Navagraha Mangala Shlokah (navagraha Mangalashtakam)

ॐ

നവഗ്രഹ മങ്ഗല ശ്ലൊകാഃ (നവഗ്രഹ മങ്ഗലാഷ്ടകമ്)

Navagraha Ashtakam Malayalam

ഭാസ്വാന് കാശ്യപഗോത്രജോഽരുണരുചിര്യഃ സിംഹപോഽര്കഃ സമി-

-ത്ഷട്ത്രിസ്ഥോഽദശശോഭനോ ഗുരുശശീ ഭൌമാഃ സുമിത്രാഃ സദാ ।

ശുക്രോ മന്ദരിപുഃ കലിങ്ഗജനപശ്ചാഗ്നീശ്വരൌ ദേവതേ

മധ്യേവര്തുലപൂര്വദിഗ്ദിനകരഃ കുര്യാത്സദാ മങ്ഗലമ് ॥ 1 ॥

ചന്ദ്രഃ കര്കടകപ്രഭുഃ സിതനിഭശ്ചാത്രേയഗോത്രോദ്ഭവ-

-ശ്ചാത്രേയശ്ചതുരശ്രവാരുണമുഖശ്ചാപേ ഉമാധീശ്വരഃ ।

ഷട്സപ്താഗ്നി ദശൈകശോഭനഫലോ നോരിര്ബുധാര്കൌപ്രിയൌ

സ്വാമീ യാമുനജശ്ച പര്ണസമിധഃ കുര്യാത്സദാ മങ്ഗലമ് ॥ 2 ॥

ഭൌമോ ദക്ഷിണദിക്ത്രികോണയമദിഗ്വിന്ധ്യേശ്വരഃ ഖാദിരഃ

സ്വാമീ വൃശ്ചികമേഷയോസ്തു സുഗുരുശ്ചാര്കഃ ശശീ സൌഹൃദഃ ।

ജ്ഞോഽരിഃ ഷട്ത്രിഫലപ്രദശ്ച വസുധാസ്കന്ദൌ ക്രമാദ്ദേവതേ

ഭാരദ്വാജകുലോദ്വഹോഽരുണരുചിഃ കുര്യാത്സദാ മങ്ഗലമ് ॥ 3 ॥

സൌമ്യഃ പീത ഉദങ്മുഖഃ സമിദപാമാര്ഗോഽത്രിഗോത്രോദ്ഭവോ

ബാണേശാനദിശഃ സുഹൃദ്രവിസുതഃ ശാന്തഃ സുതഃ ശീതഗോഃ ।

കന്യായുഗ്മപതിര്ദശാഷ്ടചതുരഃ ഷണ്ണേത്രഗഃ ശോഭനോ

വിഷ്ണുര്ദേവ്യധിദേവതേ മഗധപഃ കുര്യാത്സദാ മങ്ഗലമ് ॥ 4 ॥

ജീവശ്ചാങ്ഗിരഗോത്രജോത്തരമുഖോ ദീര്ഘോത്തരാശാസ്ഥിതഃ

പീതോഽശ്വത്ഥസമിച്ച സിന്ധുജനിതശ്ചാപോഽഥ മീനാധിപഃ ।

സൂര്യേന്ദുക്ഷിതിജാഃ പ്രിയാ ബുധസിതൌ ശത്രൂ സമാശ്ചാപരേ

സപ്തദ്വേ നവപഞ്ചമേ ശുഭകരഃ കുര്യാത്സദാ മങ്ഗലമ് ॥ 5 ॥

ശുക്രോ ഭാര്ഗവഗോത്രജഃ സിതരുചിഃ പൂര്വാമുഖഃ പൂര്വദിക്

പാഞ്ചാലസ്ഥ വൃഷസ്തുലാധിപമഹാരാഷ്ട്രാധിപൌദുമ്ബരഃ ।

ഇന്ദ്രാണീമഘവാ ബുധശ്ച രവിജോ മിത്രോര്ക ചന്ദ്രാവരീ

ഷഷ്ഠത്രിര്ദശവര്ജിതേ ഭൃഗുസുതഃ കുര്യാത്സദാ മങ്ഗലമ് ॥ 6 ॥

മന്ദഃ കൃഷ്ണനിഭഃ സപശ്ചിമമുഖഃ സൌരാഷ്ട്രപഃ കാശ്യപഃ

സ്വാമീ നക്രസുകുമ്ഭയോര്ബുധസിതൌ മിത്രൌ കുജേന്ദൂ ദ്വിഷൌ ।

സ്ഥാനം പശ്ചിമദിക് പ്രജാപതിയമൌ ദേവൌ ധനുര്ധാരകഃ

ഷട്ത്രിസ്ഥഃ ശുഭകൃച്ഛനീ രവിസുതഃ കുര്യാത്സദാ മങ്ഗലമ് ॥ 7 ॥

രാഹുഃ സിംഹലദേശപോഽപി സതമഃ കൃഷ്ണാങ്ഗശൂര്പാസനോ

യഃ പൈഠീനസഗോത്രസമ്ഭവസമിദ്ദൂര്വാമുഖോ ദക്ഷിണഃ ।

യഃ സര്പഃ പശുദൈവതോഽഖിലഗതഃ സൂര്യഗ്രഹേ ഛാദകഃ

ഷട്ത്രിസ്ഥഃ ശുഭകൃച്ച സിംഹകസുതഃ കുര്യാത്സദാ മങ്ഗലമ് ॥ 8 ॥

കേതുര്ജൈമിനിഗോത്രജഃ കുശസമിദ്വായവ്യകോണേസ്ഥിത-

-ശ്ചിത്രാങ്കധ്വജലാഞ്ഛനോ ഹി ഭഗവാന് യോ ദക്ഷിണാശാമുഖഃ ।

ബ്രഹ്മാ ചൈവ തു ചിത്രഗുപ്തപതിമാന് പ്രീത്യാധിദേവഃ സദാ

ഷട്ത്രിസ്ഥഃ ശുഭകൃച്ച ബര്ബരപതിഃ കുര്യാത്സദാ മങ്ഗലമ് ॥ 9 ॥

ഇതി നവഗ്രഹ മങ്ഗല സ്തോത്രമ് ।

Roman (IAST) Transliteration

bhāsvān kāśyapagotrajo'ruṇaruciryaḥ siṃhapo'rkaḥ sami-

-tṣaṭtristho'daśaśobhano guruśaśī bhaumāḥ sumitrāḥ sadā |

śukro mandaripuḥ kaliṅgajanapaścāgnīśvarau devate

madhyevartulapūrvadigdinakaraḥ kuryātsadā maṅgalam || 1 ||

candraḥ karkaṭakaprabhuḥ sitanibhaścātreyagotrodbhava-

-ścātreyaścaturaśravāruṇamukhaścāpe umādhīśvaraḥ |

ṣaṭsaptāgni daśaikaśobhanaphalo norirbudhārkaupriyau

svāmī yāmunajaśca parṇasamidhaḥ kuryātsadā maṅgalam || 2 ||

bhaumo dakṣiṇadiktrikoṇayamadigvindhyeśvaraḥ khādiraḥ

svāmī vṛścikameṣayostu suguruścārkaḥ śaśī sauhṛdaḥ |

jño'riḥ ṣaṭtriphalapradaśca vasudhāskandau kramāddevate

bhāradvājakulodvaho'ruṇaruciḥ kuryātsadā maṅgalam || 3 ||

saumyaḥ pīta udaṅmukhaḥ samidapāmārgo'trigotrodbhavo

bāṇeśānadiśaḥ suhṛdravisutaḥ śāntaḥ sutaḥ śītagoḥ |

kanyāyugmapatirdaśāṣṭacaturaḥ ṣaṇṇetragaḥ śobhano

viṣṇurdevyadhidevate magadhapaḥ kuryātsadā maṅgalam || 4 ||

jīvaścāṅgiragotrajottaramukho dīrghottarāśāsthitaḥ

pīto'śvatthasamicca sindhujanitaścāpo'tha mīnādhipaḥ |

sūryendukṣitijāḥ priyā budhasitau śatrū samāścāpare

saptadve navapañcame śubhakaraḥ kuryātsadā maṅgalam || 5 ||

śukro bhārgavagotrajaḥ sitaruciḥ pūrvāmukhaḥ pūrvadik

pāñcālastha vṛṣastulādhipamahārāṣṭrādhipaudumbaraḥ |

indrāṇīmaghavā budhaśca ravijo mitrorka candrāvarī

ṣaṣṭhatrirdaśavarjite bhṛgusutaḥ kuryātsadā maṅgalam || 6 ||

mandaḥ kṛṣṇanibhaḥ sapaścimamukhaḥ saurāṣṭrapaḥ kāśyapaḥ

svāmī nakrasukumbhayorbudhasitau mitrau kujendū dviṣau |

sthānaṃ paścimadik prajāpatiyamau devau dhanurdhārakaḥ

ṣaṭtristhaḥ śubhakṛcchanī ravisutaḥ kuryātsadā maṅgalam || 7 ||

rāhuḥ siṃhaladeśapo'pi satamaḥ kṛṣṇāṅgaśūrpāsano

yaḥ paiṭhīnasagotrasambhavasamiddūrvāmukho dakṣiṇaḥ |

yaḥ sarpaḥ paśudaivato'khilagataḥ sūryagrahe chādakaḥ

ṣaṭtristhaḥ śubhakṛcca siṃhakasutaḥ kuryātsadā maṅgalam || 8 ||

keturjaiminigotrajaḥ kuśasamidvāyavyakoṇesthita-

-ścitrāṅkadhvajalāñchano hi bhagavān yo dakṣiṇāśāmukhaḥ |

brahmā caiva tu citraguptapatimān prītyādhidevaḥ sadā

ṣaṭtristhaḥ śubhakṛcca barbarapatiḥ kuryātsadā maṅgalam || 9 ||

iti navagraha maṅgala stotram |