📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ഗോപാല സഹസ്ര നാമ സ്തോത്രമ്
Gopala Sahasra Nama Stotram
Krishna Stotram Malayalam
കൈലാസശിഖരേ രമ്യേ ഗൌരീ പപ്രച്ഛ ശങ്കരമ് ।
ബ്രഹ്മാണ്ഡാഖിലനാഥസ്ത്വം സൃഷ്ടിസംഹാരകാരകഃ ॥ 1 ॥
ത്വമേവ പൂജ്യസേ ലോകൈര്ബ്രഹ്മവിഷ്ണുസുരാദിഭിഃ ।
നിത്യം പഠസി ദേവേശ കസ്യ സ്തോത്രം മഹേശ്വര ॥ 2 ॥
ആശ്ചര്യമിദമത്യന്തം ജായതേ മമ ശങ്കര ।
തത്പ്രാണേശ മഹാപ്രാജ്ഞ സംശയം ഛിന്ധി മേ പ്രഭോ ॥ 3 ॥
ശ്രീമഹാദേവ ഉവാച-
ധന്യാസി കൃതപുണ്യാസി പാര്വതി പ്രാണവല്ലഭേ ।
രഹസ്യാതിരഹസ്യം ച യത്പൃച്ഛസി വരാനനേ ॥ 4 ॥
സ്ത്രീസ്വഭാവാന്മഹാദേവി പുനസ്ത്വം പരിപൃച്ഛസി ।
ഗോപനീയം ഗോപനീയം ഗോപനീയം പ്രയത്നതഃ ॥ 5 ॥
ദത്തേ ച സിദ്ധിഹാനിഃ സ്യാത്തസ്മാദ്യത്നേന ഗോപയേത് ।
ഇദം രഹസ്യം പരമം പുരുഷാര്ഥപ്രദായകമ് ॥ 6 ॥
ധനരത്നൌഘമാണിക്യം തുരങ്ഗം ച ഗജാദികമ് ।
ദദാതി സ്മരണാദേവ മഹാമോക്ഷപ്രദായകമ് ॥ 7 ॥
തത്തേഽഹം സമ്പ്രവക്ഷ്യാമി ശൃണുഷ്വാവഹിതാ പ്രിയേ ।
യോഽസൌ നിരഞ്ജനോ ദേവശ്ചിത്സ്വരൂപീ ജനാര്ദനഃ ॥ 8 ॥
സംസാരസാഗരോത്താരകാരണായ നൃണാം സദാ ।
ശ്രീരങ്ഗാദികരൂപേണ ത്രൈലോക്യം വ്യാപ്യ തിഷ്ഠതി ॥ 9 ॥
തതോ ലോകാ മഹാമൂഢാ വിഷ്ണുഭക്തിവിവര്ജിതാഃ ।
നിശ്ചയം നാധിഗച്ഛന്തി പുനര്നാരായണോ ഹരിഃ ॥ 10 ॥
നിരഞ്ജനോ നിരാകാരോ ഭക്താനാം പ്രീതികാമദഃ ।
ബൃന്ദാവനവിഹാരായ ഗോപാലം രൂപമുദ്വഹന് ॥ 11 ॥
മുരലീവാദനാധാരീ രാധായൈ പ്രീതിമാവഹന് ।
അംശാംശേഭ്യഃ സമുന്മീല്യ പൂര്ണരൂപകലായുതഃ ॥ 12 ॥
ശ്രീകൃഷ്ണചന്ദ്രോ ഭഗവാന് നന്ദഗോപവരോദ്യതഃ ।
ധരണീരൂപിണീ മാതാ യശോദാ നന്ദഗേഹിനീ ॥ 13 ॥
ദ്വാഭ്യാം പ്രയാചിതോ നാഥോ ദേവക്യാം വസുദേവതഃ ।
ബ്രഹ്മണാഽഭ്യര്ഥിതോ ദേവോ ദേവൈരപി സുരേശ്വരഃ ॥ 14 ॥
ജാതോഽവന്യാം ച മുദിതോ മുരലീവാചനേച്ഛയാ ।
ശ്രിയാ സാര്ധം വചഃ കൃത്വാ തതോ ജാതോ മഹീതലേ ॥ 15 ॥
സംസാരസാരസര്വസ്വം ശ്യാമലം മഹദുജ്ജ്വലമ് ।
ഏതജ്ജ്യോതിരഹം വന്ദ്യം ചിന്തയാമി സനാതനമ് ॥ 16 ॥
ഗൌരതേജോ വിനാ യസ്തു ശ്യാമതേജസ്സമര്ചയേത് ।
ജപേദ്വാ ധ്യായതേ വാപി സ ഭവേത്പാതകീ ശിവേ ॥ 17 ॥
സ ബ്രഹ്മഹാ സുരാപീ ച സ്വര്ണസ്തേയീ ച പഞ്ചമഃ ।
ഏതൈര്ദോഷൈര്വിലിപ്യേത തേജോഭേദാന്മഹീശ്വരി ॥ 18 ॥
തസ്മാജ്ജ്യോതിരഭൂദ്ദ്വേധാ രാധാമാധവരൂപകമ് ।
തസ്മാദിദം മഹാദേവി ഗോപാലേനൈവ ഭാഷിതമ് ॥ 19 ॥
ദുര്വാസസോ മുനേര്മോഹേ കാര്തിക്യാം രാസമണ്ഡലേ ।
തതഃ പൃഷ്ടവതീ രാധാ സന്ദേഹം ഭേദമാത്മനഃ ॥ 20 ॥
നിരഞ്ജനാത്സമുത്പന്നം മായാതീതം ജഗന്മയമ് ।
ശ്രീകൃഷ്ണേന തതഃ പ്രോക്തം രാധായൈ നാരദായ ച ॥ 21 ॥
തതോ നാരദതസ്സര്വം വിരലാ വൈഷ്ണവാസ്തഥാ ।
കലൌ ജാനന്തി ദേവേശി ഗോപനീയം പ്രയത്നതഃ ॥ 22 ॥
ശഠായ കൃപണായാഥ ഡാമ്ഭികായ സുരേശ്വരി ।
ബ്രഹ്മഹത്യാമവാപ്നോതി തസ്മാദ്യത്നേന ഗോപയേത് ॥ 23 ॥
ഓം അസ്യ ശ്രീഗോപാലസഹസ്രനാമസ്തോത്ര മഹാമന്ത്രസ്യ ശ്രീനാരദ ഋഷിഃ, അനുഷ്ടുപ് ഛന്ദഃ, ശ്രീഗോപാലോ ദേവതാ, കാമോ ബീജം, മായാ ശക്തിഃ, ചന്ദ്രഃ കീലകം, ശ്രീകൃഷ്ണചന്ദ്ര ഭക്തിരൂപഫലപ്രാപ്തയേ ശ്രീഗോപാലസഹസ്രനാമസ്തോത്രജപേ വിനിയോഗഃ ।
ഓം ഐം ക്ലീം ബീജം, ശ്രീം ഹ്രീം ശക്തിഃ, ശ്രീ ബൃന്ദാവനനിവാസഃ കീലകം, ശ്രീരാധാപ്രിയം പരം ബ്രഹ്മേതി മന്ത്രഃ, ധര്മാദി ചതുര്വിധ പുരുഷാര്ഥസിദ്ധ്യര്ഥേ ജപേ വിനിയോഗഃ ।
ന്യാസഃ ।
ഓം നാരദ ഋഷയേ നമഃ ശിരസി ।
അനുഷ്ടുപ് ഛന്ദസേ നമഃ മുഖേ ।
ശ്രീഗോപാലദേവതായൈ നമഃ ഹൃദയേ ।
ക്ലീം കീലകായ നമഃ നാഭൌ ।
ഹ്രീം ശക്തയേ നമഃ ഗുഹ്യേ ।
ശ്രീം കീലകായ നമഃ ഫാലയോഃ ।
ഓം ക്ലീം കൃഷ്ണായ ഗോവിന്ദായ ഗോപീജനവല്ലഭായ സ്വാഹാ ഇതി മൂലമന്ത്രഃ ।
കരന്യാസഃ ।
ഓം ക്ലാം അങ്ഗുഷ്ഠാഭ്യാം നമഃ ।
ഓം ക്ലീം തര്ജനീഭ്യാം നമഃ ।
ഓം ക്ലൂം മധ്യമാഭ്യാം നമഃ ।
ഓം ക്ലൈം അനാമികാഭ്യാം നമഃ ।
ഓം ക്ലൌം കനിഷ്ഠികാഭ്യാം നമഃ ।
ഓം ക്ലഃ കരതലകരപൃഷ്ഠാഭ്യാം നമഃ ।
ഹൃദയാദിന്യാസഃ ।
ഓം ക്ലാം ഹൃദയായ നമഃ ।
ഓം ക്ലീം ശിരസേ സ്വാഹാ ।
ഓം ക്ലൂം ശിഖായൈ വഷട് ।
ഓം ക്ലൈം കവചായ ഹുമ് ।
ഓം ക്ലൌം നേത്രത്രയായ വൌഷട് ।
ഓം ക്ലഃ അസ്ത്രായ ഫട് ।
മൂലമന്ത്രന്യാസഃ ।
ക്ലീം അങ്ഗുഷ്ഠാഭ്യാം നമഃ ।
കൃഷ്ണായ തര്ജനീഭ്യാം നമഃ ।
ഗോവിന്ദായ മധ്യമാഭ്യാം നമഃ ।
ഗോപീജന അനാമികാഭ്യാം നമഃ ।
വല്ലഭായ കനിഷ്ഠികാഭ്യാം നമഃ ।
സ്വാഹാ കരതലകരപൃഷ്ഠാഭ്യാം നമഃ ।
ക്ലീം ഹൃദയായ നമഃ ।
കൃഷ്ണായ ശിരസേ സ്വാഹാ ।
ഗോവിന്ദായ ശിഖായൈ വഷട് ।
ഗോപീജന കവചായ ഹുമ് ।
വല്ലഭായ നേത്രത്രയായ വൌഷട് ।
സ്വാഹാ അസ്ത്രായ ഫട് ।
ധ്യാനമ് ।
ഫുല്ലേന്ദീവരകാന്തിമിന്ദുവദനം ബര്ഹാവതംസപ്രിയം
ശ്രീവത്സാങ്കമുദാരകൌസ്തുഭധരം പീതാമ്ബരം സുന്ദരമ് ।
ഗോപീനാം നയനോത്പലാര്ചിതതനും ഗോഗോപസങ്ഘാവൃതം
ഗോവിന്ദം കലവേണുവാദനപരം ദിവ്യാങ്ഗഭൂഷം ഭജേ ॥ 1 ॥
കസ്തൂരീതിലകം ലലാടഫലകേ വക്ഷസ്സ്ഥലേ കൌസ്തുഭം
നാസാഗ്രേ വരമൌക്തികം കരതലേ വേണും കരേ കങ്കണമ് ।
സര്വാങ്ഗേ ഹരിചന്ദനം ച കലയന് കണ്ഠേ ച മുക്താവലിം
ഗോപസ്ത്രീപരിവേഷ്ടിതോ വിജയതേ ഗോപാലചൂഡാമണിഃ ॥ 2 ॥
ഓം ക്ലീം ദേവഃ കാമദേവഃ കാമബീജശിരോമണിഃ ।
ശ്രീഗോപാലോ മഹീപാലോ വേദവേദാങ്ഗപാരഗഃ ॥ 1 ॥
കൃഷ്ണഃ കമലപത്രാക്ഷഃ പുണ്ഡരീകഃ സനാതനഃ ।
ഗോപതിര്ഭൂപതിഃ ശാസ്താ പ്രഹര്താ വിശ്വതോമുഖഃ ॥ 2 ॥
ആദികര്താ മഹാകര്താ മഹാകാലഃ പ്രതാപവാന് ।
ജഗജ്ജീവോ ജഗദ്ധാതാ ജഗദ്ഭര്താ ജഗദ്വസുഃ ॥ 3 ॥
മത്സ്യോ ഭീമഃ കുഹൂഭര്താ ഹര്താ വാരാഹമൂര്തിമാന് ।
നാരായണോ ഹൃഷീകേശോ ഗോവിന്ദോ ഗരുഡധ്വജഃ ॥ 4 ॥
ഗോകുലേശോ മഹാചന്ദ്രഃ ശര്വരീപ്രിയകാരകഃ ।
കമലാമുഖലോലാക്ഷഃ പുണ്ഡരീകഃ ശുഭാവഹഃ ॥ 5 ॥
ദുര്വാസാഃ കപിലോ ഭൌമഃ സിന്ധുസാഗരസങ്ഗമഃ ।
ഗോവിന്ദോ ഗോപതിര്ഗോത്രഃ കാലിന്ദീപ്രേമപൂരകഃ ॥ 6 ॥
ഗോപസ്വാമീ ഗോകുലേന്ദ്രഃ ഗോവര്ധനവരപ്രദഃ ।
നന്ദാദിഗോകുലത്രാതാ ദാതാ ദാരിദ്ര്യഭഞ്ജനഃ ॥ 7 ॥
സര്വമങ്ഗലദാതാ ച സര്വകാമവരപ്രദഃ ।
ആദികര്താ മഹീഭര്താ സര്വസാഗരസിന്ധുജഃ ॥ 8 ॥
ഗജഗാമീ ഗജോദ്ധാരീ കാമീ കാമകലാനിധിഃ ।
കലങ്കരഹിതശ്ചന്ദ്രോ ബിമ്ബാസ്യോ ബിമ്ബസത്തമഃ ॥ 9 ॥
മാലാകാരഃ കൃപാകാരഃ കോകിലസ്വരഭൂഷണഃ ।
രാമോ നീലാമ്ബരോ ദേഹീ ഹലീ ദ്വിവിദമര്ദനഃ ॥ 10 ॥
സഹസ്രാക്ഷപുരീഭേത്താ മഹാമാരീവിനാശനഃ ।
ശിവഃ ശിവതമോ ഭേത്താ ബലാരാതിപ്രപൂജകഃ ॥ 11 ॥
കുമാരീവരദായീ ച വരേണ്യോ മീനകേതനഃ ।
നരോ നാരായണോ ധീരോ ധരാപതിരുദാരധീഃ ॥ 12 ॥
ശ്രീപതിഃ ശ്രീനിധിഃ ശ്രീമാന് മാപതിഃ പ്രതിരാജഹാ ।
ബൃന്ദാപതിഃ കുലം ഗ്രാമീ ധാമ ബ്രഹ്മസനാതനഃ ॥ 13 ॥
രേവതീരമണോ രാമഃ പ്രിയശ്ചഞ്ചലലോചനഃ ।
രാമായണശരീരശ്ച രാമോ രാമഃ ശ്രിയഃപതിഃ ॥ 14 ॥
ശര്വരഃ ശര്വരീ ശര്വഃ സര്വത്ര ശുഭദായകഃ ।
രാധാരാധയിതാരാധീ രാധാചിത്തപ്രമോദകഃ ॥ 15 ॥
രാധാരതിസുഖോപേതോ രാധാമോഹനതത്പരഃ ।
രാധാവശീകരോ രാധാഹൃദയാമ്ഭോജഷട്പദഃ ॥ 16 ॥
രാധാലിങ്ഗനസമ്മോദോ രാധാനര്തനകൌതുകഃ ।
രാധാസഞ്ജാതസമ്പ്രീതോ രാധാകാമഫലപ്രദഃ ॥ 17 ॥
ബൃന്ദാപതിഃ കോകനിധിഃ കോകശോകവിനാശനഃ ।
ചന്ദ്രാപതിശ്ചന്ദ്രപതിശ്ചണ്ഡകോദണ്ഡഭഞ്ജനഃ ॥ 18 ॥
രാമോ ദാശരഥീ രാമോ ഭൃഗുവംശസമുദ്ഭവഃ ।
ആത്മാരാമോ ജിതക്രോധോ മോഹോ മോഹാന്ധഭഞ്ജനഃ ॥ 19 ॥
വൃഷഭാനുഭവോ ഭാവീ കാശ്യപിഃ കരുണാനിധിഃ ।
കോലാഹലോ ഹലോ ഹാലീ ഹലീ ഹലധരപ്രിയഃ ॥ 20 ॥
രാധാമുഖാബ്ജമാര്താണ്ഡോ ഭാസ്കരോ രവിജോ വിധുഃ ।
വിധിര്വിധാതാ വരുണോ വാരുണോ വാരുണീപ്രിയഃ ॥ 21 ॥
രോഹിണീഹൃദയാനന്ദീ വസുദേവാത്മജോ ബലിഃ ।
നീലാമ്ബരോ രൌഹിണേയോ ജരാസന്ധവധോഽമലഃ ॥ 22 ॥
നാഗോ ജവാമ്ഭോ വിരുദോ വീരഹാ വരദോ ബലീ ।
ഗോപദോ വിജയീ വിദ്വാന് ശിപിവിഷ്ടഃ സനാതനഃ ॥ 23 ॥
പരശുരാമവചോഗ്രാഹീ വരഗ്രാഹീ സൃഗാലഹാ ।
ദമഘോഷോപദേഷ്ടാ ച രഥഗ്രാഹീ സുദര്ശനഃ ॥ 24 ॥
വീരപത്നീയശസ്ത്രാതാ ജരാവ്യാധിവിഘാതകഃ ।
ദ്വാരകാവാസതത്ത്വജ്ഞോ ഹുതാശനവരപ്രദഃ ॥ 25 ॥
യമുനാവേഗസംഹാരീ നീലാമ്ബരധരഃ പ്രഭുഃ ।
വിഭുഃ ശരാസനോ ധന്വീ ഗണേശോ ഗണനായകഃ ॥ 26 ॥
ലക്ഷ്മണോ ലക്ഷണോ ലക്ഷ്യോ രക്ഷോവംശവിനാശകഃ ।
വാമനോ വാമനീഭൂതോ വമനോ വമനാരുഹഃ ॥ 27 ॥
യശോദാനന്ദനഃ കര്താ യമലാര്ജുനമുക്തിദഃ ।
ഉലൂഖലീ മഹാമാനോ ദാമബദ്ധാഹ്വയീ ശമീ ॥ 28 ॥
ഭക്താനുകാരീ ഭഗവാന് കേശവോഽചലധാരകഃ ।
കേശിഹാ മധുഹാ മോഹീ വൃഷാസുരവിഘാതകഃ ॥ 29 ॥
അഘാസുരവിഘാതീ ച പൂതനാമോക്ഷദായകഃ ।
കുബ്ജാവിനോദീ ഭഗവാന് കംസമൃത്യുര്മഹാമുഖീ ॥ 30 ॥
അശ്വമേധോ വാജപേയോ ഗോമേധോ നരമേധവാന് ।
കന്ദര്പകോടിലാവണ്യശ്ചന്ദ്രകോടിസുശീതലഃ ॥ 31 ॥
രവികോടിപ്രതീകാശോ വായുകോടിമഹാബലഃ ।
ബ്രഹ്മാ ബ്രഹ്മാണ്ഡകര്താ ച കമലാവാഞ്ഛിതപ്രദഃ ॥ 32 ॥
കമലീ കമലാക്ഷശ്ച കമലാമുഖലോലുപഃ ।
കമലാവ്രതധാരീ ച കമലാഭഃ പുരന്ദരഃ ॥ 33 ॥
സൌഭാഗ്യാധികചിത്തശ്ച മഹാമായീ മദോത്കടഃ ।
താടകാരിഃ സുരത്രാതാ മാരീചക്ഷോഭകാരകഃ ॥ 34 ॥
വിശ്വാമിത്രപ്രിയോ ദാന്തോ രാമോ രാജീവലോചനഃ ।
ലങ്കാധിപകുലധ്വംസീ വിഭീഷണവരപ്രദഃ ॥ 35 ॥
സീതാനന്ദകരോ രാമോ വീരോ വാരിധിബന്ധനഃ ।
ഖരദൂഷണസംഹാരീ സാകേതപുരവാസവാന് ॥ 36 ॥
ചന്ദ്രാവലിപതിഃ കൂലഃ കേശികംസവധോഽമരഃ ।
മാധവോ മധുഹാ മാധ്വീ മാധ്വീകോ മാധവീ വിഭുഃ ॥ 37 ॥
മുഞ്ജാടവീഗാഹമാനോ ധേനുകാരിര്ദശാത്മജഃ ।
വംശീവടവിഹാരീ ച ഗോവര്ധനവനാശ്രയഃ ॥ 38 ॥
തഥാ താലവനോദ്ദേശീ ഭാണ്ഡീരവനശങ്കരഃ ।
തൃണാവര്തകൃപാകാരീ വൃഷഭാനുസുതാപതിഃ ॥ 39 ॥
രാധാപ്രാണസമോ രാധാവദനാബ്ജമധൂത്കടഃ ।
ഗോപീരഞ്ജനദൈവജ്ഞഃ ലീലാകമലപൂജിതഃ ॥ 40 ॥
ക്രീഡാകമലസന്ദോഹോ ഗോപികാപ്രീതിരഞ്ജനഃ ।
രഞ്ജകോ രഞ്ജനോ രങ്ഗോ രങ്ഗീ രങ്ഗമഹീരുഹഃ ॥ 41 ॥
കാമഃ കാമാരിഭക്തശ്ച പുരാണപുരുഷഃ കവിഃ ।
നാരദോ ദേവലോ ഭീമോ ബാലോ ബാലമുഖാമ്ബുജഃ ॥ 42 ॥
അമ്ബുജോ ബ്രഹ്മസാക്ഷീ ച യോഗീ ദത്തവരോ മുനിഃ ।
ഋഷഭഃ പര്വതോ ഗ്രാമോ നദീപവനവല്ലഭഃ ॥ 43 ॥
പദ്മനാഭഃ സുരജ്യേഷ്ഠോ ബ്രഹ്മാ രുദ്രോഽഹിഭൂഷിതഃ ।
ഗണാനാം ത്രാണകര്താ ച ഗണേശോ ഗ്രഹിലോ ഗ്രഹിഃ ॥ 44 ॥
ഗണാശ്രയോ ഗണാധ്യക്ഷോ ക്രോഡീകൃതജഗത്ത്രയഃ ।
യാദവേന്ദ്രോ ദ്വാരകേന്ദ്രോ മഥുരാവല്ലഭോ ധുരീ ॥ 45 ॥
ഭ്രമരഃ കുന്തലീ കുന്തീസുതരക്ഷീ മഹാമനാഃ ।
യമുനാവരദാതാ ച കാശ്യപസ്യ വരപ്രദഃ ॥ 46 ॥
ശങ്ഖചൂഡവധോദ്ദാമോ ഗോപീരക്ഷണതത്പരഃ ।
പാഞ്ചജന്യകരോ രാമീ ത്രിരാമീ വനജോ ജയഃ ॥ 47 ॥
ഫാല്ഗുണഃ ഫല്ഗുനസഖോ വിരാധവധകാരകഃ ।
രുക്മിണീപ്രാണനാഥശ്ച സത്യഭാമാപ്രിയങ്കരഃ ॥ 48 ॥
കല്പവൃക്ഷോ മഹാവൃക്ഷോ ദാനവൃക്ഷോ മഹാഫലഃ ।
അങ്കുശോ ഭൂസുരോ ഭാവോ ഭാമകോ ഭ്രാമകോ ഹരിഃ ॥ 49 ॥
സരലഃ ശാശ്വതോ വീരോ യദുവംശശിവാത്മകഃ ।
പ്രദ്യുമ്നോ ബലകര്താ ച പ്രഹര്താ ദൈത്യഹാ പ്രഭുഃ ॥ 50 ॥
മഹാധനോ മഹാവീരോ വനമാലാവിഭൂഷണഃ ।
തുലസീദാമശോഭാഢ്യോ ജാലന്ധരവിനാശനഃ ॥ 51 ॥
സൂരഃ സൂര്യോ മൃകണ്ഡുശ്ച ഭാസ്വരോ വിശ്വപൂജിതഃ ।
രവിസ്തമോഹാ വഹ്നിശ്ച ബാഡബോ ബഡബാനലഃ ॥ 52 ॥
ദൈത്യദര്പവിനാശീ ച ഗരുഡോ ഗരുഡാഗ്രജഃ ।
ഗോപീനാഥോ മഹീനാഥോ ബൃന്ദാനാഥോഽവരോധകഃ ॥ 53 ॥
പ്രപഞ്ചീ പഞ്ചരൂപശ്ച ലതാഗുല്മശ്ച ഗോമതിഃ ।
ഗങ്ഗാ ച യമുനാരൂപോ ഗോദാ വേത്രവതീ തഥാ ॥ 54 ॥
കാവേരീ നര്മദാ താപീ ഗണ്ഡകീ സരയൂ രജഃ ।
രാജസസ്താമസസ്സത്ത്വീ സര്വാങ്ഗീ സര്വലോചനഃ ॥ 55 ॥
സുധാമയോഽമൃതമയോ യോഗിനാം വല്ലഭഃ ശിവഃ ।
ബുദ്ധോ ബുദ്ധിമതാം ശ്രേഷ്ഠോ വിഷ്ണുര്ജിഷ്ണുഃ ശചീപതിഃ ॥ 56 ॥
വംശീ വംശധരോ ലോകോ വിലോകോ മോഹനാശനഃ ।
രവരാവോ രവോ രാവോ വലോ വാലോ വലാഹകഃ ॥ 57 ॥
ശിവോ രുദ്രോ നലോ നീലോ ലാങ്ഗലീ ലാങ്ഗലാശ്രയഃ ।
പാരദഃ പാവനോ ഹംസോ ഹംസാരൂഢോ ജഗത്പതിഃ ॥ 58 ॥
മോഹിനീമോഹനോ മായീ മഹാമായോ മഹാസുഖീ ।
വൃഷോ വൃഷാകപിഃ കാലഃ കാലീദമനകാരകഃ ॥ 59 ॥
കുബ്ജാഭാഗ്യപ്രദോ വീരോ രജകക്ഷയകാരകഃ ।
കോമലോ വാരുണീ രാജാ ജലജോ ജലധാരകഃ ॥ 60 ॥
ഹാരകഃ സര്വപാപഘ്നഃ പരമേഷ്ഠീ പിതാമഹഃ ।
ഖഡ്ഗധാരീ കൃപാകാരീ രാധാരമണസുന്ദരഃ ॥ 61 ॥
ദ്വാദശാരണ്യസമ്ഭോഗീ ശേഷനാഗഫണാലയഃ ।
കാമഃ ശ്യാമഃ സുഖശ്രീദഃ ശ്രീപതിഃ ശ്രീനിധിഃ കൃതിഃ ॥ 62 ॥
ഹരിര്ഹരോ നരോ നാരോ നരോത്തമ ഇഷുപ്രിയഃ ।
ഗോപാലചിത്തഹര്താ ച കര്താ സംസാരതാരകഃ ॥ 63 ॥
ആദിദേവോ മഹാദേവോ ഗൌരീഗുരുരനാശ്രയഃ ।
സാധുര്മധുര്വിധുര്ധാതാ ത്രാതാഽക്രൂരപരായണഃ ॥ 64 ॥
രോലമ്ബീ ച ഹയഗ്രീവോ വാനരാരിര്വനാശ്രയഃ ।
വനം വനീ വനാധ്യക്ഷോ മഹാവന്ദ്യോ മഹാമുനിഃ ॥ 65 ॥
സ്യമന്തകമണിപ്രാജ്ഞഃ വിജ്ഞോ വിഘ്നവിഘാതകഃ ।
ഗോവര്ധനോ വര്ധനീയോ വര്ധനീ വര്ധനപ്രിയഃ ॥ 66 ॥
വാര്ധന്യോ വര്ധനോ വര്ധീ വര്ധിഷ്ണസ്തു സുഖപ്രിയഃ ।
വര്ധിതോ വര്ധകോ വൃദ്ധോ ബൃന്ദാരകജനപ്രിയഃ ॥ 67 ॥
ഗോപാലരമണീഭര്താ സാമ്ബകുഷ്ഠവിനാശനഃ ।
രുക്മിണീഹരണപ്രേമാ പ്രേമീ ചന്ദ്രാവലീപതിഃ ॥ 68 ॥
ശ്രീകര്താ വിശ്വഭര്താ ച നാരായണ നരോ ബലീ ।
ഗണോ ഗണപതിശ്ചൈവ ദത്താത്രേയോ മഹാമുനിഃ ॥ 69 ॥
വ്യാസോ നാരായണോ ദിവ്യോ ഭവ്യോ ഭാവുകധാരകഃ ।
ശ്വഃശ്രേയസം ശിവം ഭദ്രം ഭാവുകം ഭവുകം ശുഭമ് ॥ 70 ॥
ശുഭാത്മകഃ ശുഭഃ ശാസ്താ പ്രശസ്തോ മേഘനാദഹാ ।
ബ്രഹ്മണ്യദേവോ ദീനാനാമുദ്ധാരകരണക്ഷമഃ ॥ 71 ॥
കൃഷ്ണഃ കമലപത്രാക്ഷഃ കൃഷ്ണഃ കമലലോചനഃ ।
കൃഷ്ണഃ കാമീ സദാ കൃഷ്ണഃ സമസ്തപ്രിയകാരകഃ ॥ 72 ॥
നന്ദോ നന്ദീ മഹാനന്ദീ മാദീ മാദനകഃ കിലീ ।
മീലീ ഹിലീ ഗിലീ ഗോലീ ഗോലോ ഗോലാലയോ ഗുലീ ॥ 73 ॥
ഗുഗ്ഗുലീ മാരകീ ശാഖീ വടഃ പിപ്പലകഃ കൃതീ ।
മ്ലേച്ഛഹാ കാലഹര്താ ച യശോദാ യശ ഏവ ച ॥ 74 ॥
അച്യുതഃ കേശവോ വിഷ്ണുഃ ഹരിഃ സത്യോ ജനാര്ദനഃ ।
ഹംസോ നാരായണോ നീലോ ലീനോ ഭക്തിപരായണഃ ॥ 75 ॥
ജാനകീവല്ലഭോ രാമോ വിരാമോ വിഷനാശനഃ ।
സിംഹഭാനുര്മഹാഭാനു-ര്വീരഭാനുര്മഹോദധിഃ ॥ 76 ॥
സമുദ്രോഽബ്ധിരകൂപാരഃ പാരാവാരഃ സരിത്പതിഃ ।
ഗോകുലാനന്ദകാരീ ച പ്രതിജ്ഞാപരിപാലകഃ ॥ 77 ॥
സദാരാമഃ കൃപാരാമോ മഹാരാമോ ധനുര്ധരഃ ।
പര്വതഃ പര്വതാകാരോ ഗയോ ഗേയോ ദ്വിജപ്രിയഃ ॥ 78 ॥
കമലാശ്വതരോ രാമോ രാമായണപ്രവര്തകഃ ।
ദ്യൌര്ദിവോ ദിവസോ ദിവ്യോ ഭവ്യോ ഭാഗീ ഭയാപഹഃ ॥ 79 ॥
പാര്വതീഭാഗ്യസഹിതോ ഭര്താ ലക്ഷ്മീസഹായവാന് । [വിലാസവാന്]
വിലാസീ സാഹസീ സര്വീ ഗര്വീ ഗര്വിതലോചനഃ ॥ 80 ॥
സുരാരിര്ലോകധര്മജ്ഞോ ജീവനോ ജീവനാന്തകഃ ।
യമോ യമാരിര്യമനോ യമീ യാമവിഘാതകഃ ॥ 81 ॥
വംശുലീ പാംശുലീ പാംസുഃ പാണ്ഡുരര്ജുനവല്ലഭഃ ।
ലലിതാ ചന്ദ്രികാമാലാ മാലീ മാലാമ്ബുജാശ്രയഃ ॥ 82 ॥
അമ്ബുജാക്ഷോ മഹായക്ഷോ ദക്ഷശ്ചിന്താമണിപ്രഭുഃ ।
മണിര്ദിനമണിശ്ചൈവ കേദാരോ ബദരീശ്രയഃ ॥ 83 ॥
ബദരീവനസമ്പ്രീതോ വ്യാസഃ സത്യവതീസുതഃ ।
അമരാരിനിഹന്താ ച സുധാസിന്ധുവിധൂദയഃ ॥ 84 ॥
ചന്ദ്രോ രവിഃ ശിവഃ ശൂലീ ചക്രീ ചൈവ ഗദാധരഃ ।
ശ്രീകര്താ ശ്രീപതിഃ ശ്രീദഃ ശ്രീദേവോ ദേവകീസുതഃ ॥ 85 ॥
ശ്രീപതിഃ പുണ്ഡരീകാക്ഷഃ പദ്മനാഭോ ജഗത്പതിഃ ।
വാസുദേവോഽപ്രമേയാത്മാ കേശവോ ഗരുഡധ്വജഃ ॥ 86 ॥
നാരായണഃ പരം ധാമ ദേവദേവോ മഹേശ്വരഃ ।
ചക്രപാണിഃ കലാപൂര്ണോ വേദവേദ്യോ ദയാനിധിഃ ॥ 87 ॥
ഭഗവാന് സര്വഭൂതേശോ ഗോപാലഃ സര്വപാലകഃ ।
അനന്തോ നിര്ഗുണോ നിത്യോ നിര്വികല്പോ നിരഞ്ജനഃ ॥ 88 ॥
നിരാധാരോ നിരാകാരോ നിരാഭാസോ നിരാശ്രയഃ ।
പുരുഷഃ പ്രണവാതീതോ മുകുന്ദഃ പരമേശ്വരഃ ॥ 89 ॥
ക്ഷണാവനിഃ സാര്വഭൌമോ വൈകുണ്ഠോ ഭക്തവത്സലഃ ।
വിഷ്ണുര്ദാമോദരഃ കൃഷ്ണോ മാധവോ മഥുരാപതിഃ ॥ 90 ॥
ദേവകീഗര്ഭസമ്ഭൂതോ യശോദാവത്സലോ ഹരിഃ ।
ശിവഃ സങ്കര്ഷണഃ ശമ്ഭുര്ഭൂതനാഥോ ദിവസ്പതിഃ ॥ 91 ॥
അവ്യയഃ സര്വധര്മജ്ഞോ നിര്മലോ നിരുപദ്രവഃ ।
നിര്വാണനായകോ നിത്യോ നീലജീമൂതസന്നിഭഃ ॥ 92 ॥
കലാക്ഷയശ്ച സര്വജ്ഞഃ കമലാരൂപതത്പരഃ ।
ഹൃഷീകേശഃ പീതവാസാ വസുദേവപ്രിയാത്മജഃ ॥ 93 ॥
നന്ദഗോപകുമാരാര്യോ നവനീതാശനോ വിഭുഃ ।
പുരാണഃ പുരുഷശ്രേഷ്ഠഃ ശങ്ഖപാണിഃ സുവിക്രമഃ ॥ 94 ॥
അനിരുദ്ധശ്ചക്രധരഃ ശാര്ങ്ഗപാണിശ്ചതുര്ഭുജഃ ।
ഗദാധരഃ സുരാര്തിഘ്നോ ഗോവിന്ദോ നന്ദകായുധഃ ॥ 95 ॥
ബൃന്ദാവനചരഃ ശൌരിര്വേണുവാദ്യവിശാരദഃ ।
തൃണാവര്താന്തകോ ഭീമസാഹസോ ബഹുവിക്രമഃ ॥ 96 ॥
ശകടാസുരസംഹാരീ ബകാസുരവിനാശനഃ ।
ധേനുകാസുരസംഹാരീ പൂതനാരിര്നൃകേസരീ ॥ 97 ॥
പിതാമഹോ ഗുരുസ്സാക്ഷീ പ്രത്യഗാത്മാ സദാശിവഃ ।
അപ്രമേയഃ പ്രഭുഃ പ്രാജ്ഞോഽപ്രതര്ക്യഃ സ്വപ്നവര്ധനഃ ॥ 98 ॥
ധന്യോ മാന്യോ ഭവോ ഭാവോ ധീരഃ ശാന്തോ ജഗദ്ഗുരുഃ ।
അന്തര്യാമീശ്വരോ ദിവ്യോ ദൈവജ്ഞോ ദേവസംസ്തുതഃ ॥ 99 ॥
ക്ഷീരാബ്ധിശയനോ ധാതാ ലക്ഷ്മീവാന് ലക്ഷ്മണാഗ്രജഃ ।
ധാത്രീപതിരമേയാത്മാ ചന്ദ്രശേഖരപൂജിതഃ ॥ 100 ॥
ലോകസാക്ഷീ ജഗച്ചക്ഷുഃ പുണ്യചാരിത്രകീര്തനഃ ।
കോടിമന്മഥസൌന്ദര്യോ ജഗന്മോഹനവിഗ്രഹഃ ॥ 101 ॥
മന്ദസ്മിതതനുര്ഗോപഗോപികാപരിവേഷ്ടിതഃ ।
ഫുല്ലാരവിന്ദനയനശ്ചാണൂരാന്ധ്രനിഷൂദനഃ ॥ 102 ॥
ഇന്ദീവരദലശ്യാമോ ബര്ഹിബര്ഹാവതംസകഃ ।
മുരലീനിനദാഹ്ലാദോ ദിവ്യമാലാമ്ബരാവൃതഃ ॥ 103 ॥
സുകപോലയുഗഃ സുഭ്രൂയുഗലഃ സുലലാടകമ് ।
കമ്ബുഗ്രീവോ വിശാലാക്ഷോ ലക്ഷ്മീവാഞ്ഛുഭലക്ഷണഃ ॥ 104 ॥
പീനവക്ഷാശ്ചതുര്ബാഹുശ്ചതുര്മൂര്തിസ്ത്രിവിക്രമഃ ।
കലങ്കരഹിതഃ ശുദ്ധോ ദുഷ്ടശത്രുനിബര്ഹണഃ ॥ 105 ॥
കിരീടകുണ്ഡലധരഃ കടകാങ്ഗദമണ്ഡിതഃ ।
മുദ്രികാഭരണോപേതഃ കടിസൂത്രവിരാജിതഃ ॥ 106 ॥
മഞ്ജീരരഞ്ജിതപദഃ സര്വാഭരണഭൂഷിതഃ ।
വിന്യസ്തപാദയുഗലോ ദിവ്യമങ്ഗലവിഗ്രഹഃ ॥ 107 ॥
ഗോപികാനയനാനന്ദഃ പൂര്ണചന്ദ്രനിഭാനനഃ ।
സമസ്തജഗദാനന്ദഃ സുന്ദരോ ലോകനന്ദനഃ ॥ 108 ॥
യമുനാതീരസഞ്ചാരീ രാധാമന്മഥവൈഭവഃ ।
ഗോപനാരീപ്രിയോ ദാന്തോ ഗോപീവസ്ത്രാപഹാരകഃ ॥ 109 ॥
ശൃങ്ഗാരമൂര്തിഃ ശ്രീധാമാ താരകോ മൂലകാരണമ് ।
സൃഷ്ടിസംരക്ഷണോപായഃ ക്രൂരാസുരവിഭഞ്ജനഃ ॥ 110 ॥
നരകാസുരസംഹാരീ മുരാരിര്വൈരിമര്ദനഃ ।
ആദിതേയപ്രിയോ ദൈത്യഭീകരോ യദുശേഖരഃ ॥ 111 ॥
ജരാസന്ധകുലധ്വംസീ കംസാരാതിഃ സുവിക്രമഃ ।
പുണ്യശ്ലോകഃ കീര്തനീയോ യാദവേന്ദ്രോ ജഗന്നുതഃ ॥ 112 ॥
രുക്മിണീരമണഃ സത്യഭാമാജാമ്ബവതീപ്രിയഃ ।
മിത്രവിന്ദാനാഗ്നജിതീലക്ഷ്മണാസമുപാസിതഃ ॥ 113 ॥
സുധാകരകുലേ ജാതോഽനന്തഃ പ്രബലവിക്രമഃ ।
സര്വസൌഭാഗ്യസമ്പന്നോ ദ്വാരകാപട്ടണസ്ഥിതഃ ॥ 114 ॥
ഭദ്രാസൂര്യസുതാനാഥോ ലീലാമാനുഷവിഗ്രഹഃ ।
സഹസ്രഷോഡശസ്ത്രീശോ ഭോഗമോക്ഷൈകദായകഃ ॥ 115 ॥
വേദാന്തവേദ്യഃ സംവേദ്യോ വൈദ്യോ ബ്രഹ്മാണ്ഡനായകഃ ।
ഗോവര്ധനധരോ നാഥഃ സര്വജീവദയാപരഃ ॥ 116 ॥
മൂര്തിമാന് സര്വഭൂതാത്മാ ആര്തത്രാണപരായണഃ ।
സര്വജ്ഞഃ സര്വസുലഭഃ സര്വശാസ്ത്രവിശാരദഃ ॥ 117 ॥
ഷഡ്ഗുണൈശ്വര്യസമ്പന്നഃ പൂര്ണകാമോ ധുരന്ധരഃ ।
മഹാനുഭാവഃ കൈവല്യദായകോ ലോകനായകഃ ॥ 118 ॥
ആദിമധ്യാന്തരഹിതഃ ശുദ്ധസാത്ത്വികവിഗ്രഹഃ ।
അസമാനഃ സമസ്താത്മാ ശരണാഗതവത്സലഃ ॥ 119 ॥
ഉത്പത്തിസ്ഥിതിസംഹാരകാരണം സര്വകാരണമ് ।
ഗമ്ഭീരഃ സര്വഭാവജ്ഞഃ സച്ചിദാനന്ദവിഗ്രഹഃ ॥ 120 ॥
വിഷ്വക്സേനഃ സത്യസന്ധഃ സത്യവാക് സത്യവിക്രമഃ ।
സത്യവ്രതഃ സത്യരതഃ സത്യധര്മപരായണഃ ॥ 121 ॥
ആപന്നാര്തിപ്രശമനഃ ദ്രൌപദീമാനരക്ഷകഃ ।
കന്ദര്പജനകഃ പ്രാജ്ഞോ ജഗന്നാടകവൈഭവഃ ॥ 122 ॥
ഭക്തിവശ്യോ ഗുണാതീതഃ സര്വൈശ്വര്യപ്രദായകഃ ।
ദമഘോഷസുതദ്വേഷീ ബാണബാഹുവിഖണ്ഡനഃ ॥ 123 ॥
ഭീഷ്മഭക്തിപ്രദോ ദിവ്യഃ കൌരവാന്വയനാശനഃ ।
കൌന്തേയപ്രിയബന്ധുശ്ച പാര്ഥസ്യന്ദനസാരഥിഃ ॥ 124 ॥
നാരസിംഹോ മഹാവീരഃ സ്തമ്ഭജാതോ മഹാബലഃ ।
പ്രഹ്ലാദവരദഃ സത്യോ ദേവപൂജ്യോഽഭയങ്കരഃ ॥ 125 ॥
ഉപേന്ദ്ര ഇന്ദ്രാവരജോ വാമനോ ബലിബന്ധനഃ ।
ഗജേന്ദ്രവരദഃ സ്വാമീ സര്വദേവനമസ്കൃതഃ ॥ 126 ॥
ശേഷപര്യങ്കശയനോ വൈനതേയരഥോ ജയീ ।
അവ്യാഹതബലൈശ്വര്യസമ്പന്നഃ പൂര്ണമാനസഃ ॥ 127 ॥
യോഗീശ്വരേശ്വരഃ സാക്ഷീ ക്ഷേത്രജ്ഞോ ജ്ഞാനദായകഃ ।
യോഗിഹൃത്പങ്കജാവാസോ യോഗമായാസമന്വിതഃ ॥ 128 ॥
നാദബിന്ദുകലാതീതശ്ചതുര്വര്ഗഫലപ്രദഃ ।
സുഷുമ്നാമാര്ഗസഞ്ചാരീ ദേഹസ്യാന്തരസംസ്ഥിതഃ ॥ 129 ॥
ദേഹേന്ദ്രിയമനഃപ്രാണസാക്ഷീ ചേതഃപ്രസാദകഃ ।
സൂക്ഷ്മഃ സര്വഗതോ ദേഹീ ജ്ഞാനദര്പണഗോചരഃ ॥ 130 ॥
തത്ത്വത്രയാത്മകോഽവ്യക്തഃ കുണ്ഡലീ സമുപാശ്രിതഃ ।
ബ്രഹ്മണ്യഃ സര്വധര്മജ്ഞഃ ശാന്തോ ദാന്തോ ഗതക്ലമഃ ॥ 131 ॥
ശ്രീനിവാസഃ സദാനന്ദോ വിശ്വമൂര്തിര്മഹാപ്രഭുഃ ।
സഹസ്രശീര്ഷാ പുരുഷഃ സഹസ്രാക്ഷഃ സഹസ്രപാത് ॥ 132 ॥
സമസ്തഭുവനാധാരഃ സമസ്തപ്രാണരക്ഷകഃ ।
സമസ്തസ്സര്വഭാവജ്ഞോ ഗോപികാപ്രാണവല്ലഭഃ ॥ 133 ॥
നിത്യോത്സവോ നിത്യസൌഖ്യോ നിത്യശ്രീര്നിത്യമങ്ഗലമ് ।
വ്യൂഹാര്ചിതോ ജഗന്നാഥഃ ശ്രീവൈകുണ്ഠപുരാധിപഃ ॥ 134 ॥
പൂര്ണാനന്ദഘനീഭൂതോ ഗോപവേഷധരോ ഹരിഃ ।
കലാപകുസുമശ്യാമഃ കോമലഃ ശാന്തവിഗ്രഹഃ ॥ 135 ॥
ഗോപാങ്ഗനാവൃതോഽനന്തോ ബൃന്ദാവനസമാശ്രയഃ ।
വേണുനാദരതഃ ശ്രേഷ്ഠോ ദേവാനാം ഹിതകാരകഃ ॥ 136 ॥
ജലക്രീഡാസമാസക്തോ നവനീതസ്യ തസ്കരഃ ।
ഗോപാലകാമിനീജാരശ്ചോരജാരശിഖാമണിഃ ॥ 137 ॥
പരഞ്ജ്യോതിഃ പരാകാശഃ പരാവാസഃ പരിസ്ഫുടഃ ।
അഷ്ടാദശാക്ഷരോ മന്ത്രോ വ്യാപകോ ലോകപാവനഃ ॥ 138 ॥
സപ്തകോടിമഹാമന്ത്രശേഖരോ ദേവശേഖരഃ ।
വിജ്ഞാനജ്ഞാനസന്ധാനസ്തേജോരാശിര്ജഗത്പതിഃ ॥ 139 ॥
ഭക്തലോകപ്രസന്നാത്മാ ഭക്തമന്ദാരവിഗ്രഹഃ ।
ഭക്തദാരിദ്ര്യശമനോ ഭക്താനാം പ്രീതിദായകഃ ॥ 140 ॥
ഭക്താധീനമനാഃ പൂജ്യോ ഭക്തലോകശിവങ്കരഃ ।
ഭക്താഭീഷ്ടപ്രദഃ സര്വഭക്താഘൌഘനികൃന്തകഃ ॥ 141 ॥
അപാരകരുണാസിന്ധുര്ഭഗവാന് ഭക്തതത്പരഃ ॥ 142 ॥
[ഇതി ശ്രീരാധികാനാഥ നാമ്നാം സാഹസ്രമീരിതമ് । ]
സ്മരണാത്പാപരാശീനാം ഖണ്ഡനം മൃത്യുനാശനമ് ॥ 1 ॥
വൈഷ്ണവാനാം പ്രിയകരം മഹാദാരിദ്ര്യനാശനമ് ।
ബ്രഹ്മഹത്യാസുരാപാനം പരസ്ത്രീഗമനം തഥാ ॥ 2 ॥
പരദ്രവ്യാപഹരണം പരദ്വേഷസമന്വിതമ് ।
മാനസം വാചികം കായം യത്പാപം പാപസമ്ഭവമ് ॥ 3 ॥
സഹസ്രനാമപഠനാത്സര്വേ നശ്യന്തി തത്ക്ഷണാത് ।
മഹാദാരിദ്ര്യയുക്തോ വൈ വൈഷ്ണവോ വിഷ്ണുഭക്തിമാന് ॥ 4 ॥
കാര്തിക്യാം യഃ പഠേദ്രാത്രൌ ശതമഷ്ടോത്തരം ക്രമാത് ।
പീതാമ്ബരധരോ ധീമാന് സുഗന്ധീ പുഷ്പചന്ദനൈഃ ॥ 5 ॥
പുസ്തകം പൂജയിത്വാ ച നൈവേദ്യാദിഭിരേവ ച ।
രാധാധ്യാനാങ്കിതോ ധീരോ വനമാലാവിഭൂഷിതഃ ॥ 6 ॥
ശതമഷ്ടോത്തരം ദേവി പഠേന്നാമസഹസ്രകമ് ।
ചൈത്രേ കൃഷ്ണേ ച ശുക്ലേ ച കുഹൂസങ്ക്രാന്തിവാസരേ ॥ 7 ॥
പഠിതവ്യം പ്രയത്നേന ത്രൈലോക്യം മോഹയേത് ക്ഷണാത് ।
തുലസീമാലയാ യുക്തോ വൈഷ്ണവോ ഭക്തിതത്പരഃ ॥ 8 ॥
രവിവാരേ ച ശുക്രേ ച ദ്വാദശ്യാം ശ്രാദ്ധവാസരേ ।
ബ്രാഹ്മണം പൂജയിത്വാ ച ഭോജയിത്വാ വിധാനതഃ ॥ 9 ॥
പഠേന്നാമസഹസ്രം ച തതഃ സിദ്ധിഃ പ്രജായതേ ।
മഹാനിശായാം സതതം വൈഷ്ണവോ യഃ പഠേത്സദാ ॥ 10 ॥
ദേശാന്തരഗതാ ലക്ഷ്മീഃ സമായാതി ന സംശയഃ ।
ത്രൈലോക്യേ തു മഹാദേവി സുന്ദര്യഃ കാമമോഹിതാഃ ॥ 11 ॥
മുഗ്ധാഃ സ്വയം സമായാന്തി വൈഷ്ണവം ച ഭജന്തി താഃ ।
രോഗീ രോഗാത്പ്രമുച്യേത ബദ്ധോ മുച്യേത ബന്ധനാത് ॥ 12 ॥
ഗര്ഭിണീ ജനയേത്പുത്രം കന്യാ വിന്ദതി സത്പതിമ് ।
രാജാനോ വശതാം യാന്തി കിം പുനഃ ക്ഷുദ്രമാനുഷാഃ ॥ 13 ॥
സഹസ്രനാമശ്രവണാത് പഠനാത് പൂജനാത് പ്രിയേ ।
ധാരണാത് സര്വമാപ്നോതി വൈഷ്ണവോ നാത്ര സംശയഃ ॥ 14 ॥
വംശീവടേ ചാന്യവടേ തഥാ പിപ്പലകേഽഥ വാ ।
കദമ്ബപാദപതലേ ശ്രീഗോപാലസ്യ സന്നിധൌ ॥ 15 ॥
യഃ പഠേദ്വൈഷ്ണവോ നിത്യം സ യാതി ഹരിമന്ദിരമ് ।
കൃഷ്ണേനോക്തം രാധികായൈ തയാ പ്രോക്തം പുരാ ശിവേ ॥ 16 ॥
നാരദായ മയാ പ്രോക്തം നാരദേന പ്രകാശിതമ് ।
മയാ തവ വരാരോഹേ പ്രോക്തമേതത്സുദുര്ലഭമ് ॥ 17 ॥
ഗോപനീയം പ്രയത്നേന ന പ്രകാശ്യം കദാചന ।
ശഠായ പാപിനേ ചൈവ ലമ്പടായ വിശേഷതഃ ॥ 18 ॥
ന ദാതവ്യം ന ദാതവ്യം ന ദാതവ്യം കദാചന ।
ദേയം ശാന്തായ ശിഷ്യായ വിഷ്ണുഭക്തിരതായ ച ॥ 19 ॥
ഗോദാനബ്രഹ്മയജ്ഞാദേര്വാജപേയശതസ്യ ച ।
അശ്വമേധസഹസ്രസ്യ ഫലം പാഠേ ഭവേദ്ധ്രുവമ് ॥ 20 ॥
മോഹനം സ്തമ്ഭനം ചൈവ മാരണോച്ചാടനാദികമ് ।
യദ്യദ്വാഞ്ഛതി ചിത്തേന തത്തത്പ്രാപ്നോതി വൈഷ്ണവഃ ॥ 21 ॥
ഏകാദശ്യാം നരഃ സ്നാത്വാ സുഗന്ധദ്രവ്യതൈലകൈഃ ।
ആഹാരം ബ്രാഹ്മണേ ദത്ത്വാ ദക്ഷിണാം സ്വര്ണഭൂഷണമ് ॥ 22 ॥
തതഃ പ്രാരമ്ഭകര്താസൌ സര്വം പ്രാപ്നോതി മാനവഃ ।
ശതാവൃത്ത സഹസ്രം ച യഃ പഠേദ്വൈഷ്ണവോ ജനഃ ॥ 23 ॥
ശ്രീബൃന്ദാവനചന്ദ്രസ്യ പ്രസാദാത്സര്വമാപ്നുയാത് ।
യദ്ഗൃഹേ പുസ്തകം ദേവി പൂജിതം ചൈവ തിഷ്ഠതി ॥ 24 ॥
ന മാരീ ന ച ദുര്ഭിക്ഷം നോപസര്ഗഭയം ക്വചിത് ।
സര്പാദിഭൂതയക്ഷാദ്യാ നശ്യന്തേ നാത്ര സംശയഃ ॥ 25 ॥
ശ്രീഗോപാലോ മഹാദേവി വസേത്തസ്യ ഗൃഹേ സദാ ।
യദ്ഗൃഹേ ച സഹസ്രം ച നാമ്നാം തിഷ്ഠതി പൂജിതമ് ॥ 26 ॥
ഇതി ശ്രീസമ്മോഹനതന്ത്രേ ഹരഗൌരീസംവാദേ ശ്രീഗോപാല സഹസ്രനാമസ്തോത്രമ് ।
Roman (IAST) Transliteration
kailāsaśikhare ramye gaurī papraccha śaṅkaram |
brahmāṇḍākhilanāthastvaṃ sṛṣṭisaṃhārakārakaḥ || 1 ||
tvameva pūjyase lokairbrahmaviṣṇusurādibhiḥ |
nityaṃ paṭhasi deveśa kasya stotraṃ maheśvara || 2 ||
āścaryamidamatyantaṃ jāyate mama śaṅkara |
tatprāṇeśa mahāprājña saṃśayaṃ chindhi me prabho || 3 ||
śrīmahādeva uvāca-
dhanyāsi kṛtapuṇyāsi pārvati prāṇavallabhe |
rahasyātirahasyaṃ ca yatpṛcchasi varānane || 4 ||
strīsvabhāvānmahādevi punastvaṃ paripṛcchasi |
gopanīyaṃ gopanīyaṃ gopanīyaṃ prayatnataḥ || 5 ||
datte ca siddhihāniḥ syāttasmādyatnena gopayet |
idaṃ rahasyaṃ paramaṃ puruṣārthapradāyakam || 6 ||
dhanaratnaughamāṇikyaṃ turaṅgaṃ ca gajādikam |
dadāti smaraṇādeva mahāmokṣapradāyakam || 7 ||
tatte'haṃ sampravakṣyāmi śṛṇuṣvāvahitā priye |
yo'sau nirañjano devaścitsvarūpī janārdanaḥ || 8 ||
saṃsārasāgarottārakāraṇāya nṛṇāṃ sadā |
śrīraṅgādikarūpeṇa trailokyaṃ vyāpya tiṣṭhati || 9 ||
tato lokā mahāmūḍhā viṣṇubhaktivivarjitāḥ |
niścayaṃ nādhigacchanti punarnārāyaṇo hariḥ || 10 ||
nirañjano nirākāro bhaktānāṃ prītikāmadaḥ |
bṛndāvanavihārāya gopālaṃ rūpamudvahan || 11 ||
muralīvādanādhārī rādhāyai prītimāvahan |
aṃśāṃśebhyaḥ samunmīlya pūrṇarūpakalāyutaḥ || 12 ||
śrīkṛṣṇacandro bhagavān nandagopavarodyataḥ |
dharaṇīrūpiṇī mātā yaśodā nandagehinī || 13 ||
dvābhyāṃ prayācito nātho devakyāṃ vasudevataḥ |
brahmaṇā'bhyarthito devo devairapi sureśvaraḥ || 14 ||
jāto'vanyāṃ ca mudito muralīvācanecchayā |
śriyā sārdhaṃ vacaḥ kṛtvā tato jāto mahītale || 15 ||
saṃsārasārasarvasvaṃ śyāmalaṃ mahadujjvalam |
etajjyotirahaṃ vandyaṃ cintayāmi sanātanam || 16 ||
gauratejo vinā yastu śyāmatejassamarcayet |
japedvā dhyāyate vāpi sa bhavetpātakī śive || 17 ||
sa brahmahā surāpī ca svarṇasteyī ca pañcamaḥ |
etairdoṣairvilipyeta tejobhedānmahīśvari || 18 ||
tasmājjyotirabhūddvedhā rādhāmādhavarūpakam |
tasmādidaṃ mahādevi gopālenaiva bhāṣitam || 19 ||
durvāsaso munermohe kārtikyāṃ rāsamaṇḍale |
tataḥ pṛṣṭavatī rādhā sandehaṃ bhedamātmanaḥ || 20 ||
nirañjanātsamutpannaṃ māyātītaṃ jaganmayam |
śrīkṛṣṇena tataḥ proktaṃ rādhāyai nāradāya ca || 21 ||
tato nāradatassarvaṃ viralā vaiṣṇavāstathā |
kalau jānanti deveśi gopanīyaṃ prayatnataḥ || 22 ||
śaṭhāya kṛpaṇāyātha ḍāmbhikāya sureśvari |
brahmahatyāmavāpnoti tasmādyatnena gopayet || 23 ||
oṃ asya śrīgopālasahasranāmastotra mahāmantrasya śrīnārada ṛṣiḥ, anuṣṭup chandaḥ, śrīgopālo devatā, kāmo bījaṃ, māyā śaktiḥ, candraḥ kīlakaṃ, śrīkṛṣṇacandra bhaktirūpaphalaprāptaye śrīgopālasahasranāmastotrajape viniyogaḥ |
oṃ aiṃ klīṃ bījaṃ, śrīṃ hrīṃ śaktiḥ, śrī bṛndāvananivāsaḥ kīlakaṃ, śrīrādhāpriyaṃ paraṃ brahmeti mantraḥ, dharmādi caturvidha puruṣārthasiddhyarthe jape viniyogaḥ |
nyāsaḥ |
oṃ nārada ṛṣaye namaḥ śirasi |
anuṣṭup chandase namaḥ mukhe |
śrīgopāladevatāyai namaḥ hṛdaye |
klīṃ kīlakāya namaḥ nābhau |
hrīṃ śaktaye namaḥ guhye |
śrīṃ kīlakāya namaḥ phālayoḥ |
oṃ klīṃ kṛṣṇāya govindāya gopījanavallabhāya svāhā iti mūlamantraḥ |
karanyāsaḥ |
oṃ klāṃ aṅguṣṭhābhyāṃ namaḥ |
oṃ klīṃ tarjanībhyāṃ namaḥ |
oṃ klūṃ madhyamābhyāṃ namaḥ |
oṃ klaiṃ anāmikābhyāṃ namaḥ |
oṃ klauṃ kaniṣṭhikābhyāṃ namaḥ |
oṃ klaḥ karatalakarapṛṣṭhābhyāṃ namaḥ |
hṛdayādinyāsaḥ |
oṃ klāṃ hṛdayāya namaḥ |
oṃ klīṃ śirase svāhā |
oṃ klūṃ śikhāyai vaṣaṭ |
oṃ klaiṃ kavacāya hum |
oṃ klauṃ netratrayāya vauṣaṭ |
oṃ klaḥ astrāya phaṭ |
mūlamantranyāsaḥ |
klīṃ aṅguṣṭhābhyāṃ namaḥ |
kṛṣṇāya tarjanībhyāṃ namaḥ |
govindāya madhyamābhyāṃ namaḥ |
gopījana anāmikābhyāṃ namaḥ |
vallabhāya kaniṣṭhikābhyāṃ namaḥ |
svāhā karatalakarapṛṣṭhābhyāṃ namaḥ |
klīṃ hṛdayāya namaḥ |
kṛṣṇāya śirase svāhā |
govindāya śikhāyai vaṣaṭ |
gopījana kavacāya hum |
vallabhāya netratrayāya vauṣaṭ |
svāhā astrāya phaṭ |
dhyānam |
phullendīvarakāntiminduvadanaṃ barhāvataṃsapriyaṃ
śrīvatsāṅkamudārakaustubhadharaṃ pītāmbaraṃ sundaram |
gopīnāṃ nayanotpalārcitatanuṃ gogopasaṅghāvṛtaṃ
govindaṃ kalaveṇuvādanaparaṃ divyāṅgabhūṣaṃ bhaje || 1 ||
kastūrītilakaṃ lalāṭaphalake vakṣassthale kaustubhaṃ
nāsāgre varamauktikaṃ karatale veṇuṃ kare kaṅkaṇam |
sarvāṅge haricandanaṃ ca kalayan kaṇṭhe ca muktāvaliṃ
gopastrīpariveṣṭito vijayate gopālacūḍāmaṇiḥ || 2 ||
oṃ klīṃ devaḥ kāmadevaḥ kāmabījaśiromaṇiḥ |
śrīgopālo mahīpālo vedavedāṅgapāragaḥ || 1 ||
kṛṣṇaḥ kamalapatrākṣaḥ puṇḍarīkaḥ sanātanaḥ |
gopatirbhūpatiḥ śāstā prahartā viśvatomukhaḥ || 2 ||
ādikartā mahākartā mahākālaḥ pratāpavān |
jagajjīvo jagaddhātā jagadbhartā jagadvasuḥ || 3 ||
matsyo bhīmaḥ kuhūbhartā hartā vārāhamūrtimān |
nārāyaṇo hṛṣīkeśo govindo garuḍadhvajaḥ || 4 ||
gokuleśo mahācandraḥ śarvarīpriyakārakaḥ |
kamalāmukhalolākṣaḥ puṇḍarīkaḥ śubhāvahaḥ || 5 ||
durvāsāḥ kapilo bhaumaḥ sindhusāgarasaṅgamaḥ |
govindo gopatirgotraḥ kālindīpremapūrakaḥ || 6 ||
gopasvāmī gokulendraḥ govardhanavarapradaḥ |
nandādigokulatrātā dātā dāridryabhañjanaḥ || 7 ||
sarvamaṅgaladātā ca sarvakāmavarapradaḥ |
ādikartā mahībhartā sarvasāgarasindhujaḥ || 8 ||
gajagāmī gajoddhārī kāmī kāmakalānidhiḥ |
kalaṅkarahitaścandro bimbāsyo bimbasattamaḥ || 9 ||
mālākāraḥ kṛpākāraḥ kokilasvarabhūṣaṇaḥ |
rāmo nīlāmbaro dehī halī dvividamardanaḥ || 10 ||
sahasrākṣapurībhettā mahāmārīvināśanaḥ |
śivaḥ śivatamo bhettā balārātiprapūjakaḥ || 11 ||
kumārīvaradāyī ca vareṇyo mīnaketanaḥ |
naro nārāyaṇo dhīro dharāpatirudāradhīḥ || 12 ||
śrīpatiḥ śrīnidhiḥ śrīmān māpatiḥ pratirājahā |
bṛndāpatiḥ kulaṃ grāmī dhāma brahmasanātanaḥ || 13 ||
revatīramaṇo rāmaḥ priyaścañcalalocanaḥ |
rāmāyaṇaśarīraśca rāmo rāmaḥ śriyaḥpatiḥ || 14 ||
śarvaraḥ śarvarī śarvaḥ sarvatra śubhadāyakaḥ |
rādhārādhayitārādhī rādhācittapramodakaḥ || 15 ||
rādhāratisukhopeto rādhāmohanatatparaḥ |
rādhāvaśīkaro rādhāhṛdayāmbhojaṣaṭpadaḥ || 16 ||
rādhāliṅganasammodo rādhānartanakautukaḥ |
rādhāsañjātasamprīto rādhākāmaphalapradaḥ || 17 ||
bṛndāpatiḥ kokanidhiḥ kokaśokavināśanaḥ |
candrāpatiścandrapatiścaṇḍakodaṇḍabhañjanaḥ || 18 ||
rāmo dāśarathī rāmo bhṛguvaṃśasamudbhavaḥ |
ātmārāmo jitakrodho moho mohāndhabhañjanaḥ || 19 ||
vṛṣabhānubhavo bhāvī kāśyapiḥ karuṇānidhiḥ |
kolāhalo halo hālī halī haladharapriyaḥ || 20 ||
rādhāmukhābjamārtāṇḍo bhāskaro ravijo vidhuḥ |
vidhirvidhātā varuṇo vāruṇo vāruṇīpriyaḥ || 21 ||
rohiṇīhṛdayānandī vasudevātmajo baliḥ |
nīlāmbaro rauhiṇeyo jarāsandhavadho'malaḥ || 22 ||
nāgo javāmbho virudo vīrahā varado balī |
gopado vijayī vidvān śipiviṣṭaḥ sanātanaḥ || 23 ||
paraśurāmavacogrāhī varagrāhī sṛgālahā |
damaghoṣopadeṣṭā ca rathagrāhī sudarśanaḥ || 24 ||
vīrapatnīyaśastrātā jarāvyādhivighātakaḥ |
dvārakāvāsatattvajño hutāśanavarapradaḥ || 25 ||
yamunāvegasaṃhārī nīlāmbaradharaḥ prabhuḥ |
vibhuḥ śarāsano dhanvī gaṇeśo gaṇanāyakaḥ || 26 ||
lakṣmaṇo lakṣaṇo lakṣyo rakṣovaṃśavināśakaḥ |
vāmano vāmanībhūto vamano vamanāruhaḥ || 27 ||
yaśodānandanaḥ kartā yamalārjunamuktidaḥ |
ulūkhalī mahāmāno dāmabaddhāhvayī śamī || 28 ||
bhaktānukārī bhagavān keśavo'caladhārakaḥ |
keśihā madhuhā mohī vṛṣāsuravighātakaḥ || 29 ||
aghāsuravighātī ca pūtanāmokṣadāyakaḥ |
kubjāvinodī bhagavān kaṃsamṛtyurmahāmukhī || 30 ||
aśvamedho vājapeyo gomedho naramedhavān |
kandarpakoṭilāvaṇyaścandrakoṭisuśītalaḥ || 31 ||
ravikoṭipratīkāśo vāyukoṭimahābalaḥ |
brahmā brahmāṇḍakartā ca kamalāvāñchitapradaḥ || 32 ||
kamalī kamalākṣaśca kamalāmukhalolupaḥ |
kamalāvratadhārī ca kamalābhaḥ purandaraḥ || 33 ||
saubhāgyādhikacittaśca mahāmāyī madotkaṭaḥ |
tāṭakāriḥ suratrātā mārīcakṣobhakārakaḥ || 34 ||
viśvāmitrapriyo dānto rāmo rājīvalocanaḥ |
laṅkādhipakuladhvaṃsī vibhīṣaṇavarapradaḥ || 35 ||
sītānandakaro rāmo vīro vāridhibandhanaḥ |
kharadūṣaṇasaṃhārī sāketapuravāsavān || 36 ||
candrāvalipatiḥ kūlaḥ keśikaṃsavadho'maraḥ |
mādhavo madhuhā mādhvī mādhvīko mādhavī vibhuḥ || 37 ||
muñjāṭavīgāhamāno dhenukārirdaśātmajaḥ |
vaṃśīvaṭavihārī ca govardhanavanāśrayaḥ || 38 ||
tathā tālavanoddeśī bhāṇḍīravanaśaṅkaraḥ |
tṛṇāvartakṛpākārī vṛṣabhānusutāpatiḥ || 39 ||
rādhāprāṇasamo rādhāvadanābjamadhūtkaṭaḥ |
gopīrañjanadaivajñaḥ līlākamalapūjitaḥ || 40 ||
krīḍākamalasandoho gopikāprītirañjanaḥ |
rañjako rañjano raṅgo raṅgī raṅgamahīruhaḥ || 41 ||
kāmaḥ kāmāribhaktaśca purāṇapuruṣaḥ kaviḥ |
nārado devalo bhīmo bālo bālamukhāmbujaḥ || 42 ||
ambujo brahmasākṣī ca yogī dattavaro muniḥ |
ṛṣabhaḥ parvato grāmo nadīpavanavallabhaḥ || 43 ||
padmanābhaḥ surajyeṣṭho brahmā rudro'hibhūṣitaḥ |
gaṇānāṃ trāṇakartā ca gaṇeśo grahilo grahiḥ || 44 ||
gaṇāśrayo gaṇādhyakṣo kroḍīkṛtajagattrayaḥ |
yādavendro dvārakendro mathurāvallabho dhurī || 45 ||
bhramaraḥ kuntalī kuntīsutarakṣī mahāmanāḥ |
yamunāvaradātā ca kāśyapasya varapradaḥ || 46 ||
śaṅkhacūḍavadhoddāmo gopīrakṣaṇatatparaḥ |
pāñcajanyakaro rāmī trirāmī vanajo jayaḥ || 47 ||
phālguṇaḥ phalgunasakho virādhavadhakārakaḥ |
rukmiṇīprāṇanāthaśca satyabhāmāpriyaṅkaraḥ || 48 ||
kalpavṛkṣo mahāvṛkṣo dānavṛkṣo mahāphalaḥ |
aṅkuśo bhūsuro bhāvo bhāmako bhrāmako hariḥ || 49 ||
saralaḥ śāśvato vīro yaduvaṃśaśivātmakaḥ |
pradyumno balakartā ca prahartā daityahā prabhuḥ || 50 ||
mahādhano mahāvīro vanamālāvibhūṣaṇaḥ |
tulasīdāmaśobhāḍhyo jālandharavināśanaḥ || 51 ||
sūraḥ sūryo mṛkaṇḍuśca bhāsvaro viśvapūjitaḥ |
ravistamohā vahniśca bāḍabo baḍabānalaḥ || 52 ||
daityadarpavināśī ca garuḍo garuḍāgrajaḥ |
gopīnātho mahīnātho bṛndānātho'varodhakaḥ || 53 ||
prapañcī pañcarūpaśca latāgulmaśca gomatiḥ |
gaṅgā ca yamunārūpo godā vetravatī tathā || 54 ||
kāverī narmadā tāpī gaṇḍakī sarayū rajaḥ |
rājasastāmasassattvī sarvāṅgī sarvalocanaḥ || 55 ||
sudhāmayo'mṛtamayo yogināṃ vallabhaḥ śivaḥ |
buddho buddhimatāṃ śreṣṭho viṣṇurjiṣṇuḥ śacīpatiḥ || 56 ||
vaṃśī vaṃśadharo loko viloko mohanāśanaḥ |
ravarāvo ravo rāvo valo vālo valāhakaḥ || 57 ||
śivo rudro nalo nīlo lāṅgalī lāṅgalāśrayaḥ |
pāradaḥ pāvano haṃso haṃsārūḍho jagatpatiḥ || 58 ||
mohinīmohano māyī mahāmāyo mahāsukhī |
vṛṣo vṛṣākapiḥ kālaḥ kālīdamanakārakaḥ || 59 ||
kubjābhāgyaprado vīro rajakakṣayakārakaḥ |
komalo vāruṇī rājā jalajo jaladhārakaḥ || 60 ||
hārakaḥ sarvapāpaghnaḥ parameṣṭhī pitāmahaḥ |
khaḍgadhārī kṛpākārī rādhāramaṇasundaraḥ || 61 ||
dvādaśāraṇyasambhogī śeṣanāgaphaṇālayaḥ |
kāmaḥ śyāmaḥ sukhaśrīdaḥ śrīpatiḥ śrīnidhiḥ kṛtiḥ || 62 ||
harirharo naro nāro narottama iṣupriyaḥ |
gopālacittahartā ca kartā saṃsāratārakaḥ || 63 ||
ādidevo mahādevo gaurīgururanāśrayaḥ |
sādhurmadhurvidhurdhātā trātā'krūraparāyaṇaḥ || 64 ||
rolambī ca hayagrīvo vānarārirvanāśrayaḥ |
vanaṃ vanī vanādhyakṣo mahāvandyo mahāmuniḥ || 65 ||
syamantakamaṇiprājñaḥ vijño vighnavighātakaḥ |
govardhano vardhanīyo vardhanī vardhanapriyaḥ || 66 ||
vārdhanyo vardhano vardhī vardhiṣṇastu sukhapriyaḥ |
vardhito vardhako vṛddho bṛndārakajanapriyaḥ || 67 ||
gopālaramaṇībhartā sāmbakuṣṭhavināśanaḥ |
rukmiṇīharaṇapremā premī candrāvalīpatiḥ || 68 ||
śrīkartā viśvabhartā ca nārāyaṇa naro balī |
gaṇo gaṇapatiścaiva dattātreyo mahāmuniḥ || 69 ||
vyāso nārāyaṇo divyo bhavyo bhāvukadhārakaḥ |
śvaḥśreyasaṃ śivaṃ bhadraṃ bhāvukaṃ bhavukaṃ śubham || 70 ||
śubhātmakaḥ śubhaḥ śāstā praśasto meghanādahā |
brahmaṇyadevo dīnānāmuddhārakaraṇakṣamaḥ || 71 ||
kṛṣṇaḥ kamalapatrākṣaḥ kṛṣṇaḥ kamalalocanaḥ |
kṛṣṇaḥ kāmī sadā kṛṣṇaḥ samastapriyakārakaḥ || 72 ||
nando nandī mahānandī mādī mādanakaḥ kilī |
mīlī hilī gilī golī golo golālayo gulī || 73 ||
guggulī mārakī śākhī vaṭaḥ pippalakaḥ kṛtī |
mlecchahā kālahartā ca yaśodā yaśa eva ca || 74 ||
acyutaḥ keśavo viṣṇuḥ hariḥ satyo janārdanaḥ |
haṃso nārāyaṇo nīlo līno bhaktiparāyaṇaḥ || 75 ||
jānakīvallabho rāmo virāmo viṣanāśanaḥ |
siṃhabhānurmahābhānu-rvīrabhānurmahodadhiḥ || 76 ||
samudro'bdhirakūpāraḥ pārāvāraḥ saritpatiḥ |
gokulānandakārī ca pratijñāparipālakaḥ || 77 ||
sadārāmaḥ kṛpārāmo mahārāmo dhanurdharaḥ |
parvataḥ parvatākāro gayo geyo dvijapriyaḥ || 78 ||
kamalāśvataro rāmo rāmāyaṇapravartakaḥ |
dyaurdivo divaso divyo bhavyo bhāgī bhayāpahaḥ || 79 ||
pārvatībhāgyasahito bhartā lakṣmīsahāyavān | [vilāsavān]
vilāsī sāhasī sarvī garvī garvitalocanaḥ || 80 ||
surārirlokadharmajño jīvano jīvanāntakaḥ |
yamo yamāriryamano yamī yāmavighātakaḥ || 81 ||
vaṃśulī pāṃśulī pāṃsuḥ pāṇḍurarjunavallabhaḥ |
lalitā candrikāmālā mālī mālāmbujāśrayaḥ || 82 ||
ambujākṣo mahāyakṣo dakṣaścintāmaṇiprabhuḥ |
maṇirdinamaṇiścaiva kedāro badarīśrayaḥ || 83 ||
badarīvanasamprīto vyāsaḥ satyavatīsutaḥ |
amarārinihantā ca sudhāsindhuvidhūdayaḥ || 84 ||
candro raviḥ śivaḥ śūlī cakrī caiva gadādharaḥ |
śrīkartā śrīpatiḥ śrīdaḥ śrīdevo devakīsutaḥ || 85 ||
śrīpatiḥ puṇḍarīkākṣaḥ padmanābho jagatpatiḥ |
vāsudevo'prameyātmā keśavo garuḍadhvajaḥ || 86 ||
nārāyaṇaḥ paraṃ dhāma devadevo maheśvaraḥ |
cakrapāṇiḥ kalāpūrṇo vedavedyo dayānidhiḥ || 87 ||
bhagavān sarvabhūteśo gopālaḥ sarvapālakaḥ |
ananto nirguṇo nityo nirvikalpo nirañjanaḥ || 88 ||
nirādhāro nirākāro nirābhāso nirāśrayaḥ |
puruṣaḥ praṇavātīto mukundaḥ parameśvaraḥ || 89 ||
kṣaṇāvaniḥ sārvabhaumo vaikuṇṭho bhaktavatsalaḥ |
viṣṇurdāmodaraḥ kṛṣṇo mādhavo mathurāpatiḥ || 90 ||
devakīgarbhasambhūto yaśodāvatsalo hariḥ |
śivaḥ saṅkarṣaṇaḥ śambhurbhūtanātho divaspatiḥ || 91 ||
avyayaḥ sarvadharmajño nirmalo nirupadravaḥ |
nirvāṇanāyako nityo nīlajīmūtasannibhaḥ || 92 ||
kalākṣayaśca sarvajñaḥ kamalārūpatatparaḥ |
hṛṣīkeśaḥ pītavāsā vasudevapriyātmajaḥ || 93 ||
nandagopakumārāryo navanītāśano vibhuḥ |
purāṇaḥ puruṣaśreṣṭhaḥ śaṅkhapāṇiḥ suvikramaḥ || 94 ||
aniruddhaścakradharaḥ śārṅgapāṇiścaturbhujaḥ |
gadādharaḥ surārtighno govindo nandakāyudhaḥ || 95 ||
bṛndāvanacaraḥ śaurirveṇuvādyaviśāradaḥ |
tṛṇāvartāntako bhīmasāhaso bahuvikramaḥ || 96 ||
śakaṭāsurasaṃhārī bakāsuravināśanaḥ |
dhenukāsurasaṃhārī pūtanārirnṛkesarī || 97 ||
pitāmaho gurussākṣī pratyagātmā sadāśivaḥ |
aprameyaḥ prabhuḥ prājño'pratarkyaḥ svapnavardhanaḥ || 98 ||
dhanyo mānyo bhavo bhāvo dhīraḥ śānto jagadguruḥ |
antaryāmīśvaro divyo daivajño devasaṃstutaḥ || 99 ||
kṣīrābdhiśayano dhātā lakṣmīvān lakṣmaṇāgrajaḥ |
dhātrīpatirameyātmā candraśekharapūjitaḥ || 100 ||
lokasākṣī jagaccakṣuḥ puṇyacāritrakīrtanaḥ |
koṭimanmathasaundaryo jaganmohanavigrahaḥ || 101 ||
mandasmitatanurgopagopikāpariveṣṭitaḥ |
phullāravindanayanaścāṇūrāndhraniṣūdanaḥ || 102 ||
indīvaradalaśyāmo barhibarhāvataṃsakaḥ |
muralīninadāhlādo divyamālāmbarāvṛtaḥ || 103 ||
sukapolayugaḥ subhrūyugalaḥ sulalāṭakam |
kambugrīvo viśālākṣo lakṣmīvāñchubhalakṣaṇaḥ || 104 ||
pīnavakṣāścaturbāhuścaturmūrtistrivikramaḥ |
kalaṅkarahitaḥ śuddho duṣṭaśatrunibarhaṇaḥ || 105 ||
kirīṭakuṇḍaladharaḥ kaṭakāṅgadamaṇḍitaḥ |
mudrikābharaṇopetaḥ kaṭisūtravirājitaḥ || 106 ||
mañjīrarañjitapadaḥ sarvābharaṇabhūṣitaḥ |
vinyastapādayugalo divyamaṅgalavigrahaḥ || 107 ||
gopikānayanānandaḥ pūrṇacandranibhānanaḥ |
samastajagadānandaḥ sundaro lokanandanaḥ || 108 ||
yamunātīrasañcārī rādhāmanmathavaibhavaḥ |
gopanārīpriyo dānto gopīvastrāpahārakaḥ || 109 ||
śṛṅgāramūrtiḥ śrīdhāmā tārako mūlakāraṇam |
sṛṣṭisaṃrakṣaṇopāyaḥ krūrāsuravibhañjanaḥ || 110 ||
narakāsurasaṃhārī murārirvairimardanaḥ |
āditeyapriyo daityabhīkaro yaduśekharaḥ || 111 ||
jarāsandhakuladhvaṃsī kaṃsārātiḥ suvikramaḥ |
puṇyaślokaḥ kīrtanīyo yādavendro jagannutaḥ || 112 ||
rukmiṇīramaṇaḥ satyabhāmājāmbavatīpriyaḥ |
mitravindānāgnajitīlakṣmaṇāsamupāsitaḥ || 113 ||
sudhākarakule jāto'nantaḥ prabalavikramaḥ |
sarvasaubhāgyasampanno dvārakāpaṭṭaṇasthitaḥ || 114 ||
bhadrāsūryasutānātho līlāmānuṣavigrahaḥ |
sahasraṣoḍaśastrīśo bhogamokṣaikadāyakaḥ || 115 ||
vedāntavedyaḥ saṃvedyo vaidyo brahmāṇḍanāyakaḥ |
govardhanadharo nāthaḥ sarvajīvadayāparaḥ || 116 ||
mūrtimān sarvabhūtātmā ārtatrāṇaparāyaṇaḥ |
sarvajñaḥ sarvasulabhaḥ sarvaśāstraviśāradaḥ || 117 ||
ṣaḍguṇaiśvaryasampannaḥ pūrṇakāmo dhurandharaḥ |
mahānubhāvaḥ kaivalyadāyako lokanāyakaḥ || 118 ||
ādimadhyāntarahitaḥ śuddhasāttvikavigrahaḥ |
asamānaḥ samastātmā śaraṇāgatavatsalaḥ || 119 ||
utpattisthitisaṃhārakāraṇaṃ sarvakāraṇam |
gambhīraḥ sarvabhāvajñaḥ saccidānandavigrahaḥ || 120 ||
viṣvaksenaḥ satyasandhaḥ satyavāk satyavikramaḥ |
satyavrataḥ satyarataḥ satyadharmaparāyaṇaḥ || 121 ||
āpannārtipraśamanaḥ draupadīmānarakṣakaḥ |
kandarpajanakaḥ prājño jagannāṭakavaibhavaḥ || 122 ||
bhaktivaśyo guṇātītaḥ sarvaiśvaryapradāyakaḥ |
damaghoṣasutadveṣī bāṇabāhuvikhaṇḍanaḥ || 123 ||
bhīṣmabhaktiprado divyaḥ kauravānvayanāśanaḥ |
kaunteyapriyabandhuśca pārthasyandanasārathiḥ || 124 ||
nārasiṃho mahāvīraḥ stambhajāto mahābalaḥ |
prahlādavaradaḥ satyo devapūjyo'bhayaṅkaraḥ || 125 ||
upendra indrāvarajo vāmano balibandhanaḥ |
gajendravaradaḥ svāmī sarvadevanamaskṛtaḥ || 126 ||
śeṣaparyaṅkaśayano vainateyaratho jayī |
avyāhatabalaiśvaryasampannaḥ pūrṇamānasaḥ || 127 ||
yogīśvareśvaraḥ sākṣī kṣetrajño jñānadāyakaḥ |
yogihṛtpaṅkajāvāso yogamāyāsamanvitaḥ || 128 ||
nādabindukalātītaścaturvargaphalapradaḥ |
suṣumnāmārgasañcārī dehasyāntarasaṃsthitaḥ || 129 ||
dehendriyamanaḥprāṇasākṣī cetaḥprasādakaḥ |
sūkṣmaḥ sarvagato dehī jñānadarpaṇagocaraḥ || 130 ||
tattvatrayātmako'vyaktaḥ kuṇḍalī samupāśritaḥ |
brahmaṇyaḥ sarvadharmajñaḥ śānto dānto gataklamaḥ || 131 ||
śrīnivāsaḥ sadānando viśvamūrtirmahāprabhuḥ |
sahasraśīrṣā puruṣaḥ sahasrākṣaḥ sahasrapāt || 132 ||
samastabhuvanādhāraḥ samastaprāṇarakṣakaḥ |
samastassarvabhāvajño gopikāprāṇavallabhaḥ || 133 ||
nityotsavo nityasaukhyo nityaśrīrnityamaṅgalam |
vyūhārcito jagannāthaḥ śrīvaikuṇṭhapurādhipaḥ || 134 ||
pūrṇānandaghanībhūto gopaveṣadharo hariḥ |
kalāpakusumaśyāmaḥ komalaḥ śāntavigrahaḥ || 135 ||
gopāṅganāvṛto'nanto bṛndāvanasamāśrayaḥ |
veṇunādarataḥ śreṣṭho devānāṃ hitakārakaḥ || 136 ||
jalakrīḍāsamāsakto navanītasya taskaraḥ |
gopālakāminījāraścorajāraśikhāmaṇiḥ || 137 ||
parañjyotiḥ parākāśaḥ parāvāsaḥ parisphuṭaḥ |
aṣṭādaśākṣaro mantro vyāpako lokapāvanaḥ || 138 ||
saptakoṭimahāmantraśekharo devaśekharaḥ |
vijñānajñānasandhānastejorāśirjagatpatiḥ || 139 ||
bhaktalokaprasannātmā bhaktamandāravigrahaḥ |
bhaktadāridryaśamano bhaktānāṃ prītidāyakaḥ || 140 ||
bhaktādhīnamanāḥ pūjyo bhaktalokaśivaṅkaraḥ |
bhaktābhīṣṭapradaḥ sarvabhaktāghaughanikṛntakaḥ || 141 ||
apārakaruṇāsindhurbhagavān bhaktatatparaḥ || 142 ||
[iti śrīrādhikānātha nāmnāṃ sāhasramīritam | ]
smaraṇātpāparāśīnāṃ khaṇḍanaṃ mṛtyunāśanam || 1 ||
vaiṣṇavānāṃ priyakaraṃ mahādāridryanāśanam |
brahmahatyāsurāpānaṃ parastrīgamanaṃ tathā || 2 ||
paradravyāpaharaṇaṃ paradveṣasamanvitam |
mānasaṃ vācikaṃ kāyaṃ yatpāpaṃ pāpasambhavam || 3 ||
sahasranāmapaṭhanātsarve naśyanti tatkṣaṇāt |
mahādāridryayukto vai vaiṣṇavo viṣṇubhaktimān || 4 ||
kārtikyāṃ yaḥ paṭhedrātrau śatamaṣṭottaraṃ kramāt |
pītāmbaradharo dhīmān sugandhī puṣpacandanaiḥ || 5 ||
pustakaṃ pūjayitvā ca naivedyādibhireva ca |
rādhādhyānāṅkito dhīro vanamālāvibhūṣitaḥ || 6 ||
śatamaṣṭottaraṃ devi paṭhennāmasahasrakam |
caitre kṛṣṇe ca śukle ca kuhūsaṅkrāntivāsare || 7 ||
paṭhitavyaṃ prayatnena trailokyaṃ mohayet kṣaṇāt |
tulasīmālayā yukto vaiṣṇavo bhaktitatparaḥ || 8 ||
ravivāre ca śukre ca dvādaśyāṃ śrāddhavāsare |
brāhmaṇaṃ pūjayitvā ca bhojayitvā vidhānataḥ || 9 ||
paṭhennāmasahasraṃ ca tataḥ siddhiḥ prajāyate |
mahāniśāyāṃ satataṃ vaiṣṇavo yaḥ paṭhetsadā || 10 ||
deśāntaragatā lakṣmīḥ samāyāti na saṃśayaḥ |
trailokye tu mahādevi sundaryaḥ kāmamohitāḥ || 11 ||
mugdhāḥ svayaṃ samāyānti vaiṣṇavaṃ ca bhajanti tāḥ |
rogī rogātpramucyeta baddho mucyeta bandhanāt || 12 ||
garbhiṇī janayetputraṃ kanyā vindati satpatim |
rājāno vaśatāṃ yānti kiṃ punaḥ kṣudramānuṣāḥ || 13 ||
sahasranāmaśravaṇāt paṭhanāt pūjanāt priye |
dhāraṇāt sarvamāpnoti vaiṣṇavo nātra saṃśayaḥ || 14 ||
vaṃśīvaṭe cānyavaṭe tathā pippalake'tha vā |
kadambapādapatale śrīgopālasya sannidhau || 15 ||
yaḥ paṭhedvaiṣṇavo nityaṃ sa yāti harimandiram |
kṛṣṇenoktaṃ rādhikāyai tayā proktaṃ purā śive || 16 ||
nāradāya mayā proktaṃ nāradena prakāśitam |
mayā tava varārohe proktametatsudurlabham || 17 ||
gopanīyaṃ prayatnena na prakāśyaṃ kadācana |
śaṭhāya pāpine caiva lampaṭāya viśeṣataḥ || 18 ||
na dātavyaṃ na dātavyaṃ na dātavyaṃ kadācana |
deyaṃ śāntāya śiṣyāya viṣṇubhaktiratāya ca || 19 ||
godānabrahmayajñādervājapeyaśatasya ca |
aśvamedhasahasrasya phalaṃ pāṭhe bhaveddhruvam || 20 ||
mohanaṃ stambhanaṃ caiva māraṇoccāṭanādikam |
yadyadvāñchati cittena tattatprāpnoti vaiṣṇavaḥ || 21 ||
ekādaśyāṃ naraḥ snātvā sugandhadravyatailakaiḥ |
āhāraṃ brāhmaṇe dattvā dakṣiṇāṃ svarṇabhūṣaṇam || 22 ||
tataḥ prārambhakartāsau sarvaṃ prāpnoti mānavaḥ |
śatāvṛtta sahasraṃ ca yaḥ paṭhedvaiṣṇavo janaḥ || 23 ||
śrībṛndāvanacandrasya prasādātsarvamāpnuyāt |
yadgṛhe pustakaṃ devi pūjitaṃ caiva tiṣṭhati || 24 ||
na mārī na ca durbhikṣaṃ nopasargabhayaṃ kvacit |
sarpādibhūtayakṣādyā naśyante nātra saṃśayaḥ || 25 ||
śrīgopālo mahādevi vasettasya gṛhe sadā |
yadgṛhe ca sahasraṃ ca nāmnāṃ tiṣṭhati pūjitam || 26 ||
iti śrīsammohanatantre haragaurīsaṃvāde śrīgopāla sahasranāmastotram |
InfoLyter.in — Sacred Vedic Knowledge Portal · Free forever