📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ബ്രഹ്മജ്ഞാനാവലീമാലാ
Brahmajnanavalimala
Adi Shankaracharya Malayalam
സകൃച്ഛ്രവണമാത്രേണ ബ്രഹ്മജ്ഞാനം യതോ ഭവേത് ।
ബ്രഹ്മജ്ഞാനാവലീമാലാ സര്വേഷാം മോക്ഷസിദ്ധയേ ॥ 1॥
അസങ്ഗോഽഹമസങ്ഗോഽഹമസങ്ഗോഽഹം പുനഃ പുനഃ ।
സച്ചിദാനന്ദരൂപോഽഹമഹമേവാഹമവ്യയഃ ॥ 2॥
നിത്യശുദ്ധവിമുക്തോഽഹം നിരാകാരോഽഹമവ്യയഃ ।
ഭൂമാനന്ദസ്വരൂപോഽഹമഹമേവാഹമവ്യയഃ ॥ 3॥
നിത്യോഽഹം നിരവദ്യോഽഹം നിരാകാരോഽഹമുച്യതേ ।
പരമാനന്ദരൂപോഽഹമഹമേവാഹമവ്യയഃ ॥ 4॥
ശുദ്ധചൈതന്യരൂപോഽഹമാത്മാരാമോഽഹമേവ ച ।
അഖണ്ഡാനന്ദരൂപോഽഹമഹമേവാഹമവ്യയഃ ॥ 5॥
പ്രത്യക്ചൈതന്യരൂപോഽഹം ശാന്തോഽഹം പ്രകൃതേഃ പരഃ ।
ശാശ്വതാനന്ദരൂപോഽഹമഹമേവാഹമവ്യയഃ ॥ 6॥
തത്ത്വാതീതഃ പരാത്മാഹം മധ്യാതീതഃ പരഃ ശിവഃ ।
മായാതീതഃ പരഞ്ജ്യോതിരഹമേവാഹമവ്യയഃ ॥ 7॥
നാനാരൂപവ്യതീതോഽഹം ചിദാകാരോഽഹമച്യുതഃ ।
സുഖരൂപസ്വരൂപോഽഹമഹമേവാഹമവ്യയഃ ॥ 8॥
മായാതത്കാര്യദേഹാദി മമ നാസ്ത്യേവ സര്വദാ ।
സ്വപ്രകാശൈകരൂപോഽഹമഹമേവാഹമവ്യയഃ ॥ 9॥
ഗുണത്രയവ്യതീതോഽഹം ബ്രഹ്മാദീനാം ച സാക്ഷ്യഹമ് ।
അനന്താനന്തരൂപോഽഹമഹമേവാഹമവ്യയഃ ॥ 10॥
അന്തര്യാമിസ്വരൂപോഽഹം കൂടസ്ഥഃ സര്വഗോഽസ്മ്യഹമ് ।
പരമാത്മസ്വരൂപോഽഹമഹമേവാഹമവ്യയഃ ॥ 11॥
നിഷ്കലോഽഹം നിഷ്ക്രിയോഽഹം സര്വാത്മാദ്യഃ സനാതനഃ ।
അപരോക്ഷസ്വരൂപോഽഹമഹമേവാഹമവ്യയഃ ॥ 12॥
ദ്വന്ദ്വാദിസാക്ഷിരൂപോഽഹമചലോഽഹം സനാതനഃ ।
സര്വസാക്ഷിസ്വരൂപോഽഹമഹമേവാഹമവ്യയഃ ॥ 13॥
പ്രജ്ഞാനഘന ഏവാഹം വിജ്ഞാനഘന ഏവ ച ।
അകര്താഹമഭോക്താഹമഹമേവാഹമവ്യയഃ ॥ 14॥
നിരാധാരസ്വരൂപോഽഹം സര്വാധാരോഽഹമേവ ച ।
ആപ്തകാമസ്വരൂപോഽഹമഹമേവാഹമവ്യയഃ ॥ 15॥
താപത്രയവിനിര്മുക്തോ ദേഹത്രയവിലക്ഷണഃ ।
അവസ്ഥാത്രയസാക്ഷ്യസ്മി ചാഹമേവാഹമവ്യയഃ ॥ 16॥
ദൃഗ്ദൃശ്യൌ ദ്വൌ പദാര്ഥൌ സ്തഃ പരസ്പരവിലക്ഷണൌ ।
ദൃഗ്ബ്രഹ്മ ദൃശ്യം മായേതി സര്വവേദാന്തഡിണ്ഡിമഃ ॥ 17॥
അഹം സാക്ഷീതി യോ വിദ്യാദ്വിവിച്യൈവം പുനഃ പുനഃ ।
സ ഏവ മുക്തഃ സോ വിദ്വാനിതി വേദാന്തഡിണ്ഡിമഃ ॥ 18॥
ഘടകുഡ്യാദികം സര്വം മൃത്തികാമാത്രമേവ ച ।
തദ്വദ്ബ്രഹ്മ ജഗത്സര്വമിതി വേദാന്തഡിണ്ഡിമഃ ॥ 19॥
ബ്രഹ്മ സത്യം ജഗന്മിഥ്യാ ജീവോ ബ്രഹ്മൈവ നാപരഃ ।
അനേന വേദ്യം സച്ഛാസ്ത്രമിതി വേദാന്തഡിണ്ഡിമഃ ॥ 20॥
അന്തര്ജ്യോതിര്ബഹിര്ജ്യോതിഃ പ്രത്യഗ്ജ്യോതിഃ പരാത്പരഃ ।
ജ്യോതിര്ജ്യോതിഃ സ്വയഞ്ജ്യോതിരാത്മജ്യോതിഃ ശിവോഽസ്മ്യഹമ് ॥ 21॥
ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൌ
ബ്രഹ്മജ്ഞാനാവലീമാലാ സമ്പൂര്ണാ ॥
Roman (IAST) Transliteration
sakṛcchravaṇamātreṇa brahmajñānaṃ yato bhavet |
brahmajñānāvalīmālā sarveṣāṃ mokṣasiddhaye || 1||
asaṅgo'hamasaṅgo'hamasaṅgo'haṃ punaḥ punaḥ |
saccidānandarūpo'hamahamevāhamavyayaḥ || 2||
nityaśuddhavimukto'haṃ nirākāro'hamavyayaḥ |
bhūmānandasvarūpo'hamahamevāhamavyayaḥ || 3||
nityo'haṃ niravadyo'haṃ nirākāro'hamucyate |
paramānandarūpo'hamahamevāhamavyayaḥ || 4||
śuddhacaitanyarūpo'hamātmārāmo'hameva ca |
akhaṇḍānandarūpo'hamahamevāhamavyayaḥ || 5||
pratyakcaitanyarūpo'haṃ śānto'haṃ prakṛteḥ paraḥ |
śāśvatānandarūpo'hamahamevāhamavyayaḥ || 6||
tattvātītaḥ parātmāhaṃ madhyātītaḥ paraḥ śivaḥ |
māyātītaḥ parañjyotirahamevāhamavyayaḥ || 7||
nānārūpavyatīto'haṃ cidākāro'hamacyutaḥ |
sukharūpasvarūpo'hamahamevāhamavyayaḥ || 8||
māyātatkāryadehādi mama nāstyeva sarvadā |
svaprakāśaikarūpo'hamahamevāhamavyayaḥ || 9||
guṇatrayavyatīto'haṃ brahmādīnāṃ ca sākṣyaham |
anantānantarūpo'hamahamevāhamavyayaḥ || 10||
antaryāmisvarūpo'haṃ kūṭasthaḥ sarvago'smyaham |
paramātmasvarūpo'hamahamevāhamavyayaḥ || 11||
niṣkalo'haṃ niṣkriyo'haṃ sarvātmādyaḥ sanātanaḥ |
aparokṣasvarūpo'hamahamevāhamavyayaḥ || 12||
dvandvādisākṣirūpo'hamacalo'haṃ sanātanaḥ |
sarvasākṣisvarūpo'hamahamevāhamavyayaḥ || 13||
prajñānaghana evāhaṃ vijñānaghana eva ca |
akartāhamabhoktāhamahamevāhamavyayaḥ || 14||
nirādhārasvarūpo'haṃ sarvādhāro'hameva ca |
āptakāmasvarūpo'hamahamevāhamavyayaḥ || 15||
tāpatrayavinirmukto dehatrayavilakṣaṇaḥ |
avasthātrayasākṣyasmi cāhamevāhamavyayaḥ || 16||
dṛgdṛśyau dvau padārthau staḥ parasparavilakṣaṇau |
dṛgbrahma dṛśyaṃ māyeti sarvavedāntaḍiṇḍimaḥ || 17||
ahaṃ sākṣīti yo vidyādvivicyaivaṃ punaḥ punaḥ |
sa eva muktaḥ so vidvāniti vedāntaḍiṇḍimaḥ || 18||
ghaṭakuḍyādikaṃ sarvaṃ mṛttikāmātrameva ca |
tadvadbrahma jagatsarvamiti vedāntaḍiṇḍimaḥ || 19||
brahma satyaṃ jaganmithyā jīvo brahmaiva nāparaḥ |
anena vedyaṃ sacchāstramiti vedāntaḍiṇḍimaḥ || 20||
antarjyotirbahirjyotiḥ pratyagjyotiḥ parātparaḥ |
jyotirjyotiḥ svayañjyotirātmajyotiḥ śivo'smyaham || 21||
iti śrīmatparamahaṃsaparivrājakācāryasya
śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau
brahmajñānāvalīmālā sampūrṇā ||
InfoLyter.in — Sacred Vedic Knowledge Portal · Free forever