Ketu Ashtottara Shata Nama Stotram

ॐ

കേതു അഷ്ടോത്തര ശത നാമ സ്തോത്രമ്

Tara Ashtottara Sata Namavali Malayalam

ശൃണു നാമാനി ജപ്യാനി കേതോ രഥ മഹാമതേ ।

കേതുഃ സ്ഥൂലശിരാശ്ചൈവ ശിരോമാത്രോ ധ്വജാകൃതിഃ ॥ 1 ॥

നവഗ്രഹയുതഃ സിംഹികാസുരീഗര്ഭസമ്ഭവഃ ।

മഹാഭീതികരശ്ചിത്രവര്ണോ വൈ പിങ്ഗലാക്ഷകഃ ॥ 2 ॥

സ ഫലോധൂമ്രസങ്കാശഃ തീക്ഷ്ണദംഷ്ട്രോ മഹോരഗഃ ।

രക്തനേത്രശ്ചിത്രകാരീ തീവ്രകോപോ മഹാസുരഃ ॥ 3 ॥

ക്രൂരകണ്ഠഃ ക്രോധനിധിശ്ഛായാഗ്രഹവിശേഷകഃ ।

അന്ത്യഗ്രഹോ മഹാശീര്ഷോ സൂര്യാരിഃ പുഷ്പവദ്ഗ്രഹീ ॥ 4 ॥

വരഹസ്തോ ഗദാപാണിശ്ചിത്രവസ്ത്രധരസ്തഥാ ।

ചിത്രധ്വജപതാകശ്ച ഘോരശ്ചിത്രരഥഃ ശിഖീ ॥ 5 ॥

കുലുത്ഥഭക്ഷകശ്ചൈവ വൈഡൂര്യാഭരണസ്തഥാ ।

ഉത്പാതജനകഃ ശുക്രമിത്രം മന്ദസഖസ്തഥാ ॥ 6 ॥

ഗദാധരഃ നാകപതിഃ അന്തര്വേദീശ്വരസ്തഥാ ।

ജൈമിനീഗോത്രജശ്ചിത്രഗുപ്താത്മാ ദക്ഷിണാമുഖഃ ॥ 7 ॥

മുകുന്ദവരപാത്രം ച മഹാസുരകുലോദ്ഭവഃ ।

ഘനവര്ണോ ലമ്ബദേഹോ മൃത്യുപുത്രസ്തഥൈവ ച ॥ 8 ॥

ഉത്പാതരൂപധാരീ ചാഽദൃശ്യഃ കാലാഗ്നിസന്നിഭഃ ।

നൃപീഡോ ഗ്രഹകാരീ ച സര്വോപദ്രവകാരകഃ ॥ 9 ॥

ചിത്രപ്രസൂതോ ഹ്യനലഃ സര്വവ്യാധിവിനാശകഃ ।

അപസവ്യപ്രചാരീ ച നവമേ പാപദായകഃ ॥ 10 ॥

പഞ്ചമേ ശോകദശ്ചോപരാഗഖേചര ഏവ ച ।

അതിപുരുഷകര്മാ ച തുരീയേ (തു) സുഖപ്രദഃ ॥ 11 ॥

തൃതീയേ വൈരദഃ പാപഗ്രഹശ്ച സ്ഫോടകാരകഃ ।

പ്രാണനാഥഃ പഞ്ചമേ തു ശ്രമകാരക ഏവ ച ॥ 12 ॥

ദ്വിതീയേഽസ്ഫുടവാഗ്ദാതാ വിഷാകുലിതവക്ത്രകഃ ।

കാമരൂപീ സിംഹദന്തഃ സത്യേപ്യനൃതവാനപി ॥ 13 ॥

ചതുര്ഥേ മാതൃനാശശ്ച നവമേ പിതൃനാശകഃ ।

അന്ത്യേ വൈരപ്രദശ്ചൈവ സുതാനന്ദനബന്ധകഃ ॥ 14 ॥

സര്പാക്ഷിജാതോഽനങ്ഗശ്ച കര്മരാശ്യുദ്ഭവസ്തഥാ ।

ഉപാന്തേ കീര്തിദശ്ചൈവ സപ്തമേ കലഹപ്രദഃ ॥ 15 ॥

അഷ്ടമേ വ്യാധികര്താ ച ധനേ ബഹുസുഖപ്രദഃ ।

ജനനേ രോഗദശ്ചോര്ധ്വമൂര്ധജോ ഗ്രഹനായകഃ ॥ 16 ॥

പാപദൃഷ്ടിഃ ഖേചരശ്ച ശാമ്ഭവോഽശേഷപൂജിതഃ ।

ശാശ്വതശ്ച നടശ്ചൈവ ശുഭാഽശുഭഫലപ്രദഃ ॥ 17 ॥

ധൂമ്രശ്ചൈവ സുധാപായീ ഹ്യജിതോ ഭക്തവത്സലഃ ।

സിംഹാസനഃ കേതുമൂര്തീ രവീന്ദുദ്യുതിനാശകഃ ॥ 18 ॥

അമരഃ പീഡകോഽമര്ത്യോ വിഷ്ണുദൃഷ്ടോഽസുരേശ്വരഃ ।

ഭക്തരക്ഷോഽഥ വൈചിത്ര്യകപടസ്യന്ദനസ്തഥാ ॥ 19 ॥

വിചിത്രഫലദായീ ച ഭക്താഭീഷ്ടഫലപ്രദഃ ।

ഏതത്കേതുഗ്രഹസ്യോക്തം നാമ്നാമഷ്ടോത്തരം ശതമ് ॥ 20 ॥

യോ ഭക്ത്യേദം ജപേത്കേതുര്നാമ്നാമഷ്ടോത്തരം ശതമ് ।

സ തു കേതോഃ പ്രസാദേന സര്വാഭീഷ്ടം സമാപ്നുയാത് ॥ 21 ॥

ഇതി ശ്രീ കേതു അഷ്ടോത്തരശതനാമ സ്തോത്രമ് ।

Roman (IAST) Transliteration

śṛṇu nāmāni japyāni keto ratha mahāmate |

ketuḥ sthūlaśirāścaiva śiromātro dhvajākṛtiḥ || 1 ||

navagrahayutaḥ siṃhikāsurīgarbhasambhavaḥ |

mahābhītikaraścitravarṇo vai piṅgalākṣakaḥ || 2 ||

sa phalodhūmrasaṅkāśaḥ tīkṣṇadaṃṣṭro mahoragaḥ |

raktanetraścitrakārī tīvrakopo mahāsuraḥ || 3 ||

krūrakaṇṭhaḥ krodhanidhiśchāyāgrahaviśeṣakaḥ |

antyagraho mahāśīrṣo sūryāriḥ puṣpavadgrahī || 4 ||

varahasto gadāpāṇiścitravastradharastathā |

citradhvajapatākaśca ghoraścitrarathaḥ śikhī || 5 ||

kulutthabhakṣakaścaiva vaiḍūryābharaṇastathā |

utpātajanakaḥ śukramitraṃ mandasakhastathā || 6 ||

gadādharaḥ nākapatiḥ antarvedīśvarastathā |

jaiminīgotrajaścitraguptātmā dakṣiṇāmukhaḥ || 7 ||

mukundavarapātraṃ ca mahāsurakulodbhavaḥ |

ghanavarṇo lambadeho mṛtyuputrastathaiva ca || 8 ||

utpātarūpadhārī cā'dṛśyaḥ kālāgnisannibhaḥ |

nṛpīḍo grahakārī ca sarvopadravakārakaḥ || 9 ||

citraprasūto hyanalaḥ sarvavyādhivināśakaḥ |

apasavyapracārī ca navame pāpadāyakaḥ || 10 ||

pañcame śokadaścoparāgakhecara eva ca |

atipuruṣakarmā ca turīye (tu) sukhapradaḥ || 11 ||

tṛtīye vairadaḥ pāpagrahaśca sphoṭakārakaḥ |

prāṇanāthaḥ pañcame tu śramakāraka eva ca || 12 ||

dvitīye'sphuṭavāgdātā viṣākulitavaktrakaḥ |

kāmarūpī siṃhadantaḥ satyepyanṛtavānapi || 13 ||

caturthe mātṛnāśaśca navame pitṛnāśakaḥ |

antye vairapradaścaiva sutānandanabandhakaḥ || 14 ||

sarpākṣijāto'naṅgaśca karmarāśyudbhavastathā |

upānte kīrtidaścaiva saptame kalahapradaḥ || 15 ||

aṣṭame vyādhikartā ca dhane bahusukhapradaḥ |

janane rogadaścordhvamūrdhajo grahanāyakaḥ || 16 ||

pāpadṛṣṭiḥ khecaraśca śāmbhavo'śeṣapūjitaḥ |

śāśvataśca naṭaścaiva śubhā'śubhaphalapradaḥ || 17 ||

dhūmraścaiva sudhāpāyī hyajito bhaktavatsalaḥ |

siṃhāsanaḥ ketumūrtī ravīndudyutināśakaḥ || 18 ||

amaraḥ pīḍako'martyo viṣṇudṛṣṭo'sureśvaraḥ |

bhaktarakṣo'tha vaicitryakapaṭasyandanastathā || 19 ||

vicitraphaladāyī ca bhaktābhīṣṭaphalapradaḥ |

etatketugrahasyoktaṃ nāmnāmaṣṭottaraṃ śatam || 20 ||

yo bhaktyedaṃ japetketurnāmnāmaṣṭottaraṃ śatam |

sa tu ketoḥ prasādena sarvābhīṣṭaṃ samāpnuyāt || 21 ||

iti śrī ketu aṣṭottaraśatanāma stotram |