Padmavati Stotram — InfoLyter.in

ॐ

പദ്മാവതീ സ്തോത്രം

Padmavati Stotram

Stotram Malayalam

വിഷ്ണുപത്നി ജഗന്മാതഃ വിഷ്ണുവക്ഷസ്ഥലസ്ഥിതേ ।

പദ്മാസനേ പദ്മഹസ്തേ പദ്മാവതി നമോഽസ്തു തേ ॥ 1 ॥

വേങ്കടേശപ്രിയേ പൂജ്യേ ക്ഷീരാബ്ദിതനയേ ശുഭേ ।

പദ്മേരമേ ലോകമാതഃ പദ്മാവതി നമോഽസ്തു തേ ॥ 2 ॥

കല്യാണീ കമലേ കാന്തേ കല്യാണപുരനായികേ ।

കാരുണ്യകല്പലതികേ പദ്മാവതി നമോഽസ്തു തേ ॥ 3 ॥

സഹസ്രദലപദ്മസ്ഥേ കോടിചന്ദ്രനിഭാനനേ ।

പദ്മപത്രവിശാലാക്ഷീ പദ്മാവതി നമോഽസ്തു തേ ॥ 4 ॥

സര്വജ്ഞേ സര്വവരദേ സര്വമങ്ഗലദായിനീ ।

സര്വസമ്മാനിതേ ദേവീ പദ്മാവതി നമോഽസ്തു തേ ॥ 5 ॥

സര്വഹൃദ്ദഹരാവാസേ സര്വപാപഭയാപഹേ ।

അഷ്ടൈശ്വര്യപ്രദേ ലക്ഷ്മീ പദ്മാവതി നമോഽസ്തു തേ ॥ 6 ॥

ദേഹി മേ മോക്ഷസാമ്രാജ്യം ദേഹി ത്വത്പാദദര്ശനമ് ।

അഷ്ടൈശ്വര്യം ച മേ ദേഹി പദ്മാവതി നമോഽസ്തു തേ ॥ 7 ॥

നക്രശ്രവണനക്ഷത്രേ കൃതോദ്വാഹമഹോത്സവേ ।

കൃപയാ പാഹി നഃ പദ്മേ ത്വദ്ഭക്തിഭരിതാന് രമേ ॥ 8 ॥

ഇന്ദിരേ ഹേമവര്ണാഭേ ത്വാം വന്ദേ പരമാത്മികാമ് ।

ഭവസാഗരമഗ്നം മാം രക്ഷ രക്ഷ മഹേശ്വരീ ॥ 9 ॥

കല്യാണപുരവാസിന്യൈ നാരായണ്യൈ ശ്രിയൈ നമഃ ।

ശൃതിസ്തുതിപ്രഗീതായൈ ദേവദേവ്യൈ ച മങ്ഗലമ് ॥ 10 ॥

Roman (IAST) Transliteration

viṣṇupatni jaganmātaḥ viṣṇuvakṣasthalasthite |

padmāsane padmahaste padmāvati namo'stu te || 1 ||

veṅkaṭeśapriye pūjye kṣīrābditanaye śubhe |

padmerame lokamātaḥ padmāvati namo'stu te || 2 ||

kalyāṇī kamale kānte kalyāṇapuranāyike |

kāruṇyakalpalatike padmāvati namo'stu te || 3 ||

sahasradalapadmasthe koṭicandranibhānane |

padmapatraviśālākṣī padmāvati namo'stu te || 4 ||

sarvajñe sarvavarade sarvamaṅgaladāyinī |

sarvasammānite devī padmāvati namo'stu te || 5 ||

sarvahṛddaharāvāse sarvapāpabhayāpahe |

aṣṭaiśvaryaprade lakṣmī padmāvati namo'stu te || 6 ||

dehi me mokṣasāmrājyaṃ dehi tvatpādadarśanam |

aṣṭaiśvaryaṃ ca me dehi padmāvati namo'stu te || 7 ||

nakraśravaṇanakṣatre kṛtodvāhamahotsave |

kṛpayā pāhi naḥ padme tvadbhaktibharitān rame || 8 ||

indire hemavarṇābhe tvāṃ vande paramātmikām |

bhavasāgaramagnaṃ māṃ rakṣa rakṣa maheśvarī || 9 ||

kalyāṇapuravāsinyai nārāyaṇyai śriyai namaḥ |

śṛtistutipragītāyai devadevyai ca maṅgalam || 10 ||