📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
മാങ്ഗല്യ സ്തവഃ
Mangalya Stavah
Malayalam
ദാല്ഭ്യഃ
കാര്യാരമ്ഭേഷു സര്വേഷു ദുഃസ്വപ്നേഷു ച സത്തമ ।
അമാങ്ഗല്യേഷു ദൃഷ്ടേഷു യജ്ജപ്തവ്യം തദുച്യതാമ് ॥ 1 ॥
യേനാരമ്ഭാശ്ച സിദ്ധ്യന്തി ദുഃസ്വപ്നശ്ചോപശാമ്യതി ।
അമങ്ഗലാനാം ദൃഷ്ടാനാം പരിഹാരശ്ച ജായതേ ॥ 2 ॥
ശ്രീ പുലസ്ത്യഃ:
ജനാര്ദനം ഭൂതപതിം ജഗദ്ഗുരും സ്മരന് മനുഷ്യഃ സതതം മഹാമുനേ ।
ദുഷ്ടാന്യശേഷണ്യപഹന്തി സാധയതി അശേഷകാര്യാണി ച യാന്യഭീപ്സതി ॥ 3 ॥
ശൃണുഷ്വ ചാന്യത് ഗദതോ മമാഖിലം വദാമി യത് തേ ദ്വിജവര്യ! മങ്ഗലമ് ।
സര്വാര്ഥസിദ്ധിം പ്രദദാതി യത് സദാ നിഹന്ത്യ്ശേഷാണി ച പാതകാനി ॥ 4 ॥
പ്രതിഷ്ടിതം യത്ര ജഗച്ചരാചരം ജഗത്ത്രയേ യോ ജഗതശ്ച ഹേതുഃ ।
ജഗച്ച പാത്യത്തി ച യഃ സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 5 ॥
വ്യോമാമ്ബുവായ്വഗ്നിമഹീസ്വരൂപൈഃ വിസ്താരവാന് യോഽണുതരോഽണുഭാവാത് ।
അസ്ഥൂലസൂക്ഷ്മഃ സതതം പരേശ്വരോ മമാസ്തു മാങ്ഗല്യവിവൃദ്ധയേ ഹരിഃ ॥ 6 ॥
യസ്മാത് പരസ്മാത് പുരുഷാദനന്താത് അനാദിമധ്യാദധികം ന കിഞ്ചിത് ।
സ ഹേതുഹേതുഃ പരമേശ്വരേശ്വരഃ മമാസ്തു മാങ്ഗല്യവിവൃദ്ധയേ ഹരിഃ ॥ 7 ॥
ഹിരണ്യഗര്ഭാച്യുതരുദ്രരൂപീ സൃജത്യശേഷം പരിപാതി ഹന്തി ।
ഗുണാഗ്രണീര്യോ ഭഗവാന് സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 8 ॥
പരഃ സുരാണാം പരമോഽസുരാണാം പരോ യതീനാം പരമോ മുനീനാമ് ।
പരഃ സമസ്തസ്യ ച യഃ സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 9 ॥
ധ്യാതോ മുനീനാമപകല്മഷൈര്യോ ദദാതി മുക്തിം പരമേശ്വരേശ്വരഃ ।
മനോഭിരാമഃ പുരുഷഃ സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 10 ॥
സുരേന്ദ്രവൈവസ്വതവിത്തപാമ്ബുപസ്വരൂപരൂപീ പരിപാതി യോ ജഗത് ।
സ ശുദ്ധശുദ്ധഃ പരമേശ്വരേശ്വരോ മമാസ്തു മാങ്ഗല്യവിവൃദ്ധയേ ഹരിഃ ॥ 11 ॥
യന്നാമസങ്കീര്തനതോ വിമുച്യതേ ഹ്യനേകജന്മാര്ജിതപാപസഞ്ചയാത് ।
പാപേന്ധനാഗ്നിഃ സ സദൈവ നിര്മലോ മമാസ്തു മാങ്ഗല്യവിവൃദ്ധയേ ഹരിഃ ॥ 12 ॥
യേനോദ്ധൃതേയം ധരണീ രസാതലാത് അശേഷസൃഷ്ടിസ്ഥിതികാരണാദികമ് ।
ബിഭര്തി വിശ്വം ജഗതഃ സ മൂലം മമാസ്തു മാങ്ഗല്യവിവൃദ്ധയേ ഹരിഃ ॥ 13 ॥
പാദേഷു വേദാ ജഠരേ ചരാചരം രോമസ്വശേഷാ മുനയോ മുഖേ മഖാഃ ।
യസ്യേശ്വരേശസ്യ സ സര്വദാ പ്രഭുഃ മമാസ്തു മാങ്ഗല്യവിവൃദ്ധയേ ഹരിഃ ॥ 14 ॥
സമസ്ത യജ്ഞാങ്ഗമയം വപുഃ പ്രഭോഃ യസ്യാങ്ഗമീശേശ്വരസംസ്തുതസ്യ ।
വരാഹരൂപീ ഭഗവാന് സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 15 ॥
വിക്ഷോഭ്യ സര്വോദധിതോയസമ്ഭവം ദധാര ധാത്രീം ജഗതശ്ച യോ ഭുവമ് ।
യജ്ഞേശ്വരോ യജ്ഞപുമാന് സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 16 ॥
പാതാലമൂലേശ്വരഭോഗിസംഹതോ വിന്യസ്യ പാദൌ പൃതിവീം ച ബിഭ്രതഃ ।
യസ്യോപമാനം ന ബഭൂവ സോഽച്യുതോ മമാസ്തു മാങ്ഗല്യവിവൃദ്ധയേ ഹരിഃ ॥ 17 ॥
സഘര്ഘരം യസ്യ ച ബൃംഹിതം മുഹുഃ സനന്ദനാദ്യൈര്ജനലോകസംശ്രിതൈഃ ।
ശ്രുതം ജയേത്യുക്തിപരൈഃ സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 18 ॥
ഏകാര്ണവാദ് യസ്യ മഹീയസൌ മഹീം ആദായ വേഗേന ഖമുത്പതിഷ്യതഃ ।
നതം വപുര്യോഗിവരൈഃ സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 19 ॥
ഹതോ ഹിരണ്യാക്ഷമഹാസുരഃ പുരാ പുരാണപുംസാ പരമേണ യേന ।
വരാഹരൂപഃ സ പതിഃ പ്രജാപതിഃ മമാസ്തു മാങ്ഗല്യവിവൃദ്ധയേ ഹരിഃ ॥ 20 ॥
ദംഷ്ട്രാകരാലം സുരഭീതിനാശകം കൃതം വപുര്ദിവ്യനൃസിംഹരൂപിണാ ।
ത്രാതും ജഗത് യേന സ സര്വദാ പ്രഭുഃ മമാസ്തു മാങ്ഗല്യവിവൃദ്ധയേ ഹരിഃ ॥ 21 ॥
ദൈത്യേന്ദ്രവക്ഷഃസ്ഥലദാരദാരുണൈഃ
കരേരുഹൈര്യഃ ക്രകചാനുകാരിഭിഃ ।
വിച്ഛേദ ലോകസ്യ ഭയാനി സോഽച്യുതോ
മമാസ്തു മാങ്ഗല്യവിവൃദ്ധയേ ഹരിഃ ॥ 22 ॥
ദന്താന്തദീപ്തദ്യുതിനിര്മലാനി യഃ ചകാര സര്വാണി ദിശാം മുഖാനി ।
നിനാദവിത്രാസിതദാനവോ ഹ്യസൌ മമാസ്തു മാങ്ഗല്യവിവൃദ്ധയേ ഹരിഃ ॥ 23 ॥
യന്നാമസങ്കീര്തനതോ മഹാഭയാത് വിമോക്ഷമാപ്നോതി ന സംശയം നരഃ ।
സ സര്വലോകാര്തിഹരോ നൃകേസരീ മമാസ്തു മാങ്ഗല്യവിവൃദ്ധയേ ഹരിഃ ॥ 24 ॥
സടാകരാലഭ്രമണാനിലാഹതാഃ സ്ഫുടന്തി യസ്യാമ്ബുധരാഃ സമന്തതഃ ।
സ ദിവ്യസിംഹഃ സ്ഫുരിതാനലേക്ഷണോ മമാസ്തു മാങ്ഗല്യവിവൃദ്ധയേ ഹരിഃ ॥ 25 ॥
യദീക്ഷണജ്യോതിഷി രശ്മിമണ്ഡലം പ്രലീനമീഷന്ന രരാജ ഭാസ്വതഃ ।
കുതഃ ശശാങ്കസ്യ സ ദിവ്യരൂപധൃക് മമാസ്തു മാങ്ഗല്യവിവൃദ്ധയേ ഹരിഃ ॥ 26 ॥
അശേഷദേവേശനരേശ്വരേശ്വരൈഃ സദാ സ്തുതം യച്ചരിതം മഹാദ്ഭുതമ് ।
സ സര്വലോകാര്തിഹരോ മഹാഹരിഃ മമാസ്തു മാങ്ഗല്യവിവൃദ്ധയേ ഹരിഃ ॥ 27 ॥
ദ്രവന്തി ദൈത്യാഃ പ്രണമന്തി ദേവതാഃ നശ്യന്തി രക്ഷാംസി അപയാന്തി ചാരയഃ ।
യത്കീര്തനാത് സോഽദ്ഭുതരൂപകേസരീ മമാസ്തു മാങ്ഗല്യവിവൃദ്ധയേ ഹരിഃ ॥ 28 ॥
ഋക്പാവിതം യോ യജുഷാ ഹി ശ്രീമത് സാമധ്വനിധ്വസ്തസമസ്തപാതകമ് ।
ചക്രേ ജഗത് വാമനകഃ സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 29 ॥
യത്പാദവിന്യാസപവിത്രതാം മഹീ യയൌ വിയച്ചര്ഗ്യജുഷാമുദീരണാത് ।
സ വാമനോ ദിവ്യശരീരരൂപദൃം മമാസ്തു മാങ്ഗല്യവിവൃദ്ധയേ ഹരിഃ ॥ 30 ॥
യസ്മിന് പ്രയാതേഽസുരഭൂഭൃതോഽധ്വരാത് നനാമ ഖേദാദവനിഃ സസാഗരാ ।
സ വാമനഃ സര്വജഗന്മയഃ സദാ മമാസ്തു മാങ്ഗല്യവിവൃദ്ധയേ ഹരിഃ ॥ 31 ॥
മഹാദ്ഭുതേ ദൈത്യപതേര്മഹാധ്വരേ യസ്മിന് പ്രവിഷ്ടേ ക്ഷുഭിതം മഹാസുരൈഃ ।
സ വാമനോഽന്തസ്ഥിതസപ്തലോകധൃം മമാസ്തു മാങ്ഗല്യവിവൃദ്ധയേ ഹരിഃ ॥ 32 ॥
സങ്ഘൈഃ സുരാണാം ദിവി ഭൂതലസ്ഥിതൈഃ തഥാ മനുഷ്യൈര്ഗഗനേ ച ഖേചരൈഃ ।
സ്തുതഃ ക്രമാദ് യഃ പ്രച്ചാര സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 33 ॥
ക്രാന്ത്വാ ധരിത്രീം ഗഗനം തഥാ ദിവം മരുത്പതേര്യഃ പ്രദദൌ ത്രിവിഷ്ടപമ് ।
സ ദേവദേവോ ഭുവനേശ്വരേശ്വരോ മമാസ്തു മാങ്ഗല്യവിവൃദ്ധയേ ഹരിഃ ॥ 34 ॥
അനുഗ്രഹം ചാപി ബലേരനുത്ത്മം ചകാര യശ്ചേന്ദ്രപദോപമം ക്ഷണാത് ।
സുരാംശ്ച യജ്ഞാംശഭുജഃ സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 35 ॥
രസാതലാദ് യേന പുരാ സമാഹൃതാഃ സമസ്തവേദാ ജലചാരരിരൂപിണാ ।
സ കൈടഭാരിമധുഹാഽമ്ബുശായീ മമാസ്തു മാങ്ഗല്യവിവൃദ്ധയേ ഹരിഃ ॥ 36 ॥
നിഃക്ഷത്രിയം യശ്ച ചകാര മേദിനീം അനേകശോ ബാഹുവനം തഥാഽച്ഛിനത് ।
യഃ കാര്തവീര്യസ്യ സ ഭാര്ഗവോത്തമോ മമാസ്തു മാങ്ഗല്യവിവൃദ്ധയേ ഹരിഃ ॥ 37 ॥
നിഹത്യ യോ വാലിനമുഗ്രവിക്രമം
നിബദ്ധ്യ സേതും ജലധൌ ദശാനനമ് ।
ജഘാന ചാന്യാന് രജനീചരാന് അസൌ
മമാസ്തു മാങ്ഗല്യവിവൃദ്ധയേ ഹരിഃ ॥ 38 ॥
ചിക്ഷേപ ബാലഃ ശകടം, ബഭഞ്ജ യോ യമാര്ജുനം, കംസമരിം ജഘാന ച ।
മമര്ദ ചാണൂരമുഖാന് സ സര്വദാ മമാസ്തു മാങ്ഗല്യവിവൃദ്ധയേ ഹരിഃ ॥ 39 ॥
പ്രാതഃ സഹസ്രാംശുമരീചിനിര്മലം കരേണ ബിഭ്രത് ഭഗവാന് സുദര്ശനമ് ।
കൌമോദകീ ചാപി ഗദാമനന്തോ മമാസ്തു മാങ്ഗല്യവിവൃദ്ധയേ ഹരിഃ ॥ 40 ॥
ഹിമേന്ദുകുന്ദസ്ഫടികാഭനിര്മലം മുഖാനിലാപൂരിതമീശ്വരേശ്വരഃ ।
മധ്യാഹ്നകാലേഽപി സ ശന്ഖമുദ്വഹന് മമാസ്തു മാങ്ഗല്യവിവൃദ്ധയേ ഹരിഃ ॥ 41 ॥
തഥാപരാഹ്ണേ പ്രവികാസി പങ്കജം വക്ഷസ്ഥലേന ശ്രിയമുദ്വഹന് ഹരിഃ ।
വിസ്താരിപദ്മായതപത്രലോചനോ മമാസ്തു മാങ്ഗല്യവിവൃദ്ധയേ ഹരിഃ ॥ 42 ॥
സര്വേഷു കാലേഷു സമസ്തദേശേഷു അശേഷകാര്യേഷു തഥേശ്വരേശ്വരഃ ।
സര്വൈഃ സ്വരൂപൈര്ഭഗവാന് അനാദിമാന് മമാസ്തു മാങ്ഗല്യവിവൃദ്ധയേ ഹരിഃ ॥ 43 ॥
ഏതത് പഠന് ദാല്ഭ്യ സമസ്തപാപൈഃ
വിമുച്യതേ വിഷ്ണുപരോ മനുഷ്യഃ ।
സിദ്ധ്യന്തി കാര്യാണി തഥാഽസ്യ സര്വാന്
അര്ഥാനവാപ്നോതി യഥേച്ഛതേ താന് ॥ 44 ॥
ദുഃസ്വപ്നഃ പ്രശമമുപൈതി പഠ്യമാനേ
സ്തോത്രേഽസ്മിന് ശ്രവണവിധൌ സദോദ്യതസ്യ ।
പ്രാരമ്ഭോ ദ്രുതമുപയാതി സിദ്ധിമീശഃ
പാപാനി ക്ഷപയതി ചാസ്യ ദേവദേവഃ ॥ 45 ॥
മാങ്ഗല്യം പരമപദം സദാഽര്ഥസിദ്ധിം
നിര്വിഘ്നാമധികഫലാം ശ്രിയം ദദാതി ।
കിം ലോകേ തദിഹ പരത്ര ചാപി പുംസാം
യദ്വിഷ്ണുപ്രവണധിയാം ന ദാല്ഭ്യ! സാധ്യമ് ॥ 46 ॥
ദേവേന്ദ്രസ്ത്രിഭുവനമര്ഥമേകപിങ്ഗഃ
സംസിദ്ധിം ത്രിഭുവനഗാം ച കാര്തവീര്യഃ ।
വൈദേഹഃ പരമപദം പ്രസാദ്യ വിഷ്ണും
സമ്പ്രാപ്താഃ സകലഫലപ്രദോ ഹി വിഷ്ണുഃ ॥ 47 ॥
സര്വാരമ്ഭേഷു ദാല്ഭ്യൈതദ് ദുഃസ്വപ്നേഷു ച പണ്ഡിതഃ ।
ജപേദേകമനാ വിഷ്ണൌ തഥാഽമങ്ഗല്യദര്ശനേ ॥ 48 ॥
ശമം പ്രയാന്തി ദുഷ്ടാനി ഗ്രഹപീഡാശ്ച ദാരുണാഃ ।
കര്മാരമ്ഭാശ്ച സിദ്ധ്യന്തി പുണ്യമാപ്നോതി ചോത്തമമ് ॥ 49 ॥
ഹരിര്ദദാതി ഭദ്രാണി മങ്ഗല്യസ്തുതിസംസ്തുതഃ ।
കരോത്യഖിലരൂപൈസ്തു രക്ഷാമക്ഷതശക്തിഭൃത് ॥ 50 ॥
॥ ശ്രീവിഷ്ണുധര്മോത്തരാന്തര്ഗതഃ മാങ്ഗല്യസ്തവഃ സമ്പൂര്ണഃ ॥
Roman (IAST) Transliteration
dālbhyaḥ
kāryārambheṣu sarveṣu duḥsvapneṣu ca sattama |
amāṅgalyeṣu dṛṣṭeṣu yajjaptavyaṃ taducyatām || 1 ||
yenārambhāśca siddhyanti duḥsvapnaścopaśāmyati |
amaṅgalānāṃ dṛṣṭānāṃ parihāraśca jāyate || 2 ||
śrī pulastyaḥ:
janārdanaṃ bhūtapatiṃ jagadguruṃ smaran manuṣyaḥ satataṃ mahāmune |
duṣṭānyaśeṣaṇyapahanti sādhayati aśeṣakāryāṇi ca yānyabhīpsati || 3 ||
śṛṇuṣva cānyat gadato mamākhilaṃ vadāmi yat te dvijavarya! maṅgalam |
sarvārthasiddhiṃ pradadāti yat sadā nihantyśeṣāṇi ca pātakāni || 4 ||
pratiṣṭitaṃ yatra jagaccarācaraṃ jagattraye yo jagataśca hetuḥ |
jagacca pātyatti ca yaḥ sa sarvadā mamāstu māṅgalyavivṛddhaye hariḥ || 5 ||
vyomāmbuvāyvagnimahīsvarūpaiḥ vistāravān yo'ṇutaro'ṇubhāvāt |
asthūlasūkṣmaḥ satataṃ pareśvaro mamāstu māṅgalyavivṛddhaye hariḥ || 6 ||
yasmāt parasmāt puruṣādanantāt anādimadhyādadhikaṃ na kiñcit |
sa hetuhetuḥ parameśvareśvaraḥ mamāstu māṅgalyavivṛddhaye hariḥ || 7 ||
hiraṇyagarbhācyutarudrarūpī sṛjatyaśeṣaṃ paripāti hanti |
guṇāgraṇīryo bhagavān sa sarvadā mamāstu māṅgalyavivṛddhaye hariḥ || 8 ||
paraḥ surāṇāṃ paramo'surāṇāṃ paro yatīnāṃ paramo munīnām |
paraḥ samastasya ca yaḥ sa sarvadā mamāstu māṅgalyavivṛddhaye hariḥ || 9 ||
dhyāto munīnāmapakalmaṣairyo dadāti muktiṃ parameśvareśvaraḥ |
manobhirāmaḥ puruṣaḥ sa sarvadā mamāstu māṅgalyavivṛddhaye hariḥ || 10 ||
surendravaivasvatavittapāmbupasvarūparūpī paripāti yo jagat |
sa śuddhaśuddhaḥ parameśvareśvaro mamāstu māṅgalyavivṛddhaye hariḥ || 11 ||
yannāmasaṅkīrtanato vimucyate hyanekajanmārjitapāpasañcayāt |
pāpendhanāgniḥ sa sadaiva nirmalo mamāstu māṅgalyavivṛddhaye hariḥ || 12 ||
yenoddhṛteyaṃ dharaṇī rasātalāt aśeṣasṛṣṭisthitikāraṇādikam |
bibharti viśvaṃ jagataḥ sa mūlaṃ mamāstu māṅgalyavivṛddhaye hariḥ || 13 ||
pādeṣu vedā jaṭhare carācaraṃ romasvaśeṣā munayo mukhe makhāḥ |
yasyeśvareśasya sa sarvadā prabhuḥ mamāstu māṅgalyavivṛddhaye hariḥ || 14 ||
samasta yajñāṅgamayaṃ vapuḥ prabhoḥ yasyāṅgamīśeśvarasaṃstutasya |
varāharūpī bhagavān sa sarvadā mamāstu māṅgalyavivṛddhaye hariḥ || 15 ||
vikṣobhya sarvodadhitoyasambhavaṃ dadhāra dhātrīṃ jagataśca yo bhuvam |
yajñeśvaro yajñapumān sa sarvadā mamāstu māṅgalyavivṛddhaye hariḥ || 16 ||
pātālamūleśvarabhogisaṃhato vinyasya pādau pṛtivīṃ ca bibhrataḥ |
yasyopamānaṃ na babhūva so'cyuto mamāstu māṅgalyavivṛddhaye hariḥ || 17 ||
saghargharaṃ yasya ca bṛṃhitaṃ muhuḥ sanandanādyairjanalokasaṃśritaiḥ |
śrutaṃ jayetyuktiparaiḥ sa sarvadā mamāstu māṅgalyavivṛddhaye hariḥ || 18 ||
ekārṇavād yasya mahīyasau mahīṃ ādāya vegena khamutpatiṣyataḥ |
nataṃ vapuryogivaraiḥ sa sarvadā mamāstu māṅgalyavivṛddhaye hariḥ || 19 ||
hato hiraṇyākṣamahāsuraḥ purā purāṇapuṃsā parameṇa yena |
varāharūpaḥ sa patiḥ prajāpatiḥ mamāstu māṅgalyavivṛddhaye hariḥ || 20 ||
daṃṣṭrākarālaṃ surabhītināśakaṃ kṛtaṃ vapurdivyanṛsiṃharūpiṇā |
trātuṃ jagat yena sa sarvadā prabhuḥ mamāstu māṅgalyavivṛddhaye hariḥ || 21 ||
daityendravakṣaḥsthaladāradāruṇaiḥ
kareruhairyaḥ krakacānukāribhiḥ |
viccheda lokasya bhayāni so'cyuto
mamāstu māṅgalyavivṛddhaye hariḥ || 22 ||
dantāntadīptadyutinirmalāni yaḥ cakāra sarvāṇi diśāṃ mukhāni |
ninādavitrāsitadānavo hyasau mamāstu māṅgalyavivṛddhaye hariḥ || 23 ||
yannāmasaṅkīrtanato mahābhayāt vimokṣamāpnoti na saṃśayaṃ naraḥ |
sa sarvalokārtiharo nṛkesarī mamāstu māṅgalyavivṛddhaye hariḥ || 24 ||
saṭākarālabhramaṇānilāhatāḥ sphuṭanti yasyāmbudharāḥ samantataḥ |
sa divyasiṃhaḥ sphuritānalekṣaṇo mamāstu māṅgalyavivṛddhaye hariḥ || 25 ||
yadīkṣaṇajyotiṣi raśmimaṇḍalaṃ pralīnamīṣanna rarāja bhāsvataḥ |
kutaḥ śaśāṅkasya sa divyarūpadhṛk mamāstu māṅgalyavivṛddhaye hariḥ || 26 ||
aśeṣadeveśanareśvareśvaraiḥ sadā stutaṃ yaccaritaṃ mahādbhutam |
sa sarvalokārtiharo mahāhariḥ mamāstu māṅgalyavivṛddhaye hariḥ || 27 ||
dravanti daityāḥ praṇamanti devatāḥ naśyanti rakṣāṃsi apayānti cārayaḥ |
yatkīrtanāt so'dbhutarūpakesarī mamāstu māṅgalyavivṛddhaye hariḥ || 28 ||
ṛkpāvitaṃ yo yajuṣā hi śrīmat sāmadhvanidhvastasamastapātakam |
cakre jagat vāmanakaḥ sa sarvadā mamāstu māṅgalyavivṛddhaye hariḥ || 29 ||
yatpādavinyāsapavitratāṃ mahī yayau viyaccargyajuṣāmudīraṇāt |
sa vāmano divyaśarīrarūpadṛṃ mamāstu māṅgalyavivṛddhaye hariḥ || 30 ||
yasmin prayāte'surabhūbhṛto'dhvarāt nanāma khedādavaniḥ sasāgarā |
sa vāmanaḥ sarvajaganmayaḥ sadā mamāstu māṅgalyavivṛddhaye hariḥ || 31 ||
mahādbhute daityapatermahādhvare yasmin praviṣṭe kṣubhitaṃ mahāsuraiḥ |
sa vāmano'ntasthitasaptalokadhṛṃ mamāstu māṅgalyavivṛddhaye hariḥ || 32 ||
saṅghaiḥ surāṇāṃ divi bhūtalasthitaiḥ tathā manuṣyairgagane ca khecaraiḥ |
stutaḥ kramād yaḥ praccāra sarvadā mamāstu māṅgalyavivṛddhaye hariḥ || 33 ||
krāntvā dharitrīṃ gaganaṃ tathā divaṃ marutpateryaḥ pradadau triviṣṭapam |
sa devadevo bhuvaneśvareśvaro mamāstu māṅgalyavivṛddhaye hariḥ || 34 ||
anugrahaṃ cāpi baleranuttmaṃ cakāra yaścendrapadopamaṃ kṣaṇāt |
surāṃśca yajñāṃśabhujaḥ sa sarvadā mamāstu māṅgalyavivṛddhaye hariḥ || 35 ||
rasātalād yena purā samāhṛtāḥ samastavedā jalacārarirūpiṇā |
sa kaiṭabhārimadhuhā'mbuśāyī mamāstu māṅgalyavivṛddhaye hariḥ || 36 ||
niḥkṣatriyaṃ yaśca cakāra medinīṃ anekaśo bāhuvanaṃ tathā'cchinat |
yaḥ kārtavīryasya sa bhārgavottamo mamāstu māṅgalyavivṛddhaye hariḥ || 37 ||
nihatya yo vālinamugravikramaṃ
nibaddhya setuṃ jaladhau daśānanam |
jaghāna cānyān rajanīcarān asau
mamāstu māṅgalyavivṛddhaye hariḥ || 38 ||
cikṣepa bālaḥ śakaṭaṃ, babhañja yo yamārjunaṃ, kaṃsamariṃ jaghāna ca |
mamarda cāṇūramukhān sa sarvadā mamāstu māṅgalyavivṛddhaye hariḥ || 39 ||
prātaḥ sahasrāṃśumarīcinirmalaṃ kareṇa bibhrat bhagavān sudarśanam |
kaumodakī cāpi gadāmananto mamāstu māṅgalyavivṛddhaye hariḥ || 40 ||
himendukundasphaṭikābhanirmalaṃ mukhānilāpūritamīśvareśvaraḥ |
madhyāhnakāle'pi sa śankhamudvahan mamāstu māṅgalyavivṛddhaye hariḥ || 41 ||
tathāparāhṇe pravikāsi paṅkajaṃ vakṣasthalena śriyamudvahan hariḥ |
vistāripadmāyatapatralocano mamāstu māṅgalyavivṛddhaye hariḥ || 42 ||
sarveṣu kāleṣu samastadeśeṣu aśeṣakāryeṣu tatheśvareśvaraḥ |
sarvaiḥ svarūpairbhagavān anādimān mamāstu māṅgalyavivṛddhaye hariḥ || 43 ||
etat paṭhan dālbhya samastapāpaiḥ
vimucyate viṣṇuparo manuṣyaḥ |
siddhyanti kāryāṇi tathā'sya sarvān
arthānavāpnoti yathecchate tān || 44 ||
duḥsvapnaḥ praśamamupaiti paṭhyamāne
stotre'smin śravaṇavidhau sadodyatasya |
prārambho drutamupayāti siddhimīśaḥ
pāpāni kṣapayati cāsya devadevaḥ || 45 ||
māṅgalyaṃ paramapadaṃ sadā'rthasiddhiṃ
nirvighnāmadhikaphalāṃ śriyaṃ dadāti |
kiṃ loke tadiha paratra cāpi puṃsāṃ
yadviṣṇupravaṇadhiyāṃ na dālbhya! sādhyam || 46 ||
devendrastribhuvanamarthamekapiṅgaḥ
saṃsiddhiṃ tribhuvanagāṃ ca kārtavīryaḥ |
vaidehaḥ paramapadaṃ prasādya viṣṇuṃ
samprāptāḥ sakalaphalaprado hi viṣṇuḥ || 47 ||
sarvārambheṣu dālbhyaitad duḥsvapneṣu ca paṇḍitaḥ |
japedekamanā viṣṇau tathā'maṅgalyadarśane || 48 ||
śamaṃ prayānti duṣṭāni grahapīḍāśca dāruṇāḥ |
karmārambhāśca siddhyanti puṇyamāpnoti cottamam || 49 ||
harirdadāti bhadrāṇi maṅgalyastutisaṃstutaḥ |
karotyakhilarūpaistu rakṣāmakṣataśaktibhṛt || 50 ||
|| śrīviṣṇudharmottarāntargataḥ māṅgalyastavaḥ sampūrṇaḥ ||
InfoLyter.in — Sacred Vedic Knowledge Portal · Free forever