Garbharakshambika Stotram

ॐ

ഗര്ഭരക്ഷാമ്ബികാ സ്തോത്രമ്

Devi Stotram Malayalam

ശ്രീമാധവീ കാനനസ്ഥേ ഗര്ഭരക്ഷാമ്ബികേ പാഹി ഭക്താം സ്തുവന്തീമ് ॥

വാപീതടേ വാമഭാഗേ

വാമദേവസ്യ ദേവസ്യ ദേവി സ്ഥിതാ ത്വമ് ।

മാന്യാ വരേണ്യാ വദാന്യാ

പാഹി ഗര്ഭസ്ഥജന്തൂന് തഥാ ഭക്തലോകാന് ॥ 1 ॥

ശ്രീമാധവീ കാനനസ്ഥേ ഗര്ഭരക്ഷാമ്ബികേ പാഹി ഭക്താം സ്തുവന്തീമ് ॥

ശ്രീഗര്ഭരക്ഷാപുരേ യാ

ദിവ്യസൌന്ദര്യയുക്താ സുമാങ്ഗല്യഗാത്രീ ।

ധാത്രീ ജനിത്രീ ജനാനാം

ദിവ്യരൂപാം ദയാര്ദ്രാം മനോജ്ഞാം ഭജേ ത്വാമ് ॥ 2 ॥

ശ്രീമാധവീ കാനനസ്ഥേ ഗര്ഭരക്ഷാമ്ബികേ പാഹി ഭക്താം സ്തുവന്തീമ് ॥

ആഷാഢമാസേ സുപുണ്യേ

ശുക്രവാരേ സുഗന്ധേന ഗന്ധേന ലിപ്താ ।

ദിവ്യാമ്ബരാകല്പവേഷാ

വാജപേയാദിയാഗസ്ഥഭക്തൈഃ സുദൃഷ്ടാ ॥ 3 ॥

ശ്രീമാധവീ കാനനസ്ഥേ ഗര്ഭരക്ഷാമ്ബികേ പാഹി ഭക്താം സ്തുവന്തീമ് ॥

കല്യാണദാത്രീം നമസ്യേ

വേദികാഢ്യസ്ത്രിയാ ഗര്ഭരക്ഷാകരീം ത്വാമ് ।

ബാലൈസ്സദാ സേവിതാങ്ഘ്രിം

ഗര്ഭരക്ഷാര്ഥമാരാദുപേതൈരുപേതാമ് ॥ 4 ॥

ശ്രീമാധവീ കാനനസ്ഥേ ഗര്ഭരക്ഷാമ്ബികേ പാഹി ഭക്താം സ്തുവന്തീമ് ॥

ബ്രഹ്മോത്സവേ വിപ്രവീഥ്യാം

വാദ്യഘോഷേണ തുഷ്ടാം രഥേ സന്നിവിഷ്ടാമ് ।

സര്വാര്ഥദാത്രീം ഭജേഽഹം

ദേവവൃന്ദൈരപീഡ്യാം ജഗന്മാതരം ത്വാമ് ॥ 5 ॥

ശ്രീമാധവീ കാനനസ്ഥേ ഗര്ഭരക്ഷാമ്ബികേ പാഹി ഭക്താം സ്തുവന്തീമ് ॥

ഏതത് കൃതം സ്തോത്രരത്നം

ദീക്ഷിതാനന്തരാമേണ ദേവ്യാശ്ച തുഷ്ട്യൈ ।

നിത്യം പഠേദ്യസ്തു ഭക്ത്യാ

പുത്രപൌത്രാദി ഭാഗ്യം ഭവേത്തസ്യ നിത്യമ് ॥ 6 ॥

ശ്രീമാധവീ കാനനസ്ഥേ ഗര്ഭരക്ഷാമ്ബികേ പാഹി ഭക്താം സ്തുവന്തീമ് ॥

ഇതി ശ്രീഅനന്തരാമദീക്ഷിതവര്യ വിരചിതം ഗര്ഭരക്ഷാമ്ബികാ സ്തോത്രമ് ॥

Roman (IAST) Transliteration