാമ്ബരധരഃ ശൂലശക്തിഗദാധരഃ ।

ചതുര്ഭുജോ മേഷഗതോ വരദശ്ച ധരാസുതഃ ॥ 2 ॥

അഥ സ്തോത്രമ് –

മങ്ഗലോ ഭൂമിപുത്രശ്ച ഋണഹര്താ ധനപ്രദഃ ।

സ്ഥിരാസനോ മഹാകായഃ സര്വകര്മാവബോധകഃ ॥ 3 ॥

ലോഹിതോ ലോഹിതാങ്ഗശ്ച സാമഗായീ കൃപാകരഃ ।

ധര്മരാജഃ കുജോ ഭൌമോ ഭൂമിജോ ഭൂമിനന്ദനഃ ॥ 4 ॥

അങ്ഗാരകോ യമശ്ചൈവ സര്വരോഗാപഹാരകഃ ।

സൃഷ്ടികര്താഽപഹര്താ ച സര്വകാമഫലപ്രദഃ ॥ 5 ॥

ഭൂതിദോ ഗ്രഹപൂജ്യശ്ച വക്ത്രോ രക്തവപുഃ പ്രഭുഃ ।

ഏതാനി കുജനാമാനി യോ നിത്യം പ്രയതഃ പഠേത് ।

ഋണം ന ജായതേ തസ്യ ധനം പ്രാപ്നോത്യസംശയമ് ॥ 6 ॥

രക്തപുഷ്പൈശ്ച ഗന്ധൈശ്ച ദീപധൂപാദിഭിസ്തഥാ ।

മങ്ഗലം പൂജയിത്വാ തു മങ്ഗലേഽഹനി സര്വദാ ॥ 7 ॥

ഋണരേഖാഃ പ്രകര്തവ്യാഃ ദഗ്ധാങ്ഗാരൈസ്തദഗ്രതഃ ।

സപ്തവിംശതിനാമാനി പഠിത്വാ തു തദന്തികേ ॥ 8 ॥

താശ്ച പ്രമാര്ജയേത്പശ്ചാദ്വാമപാദേന സംസ്പൃശന് ।

ഏവം കൃത്വാ ന സന്ദേഹോ ഋണഹീനോ ധനീ ഭവേത് ॥ 9 ॥

ഭൂമിജസ്യ പ്രസാദേന ഗ്രഹപീഡാ വിനശ്യതി ।

യേനാര്ജിതാ ജഗത്കീര്തിര്ഭൂമിപുത്രേണ ശാശ്വതീ ॥ 10 ॥

ശത്രവശ്ച ഹതാ യേന ഭൌമേന മഹിതാത്മനാ ।

സ പ്രീയതാം തു ഭൌമോഽദ്യ തുഷ്ടോ ഭൂയാത് സദാ മമ ॥ 11 ॥

മൂലമന്ത്രഃ –

അങ്ഗാരക മഹീപുത്ര ഭഗവന് ഭക്തവത്സല ।

നമോഽസ്തു തേ മമാശേഷ ഋണമാശു വിമോചയ ॥ 12 ॥

അര്ഘ്യമ് –

ഭൂമിപുത്ര മഹാതേജഃ സ്വേദോദ്ഭവ പിനാകിനഃ ।

ഋണാര്തസ്ത്വാം പ്രപന്നോഽസ്മി ഗൃഹാണാര്ഘ്യം നമോഽസ്തു തേ ॥ 13 ॥

ഇതി ഋണ വിമോചന അങ്ഗാരക സ്തോത്രമ് ॥

Roman (IAST) Transliteration

skanda uvāca |

ṛṇagrastanarāṇāṃ tu ṛṇamuktiḥ kathaṃ bhavet |

brahmovāca |

vakṣye'haṃ sarvalokānāṃ hitārthaṃ hitakāmadam ||

asya śrī aṅgāraka stotra mahāmantrasya gautama ṛṣiḥ, anuṣṭup chandaḥ, aṅgārako devatā mama ṛṇa vimocanārthe jape viniyogaḥ |

dhyānam –

dharaṇī garbha sambhūtaṃ vidyutkānti samaprabham |

kumāraṃ śaktihastaṃ taṃ kujaṃ praṇamāmyaham || 1 ||

raktamālyāmbaradharaḥ śūlaśaktigadādharaḥ |

caturbhujo meṣagato varadaśca dharāsutaḥ || 2 ||

atha stotram –

maṅgalo bhūmiputraśca ṛṇahartā dhanapradaḥ |

sthirāsano mahākāyaḥ sarvakarmāvabodhakaḥ || 3 ||

lohito lohitāṅgaśca sāmagāyī kṛpākaraḥ |

dharmarājaḥ kujo bhaumo bhūmijo bhūminandanaḥ || 4 ||

aṅgārako yamaścaiva sarvarogāpahārakaḥ |

sṛṣṭikartā'pahartā ca sarvakāmaphalapradaḥ || 5 ||

bhūtido grahapūjyaśca vaktro raktavapuḥ prabhuḥ |

etāni kujanāmāni yo nityaṃ prayataḥ paṭhet |

ṛṇaṃ na jāyate tasya dhanaṃ prāpnotyasaṃśayam || 6 ||

raktapuṣpaiśca gandhaiśca dīpadhūpādibhistathā |

maṅgalaṃ pūjayitvā tu maṅgale'hani sarvadā || 7 ||

ṛṇarekhāḥ prakartavyāḥ dagdhāṅgāraistadagrataḥ |

saptaviṃśatināmāni paṭhitvā tu tadantike || 8 ||

tāśca pramārjayetpaścādvāmapādena saṃspṛśan |

evaṃ kṛtvā na sandeho ṛṇahīno dhanī bhavet || 9 ||

bhūmijasya prasādena grahapīḍā vinaśyati |

yenārjitā jagatkīrtirbhūmiputreṇa śāśvatī || 10 ||

śatravaśca hatā yena bhaumena mahitātmanā |

sa prīyatāṃ tu bhaumo'dya tuṣṭo bhūyāt sadā mama || 11 ||

mūlamantraḥ –

aṅgāraka mahīputra bhagavan bhaktavatsala |

namo'stu te mamāśeṣa ṛṇamāśu vimocaya || 12 ||

arghyam –

bhūmiputra mahātejaḥ svedodbhava pinākinaḥ |

ṛṇārtastvāṃ prapanno'smi gṛhāṇārghyaṃ namo'stu te || 13 ||

iti ṛṇa vimocana aṅgāraka stotram ||