śrī āñjaneya suprabhātamu
amala kanakavarṇaṃ prajvala tpāvakākṣaṃ
sarasija nibhavaktraṃ sarvadā suprasannam |
paṭutara ghanagātraṃ kuṇḍalālaṅkṛtāṅgaṃ
raṇa jaya karavālaṃ rāmadūtaṃ namāmi ||
añjanā suprajā vīra pūrvā sandhyā pravartate
uttiṣṭha hariśārdūla kartavyaṃ daivamāhnikam |
uttiṣṭottiṣṭha hanumān uttiṣṭha vijayadhvaja
uttiṣṭha virajākānta trailokyaṃ maṅgalaṅkuru ||
[śrī rāma bhakta abhaya hanumān tavasuprabhātam ||]
śrī rāmacandra caraṇāmbuja mattabhṛṅga
śrī rāmacandra japaśīla bhavābdhipota |
śrī jānakī hṛdayatāpa nivāramūrte
śrī vīra dhīra hanumān tava suprabhātam ||
[śrī rāma bhakta abhaya hanumān tavasuprabhātam ||]
śrī rāma divya caritāmṛta svādulola
śrī rāma kiṅkara guṇākara dīnabandho |
śrī rāmabhakta jagadeka mahograśauryaṃ
śrī vīra dhīra hanumān tava suprabhātam ||
[śrī rāma bhakta abhaya hanumān tavasuprabhātam ||]
sugrīvamitra kapiśekhara puṇya mūrte
sugrīva rāghava namāgama divyakīrte |
sugrīva mantrivara śūra kulāgragaṇya
śrī vīra dhīra hanumān tava suprabhātam ||
[śrī rāma bhakta abhaya hanumān tavasuprabhātam ||]
bhaktārti bhañjana dayākara yogivandya
śrī kesarīpriya tanūja suvarṇadeha |
śrī bhāskarātmaja manombuja cañcarīka
śrī vīra dhīra hanumān tava suprabhātam ||
[śrī rāma bhakta abhaya hanumān tavasuprabhātam ||]
śrī mārutapriya tanūja mahabalāḍhya
maināka vandita padāmbuja daṇḍitārin |
śrī uṣṭra vāhana sulakṣaṇa lakṣitāṅga
śrī vīra dhīra hanumān tava suprabhātam ||
[śrī rāma bhakta abhaya hanumān tavasuprabhātam ||]
pañcānanasya bhavabhīti harasyarāma
pādābda sevana parasya parātparasya |
śrī añjanāpriya sutasya suvigrahasya
śrī vīra dhīra hanumān tava suprabhātam ||
[śrī rāma bhakta abhaya hanumān tavasuprabhātam ||]
gandharva yakṣa bhujagādhipa kinnarāśca
āditya viśvavasu rudra surarṣisaṅghāḥ |
saṅkīrtayanti tavadivya sunāmapaṅktiṃ
śrī vīra dhīra hanumān tava suprabhātam ||
[śrī rāma bhakta abhaya hanumān tavasuprabhātam ||]
śrī gautama cyavana tumbura nāradātri
maitreya vyāsa janakādi maharṣisaṅghāḥ |
gāyanti harṣabharitā stava divyakīrtiṃ
śrī vīra dhīra hanumān tava suprabhātam ||
[śrī rāma bhakta abhaya hanumān tavasuprabhātam ||]
bhṛṅgāvalī ca makaranda rasaṃ pibedvai
kūjantyutārdha madhuraṃ caraṇāyudhācca |
devālaye ghana gabhīra suśaṅkha ghoṣāḥ
niryānti vīra hanumān tava suprabhātam ||
[śrī rāma bhakta abhaya hanumān tavasuprabhātam ||]
pampā sarovara supuṇya pavitra tīrdha-
mādāya hema kalaśaiśca maharṣisaṅghāḥ |
tiṣṭanti tvakcaraṇa paṅkaja sevanārthaṃ
śrī vīra dhīra hanumān tava suprabhātam ||
[śrī rāma bhakta abhaya hanumān tavasuprabhātam ||]
śrī sūryaputra priyanātha manojñamūrte
vātātmaja kapivīra supiṅgalākṣa
sañjīvarāya raghuvīra subhaktavarya
śrī vīra dhīra hanumān tava suprabhātam ||
[śrī rāma bhakta abhaya hanumān tavasuprabhātam ||]