📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ഗോദാ ദേവീ അഷ്ടോത്തര ശത സ്തോത്രമ്
Goda Devi Ashtottara Shata Stotram
Tara Ashtottara Sata Namavali Malayalam
ധ്യാനമ് ।
ശതമഖമണി നീലാ ചാരുകല്ഹാരഹസ്താ
സ്തനഭരനമിതാങ്ഗീ സാന്ദ്രവാത്സല്യസിന്ധുഃ ।
അലകവിനിഹിതാഭിഃ സ്രഗ്ഭിരാകൃഷ്ടനാഥാ
വിലസതു ഹൃദി ഗോദാ വിഷ്ണുചിത്താത്മജാ നഃ ॥
അഥ സ്തോത്രമ് ।
ശ്രീരങ്ഗനായകീ ഗോദാ വിഷ്ണുചിത്താത്മജാ സതീ ।
ഗോപീവേഷധരാ ദേവീ ഭൂസുതാ ഭോഗശാലിനീ ॥ 1 ॥
തുലസീകാനനോദ്ഭൂതാ ശ്രീധന്വിപുരവാസിനീ ।
ഭട്ടനാഥപ്രിയകരീ ശ്രീകൃഷ്ണഹിതഭോഗിനീ ॥ 2 ॥
ആമുക്തമാല്യദാ ബാലാ രങ്ഗനാഥപ്രിയാ പരാ ।
വിശ്വമ്ഭരാ കലാലാപാ യതിരാജസഹോദരീ ॥ 3 ॥
കൃഷ്ണാനുരക്താ സുഭഗാ സുലഭശ്രീഃ സുലക്ഷണാ ।
ലക്ഷ്മീപ്രിയസഖീ ശ്യാമാ ദയാഞ്ചിതദൃഗഞ്ചലാ ॥ 4 ॥
ഫല്ഗുന്യാവിര്ഭവാ രമ്യാ ധനുര്മാസകൃതവ്രതാ ।
ചമ്പകാശോകപുന്നാഗമാലതീവിലസത്കചാ ॥ 5 ॥
ആകാരത്രയസമ്പന്നാ നാരായണപദാശ്രിതാ ।
ശ്രീമദഷ്ടാക്ഷരീമന്ത്രരാജസ്ഥിതമനോരഥാ ॥ 6 ॥
മോക്ഷപ്രദാനനിപുണാ മനുരത്നാധിദേവതാ ।
ബ്രഹ്മണ്യാ ലോകജനനീ ലീലാമാനുഷരൂപിണീ ॥ 7 ॥
ബ്രഹ്മജ്ഞാനപ്രദാ മായാ സച്ചിദാനന്ദവിഗ്രഹാ ।
മഹാപതിവ്രതാ വിഷ്ണുഗുണകീര്തനലോലുപാ ॥ 8 ॥
പ്രപന്നാര്തിഹരാ നിത്യാ വേദസൌധവിഹാരിണീ ।
ശ്രീരങ്ഗനാഥമാണിക്യമഞ്ജരീ മഞ്ജുഭാഷിണീ ॥ 9 ॥
പദ്മപ്രിയാ പദ്മഹസ്താ വേദാന്തദ്വയബോധിനീ ।
സുപ്രസന്നാ ഭഗവതീ ശ്രീജനാര്ദനദീപികാ ॥ 10 ॥
സുഗന്ധാവയവാ ചാരുരങ്ഗമങ്ഗലദീപികാ ।
ധ്വജവജ്രാങ്കുശാബ്ജാങ്കമൃദുപാദലതാഞ്ചിതാ ॥ 11 ॥
താരകാകാരനഖരാ പ്രവാലമൃദുലാങ്ഗുലീ ।
കൂര്മോപമേയപാദോര്ധ്വഭാഗാ ശോഭനപാര്ഷ്ണികാ ॥ 12 ॥
വേദാര്ഥഭാവതത്ത്വജ്ഞാ ലോകാരാധ്യാങ്ഘ്രിപങ്കജാ ।
ആനന്ദബുദ്ബുദാകാരസുഗുല്ഫാ പരമാണുകാ ॥ 13 ॥
തേജഃശ്രിയോജ്ജ്വലധൃതപാദാങ്ഗുലിസുഭൂഷിതാ ।
മീനകേതനതൂണീരചാരുജങ്ഘാവിരാജിതാ ॥ 14 ॥
കകുദ്വജ്ജാനുയുഗ്മാഢ്യാ സ്വര്ണരമ്ഭാഭസക്ഥികാ ।
വിശാലജഘനാ പീനസുശ്രോണീ മണിമേഖലാ ॥ 15 ॥
ആനന്ദസാഗരാവര്തഗമ്ഭീരാമ്ഭോജനാഭികാ ।
ഭാസ്വദ്വലിത്രികാ ചാരുജഗത്പൂര്ണമഹോദരീ ॥ 16 ॥
നവവല്ലീരോമരാജീ സുധാകുമ്ഭായിതസ്തനീ ।
കല്പമാലാനിഭഭുജാ ചന്ദ്രഖണ്ഡനഖാഞ്ചിതാ ॥ 17 ॥
സുപ്രവാശാങ്ഗുലീന്യസ്തമഹാരത്നാങ്ഗുലീയകാ ।
നവാരുണപ്രവാലാഭപാണിദേശസമഞ്ചിതാ ॥ 18 ॥
കമ്ബുകണ്ഠീ സുചുബുകാ ബിമ്ബോഷ്ഠീ കുന്ദദന്തയുക് ।
കാരുണ്യരസനിഷ്യന്ദനേത്രദ്വയസുശോഭിതാ ॥ 19 ॥
മുക്താശുചിസ്മിതാ ചാരുചാമ്പേയനിഭനാസികാ ।
ദര്പണാകാരവിപുലകപോലദ്വിതയാഞ്ചിതാ ॥ 20 ॥
അനന്താര്കപ്രകാശോദ്യന്മണിതാടങ്കശോഭിതാ ।
കോടിസൂര്യാഗ്നിസങ്കാശനാനാഭൂഷണഭൂഷിതാ ॥ 21 ॥
സുഗന്ധവദനാ സുഭ്രൂ അര്ധചന്ദ്രലലാടികാ ।
പൂര്ണചന്ദ്രാനനാ നീലകുടിലാലകശോഭിതാ ॥ 22 ॥
സൌന്ദര്യസീമാ വിലസത്കസ്തൂരീതിലകോജ്ജ്വലാ ।
ധഗദ്ധഗായമാനോദ്യന്മണിസീമന്തഭൂഷണാ ॥ 23 ॥
ജാജ്വല്യമാനസദ്രത്നദിവ്യചൂഡാവതംസകാ ।
സൂര്യാര്ധചന്ദ്രവിലസത് ഭൂഷണാഞ്ചിതവേണികാ ॥ 24 ॥
അത്യര്കാനലതേജോധിമണികഞ്ചുകധാരിണീ ।
സദ്രത്നാഞ്ചിതവിദ്യോതവിദ്യുത്കുഞ്ജാഭശാടികാ ॥ 25 ॥
നാനാമണിഗണാകീര്ണഹേമാങ്ഗദസുഭൂഷിതാ ।
കുങ്കുമാഗരുകസ്തൂരീദിവ്യചന്ദനചര്ചിതാ ॥ 26 ॥
സ്വോചിതൌജ്ജ്വല്യവിവിധവിചിത്രമണിഹാരിണീ ।
അസങ്ഖ്യേയസുഖസ്പര്ശസര്വാതിശയഭൂഷണാ ॥ 27 ॥
മല്ലികാപാരിജാതാദിദിവ്യപുഷ്പസ്രഗഞ്ചിതാ ।
ശ്രീരങ്ഗനിലയാ പൂജ്യാ ദിവ്യദേശസുശോഭിതാ ॥ 28 ॥
ഇതി ശ്രീഗോദാഷ്ടോത്തരശതനാമസ്തോത്രമ് ।
Roman (IAST) Transliteration
dhyānam |
śatamakhamaṇi nīlā cārukalhārahastā
stanabharanamitāṅgī sāndravātsalyasindhuḥ |
alakavinihitābhiḥ sragbhirākṛṣṭanāthā
vilasatu hṛdi godā viṣṇucittātmajā naḥ ||
atha stotram |
śrīraṅganāyakī godā viṣṇucittātmajā satī |
gopīveṣadharā devī bhūsutā bhogaśālinī || 1 ||
tulasīkānanodbhūtā śrīdhanvipuravāsinī |
bhaṭṭanāthapriyakarī śrīkṛṣṇahitabhoginī || 2 ||
āmuktamālyadā bālā raṅganāthapriyā parā |
viśvambharā kalālāpā yatirājasahodarī || 3 ||
kṛṣṇānuraktā subhagā sulabhaśrīḥ sulakṣaṇā |
lakṣmīpriyasakhī śyāmā dayāñcitadṛgañcalā || 4 ||
phalgunyāvirbhavā ramyā dhanurmāsakṛtavratā |
campakāśokapunnāgamālatīvilasatkacā || 5 ||
ākāratrayasampannā nārāyaṇapadāśritā |
śrīmadaṣṭākṣarīmantrarājasthitamanorathā || 6 ||
mokṣapradānanipuṇā manuratnādhidevatā |
brahmaṇyā lokajananī līlāmānuṣarūpiṇī || 7 ||
brahmajñānapradā māyā saccidānandavigrahā |
mahāpativratā viṣṇuguṇakīrtanalolupā || 8 ||
prapannārtiharā nityā vedasaudhavihāriṇī |
śrīraṅganāthamāṇikyamañjarī mañjubhāṣiṇī || 9 ||
padmapriyā padmahastā vedāntadvayabodhinī |
suprasannā bhagavatī śrījanārdanadīpikā || 10 ||
sugandhāvayavā cāruraṅgamaṅgaladīpikā |
dhvajavajrāṅkuśābjāṅkamṛdupādalatāñcitā || 11 ||
tārakākāranakharā pravālamṛdulāṅgulī |
kūrmopameyapādordhvabhāgā śobhanapārṣṇikā || 12 ||
vedārthabhāvatattvajñā lokārādhyāṅghripaṅkajā |
ānandabudbudākārasugulphā paramāṇukā || 13 ||
tejaḥśriyojjvaladhṛtapādāṅgulisubhūṣitā |
mīnaketanatūṇīracārujaṅghāvirājitā || 14 ||
kakudvajjānuyugmāḍhyā svarṇarambhābhasakthikā |
viśālajaghanā pīnasuśroṇī maṇimekhalā || 15 ||
ānandasāgarāvartagambhīrāmbhojanābhikā |
bhāsvadvalitrikā cārujagatpūrṇamahodarī || 16 ||
navavallīromarājī sudhākumbhāyitastanī |
kalpamālānibhabhujā candrakhaṇḍanakhāñcitā || 17 ||
supravāśāṅgulīnyastamahāratnāṅgulīyakā |
navāruṇapravālābhapāṇideśasamañcitā || 18 ||
kambukaṇṭhī sucubukā bimboṣṭhī kundadantayuk |
kāruṇyarasaniṣyandanetradvayasuśobhitā || 19 ||
muktāśucismitā cārucāmpeyanibhanāsikā |
darpaṇākāravipulakapoladvitayāñcitā || 20 ||
anantārkaprakāśodyanmaṇitāṭaṅkaśobhitā |
koṭisūryāgnisaṅkāśanānābhūṣaṇabhūṣitā || 21 ||
sugandhavadanā subhrū ardhacandralalāṭikā |
pūrṇacandrānanā nīlakuṭilālakaśobhitā || 22 ||
saundaryasīmā vilasatkastūrītilakojjvalā |
dhagaddhagāyamānodyanmaṇisīmantabhūṣaṇā || 23 ||
jājvalyamānasadratnadivyacūḍāvataṃsakā |
sūryārdhacandravilasat bhūṣaṇāñcitaveṇikā || 24 ||
atyarkānalatejodhimaṇikañcukadhāriṇī |
sadratnāñcitavidyotavidyutkuñjābhaśāṭikā || 25 ||
nānāmaṇigaṇākīrṇahemāṅgadasubhūṣitā |
kuṅkumāgarukastūrīdivyacandanacarcitā || 26 ||
svocitaujjvalyavividhavicitramaṇihāriṇī |
asaṅkhyeyasukhasparśasarvātiśayabhūṣaṇā || 27 ||
mallikāpārijātādidivyapuṣpasragañcitā |
śrīraṅganilayā pūjyā divyadeśasuśobhitā || 28 ||
iti śrīgodāṣṭottaraśatanāmastotram |
InfoLyter.in — Sacred Vedic Knowledge Portal · Free forever