📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ഭൂതനാഥ ദശകമ്
Bhutanatha Dashakam
Malayalam
പാണ്ഡ്യഭൂപതീന്ദ്രപൂര്വപുണ്യമോഹനാകൃതേ
പണ്ഡിതാര്ചിതാങ്ഘ്രിപുണ്ഡരീക പാവനാകൃതേ ।
പൂര്ണചന്ദ്രതുണ്ഡവേത്രദണ്ഡവീര്യവാരിധേ
പൂര്ണപുഷ്കലാസമേത ഭൂതനാഥ പാഹി മാമ് ॥ 1 ॥
ആദിശങ്കരാച്യുതപ്രിയാത്മസമ്ഭവ പ്രഭോ
ആദിഭൂതനാഥ സാധുഭക്തചിന്തിതപ്രദ ।
ഭൂതിഭൂഷ വേദഘോഷപാരിതോഷ ശാശ്വത
പൂര്ണപുഷ്കലാസമേത ഭൂതനാഥ പാഹി മാമ് ॥ 2 ॥
പഞ്ചബാണകോടികോമലാകൃതേ കൃപാനിധേ
പഞ്ചഗവ്യപായസാന്നപാനകാദിമോദക ।
പഞ്ചഭൂതസഞ്ചയ പ്രപഞ്ചഭൂതപാലക
പൂര്ണപുഷ്കലാസമേത ഭൂതനാഥ പാഹി മാമ് ॥ 3 ॥
ചന്ദ്രസൂര്യവീതിഹോത്രനേത്ര നേത്രമോഹന
സാന്ദ്രസുന്ദരസ്മിതാര്ദ്ര കേസരീന്ദ്രവാഹന ।
ഇന്ദ്രവന്ദനീയപാദ സാധുവൃന്ദജീവന
പൂര്ണപുഷ്കലാസമേത ഭൂതനാഥ പാഹി മാമ് ॥ 4 ॥
വീരബാഹുവര്ണനീയവീര്യശൌര്യവാരിധേ
വാരിജാസനാദിദേവവന്ദ്യ സുന്ദരാകൃതേ ।
വാരണേന്ദ്രവാജിസിംഹവാഹ ഭക്തശേവധേ
പൂര്ണപുഷ്കലാസമേത ഭൂതനാഥ പാഹി മാമ് ॥ 5 ॥
അത്യുദാരഭക്തചിത്തരങ്ഗനര്തനപ്രഭോ
നിത്യശുദ്ധനിര്മലാദ്വിതീയ ധര്മപാലക ।
സത്യരൂപ മുക്തിരൂപ സര്വദേവതാത്മക
പൂര്ണപുഷ്കലാസമേത ഭൂതനാഥ പാഹി മാമ് ॥ 6 ॥
സാമഗാനലോല ശാന്തശീല ധര്മപാലക
സോമസുന്ദരാസ്യ സാധുപൂജനീയപാദുക ।
സാമദാനഭേദദണ്ഡശാസ്ത്രനീതിബോധക
പൂര്ണപുഷ്കലസമേത ഭൂതനാഥ പാഹി മാമ് ॥ 7 ॥
സുപ്രസന്നദേവദേവ സദ്ഗതിപ്രദായക
ചിത്പ്രകാശ ധര്മപാല സര്വഭൂതനായക ।
സുപ്രസിദ്ധ പഞ്ചശൈലസന്നികേതനര്തക
പൂര്ണപുഷ്കലാസമേത ഭൂതനാഥ പാഹി മാമ് ॥ 8 ॥
ശൂലചാപബാണഖഡ്ഗവജ്രശക്തിശോഭിത
ബാലസൂര്യകോടിഭാസുരാങ്ഗ ഭൂതസേവിത ।
കാലചക്ര സമ്പ്രവൃത്തി കല്പനാ സമന്വിത
പൂര്ണപുഷ്കലാസമേത ഭൂതനാഥ പാഹി മാമ് ॥ 9 ॥
അദ്ഭുതാത്മബോധസത്സനാതനോപദേശക
ബുദ്ബുദോപമപ്രപഞ്ചവിഭ്രമപ്രകാശക ।
സപ്രഥപ്രഗല്ഭചിത്പ്രകാശ ദിവ്യദേശിക
പൂര്ണപുഷ്കലാസമേത ഭൂതനാഥ പാഹി മാമ് ॥ 10 ॥
ഇതി ശ്രീ ഭൂതനാഥ ദശകമ് ।
Roman (IAST) Transliteration
pāṇḍyabhūpatīndrapūrvapuṇyamohanākṛte
paṇḍitārcitāṅghripuṇḍarīka pāvanākṛte |
pūrṇacandratuṇḍavetradaṇḍavīryavāridhe
pūrṇapuṣkalāsameta bhūtanātha pāhi mām || 1 ||
ādiśaṅkarācyutapriyātmasambhava prabho
ādibhūtanātha sādhubhaktacintitaprada |
bhūtibhūṣa vedaghoṣapāritoṣa śāśvata
pūrṇapuṣkalāsameta bhūtanātha pāhi mām || 2 ||
pañcabāṇakoṭikomalākṛte kṛpānidhe
pañcagavyapāyasānnapānakādimodaka |
pañcabhūtasañcaya prapañcabhūtapālaka
pūrṇapuṣkalāsameta bhūtanātha pāhi mām || 3 ||
candrasūryavītihotranetra netramohana
sāndrasundarasmitārdra kesarīndravāhana |
indravandanīyapāda sādhuvṛndajīvana
pūrṇapuṣkalāsameta bhūtanātha pāhi mām || 4 ||
vīrabāhuvarṇanīyavīryaśauryavāridhe
vārijāsanādidevavandya sundarākṛte |
vāraṇendravājisiṃhavāha bhaktaśevadhe
pūrṇapuṣkalāsameta bhūtanātha pāhi mām || 5 ||
atyudārabhaktacittaraṅganartanaprabho
nityaśuddhanirmalādvitīya dharmapālaka |
satyarūpa muktirūpa sarvadevatātmaka
pūrṇapuṣkalāsameta bhūtanātha pāhi mām || 6 ||
sāmagānalola śāntaśīla dharmapālaka
somasundarāsya sādhupūjanīyapāduka |
sāmadānabhedadaṇḍaśāstranītibodhaka
pūrṇapuṣkalasameta bhūtanātha pāhi mām || 7 ||
suprasannadevadeva sadgatipradāyaka
citprakāśa dharmapāla sarvabhūtanāyaka |
suprasiddha pañcaśailasanniketanartaka
pūrṇapuṣkalāsameta bhūtanātha pāhi mām || 8 ||
śūlacāpabāṇakhaḍgavajraśaktiśobhita
bālasūryakoṭibhāsurāṅga bhūtasevita |
kālacakra sampravṛtti kalpanā samanvita
pūrṇapuṣkalāsameta bhūtanātha pāhi mām || 9 ||
adbhutātmabodhasatsanātanopadeśaka
budbudopamaprapañcavibhramaprakāśaka |
saprathapragalbhacitprakāśa divyadeśika
pūrṇapuṣkalāsameta bhūtanātha pāhi mām || 10 ||
iti śrī bhūtanātha daśakam |
InfoLyter.in — Sacred Vedic Knowledge Portal · Free forever