📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ഗോവിന്ദ ദാമോദര സ്തോത്രമ്
Govinda Damodara Stotram
Vishnu Stotram Malayalam
അഗ്രേ കുരൂണാമഥ പാണ്ഡവാനാം
ദുഃശാസനേനാഹൃതവസ്ത്രകേശാ ।
കൃഷ്ണാ തദാക്രോശദനന്യനാഥാ
ഗോവിന്ദ ദാമോദര മാധവേതി ॥ 1॥
ശ്രീകൃഷ്ണ വിഷ്ണോ മധുകൈടഭാരേ
ഭക്താനുകമ്പിന് ഭഗവന് മുരാരേ ।
ത്രായസ്വ മാം കേശവ ലോകനാഥ
ഗോവിന്ദ ദാമോദര മാധവേതി ॥ 2॥
വിക്രേതുകാമാ കില ഗോപകന്യാ
മുരാരിപാദാര്പിതചിത്തവൃത്തിഃ ।
ദധ്യാദികം മോഹവശാദവോചദ്
ഗോവിന്ദ ദാമോദര മാധവേതി ॥ 3॥
ഉലൂഖലേ സമ്ഭൃതതണ്ഡുലാംശ്ച
സങ്ഘട്ടയന്ത്യോ മുസലൈഃ പ്രമുഗ്ധാഃ ।
ഗായന്തി ഗോപ്യോ ജനിതാനുരാഗാ
ഗോവിന്ദ ദാമോദര മാധവേതി ॥ 4॥
കാചിത്കരാമ്ഭോജപുടേ നിഷണ്ണം
ക്രീഡാശുകം കിംശുകരക്തതുണ്ഡമ് ।
അധ്യാപയാമാസ സരോരുഹാക്ഷീ
ഗോവിന്ദ ദാമോദര മാധവേതി ॥ 5॥
ഗൃഹേ ഗൃഹേ ഗോപവധൂസമൂഹഃ
പ്രതിക്ഷണം പിഞ്ജരസാരികാണാമ് ।
സ്ഖലദ്ഗിരാം വാചയിതും പ്രവൃത്തോ
ഗോവിന്ദ ദാമോദര മാധവേതി ॥ 6॥
പര്യ്യങ്കികാഭാജമലം കുമാരം
പ്രസ്വാപയന്ത്യോഽഖിലഗോപകന്യാഃ ।
ജഗുഃ പ്രബന്ധം സ്വരതാലബന്ധം
ഗോവിന്ദ ദാമോദര മാധവേതി ॥ 7॥
രാമാനുജം വീക്ഷണകേലിലോലം
ഗോപീ ഗൃഹീത്വാ നവനീതഗോലമ് ।
ആബാലകം ബാലകമാജുഹാവ
ഗോവിന്ദ ദാമോദര മാധവേതി ॥ 8॥
വിചിത്രവര്ണാഭരണാഭിരാമേ-
ഽഭിധേഹി വക്ത്രാമ്ബുജരാജഹംസി ।
സദാ മദീയേ രസനേഽഗ്രരങ്ഗേ
ഗോവിന്ദ ദാമോദര മാധവേതി ॥ 9॥
അങ്കാധിരൂഢം ശിശുഗോപഗൂഢം
സ്തനം ധയന്തം കമലൈകകാന്തമ് ।
സമ്ബോധയാമാസ മുദാ യശോദാ
ഗോവിന്ദ ദാമോദര മാധവേതി ॥ 10॥
ക്രീഡന്തമന്തര്വ്രജമാത്മജം സ്വം
സമം വയസ്യൈഃ പശുപാലബാലൈഃ ।
പ്രേമ്ണാ യശോദാ പ്രജുഹാവ കൃഷ്ണം
ഗോവിന്ദ ദാമോദര മാധവേതി ॥ 11॥
യശോദയാ ഗാഢമുലൂഖലേന
ഗോകണ്ഠപാശേന നിബധ്യമാനഃ ।
രുരോദ മന്ദം നവനീതഭോജീ
ഗോവിന്ദ ദാമോദര മാധവേതി ॥ 12॥
നിജാങ്ഗണേ കങ്കണകേലിലോലം
ഗോപീ ഗൃഹീത്വാ നവനീതഗോലമ് ।
ആമര്ദയത്പാണിതലേന നേത്രേ
ഗോവിന്ദ ദാമോദര മാധവേതി ॥ 13॥
ഗൃഹേ ഗൃഹേ ഗോപവധൂകദമ്ബാഃ
സര്വേ മിലിത്വാ സമവായയോഗേ ।
പുണ്യാനി നാമാനി പഠന്തി നിത്യം
ഗോവിന്ദ ദാമോദര മാധവേതി ॥ 14॥
മന്ദാരമൂലേ വദനാഭിരാമം
ബിമ്ബാധരേ പൂരിതവേണുനാദമ് ।
ഗോഗോപഗോപീജനമധ്യസംസ്ഥം
ഗോവിന്ദ ദാമോദര മാധവേതി ॥ 15॥
ഉത്ഥായ ഗോപ്യോ¶രാത്രഭാഗേ
സ്മൃത്വാ യശോദാസുതബാലകേലിമ് ।
ഗായന്തി പ്രോച്ചൈര്ദധി മന്ഥയന്ത്യോ
ഗോവിന്ദ ദാമോദര മാധവേതി ॥ 16॥
ജഗ്ധോഽഥ ദത്തോ നവനീതപിണ്ഡോ
ഗൃഹേ യശോദാ വിചികിത്സയന്തീ ।
ഉവാച സത്യം വദ ഹേ മുരാരേ
ഗോവിന്ദ ദാമോദര മാധവേതി ॥ 17॥
അഭ്യര്ച്യ ഗേഹം യുവതിഃ പ്രവൃദ്ധ-
പ്രേമപ്രവാഹാ ദധി നിര്മമന്ഥ ।
ഗായന്തി ഗോപ്യോഽഥ സഖീസമേതാ
ഗോവിന്ദ ദാമോദര മാധവേതി ॥ 18॥
ക്വചിത് പ്രഭാതേ ദധിപൂര്ണപാത്രേ
നിക്ഷിപ്യ മന്ഥം യുവതീ മുകുന്ദമ് ।
ആലോക്യ ഗാനം വിവിധം കരോതി
ഗോവിന്ദ ദാമോദര മാധവേതി ॥ 19॥
ക്രീഡാപരം ഭോജനമജ്ജനാര്ഥം
ഹിതൈഷിണീ സ്ത്രീ തനുജം യശോദാ ।
ആജൂഹവത് പ്രേമപരിപ്ലുതാക്ഷീ
ഗോവിന്ദ ദാമോദര മാധവേതി ॥ 20॥
സുഖം ശയാനം നിലയേ ച വിഷ്ണും
ദേവര്ഷിമുഖ്യാ മുനയഃ പ്രപന്നാഃ ।
തേനാച്യുതേ തന്മയതാം വ്രജന്തി
ഗോവിന്ദ ദാമോദര മാധവേതി ॥ 21॥
വിഹായ നിദ്രാമരുണോദയേ ച
വിധായ കൃത്യാനി ച വിപ്രമുഖ്യാഃ ।
വേദാവസാനേ പ്രപഠന്തി നിത്യം
ഗോവിന്ദ ദാമോദര മാധവേതി ॥ 22॥
വൃന്ദാവനേ ഗോപഗണാശ്ച ഗോപ്യോ
വിലോക്യ ഗോവിന്ദവിയോഗഖിന്നാമ് ।
രാധാം ജഗുഃ സാശ്രുവിലോചനാഭ്യാം
ഗോവിന്ദ ദാമോദര മാധവേതി ॥ 23॥
പ്രഭാതസഞ്ചാരഗതാ നു ഗാവസ്-
തദ്രക്ഷണാര്ഥം തനയം യശോദാ ।
പ്രാബോധയത് പാണിതലേന മന്ദം
ഗോവിന്ദ ദാമോദര മാധവേതി ॥ 24॥
പ്രവാലശോഭാ ഇവ ദീര്ഘകേശാ
വാതാമ്ബുപര്ണാശനപൂതദേഹാഃ ।
മൂലേ തരൂണാം മുനയഃ പഠന്തി
ഗോവിന്ദ ദാമോദര മാധവേതി ॥ 25॥
ഏവം ബ്രുവാണാ വിരഹാതുരാ ഭൃശം
വ്രജസ്ത്രിയഃ കൃഷ്ണവിഷക്തമാനസാഃ ।
വിസൃജ്യ ലജ്ജാം രുരുദുഃ സ്മ സുസ്വരം
ഗോവിന്ദ ദാമോദര മാധവേതി ॥ 26॥
ഗോപീ കദാചിന്മണിപഞ്ജരസ്ഥം
ശുകം വചോ വാചയിതും പ്രവൃത്താ ।
ആനന്ദകന്ദ വ്രജചന്ദ്ര കൃഷ്ണ
ഗോവിന്ദ ദാമോദര മാധവേതി ॥ 27॥
ഗോവത്സബാലൈഃ ശിശുകാകപക്ഷം
ബധ്നന്തമമ്ഭോജദലായതാക്ഷമ് ।
ഉവാച മാതാ ചിബുകം ഗൃഹീത്വാ
ഗോവിന്ദ ദാമോദര മാധവേതി ॥ 28॥
പ്രഭാതകാലേ വരവല്ലവൌഘാ
ഗോരക്ഷണാര്ഥം ധൃതവേത്രദണ്ഡാഃ ।
ആകാരയാമാസുരനന്തമാദ്യം
ഗോവിന്ദ ദാമോദര മാധവേതി ॥ 29॥
ജലാശയേ കാലിയമര്ദനായ
യദാ കദമ്ബാദപതന്മുരാരിഃ ।
ഗോപാങ്ഗനാശ്ചുക്രുശുരേത്യ ഗോപാ
ഗോവിന്ദ ദാമോദര മാധവേതി ॥ 30॥
അക്രൂരമാസാദ്യ യദാ മുകുന്ദശ്-
ചാപോത്സവാര്ഥം മഥുരാം പ്രവിഷ്ടഃ ।
തദാ സ പൌരൈര്ജയസീത്യഭാഷി
ഗോവിന്ദ ദാമോദര മാധവേതി ॥ 31॥
കംസസ്യ ദൂതേന യദൈവ നീതൌ
വൃന്ദാവനാന്താദ് വസുദേവസൂനൂ । (സൂനൌ)
രുരോദ ഗോപീ ഭവനസ്യ മധ്യേ
ഗോവിന്ദ ദാമോദര മാധവേതി ॥ 32॥
സരോവരേ കാലിയനാഗബദ്ധം
ശിശും യശോദാതനയം നിശമ്യ ।
ചക്രുര്ലുഠന്ത്യഃ പഥി ഗോപബാലാ
ഗോവിന്ദ ദാമോദര മാധവേതി ॥ 33॥
അക്രൂരയാനേ യദുവംശനാഥം
സങ്ഗച്ഛമാനം മഥുരാം നിരീക്ഷ്യ ।
ഊചുര്വിയോഗത് കില ഗോപബാലാ
ഗോവിന്ദ ദാമോദര മാധവേതി ॥ 34॥
ചക്രന്ദ ഗോപീ നലിനീവനാന്തേ
കൃഷ്ണേന ഹീനാ കുസുമേ ശയാനാ ।
പ്രഫുല്ലനീലോത്പലലോചനാഭ്യാം
ഗോവിന്ദ ദാമോദര മാധവേതി ॥ 35॥
മാതാപിതൃഭ്യാം പരിവാര്യമാണാ
ഗേഹം പ്രവിഷ്ടാ വിലലാപ ഗോപീ ।
ആഗത്യ മാം പാലയ വിശ്വനാഥ
ഗോവിന്ദ ദാമോദര മാധവേതി ॥ 36॥
വൃന്ദാവനസ്ഥം ഹരിമാശു ബുദ്ധ്വാ
ഗോപീ ഗതാ കാപി വനം നിശായാമ് ।
തത്രാപ്യദൃഷ്ട്വാഽതിഭയാദവോചദ്
ഗോവിന്ദ ദാമോദര മാധവേതി ॥ 37॥
സുഖം ശയാനാ നിലയേ നിജേഽപി
നാമാനി വിഷ്ണോഃ പ്രവദന്തി മര്ത്യാഃ ।
തേ നിശ്ചിതം തന്മയതാം വ്രജന്തി
ഗോവിന്ദ ദാമോദര മാധവേതി ॥ 38॥
സാ നീരജാക്ഷീമവലോക്യ രാധാം
രുരോദ ഗോവിന്ദവിയോഗഖിന്നാമ് ।
സഖീ പ്രഫുല്ലോത്പലലോചനാഭ്യാം
ഗോവിന്ദ ദാമോദര മാധവേതി ॥ 39॥
ജിഹ്വേ രസജ്ഞേ മധുരപ്രിയാ ത്വം
സത്യം ഹിതം ത്വാം പരമം വദാമി ।
ആവര്ണയേഥാ മധുരാക്ഷരാണി
ഗോവിന്ദ ദാമോദര മാധവേതി ॥ 40॥
ആത്യന്തികവ്യാധിഹരം ജനാനാം
ചികിത്സകം വേദവിദോ വദന്തി ।
സംസാരതാപത്രയനാശബീജം
ഗോവിന്ദ ദാമോദര മാധവേതി ॥ 41॥
താതാജ്ഞയാ ഗച്ഛതി രാമചന്ദ്രേ
സലക്ഷ്മണേഽരണ്യചയേ സസീതേ ।
ചക്രന്ദ രാമസ്യ നിജാ ജനിത്രീ
ഗോവിന്ദ ദാമോദര മാധവേതി ॥ 42॥
ഏകാകിനീ ദണ്ഡകകാനനാന്താത്
സാ നീയമാനാ ദശകന്ധരേണ ।
സീതാ തദാക്രന്ദദനന്യനാഥാ
ഗോവിന്ദ ദാമോദര മാധവേതി ॥ 43॥
രാമാദ്വിയുക്താ ജനകാത്മജാ സാ
വിചിന്തയന്തീ ഹൃദി രാമരൂപമ് ।
രുരോദ സീതാ രഘുനാഥ പാഹി
ഗോവിന്ദ ദാമോദര മാധവേതി ॥ 44॥
പ്രസീദ വിഷ്ണോ രഘുവംശനാഥ
സുരാസുരാണാം സുഖദുഃഖഹേതോ ।
രുരോദ സീതാ തു സമുദ്രമധ്യേ
ഗോവിന്ദ ദാമോദര മാധവേതി ॥ 45॥
അന്തര്ജലേ ഗ്രാഹഗൃഹീതപാദോ
വിസൃഷ്ടവിക്ലിഷ്ടസമസ്തബന്ധുഃ ।
തദാ ഗജേന്ദ്രോ നിതരാം ജഗാദ
ഗോവിന്ദ ദാമോദര മാധവേതി ॥ 46॥
ഹംസധ്വജഃ ശങ്ഖയുതോ ദദര്ശ
പുത്രം കടാഹേ പ്രതപന്തമേനമ് ।
പുണ്യാനി നാമാനി ഹരേര്ജപന്തം
ഗോവിന്ദ ദാമോദര മാധവേതി ॥ 47॥
ദുര്വാസസോ വാക്യമുപേത്യ കൃഷ്ണാ
സാ ചാബ്രവീത് കാനനവാസിനീശമ് ।
അന്തഃ പ്രവിഷ്ടം മനസാ ജുഹാവ
ഗോവിന്ദ ദാമോദര മാധവേതി ॥ 48॥
ധ്യേയഃ സദാ യോഗിഭിരപ്രമേയഃ
ചിന്താഹരശ്ചിന്തിതപാരിജാതഃ ।
കസ്തൂരികാകല്പിതനീലവര്ണോ
ഗോവിന്ദ ദാമോദര മാധവേതി ॥ 49॥
സംസാരകൂപേ പതിതോഽത്യഗാധേ
മോഹാന്ധപൂര്ണേ വിഷയാഭിതപ്തേ ।
കരാവലമ്ബം മമ ദേഹി വിഷ്ണോ
ഗോവിന്ദ ദാമോദര മാധവേതി ॥ 50॥
ഭജസ്വ മന്ത്രം ഭവബന്ധമുക്ത്യൈ
ജിഹ്വേ രസജ്ഞേ സുലഭം മനോജ്ഞമ് ।
ദ്വൈപായനാദ്യൈര്മുനിഭിഃ പ്രജപ്തം
ഗോവിന്ദ ദാമോദര മാധവേതി ॥ 51॥
ത്വാമേവ യാചേ മമ ദേഹി ജിഹ്വേ
സമാഗതേ ദണ്ഡധരേ കൃതാന്തേ ।
വക്തവ്യമേവം മധുരം സുഭക്ത്യാ
ഗോവിന്ദ ദാമോദര മാധവേതി ॥ 52॥
ഗോപാല വംശീധര രൂപസിന്ധോ
ലോകേശ നാരായണ ദീനബന്ധോ ।
ഉച്ചസ്വരൈസ്ത്വം വദ സര്വദൈവ
ഗോവിന്ദ ദാമോദര മാധവേതി ॥ 53॥
ജിഹ്വേ സദൈവം ഭജ സുന്ദരാണി
നാമാനി കൃഷ്ണസ്യ മനോഹരാണി ।
സമസ്തഭക്താര്തിവിനാശനാനി
ഗോവിന്ദ ദാമോദര മാധവേതി ॥ 54॥
ഗോവിന്ദ ഗോവിന്ദ ഹരേ മുരാരേ
ഗോവിന്ദ ഗോവിന്ദ മുകുന്ദ കൃഷ്ണ ।
ഗോവിന്ദ ഗോവിന്ദ രഥാങ്ഗപാണേ
ഗോവിന്ദ ദാമോദര മാധവേതി ॥ 55॥
സുഖാവസാനേ ത്വിദമേവ സാരം
ദുഃഖാവസാനേ ത്വിദമേവ ഗേയമ് ।
ദേഹാവസാനേ ത്വിദമേവ ജാപ്യം
ഗോവിന്ദ ദാമോദര മാധവേതി ॥ 56॥
ദുര്വാരവാക്യം പരിഗൃഹ്യ കൃഷ്ണാ
മൃഗീവ ഭീതാ തു കഥം കഥഞ്ചിത് ।
സഭാം പ്രവിഷ്ടാ മനസാ ജുഹാവ
ഗോവിന്ദ ദാമോദര മാധവേതി ॥ 57॥
ശ്രീകൃഷ്ണ രാധാവര ഗോകുലേശ
ഗോപാല ഗോവര്ധന നാഥ വിഷ്ണോ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 58॥
ശ്രീനാഥ വിശ്വേശ്വര വിശ്വമൂര്തേ
ശ്രീദേവകീനന്ദന ദൈത്യശത്രോ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 59॥
ഗോപീപതേ കംസരിപോ മുകുന്ദ
ലക്ഷ്മീപതേ കേശവ വാസുദേവ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 60॥
ഗോപീജനാഹ്ലാദകര വ്രജേശ
ഗോചാരണാരണ്യകൃതപ്രവേശ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 61॥
പ്രാണേശ വിശ്വമ്ഭര കൈടഭാരേ
വൈകുണ്ഠ നാരായണ ചക്രപാണേ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 62॥
ഹരേ മുരാരേ മധുസൂദനാദ്യ
ശ്രീരാമ സീതാവര രാവണാരേ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 63॥
ശ്രീയാദവേന്ദ്രാദ്രിധരാമ്ബുജാക്ഷ
ഗോഗോപഗോപീസുഖദാനദക്ഷ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 64॥
ധരാഭരോത്താരണഗോപവേഷ
വിഹാരലീലാകൃതബന്ധുശേഷ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 65॥
ബകീബകാഘാസുരധേനുകാരേ
കേശീതൃണാവര്തവിഘാതദക്ഷ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 66॥
ശ്രീജാനകീജീവന രാമചന്ദ്ര
നിശാചരാരേ ഭരതാഗ്രജേശ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 67॥
നാരായണാനന്ത ഹരേ നൃസിംഹ
പ്രഹ്ലാദബാധാഹര ഹേ കൃപാലോ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 68॥
ലീലാമനുഷ്യാകൃതിരാമരൂപ
പ്രതാപദാസീകൃതസര്വഭൂപ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 69॥
ശ്രീകൃഷ്ണ ഗോവിന്ദ ഹരേ മുരാരേ
ഹേ നാഥ നാരായണ വാസുദേവ ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 70॥
വക്തും സമര്ഥോഽപി ന വക്തി കശ്ചിദ്-
അഹോ ജനാനാം വ്യസനാഭിമുഖ്യമ് ।
ജിഹ്വേ പിബസ്വാമൃതമേതദേവ
ഗോവിന്ദ ദാമോദര മാധവേതി ॥ 71॥
ഇതി ശ്രീബില്വമങ്ഗലാചാര്യവിരചിതം ശ്രീഗോവിന്ദദാമോദരസ്തോത്രം സമ്പൂര്ണമ് ।
Roman (IAST) Transliteration
agre kurūṇāmatha pāṇḍavānāṃ
duḥśāsanenāhṛtavastrakeśā |
kṛṣṇā tadākrośadananyanāthā
govinda dāmodara mādhaveti || 1||
śrīkṛṣṇa viṣṇo madhukaiṭabhāre
bhaktānukampin bhagavan murāre |
trāyasva māṃ keśava lokanātha
govinda dāmodara mādhaveti || 2||
vikretukāmā kila gopakanyā
murāripādārpitacittavṛttiḥ |
dadhyādikaṃ mohavaśādavocad
govinda dāmodara mādhaveti || 3||
ulūkhale sambhṛtataṇḍulāṃśca
saṅghaṭṭayantyo musalaiḥ pramugdhāḥ |
gāyanti gopyo janitānurāgā
govinda dāmodara mādhaveti || 4||
kācitkarāmbhojapuṭe niṣaṇṇaṃ
krīḍāśukaṃ kiṃśukaraktatuṇḍam |
adhyāpayāmāsa saroruhākṣī
govinda dāmodara mādhaveti || 5||
gṛhe gṛhe gopavadhūsamūhaḥ
pratikṣaṇaṃ piñjarasārikāṇām |
skhaladgirāṃ vācayituṃ pravṛtto
govinda dāmodara mādhaveti || 6||
paryyaṅkikābhājamalaṃ kumāraṃ
prasvāpayantyo'khilagopakanyāḥ |
jaguḥ prabandhaṃ svaratālabandhaṃ
govinda dāmodara mādhaveti || 7||
rāmānujaṃ vīkṣaṇakelilolaṃ
gopī gṛhītvā navanītagolam |
ābālakaṃ bālakamājuhāva
govinda dāmodara mādhaveti || 8||
vicitravarṇābharaṇābhirāme-
'bhidhehi vaktrāmbujarājahaṃsi |
sadā madīye rasane'graraṅge
govinda dāmodara mādhaveti || 9||
aṅkādhirūḍhaṃ śiśugopagūḍhaṃ
stanaṃ dhayantaṃ kamalaikakāntam |
sambodhayāmāsa mudā yaśodā
govinda dāmodara mādhaveti || 10||
krīḍantamantarvrajamātmajaṃ svaṃ
samaṃ vayasyaiḥ paśupālabālaiḥ |
premṇā yaśodā prajuhāva kṛṣṇaṃ
govinda dāmodara mādhaveti || 11||
yaśodayā gāḍhamulūkhalena
gokaṇṭhapāśena nibadhyamānaḥ |
ruroda mandaṃ navanītabhojī
govinda dāmodara mādhaveti || 12||
nijāṅgaṇe kaṅkaṇakelilolaṃ
gopī gṛhītvā navanītagolam |
āmardayatpāṇitalena netre
govinda dāmodara mādhaveti || 13||
gṛhe gṛhe gopavadhūkadambāḥ
sarve militvā samavāyayoge |
puṇyāni nāmāni paṭhanti nityaṃ
govinda dāmodara mādhaveti || 14||
mandāramūle vadanābhirāmaṃ
bimbādhare pūritaveṇunādam |
gogopagopījanamadhyasaṃsthaṃ
govinda dāmodara mādhaveti || 15||
utthāya gopyo¶rātrabhāge
smṛtvā yaśodāsutabālakelim |
gāyanti proccairdadhi manthayantyo
govinda dāmodara mādhaveti || 16||
jagdho'tha datto navanītapiṇḍo
gṛhe yaśodā vicikitsayantī |
uvāca satyaṃ vada he murāre
govinda dāmodara mādhaveti || 17||
abhyarcya gehaṃ yuvatiḥ pravṛddha-
premapravāhā dadhi nirmamantha |
gāyanti gopyo'tha sakhīsametā
govinda dāmodara mādhaveti || 18||
kvacit prabhāte dadhipūrṇapātre
nikṣipya manthaṃ yuvatī mukundam |
ālokya gānaṃ vividhaṃ karoti
govinda dāmodara mādhaveti || 19||
krīḍāparaṃ bhojanamajjanārthaṃ
hitaiṣiṇī strī tanujaṃ yaśodā |
ājūhavat premapariplutākṣī
govinda dāmodara mādhaveti || 20||
sukhaṃ śayānaṃ nilaye ca viṣṇuṃ
devarṣimukhyā munayaḥ prapannāḥ |
tenācyute tanmayatāṃ vrajanti
govinda dāmodara mādhaveti || 21||
vihāya nidrāmaruṇodaye ca
vidhāya kṛtyāni ca vipramukhyāḥ |
vedāvasāne prapaṭhanti nityaṃ
govinda dāmodara mādhaveti || 22||
vṛndāvane gopagaṇāśca gopyo
vilokya govindaviyogakhinnām |
rādhāṃ jaguḥ sāśruvilocanābhyāṃ
govinda dāmodara mādhaveti || 23||
prabhātasañcāragatā nu gāvas-
tadrakṣaṇārthaṃ tanayaṃ yaśodā |
prābodhayat pāṇitalena mandaṃ
govinda dāmodara mādhaveti || 24||
pravālaśobhā iva dīrghakeśā
vātāmbuparṇāśanapūtadehāḥ |
mūle tarūṇāṃ munayaḥ paṭhanti
govinda dāmodara mādhaveti || 25||
evaṃ bruvāṇā virahāturā bhṛśaṃ
vrajastriyaḥ kṛṣṇaviṣaktamānasāḥ |
visṛjya lajjāṃ ruruduḥ sma susvaraṃ
govinda dāmodara mādhaveti || 26||
gopī kadācinmaṇipañjarasthaṃ
śukaṃ vaco vācayituṃ pravṛttā |
ānandakanda vrajacandra kṛṣṇa
govinda dāmodara mādhaveti || 27||
govatsabālaiḥ śiśukākapakṣaṃ
badhnantamambhojadalāyatākṣam |
uvāca mātā cibukaṃ gṛhītvā
govinda dāmodara mādhaveti || 28||
prabhātakāle varavallavaughā
gorakṣaṇārthaṃ dhṛtavetradaṇḍāḥ |
ākārayāmāsuranantamādyaṃ
govinda dāmodara mādhaveti || 29||
jalāśaye kāliyamardanāya
yadā kadambādapatanmurāriḥ |
gopāṅganāścukruśuretya gopā
govinda dāmodara mādhaveti || 30||
akrūramāsādya yadā mukundaś-
cāpotsavārthaṃ mathurāṃ praviṣṭaḥ |
tadā sa paurairjayasītyabhāṣi
govinda dāmodara mādhaveti || 31||
kaṃsasya dūtena yadaiva nītau
vṛndāvanāntād vasudevasūnū | (sūnau)
ruroda gopī bhavanasya madhye
govinda dāmodara mādhaveti || 32||
sarovare kāliyanāgabaddhaṃ
śiśuṃ yaśodātanayaṃ niśamya |
cakrurluṭhantyaḥ pathi gopabālā
govinda dāmodara mādhaveti || 33||
akrūrayāne yaduvaṃśanāthaṃ
saṅgacchamānaṃ mathurāṃ nirīkṣya |
ūcurviyogat kila gopabālā
govinda dāmodara mādhaveti || 34||
cakranda gopī nalinīvanānte
kṛṣṇena hīnā kusume śayānā |
praphullanīlotpalalocanābhyāṃ
govinda dāmodara mādhaveti || 35||
mātāpitṛbhyāṃ parivāryamāṇā
gehaṃ praviṣṭā vilalāpa gopī |
āgatya māṃ pālaya viśvanātha
govinda dāmodara mādhaveti || 36||
vṛndāvanasthaṃ harimāśu buddhvā
gopī gatā kāpi vanaṃ niśāyām |
tatrāpyadṛṣṭvā'tibhayādavocad
govinda dāmodara mādhaveti || 37||
sukhaṃ śayānā nilaye nije'pi
nāmāni viṣṇoḥ pravadanti martyāḥ |
te niścitaṃ tanmayatāṃ vrajanti
govinda dāmodara mādhaveti || 38||
sā nīrajākṣīmavalokya rādhāṃ
ruroda govindaviyogakhinnām |
sakhī praphullotpalalocanābhyāṃ
govinda dāmodara mādhaveti || 39||
jihve rasajñe madhurapriyā tvaṃ
satyaṃ hitaṃ tvāṃ paramaṃ vadāmi |
āvarṇayethā madhurākṣarāṇi
govinda dāmodara mādhaveti || 40||
ātyantikavyādhiharaṃ janānāṃ
cikitsakaṃ vedavido vadanti |
saṃsāratāpatrayanāśabījaṃ
govinda dāmodara mādhaveti || 41||
tātājñayā gacchati rāmacandre
salakṣmaṇe'raṇyacaye sasīte |
cakranda rāmasya nijā janitrī
govinda dāmodara mādhaveti || 42||
ekākinī daṇḍakakānanāntāt
sā nīyamānā daśakandhareṇa |
sītā tadākrandadananyanāthā
govinda dāmodara mādhaveti || 43||
rāmādviyuktā janakātmajā sā
vicintayantī hṛdi rāmarūpam |
ruroda sītā raghunātha pāhi
govinda dāmodara mādhaveti || 44||
prasīda viṣṇo raghuvaṃśanātha
surāsurāṇāṃ sukhaduḥkhaheto |
ruroda sītā tu samudramadhye
govinda dāmodara mādhaveti || 45||
antarjale grāhagṛhītapādo
visṛṣṭavikliṣṭasamastabandhuḥ |
tadā gajendro nitarāṃ jagāda
govinda dāmodara mādhaveti || 46||
haṃsadhvajaḥ śaṅkhayuto dadarśa
putraṃ kaṭāhe pratapantamenam |
puṇyāni nāmāni harerjapantaṃ
govinda dāmodara mādhaveti || 47||
durvāsaso vākyamupetya kṛṣṇā
sā cābravīt kānanavāsinīśam |
antaḥ praviṣṭaṃ manasā juhāva
govinda dāmodara mādhaveti || 48||
dhyeyaḥ sadā yogibhiraprameyaḥ
cintāharaścintitapārijātaḥ |
kastūrikākalpitanīlavarṇo
govinda dāmodara mādhaveti || 49||
saṃsārakūpe patito'tyagādhe
mohāndhapūrṇe viṣayābhitapte |
karāvalambaṃ mama dehi viṣṇo
govinda dāmodara mādhaveti || 50||
bhajasva mantraṃ bhavabandhamuktyai
jihve rasajñe sulabhaṃ manojñam |
dvaipāyanādyairmunibhiḥ prajaptaṃ
govinda dāmodara mādhaveti || 51||
tvāmeva yāce mama dehi jihve
samāgate daṇḍadhare kṛtānte |
vaktavyamevaṃ madhuraṃ subhaktyā
govinda dāmodara mādhaveti || 52||
gopāla vaṃśīdhara rūpasindho
lokeśa nārāyaṇa dīnabandho |
uccasvaraistvaṃ vada sarvadaiva
govinda dāmodara mādhaveti || 53||
jihve sadaivaṃ bhaja sundarāṇi
nāmāni kṛṣṇasya manoharāṇi |
samastabhaktārtivināśanāni
govinda dāmodara mādhaveti || 54||
govinda govinda hare murāre
govinda govinda mukunda kṛṣṇa |
govinda govinda rathāṅgapāṇe
govinda dāmodara mādhaveti || 55||
sukhāvasāne tvidameva sāraṃ
duḥkhāvasāne tvidameva geyam |
dehāvasāne tvidameva jāpyaṃ
govinda dāmodara mādhaveti || 56||
durvāravākyaṃ parigṛhya kṛṣṇā
mṛgīva bhītā tu kathaṃ kathañcit |
sabhāṃ praviṣṭā manasā juhāva
govinda dāmodara mādhaveti || 57||
śrīkṛṣṇa rādhāvara gokuleśa
gopāla govardhana nātha viṣṇo |
jihve pibasvāmṛtametadeva
govinda dāmodara mādhaveti || 58||
śrīnātha viśveśvara viśvamūrte
śrīdevakīnandana daityaśatro |
jihve pibasvāmṛtametadeva
govinda dāmodara mādhaveti || 59||
gopīpate kaṃsaripo mukunda
lakṣmīpate keśava vāsudeva |
jihve pibasvāmṛtametadeva
govinda dāmodara mādhaveti || 60||
gopījanāhlādakara vrajeśa
gocāraṇāraṇyakṛtapraveśa |
jihve pibasvāmṛtametadeva
govinda dāmodara mādhaveti || 61||
prāṇeśa viśvambhara kaiṭabhāre
vaikuṇṭha nārāyaṇa cakrapāṇe |
jihve pibasvāmṛtametadeva
govinda dāmodara mādhaveti || 62||
hare murāre madhusūdanādya
śrīrāma sītāvara rāvaṇāre |
jihve pibasvāmṛtametadeva
govinda dāmodara mādhaveti || 63||
śrīyādavendrādridharāmbujākṣa
gogopagopīsukhadānadakṣa |
jihve pibasvāmṛtametadeva
govinda dāmodara mādhaveti || 64||
dharābharottāraṇagopaveṣa
vihāralīlākṛtabandhuśeṣa |
jihve pibasvāmṛtametadeva
govinda dāmodara mādhaveti || 65||
bakībakāghāsuradhenukāre
keśītṛṇāvartavighātadakṣa |
jihve pibasvāmṛtametadeva
govinda dāmodara mādhaveti || 66||
śrījānakījīvana rāmacandra
niśācarāre bharatāgrajeśa |
jihve pibasvāmṛtametadeva
govinda dāmodara mādhaveti || 67||
nārāyaṇānanta hare nṛsiṃha
prahlādabādhāhara he kṛpālo |
jihve pibasvāmṛtametadeva
govinda dāmodara mādhaveti || 68||
līlāmanuṣyākṛtirāmarūpa
pratāpadāsīkṛtasarvabhūpa |
jihve pibasvāmṛtametadeva
govinda dāmodara mādhaveti || 69||
śrīkṛṣṇa govinda hare murāre
he nātha nārāyaṇa vāsudeva |
jihve pibasvāmṛtametadeva
govinda dāmodara mādhaveti || 70||
vaktuṃ samartho'pi na vakti kaścid-
aho janānāṃ vyasanābhimukhyam |
jihve pibasvāmṛtametadeva
govinda dāmodara mādhaveti || 71||
iti śrībilvamaṅgalācāryaviracitaṃ śrīgovindadāmodarastotraṃ sampūrṇam |
InfoLyter.in — Sacred Vedic Knowledge Portal · Free forever