Kaliya Krita Krishna Stotram

ॐ

കാലിയ കൃതാ കൃഷ്ണ സ്തൊത്രമ്

Krishna Stotram Vyasa Malayalam

വ്യാസ ഉവാച ।

ഇത്യുക്തേ താഭിരാശ്വാസ്യ ക്ലാന്തദേഹോഽപി പന്നഗഃ ।

പ്രസീദ ദേവദേവേതി പ്രാഹ വാക്യം ശനൈഃ ശനൈഃ ॥ 43 ॥

കാലീയ ഉവാച ।

തവാഷ്ടഗുണമൈശ്വര്യം നാഥ സ്വാഭവികം പരമ് ।

നിരസ്താതിശയം യസ്യ തസ്യ സ്തോഷ്യാമി കിന്വഹമ് ॥ 44 ॥

ത്വം പരസ്ത്വം പരസ്യാഽദ്യഃ പരം ത്വം തത്പരാത്മകമ് ।

പരസ്മാത്പരമോ യസ്ത്വം തസ്യ സ്തോഷ്യാമി കിം ന്വഹമ് ॥ 45 ॥

യഥാഽഹം ഭവതാ സൃഷ്ടോ ജാത്യാ രൂപേണ ചേശ്വരഃ ।

സ്വഭാവേന ച സംയുക്തസ്തഥേദം ചേഷ്ടിതം മയാ ॥ 46 ॥

യദ്യന്യഥാ പ്രവര്തേയ ദേവദേവ തതോ മയി ।

ന്യായ്യോ ദണ്ഡനിപാതസ്തേ തവൈവ വചനം യഥാ ॥ 47 ॥

തഥാഽപി യം ജഗത്സ്വാമീ ദണ്ഡം പാതിതവാന്മയി ।

സ സോഢോഽയം വരോ ദണ്ഡസ്ത്വത്തോ നാന്യോഽസ്തു മേ വരഃ ॥ 48 ॥

ഹതവീര്യോ ഹതവിഷോ ദമിതോഽഹം ത്വയാഽച്യുത ।

ജീവിതം ദീയതാമേകമാജ്ഞാപയ കരോമി കിമ് ॥ 49 ॥

ഇതി ബ്രഹ്മപുരാണേ പഞ്ചാശീത്യധികശതതമാധ്യായാന്തര്ഗതം

കാലിയകൃതം ശ്രീകൃഷ്ണസ്തോത്രം സമാപ്തമ് ।

ബ്രഹ്മപുരാണ . അധ്യായ 185/43-49 . ।

Roman (IAST) Transliteration

vyāsa uvāca |

ityukte tābhirāśvāsya klāntadeho'pi pannagaḥ |

prasīda devadeveti prāha vākyaṃ śanaiḥ śanaiḥ || 43 ||

kālīya uvāca |

tavāṣṭaguṇamaiśvaryaṃ nātha svābhavikaṃ param |

nirastātiśayaṃ yasya tasya stoṣyāmi kinvaham || 44 ||

tvaṃ parastvaṃ parasyā'dyaḥ paraṃ tvaṃ tatparātmakam |

parasmātparamo yastvaṃ tasya stoṣyāmi kiṃ nvaham || 45 ||

yathā'haṃ bhavatā sṛṣṭo jātyā rūpeṇa ceśvaraḥ |

svabhāvena ca saṃyuktastathedaṃ ceṣṭitaṃ mayā || 46 ||

yadyanyathā pravarteya devadeva tato mayi |

nyāyyo daṇḍanipātaste tavaiva vacanaṃ yathā || 47 ||

tathā'pi yaṃ jagatsvāmī daṇḍaṃ pātitavānmayi |

sa soḍho'yaṃ varo daṇḍastvatto nānyo'stu me varaḥ || 48 ||

hatavīryo hataviṣo damito'haṃ tvayā'cyuta |

jīvitaṃ dīyatāmekamājñāpaya karomi kim || 49 ||

iti brahmapurāṇe pañcāśītyadhikaśatatamādhyāyāntargataṃ

kāliyakṛtaṃ śrīkṛṣṇastotraṃ samāptam |

brahmapurāṇa . adhyāya 185/43-49 . |