📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
നവഗ്രഹ കവചമ്
Navagraha Kavacham
Navagraha Kavacham Malayalam
ശിരോ മേ പാതു മാര്താണ്ഡോ കപാലം രോഹിണീപതിഃ ।
മുഖമങ്ഗാരകഃ പാതു കണ്ഠശ്ച ശശിനന്ദനഃ ॥ 1 ॥
ബുദ്ധിം ജീവഃ സദാ പാതു ഹൃദയം ഭൃഗുനന്ദനഃ ।
ജഠരം ച ശനിഃ പാതു ജിഹ്വാം മേ ദിതിനന്ദനഃ ॥ 2 ॥
പാദൌ കേതുഃ സദാ പാതു വാരാഃ സര്വാങ്ഗമേവ ച ।
തിഥയോഽഷ്ടൌ ദിശഃ പാന്തു നക്ഷത്രാണി വപുഃ സദാ ॥ 3 ॥
അംസൌ രാശിഃ സദാ പാതു യോഗാശ്ച സ്ഥൈര്യമേവ ച ।
ഗുഹ്യം ലിങ്ഗം സദാ പാന്തു സര്വേ ഗ്രഹാഃ ശുഭപ്രദാഃ ॥ 4 ॥
അണിമാദീനി സര്വാണി ലഭതേ യഃ പഠേദ് ധൃവമ് ।
ഏതാം രക്ഷാം പഠേദ് യസ്തു ഭക്ത്യാ സ പ്രയതഃ സുധീഃ ॥ 5 ॥
സ ചിരായുഃ സുഖീ പുത്രീ രണേ ച വിജയീ ഭവേത് ।
അപുത്രോ ലഭതേ പുത്രം ധനാര്ഥീ ധനമാപ്നുയാത് ॥ 6 ॥
ദാരാര്ഥീ ലഭതേ ഭാര്യാം സുരൂപാം സുമനോഹരാമ് ।
രോഗീ രോഗാത്പ്രമുച്യേത ബദ്ധോ മുച്യേത ബന്ധനാത് ॥ 7 ॥
ജലേ സ്ഥലേ ചാന്തരിക്ഷേ കാരാഗാരേ വിശേഷതഃ ।
യഃ കരേ ധാരയേന്നിത്യം ഭയം തസ്യ ന വിദ്യതേ ॥ 8 ॥
ബ്രഹ്മഹത്യാ സുരാപാനം സ്തേയം ഗുര്വങ്ഗനാഗമഃ ।
സര്വപാപൈഃ പ്രമുച്യേത കവചസ്യ ച ധാരണാത് ॥ 9 ॥
നാരീ വാമഭുജേ ധൃത്വാ സുഖൈശ്വര്യസമന്വിതാ ।
കാകവന്ധ്യാ ജന്മവന്ധ്യാ മൃതവത്സാ ച യാ ഭവേത് ।
ബഹ്വപത്യാ ജീവവത്സാ കവചസ്യ പ്രസാദതഃ ॥ 10 ॥
ഇതി ഗ്രഹയാമലേ ഉത്തരഖണ്ഡേ നവഗ്രഹ കവചം സമാപ്തമ് ।
Roman (IAST) Transliteration
śiro me pātu mārtāṇḍo kapālaṃ rohiṇīpatiḥ |
mukhamaṅgārakaḥ pātu kaṇṭhaśca śaśinandanaḥ || 1 ||
buddhiṃ jīvaḥ sadā pātu hṛdayaṃ bhṛgunandanaḥ |
jaṭharaṃ ca śaniḥ pātu jihvāṃ me ditinandanaḥ || 2 ||
pādau ketuḥ sadā pātu vārāḥ sarvāṅgameva ca |
tithayo'ṣṭau diśaḥ pāntu nakṣatrāṇi vapuḥ sadā || 3 ||
aṃsau rāśiḥ sadā pātu yogāśca sthairyameva ca |
guhyaṃ liṅgaṃ sadā pāntu sarve grahāḥ śubhapradāḥ || 4 ||
aṇimādīni sarvāṇi labhate yaḥ paṭhed dhṛvam |
etāṃ rakṣāṃ paṭhed yastu bhaktyā sa prayataḥ sudhīḥ || 5 ||
sa cirāyuḥ sukhī putrī raṇe ca vijayī bhavet |
aputro labhate putraṃ dhanārthī dhanamāpnuyāt || 6 ||
dārārthī labhate bhāryāṃ surūpāṃ sumanoharām |
rogī rogātpramucyeta baddho mucyeta bandhanāt || 7 ||
jale sthale cāntarikṣe kārāgāre viśeṣataḥ |
yaḥ kare dhārayennityaṃ bhayaṃ tasya na vidyate || 8 ||
brahmahatyā surāpānaṃ steyaṃ gurvaṅganāgamaḥ |
sarvapāpaiḥ pramucyeta kavacasya ca dhāraṇāt || 9 ||
nārī vāmabhuje dhṛtvā sukhaiśvaryasamanvitā |
kākavandhyā janmavandhyā mṛtavatsā ca yā bhavet |
bahvapatyā jīvavatsā kavacasya prasādataḥ || 10 ||
iti grahayāmale uttarakhaṇḍe navagraha kavacaṃ samāptam |
InfoLyter.in — Sacred Vedic Knowledge Portal · Free forever