Pitri Stotram 2 (brihaddharma Puranam)

ॐ

പിതൃ സ്തോത്രം 2 (ബൃഹദ്ധര്മ പുരാണമ്)

Stotram Malayalam

ബ്രഹ്മോവാച ।

നമഃ പിത്രേ ജന്മദാത്രേ സര്വദേവമയായ ച ।

സുഖദായ പ്രസന്നായ സുപ്രീതായ മഹാത്മനേ ॥ 1 ॥

സര്വയജ്ഞസ്വരൂപായ സ്വര്ഗായ പരമേഷ്ഠിനേ ।

സര്വതീര്ഥാവലോകായ കരുണാസാഗരായ ച ॥ 2 ॥

നമഃ സദാഽഽശുതോഷായ ശിവരൂപായ തേ നമഃ ।

സദാഽപരാധക്ഷമിണേ സുഖായ സുഖദായ ച ॥ 3 ॥

ദുര്ലഭം മാനുഷമിദം യേന ലബ്ധം മയാ വപുഃ ।

സമ്ഭാവനീയം ധര്മാര്ഥേ തസ്മൈ പിത്രേ നമോ നമഃ ॥ 4 ॥

തീര്ഥസ്നാനതപോഹോമജപാദീന് യസ്യ ദര്ശനമ് ।

മഹാഗുരോശ്ച ഗുരവേ തസ്മൈ പിത്രേ നമോ നമഃ ॥ 5 ॥

യസ്യ പ്രണാമ സ്തവനാത് കോടിശഃ പിതൃതര്പണമ് ।

അശ്വമേധശതൈസ്തുല്യം തസ്മൈ പിത്രേ നമോ നമഃ ॥ 6 ॥

ഇദം സ്തോത്രം പിതൃഃ പുണ്യം യഃ പഠേത് പ്രയതോ നരഃ ।

പ്രത്യഹം പ്രാതരുത്ഥായ പിതൃശ്രാദ്ധദിനേഽപി ച ॥ 7 ॥

സ്വജന്മദിവസേ സാക്ഷാത് പിതുരഗ്രേ സ്ഥിതോഽപി വാ ।

ന തസ്യ ദുര്ലഭം കിഞ്ചിത് സര്വജ്ഞത്വാദി വാഞ്ഛിതമ് ॥ 8 ॥

നാനാപകര്മ കൃത്വാഽപി യഃ സ്തൌതി പിതരം സുതഃ ।

സ ധൃവം പ്രവിധായൈവ പ്രായശ്ചിത്തം സുഖീ ഭവേത് ।

പിതൃപ്രീതികരൈര്നിത്യം സര്വകര്മാണ്യഥാര്ഹതി ॥ 9 ॥

ഇതി ബൃഹദ്ധര്മപുരാണാന്തര്ഗത ബ്രഹ്മകൃത പിതൃ സ്തോത്രമ് ।

Roman (IAST) Transliteration

brahmovāca |

namaḥ pitre janmadātre sarvadevamayāya ca |

sukhadāya prasannāya suprītāya mahātmane || 1 ||

sarvayajñasvarūpāya svargāya parameṣṭhine |

sarvatīrthāvalokāya karuṇāsāgarāya ca || 2 ||

namaḥ sadā''śutoṣāya śivarūpāya te namaḥ |

sadā'parādhakṣamiṇe sukhāya sukhadāya ca || 3 ||

durlabhaṃ mānuṣamidaṃ yena labdhaṃ mayā vapuḥ |

sambhāvanīyaṃ dharmārthe tasmai pitre namo namaḥ || 4 ||

tīrthasnānatapohomajapādīn yasya darśanam |

mahāgurośca gurave tasmai pitre namo namaḥ || 5 ||

yasya praṇāma stavanāt koṭiśaḥ pitṛtarpaṇam |

aśvamedhaśataistulyaṃ tasmai pitre namo namaḥ || 6 ||

idaṃ stotraṃ pitṛḥ puṇyaṃ yaḥ paṭhet prayato naraḥ |

pratyahaṃ prātarutthāya pitṛśrāddhadine'pi ca || 7 ||

svajanmadivase sākṣāt pituragre sthito'pi vā |

na tasya durlabhaṃ kiñcit sarvajñatvādi vāñchitam || 8 ||

nānāpakarma kṛtvā'pi yaḥ stauti pitaraṃ sutaḥ |

sa dhṛvaṃ pravidhāyaiva prāyaścittaṃ sukhī bhavet |

pitṛprītikarairnityaṃ sarvakarmāṇyathārhati || 9 ||

iti bṛhaddharmapurāṇāntargata brahmakṛta pitṛ stotram |