Rahu Ashtottara Shata Nama Stotram

ॐ

രാഹു അഷ്ടോത്തര ശത നാമ സ്തോത്രമ്

Tara Ashtottara Sata Namavali Malayalam

ശൃണു നാമാനി രാഹോശ്ച സൈംഹികേയോ വിധുന്തുദഃ ।

സുരശത്രുസ്തമശ്ചൈവ ഫണീ ഗാര്ഗ്യായണസ്തഥാ ॥ 1 ॥

സുരാഗുര്നീലജീമൂതസങ്കാശശ്ച ചതുര്ഭുജഃ ।

ഖഡ്ഗഖേടകധാരീ ച വരദായകഹസ്തകഃ ॥ 2 ॥

ശൂലായുധോ മേഘവര്ണഃ കൃഷ്ണധ്വജപതാകവാന് ।

ദക്ഷിണാശാമുഖരതഃ തീക്ഷ്ണദംഷ്ട്രധരായ ച ॥ 3 ॥

ശൂര്പാകാരാസനസ്ഥശ്ച ഗോമേദാഭരണപ്രിയഃ ।

മാഷപ്രിയഃ കശ്യപര്ഷിനന്ദനോ ഭുജഗേശ്വരഃ ॥ 4 ॥

ഉല്കാപാതജനിഃ ശൂലീ നിധിപഃ കൃഷ്ണസര്പരാട് ।

വിഷജ്വലാവൃതാസ്യോഽര്ധശരീരോ ജാദ്യസമ്പ്രദഃ ॥ 5 ॥

രവീന്ദുഭീകരശ്ഛായാസ്വരൂപീ കഠിനാങ്ഗകഃ ।

ദ്വിഷച്ചക്രച്ഛേദകോഽഥ കരാലാസ്യോ ഭയങ്കരഃ ॥ 6 ॥

ക്രൂരകര്മാ തമോരൂപഃ ശ്യാമാത്മാ നീലലോഹിതഃ ।

കിരീടീ നീലവസനഃ ശനിസാമന്തവര്ത്മഗഃ ॥ 7 ॥

ചാണ്ഡാലവര്ണോഽഥാശ്വ്യര്ക്ഷഭവോ മേഷഭവസ്തഥാ ।

ശനിവത്ഫലദഃ ശൂരോഽപസവ്യഗതിരേവ ച ॥ 8 ॥

ഉപരാഗകരഃ സൂര്യഹിമാംശുച്ഛവിഹാരകഃ ।

നീലപുഷ്പവിഹാരശ്ച ഗ്രഹശ്രേഷ്ഠോഽഷ്ടമഗ്രഹഃ ॥ 9 ॥

കബന്ധമാത്രദേഹശ്ച യാതുധാനകുലോദ്ഭവഃ ।

ഗോവിന്ദവരപാത്രം ച ദേവജാതിപ്രവിഷ്ടകഃ ॥ 10 ॥

ക്രൂരോ ഘോരഃ ശനേര്മിത്രം ശുക്രമിത്രമഗോചരഃ ।

മാനേഗങ്ഗാസ്നാനദാതാ സ്വഗൃഹേപ്രബലാഢ്യകഃ ॥ 11 ॥

സദ്ഗൃഹേഽന്യബലധൃച്ചതുര്ഥേ മാതൃനാശകഃ ।

ചന്ദ്രയുക്തേ തു ചണ്ഡാലജന്മസൂചക ഏവ തു ॥ 12 ॥

ജന്മസിംഹേ രാജ്യദാതാ മഹാകായസ്തഥൈവ ച ।

ജന്മകര്താ വിധുരിപു മത്തകോ ജ്ഞാനദശ്ച സഃ ॥ 13 ॥

ജന്മകന്യാരാജ്യദാതാ ജന്മഹാനിദ ഏവ ച ।

നവമേ പിതൃഹന്താ ച പഞ്ചമേ ശോകദായകഃ ॥ 14 ॥

ദ്യൂനേ കലത്രഹന്താ ച സപ്തമേ കലഹപ്രദഃ ।

ഷഷ്ഠേ തു വിത്തദാതാ ച ചതുര്ഥേ വൈരദായകഃ ॥ 15 ॥

നവമേ പാപദാതാ ച ദശമേ ശോകദായകഃ ।

ആദൌ യശഃ പ്രദാതാ ച അന്തേ വൈരപ്രദായകഃ ॥ 16 ॥

കാലാത്മാ ഗോചരാചാരോ ധനേ ചാസ്യ കകുത്പ്രദഃ ।

പഞ്ചമേ ധിഷണാശൃങ്ഗദഃ സ്വര്ഭാനുര്ബലീ തഥാ ॥ 17 ॥

മഹാസൌഖ്യപ്രദായീ ച ചന്ദ്രവൈരീ ച ശാശ്വതഃ ।

സുരശത്രുഃ പാപഗ്രഹഃ ശാമ്ഭവഃ പൂജ്യകസ്തഥാ ॥ 18 ॥

പാടീരപൂരണശ്ചാഥ പൈഠീനസകുലോദ്ഭവഃ ।

ദീര്ഘകൃഷ്ണോഽതനുര്വിഷ്ണുനേത്രാരിര്ദേവദാനവൌ ॥ 19 ॥

ഭക്തരക്ഷോ രാഹുമൂര്തിഃ സര്വാഭീഷ്ടഫലപ്രദഃ ।

ഏതദ്രാഹുഗ്രഹസ്യോക്തം നാമ്നാമഷ്ടോത്തരം ശതമ് ॥ 20 ॥

ശ്രദ്ധയാ യോ ജപേന്നിത്യം മുച്യതേ സര്വസങ്കടാത് ।

സര്വസമ്പത്കരസ്തസ്യ രാഹുരിഷ്ടപ്രദായകഃ ॥ 21 ॥

ഇതി ശ്രീ രാഹു അഷ്ടോത്തരശതനാമ സ്തോത്രമ് ।

Roman (IAST) Transliteration

śṛṇu nāmāni rāhośca saiṃhikeyo vidhuntudaḥ |

suraśatrustamaścaiva phaṇī gārgyāyaṇastathā || 1 ||

surāgurnīlajīmūtasaṅkāśaśca caturbhujaḥ |

khaḍgakheṭakadhārī ca varadāyakahastakaḥ || 2 ||

śūlāyudho meghavarṇaḥ kṛṣṇadhvajapatākavān |

dakṣiṇāśāmukharataḥ tīkṣṇadaṃṣṭradharāya ca || 3 ||

śūrpākārāsanasthaśca gomedābharaṇapriyaḥ |

māṣapriyaḥ kaśyaparṣinandano bhujageśvaraḥ || 4 ||

ulkāpātajaniḥ śūlī nidhipaḥ kṛṣṇasarparāṭ |

viṣajvalāvṛtāsyo'rdhaśarīro jādyasampradaḥ || 5 ||

ravīndubhīkaraśchāyāsvarūpī kaṭhināṅgakaḥ |

dviṣaccakracchedako'tha karālāsyo bhayaṅkaraḥ || 6 ||

krūrakarmā tamorūpaḥ śyāmātmā nīlalohitaḥ |

kirīṭī nīlavasanaḥ śanisāmantavartmagaḥ || 7 ||

cāṇḍālavarṇo'thāśvyarkṣabhavo meṣabhavastathā |

śanivatphaladaḥ śūro'pasavyagatireva ca || 8 ||

uparāgakaraḥ sūryahimāṃśucchavihārakaḥ |

nīlapuṣpavihāraśca grahaśreṣṭho'ṣṭamagrahaḥ || 9 ||

kabandhamātradehaśca yātudhānakulodbhavaḥ |

govindavarapātraṃ ca devajātipraviṣṭakaḥ || 10 ||

krūro ghoraḥ śanermitraṃ śukramitramagocaraḥ |

mānegaṅgāsnānadātā svagṛheprabalāḍhyakaḥ || 11 ||

sadgṛhe'nyabaladhṛccaturthe mātṛnāśakaḥ |

candrayukte tu caṇḍālajanmasūcaka eva tu || 12 ||

janmasiṃhe rājyadātā mahākāyastathaiva ca |

janmakartā vidhuripu mattako jñānadaśca saḥ || 13 ||

janmakanyārājyadātā janmahānida eva ca |

navame pitṛhantā ca pañcame śokadāyakaḥ || 14 ||

dyūne kalatrahantā ca saptame kalahapradaḥ |

ṣaṣṭhe tu vittadātā ca caturthe vairadāyakaḥ || 15 ||

navame pāpadātā ca daśame śokadāyakaḥ |

ādau yaśaḥ pradātā ca ante vairapradāyakaḥ || 16 ||

kālātmā gocarācāro dhane cāsya kakutpradaḥ |

pañcame dhiṣaṇāśṛṅgadaḥ svarbhānurbalī tathā || 17 ||

mahāsaukhyapradāyī ca candravairī ca śāśvataḥ |

suraśatruḥ pāpagrahaḥ śāmbhavaḥ pūjyakastathā || 18 ||

pāṭīrapūraṇaścātha paiṭhīnasakulodbhavaḥ |

dīrghakṛṣṇo'tanurviṣṇunetrārirdevadānavau || 19 ||

bhaktarakṣo rāhumūrtiḥ sarvābhīṣṭaphalapradaḥ |

etadrāhugrahasyoktaṃ nāmnāmaṣṭottaraṃ śatam || 20 ||

śraddhayā yo japennityaṃ mucyate sarvasaṅkaṭāt |

sarvasampatkarastasya rāhuriṣṭapradāyakaḥ || 21 ||

iti śrī rāhu aṣṭottaraśatanāma stotram |