Maya Panchakam — InfoLyter.in

📄 Save this Stotram as PDF Click the button to open the Save dialog

How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save

ॐ

മായാ പഞ്ചകം

Maya Panchakam

Panchakam Adi Shankaracharya Malayalam

നിരുപമനിത്യനിരംശകേഽപ്യഖണ്ഡേ –

മയി ചിതി സര്വവികല്പനാദിശൂന്യേ ।

ഘടയതി ജഗദീശജീവഭേദം –

ത്വഘടിതഘടനാപടീയസീ മായാ ॥ 1 ॥

ശ്രുതിശതനിഗമാന്തശോധകാന-

പ്യഹഹ ധനാദിനിദര്ശനേന സദ്യഃ ।

കലുഷയതി ചതുഷ്പദാദ്യഭിന്നാ-

നഘടിതഘടനാപടീയസീ മായാ ॥ 2 ॥

സുഖചിദഖണ്ഡവിബോധമദ്വിതീയം –

വിയദനലാദിവിനിര്മിതേ നിയോജ്യ ।

ഭ്രമയതി ഭവസാഗരേ നിതാന്തം –

ത്വഘടിതഘടനാപടീയസീ മായാ ॥ 3 ॥

അപഗതഗുണവര്ണജാതിഭേദേ –

സുഖചിതി വിപ്രവിഡാദ്യഹങ്കൃതിം ച ।

സ്ഫുടയതി സുതദാരഗേഹമോഹം –

ത്വഘടിതഘടനാപടീയസീ മായാ ॥ 4 ॥

വിധിഹരിഹരവിഭേദമപ്യഖണ്ഡേ –

ബത വിരചയ്യ ബുധാനപി പ്രകാമമ് ।

ഭ്രമയതി ഹരിഹരഭേദഭാവാ-

നഘടിതഘടനാപടീയസീ മായാ ॥ 5 ॥

Roman (IAST) Transliteration

nirupamanityaniraṃśake'pyakhaṇḍe –

mayi citi sarvavikalpanādiśūnye |

ghaṭayati jagadīśajīvabhedaṃ –

tvaghaṭitaghaṭanāpaṭīyasī māyā || 1 ||

śrutiśatanigamāntaśodhakāna-

pyahaha dhanādinidarśanena sadyaḥ |

kaluṣayati catuṣpadādyabhinnā-

naghaṭitaghaṭanāpaṭīyasī māyā || 2 ||

sukhacidakhaṇḍavibodhamadvitīyaṃ –

viyadanalādivinirmite niyojya |

bhramayati bhavasāgare nitāntaṃ –

tvaghaṭitaghaṭanāpaṭīyasī māyā || 3 ||

apagataguṇavarṇajātibhede –

sukhaciti vipraviḍādyahaṅkṛtiṃ ca |

sphuṭayati sutadāragehamohaṃ –

tvaghaṭitaghaṭanāpaṭīyasī māyā || 4 ||

vidhihariharavibhedamapyakhaṇḍe –

bata viracayya budhānapi prakāmam |

bhramayati hariharabhedabhāvā-

naghaṭitaghaṭanāpaṭīyasī māyā || 5 ||