📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
പ്രാതഃസ്മരണ സ്തോത്രം
Pratahsmarana Stotram
Stotram Adi Shankaracharya Malayalam
പ്രാതഃ സ്മരാമി ഹൃദി സംസ്ഫുരദാത്മതത്ത്വം
സച്ചിത്സുഖം പരമഹംസഗതിം തുരീയമ് ।
യത്സ്വപ്നജാഗരസുഷുപ്തമവൈതി നിത്യം
തദ്ബ്രഹ്മ നിഷ്കലമഹം ന ച ഭൂതസങ്ഘഃ ॥ 1 ॥
പ്രാതര്ഭജാമി മനസാം വചസാമഗമ്യം
വാചോ വിഭാന്തി നിഖിലാ യദനുഗ്രഹേണ ।
യന്നേതിനേതി വചനൈര്നിഗമാ അവോചുഃ
തം ദേവദേവമജമച്യുതമാഹുരഗ്ര്യമ് ॥ 2 ॥
പ്രാതര്നമാമി തമസഃ പരമര്കവര്ണം
പൂര്ണം സനാതനപദം പുരുഷോത്തമാഖ്യമ് ।
യസ്മിന്നിദം ജഗദശേഷമശേഷമൂര്തൌ
രജ്ജ്വാം ഭുജങ്ഗമ ഇവ പ്രതിഭാസിതം വൈ ॥ 3 ॥
ശ്ലോകത്രയമിദം പുണ്യം ലോകത്രയവിഭൂഷണമ്
പ്രാതഃ കാലേ പഠേദ്യസ്തു സ ഗച്ഛേത്പരമം പദമ് ॥
Roman (IAST) Transliteration
prātaḥ smarāmi hṛdi saṃsphuradātmatattvaṃ
saccitsukhaṃ paramahaṃsagatiṃ turīyam |
yatsvapnajāgarasuṣuptamavaiti nityaṃ
tadbrahma niṣkalamahaṃ na ca bhūtasaṅghaḥ || 1 ||
prātarbhajāmi manasāṃ vacasāmagamyaṃ
vāco vibhānti nikhilā yadanugraheṇa |
yannetineti vacanairnigamā avocuḥ
taṃ devadevamajamacyutamāhuragryam || 2 ||
prātarnamāmi tamasaḥ paramarkavarṇaṃ
pūrṇaṃ sanātanapadaṃ puruṣottamākhyam |
yasminnidaṃ jagadaśeṣamaśeṣamūrtau
rajjvāṃ bhujaṅgama iva pratibhāsitaṃ vai || 3 ||
ślokatrayamidaṃ puṇyaṃ lokatrayavibhūṣaṇam
prātaḥ kāle paṭhedyastu sa gacchetparamaṃ padam ||
InfoLyter.in — Sacred Vedic Knowledge Portal · Free forever