Kartikeya Prajna Vivardhana Stotram

ॐ

കാര്തികേയ പ്രജ്ഞ വിവര്ധന സ്തോത്രമ്

Murugan Stotram Malayalam

സ്കന്ദ ഉവാച ।

യോഗീശ്വരോ മഹാസേനഃ കാര്തികേയോഽഗ്നിനന്ദനഃ ।

സ്കന്ദഃ കുമാരഃ സേനാനീഃ സ്വാമീ ശങ്കരസമ്ഭവഃ ॥ 1 ॥

ഗാങ്ഗേയസ്താമ്രചൂഡശ്ച ബ്രഹ്മചാരീ ശിഖിധ്വജഃ ।

താരകാരിരുമാപുത്രഃ ക്രൌഞ്ചാരിശ്ച ഷഡാനനഃ ॥ 2 ॥

ശബ്ദബ്രഹ്മസമുദ്രശ്ച സിദ്ധഃ സാരസ്വതോ ഗുഹഃ ।

സനത്കുമാരോ ഭഗവാന് ഭോഗമോക്ഷഫലപ്രദഃ ॥ 3 ॥

ശരജന്മാ ഗണാധീശപൂര്വജോ മുക്തിമാര്ഗകൃത് ।

സര്വാഗമപ്രണേതാ ച വാഞ്ഛിതാര്ഥപ്രദര്ശനഃ ॥ 4 ॥

അഷ്ടാവിംശതിനാമാനി മദീയാനീതി യഃ പഠേത് ।

പ്രത്യൂഷേ ശ്രദ്ധയാ യുക്തോ മൂകോ വാചസ്പതിര്ഭവേത് ॥ 5 ॥

മഹാമന്ത്രമയാനീതി മമ നാമാനുകീര്തനമ് ।

മഹാപ്രജ്ഞാമവാപ്നോതി നാത്ര കാര്യാ വിചാരണാ ॥ 6 ॥

ഇതി ശ്രീരുദ്രയാമലേ പ്രജ്ഞാവിവര്ധനാഖ്യം ശ്രീമത്കാര്തികേയസ്തോത്രമ് ॥

Roman (IAST) Transliteration

skanda uvāca |

yogīśvaro mahāsenaḥ kārtikeyo'gninandanaḥ |

skandaḥ kumāraḥ senānīḥ svāmī śaṅkarasambhavaḥ || 1 ||

gāṅgeyastāmracūḍaśca brahmacārī śikhidhvajaḥ |

tārakārirumāputraḥ krauñcāriśca ṣaḍānanaḥ || 2 ||

śabdabrahmasamudraśca siddhaḥ sārasvato guhaḥ |

sanatkumāro bhagavān bhogamokṣaphalapradaḥ || 3 ||

śarajanmā gaṇādhīśapūrvajo muktimārgakṛt |

sarvāgamapraṇetā ca vāñchitārthapradarśanaḥ || 4 ||

aṣṭāviṃśatināmāni madīyānīti yaḥ paṭhet |

pratyūṣe śraddhayā yukto mūko vācaspatirbhavet || 5 ||

mahāmantramayānīti mama nāmānukīrtanam |

mahāprajñāmavāpnoti nātra kāryā vicāraṇā || 6 ||

iti śrīrudrayāmale prajñāvivardhanākhyaṃ śrīmatkārtikeyastotram ||