📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
നാരായണ കവചമ്
Narayana Kavacham
Vishnu Kavacham Malayalam
ന്യാസഃ
അങ്ഗന്യാസഃ
ഓം ഓം പാദയോഃ നമഃ ।
ഓം നം ജാനുനോഃ നമഃ ।
ഓം മോം ഊര്വോഃ നമഃ ।
ഓം നാം ഉദരേ നമഃ ।
ഓം രാം ഹൃദി നമഃ ।
ഓം യം ഉരസി നമഃ ।
ഓം ണാം മുഖേ നമഃ ।
ഓം യം ശിരസി നമഃ ।
കരന്യാസഃ
ഓം ഓം ദക്ഷിണതര്ജന്യാം നമഃ ।
ഓം നം ദക്ഷിണമധ്യമായാം നമഃ ।
ഓം മോം ദക്ഷിണാനാമികായാം നമഃ ।
ഓം ഭം ദക്ഷിണകനിഷ്ഠികായാം നമഃ ।
ഓം ഗം വാമകനിഷ്ഠികായാം നമഃ ।
ഓം വം വാമാനികായാം നമഃ ।
ഓം തേം വാമമധ്യമായാം നമഃ ।
ഓം വാം വാമതര്ജന്യാം നമഃ ।
ഓം സും ദക്ഷിണാങ്ഗുഷ്ഠോര്ധ്വപര്വണി നമഃ ।
ഓം ദേം ദക്ഷിണാങ്ഗുഷ്ഠാധഃ പര്വണി നമഃ ।
ഓം വാം വാമാങ്ഗുഷ്ഠോര്ധ്വപര്വണി നമഃ ।
ഓം യം വാമാങ്ഗുഷ്ഠാധഃ പര്വണി നമഃ ।
വിഷ്ണുഷഡക്ഷരന്യാസഃ
ഓം ഓം ഹൃദയേ നമഃ ।
ഓം വിം മൂര്ധ്നൈ നമഃ ।
ഓം ഷം ഭ്രുര്വോര്മധ്യേ നമഃ ।
ഓം ണം ശിഖായാം നമഃ ।
ഓം വേം നേത്രയോഃ നമഃ ।
ഓം നം സര്വസന്ധിഷു നമഃ ।
ഓം മഃ പ്രാച്യാം അസ്ത്രായ ഫട് ।
ഓം മഃ ആഗ്നേയ്യാം അസ്ത്രായ ഫട് ।
ഓം മഃ ദക്ഷിണസ്യാം അസ്ത്രായ ഫട് ।
ഓം മഃ നൈഋത്യേ അസ്ത്രായ ഫട് ।
ഓം മഃ പ്രതീച്യാം അസ്ത്രായ ഫട് ।
ഓം മഃ വായവ്യേ അസ്ത്രായ ഫട് ।
ഓം മഃ ഉദീച്യാം അസ്ത്രായ ഫട് ।
ഓം മഃ ഐശാന്യാം അസ്ത്രായ ഫട് ।
ഓം മഃ ഊര്ധ്വായാം അസ്ത്രായ ഫട് ।
ഓം മഃ അധരായാം അസ്ത്രായ ഫട് ।
ശ്രീ ഹരിഃ
അഥ ശ്രീനാരായണകവച
രാജോവാച
യയാ ഗുപ്തഃ സഹസ്രാക്ഷഃ സവാഹാന് രിപുസൈനികാന് ।
ക്രീഡന്നിവ വിനിര്ജിത്യ ത്രിലോക്യാ ബുഭുജേ ശ്രിയമ് ॥ 1 ॥
ഭഗവംസ്തന്മമാഖ്യാഹി വര്മ നാരായണാത്മകമ് ।
യഥാഽഽതതായിനഃ ശത്രൂന് യേന ഗുപ്തോഽജയന്മൃധേ ॥ 2 ॥
ശ്രീ ശുക ഉവാച
വൃതഃ പുരോഹിതസ്ത്വാഷ്ട്രോ മഹേന്ദ്രായാനുപൃച്ഛതേ ।
നാരായണാഖ്യം വര്മാഹ തദിഹൈകമനാഃ ശൃണു ॥ 3 ॥
ശ്രീവിശ്വരൂപ ഉവാച
ധൌതാങ്ഘ്രിപാണിരാചമ്യ സപവിത്ര ഉദങ്മുഖഃ ।
കൃതസ്വാങ്ഗകരന്യാസോ മന്ത്രാഭ്യാം വാഗ്യതഃ ശുചിഃ ॥ 4 ॥
നാരായണമയം വര്മ സന്നഹ്യേദ്ഭയ ആഗതേ ।
ദൈവഭൂതാത്മകര്മഭ്യോ നാരായണമയഃ പുമാന് ॥ 5 ॥
പാദയോര്ജാനുനോരൂര്വോരുദരേ ഹൃദ്യഥോരസി ।
മുഖേ ശിരസ്യാനുപൂര്വ്യാദോങ്കാരാദീനി വിന്യസേത് ॥ 6 ॥
ഓം നമോ നാരായണായേതി വിപര്യയമഥാപി വാ ।
കരന്യാസം തതഃ കുര്യാദ്ദ്വാദശാക്ഷരവിദ്യയാ ॥ 7 ॥
പ്രണവാദിയകാരാന്തമങ്ഗുല്യങ്ഗുഷ്ഠപര്വസു ।
ന്യസേദ്ധൃദയ ഓങ്കാരം വികാരമനു മൂര്ധനി ॥ 8 ॥
ഷകാരം തു ഭ്രുവോര്മധ്യേ ണകാരം ശിഖയാ ന്യസേത് ।
വേകാരം നേത്രയോര്യുഞ്ജ്യാന്നകാരം സര്വസന്ധിഷു ॥ 9 ॥
മകാരമസ്ത്രമുദ്ദിശ്യ മന്ത്രമൂര്തിര്ഭവേദ്ബുധഃ ।
സവിസര്ഗം ഫഡന്തം തത്സര്വദിക്ഷു വിനിര്ദിശേത് ॥ 10 ॥
ഓം വിഷ്ണവേ നമഃ ॥
ഇത്യാത്മാനം പരം ധ്യായേദ്ധ്യേയം ഷട്ഛക്തിഭിര്യുതമ് ।
വിദ്യാതേജസ്തപോമൂര്തിമിമം മന്ത്രമുദാഹരേത് ॥ 11 ॥
ഓം ഹരിര്വിദധ്യാന്മമ സര്വരക്ഷാം
ന്യസ്താങ്ഘ്രിപദ്മഃ പതഗേന്ദ്ര പൃഷ്ഠേ ।
ദരാരിചര്മാസിഗദേഷുചാപ-
-പാശാന്ദധാനോഽഷ്ടഗുണോഽഷ്ടബാഹുഃ ॥ 12 ॥
ജലേഷു മാം രക്ഷതു മത്സ്യമൂര്തി-
-ര്യാദോഗണേഭ്യോ വരുണസ്യ പാശാത് ।
സ്ഥലേഷു മായാവടുവാമനോഽവ്യാ-
-ത്ത്രിവിക്രമഃ ഖേഽവതു വിശ്വരൂപഃ ॥ 13 ॥
ദുര്ഗേഷ്വടവ്യാജിമുഖാദിഷു പ്രഭുഃ
പായാന്നൃസിംഹോഽസുരയൂഥപാരിഃ ।
വിമുഞ്ചതോ യസ്യ മഹാട്ടഹാസം
ദിശോ വിനേദുര്ന്യപതംശ്ച ഗര്ഭാഃ ॥ 14 ॥
രക്ഷത്വസൌ മാധ്വനി യജ്ഞകല്പഃ
സ്വദംഷ്ട്രയോന്നീതധരോ വരാഹഃ ।
രാമോഽദ്രികൂടേഷ്വഥ വിപ്രവാസേ
സലക്ഷ്മണോഽവ്യാദ്ഭരതാഗ്രജോഽസ്മാന് ॥ 15 ॥
മാമുഗ്രധര്മാദഖിലാത്പ്രമാദാ-
-ന്നാരായണഃ പാതു നരശ്ച ഹാസാത് ।
ദത്തസ്ത്വയോഗാദഥ യോഗനാഥഃ
പായാദ്ഗുണേശഃ കപിലഃ കര്മബന്ധാത് ॥ 16 ॥
സനത്കുമാരോഽവതു കാമദേവാ-
-ദ്ധയാനനോ മാം പഥി ദേവഹേലനാത് ।
ദേവര്ഷിവര്യഃ പുരുഷാര്ചനാന്തരാ-
-ത്കൂര്മോ ഹരിര്മാം നിരയാദശേഷാത് ॥ 17 ॥
ധന്വന്തരിര്ഭഗവാന്പാത്വപഥ്യാ-
-ദ്ദ്വന്ദ്വാദ്ഭയാദൃഷഭോ നിര്ജിതാത്മാ ।
യജ്ഞശ്ച ലോകാദവതാജ്ജനാന്താ-
-ദ്ബലോ ഗണാത്ക്രോധവശാദഹീന്ദ്രഃ ॥ 18 ॥
ദ്വൈപായനോ ഭഗവാനപ്രബോധാ-
-ദ്ബുദ്ധസ്തു പാഷണ്ഡഗണാത്പ്രമാദാത് ।
കല്കിഃ കലേഃ കാലമലാത്പ്രപാതു
ധര്മാവനായോരുകൃതാവതാരഃ ॥ 19 ॥
മാം കേശവോ ഗദയാ പ്രാതരവ്യാ-
-ദ്ഗോവിന്ദ ആസങ്ഗവമാത്തവേണുഃ ।
നാരായണഃ പ്രാഹ്ണ ഉദാത്തശക്തി-
-ര്മധ്യന്ദിനേ വിഷ്ണുരരീന്ദ്രപാണിഃ ॥ 20 ॥
ദേവോഽപരാഹ്ണേ മധുഹോഗ്രധന്വാ
സായം ത്രിധാമാവതു മാധവോ മാമ് ।
ദോഷേ ഹൃഷീകേശ ഉതാര്ധരാത്രേ
നിശീഥ ഏകോഽവതു പദ്മനാഭഃ ॥ 21 ॥
ശ്രീവത്സധാമാ¶രാത്ര ഈശഃ
പ്രത്യുഷ ഈശോഽസിധരോ ജനാര്ദനഃ ।
ദാമോദരോഽവ്യാദനുസന്ധ്യം പ്രഭാതേ
വിശ്വേശ്വരോ ഭഗവാന്കാലമൂര്തിഃ ॥ 22 ॥
ചക്രം യുഗാന്താനലതിഗ്മനേമി
ഭ്രമത്സമന്താദ്ഭഗവത്പ്രയുക്തമ് ।
ദന്ദഗ്ധി ദന്ദഗ്ധ്യരിസൈന്യമാശു
കക്ഷം യഥാ വാതസഖോ ഹുതാശഃ ॥ 23 ॥
ഗദേഽശനിസ്പര്ശനവിസ്ഫുലിങ്ഗേ
നിഷ്പിണ്ഢി നിഷ്പിണ്ഢ്യജിതപ്രിയാസി ।
കൂഷ്മാണ്ഡവൈനായകയക്ഷരക്ഷോ
ഭൂതഗ്രഹാംശ്ചൂര്ണയ ചൂര്ണയാരീന് ॥ 24 ॥
ത്വം യാതുധാനപ്രമഥപ്രേതമാതൃ-
-പിശാചവിപ്രഗ്രഹഘോരദൃഷ്ടീന് ।
ദരേന്ദ്ര വിദ്രാവയ കൃഷ്ണപൂരിതോ
ഭീമസ്വനോഽരേര്ഹൃദയാനി കമ്പയന് ॥ 25 ॥
ത്വം തിഗ്മധാരാസിവരാരിസൈന്യ-
-മീശപ്രയുക്തോ മമ ഛിന്ധി ഛിന്ധി ।
ചക്ഷൂംഷി ചര്മന് ശതചന്ദ്ര ഛാദയ
ദ്വിഷാമഘോനാം ഹര പാപചക്ഷുഷാമ് ॥ 26 ॥
യന്നോ ഭയം ഗ്രഹേഭ്യോഽഭൂത്കേതുഭ്യോ നൃഭ്യ ഏവ ച ।
സരീസൃപേഭ്യോ ദംഷ്ട്രിഭ്യോ ഭൂതേഭ്യോഽഘേഭ്യ ഏവ ച ॥ 27 ॥
സര്വാണ്യേതാനി ഭഗവന്നാമരൂപാസ്ത്രകീര്തനാത് ।
പ്രയാന്തു സങ്ക്ഷയം സദ്യോ യേ നഃ ശ്രേയഃപ്രതീപകാഃ ॥ 28 ॥
ഗരുഡോ ഭഗവാന് സ്തോത്രസ്തോമശ്ഛന്ദോമയഃ പ്രഭുഃ ।
രക്ഷത്വശേഷകൃച്ഛ്രേഭ്യോ വിഷ്വക്സേനഃ സ്വനാമഭിഃ ॥ 29 ॥
സര്വാപദ്ഭ്യോ ഹരേര്നാമരൂപയാനായുധാനി നഃ ।
ബുദ്ധീന്ദ്രിയമനഃപ്രാണാന്പാന്തു പാര്ഷദഭൂഷണാഃ ॥ 30 ॥
യഥാ ഹി ഭഗവാനേവ വസ്തുതഃ സദസച്ച യത് ।
സത്യേനാനേന നഃ സര്വേ യാന്തു നാശമുപദ്രവാഃ ॥ 31 ॥
യഥൈകാത്മ്യാനുഭാവാനാം വികല്പരഹിതഃ സ്വയമ് ।
ഭൂഷണായുധലിങ്ഗാഖ്യാ ധത്തേ ശക്തീഃ സ്വമായയാ ॥ 32 ॥
തേനൈവ സത്യമാനേന സര്വജ്ഞോ ഭഗവാന് ഹരിഃ ।
പാതു സര്വൈഃ സ്വരൂപൈര്നഃ സദാ സര്വത്ര സര്വഗഃ ॥ 33 ॥
വിദിക്ഷു ദിക്ഷൂര്ധ്വമധഃ സമന്താ-
-ദന്തര്ബഹിര്ഭഗവാന്നാരസിംഹഃ ।
പ്രഹാപയഁല്ലോകഭയം സ്വനേന
സ്വതേജസാ ഗ്രസ്തസമസ്തതേജാഃ ॥ 34 ॥
മഘവന്നിദമാഖ്യാതം വര്മ നാരായണാത്മകമ് ।
വിജേഷ്യസ്യഞ്ജസാ യേന ദംശിതോഽസുരയൂഥപാന് ॥ 35 ॥
ഏതദ്ധാരയമാണസ്തു യം യം പശ്യതി ചക്ഷുഷാ ।
പദാ വാ സംസ്പൃശേത്സദ്യഃ സാധ്വസാത്സ വിമുച്യതേ ॥ 36 ॥
ന കുതശ്ചിദ്ഭയം തസ്യ വിദ്യാം ധാരയതോ ഭവേത് ।
രാജദസ്യുഗ്രഹാദിഭ്യോ വ്യാധ്യാദിഭ്യശ്ച കര്ഹിചിത് ॥ 37 ॥
ഇമാം വിദ്യാം പുരാ കശ്ചിത്കൌശികോ ധാരയന് ദ്വിജഃ ।
യോഗധാരണയാ സ്വാങ്ഗം ജഹൌ സ മരുധന്വനി ॥ 38 ॥
തസ്യോപരി വിമാനേന ഗന്ധര്വപതിരേകദാ ।
യയൌ ചിത്രരഥഃ സ്ത്രീഭിര്വൃതോ യത്ര ദ്വിജക്ഷയഃ ॥ 39 ॥
ഗഗനാന്ന്യപതത്സദ്യഃ സവിമാനോ ഹ്യവാക്ഛിരാഃ ।
സ വാലഖില്യവചനാദസ്ഥീന്യാദായ വിസ്മിതഃ ।
പ്രാപ്യ പ്രാച്യാം സരസ്വത്യാം സ്നാത്വാ ധാമ സ്വമന്വഗാത് ॥ 40 ॥
ശ്രീ ശുക ഉവാച
യ ഇദം ശൃണുയാത്കാലേ യോ ധാരയതി ചാദൃതഃ ।
തം നമസ്യന്തി ഭൂതാനി മുച്യതേ സര്വതോ ഭയാത് ॥ 41 ॥
ഏതാം വിദ്യാമധിഗതോ വിശ്വരൂപാച്ഛതക്രതുഃ ।
ത്രൈലോക്യലക്ഷ്മീം ബുഭുജേ വിനിര്ജിത്യ മൃധേഽസുരാന് ॥ 42 ॥
ഇതി ശ്രീമദ്ഭാഗവതേ മഹാപുരാണേ ഷഷ്ഠസ്കന്ധേ നാരായണവര്മോപദേശോ നാമാഷ്ടമോഽധ്യായഃ ।
Roman (IAST) Transliteration
nyāsaḥ
aṅganyāsaḥ
oṃ oṃ pādayoḥ namaḥ |
oṃ naṃ jānunoḥ namaḥ |
oṃ moṃ ūrvoḥ namaḥ |
oṃ nāṃ udare namaḥ |
oṃ rāṃ hṛdi namaḥ |
oṃ yaṃ urasi namaḥ |
oṃ ṇāṃ mukhe namaḥ |
oṃ yaṃ śirasi namaḥ |
karanyāsaḥ
oṃ oṃ dakṣiṇatarjanyāṃ namaḥ |
oṃ naṃ dakṣiṇamadhyamāyāṃ namaḥ |
oṃ moṃ dakṣiṇānāmikāyāṃ namaḥ |
oṃ bhaṃ dakṣiṇakaniṣṭhikāyāṃ namaḥ |
oṃ gaṃ vāmakaniṣṭhikāyāṃ namaḥ |
oṃ vaṃ vāmānikāyāṃ namaḥ |
oṃ teṃ vāmamadhyamāyāṃ namaḥ |
oṃ vāṃ vāmatarjanyāṃ namaḥ |
oṃ suṃ dakṣiṇāṅguṣṭhordhvaparvaṇi namaḥ |
oṃ deṃ dakṣiṇāṅguṣṭhādhaḥ parvaṇi namaḥ |
oṃ vāṃ vāmāṅguṣṭhordhvaparvaṇi namaḥ |
oṃ yaṃ vāmāṅguṣṭhādhaḥ parvaṇi namaḥ |
viṣṇuṣaḍakṣaranyāsaḥ
oṃ oṃ hṛdaye namaḥ |
oṃ viṃ mūrdhnai namaḥ |
oṃ ṣaṃ bhrurvormadhye namaḥ |
oṃ ṇaṃ śikhāyāṃ namaḥ |
oṃ veṃ netrayoḥ namaḥ |
oṃ naṃ sarvasandhiṣu namaḥ |
oṃ maḥ prācyāṃ astrāya phaṭ |
oṃ maḥ āgneyyāṃ astrāya phaṭ |
oṃ maḥ dakṣiṇasyāṃ astrāya phaṭ |
oṃ maḥ naiṛtye astrāya phaṭ |
oṃ maḥ pratīcyāṃ astrāya phaṭ |
oṃ maḥ vāyavye astrāya phaṭ |
oṃ maḥ udīcyāṃ astrāya phaṭ |
oṃ maḥ aiśānyāṃ astrāya phaṭ |
oṃ maḥ ūrdhvāyāṃ astrāya phaṭ |
oṃ maḥ adharāyāṃ astrāya phaṭ |
śrī hariḥ
atha śrīnārāyaṇakavaca
rājovāca
yayā guptaḥ sahasrākṣaḥ savāhān ripusainikān |
krīḍanniva vinirjitya trilokyā bubhuje śriyam || 1 ||
bhagavaṃstanmamākhyāhi varma nārāyaṇātmakam |
yathā''tatāyinaḥ śatrūn yena gupto'jayanmṛdhe || 2 ||
śrī śuka uvāca
vṛtaḥ purohitastvāṣṭro mahendrāyānupṛcchate |
nārāyaṇākhyaṃ varmāha tadihaikamanāḥ śṛṇu || 3 ||
śrīviśvarūpa uvāca
dhautāṅghripāṇirācamya sapavitra udaṅmukhaḥ |
kṛtasvāṅgakaranyāso mantrābhyāṃ vāgyataḥ śuciḥ || 4 ||
nārāyaṇamayaṃ varma sannahyedbhaya āgate |
daivabhūtātmakarmabhyo nārāyaṇamayaḥ pumān || 5 ||
pādayorjānunorūrvorudare hṛdyathorasi |
mukhe śirasyānupūrvyādoṅkārādīni vinyaset || 6 ||
oṃ namo nārāyaṇāyeti viparyayamathāpi vā |
karanyāsaṃ tataḥ kuryāddvādaśākṣaravidyayā || 7 ||
praṇavādiyakārāntamaṅgulyaṅguṣṭhaparvasu |
nyaseddhṛdaya oṅkāraṃ vikāramanu mūrdhani || 8 ||
ṣakāraṃ tu bhruvormadhye ṇakāraṃ śikhayā nyaset |
vekāraṃ netrayoryuñjyānnakāraṃ sarvasandhiṣu || 9 ||
makāramastramuddiśya mantramūrtirbhavedbudhaḥ |
savisargaṃ phaḍantaṃ tatsarvadikṣu vinirdiśet || 10 ||
oṃ viṣṇave namaḥ ||
ityātmānaṃ paraṃ dhyāyeddhyeyaṃ ṣaṭchaktibhiryutam |
vidyātejastapomūrtimimaṃ mantramudāharet || 11 ||
oṃ harirvidadhyānmama sarvarakṣāṃ
nyastāṅghripadmaḥ patagendra pṛṣṭhe |
darāricarmāsigadeṣucāpa-
-pāśāndadhāno'ṣṭaguṇo'ṣṭabāhuḥ || 12 ||
jaleṣu māṃ rakṣatu matsyamūrti-
-ryādogaṇebhyo varuṇasya pāśāt |
sthaleṣu māyāvaṭuvāmano'vyā-
-ttrivikramaḥ khe'vatu viśvarūpaḥ || 13 ||
durgeṣvaṭavyājimukhādiṣu prabhuḥ
pāyānnṛsiṃho'surayūthapāriḥ |
vimuñcato yasya mahāṭṭahāsaṃ
diśo vinedurnyapataṃśca garbhāḥ || 14 ||
rakṣatvasau mādhvani yajñakalpaḥ
svadaṃṣṭrayonnītadharo varāhaḥ |
rāmo'drikūṭeṣvatha vipravāse
salakṣmaṇo'vyādbharatāgrajo'smān || 15 ||
māmugradharmādakhilātpramādā-
-nnārāyaṇaḥ pātu naraśca hāsāt |
dattastvayogādatha yoganāthaḥ
pāyādguṇeśaḥ kapilaḥ karmabandhāt || 16 ||
sanatkumāro'vatu kāmadevā-
-ddhayānano māṃ pathi devahelanāt |
devarṣivaryaḥ puruṣārcanāntarā-
-tkūrmo harirmāṃ nirayādaśeṣāt || 17 ||
dhanvantarirbhagavānpātvapathyā-
-ddvandvādbhayādṛṣabho nirjitātmā |
yajñaśca lokādavatājjanāntā-
-dbalo gaṇātkrodhavaśādahīndraḥ || 18 ||
dvaipāyano bhagavānaprabodhā-
-dbuddhastu pāṣaṇḍagaṇātpramādāt |
kalkiḥ kaleḥ kālamalātprapātu
dharmāvanāyorukṛtāvatāraḥ || 19 ||
māṃ keśavo gadayā prātaravyā-
-dgovinda āsaṅgavamāttaveṇuḥ |
nārāyaṇaḥ prāhṇa udāttaśakti-
-rmadhyandine viṣṇurarīndrapāṇiḥ || 20 ||
devo'parāhṇe madhuhogradhanvā
sāyaṃ tridhāmāvatu mādhavo mām |
doṣe hṛṣīkeśa utārdharātre
niśītha eko'vatu padmanābhaḥ || 21 ||
śrīvatsadhāmā¶rātra īśaḥ
pratyuṣa īśo'sidharo janārdanaḥ |
dāmodaro'vyādanusandhyaṃ prabhāte
viśveśvaro bhagavānkālamūrtiḥ || 22 ||
cakraṃ yugāntānalatigmanemi
bhramatsamantādbhagavatprayuktam |
dandagdhi dandagdhyarisainyamāśu
kakṣaṃ yathā vātasakho hutāśaḥ || 23 ||
gade'śanisparśanavisphuliṅge
niṣpiṇḍhi niṣpiṇḍhyajitapriyāsi |
kūṣmāṇḍavaināyakayakṣarakṣo
bhūtagrahāṃścūrṇaya cūrṇayārīn || 24 ||
tvaṃ yātudhānapramathapretamātṛ-
-piśācavipragrahaghoradṛṣṭīn |
darendra vidrāvaya kṛṣṇapūrito
bhīmasvano'rerhṛdayāni kampayan || 25 ||
tvaṃ tigmadhārāsivarārisainya-
-mīśaprayukto mama chindhi chindhi |
cakṣūṃṣi carman śatacandra chādaya
dviṣāmaghonāṃ hara pāpacakṣuṣām || 26 ||
yanno bhayaṃ grahebhyo'bhūtketubhyo nṛbhya eva ca |
sarīsṛpebhyo daṃṣṭribhyo bhūtebhyo'ghebhya eva ca || 27 ||
sarvāṇyetāni bhagavannāmarūpāstrakīrtanāt |
prayāntu saṅkṣayaṃ sadyo ye naḥ śreyaḥpratīpakāḥ || 28 ||
garuḍo bhagavān stotrastomaśchandomayaḥ prabhuḥ |
rakṣatvaśeṣakṛcchrebhyo viṣvaksenaḥ svanāmabhiḥ || 29 ||
sarvāpadbhyo harernāmarūpayānāyudhāni naḥ |
buddhīndriyamanaḥprāṇānpāntu pārṣadabhūṣaṇāḥ || 30 ||
yathā hi bhagavāneva vastutaḥ sadasacca yat |
satyenānena naḥ sarve yāntu nāśamupadravāḥ || 31 ||
yathaikātmyānubhāvānāṃ vikalparahitaḥ svayam |
bhūṣaṇāyudhaliṅgākhyā dhatte śaktīḥ svamāyayā || 32 ||
tenaiva satyamānena sarvajño bhagavān hariḥ |
pātu sarvaiḥ svarūpairnaḥ sadā sarvatra sarvagaḥ || 33 ||
vidikṣu dikṣūrdhvamadhaḥ samantā-
-dantarbahirbhagavānnārasiṃhaḥ |
prahāpaya~llokabhayaṃ svanena
svatejasā grastasamastatejāḥ || 34 ||
maghavannidamākhyātaṃ varma nārāyaṇātmakam |
vijeṣyasyañjasā yena daṃśito'surayūthapān || 35 ||
etaddhārayamāṇastu yaṃ yaṃ paśyati cakṣuṣā |
padā vā saṃspṛśetsadyaḥ sādhvasātsa vimucyate || 36 ||
na kutaścidbhayaṃ tasya vidyāṃ dhārayato bhavet |
rājadasyugrahādibhyo vyādhyādibhyaśca karhicit || 37 ||
imāṃ vidyāṃ purā kaścitkauśiko dhārayan dvijaḥ |
yogadhāraṇayā svāṅgaṃ jahau sa marudhanvani || 38 ||
tasyopari vimānena gandharvapatirekadā |
yayau citrarathaḥ strībhirvṛto yatra dvijakṣayaḥ || 39 ||
gaganānnyapatatsadyaḥ savimāno hyavākchirāḥ |
sa vālakhilyavacanādasthīnyādāya vismitaḥ |
prāpya prācyāṃ sarasvatyāṃ snātvā dhāma svamanvagāt || 40 ||
śrī śuka uvāca
ya idaṃ śṛṇuyātkāle yo dhārayati cādṛtaḥ |
taṃ namasyanti bhūtāni mucyate sarvato bhayāt || 41 ||
etāṃ vidyāmadhigato viśvarūpācchatakratuḥ |
trailokyalakṣmīṃ bubhuje vinirjitya mṛdhe'surān || 42 ||
iti śrīmadbhāgavate mahāpurāṇe ṣaṣṭhaskandhe nārāyaṇavarmopadeśo nāmāṣṭamo'dhyāyaḥ |
InfoLyter.in — Sacred Vedic Knowledge Portal · Free forever